ATV

Tag: Gjykata Speciale

  • Sot dita e fundit e gjykimit ndaj Thaçit e të tjerëve në Speciale para pushimit veror

    Sot dita e fundit e gjykimit ndaj Thaçit e të tjerëve në Speciale para pushimit veror

    Dita e sotme në Dhomat e Specializuara të Kosovës, në rastin gjyqësor ndaj Hashim Thaçit dhe të tjerëve është e dita e fundit e gjykimit para se të fillojë pushimi veror.

    Sipas kalendarit të punës së Dhomave Specializuara të Kosovës me seli në Hagë, pushimi veror fillon më 24 korrik, ndërsa seancat do të fillojnë më 14 gusht.

    Gjatë muajit gusht janë paraparë të mbahen shtatë seanca në rastin gjyqësor “Thaçit dhe të tjerët”, ndërsa në rastin “Shala’, do të mbahen pesë seanca.

    Ndryshe dje ka filluar të dëshmojë, dëshmitari i 15-të i ZPS-së i mbrojtur me kodin W04586, ai ka dëshmon për vdekjen e anëtarit të familjes së tij gjatë periudhës përkatëse.

    Dëshmitari dje ka dëshmuar përmes videolidhjes.

  • ​Përfundoi dëshmia e oficerit britanik, tha se nuk e ka takuar asnjëherë Jakup Krasniqin

    ​Përfundoi dëshmia e oficerit britanik, tha se nuk e ka takuar asnjëherë Jakup Krasniqin

    Oficeri britanik, Francis Ledwidge, e përfundoi dëshminë para trupit gjykues në rastin ndaj ish-krerëve të Ushtrisë Çlirimtare të Kosovës.

    Ai deklaroi se nuk e ka takuar asnjëherë Jakup Krasniqin dhe sipas tij, për të nuk kishte dëgjuar deri kur kishte filluar intervistat.

    Në fund të dëshmisë së tij ai është intervistuar nga mbrojtja e Krasniqit, avokati Aidan Ellis.

    Ellis: E keni dëgjuar emrin e Jakup Krasniqit, që ishte zëdhënës i UÇK-së?

    Ledwidge: Po e kisha dëgjuar emrin e tij në veçanti për shkak të pranisë së tij në Malishevë siç është regjistruar nga ato që na ka thënë në intervistat që ne keni intervistuar, ata na kanë thënë se ai ishte zëdhënësi nuk mund të them se e dija se ishte zëdhënësi sepse siç e thash ne ishim të rinj me këtë mjedis dhe për të qenë të sinqertë me ju nuk mendoj se e dija këtë informacion përpara se të më thuhej se Jakup Krasniqi ishte zëdhënësi.

    Tutje ai tha se përkundër përpjekjeve asnjëherë personalisht nuk kishte arritur ta takojë personalisht Jakup Krasniqin.

    Ledwidge: U përpoqëm, por nuk e kam takuar Jakup Krasniqin

    “Jo nuk e kemi takuar, ne u përpoqëm që të bënim takime me të sa i takon përpjekjeve përmes zingjirit të komandës megjithatë me sa më kujtohet informacioni im është se ose u refuzua ai takim me ne ose nuk ia dolëm të siguronim një takim me të, nuk më kujtohet. Kam përshtypjen që kolegët e mi kanë diskutuar me të megjithatë nuk më kujtohet asgjë sa i takon këtyre takimeve”, tha ai.

    Tutje, ai pohoi se kishte njohuri që Krasniqi kishte zhvilluar takime me OSBE-në.

    Ellis: A e dini që zotëri Krasniqi ka mbajtur takime me OSBE?

    Ledwindge: Më kujtohet kjo, po flasim për dhjetor apo nëntor 1998.

    Ellis: Në përgjithësi po iu them se a jeni në dijeni se janë mbajtur takime?

    Ledwidge: Po

    Ellis: A iu kujtohet që janë mbajtur me William Walker dhe të tjerë nga OSBE në janar të 99’ës?

    LedWidge: Më kujtohet që më është thënë diçka e tillë dhe nuk kam arsye të dyshoj.

    Sipas dëshmitarit, një kolonel me emrin Petroviq kishte thënë se Jakup Krasniqi kishte qenë në qendrën e ndalimit të UÇK-së.

    Por kjo u kundërshtua nga avokati mbrojtës i cili tha se Krasniqi nuk ka qenë në asnjëherë në qendrën e ndalimit në Malishevë apo në ndonjë qendër tjetër të tillë.

    Ellis: Jakup Krasniqi nuk ka qenë i pranishëm në qendrën e ndalimit në Malishevë në periudhën që janë përmendur prej jush nga datat 17 deri 26 korrik 1998, dhe ai në fakt nuk ka qenë asnjëherë në ndonjë qendër ndalimi të UÇK-së, ajo çfarë keni dhënë në deklaratat tuaja është opinioni juaj se ju nuk keni qenë të pranishëm atje në korrik të vitit 1999.

    Ledwidge: Ka rrjedhur nga deklaratat që kemi marr nga dëshmitarët.

    Ellis: Po dhe është opinioni juaj se atë çfarë kanë treguar personat që keni folur ishte informacioni i saktë dhe ishte kryesisht informacion nga Bajloseviq nga dy gratë.

    Ledwidge: Ishte përshtypje e përgjithshme në qytet dhe e kam thënë disa herë unë nuk kam fol vetëm me ato dyja por edhe me të tjerë.

    Ellis: Ju vetë nuk e keni identifikuar që bëhej fjalë vërtetë për zotëri Krasniqin.

    Dëshmitari i ZPS-së i cili është një oficer i inteligjencës britanike që ka shërbyer gjatë periudhës së luftës në kuadër të misionit të OSBE në Kosovë, u intervistua edhe nga trupi gjykues.

    Dëshmia e tij në gjykatoren e speciale ka zgjatur dy ditë.

    Gjykimi kundër ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi ka nisur më 3 prill me deklaratat hyrëse, ku të gjithë janë deklaruar të pafajshëm për akuzat për krime të pretenduara të luftës.

    Ata ndodhen në qendrën e paraburgimit në Hagë prej nëntorit të vitit 2020./KP

  • ​Mbrojtja e Thaçit përfundon kundra-pyetjet për oficerin britanik

    ​Mbrojtja e Thaçit përfundon kundra-pyetjet për oficerin britanik

    Në gjykimin ndaj Hashim Thaçit dhe të tjerëve edhe sot vazhdoi intervistimi i oficerit të inteligjencës britanike, Francis Ledwidge, i cili ka shërbyer gjatë periudhës së luftës në Kosovë.

    Në vazhdën e marrjes në pyetje nga mbrojtja e Hashim Thaçi, oficeri britanik foli për dëbimet e shqiptarëve nga forcat serbe, derisa theksoi se edhe ai për një periudhë ishte zhvendosur në Shqipëri.

    Avokati, Kehoe pyeti dëshmitarin nëse konsideron se pas masakrës së Reçakut ishte situatë kaotike në terren, më pas dëshmitari i 14-të i ZPS-së tha se kjo situata ishte kaotike që nga momentin kur ata kishin arritur në Rahovec.

    Kehoe: A do të ishte e drejtë të thuhet se pas Reçakut gjërat u bënë shumë kaotike si në terren dhe u bënë edhe shumë të vështira për juve që duhet edhe të raportonit?

    Ledwidge: Gjërat ishin kaotike që nga momenti që ne mbërritëm në Rahovec të paktën flas për ekipin tonë, që prej ditës së parë ne kemi shumë të zënë me punë që nga lindja e diellit derisa perëndonte e kishim të pamundur që të punonin ndryshe, që nga momenti që kemi arritur ka pasur incidente të posaçme, incidente konkrete, vrasje, të shtëna shkelje të të drejtave të njeriut arrestime kemi gjetur njerëz të vdekur si dhe kishim edhe punën e përditshme të patrullimit.

