Tag: Ballina

Guri përkujtimor i Pashke Markut, nënës që dogji veten në vitin 2003 pas kthimit dhe varrimit të mbetjeve të djemve të saj të vrarë e të djegur nga kriminelët serbë, është hequr para disa ditësh nga një pronë private në Korenicë të Gjakovës.

Lidhur me rastin, Policia bën të ditur se ka njoftuar Agjencinë për Menaxhim të Monumenteve Memoriale.

“Fsh. Meje, Gjakovë 28.07.2023 – 11:22. Është pranuar informatë se në lokacionin e cekur është lëvizur një guri përkujtimor i cili ishte i vendosur në pronën e të dyshuarit mashkull kosovar. Në lidhje me rastin është njoftuar Agjencioni për Menagjimin e Monumenteve Memoriale”, njofton Policia.

Me vendim të prokurorit rasti vazhdon në procedurë të rregullt.

Ndryshe, Komuna e Gjakovës ka njoftuar të premten se e ka marrë nën përkujdesje gurin që simbolizon sakrificën e nënës Pashke Marku, duke e vendosur atë në afërsi të Kompleksit Memorial në Mejë.

Sipas njoftimit për media, ky gur përkujtimor është vendosur në një ambient publik në atë lokacion vetëm përkohësisht.

Pas vrasjes së trefishtë e cila ndodhi një ditë më parë (e premte) në fshatin Rufc të vjetër kryetari i Komunës së Lipjanit Imri Ahmeti ka marr vendim që të pezullojë të gjitha aktivitetet e Mërgata Fest & Sport.

Lajmi u bë i ditur përmes një postimi në rrjetin social në Facebook, ku ndër të tjera thuhet se “Ngjarja e mbrëmshme në familjen Bekteshi tronditi thellësisht mbarë opinionin e gjerë”.

“Kryetari i Komunës së Lipjanit Imri Ahmeti ka marr vendim që të pezullojë të gjitha aktivitetet e Mërgata Fest & Sport. Të dashur qytetarë, të gjitha aktivitetet e Mërgata Fest & Sport janë pezulluar. Ngjarja e mbrëmshme në familjen Bekteshi tronditi thellësisht mbarë opinionin e gjerë.

Bashkë ndjejmë dhimbjen dhe shprehim ngushëllime familjes Bekteshi, miqve të familjes Bekteshi dhe qytetarëve”, thuhet në postim.

Ndryshe, Policia e Kosovës sot ka dhënë detaje lidhur me rastin, duke konfirmuar se i dyshuari mashkull kosovar ka vrarë bashkëshorten, djalin e tij dhe më pas vetën.

Në vendin e ngjarjes, Policia ka gjetur dy revole dhe 4 gëzhoja.

“Fsh. Rufc i Vjetër, Lipjan 28.07.2023 – 16:25. Raportohet se i dyshuari mashkull kosovar ka vrarë bashkëshorten dhe djalin e tij e më pas ka kryer vetëvrasje. Njësitë relevante policore dhe prokurori i shtetit kanë dalë në vendin e ngjarjes. Në vendin e ngjarjes janë gjetur dhe sekuestruar një revole e cila dyshohet se janë përdorur në rast dhe 4 gëzhoja. Gjatë kontrollit në një dhomë të shtëpisë është gjetur dhe sekuestruar edhe një revole tjetër me dy fishekë”, thuhet në njoftimin e Policisë.

Instituti i Kosovës për Drejtësi (IKD) përmes një komunikate drejtuar mediave, ka thënë se sesioni pranveror i Kuvendit u karakterizua nga mungesa e vazhdueshme e kuorumit në seancat parlamentare.

Në reagim, IKD thotë se “sesioni pranveror i Kuvendit filloj me 54 pikave të rendit të ditës të cilat në vitin 2022 në mungesë të kuorumit dhe dështimit të dhjetëra seancave nuk u votuan nga Kuvendi”.

