ATV

Tag: Ballina

  • Eksperti i Sigurisë zbulon arsyen pse u rrëmbyen tre Policët, lidhet me grupet kriminale

    Eksperti i Sigurisë zbulon arsyen pse u rrëmbyen tre Policët, lidhet me grupet kriminale

    Ekspert i çështjeve të Sigurisë, Bedri Elezi ka thënë se tre policët u kidnapuan pasi që ata kishin shumë informacione për grupet kriminale në veri të vendit.

    Në një intervistë në Direkt, Elezi ka shtuar se Serbia e ka përdorur rastin për të marrë favore nga SHBA-të.

    “Ka pasur deklarime zyrtare nga ana e përfaqësuesve të Republikës së Kosovës se tre policët janë kidnapuar për shkak të informacioneve që ata kishin”, ka thënë Elezi në Direkt.

    Ai ka shtuar gjithashtu se Serbia e ka përdorur këtë rast për të negociuar me Shtetet e Bashkuara të Amerikës.

    “Serbia i rrëmbeu tre pjesëtarët e Policisë së Kosovës, që ishin pjesë edhe e Ushtrisë Çlirimtare të Kosovës që më pas t’i lironte pas kërkesë së SHBA-së, në mënyrë që më pas të kërkoj favore”, ka thënë Bedri Elezi. /ATV LIVE/

  • Kosova nënshkruam marrëveshje me shtetin e Iowas

    Kosova nënshkruam marrëveshje me shtetin e Iowas

    Presidentja e vendit, Vjosa Osmani, ka pritur në takim guvernatoren e shtetit të Iowa-s, Kim Reynolds, me ç’rast rast nënshkruan marrëveshjen për marrëdhënie mes shteteve simotra, Kosovës dhe Iowa-s. Kjo marrëveshje pritet ta fuqizojë bashkëpunimin edhe më tej në fushën e sigurisë, arsimit, kulturës dhe bujqësisë.

    “Po ashtu do të krijoj instrumente për koordinim të shtuar mes dy vendeve tona edhe në fushën e mbrojtjes. Një bashkëpunim ky që ka qenë esencial mes FSK-së dhe Iowa-s. Por mbi të gjitha marrëveshja e nënshkruar sot do t’iu hapë rrugë përafrimit dhe përfitimeve të drejtpërdrejta të qytetarëve tanë. Për Republikën e Kosovës aleanca me ShBA-në vazhdon të mbetet ekzistenciale”, tha Osmani.

    Përkushtim për ta zgjeruar bashkëpunimin shprehu edhe guvernatorja Reynolds.

    “Marrëdhënia jonë speciale është e ndërtuar në një themel të fortë të partneritetit në fushën e sigurisë, të Gardës Kombëtare të Iowa-s dhe Forcës së Sigurisë së Kosovës, e cila vazhdon të lulëzojë edhe tani… Kjo është një dëshmi aq e fuqishme e ndikimit që partneriteti ynë mund të ketë. Mund të dini se sa jemi të përkushtuar për t’i zgjeruar partneritetin dhe bashkëpunimin tonë edhe më tej, në fushën e sigurisë, edukimit dhe në lidhjet e reja komerciale”, tha Reynolds.
    Pas takimit me Osmanin, Reynolds u takua edhe me kryeparlamentarin Glauk Konjufca.

    Takimi qe i mbyllur për media, por përmes një shkrimi në Facebook, Konjufca tha se biseduan për mundësitë e zgjerimit të fushave të bashkëpunimit reciprok dhe shkëmbyem pikëpamjet rreth zhvillimeve politike në vend e rajon.

    Në fund të vizitës, Reynolds u takua edhe me Ministren e Punëve të Jashtme, Donika Gërvalla. /atvlive.tv

    Edicionin Qendror të lajmeve në ATV e gjeni në videon më poshtë:

  • BE-ja këmbëngul në zgjedhje të reja në veri, “masat gati nëse nuk veprohet”

    BE-ja këmbëngul në zgjedhje të reja në veri, “masat gati nëse nuk veprohet”

    Me gjithë shqetësimin e thellë për tensionet në veri të Kosovës, Këshilli i Ministrave të Jashtëm i Bashkimit Evropian nuk mori asnjë vendim.

    Përfaqësuesi i Lartë për Politikë të Jashtme dhe Siguri, Josep Borrell, theksoi se shtetet anëtare janë të gatshme të marrin masa nëse nuk shohin veprime për shtensionim të situatës.

    “Shtetet anëtare nënvizuan shqetësimet e tyre të thella lidhur me vazhdimin e tensioneve në veri të Kosovës dhe theksuan rëndësinë e de-eskalimit më linjë me qëndrimin e 3 Qershorit. Vendet anëtare do të marrim masa, nëse do të jetë e nevojshme, në mënyrë që të ngre levat e Bashkimit Evropian dhe për të mbështetur dialogun për normalizim”, tha Borrell.
    Pasi tha se problem janë kryetarët pa legjitimitetet, Borrell theksoi nevojën e mbajtjen së zgjedhjeve të reja dhe pjesëmarrjes së serbëve në to, pa kushte.

    “Hapat e radhës është të bëhet gjithçka për të shpallur zgjedhjet, ne pajtohemi që zgjedhjet duhet të mbahen, ne pajtohemi që nuk mund të kemi kryetarë në zyrat e tyre që mbrohen nga forcat e NATO-s përgjithmonë. Dhe të jenë të zgjedhur me 2-3% pjesëmarrje në zgjedhje. Kjo nuk është zgjidhje qëndrueshme dhe duhet të zëvendësohet me zgjidhje tjera dhe zgjidhjet tjera mund të vijnë vetëm nga zgjedhjet e reja”, tha Borrell.

    Përfaqësuesi i Lartë i BE-së tha se do të vazhdojnë kontaktet me Kosovën dhe Serbinë, në përpjekjet për shtensionimin e situatës.

    Ndërsa, pa dhënë detaje, tha se masat eventuale mund të jenë politike dhe financiare, por të përkohshme dhe të kthyeshme – varësisht sjelljes së palëve. /atvlive.tv

    Edicionin Qendror të lajmeve në ATV e gjeni në videon më poshtë:

  • Peja me dy komisione për t’i vlerësuar dëmet nga përmbytjet

    Peja me dy komisione për t’i vlerësuar dëmet nga përmbytjet

    Të hënën u varrosën Mirsada e Dion Ademaj, që vdiqën si pasojë e përmbytjeve të së shtunës, në qytetin e Pejës.

    Përveç dy jetëve të humbura, edhe dëmet materiale ishin të mëdha, pasi shumë shtëpi u dëmtuan e shumë lokale e biznese private u shkatërruan tërësisht.

    Për vlerësimin e dëmeve, ishte themeluar një komision, por sot u shtua edhe një tjetër. Njëri do t’i vlerësojë dëmet nëpër shtëpi e tjetri nëpër biznese.

    “Në mbledhjet e bordit e kemi një komision të formuar për vlerësim të dëmit. Por meqenëse ka qenë terren i hapur kemi bërë dy komisione. Komisioni i parë do t’i vlerësojë dëmet nëpër shtëpi, ndërsa komisioni i dytë do t’i vlerësojë dëmet nëpër biznese. Pra personave të cilëve përmbytjet u kanë shkaktuar dëme, do të kenë mundësi të aplikojnë përmes një formulari ku ne pastaj e dërgojmë në qeveri për kompensim të dëmeve”, zëdhënësi në Komunën e Pejës, Faik Zekaj.

    Dy prej lagjeve më të prekura nga përmbytjet janë “Asllan Çeshmja” e “Fidanishte”. Në asnjërën prej tyre, shtëpitë nuk janë të ndërtuara sipas një plani
    urbanistik.

    “Jo, një pjesë e tyre janë të ndërtuara më herët, një pjesë janë ndërtuar para luftës. Një pjesë e ndërtimit kanë leje e një pjesë tjetër kanë legalizime”, tha Zekaj.

    ATV-ja ka tentuar të kuptojë se kur ka qenë hera e fundit që komuna ka bërë zgjerimin e rrjetit të kanalizimit në këto lagje, por për këtë çështje nuk mori detaje. /atvlive.tv

    Edicionin Qendror të lajmeve në ATV e gjeni në videon më poshtë:

  • Ardhja e mërgimtarëve, shtohen kolonat në magjistralen Prishtinë – Mitrovicë

    Ardhja e mërgimtarëve, shtohen kolonat në magjistralen Prishtinë – Mitrovicë

    PËRGATITI: DRITON SADIKU 

    Rruga Prishtinë – Mitrovicë vazhdon të jetë problem për qytetarët që e frekuentojnë, për shkak të kolonave të gjata automjeteve. Madje, tash me ardhjen e mërgimtarëve ato janë shtuar. Ministria e Infrastrukturës, e cila muaj më parë ia ndërpreu kontratën operatorit për rregullimin e rrugës, thotë se punimet pritet të rifillojnë në shtator.

    Sezoni i bashkatdhetarëve erdhi.

    Por bashkë me të, edhe kolonat e gjata të automjeteve në magjistralen Prishtinë – Mitrovicë.

    Në këtë rrugë, që nisi të ndërtohet mbi një dekadë më parë, punimet për të disatën herë u ndalën para disa muajve.

    “Që nga shkurti kur Ministria e Infrastrukturës ndërpreu kontratën me operatorin, në magjistralen Prishtinë – Mitrovicë nuk është punuar më asgjë”.

    Andaj një situatë e tillë, më së shumti po u kushton atyre që e frekuentojnë atë.

    Megjithatë, e sigurt është se me këto kolona, qytetarët do të përballen së paku edhe kësaj vere, pasi siç thonë në Ministrinë e Infrastrukturës, vazhdimi i punimeve pritet të nisë tek në shtator.

    “Momentalisht jemi në fazën përfundimtare të përzgjedhjes së kompanisë mbikëqyrëse, dhe gjithashtu jemi duke azhurnuar dosjen e tenderit për përzgjedhjen e kontraktorit për ekzekutimin e punimeve. Nëse çdo gjë shkon sipas procedurave të prokurimit, të parapara nga financuesit, Bankat Ndërkombëtare (SFD dhe OFID), punimet priten të fillojnë nga mesi i pjesës së dytë të vitit 2023”.

    Ndërkaq, kontrata e vjetër, sipas Ministrisë, ishte ndërprerë pasi kontraktori nuk i kishte përmbushur obligimet dhe angazhimet e tij të përcaktuara.

     

  • Kurti e njofton sekretarin e Jashtëm britanik për propozimin e tij: Kështu shtensionohet situata

    Kurti e njofton sekretarin e Jashtëm britanik për propozimin e tij: Kështu shtensionohet situata

    Kryeministri i Kosovës, Albin Kurti, u prit sot në takim nga Sekretari për Punë të Jashtme të Mbretërisë së Bashkuar, James Cleverly.

    Falënderues për mikpritjen dhe bashkëpunimin e sekretarit Cleverly, kryeministri Kurti shprehu mirënjohjen e tij për mbështetjen e vazhdueshme të Mbretërisë së Bashkuar ndaj Kosovës dhe popullit të saj në të gjitha etapat e shtetformimit, shtetndërtimit dhe zhvillimit.

    Në takim u fol për marrëdhëniet e shkëlqyera ndërmjet dy vendeve, si dhe për mundësitë dhe fushat në të cilat ato mund të forcohen e thellohen, njoftoi Zyra e Kryeministrit.

