ATV

Tag: Kolegji AAB

  • Ambasadori amerikan në Kosovë Jeffrey Hovenier vizitoi Kolegjin AAB për t’u takuar me studentët

    Ambasadori amerikan në Kosovë Jeffrey Hovenier vizitoi Kolegjin AAB për t’u takuar me studentët

    Sot në Teatrin Kamertal të Kolegjit AAB u zhvillua vizita e ambasadorit amerikan në Kosovë Jeffrey Hovenier, i cili bashkëbisedoi me studentët dhe u përgjig në pyetjet e shumta që patën.

    z.Hovenier së pari foli për qëllimet dhe objektivat më kryesore që ka Ambasada Amerikane në Kosovë për të cilat tha se aktualisht janë tri.

    Integrimi i Kosovës në strukturat e sigurisë si NATO, zhvillimi i ekonomisë dhe qeverisja e mirë ishin tri pikat që përmendi ambasadori amerikan, duke shtuar se angazhimi për të përmbushur secilën nga to është evident çdo ditë.

    Tutje z.Hovenier përmendi edhe progresin që ka shënuar Kosova që nga shpallja e pavarësisë derisa shtoi se rinia luan rolin kyç në zhvillim e prosperitet të vendit.

    “Unë kam ardhur shumë herë këtu para pavarësisë dhe pas saj, kur e mendoj se si ka qenë Prishtina dikur dhe shoh rininë them se po të isha investitor do vija menjëherë në Kosovë dhe potencialin do e lija këtu, pasi të gjithë të impresionojnë me nivelin e tyre të edukatës dhe njohuritë për gjuhën angleze”, tha ndër të tjera Hovenier.

    Ambasadori Hovenier u pyet nga studentët për rolin e diplomacisë në problemet globale; marrëdhëniet tregtare ekonomike mes Kosovës dhe SHBA; ndikimin e të rinjve në zgjidhjet e problemeve në fushën diplomatike; liberalizimin e vizave etj.

    Në fund të vizitës rektori i Kolegjit AAB Lulzim Tafa falënderoi z.Hovenier për prezencën duke i dhuruar një nga librat e tij me titullin “On sundays do not call me”.

  • “Studenti në qendër”, misioni i Kolegjit AAB në nisje të vitit të ri akademik

    “Studenti në qendër”, misioni i Kolegjit AAB në nisje të vitit të ri akademik

    Përgatiti: Kastriot Tahiri

    Teatri ”Faruk Begolli”, në Kolegjin AAB, bëri bashkë studentët nga i gjithë vendi, në ceremoninë e pranimit të studentëve të rinj, të cilët do të jenë pjesë e vitit të ri akademik 2023/2024.

    Duke iu uruar mirëseardhje, rektori i Kolegjit, Lulzim Tafa, u foli studentëve për rëndësinë e studimeve në këtë kolegj.

    Të entuziazmuar që nga e hëna do të fillojnë rrugëtimin e ri, studentët thonë se zgjodhën AAB-në për shkak të rëndësisë që i jep rrugëtimit akademik.

    Studentë të tjerë shprehen të lumtur që këtë vit të ri akademik po e nisin në një kolegj, i cili, sipas tyre, do t’iu ofrojë mundësi të mëdha.

    Ky organizim u përmbyll me fjalime e tregime suksesi të ish-studentëve.

    Kolegji AAB është institucioni më i madh jopublik i arsimit të lartë në trevat shqiptare.

  • Në Kolegjin AAB fillon viti i ri akademik 2023/2024

    Në Kolegjin AAB fillon viti i ri akademik 2023/2024

    Teatri ”Faruk Begolli”, në Kolegjin AAB, bëri bashkë studentët nga i gjithë vendi, në ceremoninë e pranimit të studentëve të rinj, të cilët do të jenë pjesë e vitit të ri akademik 2023/2024.

    Duke iu uruar mirëseardhje, rektori i Kolegjit, Lulzim Tafa, u foli studentëve për rëndësinë e studimeve në këtë kolegj.

