Author: Ardiana Jashari

Mëngjesin e të martes e nisi në lagjen Muharrem Fejza, duke premtuar se gjatë mandatit të tij të dytë, Përparim Rama i LDK-së, do të vazhdojë ta transformojë edhe më tëj këtë lagje.

Poashtu Rama tregoi se Prishtina tashmë e ka formuar edhe fondin emergjent për sic tha gjëra emergjente të kryeqytetit.

Edhe Gazmend Muhaxhiri që po synon një mandat tjetër pasi zhvilloi takime me banorë të Vitomericës e Katundit të Ri, tha se fjalën do ta mbajë për cdo premtim.

Peshë të jashtëzakonshme në qeverisjen e tij do të kenë gratë, thotë kandidati për Gjilanin, Arbër Ismajli, gjatë takimit me forumin e Gruas në këtë komunë.

Planin për Bollovanin, e ka prezantuar pretendenti edhe për një mandat në krye të Istogut, Ilir Ferati.

Se do të punojë për të gjithë pa dallim dhe se asnjë zonë e Mitrovicës nuk do të harrohet, premtoi gjatë të martes nga Melenica, kandidati për kryetar Gëzim Plakolli.

Ndërkaq mbështetje për të rinjtë ka premtuar kandidati i Podujevës, Ekrem Hyseni.

Takime me përfaqësuesit e shoqatës së Bjeshkatarëve të Prizrenit ka zhvilluar kandidati, Driton Selmanaj. Sipas tij LDK-ja në krye të kësaj komunë do ta sjellë ndryshimin.

Votë për kryetar të Ferizajt po kërkon Visar Azemi. Ai ka vazhduar të takojë banorë të fshatrave të ndryshme ku mes tjerash po shpalos edhe programin e tij.

Duke prezantuar projektet sic thotë ai të realizuara, Sokol Haliti po kërkon përkrahje edhe për një mandat tjetër duke specifikuar se transformimi i Komunës do të vazhdoj edhe më tej.

Edhe për një mandat tjetër në krye të Junikut po kandidon Ruzhdi Shehu. Në ditën e 25-të të fushatës zgjedhore, ai tha se Juniku e ka vazhduar partneritetin me CiViTAS, e që do të vazhdojë të përfitojë në shumë fusha.

Për më shumë detaje ndiqni videon më poshtë.

Që në muajin e parë të mandatit, kandidati për kryeqytetin Bekë Berisha nga Aleanca për Ardhmërinë e Kosovës premtoi subvencionim për dy vite për bizneset.

Një biznes tjetër gjatë ditës vendosi ta vizitojë kandidati qw pretendon ta udhëheqë Gjilanin, Nazim Gagica.

Ai premtoi se në krye të Gjilanit do të angazhohet për të mbështetur bizneset prodhuese për të hapur vende të reja pune dhe për ta kthyer Gjilanin në qendër të prodhimit dhe eksportit në Lindje të Kosovës.

Kandidati për kryetar të Drenasit, Beqir Kiqina i shkoi në vizitë Shoqatës Handikos.

Ai u garantoi se me qeverisjen e tij do të punoj që në gjithë qytetin të ketë pjerrina për lëvizje të lirë dhe të sigurt për çdo qytetar, vend parkime të dedikuara, asistencë personale dhe mbështetje në jetën e përditshme si dhe mundësi reale për arsimim dhe punësim inkluziv.

Në oborrin e shkollës e cila mban emrin e tij, u bë përurimi i Bustit të Heroit, Yll Morina. I pranishëm në ceremoni ishte kryetari aktual i Gjakovës, Ardian Gjini pretendent edhe për një mandat tjetër.

Me përulësi nderojmë figurën e Yll Morinës, I cili u bë dritë në rrugën e Kosovës e drejt lirisë e pavarësi si dhe frymëzim për brezat që vijnë tha ndër të tjera Gjini.

