ATV

Tag: Ballina

  • Shtëpia e Bardhë publikon raportin për numrin e ushtarëve amerikanë në Kosovë

    Shtëpia e Bardhë publikon raportin për numrin e ushtarëve amerikanë në Kosovë

    Shtëpia e Bardhë ka bërë publik raportin vjetor të statistikave të ushtarëve të Shteteve të Bashkuara të Amerikës të pajisura për luftim.

    Ky raport flet për aktivitetet ushtarake të SHBA-ve në luftim të terrorizmit si dhe operacionet në Kosovë në bashkëpunim me Organizatën e Traktatit të Atlantikut të Veriut.

    “Shtetet e Bashkuara vazhdojnë të kontribuojnë me forca në Forcën e Kosovës (KFOR), të udhëhequr nga Organizata e Traktatit të Atlantikut të Veriut në bashkëpunim me autoritetet lokale, partnerët dypalësh dhe institucionet ndërkombëtare, për të penguar armiqësitë e ripërtërira në Kosovë”, thuhet në raport.

    Në mesin e 3,800 pjesëtarëve të Forcës së Sigurisë së Kosovës, vazhdon raporti i Shtëpisë së Bardhë, përafërsisht 591 prej tyre janë ushtarë amerikanë.

    Ndërkaq numri i Forcave të Armatosura të Shteteve të Bashkuara të caktuara ose dislokuara në vendet tjera të Organizatës së Traktatit të Atlantikut të Veriut në Evropë, duke përfshirë ato të vendosura për të siguruar aleatët e SHBA-ve dhe për të penguar agresionin e mëtejshëm rus në Ukrainë, është 80 mijë.

  • Hill: Nuk mbaj mend të ketë pasur ndonjëherë ndarje kaq të thella mes Prishtinës dhe Uashingtonit

    Hill: Nuk mbaj mend të ketë pasur ndonjëherë ndarje kaq të thella mes Prishtinës dhe Uashingtonit

    Ambasadori amerikan në Beograd, Christopher Hill ka thënë se Shtetet e Bashkuara të Amerikës kanë probleme thelbësore me kryeministrin e Kosovës, Albin Kurti lidhur, për shkak të papajtueshmëruve për situatën e tensionuar në veri.

    Hill ka thënë se është i pasigurt nëse Kurti ende mund të konsiderohet partner i SHBA-së, por ka thënë se ky vendim i takon ambasadës amerikane në Prishtinë.

    “Mendoj se kemi një problem me zotin Kurti, ai nuk është i gatshëm ta pranojë. Më duket se kemi disa probleme shumë thelbësore me të, nëse ende mund ta konsiderojmë si partner. Por këtë vendim ia lë ambasadës sonë në Prishtinë”, ka deklaruar Hill te Zëri i Amerikës.

    Hill ka theksuar se Kurti duhet të bëjë disa ndryshime në qasjen e tij lidhur me veriun, nëse dëshiron që të llogaris si partner te SHBA dhe BE. Sipas tij, kjo gjë i është bërë e qartë nga ambasadori në Prishtinë, Jeffrey Hovenier.

    Ai ka thënë se nuk mban mend të ketë pasur ndonjëherë ndarje kaq të mëdha mes Prishtinës dhe Uashingtonit.

    “… mendoj se zoti Kurti është informuar plotësisht nga ambasadori ynë në Prishtinë, nga zoti Lajçak dhe zoti Escobar, se do të duhet të bëjë disa ndryshime nëse dëshiron të llogarisë tek ne si mik dhe partner. Nuk mbaj mend të kem parë ndonjëherë ndarje kaq të thella në marrëdhëniet ndërmjet Prishtinës dhe Uashingtonit”, ka thënë Hill.

    Ndërkohë, duke folur për presidentin serb, Aleksandar Vuçiq, Hill ka thënë se e konsiderojnë partner të mirë.

