ATV

Tag: Ballina

  • Arrestimet në MINT për rezerva shtetërore, reagon për herë të parë kryeministri Kurti

    Arrestimet në MINT për rezerva shtetërore, reagon për herë të parë kryeministri Kurti

    Kryeministri Albin Kurti ka reaguar pas arrestimeve të fundit në Ministrinë e Tregtisë, Industrisë dhe Ndërmarrësisë të udhëhequr nga ministrja Rozeta Hajdari. Kurti tha se ka besim në ministren Hajdari dhe në punën e saj.

    Sipas tij, Hajdari e ka mbushur rezervën shtetërore në kohën kur kufijtë ishin të mbyllur si pasojë e luftës në Ukrainë, teksa shtoi se Qeveria e udhëhequr nga ai është e përgjegjshme dhe e drejtë.

    “Qeveria jonë është e përgjegjshme dhe e drejtë. Kemi sjellë progres ekonomik dhe demokratik të paparë në Kosovën e pasluftës. Rezervat shtetërore i kemi gjetur 300 mijë euro e i kemi bërë 25 milionë euro për dy vite. 97% të vlerës së blerë vitin e kaluar ka mbërrirë në Kosovë, përfshirë këtu 99,5% të sasisë së grurit që tashmë ndodhet në depo në vendin tonë, e për pjesën e mbetur, kompanitë furnizuese kanë obligim të hapur për ta përmbushur kontratën, dhe nëse nuk e bëjnë këtë janë procedurat ligjore. Nuk ka kurrfarë korrupsioni e keqpërdorimi. Unë kam besim të plotë në Ministren Rozeta Hajdari dhe në punën e saj. Pas luftës në Ukrainë, kur kishte krizë globale, ministria që ajo drejton, i ka blerë rezervat dhe i ka mbushur depot në një kohë kur të gjithë kufijtë ishin mbyllur e pothuajse të gjitha shtetet kishin ndaluar eksportin”, ka thënë Kurti.

    Kurti u mor edhe me siç tha ai “elitën e vjetër”. Ai deklaroi se humbësit janë elita e vjetër dhe e korruptuar politike, teksa foli edhe për mediat.

    Sipas tij, prokurorët e gjykatësit se po përpiqen ta kthejnë ‘sistemin e korruptuar”.

    “Humbësit i gjeni tek elita e vjetër dhe e korruptuar politike, te gjykatës dhe prokurorë të saj, te mediat e keqpërdoruara pёr mbёshtetje tё krimit. Edhe pse tё paktё nё numёr, pёrfitimet e tyre kanё qenё shumëmilionёshe, andaj edhe nuk kanё se si mos tё ndihen humbës tё mëdhenj. Përpjekjet e tyre për ta ndryshuar situatën janë në shërbim të planit për ta kthyer ish sistemin e kalbur e tё korruptuar. Nё rastin mё tё mirё ata po pёrpiqen pёr tё ruajtur disi pasurinё e akumuluar me hajni e korrupsion, monopolet artifciale e tё dёmshme që i kanë bërë me krim e keqpёrdorim tё detyrёs zyrtare. Por, do tё dёshtojnё si nё aspiratën e tyre pёr kthim tё keqpёrdorimit, ashtu edhe nё synimin pёr përbaltjen e atyre qё kontribuojnë pёr moskthim tё asaj periudhe. Do tё dёshtojnё edhe nё frikёsimin e secilit qё i bashkohet karvanit tё reformave progresiste dhe zhvillimit gjithëpërfshirës”, ka thënë tutje ai.

    Reagimi i plotë:

    Të dashur qytetarë,

    Qeveria jonë është e përgjegjshme dhe e drejtë. Kemi sjellë progres ekonomik dhe demokratik të paparë në Kosovën e pasluftës.

    Rezervat shtetërore i kemi gjetur 300 mijë euro e i kemi bërë 25 milionë euro për dy vite.

    97% të vlerës së blerë vitin e kaluar ka mbërrirë në Kosovë, përfshirë këtu 99,5% të sasisë së grurit që tashmë ndodhet në depo në vendin tonë, e për pjesën e mbetur, kompanitë furnizuese kanë obligim të hapur për ta përmbushur kontratën, dhe nëse nuk e bëjnë këtë janë procedurat ligjore.