I bindur se do ta rikthej Pejën ishte gjatë ditës kandidati për kryetar të Pejës, Ali Berisha.

E, Tubimin qendror me qytetarët pak ditë para zgjedhjeve mbajti kandidiati për Suharekën, Bali Muharremaj.

Për më shumë detaje ndiqni videon më poshtë.

Komuna e Prishtinës është në gjendjen ekonomike më të keqe që ka qenë ndonjëherë, ka deklaruar Mentor Buzhala në emisionin “CONTEXT” në ATV.

Sipas Buzhalës, komuna ka rreth 70 milionë euro borxh.

“Për me ilustru këtë, unë po t’i jap shifrat e Prishtinës si askund tjetër. Komuna e Prishtinës kemi thënë që është transparente, të paktën në disa raporte financiare, por lejet e ndërtimit është duke i fshehur. Që 4 muaj nuk i ka publikuar,” tha Buzhala.

Gjatë së martës, komuna ka publikuar raportin për shpenzimet financiare për muajin shtator, por sipas gazetarit Buzhala, raporti është për keqardhje.

“Në raport marrin pjesë të gjitha drejtoritë e komunës dhe të gjitha shpenzimet që janë aty. Dy-tre vende janë shpenzime telefonike, për udhëtime, kurse të tjerat për shërbime gjyqësore, që i bie se të gjitha mjetet i ka përbi përmbaruesi,” shtoi Buzhala.

Për më shumë detaje ndiqni videon më poshtë.

Prishtina është ende në një zonë ku një pjesë e votuesve janë ende të papërcaktuar, kështu deklaroi Fitim Mulolli në emisionin “CONTEXT” në ATV.

“Prishtina është ende në një zonë ku një pjesë është e papërcaktuar. Deri të shtunën në mbrëmje është garë kryesisht për vendin e dytë,” tha Mulolli.

Sipas Mulollit, edhe këtë vit sondazhet po tregojnë se Lëvizja Vetëvendosje nuk qëndron mirë në nivelin lokal.

“E kemi parë tradicionalisht që LVV ka dalë mirë në nivel qendror, por në nivel lokal gjithmonë i janë ‘zhdukur’ nja 20 mijë votues, që anketat aktuale po tregojnë se edhe tani është njëjtë,” deklaroi Mulolli.

Për më shumë detaje ndiqni videon më poshtë.

Vetëm edhe 5 ditë na ndajnë nga dita kur qytetarët do t’i drejtohen kutive të votimit për të zgjedhur kryetarin e komunës së tyre.

Pritet që pas 12 tetorit disa komuna do të shkojnë në balotazh.Komuna e Prishtinës do të shkojë në balotazh sipas analistit politik Lavdim Hamiti.

“Për Prishtinën po e nxjerrin në sondazhe Përparim Ramën të parin, i dyti është Hajrullah Çeku, por distanca mes Çekut dhe Uran Ismailit nga PDK-ja është shumë e vogël dhe nëse performon Ismaili mirë deri të shtunën do të shkojë në balotazh me Ramën,” tha Hamiti.

Sipas Hamitit edhe Gjilani, Fushë Kosova, Prizreni e Mitrovica e Jugut etj.

Ndërkaq komunat të cilat nuk pritet të shkojnë në balotazh pas zgjedhjeve të 12 tetorit sipas Hamitit janë: Peja, Juniku, Istogu, Skenderaj, Ferizaj etj.

Për më shumë detaje ndiqni videon më poshtë.

Në këto 21 ditë fushate elektorale për zgjedhjet e 12 tetorit, është vërejtuar mungesë e theksuar e pjesëmarrjes në përballje publike të kandidatëve për kryetarë komune, veçanërisht të atyre që aktualisht mbajnë postin e kryetarit.

Njohësit vlerësojnë se kjo sjellje tregon se në Kosovë nuk ka kulturë të mirëfilltë politike.

Analisti politik Lavdim Hamiti, madje beson se bazuar në të kaluarën, kjo do t’iu kthehet kundër në ditën e votimit.

