ATV

Tag: Edi Rama

  • Rama: Kosova ia bëri kurthin vetës, dramatike nëse e humbasin liberalizimin

    Rama: Kosova ia bëri kurthin vetës, dramatike nëse e humbasin liberalizimin

    Kryeministri Edi Rama në fjalën e tij në konferencën me presidentin francez Emmanuel Macron, tha se Shqipëria do të mbështesë një proces europianizimi me vepra dhe jo me fjalë.

    Gjatë këtij komunikimi, kryeministri Rama teksa u ndal tek konflikti Kosovë-Serbi, tha se Kosova ka në tavolinë planin franko-gjerman, të cilin sipas tij nuk duhet ta refuzojë.

    “Ne mund të flasim për kapituj, por BE është shumë i ndjeshëm. Në vlerësimin e kësaj maturie Europiane të të gjitha vendeve tona dhe këtu hyn krahasimi me të gjitha gjeneratat e ndryshme. Unë dua të sjell këtu u pautorizuar, një fjalë të thënë nga kryeministri i Holandëz. ‘Mos harroni që një kompromos më shumë se çfarë do fitosh është se çfarë nuk duhet të humbasësh. Dhe nëse bëjmë një llogari të gjërave për t’u humbur nga shqiptarët në Shqipëri, në Maqedoninë e Veriut apo Kosovë është me një kosto shumë më të lartë se sa llogaria e atyre që duan të fitojnë duke i marrë këto që i kemi si të mirëqena. Unë mund të them që shqiptarët janë në ditën e tyre më të mirë. Sot flamuri shqiptar është krah për krah, sot gjuha shqipe është gjuhë zyrtare e Maqedonisë së Veriut dhe të gjitha vendimet merren me dy gjuhë”, deklaroi Rama.

    “Sot Kosova është futur vetë në një kurth që ia ka bërë vetes, por nuk ka qenë kurrë më mirë. Por do të ishte dramatike të humbiste një të drejtë për të lëvizur lirisht në BE. Ndërkohë të dyja palët kanë në tavolinë planin franko-gjerman që është gjëja më e mirë që mund t’i ndodhë Kosovës. Unë dua të përsëris që presidenti Klinton kur ishte këtu në verë, më thuaji miqve në Prishtinë se si i ndodhi Palestinës, që kjo sot nuk kishte ndodhur. Tha në verë, ‘shiko ku është Palestina”. Por kjo marrëveshje që është sot në tavolinë , nëse nuk e firmos nuk kthehet më. Por unë them sot që është një vend që nuk është shkatërruar nga Izraeli, por nga një grup pengmarrësish. Unë jam i bindur që e mira e madhe e Kosovës është jo që të ulet në tavolinë, por të firmosë të gjithë marrëveshjen edhe sikur Serbia të mos e dojë kurrë, dhe më pas t’ja lërë në dorë BE. Sepse e bën për veten e vet, paqja bëhet për vete, ajo bëhet me armikun nuk bëhet me mikun. Nuk mund të flasësh në telefon me mikun që t’i thotë armikut”.

    “Kosova ka në krah të gjithë çlirimtarët dhe njohësit e saj dhe që të mbytet me një lugë ujë, se çfarë thotë apo apo presidenti i Serbisë, por duhet të sillet drejt rrugës Europiane. Këto janë mundësi themeltare për ta çuar përpara procesin e paqes, për mua as që nuk diskutohet që Shqipëria do të mbajë flamurin e paqes, dialogut pa u kapur se çfarë bëri ai tjetri. Më rrënqethet mishi kur mendoj që mund të ketë një ndalim të procesit të liberalimizit të vizave. Të gjitha ato që ndodhën në veri të Kosovës janë të papranueshme, zija kombëtare në Beograd ishte një skandal europian, por kjo nuk mund të jetë një arsye për të frenuar procesin”, tha ai.

  • Rama: Premtimet ekonomike të Procesit të Berlinit nuk janë realizuar plotësisht

    Rama: Premtimet ekonomike të Procesit të Berlinit nuk janë realizuar plotësisht

    Kryeministri i Shqipërisë, Edi Rama, në fjalën e tij hyrëse në Samitin e Procesit të Berlinit, tha se premtimet ekonomike të këtij samiti nuk janë realizuar plotësisht.

    Ai tha se këtë po e thotë në mënyrë të butë.

    “Premtimet ekonomike të Procesit të Berlinit nuk janë realizuar plotësisht, për të thënë në mënyrë të butë, sidomos nëse krahasohet me mendësinë transformuese politike që ka sjellë Angela Merkel”, është shprehur Edi Rama.

