ATV

Tag: Gjykata Speciale

  • Vazhdon gjykimi ndaj Thaçit dhe të tjerëve

    Vazhdon gjykimi ndaj Thaçit dhe të tjerëve

    Sot në Hagë në Dhomat e Specializuara të Kosovës, vazhdon gjykimi ndaj Thaçit dhe të tjerëve.

    Në seancat e fundit dëshmitari i dhjetë dhe i njëmbëdhjetë të thirrur nga Zyra e Prokurorit të Specializuar kanë dhënë dëshmi dhe iu përgjigjën pyetjeve të Prokurorisë, Mbrojtjes, mbrojtësit të viktimave dhe gjykatësve.

    Trupi Gjykues shprehu shqetësimin për ritmin se si po ecin seancat në këtë çështje gjyqësore dhe u kujtoi palëve se është e panevojshme t’i pyesin dëshmitarët me hollësi për aspekte të pakontestuara.

    Ndryshe më 28 qershor, Prokuroria dorëzoi listën e 12 dëshmitarëve të tjerë që do të thirren në çështjen gjyqësore Thaçi dhe të tjerë.

  • Hagë: Vazhdon edhe sot seanca gjyqësore ndaj Pjetër Shalës

    Hagë: Vazhdon edhe sot seanca gjyqësore ndaj Pjetër Shalës

    Në Dhomat e Specializuara në Hagë do të vazhdojë edhe sot gjykimi ndaj ish-pjesëtarit të Ushtrisë Çlirimtare të Kosovës, Pjetër Shala.

    Kjo seancë gjyqësore do të nisë në orën 9:30.

    Të hënën ka filluar dëshminë dëshmitar i i Zyrës së Prokurorit të Specializuar (ZPS), Marek Gasior, në cilësinë e ekspertit mjekoligjor nga Polonia. Ky ka dëshmuar pa masa mbrojtëse derisa është intervistuar nga prokurorja Gaia Pergolo. Ai ka thënë se si ekspert i mjekësisë ligjore në Kosovë, nga viti 2000 deri në vitin 2008, ka punuar në kuadër të misionit të OKB-së, ndërsa më pas për katër vjet ka punuar me Bashkimin Evropian.

    Sipas Speciales “Krimet për të cilat akuzohet Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”. Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës.

  • ​Trupi gjykues kërkon shkurtimin e kohës për intervistimin e dëshmitarëve

    ​Trupi gjykues kërkon shkurtimin e kohës për intervistimin e dëshmitarëve

    Turpi gjykues në çështjen kundër Thaçit dhe të tjerëve, është shprehur i shqetësuar me ritmin e këtij procesi gjyqësor. Përmes një urdhri, kryegjykatësi Charles Smith ka kërkuar nga palët që të shkurtojnë kohën për marrjen në pyetje të dëshmitarëve.

    Në fillim të seancës, Smith ka thënë se prokuroria duhet të rishikojë pyetjet në mënyrë që ndaj të akuzave të zhvillohet një proces gjyqësor me kohë të arsyeshme.

    “Trupi gjykues është i shqetësuar me ritmin si po shkojnë dëshmitë, duke pasur synimin që prokuroria synon ta përfundojë paraqitjen e provave në prill të 2025, unë u detyrova të bëj disa llogaritje dhe kemi bërë rreth 120 orë deri në fund të kësaj jave, do të thotë rreth dhjetë dëshmitarë, ose 12 orë për dëshmitarë. Bëjeni vet llogaritë sa i takon planifikimit, të kuptoni se cili është rezultati, por me këtë ritëm nuk kemi për ta realizuar afatin. Në interes të kursimit të kohës, nuk është e domosdoshëm t’i pyesni dëshmitarët për çështje të cilat nuk janë në nevojë të shqyrtohen. Prokuroria duhet ta reduktojë kohën që nevojitet për pyetjet nga ana e vet, po ashtu mbrojtja ka shpenzuar një kohë të madhe për çështje anësore apo çështje që nuk janë objekt shqyrtimi mes palëve”, ka thënë Smith.

    Gjithashtu, turpi gjykues ka thënë se prokuroria nuk ka pse t’i pyes dëshmitarët për gjëra që tashmë janë të ditura në deklaratat që ata i kanë dhënë.