    Teksa u pyet për një raport të OSBE që flet për dëbimet e popullatës shqiptare nga forcat serbe, dëshmitari, Ledwidge u shpreh se edhe ai me sytë e tij i kishte parë disa prej tyre.

    Kehoe: Mendoj se ju njerëzit e OSBE dhe në librin ashtu që është parë e thoni këtë se në periudhën nga marsi-qershor 1999 ish-jugosllavia forcat serbe dëbuan rreth 8063 mijë shqiptarë të Kosovës nga Kosova….dhe më pas në këtë dokument thoni se 80% e popullsisë shqipare rreth 1.4 milionë njerëz janë zhvendosur nga zonat e konfliktit deri në qershor 1999 a ka ndonjë arsye që t’i vini në pikëpyetje statistikat e OSBE në këtë libër

    Ledwidge: Jo përkundrazi e konfirmoj këtë ekipet tona pas dëbimit janë zhvendosur në Shqipëri unë vetë kam qenë njëri prej këtyre personave këto janë fakte të vërteta dhe që i pranoj plotësisht

    Kehoe: Duke filluar në shkurt e duke vazhduar mars prill e me radhë popullsia shqiptare e Kosovës është dëbuar me forcë nga forcat serbe qofshin ato ushtarake, policia apo para ushtarake apo paramilitarët

    Ledwidge: Po disa prej tyre i kam parë me sytë e mi

    Më pas, Kehoe parashtroi disa pyetje dhe rreth operacionit të forcave serbe në fshatin Bellacerk, Krushë e Madhe e Krushë e Vogël, që forcat serbe zhvilluan pas bombardimeve të NATO-së.

    Kurse, dëshmitari i ZPS-së u shpreh se nuk i kundërshton mizoritë që kanë bërë forcat serbe karshi popullatës shqiptare.

    Kehoe: Një pjesë e kohës e punës ishte kaluar duke u marrë me shqiptarët e zhdukur dhe të vdekur dhe në paragrafin 16 përsëri thoni që arsyeja për këtë ishte se ata ishin në numër shumë më të madh shqiptarët rreth 7 mijë shqiptarë të zhdukur shqiptarë të Kosovës

    Ledwidge: Po rreth 1 mijë serbë të zhdukur që përfaqësojnë statistikisht ndoshta një proporcion më të lartë por nuk kundërshtoj mizoritë që janë kryer vrasjet në masë nga forca serbe disa element të UÇK kanë bërë të njëjtë gjë

    Kehoe: Nuk prisja që të thonit nga ju një gjë të tillë, por po iu them se ka pas shumë më shumë shqiptar të Kosovës dhe ju si OSBE është dashur që t’i kushtoni shumë më shumë kohë për të kërkuar këta persona të zhdukur

    Ledwidge: Në cilën periudhë kohore në misionin tonë disa më vonë mund të them se në dy periudha kohore para bombardimit dhe gjatë bombardimit dhe pas bombardimit kështu ka qenë saktësisht, sepse siç e thatë edhe ju numri i personave të vrarë nga autoritetet serbe ishte më i madh se sa numri i vrarë nga UÇK

    Oficeri ushtarak britanik, i cili po dëshmon në rastin kundër Thaçit dhe të tjerëve theksoi se pas periudhës së konfliktit ka pas prani të krimit të organizuar

    Kjo përgjigje e Ledwidge rrodhi pas pyetjes së bëri nga avokati Kehoe pasi lexoi edhe një raport të OSBE-së.

    Kehoe: Në periudhën pas konfliktit në Prizren dhe zonat tjera ku keni qenë ka ekzistuar një element i bandave kriminale që ekzistojnë aty

    Ledwidge: Natyrisht

    Kehoe: Në të njëjtën mënyrë ka ekzistuar një element që vinte nga Shqipëria që përfitonte nga situata rrëmujë në Kosovë pas konfliktit

    Ledwidge: Them sigurisht, sepse përvoja ime lidhur me këtë pikë me kthimin tonë nga Shqipëria…kam vërejtur dëgjuar pretendime të vajzave të reja që merreshin për qëllime të trafikimit me qenie njerëzore nga trafikant shqiptar, ashtu siç shefi i inteligjencës së UÇK në zonën tonë nuk i interesonte kjo gjë, UÇK në zonat pas konfliktit siç është rasti në Kosovë keni gjithmonë praninë e krimit të organizuar që përfiton nga kaosi dhe situata dhe ka pas dyshime për vrasje në seri jashtë elementit politik…besoj që krimi i organizuar ka qenë një karakteristik përpara konfliktit e kam fjalën para bombardimeve të NATO kjo ka qenë e dominuar nga bandat serbe në bashkëpunim me shqiptar, pastaj kanë vazhduar duke përfituar nga mungesa e rendit dhe ligjit dhe kaosi vazhdon deri sot

    Avokati i Hashim Thaçit, Gregory Kehoe vazhdoi me pyetje për dëshmitarin e ZPS-së lidhur me atë se a ishte ai në dijeni për deklaratat e Thaçit përmes të cilave këshillonte shqiptarët për ndërprerje të dhunës dhe promovonte Kosovë ndër etnike.

    Më pas, dëshmitari u shpreh se nuk i kujtohet të ketë dëgjuar për këto deklarata dhe raportimet e tij për këtë çështje mund të kenë ndodhur bazuar në raportimet nga takimet.

    Ledwidge: Nuk i kam ndjek deklaratat e Thaçit për medie

    Kehoe: Po a ishit në dijeni të faktit që zotëri Thaçi po e bënte këtë

    Ledwidge: Nuk më kujtohet të kem qenë në dijeni të kësaj apo të asaj, sepse ne kishim punë të përditshme

    Kehoe: Në përmbledhjen e Prokurorisë ju thoni se rreth nëntorit 1999 ju zotëri Ledwidge ikishit dëgjua nga shumë njerëz që Thaçi kishte bërë një fjalim në një tubim në Rahovec ku kishte deklaruar se koha kur flitet serbishtja ka përfunduar..10’51Ju thatë zotëri Ledwidge se ju nuk dini asgjë rreth deklaratave të Thaçit

    Ledwidge: Unë nuk e thash këtë, unë thash se nuk i kam ndjekur komentet deklaratat e zotërit Thaçi në medie ndoshta më është raportuar në takimet tona me njerëzit nga medie në lidhje me këto deklarata mirëpo këto deklarata të politikave nuk ishin pjesa kryesore e punës tonë

    Kehoe: Domethënë nuk iu kujtohen këto komente që ka bërë Thaçi në medie në Kosovë para popullit të Kosovës

    Ledwidge: Po ashtu e thash që nuk më kujtohet qoftë kështu apo ashtu

    Tutje, mbrojtja e Thaçi ka vazhduar tutje ta pyes dëshmitarin e ZPS-së se ishte në dijeni për një vizitë në korrik të Thaçit në Mitrovicë për të qetësuar dhunën atje. Më pas, dëshmitari tha se atë kohë nuk ishte në dijeni po javën që shkoi lexoi për këtë gjë.

    E pas insistimit të avokatit të Thaçit, Kehoe rreth asaj se dëshmitari a e kishte dëgjuar deklaratën e Thaçit se kishte thënë se ka përfunduar koha kur flitet serbishtja, oficeri i inteligjencës britanike, Francis Ledwidge ritheksoi se nuk ka qenë i pranishëm kur është bërë ajo deklaratë nga ish-presidenti, Hashim Thaçi.

    Siç u shpreh ai puna e tij ishte të gjente njerëzit e zhdukur dhe të trajtonte shkeljet e të drejtave të njeriut.

    Ledwidge: Nuk e kam dëgjuar atë deklaratë, puna ime ishte të gjeja njerëzit e zhdukur

    “Puna ime ishte të gjeja njerëzit e zhdukur dhe të trajtoja çështje e shkeljeve të të drejtave të njeriut, mendoj se nuk kam dëgjuar në atë kohë ishte posaçërisht e vështirë për ata që nuk ishin shqiptar të dalin në rrugë të Prizrenit dhe për këtë edhe në Rahovec dhe siç thash ishte diku rreth apo në Ditën e Flamurit mund edhe mos të ketë qenë, por unë nuk kam qenë i pranishëm kur është bërë ajo deklaratë’”, u shpreh ai.