    “Sfidat që kalojnë shtetet që s’janë në BE po intensifikohen krahasuar me ata që janë. Unë nuk do të drejtoj gishtin apo të ankohem. A mund ta përballojmë këto ndasi mes vendeve të BE-së dhe jo të BE-së, siç mund të bënim 9 vjet më parë më 2014. Liderët e Ballkanit u takuan në Berlin, shënoi një moment historik, për të synuar për ta transformuar këtë rajon, që siguron kriteret e BE-së, lirinë e lëvizjes dhe kapitalit”, tha ai.

    Rama u shpreh se të gjitha shtetet duhet të qëndrojnë bashkë në “kohëra krizë” duke e përmendur agresionin rus në Ukrainë si dhe sulmin e fundit të Hamasit në Izrael.

    Ai tha se Evropa e Bota po kalojnë momente të vështira, dhe se sipas tij është e nevojshme “një çati e përbashkët” në kohë sprovuese të cilat “më shumë gjasë ka të përkeqësohen se përmirësohen”.

  • Rama: Pozicioni i vetëdobësuar diplomatik i Kosovës po i vështirëson përpjekjet tona

    Rama: Pozicioni i vetëdobësuar diplomatik i Kosovës po i vështirëson përpjekjet tona

    Kryeministri i Shqipërisë, Edi Rama, deklaroi se pozicioni i vetëdobësuar diplomatik i Kosovës dhe sipas tij gabimet e Prishtinës zyrtare në procesin e dialogut po vështirësojnë përpjekjet e Shqipërisë. Ai përsëriti kërkesën e tij që KFOR-i të marrë në kontroll veriun, meqë sipas tij forcat ekzistuese të kontrollit të kufirit janë krejt të pamjaftueshme. Rama foli në seancën e Kuvendit të Shqipërisë ku po diskutohet për agresionin e 24 shtatorit në Banjskë të Zveçanit.

    Kuvendi i Shqipërisë po mban interpelancë me kryeministrin Edi Rama, të ftuar nga deputeti demokrat Kreshnik Çollaku. Interpelanca është ftuar me arsyetimin “dhënien e informacioneve dhe shpjegimeve lidhur me qëndrimin zyrtar të Qeverisë së Republikës së Shqipërisë, hapat që parashikohen të ndërmerren dhe qëndrimet në raport me zhvillimet e pritshme në marrëdhëniet ndërshtetërore në Ballkan”.

    Në këtë seancë, Rama teksa foli për agresionin e 24 shtatorit në Banjskë të Zveçanit, u shpreh se lajmi i vrasjes së policit Afrim Bunjaku ishte bombë që shpërtheu me forcën tronditëse.

    “Ai agresion i nxori sërish thonjtë e krizën të veriut të Kosovës dhe ja nguli më fortë se asnjëherë mu në fyt procesit të dialogut, normalizimit, shtet-njohjes përfundimtare të Republikës së Kosovës. Shfaqja ogurkeqe e hijes së përgjakshme të së shkuarës me armë dhe me uniforma ushtarake në skenën e ngarkuar me frymën e ekstremizmit nacionalist serb, armatimet e trafikuara për sulm, jo për vetëmbrojtje dhe thasët e financimeve kriminale në veriun e Kosovës ishte si kronika e zezë e një vdekje të paramenduar. Lajmi i vrasjes së efektivit të Policisë së Kosovës në krye të detyrës ishte si një bombë, që shpërtheu me forcën tronditëse të një sinjali pa ekuivok, përshkallëzimit të konfliktit në atë skenë ku prej kohësh tani më prodhohet tensioni që kthen dhe rikthen prapësht sistematikisht procesin e dialogut, normalizimit mes Kosovës dhe Serbisë, e ndez llambën e vjetër të krizës ballkanike në sytë e botës demokratike”, deklaroi ai.

    Zhvillimet e mëtejme, siç tha Rama, kishin pamjen e materialit arkivor nga lufta e shpërbërjes së ish-Jugosllavisë.