“Kuvendi i Kosovës filloi sesionin pranveror në vitin 2023 pa diskutuar në Kryesinë e Kuvendit mbi Programin e Punës për sesion dhe pa e miratuar atë në seancë plenare si dhe nuk miratoj kalendarin e punimeve një mujore, ashtu siç kërkohet me Rregulloren e Kuvendit”, thuhet mes tjerash në reagim.

Më poshtë reagimi i plotë i IKD-së:

“Sesioni pranveror u karakterizua nga mungesa e vazhdueshme e kuorumit në seancat parlamentare. Rrjedhimisht, puna e kuvendit të Kosovës u përcjell me seanca të papërfunduara dhe me vazhdime të shumta të seancave. Nga totali i seancave të rregullta, 41% e tyre u përcollën me më së paku dy vazhdime dhe më së shumti me katër vazhdime. Këto vazhdime të seancave morën epilog final vetëm dy ditë para përfundimit të sesionit pranveror, 27 korrik 2023.

Përveç mungesës së kuorumit në seanca parlamentare, mungesë të kuorumit pati edhe në Kryesinë e Kuvendit. Kryesisht kjo u shkaktua nga bojkoti i njoftuar nga ana e dy nënkryetarëve të dy grupeve parlamentare opozitare. Po ashtu, Kryesia e Kuvendit vazhdon të mos jetë e kompletuar për arsye të mos propozimit të nënkryetarit nga ana e Listës Serbe.

Sa i përket zbatimit të Rregullores së Kuvendit të Kosovës gjatë seancës plenare, Kuvendi i Kosovës zhvilloi punime pa u miratuar rendi i ditës në seancë plenare për arsye që ky rend i ditës, nuk u votua në Kryesinë e Kuvendit në mungesës të kuorumit. Seanca ku u shpërfaq një praktikë e tillë e shkeljes së Rregullores së Kuvendit ishte seanca e datës 13 korrik 2023, ku fillimisht nuk është votuar rendi i ditës dhe më pas është hyrë në seancë të jashtëzakonshme pa marrë miratimin formal të seancës plenare ashtu siç kërkohet sipas Rregullores së Kuvendit.

Formën e thirrjes dhe mbajtjes së kësaj seance, duke pretenduar në shkelje të Kushtetutës dhe Rregullores së Kuvendit, grupi parlamentar i PDK-së me 20 korrik 2023 e dërgoi për vlerësim në Gjykatën Kushtetuese dhe me kërkesën për anulimin e kësaj seance. Në të njejtën seancë, puna e Kuvendit u përcollë me përplasje fizike ndërmjet kabinetit të Qeverisë, deputetëve të opozitës dhe të shumicës parlamentare. Prokuroria Themelore në Prishtinë ftoi për intervistim zv. Kryeministrin Besnik Bislimi, Ministrin e Financave, Punës dhe Transfereve, Hekuran Murati, deputetët e PDK-së, Mërgim Lushtaku, Bekim Haxhiu dhe Hajdar Beqa. IKD, konsideron se një praktikë e tillë e sjelljes së deputetëve është në kundërshtim me standardet e larta profesionale dhe etike të cilat janë parakusht për të ndërtuar besim të publikut në punën e përfaqësueve dhe në integritetin e tyre.

Në këtë situatë, pas krijimit të rrëmujës dhe përplasjeve fizike ndërmjet kabinetit qeveritar me disa deputetë të opozitës, Kryetari i Kuvendit ka thirrur brenda sallës policinë dhe ka vazhduar të mbajë seancë plenare, përkundër se në këto situata, Rregullorja e Kuvendit kërkon pezullimin dhe vazhdimin e seancës në një ditë tjetër.