    “Kjo ditë nuk është e rëndësishme vetëm për ju por për të gjithë ne, sepse po filloni etapën kyçe të jetës studentore dhe këtë po e bëni me ne. Nga sot emri juaj dhe i Kolegjit AAB janë të njësuar. Studimet janë një ëndërr dhe ju sot po e fillon atë. Duhet ta dini një gjë se rruga e suksesit nuk është e lehtë, duhet shumë mund e sakrificë Puna jonë është të përgatisim kuadro për tregun e punës jo vetëm në Kosovë, por në tregun rajonal dhe atë global. Përveç mësimeve, studimet edhe përjetohen prandaj mos hezitoni ta shijoni jetën studentore në ambientet relaksuese që ka kolegji”, tha rektori Tafa.

    Të entuziazmuar që nga e hëna do të fillojnë rrugëtimin e ri, studentët thonë se zgjodhën AAB-në për shkak të rëndësisë që i jep rrugëtimit akademik.

    Ndryshe, Kolegji AAB është institucioni më i madh jopublik i arsimit të lartë në trevat shqiptare./atvlive.tv/

    Për më shumë ndiqni videon e mëposhtme:

  • Brucoshët e vitit të ri akademik 2023/24 të Kolegjit AAB mirëpriten me ceremoni solemne

    Brucoshët e vitit të ri akademik 2023/24 të Kolegjit AAB mirëpriten me ceremoni solemne

    Përmes një ceremonie solemne të organizuar nga Kolegji AAB janë mirëpritur brucoshët që do fillojnë vitin e ri akademik 2023/24. Ata tashmë kanë bërë zgjedhjen e tyre në fushat e shumta të studimeve, ndërsa rektori i Kolegjit AAB Lulzim Tafa me anë të disa mesazheve të veçanta iu uroi mirëseardhje.

    “Kjo ditë nuk është e rëndësishme vetëm për ju por për të gjithë ne, sepse po filloni etapën kyçe të jetës studentore dhe këtë po e bëni me ne. Nga sot emri juaj dhe i Kolegjit AAB janë të njësuar. Rruga e suksesit nuk është e lehtë duhet shumë punë, mund dhe sakrificë. Puna jonë është të përgatisim kuadro për tregun e punës jo vetëm në Kosovë, por në tregun rajonal dhe atë global. Përveç mësimeve, studimet edhe përjetohen prandaj mos hezitoni ta shijoni jetën studentore në ambientet relaksuese që ka kolegji”, tha rektori Tafa.

    Për të vulosur dhe treguar qartë ndikimin dhe rolin e studentëve në institucionin tonë, përmes një fjale rasti Gent Anadolli kryetari i Unionit të Studentëve tregoi rrugën që duhet ndjekur.

    “Vendi ku do përjetoni sfida e suksese, do gjeni mentorë që do iu frymëzojnë në gjithë rrugëtimin tuaj të arsimit është pikërisht Kolegji AAB. Eksploroni çdo mundësi e çdo sfidë në jetën akademike, andaj jeni kërkues ndaj stafit akademik, administrativ dhe bashkëpunoni me kolegët tuaj”, u shpreh Genti.

    Se suksesi i studentëve të diplomuar dhe hapësira për ta në Kolegjin AAB edhe pas studimeve është një nga parimet e institucionit, e konfirmoi autorja, producentja dhe moderatorja në televizionin ATV njëherazi edhe asistente në Fakultetin Juridik të Kolegjit AAB Flaka Vitaku.

    Flaka motivoi studentët të luftojnë për ëndrrat e tyre dhe të tregojnë përkushtimin e duhur.

    “Unë ende jam pjesë e familjes së madhe të Kolegjit AAB, pasi një nga parimet e institucionit është të mbaj studentët e zellshëm afër vetes. Kurse juve ju dëshiroj sukses, shumë punë dhe në këtë mënyrë AAB nuk do iu harroj kurrë, do përfundoni çdoherë të shpërblyer”.

