Tag: Ballina

Deri në gjysmë ore janë pritjet në dalje të pikës kufitare në Merdare.

Sipas Qendrës Kombëtare për Menaxhim Kufitar, kolonat në dalje të Merdares janë deri në 100 metra.

E njëjta situatë është tek Dheu i Bardhë, atje pritjet për në dalje janë deri në 30 minuta, kurse kolonat kanë arritur deri në 100 metra.

Ndërkaq, në Mutivodë dhe Muçibabë pritjet në dalje janë deri në 10 minuta.

Kryeministri i Kosovës, Albin Kurti, përderisa po qëndron në Athinë, zhvilloi një takim miqësor me presidenten e Komisionit Evropian, Ursula von der Leyen.

Sipas Kryeministrisë, një ndër temat kryesore të këtij diskutimi ishin çështjet bilaterale mes Kosovës dhe Bashkimit Evropian, me theks të veçantë në zbatimin e reformave.

ZKM-ja tha se Plani i Rritjes për Ballkanin Perëndimor (EU Growth Plan), të prezantuar nga vetë Presidentja Von der Leyen në Bratisllavë, zbatimi i marrëveshjeve nga Tregu i Përbashkët Rajonal në kuadër të Procesit të Berlinit, si dhe dialogu në Bruksel ishin ndër tema kryesore të diskutimit.

“Kryeministri Kurti u shpreh se Kosova ka shënuar progres ekonomik edhe në këtë vit. Ai theksoi se rritja ekonomike reale për çerekun e parë të vitit 2023 është 3,9%. Në gjysmën e parë të 2023-tës të hyrat janë shtuar për 15,8%. Ndërkaq nënvizoi se inflacioni ka rënë nga 11,9% sa ishte në janar në 2,8% në qershor. Inflacioni këtë vit vlerësohet që të jetë në 5.2%”, thuhet në njoftimin e ZKM-së.

Ai kujtoi takimin e Bratisllavës me 10 korrik për de-eskalim dhe theksoi se për rreth dy muaj nuk ka asnjë incident e as protesta të dhunshme në katër komunat në veri të Kosovës, ndërkohë që kemi edhe numër të shtuar të punëtorëve në ndërtesat komunale. Kosova ka zbatuar zotimet e saj dhe është e rëndësishme që BE të largojë masat.

“Tutje, në bashkëbisedim ai i kushtoi vëmendje edhe rëndësisë së zbatimit të marrëveshjeve, duke përfshirë marrëveshjet në kuadër të Tregut të Përbashkët Rajonal që janë nënshkruar në Berlin në nëntorin e kaluar si pjesë e Procesit të Berlinit”, njofton ZKM-ja.

“Kryeministri Kurti sonte do të marrë pjesë në darkën e ftuar nga kryeministri grek, Mitsotakis, për liderët e Ballkanit Perëndimor, e cila po mbahet në 20-vjetorin e Samitit të Selanikut.”.

Kryetari i Aleancës për Ardhmërinë e Kosovës (AAK), Ramush Haradinaj, ka thënë se gjuha të cilën është duke e përdorur Serbia, është gjuhë e cila i ka shkaktuar tragjeditë, plagët e të cilave po i vuajmë ende.

Haradinaj ka thënë se kjo gjuhë i takon të kaluarës.

“Serbia po flet me gjuhën e të fuqishmit dhe po kërcënon vendet e rajonit që e kanë njohur Kosovën, dhe po paralajmëron edhe vendet e tjera që do ta njohin Kosovën. Kjo gjuhë i takon të kaluarës dhe kjo gjuhë i shkaktoi tragjeditë, plagët e të cilave ende i vuajnë popujt e Ballkanit”, është shprehur Haradinaj.

Haradinaj ka shtuar se Serbia duhet të ndal kërcënimet dhe të mos harrojë se ka një marrëveshje me Kosovën, që është e njohur si plani franko-gjerman.

