Tag: Ballina

Më shumë se 62 milionë Euro është vlera e përgjithshme e mjeteve financiare që BE-ja u zotua t’i ndajë për Kosovën, në fund të vitit të kaluar, në kuadër të Instrumentit të Para Anëtarësimit – IPA III.

Një pjesë e konsiderueshme e këtyre parave janë të dedikuara për përmirësimin e mjedisit, infrastrukturën për trajtimin e ujërave të zeza dhe energjinë e gjelbër.

Në kuadër të mjeteve të zotuara në vlerë 1 miliard euro për Ballkanin Perëndimor për adresimin e krizës energjetike, BE-ja tashmë ia ka ndarë Kosovës 67.5 nga 75 milionë Eurot e fazës së parë.

Ndërsa, 55 milionë të tjera janë të planifikuara për dy projekte të energjisë solare: parkun foto-voltaik të KEK-ut dhe atë të Termokosit për ngrohjen e kryeqytetit.

Muajin e kaluar, Komisioneri për Fqinjësi dhe Zgjerim, Oliver Varhelyi, njoftoi se BE-ja – përmes instrumenteve të ndryshme – është zotuar t’i ndajë 635 milionë euro për investime në Kosovë.

Atë ditë ai kishte lansuar projektin në vlerë 6 milionë Euro për forcimin e kapaciteteve të Kosovës për luftimin e krimit të organizuar.

Pa dhënë detaje për vlerat financiare veç e veç, në një përgjigje për ATV-në BE-ja njoftoi se përmes Planit Ekonomik Investiv për Ballkanin Perëndimor, që në total synon mobilizim deri në 9 miliardë euro dhe synim për 20 miliardë investime në rajon, përfshihen disa projekte të mëdha infrastrukturore në Kosovë.

“Plani Ekonomik Investiv përfshin projekte specifike të rëndësishme për Kosovën, të fokusuara në përmirësimin e lidhjes dhe furnizimit me energji. Këto projekte përfshinë një impiant për trajtimin e ujërave të zeza për Prishtinën, gazsjellësin Maqedoni e Veriut-Kosovë, Autostradën e Paqes (Rruga 7) në segmentin Prishtinë-Merdare, Hekurudha 10 nga Mitrovica në Leshak në Kosovë, dhe përgatitjet për ndërtimin e hidro-sistemit Ibër-Lepenc Faza II”, thuhet në njoftimin e BE-së.

Më në detaje, Bashkimi Evropian ka treguar vlerën e ndihmës financiare përmes fondeve IPA për Kosovën që nga viti 2007, që tejkalon vlerën 1 miliard euro.

Në periudhën 2007-2013, BE-ja kishte ndihmoi Kosovën me 642 milionë Euro përmes IPA I dhe milionave të parë të IPA II.

Ndërmjet viteve 2014-2020, në vazhdimësi të IPA II, investoi në Kosovë edhe 542 milionë euro.

Më 2021 dhe 2022, në kuadër të fondeve IPA III, ka ndarë më shumë se 128 milionë euro.

Përtej tyre, përmes Kornizës për Investime në Ballkanin Perëndimor – WBIF, nga viti 2009, Kosova ka përfituar nga BE-ja grante në vlerë 263 milionë Euro në kuadër të investimeve në vlerë 860 milionë Euro.

Së fundmi, BE-ja ka paralajmëruar pezullim të bashkëpunimit financiar nëse Kosova nuk përmbush kërkesat ndërkombëtare për shtensionim të situatës në veri. /atvlive.tv

Edicionin Qendror të lajmeve në ATV e gjeni në videon më poshtë:

Krerë shtetërorë e institucional, kanë reaguar për tragjedinë që ndodhi mbrëmë në Pejë pas vërshimeve.

Presidentja e vendit Vjosa Osmani teksa foli për vdekjen tragjike të dy qytetarëve, theksoi se Forca e Sigurisë së Kosovës dhe të gjitha institucionet tjera që merren me emergjenca të tilla, janë në Pejë për të ofruar ndihme për qytetarët.

“I shpreh ngushëllimet më të thella familjarëve, miqve, kryetarit të Komunës z. Gazmend Muhaxheri dhe gjithë qytetarëve të komunës së Pejës për këtë humbje të madhe e kaq tragjike. Në këto momente të rënda, është me rëndësi që përkrahja të vazhdojë në mënyrë që komuna e Pejës të përballojë dhe të rikuperohet nga kjo situatë e vështirë e tragjike”, tha Osmani.

Edhe kryetari i kuvendit Glauk Konjufca dhe kryeministri Albin Kurti kanë reaguar pas tragjedisë në Pejë derisa kanë shprehur ngushëllime për familjarët e viktimave, dhe theksuan gatishmërinë për ndihmë të institucioneve të Kosovës.