    Në këtë ceremoni pati edhe pika artistike nga ish studenti i Kolegjit AAB tashmë këngëtar i njohur Arbër Krasniqi, që argëtoi të pranishmit.

    Pas ceremonisë studentët takuan dekanët e fakulteteve për të parë sallat ku do zhvillojnë ligjëratat, të cilat fillojnë nga data 7 tetor për studentët e së shtunës ndërsa për ata të rregullt nga data 9 tetor 2023.

    Nga sot Kolegji AAB është bashkëudhëtari juaj në rrugën akademike, suksese dhe shëndet studentë tanë të dashur!

  • Një delegacion nga Ukraina mban fjalim në Kolegjin AAB

    Një delegacion nga Ukraina mban fjalim në Kolegjin AAB

    Përgatiti: Armand Hoti

    Disa mysafirë po vijnë nga larg.

    Delegacioni ukrainas së bashku me Nenad Canakun, kryetarin e Institutit për Ballkanin Perëndimor, u mikpritën nga stafi akademik i Kolegjit AAB, por edhe nga studentë të shumtë.

    Njohja e Pavarësisë së Kosovës nga Ukraina, ishte një ndër çështjet që u diskutua ndërmjet delegacionit ukrainas dhe studentëve të AAB-së.

    “Ne nuk e dimë se a do të ekzistojmë nesër, apo a do të jemi gjallë. Siç e dini, paqeruajtësit ukrainas qëndruan në Kosovë për një kohë të gjatë të sigurojnë stabilitet dhe paqe, por tani për tani ne jemi ata që kami nevojë për paqeruajtësit”, tha Mykola Davidyuk, politolog ukrainas.

    Ndërsa, Nenad Çanak, ish-deputeti i kuvendit të Serbisë, ka folur për ndikimin e Rusisë në Ballkan dhe për moszgjidhjen e çështjeve të hapura mes shteteve të Ballkanit Perëndimor.

    “Ekziston një influencë shumë e fortë e Rusisë, e cila po ndikon në marrëdhëniet tona. Nëse nuk e heqim qafe influencën toksike të Rusisë, është thuajse e pamundur për ne që t’i zgjidhim problemet tona lokale”, tha Çanak.

    Edhe zyrtarët e tjerë ukrainas kanë folur kryesisht për ndikimin e Rusisë dhe për pasojat e luftës në Ukrainë.

    Pasi Rusia nisi luftën në Ukrainë, gazetarë por edhe zyrtarë tjerë ukrainas kanë ardhur në Kosovë.

    Edicionin Qendror të lajmeve në ATV e gjeni në videon më poshtë:

  • Trenjakët Rea, Rona dhe Erris Lila zgjedhin Kolegjin AAB për studimet e tyre

    Trenjakët Rea, Rona dhe Erris Lila zgjedhin Kolegjin AAB për studimet e tyre

    Rea, Rona dhe Erris Lila kanë zgjedhur Kolegjin AAB për të filluar studimet duke u bërë kështu pjesë e studentëve tanë, shtuar faktin se janë trenjakët më të veçantë që kemi parë ndonjëherë.

    Rea do jetë studente e Fakultetit të Psikologjisë, Rona në Fakultetin e Arkitekturës dhe Errisi në Fakultetin Ekonomik.

  • UP dhe AAB, liderë në Kosovë sipas Webometrics

    UP dhe AAB, liderë në Kosovë sipas Webometrics

    Universiteti i Prishtinës “Hasan Prishtina”, si institucion arsimor publik dhe AAB-ja, si institucion jopublik, janë dy universitete të cilat prijnë në listën e Ëebometrics.

    Në rezultatet e muajit korrik, vlerësim ky i dyti për këtë vit, në mesin e mbi 31 mijë universitete globale, në krye të listës të institucioneve të arsimit të lartë që operojnë në Kosovë, janë ranguar Universiteti i Prishtinës “Hasan Prishtina” dhe Kolegji AAB

    UP i prin listës së universiteteve publike në vend, ndërsa në sektorin e institucioneve të arsimit të lartë jopublik, për gjashtë vjet me radhë, lider i këtij rangimi mbetet Kolegji AAB.