Në anën tjetër, Ministrat e Qeverisë kanë vazhduar të injorojnë Kuvendin gjatë parashtrimit të pyetjeve parlamentare. Në kundërshtim me Rregulloren e Kuvendit, ata kanë munguar gjatë parashtrimit të pyetjeve parlamentare. Këtu prijnë Zv. Kryeministrja Donika Gërvalla-Schëarz, Ministri i Punëve të Brendshme, Xhelal Sveçla, Ministri i Kulturës, Rinisë dhe Sportit, Hajrullah Çeku, Ministrja e Industrisë, Ndërmarrësisë dhe Tregtisë, Rozeta Hajdari dhe Ministri i Mjedisit, Ministri i Mbrojtjes, Armend Mehaj. Krahas kësaj shkeljeje, edhe Kryetari i Kuvendit ka vazhduar të mos e zbatojë Rregulloren e Kuvendit sa i përket dhënies së vërejtjeve ndaj anëtarëve të Qeverisë dhe Kryeministrit kur ata mungojnë dhe nuk e njoftojnë Kryetarin për mungesën e tyre gjatë parashtrimit të pyetjeve nga deputetët. Në asnjë nga seancat plenare, siç kërkohet me Rregulloren e Kuvendit, Kryetari i Kuvendit nuk ka tërhequr vërejtje publikisht, për kabinetin qeveritar për qasjen mospërfillëse ndaj Kuvendit dhe deputetëve.

Në anën tjetër, në dhjetëra raste, IKD ka gjetur se përkundër faktit që deputetët janë njoftuar se është radha e tyre për të parashtruar pyetjet parlamentare, të njëjtit nuk kanë qenë prezent në sallë të Kuvendit për të parashtruar pyetjet.

Në lidhje me aktivitetin legjislativ, puna e Kuvendit është përcjellë me joefikasitet. Në secilën seancë plenare, projektligjet janë bartur nga një seancë në tjetrën për shkak të mungesës së kuorumit. Gjatë sesionit pranveror, më shumë se 70% e projektligjeve janë përcjellur nga një seancë në tjetrën. Që nga fillimi i legjislaturës, ¼ e projektligjeve të proceduara kanë qenë projektligje në formën e marrëveshjeve ndërkombëtare, të cilat në më shumë se 80% e tyre janë hedhur në votim më shumë se tre herë dhe epilog final kanë marrë vetëm pas përplasjeve pozitë me opozitën, por jo si rezultat i një dialogu të mirëfilltë dhe konsensusi të plotë për miratimin e tyre.

Gjatë sesionit pranveror, deri në seancën e datës 27 korrik 2023, Kuvendi miratoi në tërësi 44 projektligje. Por, në mungesë të kuorumit, seanca e fundit e sesionit pranveror, e planifikuar për t’u mbajtur me 28 korrik dështoi të fillojë. Si pasojë mbetën pa u diskutuar dhe votuar tetë projektligje në parim, pesë projektligje në formën e marrëveshjeve ndërkombëtare, pesë projektligje në lexim të dytë, pika të cilat do të mbesin për shqyrtim në sesionin vjeshtor të Kuvendit.

Në anën tjetër, përkundër faktit që kanë kaluar afatet e parapara me Rregulloren e Kuvendit, ende nuk janë miratuar gjashtë projektligje nga viti 2021, 12 projektligje nga viti 2022 dhe gjashtë projektligje nga viti 2023.

Sa i përket transparencës, mbledhjet e komisioneve parlamentare vazhdojnë të mos transmetohen live nga Kuvendi. Në anën tjetër përkundër vërejtjeve dhe kërkesave të IKD-së, Kuvendi ende nuk e ka funksionalizuar votimin elektronik duke pamundësuar informimin e qytetarëve për mënyrën se si kanë votuar deputetët. Vlen të theksohet se përkundër që me Rregulloren e Kuvendit është obligative edhe publikimi i rezultateve të “votimit me dorë”, një gjë e tillë nuk është duke ndodhur.

Puna në seancat parlamentare është karakterizuar edhe nga gjuha joparlamentare e përdorur nga anëtarët e Qeverisë dhe nga deputetët e Kuvendit duke krijuar diskutime të polarizuara ndërmjet deputetëve dhe grupeve parlamentare dhe po ashtu ndërmjet deputëve dhe kabinetit qeveritar. Në disa raste, anëtarët e qeverisë përdorën gjuhë seksiste ndaj deputetëve, pastaj fjalët tradhtar, hipokrit, mashtrues, gënjeshtar, rrenc janë fjalët që janë përmendur nga anëtarët e qeverisë dhe deputetët, fjalë të cilat nuk përkojnë me gjuhën parlamentare dhe standardet minimale të sjelljes parlamentare.

