ATV

Tag: Ballina

  • Power: Asociacioni do t’i ndihmonte normalizimit të raporteve, Kosova dhe Serbia të intensifikojnë përpjekjet

    Power: Asociacioni do t’i ndihmonte normalizimit të raporteve, Kosova dhe Serbia të intensifikojnë përpjekjet

    Administratorja e Agjencisë Amerikane për Zhvillim Ndërkombëtar (USAID), Samantha Power, ka thënë se Kosova dhe Serbia duhet të intesifikojnë përpjekjet e tyre që ta shpejtojnë rrugën për normalizimin e marrëdhënieve.

    Gjatë një konference për media, pas takimit me presidenten Vjosa Osmani, Power deklaroi se themelimi i Asociacionit të komunave me shumicë serbe, do t’i ndihmonte normalizimit të raporteve dhe zhvillimit ekonomik.

    “Në takimet me kryeministrin dhe znj.Osmani, unë e kam theksuar mbështetjen e fuqishme të Shteteve të Bashkuara për normalizimin dhe kam inkuruajuar që Kosova dhe Serbia të intensifikojnë përpjekjet që ta shpejtojnë rrugën drejt këtij normalizimi, sepse çdo përparim në këtë drejtim, do të ketë benefite për qytetarët e të dyja vendeve. Me themelimin e Asociacionit të komunave me shumicë serbe, kjo do t’i ndihmojë poashtu normalizimit të raporteve dhe me këtë edhe zhvillimit ekonomik dhe biznesit”, deklaroi zyrtarja amerikane.

    Ajo tha se Uashingtoni do të vazhdojë të mbështesë Kosovën në këtë proces, teksa agjencia që ajo udhëheq, USAID, po ashtu do të vazhdojë të investojë në Kosovë.

    Poëer ka qëndruar në Kosovë për dy ditë dhe është takuar edhe me kryeministrin e Kosovës, Albin Kurti, me të cilin po ashtu ka biseduar për dialogun me Serbinë. Ajo tha se po e lë Kosovën me optimizëm të madh për të ardhmen e saj.

    “Unë po e lë Kosovën me një optimizëm të madh për të ardhmen e saj. Ky vend i ri, njëri ndër vendet më të reja në botë, ka hedhur hapa gjigand gjatë kësaj kohe, gjatë këtyre 24 viteve”, deklaroi Power.

  • Osmani: USAID-i tregon përkushtimin e palëkundur të ShBA-së për Kosovën

    Osmani: USAID-i tregon përkushtimin e palëkundur të ShBA-së për Kosovën

    Presidentja e vendit, Vjosa Osmani, ka falënderuar administratoren e Agjencisë Amerikane për Zhvillim Ndërkombëtar (USAID), Samantha Power, për mbështetje ndaj Kosovës.

    Osmani, në një konferencë për media pas takimit me Power, deklaroi se kontributi i USAID-it është shembull i përkushtimit të Amerikës për Kosovën.

    “Kontributi i USAID-it është një nga shembujt më të fortë të përkushtimit të palëkundur të SHBA-ve për ta ndihmuar Kosovën drejtë suksese, për më shumë se dy dekada na kanë qëndruar pranë duke mbështetur gratë, rininë, bizneset si dhe kanë ndihmuar përpjekjet tona për ta forcuar demokracinë dhe sundimin e ligjit” u shpreh Osmani.

  • Aksioni policor në magjistralen Prishtinë – Pejë, sekuestrohen mbi 12 kg drogë dhe arrestohen gjashtë persona

    Aksioni policor në magjistralen Prishtinë – Pejë, sekuestrohen mbi 12 kg drogë dhe arrestohen gjashtë persona

    Policia e Kosovës ka njoftuar se gjatë ditës së premte ka realizuar një operacion në tetë lokacione në magjistralen Prishtinë – Pejë, ku ka sekuestruar mbi 12 kilogramë drogë.

    Gjatë operacionit, Policia ka arrestuar gjashtë persona dhe me urdhër të prokurorit ka dërguar në mbajtje.

    “Raportohet se më 12.05.2023 në bazë të urdhëresës së lëshuar nga gjykata dhe pas një hetimi disa mujor nga DHTN është bërë kontroll në 8 lokacione të ndryshme dhe gjatë operacionit janë gjetur dhe sekuestruar në cilësinë e provave materiale 12 kg. 650 gramë substancë e dyshuar narkotike e llojit marihuanë, tre vetura, 3 467 € para të gatshme, 12400 lekë, 7 telefona. Lidhur me rastin gjashtë persona janë arrestuar, me urdhër të prokurorit të dyshuarit janë dërguar në mbajtje”, thuhet në raportin 24 orësh.