    Për më tepër AAB është ranguar si ndër institucionet më të mira edhe në nivel të institucioneve të arsimit të lartë në trojet shqiptare.

    Në publikimin e Cybermetrics Lab, pjesë e Spanish National Research Council me seli në Madrid, bëhet e ditur se progres të pakontestueshëm viteve të fundit këto dy universitete kanë bërë në hulumtime shkencore, duke numëruar numrin e punimeve shkencore gjatë viteve 2018-2022 dhe duke numëruar numrin e citimeve sipas Google Scholar nga top 310 autorët.

    Ky sukses i jashtëzakonshëm i Kolegjit AAB, duke mbajtur primatin e më të mirit në mesin e institucioneve jopublike të arsimit të lartë në trojet shqiptare, për disa vjet me radhë, ka ardhur si rezultat i angazhimit të vazhdueshëm në fushën e hulumtimit shkencor dhe në ngritjen e cilësisë në të gjitha sferat.

    Ëebometrics është ranglistë e grupit hulumtues Cybermetrics Lab, që është pjesë e institucionit më të madh kërkimor publik në Spanjë, Këshillit të lartë për kërkime shkencore (CSIC). Rezultatet shpallen dy herë në vit, në janar dhe në korrik ndërsa në të përfshihen mbi 31 mijë universitete botërore. /atvlive.tv

  • Gold AG diplomon në studimet bachelor, suksesin ia dedikon nënës së tij

    Gold AG diplomon në studimet bachelor, suksesin ia dedikon nënës së tij

    Këngëtari i njohur Arian Agushi, i njohur për publikun si Gold AG, ka diplomuar në studimet bachelor të Fakultetit të Komunikimit Masiv dhe Gazetarisë në Kolegjin AAB.

    Përmes një postimi në profilin e tij në Facebook, Gold AG ka shkruar se diplomimin ia dedikon nënës së tij dhe ka njoftuar se do të vazhdojë studimet edhe në nivelin master.

    “Faleminderit pa fund gjithë profesorëve dhe gjithë stafit të kolegjit AAB. Faleminderit kolegëve për dashninë, respektin dhe ndihmën në çdo aspekt. Nanën time mësuese kur u larguam nga Presheva në vitin 1997, kur e pyesnin pse po shkoni në Prishtinë, u thoshte të gjithëve për shkollimin e Arianit. Dëshira e saj gjithmonë ka qenë që unë ta kem një fakultet. Dëshirën e saj e plotësova me diplomim e po e vazhdoj me master. Nanë e di që ty nuk të duhet diploma ime, por unë herët a vonë do t’ia shoh hajrin fjalës tënde”, ka shkruar ai në facebook. /atvlive.tv

  • Në AAB diskutohet për “dhunën”, gjinitë dhe mediat në Ballkan

    Në AAB diskutohet për “dhunën”, gjinitë dhe mediat në Ballkan

    Me gjithë përmirësimet e bëra viteve të fundit, dhuna seksuale dhe ajo me bazë gjinore, vazhdojnë të jenë fenomen shqetësues në vend.

    Të paktën kështu u vlerësua në tryezën publike, të organizuar nga Mediumi Francez “Courrier des Balkans” dhe Instituti “Musine Kokalari”, me temën: “Dhuna, gjinitë dhe mediat në Ballkanin Perëndimor.”

    Përfaqësues të Belgjikës, Zvicrës e Luksemburgut që ishin të pranishëm në Kolegjin AAB, theksuan rëndësinë e angazhimit të mëtejshëm, derisa grupet e margjinalizuara të mos ndihen të diskriminuar.

