ATV

Tag: Kolegji AAB

  • Kolegji AAB boton librin e ish-presidentit Sejdiu, “Ora e Kosovës – Pavarësia dhe shtetndërtimi”

    Kolegji AAB boton librin e ish-presidentit Sejdiu, “Ora e Kosovës – Pavarësia dhe shtetndërtimi”

    Përgatiti: Armand Hoti

    Java e Pavarësisë filloi me promovimin e librit “Ora e Kosovës: Pavarësia dhe Shtetndërtimi”, që ka autor ish-presidentin e Kosovës, Fatmir Sejdiu.

    Libri i botuar nga Kolegji AAB, në përmbajtje trajton etapat drejt shtetformimit të republikës më të re në Evropë, e cila më 17 shkurt i bënë 16 vjet e pavarur.

    Vet autori pati një mesazh për gjeneratat që do e drejtojnë shtetin në të ardhmen.

    “Gjeneratat që vinë pas pavarësisë së Kosovë kanë përgjegjësinë që t’ia shtojnë miqtë Kosovës, inkorporimin dhe ngjitjen e saj kudo në botë”, tha Sejdiu.

    Presidentja Vjosa Osmani, vlerësoi lartë veprën dhe punën e paraardhësit të saj, ish-presidentit Sejdiu.

    “Në mitologjinë shqiptare, ora përfytyrohej si qenie e padukshme mbrojtëse që sjell fat të mirë. Rrjedhimisht secili njeri, familje apo grup etnik e ka orën e vet. Ora jonë ishte më 17 shkurt 2008…Ndaj në këtë proces presidenti Sejdiu paraqitet një kronikan i rëndësishëm i rrjedhave zhvillimeve që i dhanë formë përpjekjes sonë për shtet”, u shpreh presidentja Osmani.

    Ndërkohë, në fjalën e tij, Rektori i Kolegjit AAB, Lulzim Tafa potencoi se autori i “Orës së Kosovës”, është personi që i jep peshë rreshtave të shkruar në këtë libër.

    “Këtë libër e rekomandoj jo vetëm për lexim se është një libër që lexohet lehtë por se autori i këtij libri, Fatmir Sejdiu nuk ka qenë vetëm një shikues ose vrojtues i orës së Kosovës por ishte pjesë e mekanizmit kryesor të punës së asaj ore”, tha Tafa.

    Në promovimin e librit, morën pjesë figura të shumta nga sfera publike vendore e ndërkombëtare./atvlive.tv/

  • Profesori Ramë Buja nderohet me titullin “Profesor Nderi” nga rektori i Kolegjit AAB

    Profesori Ramë Buja nderohet me titullin “Profesor Nderi” nga rektori i Kolegjit AAB

    Me titullin “Profesor Nderi” është nderuar profesori i Fakultetit të Administratës Publike, Ramë Buja, nga rektori i Kolegjit AAB, Lulzim Tafa. Titulli është ndarë me motivacion për kontributin e dhënë në arsim, kulturë dhe shkencë si dhe merita të jashtëzakonshme për lirinë, pavarësinë dhe shtetndërtimin e Kosovës.

    Tafa tha se përmes kësaj ceremonie shënohet një moment i rëndësishëm, ai i pensionimit të profesorit Ramë Buja dhe në anën tjetër vlerësohet puna e angazhimi që ka shfaqur në Kolegjin AAB, duke e falënderuar për kontributin e tij që ka dhënë për studentët.

    “Gjatë karrierës ju keni ndërtuar një biografi që nuk e ka çdokush, jeni bërë emër i njohur i arsimit, shkencës dhe emër historik. Asnjë histori e re nuk do të shkruhet as sot dhe as në të ardhmen pa emrin tuaj”, tha Tafa ndër të tjera për profesorin Buja.

    Ky i fundit nën emocione e cilësoi si privilegj të jashtëzakonshëm të qenurit bashkë me familjarët, miqtë dhe kolegët në ditën e pensionimit duke shtuar se kontributi i tij në arsim është gjëja të cilën e ka bërë me plot vullnet.

    “Arsimin e dua skajshmërisht, sepse nëse duam ta ndërtojmë shtetin përveç arsimit nuk ka ilaç tjetër. E falënderoj Kolegjin AAB pafundësisht për faktin se në asnjë moment nuk kanë kufizuar hapësirën time dhe kanë vlerësuar kontributin tim”, u shpreh profesori Buja.