    Më pas, kundra-pyetjet i vazhdoi mbrojtja e Kadri Veselit.

    Ndryshe, Hashim Thaçi, Kadri Veseli, Rexhep Selimi dhe Jakup Krasniqi janë të pranishëm fizikisht në sallën e gjyqit gjatë seancës së sotme.

    Oficeri ushtarak britanik, Francis Ledwidge dëshminë e tij para Speciales e nisi gjatë seancës së djeshme, kur ndaj tij parashtroi pyetje ZPS, ndërsa mbrojtja e viktimave nuk kishte pyetje për dëshmitarin e 14-të në rastin Thaçi dhe të tjerët.

    Gjykimi kundër ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi ka nisur më 3 prill me deklaratat hyrëse, ku të gjithë janë deklaruar të pafajshëm për akuzat për krime të pretenduara të luftës.

    Ata ndodhen në qendrën e paraburgimit në Hagë prej nëntorit të vitit 2020./KP

  • Oficeri britanik nis dëshminë në rastin kundër Thaçit dhe të tjerëve

    Oficeri britanik nis dëshminë në rastin kundër Thaçit dhe të tjerëve

    Në Gjykatën Speciale në Hagë, në rastin kundër ish-krerëve të Ushtrisë Çlirimtare të Kosovës, filloi të dëshmojë Francis Ledwidge, oficer i ushtrisë britanike i cili kishte shërbyer në Kosovë gjatë periudhës së luftës.

    Ai është dëshmitari i katërmbëdhjetë i Zyrës së Prokurorit të Specializuar dhe po dëshmon pa masa mbrojtëse në seancë publike.

    Prokurori Nico Baarlink tha se Ledwidge ka shërbyer në misionin e OSBE-së nga nëntori 1998 deri në mars 1999, si dhe nga korriku 1999, që sipas tij kishte hetuar rastet e personave të cilët pretendohet se janë ndaluar në zonën e Rahovecit.

    Sipas prokurorit, dëshmitari kishte zhvilluar intervista me të ndaluarit dhe familjarët e të zhdukurve.

    Baarlink: Dëshmitari ka hetuar rastet e personave të ndaluar

    “Dëshmitari ka hetuar rastet e personave të cilët janë ndaluar nga UÇK dhe të cilët janë zhdukur më ose rreth datës 17 korrik 1999 në Rahovec dhe në zonat përreth. Ai ka kryer intervista që kanë të bëjnë me këto ngjarje përfshirë këtu edhe të ndaluar të mëparshëm dhe anëtar të familjeve të viktimave. Dy persona i kanë thënë dëshmitarit se me ta ka folur Jakup Krasniqi, dëshmitari është ndaluar shkurtimisht nga forcat serbe pas zhdukjes së vëllezërve më datë 27 shkurt 1999 dhe dëshmitari gjithashtu ka hetuar të paktën në rrëmbimin e 5 serbëve nga ushtarë të uniformuar dhe armatosur të UÇK-së në Rahovec rreth datës 16 qershor 1999. Më ose rreth nëntorit 1999 dëshmitari ka dëgjuar nga shumë persona se Hashim Thaçi ka dhënë një fjalim në një miting të organizuar në Rahovec“, tha ai.

    Ndërsa sipas dëshmitarit, shumë nga intervistat janë zhvilluar në Hoçë të Madhe.

    Ai tha se dokumentet nuk janë të nënshkruara nga dëshmitarët sepse sipas tij qëllimi nuk ka qenë që të përdoreshin në salla gjyqi.

    Ledwidge: Nuk kemi kërkuar nënshkrime kur intervistuam personat e ndaluar apo familjarët e tyre

    “Kanë kaluar 25 vite që prej asaj kohe kështu që procesi përmes të cilit i kemi përkthyer shënimet në dokumente të shkruara sa i takon personave të zhdukur nuk më kujtohet ekzaktësisht, megjithatë nuk do isha i surprizuar i habitur që të diskutonim ndërmjet nesh apo t’ia lexonim mbrapsht dëshmitarit dhe po ashtu ne nuk i kemi kërkuar që të nënshkruajnë fatkeqësisht këtyre dëshmitarëve sepse synimi i këtyre dokumenteve nuk ishte që të përdoreshin në sallë gjyqi, kështu që për pasojë është informacion që është përdorur vetëm thjesht në shtabet apo zona tona. Besoj që menjëherë pasi është bërë intervista e kemi shtypur atë pasi ka kaluar një kohë e shkurtër mbase i kemi shtypur në të njëjtën ditë, megjithatë kam pas një kopje elektrike”, theksoi ai.

    Ndërsa mbrojtja e Kadri Veselit deklaroi se dëshmitari i ZPS-së është autorizuar nga kolonel Milan Petroviq që të mbledh informacione dhe t’i kalojë në Hagë.

    Avokati: Ai është autorizuar që t’i mbledh informacionet dhe t’i kalojë në Hagë

    “Ka disa sugjerime nga deklarata e këtij dëshmitari në faqen 12, ai është autorizuar që t’i mbledh informacionet dhe t’i kaloj në Hagë dhe ka marr një autorizim për të bërë një gjë të tillë. ‘Gjatë dy bisedave me këtë person koloneli Milan Petroviq më pyeti nëse kam autoritet që të transferoj informacione në Hagë unë përpara këtij takimi kam marr autorizim për të bërë këtë gjë i thash kolonelit të paktën prej disa informacioneve të mbledhura janë bërë për këtë qëllim për të quar më tej një hetim”, theksoi avokati i Veselit.

    Pas pyetjeve për disa raporte, më pas Zyra e Prokurorit të Specializuar ka mbaruar pyetjet e saj për dëshmitarin, Francis Ledwidge.

    Me kundërpyetjet vazhdoi mbrojtja e Hashim Thaçit ku avokati Gregory Kehoe pyeti dëshmitarin e ZPS-së për dislokimin e tij në Rahovec.

    Më pas, Ledwidge tregoi se ai vetë i katërti ishte zhvendosur në një shtëpi në Rahovec në një zonë të banuar me serbë.

    “Ledwidge: Ne u dislokuam një ekip prej 4 vetash dhe më pas na u bashkuan edhe të tjerë këtij grupi të vogël i gjithë grupi përbëhej prej 22 personave kurse të tjerët në atë kohë nuk kishim punonjëse gra sepse ishin të shpërndara nëpër qytet dhe më pas u dislokuam nëpër këto baza në terren”,

    Kehoe: Ky vendi ku u vendosët ishte i banuar me serbë në Rahovec

    Ledwidge: Po kjo është e saktë siç kam thënë në deklaratën time kam qenë para shumë kohësh atje dhe e di që ishin dy pjesë të qytetit pjesa në kodër ishte e banuar prej serbëve, kurse pjesa më e madhe shumica e banorëve jetonin në pjesën e qytetit

    Kehoe: Personit sipas hierarkisë së OSBE që i raportonit ishte Syzan Peterson a e është kjo e saktë

    Ledwidge: Linja e raportimit ishte mjaftë jo zyrtare në atë kohë ishim një grup i shpërndarë në gjithë Kosovën, unë i raportoja shefit tim i cili ishte Ijen Mechlaud më pas George…dhe teknikisht gjatë kohës së konfliktit Syzan Peterson.

    Ndërsa mbrojtja e avokatit të viktimave nuk kishte pyetje për këtë dëshmitar.

    Para fillimit të kësaj dëshmie, mbrojtja kundërshtoi shënimin zyrtar të ZPS-së për këtë dëshmitarin, duke pretenduar se ka deklarime të reja të cilat i janë ofruar mbrojtjes gjatë fundjavës dhe se të njëjtit nuk kanë pasur kohën e mjaftueshme për t’u përgatitur.

