Vdes një person në Prishtinë, ra nga një lartësi derisa po punonte

Policia e Kosovës (PK) njofton se një person ka ndërruar jetë, si pasojë e lëndimeve që mori pasi ra nga lartësia e vendit ku po punonte.

Në raportin 24 orësh të Policisë, thuhet se rasti ka ndodhur të hënën, rreth orës 20:26 dhe është iniciuar si “Hetim i vdekjes.

“Viktima mashkull kosovar ka pësuar lëndime vdekjeprurëse pasi që i njëjti duke punuar kishte rënë nga një lartësi dhe kishte pësuar lëndim të rënda trupore. Me urdhër të prokurorit kujdestar, trupi i pajetë dërgohet në IML për obduksion”, thuhet në njoftim.