Author: Ardiana Jashari

Anton Shala, kandidati i Partisë Shqiptare Demokristiane të Kosovës për kryetar të Komunës së Gjakovës, ka prezantuar planprogramin e tij qeverisës, me fokus të veçantë në zhvillimin ekonomik të komunës.

“Zhvillimi ekonomik është një mundësi dhe potencial real për Gjakovën, falë resurseve natyrore që i posedon. Do të punojmë për të krijuar mundësi reale investimi dhe promovimi në sektorin e turizmit, si dhe për përmirësimin e shërbimeve publike,” deklaroi Shala.

Ai theksoi se një nga prioritetet e qeverisjes së tij do të jetë edhe trajtim më i mirë i ujërave të zeza, përmirësimi i arsimit, shëndetësisë dhe kulturës në nivel lokal.

Shala premtoi gjithashtu se buxheti për bujqësinë do të dyfishohet, si një mënyrë për të mbështetur fermerët lokalë dhe për të nxitur zhvillimin rural.

“Do të hapim një zyrë të veçantë me dy të punësuar, ku do të ofrojmë asistencë të dedikuar për bizneset e vogla dhe për fermerët,” shtoi kandidati i PSHDK-së.

Për më shumë detaje, ndiqni videon më poshtë.

Kandidati i Partisë Demokratike të Kosovës për kryetar të Komunës së Gjakovës, Evri Shabani, ka theksuar se sektori i arsimit do të jetë prioriteti kryesor në mandatin e tij, nëse merr besimin e qytetarëve.

“Do të realizojmë mësimin tërësor ditor për të zgjidhur problemin e klasave të kombinuara dhe numrit të vogël të nxënësve. Do të japim bursa për nxënës dhe studentë në fushat deficitare, për të nxitur profesionet e së ardhmes,” tha Shabani.

Ai shtoi se, do të organizojë edhe tri shkolla verore për zhvillimin e aftësive shtesë jashtë sistemit formal të shkollimit.

Në fokus të programit të tij është edhe shëndetësia dhe mirëqenia sociale.

Shabani premtoi se, nëse zgjidhet kryetar, do të angazhohet që qendrat e mjekësisë familjare të punojnë 24 orë në disa fshatra, për të siguruar qasje më të lehtë në shërbime shëndetësore për banorët.

“Do të mundohemi që në Dushkajë, Rekë të Mirë, Rekë të Keqe dhe në Has, qytetarët të kenë qasje më të lehtë në mjekësinë familjare,” tha ai.

Një tjetër premtim i Shabanit është ndërtimi i 50 njësive të reja banimi për rastet sociale.

Për më shumë detaje, ndiqni videon më poshtë.

Kandidati i Lidhjes Demokratike të Kosovës për Komunën e Gjakovës, Shefqet Shehu, ka deklaruar se prioriteti i tij kryesor është finalizimi i Parkut të Biznesit.

“Do të përkushtohem me gjithë qenien time që Parku i Biznesit të bëhet realitet. Aty duhet të vendosen të gjitha kompanitë, jo vetëm ato gjakovare, por fillimisht duke u dhënë përparësi atyre kompanive që merren me prodhim, përpunim dhe shërbime të tjera,” tha Shehu.

Sipas tij, Gjakova ka nevojë edhe për ndërtimin e një sheshi të ri.

“Gjakova ka nevojë për një shesh që nuk e ndalon lëvizjen dhe që do të shfrytëzohet vetëm për raste të veçanta,” shtoi ai.

Një tjetër projekt i rëndësishëm që Shehu synon të realizojë, nëse fiton zgjedhjet e 12 tetorit, është vendosja e paneleve diellore në të gjitha ambientet publike.

“Panelet diellore janë një përparësi që ka Gjakova, dhe me këtë rast do të fokusohemi që të gjitha ambientet publike të furnizohen me energji solare,” tha Shehu.

Përveç kësaj, kandidati i LDK-së premtoi edhe blerjen e 6 autobusëve elektrikë, të cilët do të furnizohen me energji diellore.

Për më shumë detaje, ndiqni videon më poshtë.

27 autobusë planifikohen të blihen në vitin 2027 kandidati për një mandat të ri në krye të Komunës së Gjakovës, Ardian Gjini.

Sipas Gjinit, pas finalizimit të projektit për trafikun urban në qytet, do të ketë edhe kategori qytetarësh që do të përfitojnë nga lirimi nga pagesa.

“Nxënësit, pensionistët, personat me aftësi të kufizuara, invalidët e luftës dhe kategori të tjera do të jenë të liruar nga pagesa”, deklaroi Gjini.

Një tjetër projekt i rëndësishëm që ai përmendi është ndërtimi i impianteve për trajtimin e ujërave të zeza në fshatrat e Gjakovës. Ky projekt pritet t’i kushtojë Komunës rreth 15 milionë euro.

