ATV

Tag: Ballina

  • Zëvendësgjenerali i NATO-s takon Lajçakun, përmend edhe sulmin ndaj ushtarëve e KFOR-it në veri

    Zëvendësgjenerali i NATO-s takon Lajçakun, përmend edhe sulmin ndaj ushtarëve e KFOR-it në veri

    Zëvendësgjenerali i NATO-s, Mircea Geoană, u takua sot me, Përfaqësuesin Special të BE-së për Dialogun Kosovë-Serbi dhe çështjet tjera të Ballkanit Perëndimor, Miroslav Lajcak, i cili vizitoi së fundmi Beogradin dhe Prishtinën. Lajcak i informoi Këshillin e Atlantikut të Veriut për zhvillimet e fundit në veri të Kosovës dhe përpjekjet diplomatike aktuale të BE-së, thuhet në artikullin e publikuar në uebfaqen e NATO-s, përcjellë atvlive.tv.

    “Bashkëpunimi i shkëlqyer dhe i gjatë mes NATO-s dhe BE-së në rajon vazhdon të bëjë ndryshimin”, tha zëvendësgjenerali Geoană.

    “Shtabi i NATO-s, KFOR-i, aleatët si dhe Bashkimi Evropian dhe OSBE-ja kanë qenë pa pushim në përpjekjet e tyre për të ulur tensionet në veri të Kosovës dhe për të sjellë të dyja palët në tryezën e negociatave, brenda kornizës së dialogut të drejtuar nga BE-ja mes Beogradit dhe Prishtinës. NATO ka qenë i angazhuar për stabilitetin në Ballkanin Perëndimor për dekada; misioni ynë KFOR-i në terren, me mbi 4,000 ushtarë është dëshmi më e fortë e këtij angazhimi,” shtoi ai. Z. Geoana.

    Misioni i udhëhequr nga NATO-ja, KFOR-i, po ndërmerr të gjitha masat e nevojshme për të mbajtur një mjedis të sigurt dhe të qetë dhe për lirinë e lëvizjes për të gjithë popullin që jeton në Kosovë dhe vazhdon të veprojë në përputhje me mandatin e tij të OKB-së, i bazuar në Rezolutën 1244 të Këshillit të Sigurimit të OKB-së nga viti 1999. Ndihmat e NATO-s shtuan forcat në Kosovë më 5 qershor 2023, pas dhunës së pa provokuar në të cilën u lënduan disa ushtarë paqeruajtës të KFOR-it. Rreth 500 anëtarë të shërbimit ushtarak turk nga brigada e 65-të e këmbësorisë së Turqisë përbëjnë pjesën kryesore të forcave të shtuara të NATO-s. Batalioni turk do të vijojë të shërbejë në Kosovë për sa kohë që është e nevojshme. Një batalion shtesë i forcave rezervë të NATO-s është gjithashtu në gatishmëri të lartë për ta nisur në Kosovë, nëse është e nevojshme.

    NATO gjithashtu vazhdon të mbështesë dialogun e lehtësuar nga BE-ja mes Beogradit dhe Prishtinës, si mënyrë të vetme për paqen dhe sigurinë të qëndrueshme në Kosovë dhe stabilitetin në të gjithë rajonin, thuhet më tej në këtë artikull. /atvlive.tv

  • “Dukej gjithçka e paramenduar” – Gazetari Fatlum Jashari tregon se si u sulmuan ekipi i ATV-së nga grupet kriminale në veri

    “Dukej gjithçka e paramenduar” – Gazetari Fatlum Jashari tregon se si u sulmuan ekipi i ATV-së nga grupet kriminale në veri

    Gazetari i ATV-së, Fatlum Jashari, në emisionin DIREKT ka rrëfyer ngjarjen se si u sulmuan sot nga protestuesit serbë në Zveçan, ai bashkë me kameramanin dhe shoferin.
    “Ishte gjithçka shumë shkurt edhe dukej se gjithçka ishte e organizuar. Fatmirësisht që është shpëtuar me lëndime të lehta të tre, unë Bledi Thaçi dhe shoferi ynë Enis Sherifi. Jemi goditë prej gurëve prej copëzave të xhamit pas sulmit që ndodhi, që nuk është një sulm i zakonshëm, është një sulm me paramendim mund të them lirisht.”, tha Jashari.

    Ai thotë se fillimisht kanë qenë në Leposaviq për të raportuar se Policia e Kosovës ka filluar të reduktojë numrat në komunat veriore dhe kanë vazhdu për për Zveçan, ku janë sulmuar nga protestuesit serbë.

