ATV

Tag: Ballina

  • Kurti: Ndërhyrja e NATO-s e ndaloi gjenocidin e Serbisë mbi popullin tonë, gjithmonë falënderues

    Kurti: Ndërhyrja e NATO-s e ndaloi gjenocidin e Serbisë mbi popullin tonë, gjithmonë falënderues

    Kryeministri Albin Kurti, tha se ndërhyrja ushtarake e NATO-s e ndaloj gjenocidin e Serbisë mbi popullin e Kosovës, raporton EO.

    Prandaj siç tha i për këtë Kosova gjithnjë dhe përgjithmonë është falënderuese dhe mirënjohëse.

    Ai më tutje shtoi se përulen para dëshmorëve dhe martirëve të kombit dhe të gjithë atyre të cilët dhanë jetën për lirin e popullit dhe çlirimin e Kosovës.

    “Pas çlirimit vjen paqja, sot përkujtojmë dhe festojmë 24-vjetorin e çlirimit të Kosovës dhe vendosjen e paqes në vendin tonë, pra 12 qershorin. Bashkë me presidenten e Republikës dhe kryetarin e Kuvendit kujtuam duke vendosur lule të freskat dhe bërë homazhe humanizmin e Rugovës, qëndresën e Demaçit, sakrificën e Jasharajve dhe këtu kontributin e NATO-s”.

    “Përulemi para gjithë dëshmorëve dhe martirëve të kombit dhe të gjithë atyre të cilët dhanë jetën për lirin e popullit dhe çlirimin e Kosovës. Ndërhyrja ushtarake e NATO-s e ndaloi gjenocidin e Serbisë mbi popullin tonë gjithnjë dhe përgjithmonë jemi falënderues dhe mirënjohës”, tha ai.

  • Osmani në Ditën e Çlirimit: Populli i Kosovës i është mirënjohës miqve që lirinë e bënë realitet

    Osmani në Ditën e Çlirimit: Populli i Kosovës i është mirënjohës miqve që lirinë e bënë realitet

    Presidentja e Republikës së Kosovës, Vjosa Osmani 12 qershorin e ka quajtur ditë më të rëndësishëm për kombin tonë, raporton EO.

    Kjo ngase sipas saj, mu në këtë ditë edhe u çlirua Kosova pas një lufte nga Serbia mbi një popull të pafajshëm ku edhe kreu gjenocid.

    Ajo tha se që nga mëngjesi kanë nderuar të gjithë ata që kontribuuan që liria të bëhet realitet, duke filluar nga ish-presidenti Ibrahim Rugova, ish-veprimtari Adem Demaçi, familja Jashari e ushtarët e NATO-s.

    E para e shteti tha se Kosova dhe populli i sa i janë mirënjohës miqve që lirinë e demokracinë e bënë realitet dhe sot po e gëzojnë edhe qytetarët.

    “Sot shënojmë një prej ditëve më të rëndësishme për kombin tonë, një prej ditëve ditën kur shteti ynë u çlirua, pas një luftë që rezultoi me një gjenocid ndaj një populli të pafajshëm”.

    “Në mëngjes ne nderuam vizionarët e shtetit tonë, nderuam ata që i vënë themelet e shtetit, këtu nderuam ata që i dhanë vulën shtetit tonë”.

    “Jemi mirënjohës përherë dhe përsërisim për të gjithë ata që dhanë gjithçka për lirinë tonë, mirënjohjen e përjetshëm për miqtë që lirinë, demokracinë ta kemi realitet dhe ta gëzojnë të gjithë qytetarët”.

  • Vdes Silvio Berlusconi

    Vdes Silvio Berlusconi

    Ish kryeministri i Italisë, Silvio Berlusconi, ka vdekur në moshën 86 vjeçare, raporton Corriere Della Sera.

    Berlusconi vdiq në spitalin San Raffaele në Milano.

    Berlusconi ishte kthyer në spitalin San Raffaele të hënën e kaluar, pas një spitalizimi të gjatë – 45 ditësh – që përfundoi pak javë më parë, për shkak të pneumonisë dhe një forme leukemie. Në mëngjes, vëllai Paolo dhe fëmijët kishin mbërritur në spital, ku ishte tashmë edhe bashkëshortja e tij, Marta Fascina. /atvlive.tv

  • Krerët e shtetit bëjnë homazhe në Prekaz

    Krerët e shtetit bëjnë homazhe në Prekaz

    Krerët më të lartë të shtetit, presidentja Vjosa Osmani, kryeministri Albin Kurti dhe kryeparlamentari, Glauk Konjufca kanë bërë homazhe te Kompleksi Memorial “Adem Jashari”, në Prekaz, për nder të 24 vjetorit të çlirimit të Kosovës.

    Pas homazheve te varri i presidentit Ibrahim Rugova, te ai i veprimtarit të çështjes kombëtare, Adem Demaçi dhe në Kompleksi Memorial “Adem Jashari”, në Prekaz, në orën 11:00, krerët e shtetit do të bëjnë nderim edhe te Pllaka Përkujtimore për ushtarët e NATO-s.