    “Rregulla 154 është për të reduktuar kohën që nevojitet për të bërë pyetjet nga ana e prokurorisë, dhe ndonjëherë na janë dashur orë të tëra për të pyetur dëshmitarët e rregullës 154, mund ta ndryshojmë ne si trup gjykues por sugjerojmë që ta bëjë vet prokurori. Ne i kemi lexuar deklaratat, ne e dimë çfarë kanë thënë dhe t’i pyesni prap dëshmitarët për gjëra që ne i kemi lexuar në deklaratat e tyre nuk i bënë askujt nderë. Të gjithë ne duhet të kujdesemi që t’i respektojmë afatet për hirë të të akuzuarve”, ka thënë ai.

    Në këtë seancë, trupi gjykues ka dhënë urdhrin e dytë përmes së cilit është zgjatur afati, për mbrojtjen e Thaçit, Veseli dhe Krasniqit, për apelimin e dy vendimeve gjyqësore, deri më datë 26 qershor të këtij viti.

    Ndërsa ka pasur edhe një tjetër urdhër por i njëjti është dhënë në seancë private.

    Pas kësaj, në gjykatore ka dalë dëshmitari i dhjetë i Zyrës së Prokurorit të Specializuar, i cili po dëshmon nën masa mbrojtëse dhe mban kodin 3540.

    Gjykimi ndaj ish-krerëve të UÇK-së ka nisur më 3 prill me deklaratat hyrëse të palëve.

    Para trupit gjykues, Thaçi, Veseli, Selimi dhe Krasniqi janë deklaruar të pafajshëm për akuzat për krime të pretenduara të luftës.

    Ata ndodhen në qendrën e paraburgimit në Hagë prej nëntorit të vitit 2020./kp

  • Vazhdon edhe sot gjykimi ndaj ish-krerëve të UÇK-së

    Vazhdon edhe sot gjykimi ndaj ish-krerëve të UÇK-së

    Dhomat e Specializuara kanë bërë të ditur se gjykimi ndaj ish-krerëve të Ushtrisë Çlirimtare të Kosovës, Hashim Thaçi, Jakup Krasniqi, Kadri Veseli dhe Rexhep Selimi do të vazhdojë edhe sot.

    Në faqen zyrtare të DHSK-së bëhet e ditur se gjykimi do të nisë nga ora 09:00.

    Ndryshe ky proces gjyqësor nisi dy vjet e gjysmë më vonë, pas mbajtjes në paraburgim në Hagë, të katër krerëve të UÇK-së, Hashim Thaçit, Kadri Veselit, Rexhep Selimit dhe Jakup Krasniqit.

    Aktakuza e ZPS-së, e ngritur më 30 shtator të vitit 2022, i ngarkon Thaçin, Krasniqin, Veselin e Selimin me akuzat për ndërmarrje të përbashkët kriminele, vepër kjo që, sipas prokurorisë, e kishte “qëllimin e përbashkët për të siguruar dhe ushtruar kontroll mbi të gjithë Kosovën, nëpërmjet metodave që përfshinin frikësimin, keqtrajtimin, ushtrimin e dhunës dhe eliminimin e paligjshëm të atyre që konsideroheshin si kundërshtarë”, në periudhën midis marsit të vitit 1998 e shtatorit të vitit 1999, në vende të ndryshme të Kosovës.

  • Mbrojtja e Thaçit vijon kundra-pyetjet për dëshmitarin e tetë të ZPS-së

    Mbrojtja e Thaçit vijon kundra-pyetjet për dëshmitarin e tetë të ZPS-së

    Në Dhomat e Specializuara në Hagë ka vijuar parashtrimi i kundra-pyetjeve për dëshmitarin e tetë nga ana e mbrojtjes së ish-presidentit, Hashim Thaçi në gjykimi ndaj ish-krerëve të UÇK-së.

    Me të nisur pyetjet, seanca ka kaluar në seancë të mbyllur për publikun.