“Në këto momente qëndrojmë pranë familjarëve të viktimave, siç jemi pranë të gjithë qytetarëve të Pejës, të cilët kanë pësuar nga këto vërshime. Njësitet përkatëse të emergjencave me profesionalizmin e tyre janë duke ofruar ndihmën dhe punën e tyre deri në stabilizim të plotë të situatës”, tha Konjufca.

“Në emër të Qeverisë së Republikës së Kosovës dhe në emrin tim personal, ju shpreh ngushëllimet më të sinqerta. Të lënduarve u uroj shërim sa më të shpejtë. Qeveria e Republikës së Kosovës është e angazhuar me kapacitetet e saj me Forcën e Sigurisë së Kosovës dhe Agjencinë për Menaxhimin e Emergjencave që të ndihmojë në përballimin dhe tejkalimin e pasojave të vërshimeve”, tha Kurti.

Për situatën pas vërshimeve në Pejë ka reaguar edhe ambasadori i bashkimit Evropian në Kosovë Tomas Szunyog, teksa u ka shprehur ngushëllime familjarëve të viktimave.

Gjatë ditës reagime ka pasur edhe nga liderët e partive politike, të cilët kanë kërkuar nga Qeveria t’i shfrytëzoj të gjitha kapacitetet për ndihem familjeve të goditura nga vërshimet në Pejë. /atvlive.tv

Edicionin Qendror të lajmeve në ATV e gjeni në videon më poshtë:

Ministri i Mbrojtjes së Serbisë, Millosh Vuçeviç, ka propozuar një “plan me katër pika”, të cilat, sipas tij, do të kontribuonin në qetësimin e situatës në veri të Kosovës.

“Duhet të ketë bisedime për arrestimet e paligjshme. Duhet të ketë bisedime për tërheqjen e njësive speciale. Duhet të ketë bisedime për themelimin e Asociacionit të Komunave (me shumicë) serbe dhe të flasim për pjesëmarrjen e serbëve në zgjedhjet lokale”, tha Vuçeviç.

“Për mendimin tim, këto janë katër pikat që duhet të jenë bazamenti i zgjidhjes së kësaj situate, nëse me të vërtetë duam të lëvizim në drejtimin e shtensionimit”, ka thënë ndër të tjera Vuçeviç, ndërsa ka fajësuar kryeministrin e Kosovës, Albin Kurti, për siç tha “rrezikim të sigurisë së Serbisë”.

Ndryshe, edhe kryeministri i Kosovës, Albin Kurti, ka paraqitur një plan në përbërje prej gjithsej pesë pikave, të cilën ua ka prezantuar shteteve partnere të QUINT-it (Shtetet e Bashkuara të Amerikës, Gjermania, Franca, Italia dhe Britania e Madhe) për uljen e tensioneve në veri dhe rikthimin në dialog.

Sundimi i ligjit në komunat veriore të Kosovës të banuara me shumicë serbe, tërheqja e “milicisë fashiste” atje, kryerja e vlerësimeve të përbashkëta të sigurisë nga Policia e Kosovës, KFOR-i e EULEX-i, shpallja e zgjedhje lokale të parakohshme dhe rikthimi në dialog janë pikat e propozuara nga kryeministri Kurti.

Ndërkaq, qetësimi i situatës në veri të Kosovës, mbajtja e zgjedhjeve të reja lokale atje dhe kthimi në dialogun për normalizimin e marrëdhënieve janë kërkesat e përbashkëta të bashkësisë së organizuar ndërkombëtare për de-eskalim, por këto ende nuk janë përmbushur nga asnjëra palë.

Shefi i Zyrës së Bashkimit Evropian në Kosovë, Tomáss Szunyog ka ngushëlluar familjen nga Peja e cila humbi dy anëtarë të saj në vërshimet e mbrëmshme.

Ai përmes një postimi në Twitter iu ka uruar shërim të shpejtë të lënduarve.

“ I pikëlluar thellësisht nga humbja tragjike e dy jetëve nga vërshimet në Pejë mbrëmë. Ngushëllime të përzemërta familjes së viktimave, shërim të shpejtë të lënduarve dhe rindërtim të shpejtë të zonës së prekur. Falënderoj reaguesit e parë, policinë dhe FSK-në”, tha ai.

Deeply saddened by the tragic loss of two lives due to flooding in Peja/Peć last night. Heartfelt condolences to the family of the victims, speedy recovery to the injured &prompt recovery of the affected area. Thank you to the first responders, the police & KSF. 🇽🇰 🇪🇺

— Ambassador Tomáš Szunyog (@EUAmbKS) June 25, 2023

Nicholas Abbot, ambasador i Britanisë së Madhe në Kosovës, ka shprehur ngushëllime familjes së dy viktimave, nënë e bir, që humbën jetën si pasojë e vërshimeve në Pejë.

Përmes një postimi në Twitter, ambasadori ka bërë të ditur se atij i ka bërë përshtypje përkushtimi i të gjithëve atyre që janë përfshirë në mbështetjen e të prekurve nga përmbytjet.