    “Ne kemi qenë fillimisht në Leposaviq dhe tema e ditës ka qenë fakti se Policia e Kosovës ka filluar të reduktojë numrat në komunat veriore, pra për shembull në Leposaviq në oborrin e komunës nuk ka më asnjë autoblindë të Policisë së Kosovës. Kemi shku në Leposaviq për me raportu të njëjtën gjë pra që ka filluar reduktimi i numrit të mjeteve të blinduara të Policisë tek objektet komunale, as aty nuk ka pasur asnjë blindë policisë dhe pak minuta pasi kemi zbrite me kameramanin Blendin, shoferi Enisi nisi ka vazhduar tutje pak më poshtë për të gjet një vend të sigurt për tu parkuar dhe menjëherë na ka thirrë në telefon, ka tregu se është sulmu nga një person, është goditë makina disa herë nga një person, konkretisht tek pasqyra dhe ka provu që të ketë një kontakt fizik. Fillimisht është goditur me duar, me grushta. Po dua të tregoj se sulmi ka ndodhur në dy kohë. Derisa Enisi kur kemi kominiku me të dhe i kemi thënë ‘eja sepse po vazhdojmë për Prishtinë po largohemi prej Zveçanit, meqë situata është e tensionime, ka fillu të nxehet situata mes protestuesve, për shkak se me gjasë u është kumtu lajmi për arrestimin që ka ndodhë në Mitrovicë të Veriut”, tregoi Jashari.

    Ai tha se me të marrë lajmin për arrestimin e një personi në Mitrovicën e veriut, një grua kishte filluar t’i shajë, ndërsa pas largimit, 150 metra më larg iu kishte dalë një veturë gol me xhama të errët, nga ku kishin dalë sulmuesit.

    “Një grua ka fillu me na shajtë me na ofendu me na thënë gjithçka, sigurisht nuk kemi reagu. Ka ardhë një grua tjetër, ka provu me e qetësu situatën na ka thënë të largohemi. Kam diskutu me ndoshta një minutë apo një minutë ë gjusmë në gjuhën angleze, kemi vlerësu që është mirë me u largu edhe na është dhënë paralajmërimi atë se është rrezik. Kemi hipur në makinë, jemi nisë dhe 150 metra tutje, na ka dalë në pritë një makinë e tipit golf ngjyrë të errët, që ka pasë targa të Serbisë, ka dalë personi i njëjtë që ka qenë një trup madh që e kishte sulmuar para pak minutash shoferin tonë Enisin, i njëjti ka ardhë duke bërtite, duke e goditë makinën, duke provu që me dhunë të hapë makinën tonë dhe të na nxjerrë jashtë ekipin e ATV-së. Kemi provu të komunikojmë qetësisht me të, por ka qenë absolutisht e pamundur dhe meqë ishim për gati të nisemi drejtë Prishtinës edhe paisjet i kemi pasë ndalur edhe s’kemi pasë mundësi reagimi as në telefon, as diçka të ngjashme. Ka ardhë personi tjetër në anën e djathtë ku isha ulur me maskë, ka fillu po ashtu sharjet, ka provu me e fut dorën për aq sa ishte xhami i hapur përpara për me nxjerrë çelësin e makinës për me na goditë”, rrëfen gazetari Fatlum Jashari. /atvlive.tv

    Emisionin e plotë e gjeni në videon më poshtë:

  • Sallova: Arrestimi i sotëm është kërkesë ekskluzive e KFOR-it

    Sallova: Arrestimi i sotëm është kërkesë ekskluzive e KFOR-it

    Politologu Donik Sallova, në një intervistë në emisionin DIREKT në ATV, tha se arrestimi i sotëm në veri të vendit është kërkesë e KFOR-it.

    “Dje ose para dy ditësh KFOR-i ka thënë që përgjegjësit që i kanë sulmuar trupat e KFOR-it duhet të vihen para drejtësisë dhe kjo lloj kërkese, po themi kërkese – llogarie, në mënyrë direkte i drejtohet Policisë së Kosovës. Ata reaguan dhe e kapen njërin që është nga përgjegjësit që i ka organizuar trazirat që kanë prekur dhe kanë lënduar një numër të konsiderueshëm të ushtarëve të KFOR-it. Ndonjëherë koordinimi është edhe sinjal”, tha Sallova.

    Ai tha se në veri, sot kishte grupe të ndryshme të infiltruara, të cilat shpërthyen kundër njëra tjetrës.