    Ekipet mbrojtëse thanë gjithashtu se dëshmitari gjatë dëshmisë së tij para ZPS-së ka dhënë shumë opinione.

    Avokati i Thaçit, Gregory Kehoe tha se dëshmia e këtij dëshmitari është plot me opinione dhe se dëshmitari nuk është ekspert.

    Kehoe: Jam i shqetësuar me këtë praktikë

    “Personalisht jam i shqetësuar lidhur me atë çfarë është bërë praktikë e pranueshme deri tani në kuptimin që kolegët lejohen që të shtojnë deklaratat e dëshmitarëve dhe kemi këtu një dokument të ri që siç e thash e kemi marr vetëm të shtunën në darkë dokument I cili ka informacion të ri”, theksoi ai.

    Ndërsa, avokati mbrojtës i Veselit, Ben Emmerson u shpreh se një dëshmitar faktik nuk mund të jap opinione, prandaj kërkoi që këto opinione të dëshmitarit të 14-të të mos nxirren nga prokuroria.

    Emmerson: Nuk duhet të nxjerrën opinione nga dëshmitarët

    “Deklarata fillestare përmbajnë opinione të dëshmitarit dhe me kalimin e kohës këto janë rritur në kuptimin që kemi edhe shënime të cilat përmbajnë një sasi të konsiderueshme opinione, edhe një dëshmitarë ekspert nuk lejohet që të jap opinionet për çështjet që duhet të merret vendim shembull prania ose ekzistenca e një policie për të ndjekur bashkëpunëtorët tjerë. Një gjë më e rëndësishme se kaq është se opinionet nuk duhet të nxirren nga dëshmitarë fakti…1133 opinionet nuk duhet të nxirren ose nuk duhet të jepen nga dëshmitarët e faktit kur nuk është e qartë se cila është baza faktike e dëshmitarëve, palëve u kërkohet që të eksplorohet më tej në bazën e njohurive të dëshmitarit në varësi që thotë ai…nuk bëhet një dëshmitar ekspert por kemi të bëjmë me një dëshmitarë fakti kështu që si rezultat është shumë I rëndësishëm që opinionet e tij të jenë sa më të kufizuara të jenë të mundur”, theksoi ai.

    Pas këtyre shqetësimeve, trupi gjykues dha urdhër gojor që opinioni nuk duhet të nxjerrët nga prokuroria por të mbështetet në fakte që verifikohen si dhe urdhërojë ZPS-në që të redaktojë informacionin që përmban shënimi zyrtar.

    Më pas kryesuesi i trupit gjykues, Charles Smith njoftoi se nëse nxirren si prova nga ZPS-së atëherë kjo dëshmi nuk do të merret parasysh.

    Smith: Opinioni nuk duhet të nxirret nga prokuroria

    “Trupi gjykues pajtohet se shqetësimi i mbrojtjes se opinioni i dëshmitarit nuk duhet të bjerë nën fushën e përgjegjësisë së veprimit të trupit gjykues. Kështu që trupi gjykues vëren më tej se opinioni nuk duhet të nxirret nga prokuroria dhe është e rëndësishme që kjo dëshmi të mbështetet në fakte dhe rrethanat që do të verifikohen. Nëse ndodh e kundërta dëshmia thjesht nuk do të merret parasysh ose do të jepet shumë pak peshë. Trupi gjykues si rezultat urdhëron ZPS që të redaktoj informacionin që përmbahet në shënimet e veta për përgatitjen e dëshmitarit dhe i kujtojnë ZPS se nëse kërkon që të nxjerr apo mbështetet në prova të tilla nga dëshmitari ato duhet të nxjerrën nga dëshmitari mbi bazën që dëshmitari ka formuar opinionin e vetë“, tha ai.

    Paraprakisht, dëshminë e ka përfunduar ish-komandanti i Zonës Operative të Llapit, Rrustem Mustafa.

    Gjykimi kundër ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi ka nisur më 3 prill me deklaratat hyrëse ku të gjithë janë deklaruar të pafajshëm për akuzat për krime të pretenduara të luftës.

    Ata ndodhen në qendrën e paraburgimit në Hagë prej nëntorit të vitit 2020./KP

  • ​Ish-komandant Remi përfundon dëshminë e tij në rastin Thaçi dhe të tjerët

    ​Ish-komandant Remi përfundon dëshminë e tij në rastin Thaçi dhe të tjerët

    Ish-komandanti i Zonës Operative të Llapit, Rrustem Mustafa sot ka përfunduar dëshminë e tij në gjykimin kundër ish-krerëve të Ushtrisë Çlirimtare të Kosovës. Intervistimi i tij zgjati gjithsej gjashtë ditë dhe gjatë seancës së sotme gjyqësore, trupi gjykues vazhdoi me pyetje për ish-komandantin, Remi.

    Ish-komandat, Remi u shpreh se si zonë kishin mbi vete shtabin e përgjithshëm të UÇK-së.

    Metro: E pranoni se gjatë periudhës përkatëse 98 deri në verën e 99’ës ju si zonë ishit në varësi të shtabit të përgjithshëm

    Metro: a e pranoni propozimin se zona operative ishte niveli i dytë në zinxhirin e komandës në varësi të nivelit të parë që në fakt ishte shtabi i përgjithshëm

    Mustafa: Mbi vete kishte shtabin e përgjithshëm i cili po konsolidohej

    Gjyqtari Metro ka parashtruar pyetje për një dokument të SHIK-ut, i cila përfshinë një listë që përmban emrat e personave të dyshuarë si bashkëpunëtorë. Por për këtë dëshmitari tha se nuk e njeh këtë dokument.

    Metro: Këtu kemi një dokument të SHIK-ut të Kosovës që është një listë që përmban persona të dyshuar si bashkëpunëtorë që janë nga zona e përgjegjësisë tuaj Podujevës, a njihnin nga personat e renditur në këtë listë, a njihni ndonjë nga emrat në këtë listë

    Mustafa: Jo nuk i njoh

    Metro: Alush Kastrati, Osman Sinani, Etem Jashari nuk të thonë asgjë

    Mustafa: Ju po thoni se ky dokument është gjetur pas luftës nga UNMIK në zyrat e SHIK, s’kanë lidhje këto dokumente me kohën e luftës

    Metro: Nëse e kuptoj siç duhet është SHIK, pas luftës pas faktit që krijoi një listë të bashkëpunëtorëve në zonën tuaj, këtë po e thoni

    Mustafa: Ju po thoni që dokumentet janë gjetur nga policia e UNMIK dhe unë vetëm po them se ky dokument nuk është i njohur për mua dhe nuk ka lidhje me UÇK

    Metro: Kush do të ishte personi përgjegjës për ta ndarë këtë informatë me shtabin e përgjithshëm, ju personalisht apo dikush tjetër

    Mustafa: Nuk ka pas asnjë dërgesë në shtabin e përgjithshëm të kësaj lloj informatave

    Kryesuesi i trupit gjykues, Çarls Smith pyeti Rrustem Mustafën se përmes kujt kishte komunikuar me delegacionin në Rambuje. Ndërsa, ish-komandant, Remi tha se përmes Sabri Kiçmarit dhe Pleurat Sejdiu kishte arritur komunikimin.

    Ish-komandant Remi pohoi se policia ushtarake ishte përgjegjëse për të gjitha qendrat e ndalimit të UÇK-së, në Zonën Operative të Llapit.

    Gejnor: Policia ushtarake ishte përgjegjëse për të gjitha qendrat e ndalimit të UÇK në zonë tuaj

    Mustafa: Po zotëri gjyqtari

    Pas përfundimit të pyetjeve të trupit gjykues, përsëri karshi Rrustem Mustafës parashtroi pyetje mbrojtja e Thaçit dhe Veselit, që kryesisht kishin të bënë me pyetjet e gjyqtarit, Genël Metro.

    Avokati i Kadri Veselit, Ben Emmerson pyeti dëshmitarin Mustafa se nëse Kadri Veseli apo ndonjë person tjetër nga shtabi i përgjithshëm, kishte dhënë ndonjë udhëzim për ndalimin e ndonjë personin në Zonën e Llapit, dhe këtë e mohoi ish-komandanti i Zonës Operative të Llapit.