    Christopher Hill: Ne e konsiderojmë ai si një partner të mirë, ai dhe qeveria e tij janë partnerë të mirë në këtë proces. Dhe shpresojmë që kështu të vazhdojë. Ne do të donim që ai të bënte ç’është e mundur për të shtensionuar situatën dhe shohim që tashmë po shohim shenja se zbatohet. Kjo është shumë pozitive”, është shprehur Hill.

  • Draft-statuti i Ramës, Sejdiu: Nuk është në praktikën ndërkombëtare

    Draft-statuti i Ramës, Sejdiu: Nuk është në praktikën ndërkombëtare

    Kryeministri i Shqipërisë, Edi Rama, ka deklaruar se e ka dorëzuar një draft-statut të Asociacionit të Komunave me Shumicë Serbe, te presidenti francez, Emmanuel Macron, dhe kancelari gjerman, Olaf Scholz. Për këtë dokument, ai ka thënë se i ka vënë në dijeni edhe presidentin e Këshillit Evropian dhe amerikanët.

    Lidhur me këtë çështje ish-presidenti i Kosovës, Fatmir Sejdiu, u shpreh se “kjo bën që të konsiderohet si një çarje të raporteve, por që qeveria e Kosovës duhet të japë përgjigje të drejtpërdrejtë për këtë çështje, pavarësisht që, tash për tash, sikur që e tha edhe vetë kryeministri Rama, është konfidenciale”, deklaroi ish-presidenti Sejdiu.

    Ish-presidenti Sejdiu foli edhe për kohën kur zhvilloheshin takime të niveleve të larta shtetërore në periudhën e shpalljes së pavarësisë dhe takimet e të sotmes, për të cilat i vlerëson si dy kontekste të ndryshme kohore, qoftë për nga tema, për nga intensiteti, qoftë për nga involvimi i partnerëve ndërkombëtarë në procese të caktuara.

    Për periudhën e kohës së shpalljes së pavarësisë, ish-presidenti Sejdiu shprehet se ka qenë e përshkuar me një mbështetje të pa rezervë të ndërkombëtarëve, veçmas të vendeve të QUINT-it, sidomos në momentin e shpalljes së pavarësisë së vendit.

    Në këtë vazhdë, ish-presidenti Sejdiu kujtoi edhe procesin e dialogut, që, sipas tij, ka pasur rënie e ngritje, varësisht nga rrethanat.

  • ​Ambasadori Hill: Kemi probleme me kryeministrin Kurti

    ​Ambasadori Hill: Kemi probleme me kryeministrin Kurti

    Ambasadori amerikan në Beograd, Christopher Hill, ka thënë sot se vendet perëndimore e kanë bërë të qartë se Kosova do të përballet me pasoja për shkak të zhvillimeve në veri të Kosovës, duke theksuar se problemet janë me kryeministrin Albin Kurti.

    Ambasadori Hill në një intervistë për Zërit të Amerikës tha se kryeministri Kurti nuk është pajtuar me kërkesat perëndimore për uljen e tensioneve duke tërhequr njësitë e posaçme të policisë dhe kryetarët e komunave nga veriu.

    “Mendoj se kemi një problem me zotin Kurti, ai nuk është i gatshëm ta pranojë. Më duket se kemi disa probleme shumë thelbësore me të, nëse ende mund ta konsiderojmë si partner. Por këtë vendim ia lë ambasadës sonë në Prishtinë”, ka thënë ai.

    Megjithatë, ambasadori Hill nuk përmendi pasojat me të cilat do të mund të ballafaqohej Serbia në rast se nuk përmbushen pritjet e bashkësisë ndërkombëtare.