  • Dita e Çlirimit, krerët e shtetit me një sërë aktivitetesh

    Dita e Çlirimit, krerët e shtetit me një sërë aktivitetesh

    Për nder të 12 qershorit Ditës së Çlirimit, Presidentja e Republikës së Kosovës, Vjosa Osmani së bashku me krerë të institucioneve tjera do të marrë pjesë në një sërë aktivitetesh.

    Fillimisht Osmani në orën 08:30, do të bëj homazhe te varri i Presidentit historik, Dr. Ibrahim Rugova.

    Pas homazheve tek varri i Rugovës, Osmani në orën 08:40, bën homazhe tek varri i veprimtarit Adem Demaçi.

    Pastaj në orën 09:30, Osmani bën homazhe në Kompleksin Memorial “Adem Jashari”, në Prekaz.

    Ndërsa, në orën 11:00, Osmani do të bëj nderim tek Pllaka Përkujtimore për ushtarët e NATO-s.

     

  • 24 vjet nga çlirimi i Kosovës

    24 vjet nga çlirimi i Kosovës

    24 vjet më parë në Kosovë u vendosën 50 mijë ushtarë të NATO-s dhe bashkë me ta edhe administrata e përkohshme e Kombeve të Bashkuara.

    Më 12 qershor të vitit 1999, pas 78 ditë bombardimesh të Aleancës Ushtarake Perëndimore të udhëhequr nga Amerika kundër caqeve ushtarake serbo-malazeze në Kosovë në Serbi dhe Mal të Zi, trupat e NATO-s hynë në Kosovë në misionin paqeruajtës që do të quhej KFOR, duke i dhënë fund luftës gati dyvjeçare midis popullsisë kryengritëse shqiptare të organizuar në radhët e Ushtrisë Çlirimtare të Kosovës dhe forcave okupuese ushtarake dhe policore serbo-malazeze.

    E vlerësuar nga ata që e përjetuan si ditë e çlirimit dhe si një ndër ditët më të mëdha të historisë së Kosovës, 12 qershori, ndonëse jo e njohur edhe si festë zyrtare, është një ditë kur nga ushtarakë dhe diplomatë botërorë do të mbahet mend si një ditë gati konfrontimi midis Perëndimit dhe Rusisë, një ditë siç thuhej, ‘që do të mund të niste Luftën e Tretë Botërore.’

    Ushtarët e parë të NATO-s që hynë në Kosovë më 12 qershor ishin forcat speciale të Norvegjisë dhe ato të Shërbimit Special Ajror Britanik, duke u gjetur ballë për ballë me trupat e Rusisë të cilët një ditë më parë ‘befasisht’ kishin marrë Aeroportin e Prishtinës me qëllimin e ndarjes së Kosovës.

    Rusia synonte prurjen e mijëra përforcimeve nga ajri, mirëpo pas intervenimit nga Washingtoni, Bullgaria, Hungaria dhe Rumania refuzuan kërkesën e Moskës për shfrytëzimin e hapësirës së tyre ajrore.

    Pas bllokadës amerikano-britanike të pistës së aeroportit, ministria e Jashtme ruse e quajti ndërhyrjen e ushtarëve të saj ‘një gabim.’ Dhe çdo gjë tjetër tashmë është histori. Hyrja e NATO-s ktheu në Kosovë mbi një milionë shqiptarë.

    Hyrja e ushtarëve të NATO-s hapi rrugën e kthimit në shtëpitë, tokën dhe vendin e tyre mbi një milionë shqiptarëve të Kosovës të degdisur refugjatë në dhjetëra vende dhe tre-katër kontinente të botës.

    Deri tash kanë shërbyer në Kosovë afër 500 mijë pjesëtarë të forcave paqeruajtëse të shumë vendeve, kryesisht atyre perëndimore, duke qenë larg familjeve dhe më të dashurve të tyre dhe duke sakrifikuar edhe nga një pjesë të jetës për lirinë, sigurinë dhe paqen në Kosovë.

  • Kush është Milojko Spajiq që pritet të jetë kryeministër i Malit të Zi?

    Kush është Milojko Spajiq që pritet të jetë kryeministër i Malit të Zi?

    Milojko Spajiq, pritet të jetë kryeministër i Malit të Zi.

    Kjo pasi të dielën i fitoi Lëvizja “Tani Evropa”, me të cilën ai garoi arriti t’i marrë 26 për qind.

    Por, kush është Milojko Spajiq?

    Milojko Spajiq, ka lindur më 24 shtator 1987, në Pljevlja.

    Ai ka qenë ministër i Financave dhe Mirëqenies Sociale, nga 4 dhjetori i vitit 2020 deri në 28 prill 2022, në qeverinë e udhëhequr nga Zdravko Krivokapiq.

    Shkollën e mesme e ka mbaruar si një nga nxënësit më të mirë.