Në këso situata, miratimi i një kodi të sjelljes për deputetët e Kuvendit do të duhej të ishte në agjendën e Kuvendit si prioritet. Përkundër faktit që një kod i tillë parashihet edhe me Rregulloren e Kuvendit të Kosovës, i njëjti ende nuk është miratuar. Ky kod do të duhej që mjaftueshëm të përshkruajë natyrën e përgjithshme dhe të veçantë të sjelljeve jo parlamentare të deputetëve. Miratimi i një kodi të tillë do të shprehte vlerat e përbashkëta dhe parimet kryesore të cilat do ta orientonin dhe vlerësonin sjelljen e deputetëve.

IKD në një rast ka gjetur se Kuvendi ka dështuar të zbatojë pavonesë një aktgjykim të Gjykatës Kushtetuese të Kosovës. Me 30 dhjetor 2022, Gjykata Kushtetuese shfuqizoi një dispozitë të Ligjit në fuqi për Skemat Pensionale — përkatësisht paragrafin 2 të nenit 8 të këtij ligji. Kjo dispozitë, në mënyrë diskriminuese, u’a ndaloi mijëra qytetarëve, të cilët nuk e përmbushin kriterin e përvojës së punës prej 15 vitesh para janarit të vitit 1999 ta marrin pensionin kontributdhënës. Atyre u lejohej vetëm pensioni i moshës. Vendimi i Gjykatës Kushtetuese erdhi pas kërkesës së Gjykatës Supreme, ku kishte ngritur dyshime për kushtetuetshmërinë e kësaj dispozite. Gjykata Kushtetuese e obligojë Kuvendit që ta miratojë Ligjin për Skemat Pensionale deri me 15 korrik 2023, por se Kuvendi këtë e bëri vetëm me 27 korrik 2023. Kësaj situate i ka kontribuuar Qeveria e Republikës së Kosovës, e cila nuk e ka përcjellë këtë projektligj në Kuvend deri më 6 korrik 2023.

Kuvendit të Kosovës, i janë kontestuar edhe tre ligje të miratuara gjatë këtij sesioni. Grupi Parlamentar i PDK-së dërgoi në Gjykatën Kushtetuese Ligjin për Byronë Shtetërore për verifikimin dhe konfiskimin e pasurisë së pajustifikueshme, grupi parlamentar i AAK-së dërgoi në GjK, Ligjin për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetor dhe Ligji për pagat në sektorin publik përfundoi në GjK nga Institucioni i Avokatit të Popullit. Sipas Ligjit për Gjykatën Kushtetuese, këto Ligje nuk hyjnë në fuqi, deri në vendimmarrjen e Gjykatës Kushtetuese përkitazi me kushtetutshmërinë e këtyre ligjeve”.

Një vrasje e trefishtë ka ndodhur ditën e premte në fshatin Rufc të vjetër, komuna e Lipjanit.

Policia ka dhënë detaje lidhur me rastin, duke konfirmuar se i dyshuari mashkull kosovar ka vrarë bashkëshorten, djalin e tij dhe më pas vetën.

Në vendin e ngjarjes, Policia ka gjetur një revole dhe 4 gëzhoja.

“Fsh. Rufc i Vjetër, Lipjan 28.07.2023 – 16:25. Raportohet se i dyshuari mashkull kosovar ka vrarë bashkëshorten dhe djalin e tij e më pas ka kryer vetëvrasje. Njësitë relevante policore dhe prokurori i shtetit kanë dalë në vendin e ngjarjes. Në vendin e ngjarjes janë gjetur dhe sekuestruar një revole e cila dyshohet se janë përdorur në rast dhe 4 gëzhoja. Gjatë kontrollit në një dhomë të shtëpisë është gjetur dhe sekuestruar edhe një revole tjetër me dy fishekë”, thuhet në njoftimin e Policisë.