    “Ndonjëherë koordinimi është edhe sinjal. Ato trazira që i pamë sot që ishin më shumë njëlloj ë shpërthimi i serbëve kundrejt njëri-tjetrit përkatësisht shpërthimi i disa grupeve që janë më radikale dhe më të kriminalizuara dhe kundrejt përfaqësuesve të vet politikë, tregon se në veri të Kosovës janë të infiltruara grupe të ndryshme, disa prej të cilave mund të jenë drejtpërdrejt të kontrolluara ose të lidhura me Listën Serbe, të tjera mund të jenë të lidhura me qarqe në Beograd”, tha Sallova.

    Ai thotë se Kosovës nuk i mbetet që të presë Serbinë që të pajtohet me normalizimin e veriut, por se që të paraqet insistimin që ta shtrijë sundimin e ligjit edhe atje.

    “Me qenë se në veri frekuentojnë grupe kaq të shumta që janë të gatshëm për destabilizim, neve nuk do të na mbetet që të presim që ato të koordinohen e Serbia të pajtohet që ta normalizojë veriun, por do ta paraqesim insistimin tonë që ajo është pjesë e Kosovës dhe ne do ta shtrim ë sundimin e ligjit edhe atje”, tha Sallova. /atvlive.tv

    Emisionin e plotë e gjeni në videon më poshtë:

  • Rexha: Sulmi ndaj ekipit të ATV-së në Zveçan është barbar që duhet dënuar

    Rexha: Sulmi ndaj ekipit të ATV-së në Zveçan është barbar që duhet dënuar

    Kryetari i AGK-së, Xhemajl Rexha, në një lidhje të drejtpërdrejt në emisionin STUDIO A në ATV, tha se sulmi ndaj ekipës së ATV-së në Zveçan është sulm barbar që duhet dënuar.

    “Ky është një sulm barbar. Gjithë këta gurë, gjithë këta njerëz me maska që i janë afruar ekipit të ATV-së është absolutisht tmerruese. Asnjë gazetar, asnjë ekip tjetër
    gazetarësh që shkon për të raportuar, nuk duhet të kalojë nëpër një situatë të tillë”, tha Rexha.

    Ai tha se sulmi është shqetësues dhe se gëzohet që nuk ka rezultuar me lëndime më të rënda të ekipiet të ATV.

    “Është shumë shqetësuese. Në vazhdën e sulmeve, ky është sulmi i 23-të që ka ndodhur në vetëm dy javë në veriun e Kosovës dhe nga ajo që kam biseduar pak minuta më herët me kolegun gazetar Fatlum Jashari, me të vërtetë ka qenë një sulm shumë i rëndë dhe jemi me fat që s’ka rezultuar me lëndime më të mëdha të ekipit. Tani në Zveçan ka një kohë që nuk ka pasur të tilla sulme, në fakt java e kaluar ka qenë më e qetë, por siç e kemi marrë vesh nga Fatlumi, gjithçka ka ndodhur në kohën që në veriun e Mitrovicës po arrestohej një serb i kërkuar nga Policia e Kosovës. Sulmi absolutisht është i dënueshëm, është shumë i rëndë dhe ne vazhdojmë t’u bëjmë thirrje organeve të rendit që të sigurojnë gazetarët që punojnë në terren”, tha Rexha.

    Kujtojmë se sot rreth orës 13:30, protestuesit kanë goditur me gurë e gjësende të forta gazetarin, kameramanin e shoferin e ATV-së, ku kanë demoluar edhe veturën sot në Zveçan.

    E gjithë ngjarja ka ndodhur derisa në Mitrovicën e Veriut, Policia e Kosovës ka nisur arrestimin e Milun Milenkovic.

    Gazetari Fatlum Jashari, nëpërmjet telefonit ka informuar se ekipi i ATV-së, e cila ishte në terren në Zveçan është sulmuar menjëherë pasi protestuesit serbë kanë kuptuar se në Mitrovicë të Veriut është arrestuar një serb.

    Jashari ka treguar se është dashur ndërhyrja e KFOR-it dhe EULEX-it për t’i ofruar siguri ekipit të ATV-së dhe largim të sigurt të tyre nga vendi i ngjarjes.

    Kujtojmë se pjesë e ekipit të ATV-së që u sulmuan në Zveçan ishin gazetari Fatlum Jashari, kameramani Blend Thaçi, si dhe shoferi, Enis Sherifi, përderisa po përcillnin zhvillimet e fundit në këtë komunë. /atvlive.tv

  • Tre policë të lënduar gjatë aksionit në Mitrovicë të Veriut

    Tre policë të lënduar gjatë aksionit në Mitrovicë të Veriut

    Tre pjesëtarë Policisë së Kosovës janë të lënduar gjatë një aksioni në veri të Kosovës, ka bërë të ditur ministri i Brendshëm, Xhelal Sveçla, teksa ka njoftuar se në këtë aksion është arrestuar një nga organizatorët e sulmeve ndaj pjesëtarëve të KFOR-it, transmeton REL.