    Emmerson: Kadri Veseli apo ndonjë personë tjetër nga shtabi i përgjithshëm, a ka dhënë ndonjëherë udhëzime për ndonjë personë në zonën tuaj të arrestoni me emrër

    Mustafa: Jo

    Ai po ashtu tha se nuk ka ekzistuar ndonjë urdhëresë apo dokument nga shtabi i përgjithshëm, ku urdhërohejë keqtrajtimi apo ndalimi i civilëve.

    E pas përfundimit të dëshmisë së ish-komandant Remit, avokati i Veselit, Ben Emmerson ka replikuar reagimet e gjyqtarëve pas kundra-pyetjeve që bëri ai.

    Emmerson tha se është detyrë e tij të kundërshtoj pyetjet tendencioze.

    Emmerson: Është detyrë e avokatit të kundërshtojë pyetjet tendencioze

    “Gjatë kohës sa po kundërshtoja pyetjet e gjykatësit Metro u bënë disa konstatime deri në momentin që më thatë të ulesha nga juridiksioni që vijë unë, është detyrë e avokatit të kundërshtojë pyetjet tendencioze të palëve përfshirë edhe trupit gjykues nëse nuk pranohet në këtë juridiksion unë do të doja të dilte me një vendim ku do të bëhej e qartë pse nuk lejohen kundërshtimet…Kanë qenë disa pyetje të gjyqtare Barte dhe Metro ku u cenuan kufijtë legjitim të sjelljes së përshatatshme të një trupi gjykues…Duhet të dilni me një vendim sepse unë do të bëjë një apel nëse nuk pranohen kundërshtimet nesër pasnesër do të thoni pse nuk e kundërshtuar nëse unë kundërshtoj gjykatësi Metro më dha urdhër që unë të ulesha dhe u përpoq të hynim në një diskutim dhe ju më thatë të ulesha dhe kundërshtimi im që u bë shumë i qartë është hequr nga hequr nga transkripti..Nuk dua të të degjenerohet sinuata, por duhet të kemi një proces të qartë nëse gjykatësit janë të përgatitur për kundra-pyetje e pamë që kjo e orientoj në mënyrë të gabuar dëshmitarin doli jashtë kontekstit”, tha ai.

    Në sallën e gjyqit janë të pranishëm të gjithë të akuzuarit të cilët e dëgjuan edhe pjesën e fundit të dëshmisë së ish-komandant, Remit.

    Ish-komandanti i Zonës Operative të Llapit, Rrustem Mustafa i njohur me nofkën Remi ka nis dhënien e dëshmisë së tij në Hagë nga e marta e javës së kaluar. Remi është dëshmitari i parë që ka dal publikisht në gjykimin kundër ish-presidentit, Hashim Thaçi, ish-kryeparlamentarëve, Kadri Veseli dhe Jakup Krasniqi dhe ish-deputetit, Rexhep Selimi, pasi të gjithë të tjerët kanë qenë me masa mbrojtëse.

    Gjykimi kundër tyre ka nisur më 3 prill me deklaratat hyrëse ku të gjithë janë deklaruar të pafajshëm për akuzat për krime të pretenduara të luftës.

    Ata ndodhen në qendrën e paraburgimit në Hagë prej nëntorit të vitit 2020./KP

  • Mustafa vazhdon edhe sot dëshminë në Speciale

    Mustafa vazhdon edhe sot dëshminë në Speciale

    Sot në Hagë vazhdon seanca ku dëshmon Rrustem Mustafa, ish-komandant i Zonës Operative të Llapit, në rastin ‘Thaçi dhe të tjerët’.

    Ndryshe dje dëshmitari Rrustem Mustafa- Remi, ish-komandant i Ushtrisë Çlirimtare të Kosovës në Zonën Operative të Llapit, në gjykimin ndaj Hashim Thaçit dhe të tjerëve, ka filluar dëshminë me pyetjet nga avokati Ben Emerson.

    Po ashtu dje Mustafa është pyetur edhe për Kushtetutën e Kaçanikut e miratuar me 7 shtator 1990. Mustafa tha se kjo ajo kushtetutë është miratuar nga deputetët e Kuvendit të Kosovës, të asaj kohe, raporton RTKlive.

    Po ashtu Mustafën, ka filluar ta marr në pyetje trupi gjykues pasi që palët kanë përfunduar pyetjet dhe kundër-pyetjet e tyre, raporton RTKlive.

    Fillimisht janë bërë pyetje nga gjykatësi Christoph Barthe dhe më pas nga gjykatësi Guenawl Mettraux, ku pyetjet e këtij të fundit pritet të vazhdojnë sot.

  • Gjykata Speciale: Pranohet si provë materiale intervista e Remit për BBC

    Gjykata Speciale: Pranohet si provë materiale intervista e Remit për BBC

    Në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, në Dhomat e Specializuara të Kosovës (DhSK), në seancën e së premtes, është pranuar si provë materiale video dhe transkripta e intervistës së Rrustem Mustafës- Remit, për BBC për kohën e Rambujesë.

    Fillimisht mbrojtja e Thaçit, konkretisht avokati Luka Mishetiq ka kërkuar të lëshohet një intervistë që dëshmitari Mustafa e kishte dhënë për BBC pas luftës, në lidhje me kohën e Rambujesë, raporton “Betimi për Drejtësi”.

    Në videon e lëshuar, dëshmitari Mustafa dëgjohej të thoshte se ky kishte qenë për shkuarjen në Rambuje, por jo për të nënshkruar.

    “Kam qenë për shkuarjen në Rambuje, jo për nënshkrim po, veç me shku edhe me i thanë kërkesat tona”, dëgjohej të thoshte Mustafa.

    Tutje, dëshmitari Mustafa dëgjohej të thoshte se shumica e komandantëve nuk kishin mundur të shkonin për shkak se ka qenë luftë.

    “Po kena folë përmes telefonit, por ju kemi thanë se normalisht duhet me shku në Rambuje, me uniformë, me i prezantu qëllimet tona por kurrqysh nuk duhet me u mashtru, nuk bën me u tradhtu edhe duhet me fitu atje”, dëgjohej ai.

    Gjithashtu, Mustafa dëgjohej të thoshte se i kanë thirrë në telefon të gjithë anëtarët e grupit dhe se i kanë kërcënuar se nuk guxojnë të nënshkruajnë dhe se nëse e bëjnë, nuk guxojnë të kthehen në Kosovë.

    “E kom marrë telefonin, e kemi telefonu edhe kom ba kërcënim, nuk guxoni me nënshkru. M’u kujtohet si sot, i kemi thanë ju e dini se kemi raketa kundër ajrit për raketa edhe do t’i ruajmë ato raketa, s’do t’i përdorim me serbë, po aeroplanin e juaj po zbritet në Sllatinë do ta rrëzojmë”, thoshte Mustafa në atë intervistë.

    Ndërkaq, tha se ata kanë vepruar ashtu, duke u kthyer në Kosovë, ashtu që të konsultoheshin.

    Pas dëgjimit të kësaj videoje, avokati Mishetiq e ka pyetur dëshmitarin Mustafa në lidhje me atë që Thaçi iu kishte dhënë garanci komandantëve të zonave.

    Në lidhje me këtë, dëshmitari Mustafa tha se Thaçi ishte shef i delegacionit të Rambujesë dhe se ka bërë gjithçka për t’i bindur.

    Sipas tij, Thaçi i kishte bindur një nga një dhe se i ka siguruar se ai po kontakton me njerëzit më të fuqishëm.

    “Kam qenë skeptik derisa ka fillu bombardimi i NATO-së”, shtoi tutje Mustafa.

    Po ashtu, avokati Mishetiq e ka pyetur edhe në lidhje me atë se nëse komandantët e zonave do e hiqnin pëlqimin që i kanë dhënë Thaçit.