    “Fundi i ngjarjes ishte shembullor, falë veprimeve të forcave të sigurisë së Kosovës, të cilat nuk ranë në kurthin e ngritur prej organizatorëve, por me gjakftohtësi të admirueshme dhe me profesionalizëm të lartë e neutralizuan rrezikun e zgjerimit dhe zgjatjes së paparashikueshme të konfliktit, duke iu përgjigjur në mënyrën më të mirë dhe më të drejtë të mundshme të provokimit djallëzor të grupit kriminal serb. Ndërsa, epilogu i ngjarjes, shpallja e zisë kombëtare nga autoritetet e Beogradit për kriminelët e eliminuar nga forcat e sigurisë së Kosovës pasi i morën jetën një polici të Republikës së Kosovës, ishte shëmbëlltyra e gjallë e hijes së së shkuarës e cila bashkëjeton me Serbinë qysh nga disfata e saj finale e vitit 1999 në Kosovë, si hija që e ndjek kudo njeriun sapo del drita”, shtoi ai para deputetëve shqiptarë”, theksoi Rama.

    Kryeministri shqiptar theksoi se për herë të parë Shqipëria nuk u linjëzua me deklaratën e Bashkimit Evropian.

    “Prisnim një deklaratë të dytë të BE-së ku do të dënoheshin qoftë organizatorët e agresionit kriminal, qoftë organizatorët e zisë kombëtare në Beograd dhe të kërkohej fillimi i menjëhershëm i një hetimi ndërkombëtar. Na shpjeguan se kohët dhe procedurat e BE-së nuk e mundësonin dot një deklaratë të dytë. Sipas nesh e domosdoshme paralelisht në të njëjtën kohë me të parën. Kështu që si përfundim ne nisëm mesazhin zyrtar të mos linjëzimit me deklaratën e parë. Për herë të parë në marrëdhëniet tona me Bashkimin Evropian. Një mos linjëzim me politikën e jashtme të BE-së nuk është një fjalë goje, për një vend kandidat që negocion anëtarësimin në BE dhe që përgatitet në javët e ardhshme të nis me një prej pjesëve të negociatave që lidhet pikërisht me politikën e jashtme”, theksoi Rama.

    Tutje, Rama tha se pozicioni i vetëdobësuar diplomatik i Kosovës në sytë e BE-së dhe ShBA-së e bëjnë të vështirë përpjekjen e Shqipërisë.

    “Ne nuk bëmë një gjest konsumi të brendshëm elektoral, siç janë prej kohësh tanimë dhe fatkeqësisht e them me keqardhje një sërë gjestesh të qeverisë në Prishtinë në raport me dialogun e normalizimit, përfshirë edhe ndaj qeverisë sonë përmes zërash të dytë dhe të tretë. Por mbajtëm një qëndrim parimor dhe politik në funksion të nxitjes së Brukselit për të siguruar një përqapje serioze për një qëndrim të unifikuar të 27 vendeve anëtare, jo thjesht lidhur me ngjarjen dhe me qëndrimin e papranueshëm të Beogradit ndaj ngjarjes, jo thjesht me fjalë por edhe me masa kuptimplote në adresë të Serbisë, por edhe lidhur me çfarë vjen, çfarë mund të vijë dhe çfarë duhet të vijë nesër. Pozicioni i vet dobësuar diplomatik i Kosovës në sytë e BE-së dhe ShBA-së gjithashtu, si dhe vetë viktimizimi diplomatik i Serbisë në ato sy falë dhuratave politike të marra bujarisht gabimet e Prishtinës zyrtare në procesin e dialogut e bëjnë jo të lehtë këtë përpjekje nga ana jonë, e kemi vazhduar në çdo instancë”, përfundoi ai.

    Kryeministri shqiptar, Edi Rama u shpreh se Kosova po rrezikon ta humbas shansin historik, siç e quajti ai, që i jep plani franko-gjerman.

    “E kam thënë në samitin e NATO-s, mbi domosdoshmërinë e marrjes së kontrollit të veriut të Kosovës nga KFOR-i. Fokusimi tek suksesi dhe jo te dështimi i planit tejet të favorshëm franko-gjerman dhe dhënies drejtim të atij asociacioni të komunave me shumicë serbe sepse është një nyje, e cila pikërisht pse ka marrë proporcione komplet të pa merituara për substancën që e ka, nuk duhet të mbahet si një litar në këmbë që veç e pengon Kosovën në rrugën e saj dhe veç e largon objektivin për tu bërë pjesë e OKB-së, BE-së. Ajo nyje duhet të këputet, ai litar duhet këputur një orë e më parë. Nuk duhet shkencë këtu, duhet vetëm logjikë e ftohtë elementare për të kuptuar se ai asociacion duke mos u bërë është kthyer në një litar”, potencoi ai.

    Teksa përmendi edhe deklaratën e tij në samitin e NATO-s për kontrollin e veriut, ai shtoi se është sulmuar nga një “armatë e hedhur në veprim”.