    Edhe drejtori për Planifikim dhe Zhvillim në Kolegjin AAB, Petrit Bushi, shprehu mirënjohjet më të larta për Bujën, për të cilin tha se është model se si duhet të jetë një profesor.

    Familjarët uruan Bujën, ndërsa vëllau i tij Shukri Buja përmendi rolin e rëndësishëm që kishte ai në etapa të ndryshme jetësore për ta dhe shtetin në përgjithësi.

  • Kolegji AAB, pjesë e fushatës “16 ditët e aktivizmit kundër dhunës gjinore”

    Kolegji AAB, pjesë e fushatës “16 ditët e aktivizmit kundër dhunës gjinore”

    Përgatiti: Kastriot Tahiri

    Salla e konferencës mezi i zuri.

    Në kuadër të fushatës 16 ditë të aktivizmit kundër dhunës me bazë gjinore, në kolegjin AAB u diskutua rreth rasteve të raportimeve të dhunës, për të cilat u tha se është rritur numri.

    “Siç jemi duke e parë në rastet e fundit, këtu në Kosovë dhe në regjion në gjithashtu kemi parë një ndikim negativ shkatërrues dhe afatgjatë mbi komunitetet ku dhuna po zhvillohet. Kemi parë një ngritje të raportimit të rasteve këtu në Kosovë deri 18 për qind, vitin e kaluar dhe para vitit të kaluar”, tha ambasadori i OSBE-së në Kosovë, Michael Davenport.

    “Roli i profesionistëve ligjorë i juve si juristë të ardhshëm është vendimtar, pasi që do të jetë instanca e fundit e qasjes në drejtësi për viktimat. Ju ftoj ta luftoni ngacmimin seksual, se ballafaqoheni me të çdo ditë, sepse është një formë e dënueshme”, tha zv.ministri i Drejtësisë, Vigan Qorrolli.

    Duke folur për rëndësinë që kanë organet e rendit, nga rrejti i grave kërkuan trajtim më serioz, për raportimet e dhunës.

    VOX: Adelina Berisha nga RRGK
    “Kemi raste kur për shkak të punës së keqe të prokurorit janë vra gratë, për shkak që gjyqtarit fjala juaj ka një peshë të madhe se fjala juaj do të shpëtojë një jetë ose jo”, tha Adelina Berisha nga RRGK.

    Shumë studentë, profesorë e mysafirë specialë erdhën për të dëgjuar edhe rreth Konventës së Stambollit, pjesë e së cilës është Kosova.

    Ky diskutim, do të shërbej në ngritjen e studentëve për çështjen kaq të ndjeshme, do të ndikojë që punën e tyre nëpër institucione shtetërorë ta bëjnë si duhet në të ardhmen…”, tha Mentor Leci, dekan i Fakultetit Juridik.

    Në kuadër të fushatës ”16 ditët aktivizmit kundër dhunës me baza gjinore” janë organizuar rreth 80 aktivitete.

  • Dita Ndërkombëtare Kundër Dhunës në Familje – Unioni Studentor e shënon me aktivitet të veçantë

    Dita Ndërkombëtare Kundër Dhunës në Familje – Unioni Studentor e shënon me aktivitet të veçantë

    Me qëllim të sensibilizimit kundër dhunës në familje Unioni Studentor ka organizuar aktivitetin e radhës që ishte një performancë koreografike e përgatitur nga studentët e Kolegjit AAB.

    Studentët Erna Salihu dhe Enis Mulaku në bashkëpunim me studentët e Fakultetit të Dizanit të Modës kanë realizuar performancën e tyre e cila ishte në kuadër të “Shpërndaj dashuri, jo dhunë”.

    Pas performancës u organizua një panel diskutimi rreth mënyrave të parandalimit të dhunës në familje, pjesë e të cilit ishin Zv/Avokati i Popullit Niman Hajdari, profesoresha Mimoza Shahini, profesori Bujar Thaqi, Blendë Pira nga organizata YIHR dhe studentja Rita Imeri.

    Panelistët folën rreth ndikimit që ka dhuna në familje në secilin aspekt jetësor dhe rreth vetëdijësimit që tentohet të bëhet për këtë fenomen të dëmshëm në shoqëri.

    Ky aktivitet u mundësua falë mbështetjes së Prorektores për Çështje Mësimore, Furtuna Mehmeti, dhe të gjithë pjesëmarrësve tjerë.

  • Dita Ndërkombëtare e Diabetit, studentët e Kolegjit AAB ofrojnë matjen e glikemisë falas

    Dita Ndërkombëtare e Diabetit, studentët e Kolegjit AAB ofrojnë matjen e glikemisë falas

    Në Ditën Ndërkombëtare të Diabetit, studentët e kolegjit AAB, nën kujdesin e asistentëve dhe profesorëve kanë kryer matjen e glikemisë për studentët, stafin dhe jo vetëm.

    Lidhur me këtë aktivitet ka folur edhe profesoresha e infermierisë, Teuta Bujupi, e cila tha se ky shërbim do të vazhdojë edhe gjatë ditës së nesërme.

    “Sot kemi dashur që studentet të kenë kontakt me pacientin thënë ndryshe kalimtarë të rastit apo edhe studentë duke i matur glikeminë në mënyrë vullnetare. Kemi dashur që ata ta kenë një pasqyrë se si punohet në komunitet, se si të bëjnë një këshillim rreth kësaj sëmundje, si për shembull ndryshim të jetesës sepse është një prej faktorëve kyç në sëmundjen e diabetit. Ka interesim dhe ky aktivet pritet të vazhdojë gjatë tërë ditës”, tha ajo në emisionin “A LIVE”.

    Ndryshe, nesër do të ofrohet matja e glikemisë falas për të gjithë qytetarët e Prishtinës në sheshin “Zahir Pajaziti”, duke filluar nga ora 10:00 – 13:00./atvlive.tvl/

    Për më shumë ndiqni videon e mëposhtme:

     

     

     

     

  • Me performancë brilante nga artistët japonezë u mbajt “Shamisen Concert” në Teatrin AAB “Faruk Begolli”

    Me performancë brilante nga artistët japonezë u mbajt “Shamisen Concert” në Teatrin AAB “Faruk Begolli”

    Mbrëmë është mbajtur ngjarja kulturore “Shamisen Concert” e organizuar nga Ambasada e Japonisë në Kosovë dhe Kolegji AAB. Koncerti u zhvillua në skenën e Teatrit AAB “Faruk Begolli” ku dy artistët japonezë Hibiki Ichikawa dhe Akari Mochizuki argëtuan publikun.

    Në këtë ngjarje morën pjesë një numër i madh i zyrtarëve duke filluar nga përfaqësuesit e ambasadës së Japonisë në Kosovë, ministri i Kulturës, Rinisë dhe Sportit Hajrulla Çeku, kryetari i Komunës së Prishtinës Përparim Rama, ministri për Komunitete dhe Kthim Nenad Rašić, dekanët, profesorët dhe studentët e Kolegjit AAB.

    Ambasadori japonez në Kosovë z. Keisuke Yamanaka bashkë me prorektoren e Kolegjit AAB Venera Llunji kanë mirëpritur të gjithë mysafirët, të cilët i falënderuan për praninë e tyre pasi bënë këtë ngjarje edhe më madhështore.

    Nën tingujt e dy artistëve publiku shijoi performancën duke e përcjellur atë me duartrokitje të gjatë!

  • Drejtuesit e Institutit Kanadez të Teknologjisë vizitojnë Kolegjin AAB, fokusi në thellimin e bashkëpunimit

    Drejtuesit e Institutit Kanadez të Teknologjisë vizitojnë Kolegjin AAB, fokusi në thellimin e bashkëpunimit

    Përfaqësuesit e Institutit Kanadez të Teknologjisë (CIT) janë mirëpritur nga stafi i Kolegjit AAB në një takim që kishte për qëllim planifikimin e bashkëpunimeve të radhës dhe prurjen e ideve të reja në fushën e arsimit të lartë.

    Prorektorët e Kolegjit AAB Venera Llunji, Furtuna Mehmeti, Gëzim Shabani, nënkryetari i Këshillit Drejtues Bujar Demjaha, dekani i Fakultetit Ekonomik Medain Hashani, dekani i Fakultetit të Shkencave Kompjuterike Jusuf Qarkaxhija, zyrtarja për Marrëdhënie Ndërkombëtare dhe Projekte Erëza Mehmeti dhe profesorët Roberta Bajrami, Ilir Bytyqi kanë mirëpritur në takim rektorin e këtij instituti Sokol Abazi, administratorin Ubejd Osmani dhe këshilltarin e bordit të administratës Bledar Komini.