“Dëshiroj t’i shpreh ngushëllimet e mia familjes së dy personave që humbën jetën mbrëmë në Pejë. Më bën përshtypje përkushtimi i të gjithë atyre që janë përfshirë në mbështetjen e të prekurve nga përmbytjet”, ka thënë ambasadori britanik.

I would like to express my condolences to the family of the two people who lost their lives in Peja last night. I am impressed by the dedication of all those involved in supporting those affected by the flooding.

— Nicholas Abbott (@nickabbottfcdo) June 25, 2023

Presidentja Vjosa Osmani u shpreh se humbja e dy qytetarëve si pasojë e vërshimeve të djeshme në Pejë, tronditi të gjithë Kosovën.

Osmani potencoi se Forca e Sigurisë së Kosovës dhe të gjithë institucionet e tjera që merren me emergjenca të tilla janë në Pejë, duke ofruar ndihmën dhe përkrahjen e tyre.

“I shpreh ngushëllimet më të thella familjarëve, miqve, kryetarit të Komunës z. Gazmend Muhaxheri dhe gjithë qytetarëve të komunës së Pejës për këtë humbje të madhe e kaq tragjike. Në këto momente të rënda, është me rëndësi që përkrahja të vazhdojë në mënyrë që komuna e Pejës të përballojë dhe të rikuperohet nga kjo situatë e vështirë e tragjike.”, shkroi Osmani në Facebook.

Një grua dhe djali i saj, 5-vjeçar vdiqën si pasojë e vërshimeve të djeshme në Pejë. Policia informoi se pas vdekjes së 5-vjeçarit, në lagjen “Asllan qeshme”, u gjet e vdekur edhe nëna e tij, e cila ishte e zhdukur.

Nga vërshimet në Pejë janë lënduar dy persona, ndërkaq kanë vdekur dhe dy të tjerë.

Zëdhënësi për media në Spitalin Rajonale të Pejës, Naim Sahiti, ka thënë se të lënduarit janë jashtë rrezikut për jetë.

“Ata janë duke e vazhduar trajtimin nga dje në Spitalin e Përgjithshëm të Pejës”, ka thënë Sahiti.

Ministri i Administrimit të Pushtetit Lokal në Kosovë, Elbert Krasniqi, tha se është i “shqetësuar” dhe “tronditur” pas situatës së vërshimeve në Komunën e Pejës.

Nga këto vërshime, një nënë bashkë me fëmijën e saj 5-vjeç vdiqën të shtunën, transmeton Paparaci.

Ai tha se është në komunikim dhe koordinim të vazhdueshëm me kryetarin e Pejës, Gazmend Muhaxheri, ministrin e Brendshëm, Xhelal Sveçla dhe ministrin e Mbrojtjes, Armend Mehaj, që t’u dalin në ndihmë qytetarëve në këtë situatë.

“I shqetësuar dhe tronditur me situatën e vërshimeve në Pejë, ku si pasojë e tyre humbën jetën dy qytetarë tanë, një fëmijë dhe nëna e tij. Që nga fillimi i reshjeve mbrëmë jam në komunikim dhe koordinim të vazhdueshëm me Kryetarin Muhaxheri, Ministrin Sveçla dhe Ministrin Mehaj, që ti dalim në ndihmë qytetarëve dhe Komunës në këtë situatë të vështirë”, shkroi ai në Facebook.

“Familjarëve të cilët humbën më të dashurit e tyre, ju shprehi ngushllime, të lënduarve shërim dhe rikuperim të shpejtë dhe shpresojë që situata të tilla mos të përsëritën më”.

Kryetari i Pejës, Gazmend Muhaxheri u shpreh i tronditur me rastin tragjik që ndodhi në Pejë, ku dy persona humbën jetën si pasojë e vërshimeve të së shtunës.

Muhaxheri shprehu ngushëllime për vdekjen e nënës dhe të fëmijës.

Ai, situatën në Pejë e quajti të rëndë dhe të hidhur.

“Jam shumë i tronditur për rastin tragjik që ka ndodhur sonte në Pejë si pasojë e vërshimeve, ku ka pasur edhe humbje jete të çmuara! Kjo është një situatë e rëndë dhe e hidhur për qytetin tonë. Gjatë kësaj kohe të vështirë, shpreh ngushëllimet dhe solidaritetin tim të plotë. Shpresoj të kenë forcë për ta kaluar këtë situatë. Ndihma në kohë të vështira është thelbësore.”, shkroi Muhaxheri në Facebook.

Ai potencoi se ekipet janë në terren dhe po e vëzhgojnë situatën e shkaktuar nga vërshimet.

Një grua dhe djali i saj, 5-vjeçar vdiqën si pasojë e vërshimeve të djeshme në Pejë. Policia informoi se pas vdekjes së 5-vjeçarit, në lagjen “Asllan qeshme”, u gjet e vdekur edhe nëna e tij, e cila ishte e zhdukur.