    Dëshmitari Mustafa tha se pa ata, marrëveshja nuk do kishte kuptim.

  • Remi vazhdon edhe sot dëshminë në Speciale

    Remi vazhdon edhe sot dëshminë në Speciale

    Rrustem Mustafa i njohur si Komandant Remi do të vazhdojë edhe sot dëshminë në Gjykatën Speciale.

    Ish-komandanti i Zonës Operative të Llapit, Rrustem Mustafa, ka filluar dje dëshminë para Gjykatës Speciale, në rastin ndaj ish-krerëve të Ushtrisë Çlirimtare të Kosovës.

    Ky është gjykimi kundër Hashim Thaçit, Kadri Veselit, Rexhep Selimit dhe Jakup Krasniqit.

  • Specialja rrëzon kërkesën e ZPS-së për pranimin e dëshmisë me shkrim në vend të dëshmisë së drejtpërdrejtë për një dëshmitar

    Specialja rrëzon kërkesën e ZPS-së për pranimin e dëshmisë me shkrim në vend të dëshmisë së drejtpërdrejtë për një dëshmitar

    Trupi gjykues në çështjen ndaj ish-presidentit Hashim Thaçi dhe të tjerët, ka vendosur që të rrëzojë kërkesën e Zyrës së Prokurorit të Specializuar (ZPS) për pranimin e deklaratave të mëhershme të dëshmitarit 4647 sipas rregullit 154.

    Këtë e ka bërë të ditur kryetari i trupit gjykues, gjykatësi Charles Smith në seancën e së hënës, duke paraqitur tri arsye, raporton “Betimi për Drejtësi”.

    “Së pari, Prokuroria nuk ka paraqitur arsye të mjaftueshme që përbëjnë arsye të vlefshme për t’u pajtuar me afatin e 7 shkurtit, për të cilin kishte vendosur trupi gjykues në bazë të rregullës 154 sa u takon 12 dëshmitarëve të parë dhe kjo është në transkriptin e 18 janarit, në faqe 1902”, tha ai.

    Tutje, gjykatësi Smith tha se arsyeja e dytë është se trupi gjykues pajtohet me mbrojtjen se ndryshimi në mënyrën e prezantimit të provave të dëshmisë së 04647 do të cenonte në fakt të pandehurin.

    Kurse së treti, ai tha se në kuadër të rëndësisë së dëshmisë së propozuar, trupi gjykues ka vlerësuar se arsyet duhet të ishin paraqitur paraprakisht me shkrim dhe të tilla arsye nuk janë paraqitur.

    “Prandaj, trupi gjykues në këtë rast rrëzon kërkesën e Prokurorisë për të pranuar dëshminë e dëshmitarit 04647 në bazë të rregullës 154”, përfundoi ai urdhrin gojor.

    Ndërkaq, paraprakisht, dëshmitari i dymbëdhjetë me radhë (me kodin 04337) duke iu përgjigjur pyetjeve të prokurorit të specializuar James Pace, tha se asnjë pjesëtar i Ushtrisë Çlirimtare të Kosovës (UÇK) nuk ia mundësoi që të kundërshtonte ndalimin e tij.

    ‘‘Asnjëherë’’, u përgjigj dëshmitari kur u pyet lidhur me këtë.

    Po ashtu, ai u përgjigj me “jo” në pyetjen nëse pas ose gjatë ndalimit të tij, ndonjë pjesëtar i UÇK-së i kishte dhënë ndonjë dokument që pretendohej se mbi bazën e tij ishte ndaluar i njëjti.

    Tutje, dëshmitari dha përgjigjen se ‘‘kurrkujt si kam pas borxh, asnjëherë’’, kur u pyet nga prokurori Pace nëse pas ose gjatë ndalimit të tij ndonjë pjesëtar i UÇK-së e kishte akuzuar për ndonjë krim konkret që pretendohej se ky dëshmitar e kishte kryer.

    Ndërsa, pjesa tjetër me pyetje të tilla ishte me përmbajtje të redaktuar, e që tani po vazhdon seanca ende me dëgjimin e këtij dëshmitari, duke u pyetur nga ana e Prokurorisë në sesion privat.

    Specialja rrëzon kërkesën e mbrojtjes së Selimit për mospranim të dy paragrafëve nga shënimi përgatitor i ZPS-së

    (Përditësuar, ora 12:55)- Trupi gjykues në çështjen Thaçi dhe të tjerët ka vendosur për rrëzimin e parashtrimit të mbrojtjes së Rexhep Selimit, për paragrafët 58 dhe 64 të shënimit njoftues për dëshmitarin 04337, që pretendonte se përbëjnë informacion të ri.

    Dëshmitari 04337 është dëshmitari i dymbëdhjetë me radhë në këtë çështje gjyqësore, i cili është duke vazhduar të përgjigjet në pyetjet e Zyrës së Prokurorit të Specializuar (ZPS) gjatë seancës së të hënës, raporton ‘‘Betimi për Drejtësi’’.

    Kryetari i trupit gjykues, gjykatësi Charles Smith tha se paragrafi 58 përbën sqarime të lidhura me informacione të mëhershme të dhëna nga dëshmitari.

    ‘‘Fakti që dëshmitari shton hollësi lidhur me dëshmi të dhëna më herët, nuk përbën arsye për të mos u përfshirë në deklaratën e tij dhe si rezultat paragrafi 58 mund të pranohet së bashku me pjesën tjetër të shënimit përgatitor sipas rregullit 154’’, tha ai.

    Kurse, lidhur me paragrafin 64 gjykatësi Smith tha se trupi gjykues pajtohet me parashtrimin e mbrojtjes që informacioni që përfshin paragrafi 64 është i ri.

    ‘‘Trupi gjykues gjithashtu pranon që incidenti i përshkruar në këtë paragraf nuk është i përmendur në aktakuzë, nuk është i përmendur as në dosje paraprake të ZPS-së dhe nuk është i përmendur më herët në deklaratat e dëshmitarit 04337’’, shtoi ai.

    I njëjti tha se mbi këtë bazë, trupi gjykues arrin në përfundimin se Selimi nuk është i akuzuar konkretisht lidhur me incidentin e përshkruar në paragrafin 64 dhe si rezultat, prova nuk do të pranohet për këto qëllime.

    Por ai tha se nga ana tjetër ky informacion përbën provë për faktin dhe vlefshmërinë që ngrihet në aktakuzë dhe asnjë prej individëve të përmendur në paragrafin 64 nuk pretendohet që të kenë kryer krime për të cilat mund të mbajë përgjegjësi penale i akuzuari.

    ‘‘Mund të përbëjë prova të cilat janë të qenësishme për të përcaktuar autoritetin de jure apo de facto të z. Selimi, për rrjedhojë trupi gjykues është i përgatitur të lejojë ZPS-në ta përdor këtë provë materiale për këtë qëllim të kufizuar’’, tha gjykatësi Smith.

    Sipas tij, në të njëjtën kohë kjo provë e propozuar është provë e re për të cilën mbrojta nuk ka pasur njoftim  të mëhershëm dhe si rezultat ky dokument duhet që të ishte pranuar mbi bazën e rregullit 154.

    ‘‘Në qoftë se ZPS-ja dëshiron që ta nxjerrë këtë informacion, këtë duhet me nxjerr në mënyrë gojore nga dëshmitari, në qoftë se mbrojta e z.Selimit merr informacion përkatës lidhur me këtë çështje, mund të kryeje hetime të mëtejshme dhe mund ta ri thërras këtë dëshmitar për ta marr në pyetje lidhur me këtë çështje konkrete’’, përfundoi ai urdhrin gojor.

    Seanca është duke vazhduar me dëgjimin e dëshmitarit 04337 në sesion privat.

    Diskutime mes ZPS-së dhe mbrojtjes për (mos)pranimin e deklaratave të një dëshmitari

    Në Dhomat e Specializuara të Kosovës (DhSK), në Hagë, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit janë duke u zhvilluar diskutime në mes të Zyrës së Prokurorit të Specializuar (ZPS) dhe mbrojtjes së të akuzuarve për (mos) pranim të dëshmisë së dëshmitarit 4647 sipas rregullit 154 të Rregullores së procedurës dhe provave.