    “Këtyre thirrjeve të zakonshme momentesh të pazakonshme, këtë herë ju shtuan edhe piskamat për sovranitetin e kërcënuar nga kërkesa ime e përsëritur për NATO-n që KFOR-i të marrë në kontroll veriun. Ku kufiri me Serbinë është katandisur prej vitesh në një rrjetë të çarë ngado, prej nga hyjnë sërbes armatime, drogë, dreqi me të birin, ndërkohë që forcat ekzistuese të kontrollit të kufirit janë krejt të pamjaftueshme”, përfundoi Rama.

    Rama shtoi se KFOR-i do të vazhdojë të qëndrojë në Kosovë meqë “nuk ka ku të shkojë, deri kur dialogu të ketë garantuar paqen përfundimtare”.

    Në këtë seancë parashihet edhe një mocion me debat dhe miratimi i projektrezolutës në mbështetje të Kosovës.

    Debati pritet të zgjasë minimalisht 5 orë, ndërsa nga seanca e kaluar ka pasur përplasje të forta me opozitën që ka kritikuar mazhorancën për mënyrën se si e ka trajtuar “24 shtatorin”, ndërsa për partinë në pushtet opozita kërkon të bëjë politikë me Kosovën. /KP

  • Rama: Shqipëria qëndron me Izraelin

    Rama: Shqipëria qëndron me Izraelin

    Kryeministri i Shqipërisë, Edi Rama, përmes një postimi në rrjetin e tij social në facebook, ka shkruar se Shqipëria qëndron me Izraelin.

    Shqipëria qëndron me Izraelin. Mendimet dhe lutjet tona janë me familjet e viktimave të sulmit mizor terrorist dhe të njerëzve të pafajshëm të marrë peng nga terroristët”, ka shkruar Rama në një postim të bashkangjitur dy foto, me flamurin e Izraelit në ndërtesën e Universitetit Politeknik në Tiranë. /atvlive.tv

  • Rama: Situata në veri të Kosovës është shumë e rrezikshme, jam shumë i shqetësuar

    Rama: Situata në veri të Kosovës është shumë e rrezikshme, jam shumë i shqetësuar

    Kryeministri i Shqipërisë, Edi Rama, ka folur para mediave në Granada të Spanjës, duke thënë se situata në veriun e Kosovës është shumë e rrezikshme.

    Ai tha se aktivitetet kriminale atje janë në përputhje me agjendat politike dhe rreziku është rritur.

    “Jam shumë i shqetësuar sepse është një situatë shumë e rrezikshme dhe tani është në një pikë ku, vit pas viti, rreziku potencial është rritur, aktivitetet kriminale në atë pjesë ku jeton pakica serbe në shumicë, janë të përputhura tërësisht me agjendat politike dhe me shumë nacionalizëm. Pra, është shumë e rrezikshme”, deklaroi Rama.

    Rama u pyet nëse mendon se duhet të merren masa ndaj Serbisë pas agresionit në Kosovë, duke u shprehur me plot bindje se kjo duhet të ndodhë.

    “Jo vetëm që mendoj, por për herë të parë në së paku 10 vjet, Shqipëria nuk është rreshtuar me politikën e jashtme të BE-së pikërisht për këtë. Ne kemi qenë vazhdimisht në pajtim të plotë me BE-në dhe ShBA-në në lidhje me nevojën që autoritetet e Kosovës të ecin përpara, të jenë më proaktivë dhe më konstruktivë në dialog, dhe nga perspektiva jonë, të marrin avantazhin më të mirë nga plani franko-gjerman që është marrëveshje shumë, shumë e mirë për Kosovën dhe për rajonin, por në të njëjtën kohë, vetëm fakti se Republika e Serbisë shpalli ditë zie kombëtare për të vajtuar pjesëtarët e atij grupi kriminal paramilitar që vrau një polic ishte e mjaftueshme për BE-në që të thotë hapur se kjo nuk është evropiane, nuk është e pranueshme, nuk është e arsyetueshme dhe është e dënueshme”, deklaroi Rama.

    “Lufta është fjalë e madhe, por para se të bëhet shumë vonë, duhet të merren masa. Jemi duke e përcjellë situatën, është shumë me rëndësi se ka vullnet shumë të fuqishëm nga NATO-ja që ta forcojë KFOR-in në veri sepse kufiri atje është bërë krejtësisht transparent, ndodhin trafikime kriminale të armëve, dhe në të njëjtën kohë shpresojmë shumë se dialogu do të vazhdojë”, u shpreh kryeministri Rama.

