Tejkaloi lejen e ndërtimit, Inspektorati vendos për rrënimin e një objekti në lagjen ‘Arbëria’

Ka filluar sot rrënimi dhe evitimi i tejkalimeve të lejes ndërtimorë të bëra nga ana e palës konform vendimit të Inspektoratit të kryeqytetit në një ndërtim në lagjen Arbëria.

Kështu thuhet në një postim të bërë në rrjetin social në Facebook të faqes “Kryeqyteti Prishtina”.

Në postim thuhet po ashtu se inspektorati i Kryeqytetit vazhdimisht do të bëjë përcjelljen e rrënimit deri në përmbarimin e plotë të aktvendimit për rrënim të lëshuar nga inspektorët kompetent të kryeqytetit.

“Pas pranimit të ankesave dhe inspektimeve në terren nga ana e Inspektoratit të Kryeqytetit, ka filluar rrënimi dhe evitimi i tejkalimeve të lejes ndërtimore të bëra nga ana e palës konform vendimit të Inspektoratit të Kryeqytetit në një ndërtim në lagjen Arbëria.
Inspektorati i Kryeqytetit vazhdimisht do të bëjë përcjelljen e rrënimit deri në përmbarimin e plotë të aktvendimit për rrënim të lëshuar nga inspektorët kompetent të kryeqytetit”, thuhet në postim.