    “Ne e konsiderojmë ai si një partner të mirë, ai dhe qeveria e tij janë partnerë të mirë në këtë proces. Dhe shpresojmë që kështu të vazhdojë. Ne do të donim që ai të bënte ç’është e mundur për të shtensionuar situatën dhe shohim që tashmë po shohim shenja se zbatohet. Kjo është shumë pozitive. Isha i pranishëm në bisedimet (me Escobarin, Vuçiçin dhe Lajçakun,) natën tjetër dhe mund t’ju them se ato shkuan përtej krizës aktuale në Kosovë. Mendoj se ka një mirëkuptim me autoritetet në Serbi se si të ecim përpara, t’i bëjmë gjërat së bashku. Shpresoj që edhe populli i Serbisë do ta kuptojë se ne duam të bashkëpunojmë shumë më tepër politikisht, ekonomikisht, në fushën e sigurisë, që është një nga arsyet e vizitës së gjeneralit (Daniel) Hokanson (i Gardës Kombëtare të SHBA-së). Ne jemi shumë të interesuar për përmirësimin e marrëdhënieve me Serbinë – të paktën aq sa janë të interesuar njerëzit dhe qeveria në Serbi për të. Ne e ndjejmë se Serbia po bëhet një partner gjithnjë e më i mirë për ne”, ka thënë ai./ Zëri i Amerikës

  • Osmani flet me dy senatorë amerikanë: I njoftova për zhvillimet dhe përpjekjet për t’i kapërcyer sfidat

    Osmani flet me dy senatorë amerikanë: I njoftova për zhvillimet dhe përpjekjet për t’i kapërcyer sfidat

    Presidentja e vendit, Vjosa Osmani, ka biseduar sot me dy senatorët, Jeanne Shaheen dhe Peter Ricketts, me të cilën folën për përkushtimin e partneritetit Kosovë – ShBA.

    Osmani tha se me dy senatorët folën edhe për çuarjen përpara të Kosovës në rrugën e saj euroatlantike.

    “I njoftova me më të reja për zhvillimet e fundit në Kosovë dhe përpjekjet tona për të kapërcyer sfidat”, tha Osmani.

    Kujtojmë se dje, gjashtë senatorë, përfshirë edhe Pete Ricketts, thanë se tensionet e fundit në veri të vendit po rrezikojnë pa nevojë dobësimin e marrëdhënieve të Kosovës e Serbisë me Shtetet e Bashkuara të Amerikës.

  • Kurti zhvillon bisedë telefonike me sekretarin britanik për punë të jashtme, James Cleverly

    Kurti zhvillon bisedë telefonike me sekretarin britanik për punë të jashtme, James Cleverly

    Kryeministri Albin Kurti ka thënë se vetëm sundimi i ligjit mund t’i hapë rrugë zgjedhjeve të parakohshme.

    Në një telefonatë me me Sekretarin për Punë të Jashtme të Mbretërisë së Bashkuar, James Cleverly, të enjten mbrëma, ndërsa kanë biseduar rreth zhvillimeve të fundit në vend, Kurti i ka thënë se situata këto ditë është përgjithësisht e qetë “sepse nuk ka sulme të urdhëruara dhe të orkestruara nga Beogradi ndaj forcave të rendit dhe sigurisë”.

    Kurti theksoi se deeskalimi vjen me sundimin e ligjit si hap i parë.

    “Për sa i takon rrugës përpara drejt deeskalimit të plotë ai tha se sundimi i ligjit duhet të jetë hapi dhe parimi bazë. Vetëm sundimi i ligjit mund t’i hap rrugë zgjedhjeve të parakohshme, të lira e demokratike, dhe një fushate parazgjedhore të hapur dhe fer”, ka thënë Kurti.

    Në komunikatën e Kryeministrisë thuhet se ata biseduan edhe për procesin e dialogut të ndërmjetësuar nga Bashkimi Evropian, për marrëveshjet e arritura së fundmi në Bruksel dhe Ohër dhe rëndësinë e zbatimit të shpejtë, të plotë dhe të pakushtëzuar.

    “Gjithashtu e njoftoi për propozimin e Qeverisë e Kosovës, të inspiruar nga modeli kroat, në kuadër zbatimit të nenit 7 të Marrëveshje Bazike, dhe për nevojën për angazhim më të madh në sekuencimin e duhur të zbatimit të plotë të Marrëveshjes, dhe për gatishmërinë e tij për takime të radhës drejt këtij qëllimi”, thuhet tutje në komunikatë.