    Nuk ka kurrfarë korrupsioni e keqpërdorimi. Unë kam besim të plotë në Ministren Rozeta Hajdari dhe në punën e saj. Pas luftës në Ukrainë, kur kishte krizë globale, ministria që ajo drejton, i ka blerë rezervat dhe i ka mbushur depot në një kohë kur të gjithë kufijtë ishin mbyllur e pothuajse të gjitha shtetet kishin ndaluar eksportin.

    Të dashur qytetarë,

    Qeverisja jonë me ndërgjegje të pastër dhe punë të mira natyrisht se përbën ndryshim rrënjësor karshi qeverisjes 20 vjeçare tё Kosovёs.

    Si e tillë ajo domosdo prodhon si fituesit ashtu edhe humbësit e saj.

    Përderisa fitues janë gjithë qytetarët e vendit (familjet përmes shtesave universale pёr fёmijё, nёnat lehona, përfituesit e ndihmave sociale, të rinjtë, studentët, punëtorët, pensionistёt, tё papunёt, bizneset e rregullta) humbësit janё tё paktё nё numёr, por jo pak tё organizuar.

    Humbësit i gjeni tek elita e vjetër dhe e korruptuar politike, te gjykatës dhe prokurorë të saj, te mediat e keqpërdoruara pёr mbёshtetje tё krimit.

    Edhe pse tё paktё nё numёr, pёrfitimet e tyre kanё qenё shumëmilionёshe, andaj edhe nuk kanё se si mos tё ndihen humbës tё mëdhenj.

    Përpjekjet e tyre për ta ndryshuar situatën janë në shërbim të planit për ta kthyer ish sistemin e kalbur e tё korruptuar.

    Nё rastin mё tё mirё ata po pёrpiqen pёr tё ruajtur disi pasurinё e akumuluar me hajni e korrupsion, monopolet artifciale e tё dёmshme që i kanë bërë me krim e keqpёrdorim tё detyrёs zyrtare.

    Por, do tё dёshtojnё si nё aspiratën e tyre pёr kthim tё keqpёrdorimit, ashtu edhe nё synimin pёr përbaltjen e atyre qё kontribuojnë pёr moskthim tё asaj periudhe.

    Do tё dёshtojnё edhe nё frikёsimin e secilit qё i bashkohet karvanit tё reformave progresiste dhe zhvillimit gjithëpërfshirës.

    Piskamat, shpifjet dhe aksionet pompoze tё tyre do dëgjohen gjithnjё e mё rrallё.

    Me qindra raportime zyrtare e kallëzime penale i kanë deponuar ministritë tona për krimin e korrupsionin që e kemi gjetur, por, përgjithësisht, kjo nuk i ka bërë përshtypje prokurorisë së shtetit.

    Reformat tona nuk do arrijnë t’i ndalin. Rastet e akumuluara tё krimit e tё deponuara nga kjo qeveri nuk do mund t’i fshehin edhe shumё gjatё.

    Ju falemnderit të gjithëve dhe secilit për përkrahjen. Natën e mirë, dhe, mirupafshim!

  • Pa përgjigje, “ikja e organizuar” e kryeministrit Kurti nga gazetarët

    Pa përgjigje, “ikja e organizuar” e kryeministrit Kurti nga gazetarët

    Përgatiti: Fatlum Jashari

    Pyetjet i dëgjoi dhe kërkoi që ato t’i bëhen me radhë.

    Por, kryeministri Albin Kurti nuk dha përgjigje për to.

    Duke shpërfillur interesin publik, kryeministri u iku pyetjeve me një ftesë të çuditshme për gazetarët.

    Njësoj, pyetjeve të gazetarëve u iku edhe një javë më parë në Qendrën Klinike Universitare – duke dhënë një premtim që s’e mbajti.

    Derisa të premten u kërkoi gazetarëve të organizohen për pyetje, në shtator të vitit të kaluar kryeministri e paraqiti si problem organizimin e tyre.

    Sjellja e Kurtit ndaj mediave, që kur fitoi pushtetin, kritikohet nga gazetarët.

    Qasja dhe veprimet e kryeministrit Kurti, sipas Kabashit, lidhen me mënyrën e qeverisjes dhe mungesën e transparencës.

    Në dy vjet e gjysmë në pushtet, ikja e kryeministrit Albin Kurti nga pyetjet e gazetarëve nuk është e pazakontë. /atvlive.tv

    Edicionin Qendror të lajmeve në ATV e gjeni në videon më poshtë:

  • Presidentja Osmani viziton Klinën

    Presidentja Osmani viziton Klinën

    Përgatiti: Benita Zeneli

    Në kuadër të vizitave të komunave, Presidentja Vjosa Osmani sot ishte në Klinë.

    Në takimin që zhvilloi me kryetarin e kësaj komune, Zenun Elezajn, Osmani u njoftua për të arriturat por edhe sfidat e kësaj komune ku edhe iu kërkua përkrahje.

    “Shpresojmë që përmes edhe presidentes, të kemi mundësinë edhe të fitimin të ndonjë donacioni për përfundimin e disa projekteve siç është ai për furnizim me ujë të pijes e rregullimin e shtretërve të lumenjve”, tha Elezaj.

    Sipas Osmanit, Klina është nga Komunat që e meriton gjithë përkrahjen institucionale.

    “As një qytetarë në asnjë vend të Kosovës nuk e meriton që të përballet me problem të furnizimit me ujë të pijes. Megjithatë duhet të sigurohemi që do ti përkrahim komunat që uji për pije të jetë në shtëpitë e secilin”, tha Osmani.

    Gjithashtu në kuadër të vizitave në komunat e vendit, përveç institucioneve komunale, ajo pati vizita edhe me qytetarë, si dhe biznese e Organizata joqeveritare. /atvlive.tv

    Edicionin Qendror të lajmeve në ATV e gjeni në videon më poshtë:

  • Situata e sigurisë në kryeqytet vlerësohet stabile

    Situata e sigurisë në kryeqytet vlerësohet stabile

    Përgatiti: Nexhmie Hyseni

    Në një mbledhje të jashtëzakonshme, Komuna e Prishtinës ka diskutuar për situatën e sigurisë në kryeqytet.

    Duke u bazuar në ngjarjet e fundit që ndodhën në Prishtinë, konkretisht për vrasjen në njërin nga lokalet e kryeqytetit, kryetari Përparim Rama, ka kërkuar bashkëpunim më të madh ndërmjet komunitetit, qeverisjes lokale dhe institucioneve të sigurisë.

    “Të gjithë duhet të bëhemi bashkë për të shikuar dhe analizuar shkaqet dhe gjetjen e zgjidhjes. Parandalimi I dukurive negative duhet të përqendrohet edhe në të ardhmen dhe ka të bëjë më zvogëlimin rrezikun e shfaqur de seriozitetin e mundshëm të krimit dhe ngjarjeve shqetësues”, tha Rama.

    Rreth gjendjes aktuale të sigurisë detaje kanë dhënë komandantët e stacioneve policore në Prishtinë.

    “Gjendja e sigurisë në nivel të kryeqytetit mundem me thanë se është e qetë dhe stabile. Sa I përket veprave penale në muajin korrik I kemi 143 raste krahasim me vitin e kaluar kemi rënie për 31% që vitin e kaluar ishin 209”, tha Nimon Januzi, komandant i Stacionit Policor “Qendra”.

    “Në raport me vitin e kaluar kemi një rrite të lehtë të numrit të rasteve mirpo të rastet e veprave serioze kemi rënie”, tha Bashkim Bytyqi, komandant ne Stacionin Poicor “Jugu”.

    Situata konsiderohet të jetë e qetë. Ne kemi zbritje të rasteve në periudhën e njëjtë për 41 raste më pak se vitin e kaluar”, tha Melihate Safedini nga stacioni “Veriu”.

    Mirëpo, Lulzim Shehu nga Bashkësia e Tarikateve të Kosovës, pati kritika për zyrtarët policorë por edhe kryetarin e Prishtinës.

    “Këtu nuk u përmend as droga as sene shumë të rëndësishme. Raportet që ju I cekët lënë shumë për të dëshiruar në parandalimin e krimit të organizuar”, tha Lulzim Shehu nga Bashkësia e Tarikateve të Kosovës.

    Në këtë mbledhje të jashtëzakonshme ka folur edhe ish-drejtori i kulturës, Adrian Berisha. Sipas tij organet e rendit duhet të ndërmarrin më shumë veprime për tu parandaluar veprimtaritë e rrezikshme. /atvlive.tv

    Edicionin Qendror të lajmeve në ATV e gjeni në videon më poshtë:

  • Hajdari: Nuk besoj se ka pasur keqpërdorime në MINT, po keq-informohet publiku

    Hajdari: Nuk besoj se ka pasur keqpërdorime në MINT, po keq-informohet publiku

    Ministrja Rozeta Hajdari, pas arrestimeve në Ministria e Industrisë, Ndërmarrësisë dhe Tregtisë (MINT), ka thënë se nuk beson në asnjë keqpërdorim të zyrtarëve të arrestuar të kësaj ministrie, raporton EO.

    Pas aksionit të Policisë së Kosovës dhe arrestimit të dy zyrtarëve të MINT për dyshime të keqpërdorimeve të Rezervave Shtetërore, Hajdari tha se ka mirëpritur çdo hetim, edhe pse ka ka qenë në kundërshtim me ligjin. Kjo, sepse, dokumentet janë klasifikuar si sekrete shtetërore.

    Ajo është shprehur se furnizimi me mallra shtetërore është bërë në pajtim me legjislacionin në fuqi, derisa ka thënë se në qeverisjen Kurti është tridhjetëfishuar malli në rezervat shtetërore, derisa ka gjetur kohë të akuzojë qeverisjet e kaluara për “vjedhje”.

    “Jam njoftuar sot se në MINT kanë ardhur njësia hetuese e Prokurorisë Speciale me urdhër të prokurorit Valdet Gashi për kontrolle të dy zyrtarëve të lartë të MINT, të Hafiz Gara dhe Irfan Lipovica”.

    “Për më tej, PS ka bërë njoftimet për rastin që po hetohet nga ta. MINT mirëpret çdo hetim për rastin e blerjes së rezervës shtetërore, ani pse jemi të bindur se furnizimi në rezervat shtetërore është në pajtim me ligjet në fuqi.”, tha Hajdari.

    “Si ministre organet hetimore pres të mos cenojnë sigurinë shtetërore, sepse gjatë hetimeve dokumentet që janë marrë si prova nga policia, janë klasifikuar si sekrete shtetërore, ndërsa policia s’ka paraqitur certifikatë siguruese”

    “MINT i siguron të gjithë qytetarët se procesi i furnizimit me mallra për rezervën shtetërore me standarde dhe parametra të caktuara të cilësisë është trajtuar dhe monitoruar sipas legjislacionit në fuqi dhe nuk dyshojmë në asnjë keqpërdorim nga zyrtarët tanë që janë ndaluar sot për 48 orë në polici”.

    “Ka përpjekje të mëdha që të keq informohet publiku, motivet dhe arsyet duhet të hetohet gjithashtu”, ka thënë ministrja Hajdari.

  • Reagon MINT: Mirëpresim hetimet, nuk ka ndodhur asnjë dëm në rezerva shtetërore

    Reagon MINT: Mirëpresim hetimet, nuk ka ndodhur asnjë dëm në rezerva shtetërore

    Ministria e Rozeta Hajdarit, ka reaguar pas arrestimeve të sotme në MINT. MINT ka theksuar se mirëpret këtë hetim, ndonëse kanë shtuar se furnizimet me rezerva shtetërore janë bërë në përputhje me ligjin.

    Sot janë arrestuar tre persona në lidhje me aferën e grurit dhe vajit, të cilat i publikoi kohë më parë gazeta Nacionale. Në mesin e të arrestuarve është edhe Ridvan Muharremi, pronari i furrës/restoranit “Bukë e Zemër”.

    Reagimi i plotë:

    Sot, në Ministrinë e Industrisë, Ndërmarrësisë dhe Tregtisë, erdhën njësia hetuese e Prokurorisë Speciale, me urdhër të prokurorit Valdet Gashi për kontroll në zyret e dy zyrtarëve të lartë të MINT, të Drejtorit të Departmentit për rezervat shtetërore, z. Hafiz Gara dhe Drejtorit të Deparmentit të integrimeve evropiane, z.Irfan Lipovica.

    Për më tej Prokuroria Speciale ka bërë njoftimet për rastin që po hetohet nga ta.

    Ministria e Industrisë, Ndërmarrësisë dhe Tregtisë mirëpret çdo hetim për rastin e blerjes së rezervës shtetërore anipse ne jemi të bindur që furnizimet dhe rezerva shtetërore janë në përputhje ligjet, planin dhe asnjë dëm apo dëmtim nuk ka ndodhur me to.

    Për këtë çështje prej një kohë të gjatë e veçanërisht në muajt e fundit ka përpjekje të mëdha që të keqinformohet publiku në vendin tonë. Motivet dhe arsyet për këto veprime të nxitura dhe kordinuara nga palë të ndryshme të interesit duhet të jenë po ashtu pjesë e hetimit në këtë rast.

    Ministria e Industrisë, Ndërmarrësisë, pret që organet e hetimit të kenë në vëmendje që krahas punës hetimore, të mos cënojnë në asnjë rrethanë sigurinë shtetërore, për sa kohë që bëhet fjalë për rezervën shtetërore të Republikës sonë, e klasifikuar sipas Ligjit për Rezervën Shtetërore dhe Ligjit për Mbrojtjen e Informacionit të Klasifikuar.

    Ministria e Industrisë, Ndërmarrësisë dhe Tregtisë, i lut mediat që të përmbahen nga deklarime të pakonfirmuara nga ministria dhe siguron se procesi i furnizimit me mallra për Rezervën Shtetërore, me standarde dhe parametra të përcaktuara të cilësisë, është trajtuar dhe monitoruar sipas legjislacionit në fuqi.

    Ministria është e përkushtuar të vazhdojë me rritjen e Rezervës Shtetërore edhe në këtë vit, sipas Ligjit mbi Ndarjet Buxhetore për Buxhetin e Republikёs sё Kosovёs pёr vitin 2023, me qëllim që të sigurojë qytetarët që në rrethana të jashtëzakonshme të kenë përkrahjen shtetërore në tejkalimin e situatave eventuale të krizës.

  • ​Osmani nuk komenton arrestimet e sotme: Të pritet epilogu i këtij rasti

    ​Osmani nuk komenton arrestimet e sotme: Të pritet epilogu i këtij rasti

    Edhe presidentja e Kosovës, Vjosa Osmani, nuk është deklaruar sot lidhur me arrestimin e tre personave nën dyshimin për keqpërdorim detyrës zyrtare për rezervat shtetërore. Sipas saj, duhet pritur epilogu i këtij rasti.

    Kështu deklaroi ajo gjatë një konference për media me rastin e vizitës në Komunën e Klinës.

    “Komenti im është që për çdo proces të institucioneve të drejtësisë dhe institucioneve ligjzbatuese, ne duhet ta presim epilogun e rasteve. Dhe, në këtë moment, nga informatat që kemi, është e pamundur të paragjykohet epilogu i këtij rasti. Institucionet e kanë punën e tyre”, tha Osmani, përcjell kp.

    Policia e Kosovës i ka arrestuar në mëngjesin e së premtes tre persona nën dyshimet për kryerje të veprave “keqpërdorim i detyrës zyrtare” dhe “dhënie e ndihmës në kryerjen e veprës penale të keqpërdorimit të detyrës zyrtare”. Këtë e ka konfirmuar edhe Prokuroria Speciale e Kosovës.

    Po ashtu, PK ka kryer bastisje në MINT, në banesën e biznesmenit Ridvan Muharremi, për të cilin është raportuar në media se është “njeri i afërt i kryeministrit Albin Kurti”, si dhe lokalin e tij “Bukë e zemër”.

  • ​Tre të arrestuarit gjatë bastisjeve në mbajtje për 48 orë

    ​Tre të arrestuarit gjatë bastisjeve në mbajtje për 48 orë

    Me urdhër të Prokurorisë Speciale të Republikës së Kosovës (PSRK), Policia e Kosovës – Njësia e Veçantë e Hetimeve, ka realizuar sot bastisje në lokacione të ndryshme në Prishtinë, ku kanë arrestuar biznesmenin Ridvan Muharremi, drejtorin e Divizionit për Rezervat Shtetërore të Mallrave, Hafiz Gara si dhe drejtorin e Departamentit për Integrim Evropian dhe Koordinim të Politikave, Irfan Lipovica.

    Prokuroria Speciale deklaroi se tre personat e arrestuar dyshohen për veprat “Keqpërdorim i detyrës zyrtare”, si dhe “Dhënie të ndihmës në kryerjen e veprës penale të Keqpërdorimit të detyrës zyrtare”.

    Përmes një komunikate për media, PSRK tha se gjatë bastisjes janë siguruar dhe sekuestruar prova materiale të cilat do të përdoren për procedurë të mëtutjeshme hetimore.

    Po ashtu, është konfirmuar se të njëjtët me urdhër të Prokurorit të Shtetit, do të dërgohen në mbajtje për 48 orë, si dhe brenda afateve ligjore kohore do të bëhet kërkesë për caktimin e paraburgimit.

  • Joseph: Amerika po e mbështet autonominë serbe si gur të shenjtë për mbylljen e çështjes së Kosovës

    Joseph: Amerika po e mbështet autonominë serbe si gur të shenjtë për mbylljen e çështjes së Kosovës

    Analisti amerikan i politikës së jashtme Edward Joseph kas reaguar ashpër ndaj siç thotë ai mbështetjes dhe butësisë që po tregohet ndaj presidentit serb Aleksandar Vuçiq nga ndërkombëtarët.

    Sipas tij, dhënia e asociacionit për serbët e Kosovës, pa avancimin e njohjes së Kosovës nga serbët dhe nga aleanca e plotë e NATO-s, është një propozim zor i arritur.

    “Zyrtarët amerikanë mbështesin autonominë serbe si gur të shenjtë për mbylljen e çështjes së Kosovës. Në realitet, dhënia e asociacionit për serbët e Kosovës, pa avancimin e njohjes së Kosovës nga serbët dhe nga aleanca e plotë e NATO-s, është një propozim pothuajse i paarritshëm”, ka shkruar analisti në Twitter.

    Reagimi i tij vjen pas një teksti të publikuar në Foreignpolicy, ku thuhet se Amerika po krijon kriza në Kosovë.

    “Nëse dikush mund ta kuptojë përplasjen e shëmtuar dhe të panevojshme mes Shteteve të Bashkuara dhe Kosovës, ai është Volodymyr Zelensky. Kërkojini presidentit ukrainas t’u japë rusëve etnikë autonomi dhe Zelensky do të bëjë menjëherë tre pyetje: A do të pranojnë rusishtfolësit që të jetojnë në Ukrainë, jo në Rusi? A do ta njohë Rusia sovranitetin dhe integritetin territorial të Ukrainës? Dhe a do të na lejojë përfundimisht dhënia e autonomisë të anëtarësohemi në NATO?”, thuhet në hyrjen e këtij teksti.

  • Kurti s’flet për bastisjet: Deklarohemi gjatë ditës

    Kurti s’flet për bastisjet: Deklarohemi gjatë ditës

    Kryeministri i Kosovës Albin Kurti ka refuzuar të flasë për bastisjet e policisë në Ministrinë e Industrisë, Ndërmarrësisë dhe Tregtisë dhe mundësinë e shkarkimit të ministres Rozeta Hajdari.

    Ai ka marrë pjesë në ceremoninë e lansimit të “Thirrjes publike për mbështetjen e konsumatorëve familjarë në investimin në pajisje shtëpiake efiçiente dhe sistemin diellor për ngrohjen e ujit sanitar”.