Për më shumë detaje, ndiqni videon më poshtë.

Kandidati i përbashkët i subjekteve politike për komunën me shumicë serbe, Graçanicën, Leutrim Ajeti nga “Aleanca Shqiptare”, ka deklaruar në emisionin Compass se përkrahja e tij nga partitë politike është tregues i një niveli të lartë të pjekurisë politike.

“Një nivel i lartë i pjekurisë politike është treguar nga politikanët në nivelin lokal,” u shpreh Ajeti, duke vlerësuar konsensusin e arritur mes partive për këtë nismë të rëndësishme.

Sipas tij, ndryshe nga e kaluara, ku shpeshherë ka pasur kundërshtime ndaj iniciativave të tilla, këtë herë ka pasur unitet të plotë ndërmjet subjekteve politike.

“Kjo ka qenë një tentativë më e hershme. Në iniciativat e kaluara gjithmonë një subjekt politik e ka kundërshtuar. Por që nga viti 2017, kur kemi tentuar përsëri, këtë herë nuk ka kundërshtuar askush.” tha Ajeti.

Ajeti theksoi se çdo subjekt politik ka dërguar nga një anëtar, dhe se trupi është formuar me katër anëtarë nga partitë politike, ndërsa pjesa tjetër përbëhet nga profesionistë të fushave përkatëse.

Për më shumë detaje, ndiqni videon më poshtë.

Kandidati për kryetar të Prishtinës, nga radhët e Lëvizjes Vetëvendosje, Hajrulla Çeku, në programin e tij qeverisës synon përmirësim të kushteve infrastrukturore dhe themelim të një njësie të veçantë komunale për të adresuar dhe zgjidhur problemet e qytetarëve me nevoja të veçanta.

Para vizitës në HANDIKOS, Çeku pati takim me prindër, duke premtuar mësim dual dhe tërëditor në shkolla, siç tha, për një arsim që lidh dijen me tregun e punës dhe u jep të rinjve mundësi reale zhvillimi.

Gjatë të martës, takime pati edhe me disa organizata të arsimit, të cilave u premtoi që çdo shkollë të ketë kushte të dinjitetshme, nga mensat e deri te psikologët dhe logopedët.
Infrastrukturës bazë, si trotuare e sistem të menaxhimit të ujërave të zeza, premtoi Faton Peci nga Suhodolli i Mitrovicës.

Transformime premtoi nga Shtimja edhe Qemajl Aliu.

Si projekte transformuese, e përmendi Ballkonin Panoramë, përmes së cilit synon që Kodra e Rinisë do bëhet me hapësira gjelbëruese rekreative.

Se Subvencionet do të ndahen me meritokraci dhe transparencë, nën mbikëqyrjen e komunës, e thotw kandidati pwr kryetar tw Gjakovws, Ardian Gola.

Gjatë ditës, kompani të shërbimeve digjitale vizitoi kandidati për kryetar të Ferizajt, Enver Haliti.

Nga aty, Haliti tha se në programin qeverisës ka paraparë Tech Parkun dhe Qendrën Studimore “The HUB” një objekt modern, i dedikuar për studentë, hulumtues dhe inkubatore të ICT-së.
Paraprakisht, Haliti vizitoi fabrika të produkteve ushqimore nga ku premtoi kushte më të mira për investim.

Nëse më 12 tetor zgjidhet kryetar i Vitisë, Arsim Ademi ka premtuar ndërtim të banesave te përballueshëm sociale, subvencionim të lindjeve, mbështetje të familjeve në nevoje e pensionistëve si dhe krijimin e hapësira të veçanta për qëndrim ditor.

Biseda te frytshme për ndryshime pozitive në fushën e shëndetësisë ka realizuar edhe Valon Hoti gjatë takimit me një doktoreshë të Malishevës.

Për më shumë detaje ndiqni videon më poshtë.

Kandidati për kryetar të Prishtinës, nga Partia Demokratike e Kosovës, Uran Ismaili në takim me artistin Sokol Beqiri, tregoi se për kryeqytetin do të punojë pa dallim.
Sipas tij asnjë lagje nuk do të harrohet.

Në takim me studentët, Kandidati për kryetar të Mitrovicës Arian Tahiri, mes disa premtimeve tha se do të rrisë numrin e bursave për studentët.

Tahiri gjatë të martës po ashtu ndau pikat e programit që lidhen me punësimin e mirëqenien e qytetarëve.

Përmirësim të jetës së qytetarëve po premton edhe kandidati për Drenasin, Petrit Hajdari.
Kandidati për kryetar të Gjilanit, Riad Rashiti fokusin gjatë të martës e kishte tek afaristët. Ai u premtoi mbështetje atyre që krijojnë vende të reja të punës.