    Foto: REL
  • AGK-ja reagon pas sulmit ndaj ekipit të ATV-së në Zveçan

    AGK-ja reagon pas sulmit ndaj ekipit të ATV-së në Zveçan

    Asociacioni i Gazetarëve të Kosovës ka reaguar pas sulmit ndaj ekipit të ATV-së në Zveçan.

    AGK-ja është shprehur me shqetësim për sigurinë e kolegëve, që po raportojnë nga ajo pjesë.

    AGK-ja, sërish bënë thirrje tek organet kompetente që të marrin masa për të siguruar gazetarët që të lejohen të bëjnë punën e tyre pa u penguar.

    Kujtojmë se në Zveçan është sulmuar me gurë ekipi i ATV-së, i përbërë nga gazetari Fatlum Jashari, kameramani Blend Thaçi, si dhe shoferi, Enis Sherifi, përderisa po përcillnin zhvillimet e fundit në këtë komunë.

    Protestuesit kanë goditur me gurë e gjësende të forta gazetarin, kameramanin e shoferin e ATV-së, ndërsa kanë demoluar edhe veturën.

    E gjithë ngjarja ka ndodhur derisa në Mitrovicë të Veriut, Policia ka nisur aksionin për arrestimin e Milun Milenkoviq.

    Kolegu Fatlum Jashari, nëpërmjet telefoni ka informuar se ekipi e ATV-së, i cili ishte në terren në Zveçan, është sulmuar menjëherë pasi protestuesit serb lokal kanë kuptuar se në Mitrovicë të Veriut është arrestuar një serb.

    Jashari ka treguar se është dashtë ndërhyrja e KFOR-it dhe EULEX-it për t’i ofruar siguri ekipit të ATV-së dhe largim të sigurt të tyre nga vendi i ngjarjes./ATVLIVE.TV/

  • Sulmohet me gurë ekipi i ATV-së

    Sulmohet me gurë ekipi i ATV-së

    Në Zveçan para rreth një ore është sulmuar me gurë nga serbët protestues edhe një ekip i ATV-së.

    Protestuesit kanë goditur me gurë e gjësende të forta gazetarin, kameramanin e shoferin e ATV-së, ndërsa kanë demoluar edhe veturën.

    E gjithë ngjarja ka ndodhur derisa në Mitrovicë të Veriut, Policia ka nisur aksionin për arrestimin e Milun Milenkoviq.

    Kolegu Fatlum Jashari, nëpërmjet telefoni ka informuar se ekipi e ATV-së, i cili ishte në terren në Zveçan, është sulmuar menjëherë pasi protestuesit serb lokal kanë kuptuar se në Mitrovicë të Veriut është arrestuar një serb.

    Jashari ka treguar se është dashtë ndërhyrja e KFOR-it dhe EULEX-it për t’i ofruar siguri ekipit të ATV-së dhe largim të sigurt të tyre nga vendi i ngjarjes./ATVLIVE.TV/

     

     

  • VIDEO: Momenti kur Policia e Kosovës arreston një nga organizatorët e sulmeve ndaj pjesëtarëve të KFOR-it

    VIDEO: Momenti kur Policia e Kosovës arreston një nga organizatorët e sulmeve ndaj pjesëtarëve të KFOR-it

    Është publikuar video e momentit kur policia e Kosovës kanë arrestuar një nga organizatorët e sulmeve ndaj pjesëtarëve të KFOR-it, Milun Milenkovic- Llune.

    Arrestimi i personit në fjalë ka ngjallur shumë reagime në veri, përkatësisht të Ura e Ibrit, me ç’rast është lëshuar alarmi i urgjencës dhe qytetarët serbë janë mbledhur.

    Si dhe policia e Kosovës është sulmuar nga protestuesit me mjete të forta.

    Për arrestimin e Milenkoviqit ka njoftuar edhe ministri  i Punëve të Brendshme, Xhelal Sveçla.

    Në një postim në Facebook, Ministri Sveçka ka thënë se personi i arrestuar është serbi, Milun Milenkovic- Llule, “një nga udhëheqësit e formacionit kriminal “Mbrojtja Civile” dhe prijësi i bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës”.