    Nga salla e gjyqit, këtë seancë gjyqësore kundër tyre po e përcjellin ish-presidenti, Hashim Thaçi, ish-kryekuvendari, Kadri Veseli dhe ish-deputeti, Rexhep Selimi. Ndërsa, ish-kryetari i Kuvendit të Kosovës, Jakup Krasniqi po e përcjell këtë seancë po e përcjell përmes video-lidhjes nga qendra e paraburgimit.

    Kryetari i trupit gjykues, Charles Smith tha se Krasniqi ka dorëzuar edhe një dokument përmes të cilët heq dorë nga prania e tij në sallë, që nënkupton që as nesër nuk do të jetë i pranishëm në gjykatore.

    Dëshmitari i tetë i Zyrës së Prokurorit të Specializuar me kodin 04323 në gjykimin ndaj Thaçit dhe të tjerëve dëshminë e tij e ka nisur ditën e hënë.

    Deri tani pyetjet ndaj tij i ka përfunduar Zyra e Prokurorit të Specializuar. Gjatë ditës së hënë kur edhe nisi dëshminë e tij përgjigjet e dëshmitarit të tetë ishin në pjesë të madhe publike, por gjatë ditës së djeshme seanca ka qenë e mbyllur për publikun përveç një momenti kur ZPS parashtroi pyetje për Gardën Kombëtare.

    Gjykimi ndaj ish-krerëve të UÇK-së ka nisur më 3 prill me deklaratat hyrëse të palëve.

    Para trupit gjykues, Thaçi, Veseli, Selimi dhe Krasniqi janë deklaruar të pafajshëm për akuzat për krime të pretenduara të luftës.

    Ata ndodhen në qendrën e paraburgimit në Hagës prej nëntorit të vitit 2020.

  • Vazhdon gjykimi ndaj ish-krerëve të UÇK-së, dëshmitari i tetë flet për qendrën e ndalimit në Bajgorë

    Vazhdon gjykimi ndaj ish-krerëve të UÇK-së, dëshmitari i tetë flet për qendrën e ndalimit në Bajgorë

    Sot në Dhomat e Specializuara në Hagë vazhdon gjykimi ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.

    Ndryshe dje ka dëshmuar dëshmitari i tetë i ZPS-së, derisa është ndihmuar nga një mbrojtës kujdestar.

    Dëshmitari tha se në qendrën e ndalimit në Bajgorë, mbaheshin kolaboracionistë apo personat që bashkëpunonin me armikun.

    Po ashtu dëshmitari i tetë në gjykimin ndaj Hashim Thaçit dhe të tjerëve, është përgjigjur në pyetjet e Zyrës së Prokurorit të Specializuar, lidhur me stërvitjet e Ushtrisë Çlirimtare të Kosovës, në Bajgorë.

  • Kimbërli Uest përzgjidhet Prokurore e Specializuar e Gjykatës Speciale

    Kimbërli Uest përzgjidhet Prokurore e Specializuar e Gjykatës Speciale

    Kimbërli Uest (Kimberly West), e cila ka qenë më parë prokurore federale e SHBA-së me përvojë të gjerë si në hetimet për krime në nivel vendor ashtu edhe ndërkombëtar, është përzgjedhur Prokurore e Specializuar pas një procedure të organizuar nga Bashkimi Evropian.

    Uest bëhet Prokurorja e Specializuar e tretë, pas Xhek Smithit (Jack Smith) i cili u largua nga Zyra e Prokurorit të Specializuar (ZPS) në nëntor 2022 për të marrë një post si Prokuror Special në Shtetet e Bashkuara.

    “Është një nder që jam përzgjedhur në këtë rol të rëndësishëm dhe sfidues,” tha Uest. “Pres me kënaqësi të marr detyrën në ZPS dhe ta çoj përpara punën e saj.”

    Uest vjen në ZPS nga Firma Ligjore Eshkroft (Ashcroft Law Firm) në Boston, Masaçusets (Massachusetts), ku është partnere që nga viti 2019 dhe është përqendruar kryesisht në mbrojtje të çështjeve penale të lidhura me krimin ekonomik.

    Para se të merrte detyrën në këtë firmë, Uest punoi si prokurore për më shumë se dy dekada në role në nivel vendor, federal dhe ndërkombëtar.