“Vendet e lira, në vendimet e tyre të bazuara në interesin e tyre nacional, e kanë njohur Kosovën. Serbia duhet ta ndal gjuhën e të fuqishmit, të ndal kërcënimet dhe mos të harrojë se e ka një marrëveshje me Kosovën, planin franko-gjerman të përkrahur nga Amerika, dhe t’i kthehet gjuhës së arsyes”.

“Kosova nuk do të ndalet nga rruga e vet drejt integrimeve euroatlantike. Do të ishte e mençur për Serbinë, që të lëviz nga “status quo” në të cilën gjendet”, ka përfunduar Haradinaj.

Eurodeputeti gjerman, Reinhard Bütikofer, ka komentuar situatën në të cilën gjendët aktualisht Kosova. Ai ka thënë se masat që BE i ka vënë Kosovës nuk janë reciproke, nuk janë fer dhe nuk është dashur t’i vihen Kosovës.

Bütikofer pret që Shefi për Politikë të Jashtme të BE-së, Josep Borrell, tani pas pushimeve të verës, të takohet me komisionin për punë të jashtme të Parlamentit Evropian, për të cilët thotë se janë të pakënaqur me shumicën e qëndrimeve të Borrell.

Ai po ashtu ka konfirmuar se po kërkon nga politikëbërësit në Gjermani të marrin një rol më aktiv, në zhvillimet nëpër të cilat po kalon Republika e Kosovës.

“Këto masa kundër Kosove janë të njëanshme, dhe natyrisht nuk jam me të gjitha i pajtimit se çka Qeveria e Kosovës ka bërë muajt e fundit, janë edhe disa gabime që i ka bërë, mirëpo nëse shohim në anën tjetër me çka dhe si po e kalon situatën Vuçiqi, kam përshtypjen që këto masa nuk janë reciproke, nuk janë fer dhe nuk bën që t’i vihen Kosovës”, tha ai, në RTK.

Bütikofer thotë se Qeveria e Kosovës duhet të dialogojë dhe se nuk duhet të fokusohemi në renditje të numrit të sanksioneve që po përballet njëri ose tjetri vend, dhe se në Bruksel e SHBA ende ka zëra që mendojnë se është herët të hiqen masat.

“BE dhe SHBA duhet që të koncentrohen që të bëjnë një agjendë dinamike, që zgjidhja të jetë përfundimtare, pra duhet të fokusohen në zgjidhje e jo vetëm të ankohen për njërën apo tjetrën palë”, tha ai.

“Borrell duhet të vijë në Parlamentin Evropian në Komisionin për Politike të Jashtme dhe të dëgjoj zërin tonë, dhe ne ta vegjojmë atë, dhe të diskutojmë për qëndrimet e Borrell, me shumicën prej të cilave ne nuk pajtohemi, dhe mendoj se edhe pse ne si parlament formalisht nuk kemi të drejtë vendimmarrje në politiken e jashtme të BE-së, por do të ishte mirë që Borrell të vijë në komision dhe të bisedojmë”, tha Bütikofer.

Presidenti i Këshillit Evropian, Charles Michel, ka publikuar një fotografi bashkë me liderët e Ballkanit Perëndimor, presidentin e Ukrainës, Zelelensky, si dhe përfaqësues të BE-së e Moldavisë.

Aty është edhe kryeministri i Kosovës, Albin Kurti, i cili ka zhvilluar takime gjatë ditës.

Michel ka thënë se Ballkani Perëndimor, Ukraina dhe Moldavia kanë një trashëgimi, histori dhe të ardhme të përbashkët evropiane.

”Zgjerimi mbetet një prioritet kryesor për BE – një mjet i fortë për të nxitur paqen, sigurinë dhe prosperitetin në kontinentin tonë”.

”Ne duhet të gjejmë rrugën përpara për ta bërë realitet këtë vizion të Evropë”, ka shkruar ai në Twitter, të hënën.

Ky organizim po mbahet me iniciativë të Greqisë dhe nuk po merr pjesë kryeministri i Shqipërisë, Edi Rama.

Gjatë ditës ka pasur edhe takime veç e veç, ku është folur edhe për paqen dhe stabilitetin në rajon.