Numri i infermierëve që po largohen nga Kosova është goxha i madh. Disa me vetë iniciativë, e disa përmes kompanive që merren me rekrutimin e tyre. Një e tillë është edhe “Comsense Kosova”.

Ndërsa ish-udhëheqës të Sindikatës së Infermierëve kritikojnë udhëheqësit e sistemit shëndetësor, teksa e konsiderojnë si të vonuar ndaljen e migrimit.

Albulena Shala-Çela, drejtoreshë e “Comsense Kosova”, thotë se vetëm këtë vit, rreth 25 infermierë kanë arritur të shkojnë në Gjermani, ndërsa edhe 30 të tjerë janë në fazën testuese.

“Prej nga janari (2023) deri më sot mund t’i numëroj 25 persona që kanë shkuar, kurse në fillim të javës së ardhshme priten pesë me shku, sepse varet se kur do të përfundojë procesi i vizës dhe i njohjes dhe në pritje janë edhe 30 të tjerë që janë në pritje me përfundu procesi i tyre”, thotë ajo, teksa tregoi edhe për kërkesat që i ka tregu gjerman për rekrutimin e infermierëve.

“Ne merremi vetëm me Gjermani. Kërkesa është shumë e madhe por për të qenë real ne nuk punojmë me krejt firmat gjermane por vetëm me ata që i përmbushin kërkesat tona, qoftë me iu siguru vendin e banimit, qoftë me ju ndihmu financiarisht muajin e parë e kështu më radhë. Pra kërkesa është shumë e madhe por nuk bashkëpunojmë me të gjithë institucionet shëndetësore që janë atje”, thotë Shala.

Drejtoresha e “Comsense Kosova”, e cila merret me rekrutimin e infermierëve për tregun gjerman, thotë se interesimi i të rinjve për të punuar në këtë shtet është goxha i madh.

Madje, thotë se kandidatët po përgatiten vetvetiu, të cilët mandej kërkojnë të largohen nga Kosova.

“Interesimi i të rinjve është shumë i madh, sidomos vitin e kaluar është rritur shumë që ka nisur infermieria me u bë profesion i përzgjedhur si derë për të dalë. 50 për qind më shumë që po shikojnë të regjistrohen nëpër agjencitë të tilla sikur ne se sa ka qenë vitin e kaluar por ka ndryshuar mënyra. Para tri vitesh, kandidatët kanë qenë të interesuar me i shfrytëzo të gjitha benefitet që i kanë përmes neve si kurse pa pagesë etj, ndërsa tash kanë filluar të përgatiten edhe vet që kemi kandidatë që kursin e kanë kryer vetë dhe vijnë të gatshëm për me shku jashtë shtetit”, thotë tutje ajo.

Shqetësuese po e sheh edhe Ish-kryetari i Sindikatës së Infermierëve, Fitim Havolli. Fajtorë për ikjen masive të infermierëve i bën udhëheqësit e shëndetësisë.

“Kam ngrit si shqetësim para pesë vite që ky problem do t’i ndodh vendit tonë por faji gjithmonë është tek politika që udhëheq me sistemin tonë shëndetësorë. Realisht sistemi shëndetësor në Kosovë që nga paslufta edhe duke qenë përfaqësues në pjesë të ndryshme në organizata të ndryshme brenda mbrojtjes së këtij komuniteti, kam ngrit si shqetësim qysh para pesë viteve që ky problem do t’i ndodh vendit tonë por faji është gjithmonë tek njerëzit që udhëheqin me sistemin tonë shëndetësor”, thotë Havolli.

Ai e konsideron si të vonuar mundësinë e parandalimit të ikjes së profesionistëve shëndetësor, duke e parë siç thotë se si po udhëhiqet shëndetësia në Kosovë.