    Uest ishte gjithashtu Shefe e Byrosë së Krimeve në Zyrën e Prokurorit të Përgjithshëm të Masaçusetsit në periudhën nga viti 2015 deri në 2019. Në këtë rol, ajo mbikëqyrte një ekip prej 120 profesionistësh të ngarkuar me hetimin dhe ndjekjen penale të një game të gjerë veprash penale në fushën e mashtrimeve financiare, korrupsionit publik, trafikut të drogës, lojërave të fatit dhe trafikimit të qenieve njerëzore; në mbrojtjen e të dënuarve në fazën e apelit; dhe në ndihmën për viktimat dhe dëshmitarët.

    Uest mori detyrën në Zyrën e Prokurorit të Përgjithshëm pasi erdhi nga Zyra e Prokurorit Federal të SHBA-së, Distrikti i Masaçusetsit, ku ajo shërbeu si Ndihmës-prokurore Federale e SHBA-së në Njësinë për Mashtrimet në Kujdesin Shëndetësor për dy vjet dhe në Njësinë e Sigurisë Kombëtare për gjashtë vjet. Znj. Uest mori detyrën në Njësinë e Sigurisë Kombëtare pas sulmeve terroriste të 11 shtatorit 2001 ndaj Qendrës Tregtare Botërore dhe Pentagonit.

    Për pesë vjet, në periudhën nga viti 2008 deri në 2013, Uest shërbeu si prokurore në Gjykatën Penale Ndërkombëtare për ish-Jugosllavinë në Hagë, ku ajo ishte pjesëtare e ekipit që ndoqi penalisht Radovan Karaxhiqin për rolin e tij në gjenocidin në Srebrenicë. Ajo ishte gjithashtu në ekipin e prokurorëve në çështjen gjyqësore Përliq et al që u përqendrua në krimet e kryera në Mostar dhe shkatërrimin e Urës së Vjetër.

    Uest ka gradën Juris Doctor (Doktor në Drejtësi) nga Fakulteti Juridik i Universitetit të Safolkut, Masaçusets, dhe u bë anëtare e Dhomës së Avokatëve në Masaçusets. Ajo ka gjithashtu gradë universitare bachelor nga Kolegji i Bostonit, Masaçusets.

    Uest bëhet Prokurorja e Specializuar e tretë, pas Xhek Smithit, i cili shërbeu si Prokuror i Specializuar në periudhën nga viti 2018 deri në 2022, dhe Dejvid Shvendimanit (David Schwendiman), i cili shërbeu nga viti 2016 deri në 2018. Aleks Uajting (Alex Whiting) i cili ka shërbyer si Ushtrues i Detyrës së Prokurorit të Specializuar që nga nëntori 2022, do të vazhdojë në këtë rol derisa Uest të marrë detyrën e saj.

  • Dëshmia e dëshmitarit të shtatë ndaj ish-krerëve të UÇK-së pritet të zgjas 7 orë

    Dëshmia e dëshmitarit të shtatë ndaj ish-krerëve të UÇK-së pritet të zgjas 7 orë

    Dëshmitari i shtatë ka filluar dëshminë e tij në seancën e së martës në Dhomat e Specializuara e Kosovës (DhSK) në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, e cila dëshmi pritet të zgjat rreth 7 orë.

    ZPS-ja ka kërkuar të kalohet në seancë private me arsyetimin se pyetjet për dëshmitarin do të bëhen për një incident të vetëm unik dhe se për këtë mundet lehtë të identifikohet i njëjti, raporton ‘‘Betimi për Drejtësi’’.

    Fillimisht, dëshmitari është përgjigjur me ‘‘Po’’ kur është pyetur se a është intervistuar më herët nga ZPS-ja dhe se në seancën përgatitore kishte kërkuar disa ndryshme të disa pjesëve të deklaratës së tij, se ato ndryshime ishin pasqyruar në shënime që iu ishin lexuar me zë dhe se të njëjtat kishin qenë ndryshimet që kishte kërkuar ai.

    Këto dokumente iu shfaqën dëshmitarit në ekran, si dhe u pranuan nga trupi gjykues si prova materiale pas propozimit të Zyrës së Prokurorit të Specializuar.