    Zhvillimet e fundit në Republikën e Kosovës dhe situata në katër komunat në veri të vendit ishin po ashtu temë e këtij takimi.

    Kryeministri Kurti e njoftoi sekretarin Cleverly me propozimin e tij për shtensionimin e situatës, duke theksuar se sundimi i ligjit është parimi bazë për adresimin e sulmeve ndaj Policisë së Kosovës, ushtarëve të KFOR-it dhe gazetarëve gjatë ditëve të tensionuara në ato komuna dhe që mundëson mbajtjen e zgjedhjeve të parakohshme në po ato komuna, e të cilat duhet të jenë gjithëpërfshirëse, të lira e demokratike dhe me fushatë të hapur dhe fer.

    “Kryeministri Kurti po zhvillon një vizitë pune dyditore në Britani të Madhe. Ky ishte takimi i dytë i tij me sekretarin Cleverly. Takimi i parë ishte mbajtur në tetor të vitit të kaluar, po ashtu në Mbretëri të Bashkuar”, tha ZKM-ja.

    Po ashtu, Kurti u takua me kryetaren e Komitetit për Punë të Jashtme në Parlamentin e Mbretërisë së Bashkuar, Alicia Kearns.

    Me deputeten Kearns, kryeministri Kurti diskutoi për qeverisjen, progresin në vend dhe marrëdhëniet dypalëshe.

    “Vëmendje të veçantë iu dha zhvillimeve të fundit në katër komunat veriore në Kosovë dhe sulmeve të organizuara nga grupe kriminale atje ndaj Policisë, KFOR-it dhe gazetarëve, si dhe përfshirjen aktive të Serbisë në tensionimin e situatës deri te rrëmbimi i tre policëve të Kosovës brenda territorit të Republikës, për të cilët Serbia duhet të mbahet përgjegjëse ndonëse ata u liruan sot gjatë ditës”.

    “Ai e falënderoi deputeten Kearns për mbështetjen ndaj Kosovës dhe qëndrimet e zëshme për mbrojtjen dhe promovimin e të drejtave të njeriut dhe demokracisë në të gjithë Evropën”, thuhet në komunikatën e ZKM-së.

  • Kurti bisedon për zhvillimet në veri me deputeten Kearns

    Kurti bisedon për zhvillimet në veri me deputeten Kearns

    Kryeministri i Kosovës, Albin Kurti gjatë vizitës në Britaninë e Madhe ka zhvilluar takim me deputeten britanike, Alicia Kearns.

    Kurti përmes një postimi në Twitter ka thënë se e ka falënderuar deputeten si një zë i fuqishëm i të drejtave të njeriut dhe demokracisë në tërë e Evropën.

    Poashtu në takim sipas tij është diskutuar edhe për zhvillimet e fundit në veri dhe rrugën e Kosovës drejt integrimit evropian.

    Kurti të hënën ka zhvilluar takim edhe me Sekretarin për Punë të Jashtme të Mbretërisë së Bashkuar, James Cleverly.

  • Pamjet nga pika kufitare në Merdare: Tre policët priten nga kolegët e tyre, por jo nga politikanët

    Pamjet nga pika kufitare në Merdare: Tre policët priten nga kolegët e tyre, por jo nga politikanët

    Tre policëve të Kosovës të kidnapuar nga forcat policore të Serbisë, të cilët u liruan sot, kanë mbërritur në pikën kufitare në Merdare.

    Siç shihet edhe në videon e siguruar nga ATV, gjatë momentit të kalimit të tyrë në këtë pikë kufitare, ata janë pritur nga kolegët e tyre, ndërsa nuk është parë ndonjë politikan.