  • Kabashi: Nga ajo që po shihet, Kurti nuk do të tërhiqet

    Kabashi: Nga ajo që po shihet, Kurti nuk do të tërhiqet

    Gazetari dhe analisti, Bekim Kabashi, në emisionin CONTEXT në ATV, tha se nga ajo që po shihet, kryeministri Kurti nuk do të tërhiqet ndaj kërkesës së SHBA-së për themelimin e Asociacionit.

    “Nga ajo që po shihet, zotri Kurti nuk do të tërhiqet. Kam pasur mendim që as marrëveshja e Ohrit nuk ka me u nënshkrua, por zotri Kurti ka bërë një taktikë aty, pra ka mëndu që ajo mundet me qenë si një hap i cili nuk mbërrinë me e çu përpara themelimin e Asociacionit”, tha Kabashi.

    Sipas tij, për dallim nga politikanët e më hershëm, Kurti ka qenë konsistent në qëndrimet e tij politike.

    “Për dallim nga politikanët e tjerë, Kurti ka qenë konsistent në qëndrimet e tij politike, pavarësisht që ato më shumë i ka bërë si ndryshime taktike se sa që kanë ndryshu në qëllimin final dhe në këtë rast, ka ardhë në pikën ku më taktizimet janë të pamundshme sepse janë harxhua ato taktika dhe fati i keq i Kurti dhe i Kosovës është që amerikanët e kanë kuptuar që kryeministri i Kosovës i ka mashtruar gjatë këtij procesi, ku ata kanë qenë të përfshirë jashtëzakonisht në mënyrë serioze dhe kjo e rëndon edhe më shumë situatën, e rëndon edhe më shumë pozicionin e Kosovës”, tha Kabashi. /atvlive.tv

    Emisionin e plotë e gjeni në videon më poshtë:

  • Pozhari: Rama i ka tejkaluar kompetencat që i përkasin kryeministrit të Shqipërisë

    Pozhari: Rama i ka tejkaluar kompetencat që i përkasin kryeministrit të Shqipërisë

    Analisti Xhevdet Pozhari, në emisionin CONTEXT në ATV, tha se me deklaratën që bëri se ua ka prezantu partnerëve ndërkombëtar draft-statutin për Asociacionin, Edi Rama ka tejkaluar kompetencat që i përkasin kryeministrit të Shqipërisë.

    “Zotri Rama ka qenë vazhdimisht i Përfshirë në procesin e dialogut dhe gjithmonë e ka pasur atë argumentimin se mundohet të jetë një palë që do të ndihmojë, por në momentin kur hidhet një hap si ai që e mbajti fjalën publike ku thotë se ‘kemi prezentu tashmë një draft-status për Asociacionin’, mendoj se i ka tejkaluar kompetencat që i përkasin kryeministrit të Shqipërisë. Për më tepër më ra në sy kur u shpreh se përmbajtja e tij do të jetë koefidnenciale, nuk pat diçka që sonte ne mund të flasim”, tha Pozhari. /atvlive.tv

    Emisionin e plotë e gjeni në videon më poshtë:

  • Meta: Iniciativa e Edi Ramës ishte sjellje e një anshme edhe jo transparente

    Meta: Iniciativa e Edi Ramës ishte sjellje e një anshme edhe jo transparente

    Ish-presidenti i Shqipërisë, Ilir Meta, në një lidhje të drejtpërdrejt në emisionin CONTEXT në ATV, duke komentuar inciatiavën e kryeministrit Rama, pasi ky i fundit tha se u ka dorëzuar partnerëve ndërkombëtarë një draft-statut për Asociacionin, tha se kjo iniciativë ishte sjella krejt e një anshme edhe jo transparente.