    “Në këtë seminar kemi mësuar shumë gjëra. E kemi vënë në pah progresin që është shënuar ndër vite. Por, mendoj se duhet të organizohet sërish ky seminar, dhe ne si Belgjikë të ndihmojmë në përmirësimin e të drejtave të Njeriut”, tha shefi i Zyrës Diplomatike të Belgjikës, Julien Sassel.

    “Shoqëria civile vazhdon të luajë rol kyç për të përmirësuar barazinë gjinore. Për t’ua mundësuar grave të ushtrojnë të drejta të barabarta, por edhe komuniteteve, siç është edhe LGBTI. Kemi ende tema tabu. Por, jemi të bindur që së bashku me mediat, do të mund ta përmirësojmë situatën, në mënyrë që grupet e margjinalizuara të shprehen më mirë”, tha zëvendësambasadorja e Zvicrës për Kosovë, Pauline Menthonnex – Gacaferri.

    Përmirësimet në dekadën e fundit, sipas Arian Lumezit, nga Instituti “Musine Kokalari”, duhet të përdoren si motiv për të arritur më shumë progres.
    “Duket që shoqëria jonë e ka arritur njëfarë pragu që duhet me kalu, për me shku në një tjetër shkallë të përmirësimit…”, tha Arian Lumezi nga Instituti “Musine Kokalari”.

    Përveç përfaqësive të këtyre shteteve, në panelin e parë të diskutimit, morën pjesë edhe gazetarë dhe udhëheqës të organizatave joqeveritare nga Kosova, Serbia e Shqipëria. /atvlive.tv

    Edicionin Qendror të lajmeve në ATV e gjeni në videon më poshtë:

  • Këshilli i Ambasadorëve Amerikanë të impresionuar nga mikpritja në Kolegjin AAB – falënderojnë rektorin Lulzim Tafa dhe studentët

    Këshilli i Ambasadorëve Amerikanë të impresionuar nga mikpritja në Kolegjin AAB – falënderojnë rektorin Lulzim Tafa dhe studentët

    Duke vlerësuar organizimin e një ceremonie speciale nga Kolegji AAB, Këshilli i Ambasadorëve Amerikanë përmes një letre për rektorin Lulzim Tafa, ka shprehur kënaqësinë dhe falënderimet për vizitën që realizuan në muajin maj.

    Në letrën e cila u dërgua në emër të delegacionit të Këshillit të Ambasadorëve shkruan se pjesëmarrësit ishin të entuziasmuar si me ceremoninë e pritjes ashtu edhe me diskutimet joformale që patën me studentët e Kolegjit AAB.

    “Studentët tuaj janë të zgjuar, të mirinformuar dhe kërkues. Delegacioni ynë dhe anëtarët që diskutuan me ta gjatë drekës thanë se ky ishte momenti më i veçantë që patën gjatë vizitës së tyre në Ballkanin Perëndimor”.

    Tutje për Çmimin Ndërkombëtar për Demokraci dhe Integrim për Kryetarin e Këshillit të Ambasadorëve Amerikanë Timothy Chorba nga rektori i Kolegjit AAB thanë se e mbajnë në një vend tejet të veçantë në zyrën e Këshillit në mënyrë që ta shohin të gjithë. Ky çmim ishte ndarë për kontributin që SHBA-të dhe diplomacia amerikane kanë dhënë në shtetformim dhe demokracinë e Kosovës.

    Në fund të kësaj letre ata ftuan rektorin e Kolegjit AAB Lulzim Tafa që të vizitojë zyrën e Këshillit të Ambasadorëve Amerikanë në Washington, në mënyrë që të kthejnë mikpritjen e Kolegjit AAB.

    Vizita e Këshillit të Ambasadorëve Amerikanë u realizua me 11 maj me rastin e “101 vjetorit të Marrëdhënieve Diplomatike Shqipëri – SHBA dhe 15 vjetorit të Marrëdhënieve Diplomatike Kosovë – SHBA”, ku morën pjesë edhe Anëtarë të Këshillit të Ambasadorëve Shqiptarë.