    Rregulla 154 përmban “Pranimi i deklaratave dhe transkripteve me shkrim në vend të pyetjeve të drejtpërdrejta”, raporton ‘‘Betimi për Drejtësi’’.

    Prokurori James Pace tha se kanë njoftuar palët më 7 korrik se ata synojnë që të bëhet pranimi i dëshmisë së dëshmitarit 4746 sipas rregullit 154 dhe se nevoja ka buruar vetëm nga pozicioni i qartë i dëshmitarit në seancën përgatitore më 6 korrik.

    Ai tha se në interes të drejtësisë do ishte më mirë dhe do të përdorej koha në mënyrë efikase nëse parashtrohet dëshmia e tij sipas rregullit 154.

    Tutje ai tha se nuk cenohet asnjë e drejtë e mbrojtës pasi që mbrojtja i ka pasur shumë më në kohë dëshminë e dëshmitarit dhe se i njëjti do jetë i pranishëm për pyetje nga mbrojta dhe trupi gjykues.

    Ai tha se kërkesa nuk është bërë në kohë të vonuar pasi kjo bëhet vetëm në mënyrë përjashtimore si dhe do të qojë në uljen e kohës.

    Mbrojtësi i Thaçit, avokati Luka Misetic tha se kjo kërkesë është bërë me 6 muaj vonesë dhe nuk përmbush rregullin 154 dhe se sias tij, fakti se dëshmitari nuk dëshiron të thotë diçka më shumë, kjo s’do të thotë që deklarata të pranohet sipas këtij rregulli.

    Po ashtu ai tha se ka shkelje pasi deklarata e tij është dhënë duke i thënë se është i dyshuar andaj nuk ka bazë as në ligj udhëzimet që i ka dhënë ZPS-ja.

    ‘‘Një i dyshuar mund të ketë motiv ta mbrojë veten andaj duhet të dëgjohet dëshmia e tij’’, tha ai.

    Misetic konsideroi se nuk duhet të ketë shkurtim të kohës gjyqësore në nivelin e këtij rangu të dëshmitarit pasi sipas tij, dëshmitarët e tillë duhet patjetër të japin dëshmi të drejtpërdrejtë.

    Ai tha se ZPS është duke kaluar barrën tek mbrojtja për sqarime dhe paqartësi të dëshmisë së dëshmitarit dhe për atë se çka ai ka dashur të thotë, andaj edhe e ka quajtur cenuese për mbrojtjen.

    Më tej, mbrojtësi i Veselit, avokati Andrew Strong  ka thënë se në materialin 300 faqesh, dëshmitari ballafaqohet me deklarata kontradiktore dhe jo të qarta dhe kjo është një punë që duhet bërë nga kundra-pyetjet, por duhet të mbështeten nga rrethanat e pyetjeve të ZPS-së.

    Ai tha se do kërkojnë kohë për riorganizim pasi që dëshmitari është intervistuar si i dyshuar.

    ‘‘Taktikat janë të tilla që shërbejnë për të quar në përfundime të ndryshme, ka aspekte që nuk duhet lejohet të qohet në pranim të dëshmisë të tij sipas këtij rregulli’’, tha ai.

    Kurse, mbrojtësi i Selimit, avokati Geoffrey Roberts ka thënë se intervista me këtë dëshmitar është zhvilluar para 4 viteve dhe se ZPS është dashur ta bëjë këtë kërkesë para shumë kohës.

    Duke qenë se ZPS ka pritur vetëm 3-4 ditë përpara, ai tha se kjo nuk duket aksidentale por bën që të detyrojë trupin gjykues ta pranojë këtë dëshmi me kërkesë të tyre.

    Vet fakti se kërkesa duhet të paraqitet më herët rreth 5 muaj, avokati Roberts tha se duhet kohë e përshtatshme për shqyrtim dhe se kjo nuk është mënyra se si duhet të procedohet më tej.

    Ndërkaq, mbrojtësi i Krasniqit, avokati Aidan Ellis tha se parashtrimi është bërë shumë me vonesë dhe se përderisa janë përgatitur me muaj që dëshmia e dëshmitarit të bëhet në mënyrë të drejtpërdrejtë, e gjitha puna e tyre ka shkuar dëm.

    Ai tha se kjo gjë e bërë në momentin e fundit është paragjykuese dhe cenuese dhe se tha se këto nuk janë dëshmi që pranohen sipas rregullit 154 për shkak të rëndësisë së tyre.

    ‘‘Dëshmitari është në nivel të komandantit të zonës dhe është ndër të paktët dëshmitar të këtij niveli, është përmendur mbi 30 herë në dosjen paraprake dhe dëshmitari është marr në pyetje si i dyshuar dhe natyra e intervistës në fjalë kërkon që të merret dëshmia e tij në mënyrë të drejtpërdrejtë’’, tha tutje ai.

    Më tej edhe prokurori Pace kundërshtoi këto parashtrime duke thënë se dëshmitari vetëm ka konfirmuar saktësinë e deklarimeve të tij të mëparshme dhe se interesi i drejtësisë ka të bëjë me efikasitetin e procedurës, që të mos të përsëris në mënyrë identike informacionet që i ka dhënë më herët.

    Ai konsideroi se pranimi i 300 faqeve material është shumë më e lehtë për mbrojtjen dhe se për çdo gjë ata kanë të drejtë të bëjnë pyetje për sqarim të paqartësive.

    ‘‘Mbrojtja i ka pasur për vite këto materiale, dhe nëse bëhet shtyrja duhet të bëhet pasi të pranohet materiali si provë’’, tha ai.

    Lidhur me këtë, trupi gjykues tha se do të vendosim sa më shpejtë që të jetë e mundur.

    Paraprakisht, kryetari i trupit gjykues, gjykatësi Charles Smith ka dhënë urdhër gojor lidhur me kërkesën e mbrojtjes së Thaçit për paraqitjen e informacioneve lidhur me paraqitjen e 4 dëshmitarëve rezervë për muajin korrik e që trupi gjykues ka thënë se mbrojtja e ka gjithë informacionin për 12 dëshmitarët, kurse për dëshmitarët rezervë nuk sheh se duhet të jepen informacione më të detajuara për ta.

    Ai po ashtu dha urdhrin tjetër gojor lidhur me dorëzimin e faqes së fundit të një dokumenti nga ana e mbrojtjes së Thaçit ku tha se dokumenti është dokument i pranuar si i tërë.

    Ndryshe, seanca është duke vazhduar me dëgjimin e dëshmitarit 04337 të cilit iu paraqiten disa dokumente (jo për publikun), e që konfirmoi në disa raste nënshkrimet e tij e në disa raste se kishte dhënë dëshmi për çështje të caktuara gjyqësore.

    Si dhe, dëshmitari konfirmoi se kishte pasur takime me ZPS-në dhe se iu kishte dhënë mundësia për sqarime dhe korrigjime të dëshmive të mëparshme duke shtuar se ato pasqyrojnë informacione të sakta dhe të plota.

    Seanca është duke vazhduar në sesion privat për disa pyetje të ZPS-së për këtë dëshmitarë.

    Në një pjesë të seancës, dëshmitari është larguar nga salla pasi që mbrojtja e Selimit ka kundërshtuar dy paragrafë të shënimit njoftues të ZPS-së, duke thënë se janë informacione të reja që shkojnë përtej sqarimeve të deklaratave të mëparshme e të cilat akuzojnë të akuzuarin Selimi.

    Kjo është kundërshtuar nga prokurori Pace i cili tha tha se informacioni në paragrafin 58 rrjedh nga dy fragmente nga deklarata të mëparshme të pranuara kurse, informacioni në paragrafin 64 pavarësisht se nuk është diçka që është pjesë e dosjes paraprake dhe aktakuzës është informacion i vullnetshëm nga dëshmitari.