    “Së pari iniciativa e kryeministrit Rama është tërësisht jo ndihmuese, për arsye se injoron institucionet e Kosovës, së dyti, vetë sjella krejt e një anshme edhe jo transparente, pas diskutimit që më shumë ndihmon për të shtuar protagonizmin e tij në një klimë që edhe kështu siç ndodhet, është pak më shumë se duhet e rënduar”, tha Meta.

    Sipas tij, gjuha e kryeministrit Rama ishte e padenjë jo vetëm për Kosovën, por edhe për kryeministrat e vendeve që nuk e kanë njohur Kosovën.

    “Gjuha e përdorur nga kryeministri Rama lidhur me këtë çështje sot, nuk kishte lidhje vetëm me gjuhën që duhet të ketë kryeministri i Republikës së Shqipërisë, aq më tepër kur bëhet fjalë për çështje që kanë të bëjnë me shtetin e Kosovës, por ishte një gjuhë e padenjë edhe për kryeministrat e vendeve që nuk e kanë njohur Republikën e Kosovës. Janë dy çështje krejt të ndryshme. Çështja që ka të bëjë me normalizimin e marrëdhënieve midis Kosovës edhe Serbisë, e cila pas diskutimit kërkon angazhim të të gjithë aktorëve dhe pa dyshim kur bëhet fjalë për Kosovë, prej drejtuesve të Kosovës , kryeministrin e Kosovës, presidenten, parlamentin dhe opozitës së Kosovës”, tha Meta. /atvlive.tv

    Emisionin e plotë e gjeni në videon më poshtë:

  • I shqetësuar për situatën, Rama propozon një draft statut për Asociacionin

    I shqetësuar për situatën, Rama propozon një draft statut për Asociacionin

    Në tone shqetësimi, kryeministri i Shqipërisë Edi Rama mbajti një konferencë të jashtëzakonshme për zhvillimet politike në raport me situatën në veri të Kosovës.

    Ai tha se deklaratat e aleatëve strategjikë të shqiptarëve janë gjithnjë e më alarmante dhe se situata po merr përmasa të një tragjedie politike për Kosovën.

    Kryeministri shqiptar theksoi se nuk e kupton ngurrimin e Qeverisë së Kosovës për de-eskalim, duke rrezikuar sanksione nga aleatët e saj.

    Si një rrugëdalje dhe material për diskutim, kryeministri Rama tha se të mërkurën u ka përcjellë presidentit Emmanuel Macron, kancelarit Olaf Scholz, Këshillit Evropian dhe SHBA-së një draft-statut për Asociacionin.

    “Ju siguroj që është një dokument i nivelit më të lartë ndërkombëtar që merr në konsideratë të gjitha arsyet për krijimin e asociacionit, dhe patjetër merr në konsideratë se Asociacioni është pjesë e organizimit të jetës në Republikën e Kosovës, duke adresuar të gjithë rekomandimet apo konkluzionet e Gjykatës Kushtetuese të Republikës së Kosovës”, tha Rama.

    Pasi tha se me mos-formimin e Asociacionit, Kosova dhe Serbia, mbajnë të hapur krizën politike, Rama u shpreh i bindur se Kosova përfiton në nivel ndërkombëtar nëse përmbush obligimet e saja.

    “Besoj çdo ditë e më shumë se krijimi i Asociacionit është çelësi për të hapur përfundimisht derën e afirmimit ndërkombëtar të Republikës së Kosovës, e njohjes së saj nga të gjithë, e uljes së saj në Kombet e Bashkuara dhe në të gjitha forumet ndërkombëtare dhe e njohjes së ndërsjellë me Serbinë”, tha Rama.

    Kryeministri i Shqipërisë tha se draft-statuti i Asociacionit është hartuar nga ekspertë amerikanë dhe evropianë, prej kohësh dhe është mbajtur pikërisht për situata të tilla tensioni e bllokimi të dialogut në mes Kosovës dhe Serbisë. /atvlive.tv

    Edicionin Qendror të lajmeve në ATV, e gjeni në videon më poshtë: