Arrestohet një burrë në Podujevë, pasi ushtroi dhunë ndaj bashkëshortes

Një burrë është arrestuar mbrëmë në Podujevë, nën dyshimin se ka kryer veprën penale ‘Dhunë në familje’.

Siç njoftoi Policia, një grua ka raportuar se bashkëshorti i saj në vazhdimësi është duke shkaktuar dhunë ndaj saj.

Në raportin 24-orësh të Policisë thuhet se viktimës i është ofruar trajtim mjekësor, ndërsa i dyshuari është arrestuar dhe pas intervistimit, me vendim të prokurorit ai është dërguar në mbajtje.