    Mundësitë e bashkëpunimit mes dy institucioneve në veçanti me Fakultetin Ekonomik dhe të Shkencave Kompjuterike në Kolegjin AAB, konferencat e përbashkëta mes Alumni-ve të dy palëve, vizita studimore, bashkëpunim në programet Erasmus+, programe të përbashkëta të nivelit bachelor dhe master, konferenca të përbashkëta dhe kurse profesionale ishin disa nga qëllimet dhe propozimet për të cilat diskutuan të pranishmit.

    Takim i ngjashëm ishte zhvilluar edhe në Tiranë ku përfaqësuesit nga Kolegji AAB patën vizituar CIT për të mbajtur partneritet të qëndrueshëm dhe jetëgjatë që kontribuon në zhvillimin e dy institucioneve.

  • Diplomojnë mbi 700 studentë të Kolegjit AAB

    Diplomojnë mbi 700 studentë të Kolegjit AAB

    Në një ceremoni madhështore në sallën “1 Tetori” në Prishtinë, u mbajt ceremonia e Diplomimit të studentëve të nivelit Bachelor dhe Master të Kolegjit AAB.

    Në këtë ceremoni kanë diplomuar mbi 700 studentë që vinë nga 12 Fakultete, të cilët kanë studiuar në mbi 50 programe të përfshira të Kolegjit AAB.

    Pos drejtuesve të Kolegjit AAB, me kryetarin e Këshillit Drejtues, z.Ilir Tafa dhe rektorin z.Lulzim Tafa, në këtë ceremoni diplomimi morën pjesë edhe Rifat Jashari nga familja Jashari, filantropi Lazim Destani, e shumë personalitete të tjera.

    Prorektorja për Marrëdhënie Ndërkombëtare dhe Bashkëpunim në Kolegjin AAB, Venera Lluni, në një prononcim për ATV-në, tha se tha se studentët të cilët po diplomojnë janë nga gjenerata e vitit 2019-2020 nga 12 Fakultete, të cilët kanë studiuar në mbi 50 programe të përfshira të Kolegjit AAB.

    “Është një atmosferë e këndshme, e bukur sepse të rinjtë janë këtu. Kolegji AAB po e organizon ceremoninë e diplomimit të studentëve, janë gjenerata e vitit 2019/2020 dhe të gjithë këta studentë, të cilët janë mbi 700 të diplomuar janë nga 12 Fakultete, dhe kanë studiuar në mbi 50 programe të përfshira të Kolegjit AAB. Është një ndjenjë e jashtëzakonshme, është një kënaqësi e madhe sepse është edhe rezultat i punës së gjithë stafit akademik, profesorëve, asistentëve, por edhe kuptohet që punën kryesore e bëjnë edhe vetë studentët”, tha Llunji.

    Mesazhi i saj për studentët e diplomuar ishte që asgjë të mos i ndalë në rrugën e tyre të përparimit.

    “Nuk ka ndjenjë më të bukur se sa t’i hedhësh kapelat pasi që të diplomosh. Mesazhi i im do të ishte që asgjë të mos i ndalë në rrugën e tyre të përparimit, që të jenë gjithmonë të vetëdijshëm për atë çfarë i pret, gjithmonë të jenë të gatshëm të ecin përpara, ta sfidojnë jetën me të gjitha që munden dhe njëkohësisht ta bëjnë krenar edhe Kolegjin AAB ku kanë qenë studentë”, u shpreh Llunji. /atvlive.tv

    Ceremonia e diplomimit të studentëve të Kolegjit AAB u transmetuar drejtpërdrejt në faqen zyrtare të këtij kolegji në facebook, të cilën ta shikoni duke Klikuar KËTU.

  • Hovenier: Kemi pritje që Serbia të mos ndërmarrë veprime të cilat kërcënojnë Kosovën

    Hovenier: Kemi pritje që Serbia të mos ndërmarrë veprime të cilat kërcënojnë Kosovën

    Ambasador i Shteteve të Bashkuara në Republikën e Kosovës, Jeffrey Hovenier, në emisionin CONTEXT në ATV, tha se SHPBA pret që Serbia që të mos ndërmarr veprime të cialt kërcënojnë fqinjët e saj, përfshirë edhe Kosovën.