    Në vazhdim dëshmitari është përgjigjur edhe në pyetjet e mbrojtësit të viktimave, avokatit Simon Laws, disa prej të cilave ishin me përmbajtje të redaktuar.

    Sipas dëshmitarit, i njëjti ka qenë kryefamiljar dhe është marr me bujqësi, por pas ndalimit të tij e edhe tani ka dhimbje vazhdimisht.

    Të njëjtit i është paraqitur një fotografi e plagës në shpatull (jo publike) dhe kur është pyetur për të, përmbajtja sërish ka qenë e redaktuar.

    Ai ka thënë se ndalimi i tij ka pasur edhe efekte psikologjike pasi që ka marr ndihmë mjekësore tek profesionisti me vite të tëra edhe jashtë shtetit.

    ‘‘Nja 2 vite kam shkuar vazhdimisht te psikologu..’’, ka thënë dëshmitari.

  • Gjykimi ndaj ish-krerëve të UÇK-së, dëshmitari i pestë i Prokurorisë thotë se ishte pjesë e UÇK-së

    Gjykimi ndaj ish-krerëve të UÇK-së, dëshmitari i pestë i Prokurorisë thotë se ishte pjesë e UÇK-së

    Mbrojtja e ish-krerëve të ushtrisë Çlirimtare të Kosovës(UÇK) ka filluar intervistimin e dëshmitarit të pestë të Zyrës së Prokurorit të Specializuar(ZPS).

    Dëshmitari i mbrojtur i cili mban kodin 3165 ka thënë se UÇK-së i ishte bashkuar në korrik të vitit 1998.

    Mbrojtja e ish-presidentit Hashim Thaçi, Albert Muskowitz, është interesuar të dijë nëse ky dëshmitar kishte marr ndonjë dokument që dëshmonte se ai ishte pjesë e UÇK-së.

    Sipas dëshmitarit, atij nuk i ishte dhënë ndonjë dokument i tillë.

    Avokati Moskowitz: Kur iu bashkëngjite UÇK-së, atë datë, atë mbrëmje a nënshkrove ndonjë gjë të vërtetoje që tani je ish anëtarë i UÇ?

    Dëshmitari: Po

    Avokati Moskowitz: A more ndonjë letërnjoftim, a ndonjë copë letër ku të thuhej që ti tani ishte anëtarë i UÇK-së?

    Dëshmitari: Unë kam dal në ora 2 të natës atë natës, kurse të nesërmen i kanë marr shënimet komandanti kush ka qenë aty.

    Avokati Moskowitz: Morën shënime por nuk të dhanë ndonjë kartelë, letërnjoftim ku thuhej dhe verifikohej se në vërtet ishte anëtar i UÇK. Nuk e vë në dyshim se ishte anëtar i UÇK, thjesht po përpiqem të kuptoj se a ka pas ndonjë gjë që e vërtetonte dhe t’i mund t’ua tregoje personave që unë tani jam anëtar i UÇK-së?

    Dëshmitari: Nuk ma kanë dhënë

    Avokati Maskowitz e ka pyetur dëshmitarin edhe për mënyrën se si e kishte siguruar uniformën.

    Lidhur me këtë, dëshmitari ka thënë se vetë e kishte blerën copën vetë për ta qepur uniformën.

    Avokati Moskowitz: Po uniformë, të dhanë ndonjë uniformë atë kohë?

    Dëshmitari: I kemi blerë vetë nuk ka pas në atë kohë, u dashtë me ble si ceradë kena ble kamuflazh dhe i kena ba veshë ushtarake.

    Avokati Moskowitz: Pra, nuk të dhanë para për ta blerë uniformën, e ke blerë vetë. Uniforma ishte e gatshme kur e bleve apo bleve copën dhe e qepe?

    Dëshmitari: Në atë kohë blejshim copa dhe i qepshim.

    Avokati Moskowitz: Nga e dije se çfarë cope të bleje, kishte ndonjë rregullore që të tregonte se çfarë cope duhet të bleje në verën e ‘98?

    Dëshmitari: Si cerada, ato i kena ble edhe ato i kena kep.

