PËRGATITI: NORA LUTA
Nga 18 dhjetori ish-zëvendëskryeministri i Maqedonisë së Veriut Artan Grubi, është në kërkim. Ndaj Grubit, është lëshuar fletëarrest ndërkombëtar, e një tillë raportohet se është pranuar edhe në Policinë e Kosovës.
Fletëarresti u lëshua, pasi ndaj tij ishte caktuar masa e paraburgimit prej 30 ditësh, nën dyshimet për përvetësimin e mbi 8 milionë eurove nga Lotaria Shtetërore.
Policia e Kosovës nuk i ka kthyer përgjigjeje ATV-së për të konfirmuar ose mohuar, pohimet e zyrtarëve maqedonas se Grubi hyri në territorin e Kosovës me veturë diplomatike.
Megjithatë nëse ish-zyrtari maqedonas ndodhet në shtetin kosovar, ky i fundit në bazë të marrëveshjes së bashkëpunimit juridik obligohet t’ia dorëzojë Maqedonisë së Veriut.
Ish-zv.kryeministri Artan Grubi, i cili së fundi u përfshi edhe në listën e zezë të SHBA-së për korrupsion, i ka mohuar akuzat për arratisje duke thënë se ndodhet jashtë vendit për vizitë personale./atvlive.tv/
Leave a Reply