Një incident me armë zjarri është raportuar në orët e para të së premtes në fshatin Sferkë të Klinës, ku dy persona të panjohur dyshohet se kanë thyer xhamin e një lokali dhe kanë shtënë disa herë në ajër.
Njësitë policore kanë dalë menjëherë në vendin e ngjarjes dhe kanë gjetur gjashtë gëzhoja.
Hetimet e zhvilluara kanë çuar në identifikimin dhe arrestimin e një të dyshuari.
Gjatë bastisjes tek i dyshuari, Policia ka konfiskuar një pistoletë dhe një karikator pa fishekë.
Pas intervistimit të tij, me vendim të prokurorit të rastit, i dyshuari është liruar në procedurë të rregullt dhe rasti është duke u trajtuar nga organet kompetente.
Leave a Reply