    Ministri Sveçla njoftoi se është arrestuar një prej organizatorëve të sulmeve në veri

  • Kryeministri Kurti paraqet hapat e Qeverisë për de-eskalim të situatës në veri

    Kryeministri Kurti paraqet hapat e Qeverisë për de-eskalim të situatës në veri

    Kryeministri i Kosovës, Albin Kurti në një konferencë për media ka folur për takimin e sotëm me ambasadorët e vendeve të QUINT-it.

    Kurti shtoi se me ambasadorët e QUINT-it ka biseduar për zhvillimet e fundit në vend, dhe propozimin e qeverisë në lidhje me deskalimin në katër komunat në veri.

    Kurti ka paraqitur pesë pikat e propozuar nga Qeveria e Kosovës për deskalim të situatës në veri, shkruan Telegrafi.

    Pika e parë: Sundimi i ligjit në katër komunat në veri. Situata në veri nuk është normale për një kohë të gjatë por eskalimi më 29 maj e bënë urgjent sjelljen para drejtësisë të gjithë atyre që ushtuan dhunë ndaj policisë së Kosovës, KFOR-it dhe mediat.

    Pika e dytë: Grupet e dhunshme tërhiqen menjëherë nga territori i Kosovës

    Pika e tretë: Policia e Kosovës dhe KFOR, apo EULEX do të kryejnë vlerësime të përbashkëta të sigurisë çdo 15 ditë për të garantuar ambient të sigurt për të gjithë

    Pika e katërt: Qeveria e Kosovës do të koordinohet me të gjithë akterët dhe do të shpall zgjedhjet e reja në veri

    Pika e pestë: Kosova dhe Serbia rikthehen menjëherë në dialogun e lehtësuar të Brukselit. Bashkimi Evropian siguron një plan renditje të drejtë dhe të balancuar për zbatimin e marrëveshjes bazike.

    Kryeministri bërë të ditur se këtë propozim e kishte ndarë paraprakisht me Përfaqësuesin e Lartë për Politikë të Jashtme dhe Siguri të BE-së, Josep Borrell.

    “Dje në orën 12 kam pasur një telefonat me Josep Borrell në lidhje me situatën në veri pas zgjedhjeve komunale, sot kam pritur ambasadorët e QUINT-it. Dje pasdite kam qenë në komunikim të vazhdueshme me përfaqësuesin e BE-së për dialogun Miroslav Lajçak dhe në mbrëmje me ambasadorin amerikan Hovenier. Me Borrell dje dhe vendet e QUINT-it kam shprehur gatishmërinë e plotë të Qeverisë për deskalim të situatës dhe normalizim të plotë me Serbinë”, ka thënë Kurti.

    Kryeministri shtoi se që nga 5 nëntori i vitit të kaluar vendimet tona as nuk i kanë kontribuar eskalimit e as nuk kanë qenë burim i eskalimit të situatës në veri.

    “Ne jemi në detyrat tona të zbatimit të kushtetutshmërisë dhe ligjshmërisë në gjithë territorin e Republikës së Kosovës”, tha Kurti. /Telegrafi/

  • Arrestohet një mësimdhënës në Deçan, dyshohet se e puthi nxënësen e mitur

    Arrestohet një mësimdhënës në Deçan, dyshohet se e puthi nxënësen e mitur

    Një rast i tmerrshëm i sulmit seksual është publikuar dje dhe dyshohet të ketë ndodhur në shkollën “Lidhja e Prizrenit” në Deçan, ku mësimdhënësi V.S. është filmuar fshehurazi duke e puthur një nxënëse të klasës së shtatë.

    Përveç arrestimit, i dyshuari V.S. edhe është suspenduar nga puna pasi ndaj tij kanë nisur hetimet, nën dyshimin se ka kryer veprën penale “Sulm seksual”.

    Kjo ngjarje e tmerrshme që ka ndodhur brenda hapësirave të shkollës, i ka kushtuar me arrestim dhe ndalim mësimdhënësit të dyshuar.

    Zëdhënësi i Prokurorisë së Pejës, Shkodran Nikçi, e ka konfirmuar se ndaj të dyshuarit, Prokurori i Shtetit ka urdhëruar caktimin e masës së ndalimit.

    “Prokurori i shteti ka marrë veprime hetimore për ndriçimin e plotë të kësaj çështje penale, i cili ka shkuar në stacionin policor dhe ka urdhëruar sekuestrimin e telefonit të të pandehurit. Me urdhër të prokurorit të shtetit, personi i dyshuar është ndaluar për 48 orë nën dyshimin se ka kryer veprën penale “Sulm Seksual”.

    Prokurori i shtetit brenda afatit ligjor, ndaj të pandehurit do parashtrojë kërkesë për caktimin e masës së paraburgimit.”, tha Nikçi.