Përfaqësim të denjë të grave si dhe mbështetje u ka premtuar kandidati për Istogun, Ali Nimanaj.

Edon Cana kandidat për kryetar të Rahovecit ka kritikuar qeverisjen aktuale për sic ka thënë ai shpërndarjen e tenderëve jashtë komunës. Ai thotë se e kundërta do të ndodh me të në qeverisje.

Përkushtimin për cdo zonë të Prizrenit thotë se do ta vazhdojë, kryetari aktual njëherit kandidat edhe për një mandat tjetër Shaqir Totaj. Këtë e tha derisa ndau lajmin se filluan punimet për renovimin e rrugës që lidh fshatrat Reçan, Lubinje e Epërme dhe Lubinje e Poshtme.

Ndërkaq pretendenti për një mandat tjetër për Komunën e Vushtrrisë, Ferit Idrizi vizitoi shkollën e futbollit FC VICIANA, derisa tha se komuna do t’i përkrahë klubet sportive.

Edhe Agim Aliu që garon për katër vjet tjera thotë se në cdo takim po merr përkrahje e thotë se premtimet e tij do të jenë punë.

Për më shumë detaje ndiqni videon më poshtë.

Zgjidhje për transportin e nxënësve në kryeqytet aty ku nuk mbulohet nga trafiku urban premtoi kandidatja për Prishtinë Besa Shahini nga Partia SocialDemokrate.

Të martën me organizatat joqeveritare që veprojnë në fushën e arsimit dhe rinisë: TOKA, ETEA, LAPS dhe ORCA, kandidatja Besa Shahini zhvilloi një diskutim për politikat arsimore të komunës.

Shahini deklaroi se organizatat që kanë në qendër arsimin janë dhe do të mbetën aleatet kyçe në transformimin e sistemit arsimor të Prishtinës nga infrastruktura e shkollave, te cilësia e mësimdhënies dhe përfshirja e çdo nxënësi.

Natyra Kuçi kandidatja e vetme grua për Deçanin, nga Partia SocialDemokrate së bashku me disa të rinjë vizituat hapësirat e një biznesi të specializuar në prodhimin e dyerve dhe dritareve.

Ne e kuptojmë rolin e biznesit në rëndësinë që ka dhe si i tillë duhet mbështetur e forcuar. Andaj dialogu me biznesin do të jetë i vazhdueshëm nën dritën e zhvillimit të Deçanit tha kandidatja e PSD-së.

Me gratë e komunitetit në komunën e Kamencisë u takua kandidiati i PSD-së për Kamenicën Qëndron Kastrati i cili synon të rikthej qeverisjen në këtë komunë.

Kastrati u zotua për mbështetje, vlerësim dhe mirënjohje për gratë. Ai shtoi se barazia nuk është premtim është praktikë.

Për më shumë detaje ndiqni videon më poshtë.

Aktivitetet në javën e fundit të fushatës, kandidatët për kryetar komunash nga radhët e Nismas Socialdemokrate i patën të shumta.

Gruaja e vetme kandidate në Prizren, Albulena Balaj Halimaj, takimet e premtimet i pati të shumta.
Në Programin e saj 4-vjeçar, Balaj tha se do të bëhet, zëvendësimi i tubacioneve kritike dhe se në Prizren do të ketë furnizim të pandërprerë me ujë të pijshëm.

Përvec kësaj, ajo prmetoi edhe krijimin e një qendre të veçantë institucionale, ku do të bashkohen në një objekt të përbashkët shërbimet shëndetësore emergjente, policia dhe zjarrfikësit, për reagim më të shpejt.

E në Malishevë, edhe një mandat po e kërkon, Ekrem Kastrati. Të martën kandidati për kryetar vuri gurëthemelin qendrës për të moshuar, fëmijë me nevoja të veçanta dhe kuzhinës humanitare në Malishevë.

Në komunën e Podujevës, kandidati XHemajl Hasani, mbështetjen e kërkoi duke akuzuar qeverisjen e aktuale për cilësinë e rrugës. Ai tha se me të në krye, punët do të kryhen me cilësi e me saktësi.
Komuna e Obiliqit, do të bëhet me shtylla që ofrojnë internet falas, nëse drejtimin e saj e merr, Shefki Salihu. Përvec shërbimit me internet, salihu thotë se shtylla do t’iu ofrojë qytetarve edhe njoftime emergjente në lidhje me vërshimet ose bllokimet e rrugëve.

Një ditë më parë kandidatja për kryetare në komunën e Vushtrrisë, Xhevahire Izmaku, vizitoi akademinë, në të cilën ndjekin trajnime mbi 100 fëmijë, në fushat e teknologjisë e robotikës. Derisa fushatën elektorale e ka përmbyllur në orën 19:00.

Për më shumë detaje ndiqni videon më poshtë.