#WesternBalkans, #Ukraine & #Moldova have a common European heritage, history & future.
#Enlargement remains a top priority for EU -a strong tool to foster peace, security and prosperity on our continent.

We need to find the way forward to make this vision of Europe a reality pic.twitter.com/Hwgy4WqmuJ

— Charles Michel (@CharlesMichel) August 21, 2023

PËRGATITI: SARA SHEHU

Ministria e Arsimit, Shkencës, Teknologjisë dhe Inovacionit, ka bërë të ditur se do të ndahen mjete për prindërit e nxënësve në mënyrë që ato të shpenzohen për blerjen e librave. Ministrja Arbërie Nagavci, tha se kanë arritur në këtë përfundim për shkak të keqpërdorimeve me çmime nga shtëpitë botuese.

Ministria e Arsimit, Shkencës, Teknologjisë dhe Inovacionit e Kosovës po e shqyrton mundësinë t’ua transferojë paratë prindërve në mënyrë që ata t’i blejnë pastaj tekstet shkollore për fëmijët e tyre për vitin e ri shkollor.

Kështu ka njoftuar nëpërmjet një konference për media ministrja Arbërie Nagavci, 10 ditë para fillimit të vitit të ri shkollor.

“Sivjet po shqyrtojmë mundësinë që transfermimin e mjeteve për tekste shkollore të bëhet në llogari të prindërve dhe të njëjtit t’i blejnë tekstet për fëmijët e tyre. Mënyra si është menduar që të bëhet rimbursimi i mjeteve ka të bëjë me mjetet në llogari të prindërve. Është dizajnuar faqja në e-Kosova. Pjesa më e madhe e prindërve i kanë të hapura llogarit dhe është proces i lehtë. Prindi në momentin që e identifikon veten, automatikisht dalin emrat e fëmijëve dhe do të sigurohemi që çdo gjë të shkojë në rregull. Pagesa do të bëhet paraprakisht dhe mjetet të shfrytëzohen për blerjen e librave që nuk do të ketë nevojë të ofrohen faturave”.

Të bindur se procesi mësimor do të fillojë më 1 shtator, udhëheqës të kësaj ministrie thanë se në të kaluarën ka pasur keqpërdorime lidhur me kontratat me shtëpitë botuese.

“Kemi pas jo veten dallim nga viti në vit por edhe dallime për tekstet e të njëjtës klasë nga shtëpitë e ndryshme botuese me çmime”

“Kemi zgjedhur një negociues nga MASHT-i që brenda afateve ligjore ka negociuar çmimin për secilin libër, edhe pas shumë tentimeve për çmim të përballueshëm, shtëpitë botuese nuk e kanë pasur mirëkuptimin. Dhe së fundmi kanë dërguar letra se çmimet e tyre janë të panegociueshme. Kjo situatë është e papërballueshme për MASHT-in. Kjo është më e ndjeshme kur bëhet fjalë për tekstet shkollore të nxënësve tanë. Libri Shoqëria dhe Mjedisi i klasës së 3 bashkë me fletoren e punës është 27 euro. Një libër i gjuhës boshnjake kap vlerën 30 euro. Këto janë të papranueshme dhe të papërballueshme për buxhetin e shtetit. Kemi shumë raste të tilla, kur çmimet janë 25 euro. Vetëm 5 vitet e fundit për libri janë shpenzuar mbi 51 milionë euro.”.

Rastet që kanë hasur tek shtëpitë botuese, u tha se i kanë adresuar tek organet kompetente, mirëpo deri më tani nuk kanë marrë ndonjë përgjigje.

Nagavci, poashtu tha se së fundmi MASHT-i ka filluar rishikimin e teksteve të gjuhës shqipe dhe të matematikës nga klasa e parë deri në të nëntën.

 PËRGATITI: SARA SHEHU 

Njohësit e arsimit, planin e Ministrisë së Arsimit për rimbursimin e prindërve për blerjen e teksteve shkollore, e cilësojnë si jo diçka të re. Sipas tyre, edhe disa vite më parë, prindërit i kanë blerë vet teksteve shkollore për fëmijët e tyre. Teksa njohësit e fushës ftojnë institucionet që të përkujdesen për nivelizimin e çmimeve të librave, prindërit shpresojnë që ky plan të sjell efekte pozitive.