  • Rama për Financial Times: Kosova është një pikë e nxehtë, NATO duhet ta rivendosë kontrollin në veri

    Rama për Financial Times: Kosova është një pikë e nxehtë, NATO duhet ta rivendosë kontrollin në veri

    NATO duhet ta rivendosë kontrollin në veri të Kosovës, thotë kryeministri shqiptar Edi Rama i cili u bën thirrje liderëve perëndimorë të zgjidhin ‘çmendurinë e pafundme’ midis vendeve të Ballkanit.

    “NATO duhet të rivendosë kontrollin e veriut të Kosovës ose të përballet me dhunën e vazhdueshme midis serbëve etnikë dhe shqiptarëve në rajon, sipas kryeministrit të Shqipërisë”.

    Rama, vendi i të cilit është anëtar i aleancës ushtarake, foli për Financial Times pasi terroristët serbë morën peng një manastir në Kosovën veriore, duke marrë të paktën katër jetë, duke përfshirë atë të një polici etnik shqiptar.

    “Kosova është një pikë e nxehtë”, tha Rama.

    “Me kalimin e viteve është bërë një tokë e askujt ku të gjitha llojet e krimeve kombinohen me nacionalizmin në rritje. Kufiri mes krimit dhe politikës është zbehur”, u shprej ai për Financial Times.

    NATO tha se do të vendoste sa më shumë trupa paqeruajtëse të nevojshme për të stabilizuar situatën, me Gjermaninë dhe Britaninë e Madhe që tashmë kanë premtuar qindra ushtarë në krye të forcës ekzistuese prej 4500 trupash për të mbajtur rajonin nën kontroll.

    Udhëheqësit e Kosovës dhe Serbisë i kanë bërë gjithashtu thirrje NATO-s që të rrisë praninë e saj dhe të qetësojë tensionet. Kosova ka fajësuar Serbinë për sponsorizimin e sulmit dhe për lëvizjen e njësive të ushtrisë afër kufirit të Kosovës, në atë që tregonte qëllime luftarake. Beogradi mohoi të kishte plane të tilla, por po strehon udhëheqësin e milicisë, Milan Radojiçiq, i cili kreu rrethimin e manastirit.

    Pas sulmit të atij manastiri, autoritetet e Kosovës gjetën një depo të madhe armësh, duke përfshirë eksplozivë, artileri të rëndë dhe automjete ushtarake. Ju lutemi përdorni mjetet e ndarjes që gjenden nëpërmjet butonit të ndarjes në krye ose në anën e artikujve.

    Shqiptarët përbëjnë grupin etnik më të madh në Kosovë, i cili u shkëput nga Serbia në vitin 2008. Beogradi nuk e ka njohur atë si një komb të pavarur – një hap i ndërmarrë nga SHBA dhe shumica e vendeve të BE-së.

    Një pakicë etnike serbe është e përqendruar në pjesën veriore të Kosovës dhe ka refuzuar autoritetin e Prishtinës, duke organizuar protesta dhe bllokada të shumta gjatë vitit të kaluar.

    BE, SHBA dhe fuqitë e tjera perëndimore janë përpjekur të ndërmjetësojnë bisedimet midis Serbisë dhe Kosovës, por pavarësisht se ishin afër një marrëveshjeje në mars, propozimet u shpërbënë si rezultat i zgjedhjeve të diskutueshme komunale në veri të Kosovës.

    Pas kësaj kryeministri i Shqipërisë Edi Rama avokoi për një “konferencë të nivelit të lartë” që përfshin liderët e Francës dhe Gjermanisë dhe riangazhimin e SHBA.

    “Kjo është mënyra më e mirë për të dalë nga kjo çmenduri e pafund”, tha Rama.

    Udhëheqësi shqiptar tha se ai kishte tërhequr tashmë vëmendjen për përkeqësimin e situatës së sigurisë në Kosovë gjatë një samiti të NATO-s në korrik.

    Qëllimi, tha ai, ishte “njohja e plotë e Kosovës në BE dhe në Kombet e Bashkuara.