    Ndërkaq, avokati Roberts tha se është informacion i vonuar i cili është dashur të nxjerrët më herët nga dëshmitari si dhe sipas tij prokuroria po mundohet të shtojë informacione përmes njoftimeve përgatitore.

    Një gjë të tillë e kundërshtoi ZPS-ja kurse lidhur me këtë, trupi gjykues tha se do të vendos gjatë pushimit të kafes.

    Ndryshe, gjatë muajit prill ka filluar gjykimi derisa në seancën e 3 prillit, Zyra e Prokurorit të Specializuar (ZPS) dhe mbrojtësi i viktimave kanë paraqitur deklarimet hyrëse dhe pas leximit të aktakuzës së ndryshuar nga ana e ZPS-së, ish-presidenti Hashim Thaçi, ish-kryeparlamentarët Kadri Veseli dhe Jakup Krasniqi, si dhe ish-deputeti Rexhep Selimi, u deklaruan të pafajshëm për veprat penale që iu vihen barrë.

    Më 4 prill mbrojtja e Thaçit, Veselit dhe Selimit kanë dhënë fjalën hyrëse derisa më 5 prill mbrojtja e Krasniqit ka dhënë fjalën hyrëse.

    Më 11 prill ka filluar paraqitja e provave të Prokurorisë ku dëshmitarja e parë e mbrojtur e Prokurorisë, ka dhënë dëshminë e saj më 11 prill,  12 prill,  13 prill dhe më 17 prill.

    Më 17 prill ka filluar dëgjimi i dëshmitarit të dytë, po ashtu i mbrojtur, i cili ka vazhduar dhënien e dëshmisë edhe më 18 prill, 19 prill dhe 20 prill, ku ka përfunduar dhënien e dëshmisë edhe dëshmitari i tretë, kurse më 10 maj ka filluar dhënien e dëshmisë dëshmitari i katërt, dëshmia e të cilit përfundoi më 17 maj.

    Tutje, dëshmitari i pestë ka filluar dëshminë më 17 maj dhe e përfundoi më 22 maj, ku filloi dëshminë dëshmitari i gjashtë i cili përfundoi dëshminë më 23 maj, në të njëjtën ditë me dëshmitarin e shtatë.

    Kurse, më 12 qershor ka filluar dëshminë e tij dëshmitari i tetë, i cili përfundoi dëshminë e tij më 14 qershor, ndërkaq me 15 qershor ka përfunduar dëshmia e  dëshmitarit i nëntë.

    Më 19 qershor ka përfunduar dëshminë dëshmitari i dhjetë, në ditën ku ka filluar dëshminë dëshmitari i njëmbëdhjetë.

    Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

    Më 29 prill 2022, Zyra e Prokurorit  të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

    Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

    Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

  • Përplasje në Speciale ndërmjet Prokurorisë dhe mbrojtjes së ish-krerëve për dëshminë e “Remit” në seancë

    Përplasje në Speciale ndërmjet Prokurorisë dhe mbrojtjes së ish-krerëve për dëshminë e “Remit” në seancë

    Komandanti i zonës së Llapit, Rrustem Mustafa, pritet të jap dëshmi në Gjykatën Speciale të Hagës.

    Kjo dëshmi, ka shkaktuar përplasje në seancën e sotme që po mbahet në Hagë. Kjo pasi Prokuroria në momentet e fundit ka kërkuar që dëshmitë e mëhershme të Remit të merren parasysh, në mënyrë që sipas tyre “të kursehet koha”. Pra, Prokuroria kërkoi që Remi të mos shkojë në seancë për të konfirmuar dëshmitë e mëhershme, por vetëm të përgjigjet në kundër-pyetjet e mbrojtjes.

    Nëse dëshmitë e Mustafës merren parasysh, atëherë mbrojtja me gjasë nuk do të ketë kohë të parashtrojë pyetjet e saj në detaje

    Kjo ka shkaktuar kundërshtime të ashpra nga avokatët. Nacionale sjell repilikat e tyre.

    Deklarata e Luka Misetiq – Avokat i Thaçit:

    Duke marrë parasysh qëndrimi në seancën përgatitore, ZPS-ja ka ndryshuar strategjinë. Dëshmitari nuk dëshiron që të thotë gjëra të tjera më tej se çka ka thënë në deklaratë, kjo nuk do të thotë se deklarata duhet të pranohet sipas rregullës. Ne nuk identifikojmë logjikën pse po ndodhë kjo, dhe pse kërkohet që deklarata të pranohet në këtë mënyrë. Duke marrë parasysh atë që ka ndodhur në seacën përgatitore, kjo është faktor i arsyeshëm që të mos pranohet kërkesa e ZPS-së, sepse dëshmitari nuk ka bërë korrigjime e rishikime nga deklaratat e tij të mëparshme.

    Këtij dëshmitari i është thënë si i dyshuar në intervistë. I është thënë se duhet ta thotë të vërtetën, nëse jo mund të përballet me ndjekje penale, dhe ne parashtrojmë që me Kodin Penal të Kosovës kjo është në kundërshtim me atë që duhet t’i thuhet dëshmitarit. Ky është faktor që duhet ta merrni parasysh. Problemi me këtë është se i dyshuari mund të ketë një motiv për të mbrojtur veten nëse merret në intervistë si i dyshuar, dhe kjo është arsye tjetër pse duhet ta dëgjojmë drejtpërdrejt dëshminë e këtij dëshmitari. Efikasiteti dhe koha nuk duhet të shkurtohet për dëshmitarët e nivelit të lartë, parashtrojmë që do të kemi të bëjmë me efikasitet të kohës gjyqësore nëse për dëshmitarë të tillë ne dëgjojmë dëshminë e tyre në sallën e gjyqit dhe të mos pranojmë dëshminë e tyre mbi bazën e rregullit 154. Dëshmitarët e tillë duhet të japin dëshminë e tyre këtu.

    Prokuroria nuk dëshiron t’i sqarojë këto dhe ia kalon mbrojtjes, dhe i thotë mbrojtjes bëni pyetjet që doni. Kjo është cenuese për mbrojtjen, dhe nuk është kërkesë që përmbush kriteret e rregullit 154.

    Deklarata e avokatit të Kadri Veselit:

    Ky material nuk është i qartë, dëshmitari përballet me deklarata kontradiktore dhe është përgjegjësia e mbrojtjes të sqarojë gjërat që nuk janë të qarta dhe kjo është punë që duhet ta bëjmë me kundër-pyetje. Na duhet më shumë kohë nga këndvështrimi ynë i mbrojtjes, por kursimi i kohës nuk do të jetë në ato dimensione që u parashtruan nga prokuroria. Ne dëshirojmë të dëgjohemi sepse ne do të kërkojmë të paktën 1 ditë kohë, një shtyrje 1 ditë që të riorganizohemi. Fakti që kjo doli në pah gjatë seancës përgatitore të dëshmitarit, do të doja të di më shumë për interesat e drejtësisë që shfaqen këtu. Ky dëshmitar është unike dhe problematike, dhe do të ishte problematike nëse pranohet dëshmia e tij sipas rregullës 154. Dëshmitari është intervistuar si i dyshuar. Taktikat e intervistës janë të tilla që mund të shërbejnë për të çuar në përfundime të ndryshme.

    Deklarata e Jeffrey Roberts, avokatit të Rexhep Selimit:

    Nga perspektiva e Prokurorisë kjo intervistë është bërë 4 vjet më përpara dhe ka një kohë të gjatë ndërhyrje kur mund të ishin bërë diskutime e kërkesa të tjera, dhe të ishin kostatuar mënyra se si të merremi me dëshmitarin në fjalë. Prokuroria nuk e bëri punën e vet,priti 3-4 ditë për të parë se si do ta trajtojë dëshminë. Kjo nuk ka qenë aksidentale, kjo është një pozicion i ZSP-së që do që ta bëj punën e përfunduar t’iu detyrojë juve që ta pranoni dëshminë e dëshmitarit sipas kërkesës së ZPS-së.