Pas disa vite, përsëri këtë vit prindërit do të përkujdesen vet për blerjen e teksteve shkollore për fëmijët e tyre, por kësaj radhe përmes subvencionimit të Qeverisë së Kosovës.

Ky ndryshim pritet të ndodhë në bazë të një plani që Ministria e Arsimit, Shkencës, Teknologjisë dhe Inovacionit.

Megjithatë, njohësi i arsimit, Rinor Qehaja, thotë se ky është një hap që ka ndodhur më herët në një formë tjetër.

“Kjo praktike për blerjen e librave nuk është ndonjë risi, pasi që edhe para se të jepeshin fal librat, prindërit kanë blerë domethënë libra vet për fëmijët e tyre. Pra e njëjta veçse është kthyer në një format tjetër”.

Mes tjerash, Qehaja, është skeptik nëse ministria e arsimit ka kapacitete të mjaftueshme për të realizuar këtë plan në një kohë kaq të shkurtër.

“Kjo është një ide që kërkon shumë debat, kërkon një përfshirje të madhe të institucioneve, shtëpive botuese, prindërve, domethënë kërkon tejet përkushtim të madh. Edhe çka duhet me bo Ministria është që të përkujdeset sa më shumë për çmimet e teksteve shkollore, mos me u tejkalu shuma që kanë me nda Ministria e arsimit për prindërit që do t’i blejnë tekstet shkollore”.

Për këtë vendim të Ministrisë së Arsimit, reagime ka pasur edhe nga deputetët opozitarë, të cilët e kundërshtuan atë.

“Skandali nuk po ia pret skandalin kësaj Qeverie. Tani, përveç rritjes së kostos së jetesës, përmes rritjes së çmimit të energjisë e produkteve bazike ushqimore, papunësisë e korrupsionit masiv, prindërit e rënduar ekonomikisht nga keqqeverisja e këtij pushteti duhet që të blejnë edhe librat për fëmijët e tyre. Mbi 300 mijë familje kosovare do të detyrohen t’i blejnë librat për fëmijët e tyre  Me këtë lloj qeverisje, Albin Kurti vetëm sa po kontribuon në thellimin e varfërisë së qytetarëve dhe rritjes së numrit të emigrantëve kosovarë”.

“Paramendoni, Shtëpitë Botuese e kanë vet në dorë të vendosin çmimin e librave. Ato nuk do t’i shesin librat me çmimin me lirim që do të ia ofronin Qeverisë, por çmimi do të jetë deri 20% më i shtrenjtë. Me këtë vendim, Qeveria e Kosovës ka vendosur që të avulloj së paku 2 milion euro nga buxheti i Kosovës, nën petkun e kursimit të parave për tekste shkollore”.

Ndërkohë, prindërit e nxënësve edhe pse nuk ishin të informuar, shpresojnë që ky plan të ketë efektet e veta.

“Është një ide e qëlluar, mendoj se është më e mirë, dhe shpresoj se nuk do të ketë keqpërdorime me para nga shtëpitë botuese”.

“Po mendoj se është  një plan i mirë që t’i blejmë ne në bashkëpunim me Ministrinë”.

Deri tani, Ministria i ka blerë librat direkt nëpër shtëpi botuese, nga ku ato u janë shpërndarë nxënësve nëpër shkolla.

PËRGATITI: KASTRIOT TAHIRI

Që nga janari e deri sot, 21 gra janë përfituese të pakos që po e ndanë komuna e Prishtinës, në mbështetje të viktimave të dhunës në familje. Shuma e kësaj pakoje është nga 500 euro për dy vjet, ku në të përfshihet pagesa për banim e ushqimi.

Që nga janari i këtij viti viktimat e dhunës në familje, në komunën e Prishtinës, e kanë një pagë e një ambient për të jetuar të sigurta, kjo falë një vendimi që komuna e morri që nga dhjetori i 2022-ës.