    Nuk është e lehtë të ndryshosh rrjedhën e historisë, kjo kërkon lidership. Por nëse Franca dhe Gjermania mund ta bëjnë atë [pas Luftës së Dytë Botërore], nëse Arabia Saudite dhe Izraeli mund ta bëjnë atë, atëherë ne e dimë se mund të ndodhë.” Rama për një kohë të gjatë u përmbajt nga përfshirja në konfliktin e Kosovës, në vend të kësaj ndërtoi lidhje të përzemërta me Beogradin teksa kërkonte të bënte përparim në rrugën e anëtarësimit në BE për Ballkanin Perëndimor. Por duke pasur parasysh kërcënimin në rritje të sigurisë jo vetëm për shqiptarët në Kosovë, por edhe për rajonin në tërësi”, tha Rama.

    Sipas tij, jostabiliteti në Ballkanin Perëndimor i shërben interesave të Moskës.

    “Rusia e ka mbështetur prej kohësh Serbinë dhe nuk e ka njohur pavarësinë e Kosovës. Pas pushtimit të Rusisë në shkallë të plotë të Ukrainës vitin e kaluar, Beogradi i rezistoi thirrjeve perëndimore për të vendosur sanksione ndaj Rusisë. Kremlini do të dëshironte gjithashtu të shihte një Donbas të vogël në Kosovë dhe të ndezte një zjarr separatizmi në mes të Evropës”, ​​tha Rama.

  • Insiston Edi Rama: NATO-ja ta rimarrë kontrollin e veriut të Kosovës

    Insiston Edi Rama: NATO-ja ta rimarrë kontrollin e veriut të Kosovës

    NATO duhet të rivendosë kontrollin e veriut të Kosovës ose të përballet me dhunën e vazhdueshme midis serbëve etnikë dhe shqiptarëve në rajon, thotë kryeministri i Shqipërisë.

    Edi Rama, vendi i të cilit është anëtar i aleancës ushtarake, foli për “Financial Times” pasi paraushtarakët serbë morën peng një manastir në Kosovën veriore, duke marrë të paktën katër jetë, përfshirë atë të një oficeri policie shqiptar.

    “Kosova është një pikë e nxehtë”, tha Rama. “Me kalimin e viteve është bërë një tokë e askujt ku të gjitha llojet e krimeve kombinohen me nacionalizmin në rritje. Kufiri mes krimit dhe politikës është zbehur”.

    NATO-ja tha se do të vendoste sa më shumë trupa paqeruajtëse të nevojshme për të stabilizuar situatën, me Gjermaninë dhe Mbretërinë e Bashkuar që tashmë kanë premtuar qindra ushtarë në krye të forcës ekzistuese prej 4500 trupash për të mbajtur rajonin nën kontroll. Udhëheqësit e Kosovës dhe Serbisë i kanë bërë gjithashtu thirrje NATO-s që të rrisë praninë e saj dhe të qetësojë tensionet.

    Kosova ka fajësuar Serbinë për sponsorizimin e sulmit dhe për lëvizjen e njësive të ushtrisë afër kufirit të Kosovës, duke i quajtur këto qëllime luftarake. Beogradi mohoi të kishte plane të tilla, por po strehon udhëheqësin e grupit, Milan Radoiçiq, i cili kreu rrethimin e manastirit. Pas sulmit të atij manastiri, autoritetet e Kosovës gjetën një depo të madhe armësh, duke përfshirë eksplozivë, artileri të rëndë dhe automjete ushtarake.

    Rama avokoi për një “konferencë të nivelit të lartë” që përfshin liderët e Francës dhe Gjermanisë dhe riangazhimin e ShBA-së. “Kjo është [mënyra] më e mirë për të dalë nga kjo çmenduri e pafund”.

    Udhëheqësi shqiptar tha se ai kishte tërhequr tashmë vëmendjen për përkeqësimin e situatës së sigurisë në Kosovë gjatë një samiti të NATO-s në korrik.

    Qëllimi, tha ai, ishte “njohja e plotë e Kosovës në BE dhe në Kombet e Bashkuara. Nuk është e lehtë të ndryshosh rrjedhën e historisë, kjo kërkon lidership. Por nëse Franca dhe Gjermania mund ta bëjnë atë [pas Luftës së Dytë Botërore], nëse Arabia Saudite dhe Izraeli mund ta bëjnë atë, atëherë ne e dimë se mund të ndodhë”.

    “Financial Times” shkruan se Rama për një kohë të gjatë u përmbajt nga përfshirja në konfliktin e Kosovës, në vend të kësaj ndërtoi lidhje të përzemërta me Beogradin, ndërsa kërkonte të bënte përparim në rrugën e anëtarësimit në BE për Ballkanin Perëndimor. Por duke pasur parasysh kërcënimin në rritje të sigurisë jo vetëm për shqiptarët në Kosovë, por edhe për rajonin në tërësi, Rama tha se duhej ta quante “lopatën lopatë”.