    Ai përmendi se angazhimi i SHBA-së për Kosovën është i padiskutueshëm dhe i qartë, por që kërkon nga qeveritë qeveritë kosovare janë për të themeluar një shoqëri multietnike, demokratike në të cilën jetojnë të gjithë qytetarët.

    “Nuk e di nëse duhet të ndryshojmë mënyrat, por do të donim të shihnim rezultate më të mira nga mënyra e angazhimit tonë. Bashkimi Evropian dhe ndërmjetësuesit e BE-së po punojnë shumë dhe kanë mbështetjen amerikane. Mendoj se kjo është gjëja e duhur, dhe angazhimi i SHBA-së për Kosovën është i padiskutueshëm dhe i qartë, por gjithashtu pritjet tona për këtë qeveri dhe të gjitha qeveritë kosovare për të themeluar një shoqëri multietnike demokratike në të cilën jetojnë të gjithë qytetarët, jetët e tyre dhe kushtet për dinjitet dhe siguri vazhdojnë. Ne kemi gjithashtu pritje nga Serbia, të cilat janë që Serbia të mos ndërmarrë veprime të cilat kërcënojnë fqinjët e saj, përfshirë Kosovën, që të mos ndërmarrë veprime që destabilizojnë rajonin dhe kjo gjithashtu ishte pjesë e bisedës tonë”, tha Hovenier.

    Pas takimit që pati me studentët e Kolegjit AAB, Hovenier bëri thirrje që Kosva dhe Serbia të punojnë drejt të plotë të marrëveshjes bazë që u arrit në shkurt dhe të aneksit të implementimit, që u arrit në mars.

    “Mendoj se të gjithë jemi të shqetësuar për zhvillimet tani. Por mendoj se ata (studentët) mund të kenë besim, ashtu si ne, se komuniteti ndërkombëtar është shumë i fokusuar që të ndihmojë të avancojë këtu dhe në rajon, stabilitet më të madh, prosperitet më të madh, siguri më të madhe. Ky vazhdon të jetë synimi ynë. Kjo kërkon vullnet politik, si nga Kosova ashtu edhe nga Serbia, që të punohet drejt zbatimit të plotë të marrëveshjes bazë që u arrit në shkurt dhe të aneksit të implementimit, që u arrit në mars. Por kemi një rrugë para e cila funksionon. Vetëm duhet të ndodhë”, tha Hovenier. /atvlive.tv

  • Hovenier: Rinia e Kosovës është aseti më i madh i këtij shteti

    Hovenier: Rinia e Kosovës është aseti më i madh i këtij shteti

    Ambasador i Shteteve të Bashkuara në Republikën e Kosovës, Jeffrey Hovenier, dje ka qëndruar në Kolegjin AAB, ku zhvilloi bisedë me studentët e këtij kolegji për diplomacinë, politikën e jashtme, ekonominë dhe arsimin.

    I ftuar në emisionin CONTEXT në ATV, ai tha se rinia e Kosovës është aseti më i madh i këtij shteti.

    “Ishte mundësi për mua që të dëgjoj drejtpërdrejt nga të rinjtë e Kosovës. Më duket se e kam thënë disa herë se rinia e Kosovës është aseti më i madh i këtij shteti. Të rinjtë janë kaq të pasionuar, të aftë dhe të angazhuar, për një të ardhme të paqes dhe prosperitetit. Kjo më dha mundësinë të flas për prioritetet kryesore të Shteteve të Bashkuara këtu, e ato janë që Kosova ta ketë vendin e vet në strukturat evropiane dhe euro-atlantike, që të ketë një ekonomi që sjell prosperitet për qytetarët e saj dhe që të ketë qeverisje të mirë dhe sistem efikas të sundimit të ligjit, andaj folëm për këto gjëra. Ata bënë shumë pyetje, lidhur me atë se si mund të ndikojnë në mënyra pozitive, unë gjithmonë inspirohem kur dëgjoj këtë. Ishte bisedë e mrekullueshme”, tha Hovenier.

    Ai përmendi se studentët duan ta shohin një të ardhme të mirë për ta.

    “Ata duan të jetojnë në një vend me kushte të sigurisë, duan të kenë mundësi ekonomike, të kenë puna dhe të jetojnë jetët e tyre në paqe dhe siguri. Mendoj ashtu siç duam të gjithë ne. Ata tani janë të shqetësuar për disa zhvillime të caktuara”, tha Hovenier. /atvlive.tv