“Realisht është shumë vonë për ta parandaluar këtë ikje por së paku për ta minimizuar ose për të shkuar drejtë një eliminimi të ngadalshëm, meqenëse jemi futur në krizë të kësaj çështje. Duke e parë se si po udhëhiqet sot institucionet shëndetësore. Nuk ka shqetësim më të madh se sa me të ikë njerëzit që e trajtojnë jetën e njerëzve. Është çështje shumë senzitive. Me të ik profesionistët të cilët kanë përvojë jashtë vendit, ti ki me mbet pa profesionistë”, u shpreh Havolli.

Shefja e Grupit Parlamentar të Lëvizjes Vetëvendosje, Mimoza Kusari-Lila është e kënaqur me punën e Kuvendit të Kosovës në sesionin pranveror. Pasi deputetët shkuan në pushime verore, Kusari-Lila thotë se në këtë sesion kanë miratuar projektligjet që kanë qenë bosht i programit zgjedhor të Lëvizjes Vetëvendosje. Megjithatë, ajo e pranon se legjislativi s’ka pasur konsistencë në punën e vet, derisa e kritikon opozitën, veçmas PDK-në për përdorimin e dhunës në Kuvend.

Kusari-Lila për KosovaPress thotë se Kuvendi ka miratuar rreth 44 projektligje, ndërsa rreth 50 sosh janë në procedurë të rregullt.

Shefja e deputetëve të LVV-së në një intervistë për KosovaPress flet edhe për audio-incizimet, ku dëgjohet ajo duke folur me ish-deputetin e Listës Serbe, Sllavko Simiq, kontestimin në Gjykatën Kushtetuese të seancës së “dajakut” më 13 korrik dhe kërcënimet e veteranëve se nuk do t’i lejojnë të hyjnë në Kuvend në shtator, pas përjashtimit të tyre nga paga minimale.

“Këtë sesion, sikur sesionet paraprake e ka karakterizuar dinamika, e cila nuk ka pasur konsistencë. Kjo ka ardhur si rrjedhojë e shumë faktorëve, njëri prej tyre ka qenë edhe kërkimi i vazhdueshëm i opozitës për një kauzë, për të cilën mundet të targetohet pozita dhe qeveria. Por, unë prapë mund të them se në aspektin e performancës kemi hyrë në një periudhë ku po miratohen projektligje të rëndësishme që do të kenë efekt shumë më të gjatë sesa edhe vet mandati i kësaj legjislature…Në përmbajtje, ky sesion ka pasur projektligjet kryesore, të cilat kanë qenë bosht i programit me të cilat kemi garuar dhe fituar në zgjedhjet e 14 shkurtit të vitit 2021. Gjatë këtij sesioni janë trajtuar projektligjet, sikur Fondi Sovran, Projektligji për investimet e qëndrueshme… Në anën negative mund të përmend seancat, të cilat janë mbyllur në mungesë të kuorumit. Atë e kemi marrë në vazhdimësi si kritik ndaj deputetëve të pozitës, por gjithashtu edhe faktin se përkundër që ka pas numër të deputetëve në sallë për të votuar, opozita ka refuzuar të marrë pjesë. Nuk ka pasur konsistencë në qëndrimet e tyre në raport me mosvotimet, po ashtu kemi pas vonesa edhe në raport votimin e marrëveshjeve ndërkombëtare”, thotë Kusari-Lila.

Krahas kësaj, Kusari-Lila është e bindur se s’ka asnjë bazë për kthimin në pikën zero të seancës së 13 korrikut, kur u miratua edhe rritja e pagës minimale.

“PDK-ja është jo konsistente në qëndrimin e saj, pasi në seancën e 13 korrikut ata kanë qenë prej fillimit të seancës, kanë qëndruar dhe kanë respektuar rendin e ditës të seancës. Po ashtu, kanë marrë pjesë në deklarimin jashtë rendit të ditës dhe kanë kryer procesin. Dy pikat që ata pretendojnë se nuk janë në përputhje me Kushtetutën, miratimi i procesverbalit apo miratimi i rendit të ditës janë pika që vijnë para deklarimeve të rendit të ditës. Rendi i ditës përcaktohet para se të hyjmë në përbërje të seancës. Ata kanë marrë pjesë dhe nuk e kanë kontestuar gjatë seancës, në veçanti edhe pas gjithë asaj tollovie që është shkaktuar nga ana e tyre, ata janë larguar me dijeni e plotë se seanca vazhdon. E keni deklarimin edhe të deputetes Eliza Hoxha, e cila përmend arsyet e largimit…Në aspektin ligjor dhe kushtetues nëse dëshiron të rrëzohet rendi kushtetues në Kosovë rrëzohet ajo seancë. Pasi nuk mund të rrëzohet ose të konsiderohet e jashtëligjshme një seancë, e cila ka 61 deputetë gjatë gjithë kohës, është transmetuar publikisht dhe ka qenë në përputhje me të gjitha normat dhe rregulloren e Kuvendit”, shton ajo.

Duke folur për audio-incizimet, Kusari-Lila paralajmëron kallëzim penal ndaj ish-deputetit Simiq.

Ajo thotë se qëllimi ka për të shkaktuar përçarje brenda koalicionit qeverisës, por thekson se ka marrë mbështetje të plotë nga kryeministri Albin Kurti dhe deputetët e LVV-së.

“Efekti që është bërë është më shumë linçues dhe denigrues ndaj personalitetit tim. Përmes të cilit mundohet të dëmtohet qeveria dhe pozita, të shkaktohen qarje dhe të arrihet tek një rezultat që ata assesi nuk po munden me arrit me numra në Kuvend. Ndërsa kanë arritur efektin e kundërt, siç e keni parë pas ngjarjeve dhe eskalimit në Kuvendin e Kosovës dy javë më parë, opozita ka qenë me një sjellje e cila tentoi të ndalëpunën normale të Kuvendit…Për mua ka qenë një mbështetje jo vetëm morale dhe politike nga grupi parlamentar që e vlerësoj pafundësisht. Kanë qenë aq mbështetës dhe aq përkrahës në të gjitha format dhe mënyrat e mundshme. Në këtë rast edhe komplet subjekti Lëvizja Vetëvendosje saqë me të vërtet dua të them se aty e kam pa edhe motivin dhe bashkëpunimin e tyre në gjithë këto vite, në përplasjet e shumta që kanë ekzistuar politikisht, ndërmjet po të njëjtave forcave politike. Kam bindjen se ajo çka është synuar të bëhet në logjikën se zinxhiri është i fortë sa është hallka më e dobët e tij, të sulmojnë udhëheqësen e grupit parlamentar në pamundësi me arrit çfarëdo rezultati tjetër në Kuvend apo manovrimi tjetër që ata mund të bënin ndaj qeverisë dhe kryeministrit Kurtit”, thotë Kusari-Lila.

Megjithëse, Kuvendi ka shkuar në pushim deri në javën e dytë të muajit shtator, Kusari-Lila paralajmëron veteranët e UÇK-së se nuk mund t’i ndalojnë deputetët të hyjnë në Kuvend, pavarësisht arsyeve që mund t’i kenë.

Sipas saj, po punojnë që deri kur fillon sesioni vjeshtor i Kuvendit të gjejnë një zgjidhje me veteranët, pas kundërshtimeve të tyre për anashkalim nga rritja e pagës minimale.

“Ky Kuvend përfaqëson vullnetin e popullit, përfaqësuesit e saj janë brenda. Prandaj, natyrisht nuk mund të ndalohet ushtrimi i detyrës së funksionet të përfaqësuesve të popullit, të cilët janë skajshmërish të interesuar që të bëhet një zgjidhje. Është një situatë komplekse në raport me procesin e identifikimit të atyre që janë paraqitur dhe janë të paraqitur në lista. Për këtë proces e kemi edhe ndërhyrjen e drejtësisë që ka ndodhur prej kohës së ish-Qeverisë Haradinaj. Andaj, ky është një proces që duhet të ketë një zgjidhje të ndërmjetme deri në situatën kur të ketë një verdikt final nga organet e drejtësisë”, përfundon Kusari-Lila.