  • Osmani takohet me administratoren e USAID, Samantha Power

    Osmani takohet me administratoren e USAID, Samantha Power

    Presidentja e Kosovës, Vjosa Osmani, ka pritur në takim administratoren e Agjencisë Amerikane për Zhvillim Ndërkombëtar (USAID), Samantha Power, raporton Ekonomia Online.

    Pas takimit, Osmani dhe Power pritet që të deklarohen për medie.

    Power dje është takuar edhe me kryeministrin Albin Kurti, ku kanë shpallur ankandin e parë për parkun me energji solare me kapacitet prej 100MW.

    Ajo po ashtu dje ka deklaruara se krijimi i Asociacionit të komunave me shumicë serbe është hap thelbësor për të siguruar vazhdimin e procesit të normalizimit të marrëdhënieve ndërmjet Kosovës dhe Serbisë, dhe se marrëveshja e dakorduar duhet të implementohet në tërësi.

  • Ndalohet qarkullimi në sheshin “Xhorxh Bush” gjatë kësaj fundjave, ndryshon rrjedha e qarkullimit të linjave

    Ndalohet qarkullimi në sheshin “Xhorxh Bush” gjatë kësaj fundjave, ndryshon rrjedha e qarkullimit të linjave

    Trafiku Urban ka njoftuar se sot dhe nesër do të ndalohet qarkullimi i transportit publik dhe automjeteve Taxi në sheshin “Xhorxh Bush” me qëllimin e mbajtjes së aktivitetit shënimi i fillimit të verës “Erdhi Lezeti”.

    Përmes një njoftimi drejtuar mediave, Trafiku Urban ka bërë me dije se rrjedha e qarkullimit të autobusëve në linjat 1, 1A, 3, 4, dhe 7C do të ndryshojnë nga sheshi “Xhorxh Bush” në drejtim të Bulevardit “Bill Kllinton” dhe rrugës “Robert Doll”.

    “Duke u bazuar në vendimin e datës 12.05.2023 të Komunës së Prishtinës se nga data 13 Maj 2023 deri më 14 Maj 2023, do të ndalohet qarkullimi i transportit publik dhe automjeteve Taxi në sheshin “Xhorxh Bush” me qëllimin e mbajtjes së aktivitetit shënimi i fillimit të verës “Erdhi Lezeti”. Rrjedha e qarkullimit të autobusëve në linjat 1, 1A, 3, 4, dhe 7C do të ndryshojnë nga sheshi “Xhorxh Bush” në drejtim të Bulevardit “Bill Kllinton” dhe rrugës “Robert Doll”, thuhet në njoftim.

  • Abdullahu: Krimet e luftës nuk dëshmohen vetëm nga arkivat

    Abdullahu: Krimet e luftës nuk dëshmohen vetëm nga arkivat

    Historiani Durim Abdullahu, në një intervistë në emisionin A23 në ATV, tha se krimet e luftës nuk dëshmohen vetëm nga arkivat zyrtare të shteteve, por edhe nga akterë të tjerë të cilët kanë qenë të përfshirë në luftë, si dhe qasje në arkivat e brendshme.

    “Duhet bërë një ndarje që përgjithësisht, historia e luftës, dëshmitë për luftën, veçanërisht ato për krimet e luftës, nuk është se detyrimisht mund të dokumentohen nga arkivat zyrtare të shteteve. Dëshmitë për krimet e luftës merren edhe nga akterë të tjerë të cilët kanë qenë të përfshirë në luftë, por pastaj ideja për në aktakuzë eventuale, në këtë rast të shtetit të Serbisë për përfshirje në këto krime kërkon të pasurit qasjë në arkivat e brendshme të Serbisë”, tha Abdullahu.

    Ai tha se ka një ndarje në dysh të burimeve të dëshmive për krimet e luftës.

    “Në radhë të parë, sigurisht janë vet dëshmitarët viktimat, një pjesë e mirë e të cilëve sigurisht vazhdojnë të jenë gjallë dhe një pjesë e këtyre historive, qoftë janë evidentuar qysh në kohë të luftës prej akterëve ndërkombëtar sidomos që kanë qenë në luftën e Kosovës, emisarëve të ndryshëm të NATO-s të, cilët kanë qenë pjesë e luftës që para fillimit të bombardimeve të NATO-s, për të përmendur një tjetër organizëm misioni verifikues për Kosovën i OSBE-së dhe organizata e tjera ndërkombëtare të cilat kanë pasur qasje, qoftë edhe të pjesshme në periudha të caktuara të luftës në Kosovë, duke përfshirë këtu edhe hetuesit në terren që kryeprokurorja e atëhershme e Hagës Louise Arbour në Kosovë, në pranverën e vitit 1999, megjithëse qasja e tyre ka qenë e kufizuar edhe në kohë edhe pjesërisht në terrenin e Kosovës”, tha Abdullahu.