    Jostabiliteti në Ballkanin Perëndimor i shërben interesave të Moskës, tha Rama. Rusia e ka mbështetur prej kohësh Serbinë dhe nuk e ka njohur pavarësinë e Kosovës. Pas pushtimit rus në shkallë të plotë të Ukrainës vitin e kaluar, Beogradi i rezistoi thirrjeve perëndimore për të vendosur sanksione ndaj Rusisë.

    “Kremlini do të dëshironte gjithashtu të shihte një Donbas të vogël në Kosovë dhe të ndezte një zjarr separatizmi në mes të Evropës”, tha Rama. Ndërsa ai nuk ofroi asnjë provë për përfshirjen ruse në shpërthimin e fundit të tensioneve, ai tha se ndërhyrja e Kremlinit ishte “deduktimi më i thjeshtë që mund të bëni. Ata e bëjnë këtë në të gjithë botën, nga Afrika në Lindjen e Mesme, kështu që sigurisht që do të provojnë në Evropë. . . Kosova ka qenë gjithashtu një [mjet] për rusët”.

  • Shqipëria del kundër deklaratës së Bashkimit Evropian për dialogun Kosovë-Serbi

    Shqipëria del kundër deklaratës së Bashkimit Evropian për dialogun Kosovë-Serbi

    Shqipëria nuk ka dalë në mbështetje të deklaratës së BE për dialogun Kosovë-Serbi, të bërë nga shefi i Politikës së Jashtme të BE-së Josep Borrel më 19 shtator.

    Kjo është hera e parë që Shqipëria nuk është në të njëjtën linjë me Bashkimin Evropian në lidhje me dialogun Kosovë-Serbi, raporton Euronews Albania duke u thirrur në burime.

    Duke parë dhe zhvillimet e fundit, ku një efektiv i policisë së Kosovës u vra nga terroristët serbë, Shqipëria konsideron se qëndimet e BE-së në lidhje me dialogun, nuk janë të përshtatshme për situatën aktuale, pasi përgjegjësia nuk qëndron më tek Kosova.

    Në deklaratën e datës 19, pas dështimit të dialogut, Borrel u shpreh: “BE-ja u kërkon palëve të angazhohen në mënyrë konstruktive dhe me mirëbesim. Kjo nënkupton fillimin e zbatimit bazuar në propozimin e BE-së pa vonesa të mëtejshme, i cili gjithashtu përfshin detyrimin e të dyja palëve për të zbatuar plotësisht të gjitha marrëveshjet e dialogut të kaluar. Puna për themelimin e Asociacionit/Bashkësisë së Komunave me Shumicë Serbe duhet të fillojë pa ndonjë vonesë apo parakusht të mëtejshëm”.

    Pas takimit më 14 shtator, nga Bashkimi Evropian deklaruan se kryeministri i Kosovës, Albin Kurti, nuk ishte i gatshëm të ecë përpara me dialogun, ndryshe nga presidenti i Serbisë, Aleksandar Vuçiç, i cili “e ka pranuar propozimin e tyre” për zbatimin e Marrëveshjes bazë për normalizimin e marrëdhënieve Kosovë-Serbi. Borrell pas takimit të 14 shtatorit deklaroi se Kurti kishte këmbëngulur që fillimisht të formalizohet njohja de facto e Kosovës nga Serbia.

    Kurti në Bruksel tha se “kushtëzimi i Serbisë” për formimin e Asociacionit të komunave me shumicë serbe “është shndërruar në qëndrim të emisarëve të BE-së”. Kryeministri kosovar tha se në takim kishte paraqitur një plan të tij për zbatimin e marrëveshjes, por shtoi se ky propozim u refuzua nga blloku evropian dhe Beogradi.

    Më 18 shtator, Kurti tha se i dërguari i posaçëm i BE-së, Mirosllav Lajçak, gjatë takimit në Bruksel “u pozicionua” kundër Kosovës, duke e akuzuar atë se e ka “deformuar procesin duke mos u përqendruar në zbatimin e plotë dhe të hollësishëm, të menjëhershëm dhe të pakushtëzuar të Marrëveshjes Bazike dhe Aneksit të saj”.

  • Rama: Konfliktet e vogla mund të ndezin luftë ballkanike

    Rama: Konfliktet e vogla mund të ndezin luftë ballkanike

    Kryeministri Edi Rama, në Ministerialin e Ministrave të Ekonomisë, është shprehur se lufta duhet shmangur me çdo mjet, duke theksuar se përmes konflikteve më të vogla mund të ndizet një luftë jo vetëm Ballkanike, por evropiane e botërore.