  • “BE po i mbyll sytë karshi politikave fashiste të Serbisë”, protestohet para zyrës së BE-së në Prishtinë

    “BE po i mbyll sytë karshi politikave fashiste të Serbisë”, protestohet para zyrës së BE-së në Prishtinë

    Para Zyrës së Bashkimit Evropian në Prishtinë është protestuar të hënën me kërkesën që BE “të hap sytë” ndaj shkeljeve dhe politikave fashiste të Serbisë.

    Në aksionin simbolik, anëtarë të organizatës “Lëvizja për Demokraci” kanë qëndruar me sy mbyllur, mbi të cilët ishte flamuri i BE-së.

    Kryetari i “Lëvizjes për Demokraci”, Mexhid Ramusa tha se Bashkimi Evropian po i mbyll sytë karshi shkeljeve që po bën Serbia ndaj Kosovës, transmeton KP.

    “Arsyeja pse e kemi mbajtur këtë aktivitet është sepse BE po i mbyll sytë karshi politikave fashiste të Serbisë. Vuçiqi është pasardhës i politikave të Millosheviqit dhe plani i tyre është i qartë, spastrimi etnik i shqiptarëve. Ne duhet t’i tregojmë BE-së se Serbia është e njëjta nuk ka ndryshuar aspak. Me një shtet të pavarur vjen dhe t’i rrëmben dhe kidnapon policët dhe të gjithë heshtin, arsyeja është sepse jemi shqiptarë. Po të kishte ndodhur kjo që t’i kishim rrëmbyer ne, atëherë do të na vërsuleshin të gjithë neve. BE duhet të kujdeset për shumë arsyeje, sepse të gjitha ushtrimet që i bën ushtria e Serbisë është si ta poshtërojnë Kosovën”, tha ai.

    Edhe anëtari tjetër i organizatës, Driton Ismajli i ka bërë thirrje BE-së që të bëjë presion mbi Serbinë.

    “Bashkimi Evropian është duke i dhënë një dozë të tepruar të mbështetjes, Serbisë. Prandaj ajo po e gjen formën dhe motivin të sillet në këtë mënyrë. Kohëve të fundit kemi deklarata nga BE të cilat e cenojnë edhe ekzistencën e BE-së. Sepse, BE do të duhej të funksiononte të paktën mbi bazën e politikave të cilat janë neutrale. Nga vendimet dhe veprimet e fundit realisht nuk kemi parë diçka të tillë. Kemi parë vetëm politika të anueshme nga përfaqësuesit e ndryshëm të Bashkimit Evropian. Ne i bëjmë thirrje BE-së që presionin të cilin e ka drejtuar kundrejt Kosovës, le ta drejton nga shteti i cili është agresiv në raport me Kosovën. Kemi akte terroriste të cilat e cenojnë thellë edhe ekzistencën e shtetit të Kosovës, kemi akte të cilat tregojnë për shkeljen e marrëveshjeve të nënshkruara më herët. BE duhet t’i hap sytë dhe ta sheh të vërtetën, jo të sillet në raport me Kosovën kështu siç është duke i sjellë deri më tani”, shtoi ai.

    Tre policët kosovarë të rrëmbyer në brenda territorit të Kosovës, janë liruar ditën e sotme. Të njëjtit ishin rrëmbyer me 14 qershor nga forcat e Serbisë.

  • Lirimi i policëve të rrëmbyer nga Serbia, Osmani falënderon SHBA-të

    Lirimi i policëve të rrëmbyer nga Serbia, Osmani falënderon SHBA-të

    Presidentja e vendit, Vjosa Osmani, ka reaguar pas lirimit të tre policëve të rrëmbyer nga Serbia. Për këtë ajo ka falënderuar Shtetet e Bashkuara të Amerikës.

    Osmani, në konferencë për media pas takimit me guvernaatoren Kim Reynolds, ka thënë se aleanca e Kosovës me ShBA-të është ekzistenciale.

    Ajo shtoi se nënshkrimi i marrëveshjes me shtetin e Iowa-s për bashkëpunim me Kosovën do të thellojë miqësinë mes dy vendeve./KP