Aktualisht janë 21 gra përfituese nga ky projekt mbështetës.

“Vendimin e kemi marrë në nëntor, deri më tani kemi mbështetur, 21 gra që kanë qenë viktima të dhunës në familje, ne kemi dhënë 40 mij euro, që ato te kenë një ambient sigurt. Kjo shumë është e ndarë në 3 komponente, kemi raste kur kanë kërkuar, mbështetje vetëm për banim e ushqim e disa të tjera vetëm për banim”.

Sahiti thotë se përveç ndihmës financiare që do të sigurohet për 2 vjet, viktimave u ofrohen edhe kurse profesionale.

“Përveç mbështetjes financiare që do të jetë për dy vite, kemi ndarë edhe 300 mije euro për  organizatat jo qeveritare, për t’i ndihmuar në zanate të ndryshme që ato të bëhen të pavarura ekonomikisht pas dy viteve”.

Besarta Breznica, nga Rrjeti i Grave të Kosovës, thotë se gratë janë më të informuara për të drejtat e tyre dhe si rrjedhojë edhe raportimet janë më të shpeshta.

“Kohëve të fundit ka më shumë raportim të dhunës në baza gjinore por edhe të dhunës në përgjithësi në organet kompetente, por padyshim që krejt këto raportim i adresohen organizatave të grave që po punojnë ne këtë aspekt. Krejt këto raportime të dhunës tregojnë që grat edhe vajzat, pra tash janë më të informuara për të drejtat e tyre”.

Po ashtu, me qëllim që t’iu dalë në ndihmë nënave lehona, të cilat janë pjesë e skemës sociale, që nga janari Komuna e Prishtinës ka filluar t’i subvencionojë ato me nga 500 euro.

PËRGATITI: DRITON SADIKU

Ministri i Administrimit të Pushtetit Lokal, Elbert Krasniqi dhe kryetari i Gjakovës, Ardian Gjini, panë nga afër punimet që nisën sot për zgjerimin e segmentit rrugor “Ura e Tabakut” deri tek “Ura e Ahmet Efendisë”, rrugë kjo do të lidh qytetin e Gjakovës me Rekën e Keqe dhe me dy pika kufitare me Shqipërinë. Derisa u theksua rëndësia e këtij projekti, aty u tha se i njëjti do të përfundojë këtë vit.

Qytetarët që përdorin pikat kufitare qafë prush dhe qafë morinë për të dalë në Shqipëri, së shpejti mund ta kenë më të lehtë qarkullimin.

Punimet në zgjerimin e kësaj rruge që nisën sot, u përcollën nga afër edhe nga i pari i Gjakovës dhe Ministri i Administrimit të Pushtetit Lokal, Elbert Krasniqi.

“Ky projekt në fjalë jo vetëm që ka një rëndësi të veçantë për Gjakovën, mirëpo rëndësia e tij po kalon edhe kufirin për shkak se lidh Gjakovën me Shqipërinë. Si ministër jam i lumtur dhe krenar që si qeveri kemi arritur që gjatë mandatit tonë edhe të rrisim grantin e performancës, mirëpo edhe të institucionalizojmë ligjin për raportimin e komunave për performancën komunale edhe mandej një grant qe del prej kësaj. Unë jam i bindur që si qeveri do të përkushtohemi që viteve të ardhshme që të rritet buxheti”

Punimet sipas kryetarit të Gjakovës Ardian Gjinit do përfundojnë brenda këtij viti.

“Jam shumë i lumtur që sot i nisim punët edhe që do të kryhet këtë vit. Financimi i këtij projekti bëhet prej grantit të performancës, diku në 950 mijë euro. 57 mijë euro janë të komunës. Granti i perfomancës është një skemë jashtëzakonisht e rëndësishme për komunat, ka filluar nga donatorë, të cilën janë quajtur në një ombrellë “Demos”. Ka vazhduar më pas të mbështetet nga Ministria e Administrimit të Pushtetit Lokal, nga Qeveria e Kosovës”

Ndërkaq vlera totale e projektit, arrin shifrën e 1 milion eurove.