“Ka qenë rasti i Isa Mustafës, i cili pati një deklaratë të famshme ‘e mund Shpend Ahmetin me duar në xhepa’. Por kjo iu hakmor në zgjedhje dhe e humbi Prishtinën. Kështu besoj se do të ndodhë edhe me shumicën e kryetarëve që po refuzojnë të dalin dhe të ballafaqohen me kundër kandidatet,” tha Hamiti.

Hamiti shtoi se disa prej tyre kanë bërë kalkulime se do të shkojnë në balotazh dhe ballafaqimin me një kundërkandidat do ta kenë më të lehtë në raundin e dytë.

Për Mentor Buzhalën shmangin po e bëjnë kandidatë të cilët besojnë se janë në avantazh.

“Së pari, ata besojnë se janë në avantazh dhe nuk duan të rrezikojnë ndonjë gafë apo pyetje të papërshtatshme që mund t’i përballen nga moderatori. Një shembull praktik është që, kur pas dy ballafaqimeve në mediat tona kandidatët vendosin të mos shfaqen duke llogaritur se çdo debat i ri ua shton rrezikun për faktin që të mos humbasin asgjë, sesa të fitojnë diçka të vogël,” deklaroi Buzhala.

Sipas Buzhalës kjo sjellje nuk do të mbetet pa pasoja, meqë shumë votues do ta interpretojnë si frikë nga përballja dhe mungesë llogaridhënie.

Në zgjedhjet lokale, për kryetarë të komunave garojnë 206 kandidatë, ndërkaq për anëtar të Kuvendeve Komunale më shumë se 5,400.

8 kandidatë nga 206 gjithsej në garën për kryetarë komunash kanë probleme me ligjin, sipas një raporti të publikuar nga Instituti i Kosovës për Drejtësi.

Vlerësimin dhe verifikimin e kandidatëve, si dhe certifikimin e tyre, e ka bërë Zyra Ligjore e Komisionit Qendror të Zgjedhjeve.

Megjithatë, sipas Flamur Kabashit nga IKD, kandidimi u ndalohet personave të dënuar në tri vitet e fundit.

“Duhet pasur parasysh dhe sqaruar se, aktualisht, sipas dispozitave ligjore, ekziston kufizimi që ndalon kandidimin, sepse kandidati është i papërshtatshëm për të pasur të drejtën e kandidimit nëse është i dënuar në tri vitet e fundit me vendim të formës së prerë nga gjykata, pavarësisht dënimit që ka marrë,” deklaroi Kabashi.

Sipas tij, megjithatë ka progres në këtë drejtim, pasi këtë vit ka më pak kandidatë me të kaluar penale në krahasim me zgjedhjet e kaluara.

Për më shumë detaje, ndiqni videon më poshtë.

Një edukatore në Pejë është arrestuar sot nën dyshimet se ka keqtrajtuar një fëmijë.

Në një lidhje direkte në emisionin “COMPASS” në ATV, zëdhënësi i Prokurorisë Themelore të Pejës, Shkodran Nikçi, konfirmoi rastin.

“Dyshohet se është ushtruar dhunë ndaj një fëmije të moshës së ndjeshme, konkretisht 2-vjeçare. Në këtë rast, edukatorja e kopshtit fillimisht është intervistuar nga Policia e Kosovës, ndërkaq me urdhër të prokurorit të shtetit është ndaluar për 48 orë,” tha Nikçi.

Rasti fillimisht është raportuar nga prindërit e fëmijës, të cilët kishin dyshime për keqtrajtim.

Mirëpo, pas sigurimit të incizimeve, prokuroria ka hasur në dhunë fizike.

Sipas zëdhënësit të prokurorisë në Pejë, brenda afatit ligjor, prokurori i shtetit do të paraqesë kërkesë për të siguruar praninë e të pandehurës në procedurë penale.

Për më shumë detaje, ndiqni videon më poshtë.