    Studimet i ka mbaruar në Universitetin e Osakës në Japoni, ku studioi ekometrinë në gjuhën japoneze si bursist i Qeverisë së Japonisë.

    Magjistraturën, gjithashtu si studiues, 35 vjeçari e kreu në Francë në shkollën e biznesit HEC Paris.

    Pas diplomimit, Spajiq punoi në Shtetet e Bashkuara në Wall Street, në Paris dhe Tokio.

    Para se të hynte në politikë, Spajiq ka punuar edhe për “Goldman Sachs”, një grup bankar global që merret me investime bankare, tregtimin e letrave me vlerë dhe shërbime të tjera financiare, kryesisht me klientët institucionalë, thuhet në faqen zyrtare të qeveris malazeze.

  • Abazoviq: Do të jemi shtylla kryesore e qeverisë

    Abazoviq: Do të jemi shtylla kryesore e qeverisë

    Kryeministri aktual i Malit të Zi Dritan Abazoviq, ka folur pas përfundimit të numërimit të votave.

    Koalicioni “Guximi numërohet” ku ai bën pjesë me Lëvizjen “Ura” i ka marrë 13 për qind.

    Sipas këtij rezultati ky koalicion do të ketë 12 deputetë në Kuvendin e Malit të Zi.

    Abazoviq tha se do të jenë shtylla kryesore e qeverisë malazeze.

    “Qëllimi është një shoqëri gjithëpërfshirëse”, tha Abazoviq.

    Ai theksoi se ka shumë punë për të bërë.

    “Nuk ka rëndësi se ne ishim objektivi kryesor në fushata, anëtarët e të dyja partive treguan qëndrueshmëri dhe ia arritëm qëllimit. Vazhdojmë, do të llogarisim me guxim edhe në periudhën në vijim”, tha kryeministri në detyrë i Malit të Zi Dritan Abazoviq.

  • Eksperti amerikan kundër draftit të Ramës për Asociacionin

    Eksperti amerikan kundër draftit të Ramës për Asociacionin

    Daniel Serwer ekspert i marrëdhënieve me SHBA, ka folur rreth draft-statusit të propozuar nga kryeministri Rama për Asociacionin e komunave serbe dhe mënyrën se si ka ndikuar ai.

    Profesori Serwer i ftuar në emisionin “Review” në Euronews Albania tha se propozimi i këtij draft-statusi nga ana e kryeministrit shqiptar nuk ishte i drejtë, madje ai tha se ish-kryeministri Berisha kishte të drejtë kur thoshte se ky ishte një veprim i gabuar.

    “Ky është një komplikacion që nuk ishte i nevojshëm, i bën gjërat edhe më të vështira për Albin Kurtin. Mendoj se ish-presidenti Berisha ka të drejtë. Kjo është një ndërhyrje e panevojshme, e cila cenon prestigjin e Kurtit dhe nuk e zgjidh problemin.

    Tashmë është e nevojshme që Kosova të vijë me një propozim, mesa e kam kuptuar, kryeministri Kurti e ka cilësuar të pamundur modelin e propozuar në Kroaci.

    Ai duhet të vijë dhe të dalë me një propozim i cili duhet të jetë në përputhje me kushtetutën e Kosovës, megjithatë mendoj se është e nevojshme që të vijë diçka nga Prishtina, jo nga Beogradi apo nga Edi Rama”,-tha Daniel Serwer.

  • Lëvizja “Tani Evropa”, fituese e zgjedheve në Malin e Zi

    Lëvizja “Tani Evropa”, fituese e zgjedheve në Malin e Zi

    Qytetarët e Malit të Zi gjatë ditës së diel dhanë verdiktin e tyre se kush do t’i drejtojë ata në katër vitet e ardhshme.

    Nga rezultatet e numërimit të votave del se Lëvizja “Tani Evropa”, e presidentit Jakov Milatoviq, është fituese e zgjedhjeve parlamentare atje, që ka arritur t’i marrë 26 për qind e votave.

    Kjo lëvizje kandidat për kryeministër e ka Milojko Spajiqin.

    Në vendin e dytë renditet koalicioni “Së bashku” e përbërë nga (DPS-SD-LP dhe DUA), që ka 23 për qind.

    Në vendin e tretë është “Për të ardhmen e Malit të Zi” me 15.1 për qind.

    Koalicioni mes Lëvizjes “Ura” të kryeministrit aktual Dritan Abazoviq, dhe demokratëve të Aleksa Beçiqit, i kanë 13 për qind.

    Derisa dy listat shqiptare, Aleanca Shqiptare, i ka 1.5 për qind, kurse Forumi Shqiptar i ka 1.7 për qind.

    Mbi 500 mijë qytetarë kishin të drejtë vote në këto zgjedhje parlamentare atje.

    Sipas raportimeve mbi 50 për qind e shfrytëzuan të drejtën për të hedhur votën dhe zgjedhur qeverinë e re malazeze.