    Sipas tij, problemi më i madh është tek të pasurit qasje në arkivat e vet shtetit serb.

    “Problemi kryesisht më i madh është tek të pasurit qasje në arkivat e vet shtetit serb. Kjo për faktin që krimet e kryera gjatë luftës në Kosovë dhe atëherë kur nuk janë kryer në mënyrë të drejtpërdrejtë nga trupat e rregullta, qoftë ushtarake apo policore të Serbisë, por edhe atëherë kur janë kryer nga formacione paraushtarake serbe, ose nga serbë lokal, megjithatë përgjithësisht kanë qenë të koordinuara dhe të orkestruara nga vet shteti i Serbisë”, tha Abdullahu. /atvlive.tv

    Emisionin e plotë e gjeni në videon më poshtë:

  • Lajçaku ka pritshmëri për takimin e së hënës, mundësi për hapa konkretë

    Lajçaku ka pritshmëri për takimin e së hënës, mundësi për hapa konkretë

    Pas diskutimeve që pati në Beograd me presidentin Aleksandar Vuçiq dhe kryenegociatorin Petar Petkovic, zyrtari ndërmjetësuesi në dialog, Miroslav Lajçak, pret që nga e hëna të kalohet në hapa konkretë.

    “Në Beograd, takova presidentin Aleksandar Vuçiq dhe kryetarin Petar Petkoviq për të diskutuar për mënyrën e ecjes përpara, në zbatimin e Marrëveshjes. Takimi i kryenegociatorëve të hënën e ardhshme është një mundësi e mirë për t’u pajtuar për hapat e ardhshëm konkretë”, tha Lajçak.

    Para se të shkonte në Beograd, Lajçak dje kishte takuar kryeministrin Albin Kurti në Prishtinë. Sot, para mediave Kurti foli për sinkronizimin e sekuencimit të zbatimit të aneksit dhe të marrëveshjes.

    “Në fillim të javës, pra të hënën, do të këtë një takim të kryenegociatorëve atje dhe natyrisht ne sinkronizohemi sa u përket synimeve dhe në të njëjtën kohë qëllimi ishte të përgatitemi sa më mirë për një udhërrëfyes të zbatimit në mënyrë të sekuencuar ashtu që edhe marrëveshja e 27 shkurtit në Bruksel, edhe aneksi i zbatimit në Ohër, pa kushte, pa vonesa, të zbatohen në mënyrë të plotë”, tha Kurti.

    Ndërkaq, presidenti Aleksandër Vuçiq, me anë të një postimi në Instagram, insistoi se formimi i Asociacionit është parakusht që bisedimet të vazhdojnë.

    “Si gjithmonë, një takim i hapur me Miroslav Lajçak me theks në formimin e Bashkësisë së Komunave Serbe, që është parakusht për vazhdimin e bisedimeve të mëtejshme me Prishtinën. Shpreha shqetësimin për situatën në Kosovë dhe Metohi, veçanërisht në veri të Kosovës dhe Metohisë, para së gjithash për shkak të provokimeve të vazhdueshme nga Prishtina”, tha Vuçiq.

    Në një konferencë për media, ndërkaq, presidenti serb akuzoi kryeministrin e Kosovës se dëshiron të shkaktojë incidente dhe konflikte.

    Vizita e Lajçakut në Prishtinë e në Beograd është e para që nga takimi i Ohrit, më 18 mars. Siç dihet, më 2 maj, përfaqësuesi i lartë i BE-së, Josep Borrell, ka bërë të ditur se Kosova dhe Serbia, me ndërmjetësimin e BE-së, kanë filluar negociatat për themelimin e Asociacionit të Komunave me Shumicë Serbe. /atvlive.tv

  • Shpallet ankandi i parë për parkun me energji solare

    Shpallet ankandi i parë për parkun me energji solare

    Pas më shumë se 20 vjetëve, Samantha Power, dikur gazetare, erdhi sërish në Kosovë.

    Por këtë herë nga pozita e shefes së Agjencisë Amerikane për Zhvillim Ndërkombëtar dhe anëtares së Këshillit të Sigurisë Kombëtare në administratën Biden.

    Power bëri të ditur se nga kjo administratë, përparimi në dialog shihet si urgjencë.

    “Kam ardhur që të përforcoj mesazhin që Administrata e Bidenit e ka thënë në lidhje me rëndësinë e zbatimit të marrëveshjes, që do të prodhojë një normalizim që do të jetë i rëndësishëm për Kosovën dhe Serbinë. Normalizimi do të jetë i dobishëm edhe për zhvillimin ekonomik. Kemi pasur bisedime të gjera në orët e fundit, në lidhje me urgjencën e krijimit të Asociacionit, si dhe urgjencën për zbatimin e plotë të të gjitha aspekteve të marrëveshjes”, tha Power.

    Administratorja Power, e cila në Prishtinë erdhi pasi vizitoi Beogradin dhe takoi krerët e shtetit serb, përsëriti qëndrimet e shprehura më herët për parimet mbi të cilat duhet të themelohet Asociacioni i Komunave me Shumicë Serbe në Kosovë dhe për njohjen reciproke në fund.

    Shefja e USAD-it bashkë me kryeministrin Kurti, dhe ministren e Ekonomisë, Artane Rizvanolli, lansuan ankandin e parë për parkun me energji solare.

    Projekti, sipas Kurtit e Rizvanollit, do të ndikojë përveç tjerash edhe në mbrojtjen e mjedisit.

    Administratorja e USAID-it, Samantha Power, nesër takohet me presidenten Vjosa Osmani. /atvlive.tv

  • Kurti tregon nëse në Bruksel do të flitet për hapjen e urës së Ibrit

    Kurti tregon nëse në Bruksel do të flitet për hapjen e urës së Ibrit

    Kryeministri Albin Kurti, po insiston që të ketë zbatim të plotë pa vonesa dhe pa kushte të marrëveshjes së arritur në Ohër raporton EO.

    I pyetur nëse në takimin e radhës në Bruksel ndërmjet kryenegociatorëve do të diskutohet për hapjen e Urës së Ibrit, Kurti s’ka dhënë ndonjë përgjigje konkrete, por ka shtuar se do të diskutohen të gjitha pikat e marrëveshjes së Ohrit.

    Kurti u tha gazetarëve se përgjigjen për atë se çfarë do të diskutohet në Bruksel jo vetëm që e ka dëgjuar ata, por edhe zëvendëskryeministri Besnik Bislimi.

    “Pesë fjali në preambulë, 11 nene në marrëveshjen bazë, 12 pika në aneksin e zbatimit dhe kjo duhet të ketë implemntim të plotë pa vonesa dhe pa kushte”.

    “Kjo është ajo cfarë do të diskutohet në takimi e radhës në Bruksel. Dhe jo vetëm që më dëgjuat edhe ju, por edhe zv.kryeministri Besnik Bislimi”, tha ai.

  • Shefja e USAID kërkon Asociacionin në emër të Bidenit: Dialogu duhet përfundojë me njohje reciproke

    Shefja e USAID kërkon Asociacionin në emër të Bidenit: Dialogu duhet përfundojë me njohje reciproke

    Administratorja e Agjencisë Amerikane për Zhvillim Ndërkombëtar (USAID), Samantha Power, tha se krijimi i Asociacionit të komunave me shumicë serbe është hap thelbësor për të siguruar vazhdimin e procesit të normalizimit të marrëdhënieve ndërmjet Kosovës dhe Serbisë, raporton Eonomia Online.

    Power, në një konferencë të përbashkët me kryeministrin Albin Kurti dha mesazhet e Administratës Biden për marrëveshjen e fundit të arritur ndërmjet dy vendeve.

    Sipas saj, është urgjente krijimi i Asociacionit dhe zbatimi i marrëveshjes. Power shtoi se procesi i normalizimit të përfundojë me njohje reciproke dhe se ky vazhdon të jetë qëndrimi i Shteteve të Bashkuara të Amerikës.

    “Si përfaqësuese e Administratës së Biden kam ardhur që të përforcoj mesazhin që Administrata e Biden e ka thënë në lidhje me rëndësinë e implementimit të marrëveshje që do të prodhojë një normalizim që do të jetë tejmase i rëndësishëm për Kosovën dhe Serbinë. Normalizimi do të jetë i dobishëm për biznesin”.

    “Kemi pas bisedime të gjera në orët e fundit në lidhje me urgjencën e krijimit të Asociacionit, si dhe urgjencën për zbatimin e plotë të të gjitha aspekteve të marrëveshjes. Kemi shpresë që palët do të kalojnë në fazat e ardhshme të dialogut me propozime specifike”.

    “Zgjedhjet politike që i kemi para vetes janë shumë të vështira. Në emër të SHBA dhe Biden dua të nënvizoj edhe njëherë urgjencën për të lëvizur përpara me implementimin dhe po ashtu rëndësinë e diskutimeve të ndërmjetësuara nga Lajçak. E kemi bërë të qartë përmes Chollet dhe Escobar i kemi cekur cilat janë parimet dhe besoj që në çdo Asociacion duhet t’i përmbahen atyre kushteve dhe kemi besimin që me sinqeritet dhe këto çështje të zgjidhen në mënyrë specifike dhe të ndihmojnë në progres dhe mund të bëhen avancime të mëdha në ditët në vijim”.