    Dëshmitari ka thënë se armë nuk i kishin dhënë, por atë e kishte siguruar nga një bashkëfshatar.

    Avokati Moskowitz: Kur iu bashkëngjite UÇK-së a të dhanë armë?

    Dëshmitari: Armën e kisha marr nga një bashkëfshatar

    Avokati Moskowitz: Si ndodhi që ky bashkëfshatari të dha armën e tij, po ai vetë nuk ishte në ushtri atë kohë?

    Dëshmitari: Po ish lodhë, ish mërzitë ku ta di unë dhe më tha kush kërkon për me dal muj me ia dhanë edhe me kam marr.

    Mbrojtësi i ish-presidentit ka thënë se meqenëse atyre që kyçeshin në UÇK nuk iu jepet ndonjë dokument që dëshmon se janë pjesëtarë të UÇK, copën për uniform mund ta blinte çdokush.

    Më pas dëshmitari tha se nuk beson që dikush ka blerë uniformë pa qenë pjesë e Ushtrisë Çlirimtare të Kosovës.

    “Duke pas parasysh që atyre që kyçeshin në UÇK nuk u jepnin ndonjë dokument, kjo tregon se çdo njeri po të donte mund të blinte copën të bënte uniformën edhe pa qenë në UÇK sepse gjërat ishin kështu jo zyrtare”, ka thënë avokati.

    Pas kësaj, seanca ka vijuar e mbyllur për publikun, me pyetjet e mbrojtjes së Thaçit.

    Dëshmitari me kodin 3165 ZPS-së ka filluar dëshminë e tij të mërkurën, ndërsa para tij janë dëgjuar katër dëshmitarë të tjerë të Prokurorisë.

    Të gjithë kanë dëshmuar nën masa mbrojtëse dhe në seancë të mbyllur për publikun.

    Ndërsa të mërkurën, trupi gjykues u ka kërkuar parashtrime palëve, der më 31 maj, në lidhje me hapat konkret që mund të merren për të siguruar që procedurat të jenë publike në shkallë më të lartë.

    Ish-krerët e UÇK-së, për të cilët prokuroria pretendon se kanë kryer krime lufte, po gjykohen pas një procedure paraprake që ka zgjatur më shumë se dy vjet.

    Gjatë krejt kësaj kohe, ish-presidenti Thaçi, ish-kryeparlamentarët Krasniqi dhe Veseli, si dhe ish-deputeti Selimi, po qëndrojnë në paraburgim në Hagë, ndërsa në paraqitjet e tyre para gjykatës ata janë deklaruar të pafajshëm.

  • Vazhdon edhe sot gjykimi ndaj ish-krerëve të UÇK-së, seanca pritet të jetë publike

    Vazhdon edhe sot gjykimi ndaj ish-krerëve të UÇK-së, seanca pritet të jetë publike

    Gjykimi ndaj ish-krerëve të Ushtrisë Çlirimtare të Kosovës (UÇK), Hashim Thaçit, Kadri Veselit, Jakup Krasniqit dhe Rexhep Selimit në Gjykatën Speciale në Hagë do të vazhdojë edhe të mërkurën.

    Kjo seancë do të fillojë nga ora 09:00, derisa seanca pritet të jetë publike.

    Për muajin maj janë paraparë të zhvillohen dhjetë seanca.

    Pas më shumë se dy vjetësh në paraburgim, gjykimi ndaj ish-krerëve të UÇK-së ka filluar më 3 prill me deklaratat hyrëse të palëve.

    Thaçi, Veseli, Krasniqi dhe Selimi janë deklaruar të pafajshëm për të gjitha pikat e aktakuzës.

    Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore.

    Pretendohet se këto krime u kryen nga anëtarë të UÇK-së kundër qindra civilëve dhe personave që nuk merrnin pjesë në luftime.

    Në aktakuzë pretendohet se Thaçi, Veseli, Selimi dhe Krasniqi kanë përgjegjësi penale individuale për krime që u kryen në kontekstin e një konflikti të armatosur jondërkombëtar në Kosovë dhe ishin pjesë e një sulmi gjerësisht të përhapur dhe sistematik kundër personave që dyshoheshin se ishin kundër UÇK-së.