    “Besoj shumë fort se sa më e mirë të jetë atmosfera e bashkëpunimit, aq më e mirë është hapësira për të trajtuar çështje të vështira. Të biesh dakord, për të mos rënë dakord, nuk na ka penguar për të gjetur fjalën e përbashkët dhe të punojmë së bashku në shumë fusha.

    600 mijë shoqëri tregtare në Ballkanin Perëndimor kanë përfituar nga aktivitetet e tregtisë, nga heqjet e barrierave, nga panairet e përbashkëta.

    Dua të citoj pa leje mikun e dashur francez që kemi këtu, që dje më kujtoi diçka thelbësore që nuk duhet të harrohet por mbështetet në shembuj, si ai franko-gjerman. Më tha se gjyshërit e tij e kanë parë me sytë e tyre dhe pikërisht nga pamjet e tmerrshme, nga kujtesat e tmerrshme nga ajo që lufta nënkuptoi për Francën e Gjermaninë, Franca vendosi ti shtrijë dorën e bashkëpunimit Gjermanisë, ishte gjest i guximshëm në atë kohë, kjo i hapi rrugës Evropës që kemi.

    Sot që lufta është në dyert tona, në Ukrainë, është e rëndësishme mos ta shohim luftën si video-lojë, por si katastrofë që duhet ta shmangim me çdo mjet, kudo, në çdo lloj forme, edhe përmes konflikteve më të vogla që nga historia e rajonit mjafton për të ndezur një luftë Ballkanike, por edhe një luftë evropiane e botërore.

    Duhet ta bëjmë këtë rajon një terren të lulëzuar për njerëzit. Falenderoj Dhomat e Tregtisë. Çdo ditë ka nevojë për të bërë më shumë. Na duhet më shumë Evropë në Ballkanin Perëndimor dhe qasje në organizmin e BE, të shumë organizmave të tij, për këtë bëhet fjalë. Ky Saimit dhe këto hapa drejt 16 tetorit, ku të gjithë udhëheqësit mblidhen në Tiranë për këtë bënë fjalë. Pres me padurim rezultatet e këtij takimi dhe sigurisht do të bëjmë maksimumin për të dhënë më shumë për njerëzit që japin kohën, energjinë e tyre, gjithë punën e tyre për ekononimitë tona, sepse kemi shumë mundësi. Rritja e viteve të fundit ka treguar se ajo që mund të bëjmë duke u hapur kundrejt njëri tjetrit, duke shdërruar këtë rajon në këtë hapësirë që është e mirë për të gjithë ata njerëz punëtore e ndërmarrje, na bën të hedhim hapim më të rëndësishëm drejt hapësirë më të gjerë të Bashkimit Europian.”, tha Rama.

  • Rama për vrasjen e policit në veri: Kambana më e madhe e alarmit për rrezikun e eskalimit të krizës

    Rama për vrasjen e policit në veri: Kambana më e madhe e alarmit për rrezikun e eskalimit të krizës

    Kryeministri i Shqipërisë, Edi Rama, ka thënë se ngjarja e fundit e ndodhur në veri të Kosovës, ku mbeti i vrarë një zyrtar i Policisë së Kosovës, është kambana më e madhe e alarmit deri më sot për rrezikun e vazhdueshëm të eskalimit të krizës në një konflikt të armatosur.

    Rama ka bërë thirrje për komunitetin euroatlantik që ta ulë Kosovën dhe Serbinë në tyrezën e dialogut opër normalizim të marrëdhënieve.

    “Thirrja e një konference të jashtëzakonshme paqeje, nën mbikëqyrjen e garancinë e Bashkimit Evropian dhe Shteteve të Bashkuara, e njëkohësisht marrja e të gjitha masave të jashtëzakonshme me KFOR-in, për moslejimin e eskalimit të mëtejshëm të situatës, janë një domosdoshmëri strategjike jo vetëm për rendin e sigurinë në Kosovë sot, po edhe për paqen e të ardhmen e rajonit nesër, përpara sesa kriza e zgjatur në Veriun e Kosovës të dalë jashtë kontrollit e të kthehet në një zjarr destabilizues për krejt rajonin”, ka thënë ai.

    Një polic ka mbetur i vrarë si pasojë e sulmeve në fshatin Banjskë të Mitrovicës së Veriut. Një tjetër polic është plagosur.