Policia e Kosovës njoftoi se është arrestuar personi i cili të premten e goditi për vdekje një këmbësor në fshatin Stanoc të Vushtrrisë dhe pasi e shkaktoi këtë aksident tragjik iku nga vendi i ngjarjes.
Siç bën të ditur zëdhënësi i policisë për rajonin e Mitrovicës, Avni Zahiti, shoferi i kamionit sot është identifikuar dhe ka rënë në prangat e Policisë.
“Si rezultat i hetimeve intensive, hetuesit e Njësisë së Trafikut Rrugor, kanë arritur të identifikojnë dhe arrestojnë të dyshuarin shoferin e automjetit transportues (kamion) i cili dyshohet për përfshirje në aksident trafiku me pasojë fataliteti i ndodhur dje me datën 5 janar 2024, rreth orës 16:43, në rrugën nacionale Mitrovicë-Prishtinë në fshatin Stanovc, ku ka humbur jetën viktima (këmbësori) mashkull kosovar”, tha Zahiti.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor për 48 orë.
Leave a Reply