ATV

Tag: Ballina

  • ​Begaj: Anëtarësimi në BE do të bëhet realitet për të gjitha vendet e Ballkanit Perëndimor

    ​Begaj: Anëtarësimi në BE do të bëhet realitet për të gjitha vendet e Ballkanit Perëndimor

    Presidenti i Shqipërisë, Bajram Begaj, është shprehur optimist se objektivi strategjik për hyrjen e vendeve të Ballkanit Perëndimor në Bashkimin Evropian do të bëhet realitet. Pas takimit me liderët e shteteve në kuadër të Procesit Bërdo Brujini, Begaj tha se ky takim vjen në një moment të rëndësishëm.

    Duke përmendur situatën gjeopolitike të lidhur me agresionin rus në Ukrainë, Begaj tha se të qenurit bashkë për të diskutuar sfidat të cilat duhet t’i përballojnë vendet e Ballkanit Perëndimor, është shumë e rëndësishme.

    “Ky takim i sotëm vjen në një moment të rëndësishëm siç e dimë nga situata gjeopolitike e cila është e lidhur me agresionin rus në Ukrainë, dhe natyrisht të qenurit bashkë për të diskutuar rreth sfidave të cilat duhet të përballojnë vendet e Ballkanit Perëndimor është një gjë jashtëzakonisht e rëndësishme. Sfidat janë gati të njëjta në të gjitha vendete Ballkanit Perëndimor, dhe çështjet që u trajtuan gjatë këtij samiti kishin të bënin me procesin e itnegrimit në BE të vendeve të Ballkanit Perëndimor kishte të bënte me disa çështje sensitive për popujt tanë qe janë të lidhura me rininë, me emigrimin, dhe po ashtu me sfidat e lidhura me ndryshimet klimatike. Unë i përkas atij brezi që jam optimist dhe objektivi strategjik i te qenurit anëtar i BE për të gjitha vendet e Ballkanit Perëndimor do të bëhet realitet”, ka thënë Begaj para gazetarëve.

    Në fund të takimit që u mbajt me dyer të mbyllura, krerët e shteteve të Procesit Brdo-Brijuni miratuan një deklaratë të përbashkët, duke nënvizuar nevojën e përshpejtimit të procesit të zgjerimit të BE-së me vendet e Ballkanit Perëndimor, bashkëpunimin dhe koordinimin për përballimin së bashku të efekteve nga ndryshimet klimatike, si dhe krijimin e projekteve dhe të programeve të përbashkëta për zbutjen e efekteve të migrimit të të rinjve nga vendet e rajonit./KP

  • ​Osmani në takimin Bërdo-Brijuni: Interes strategjik që Kosovës t’i jepet statusi i vendit kandidat nga BE

    ​Osmani në takimin Bërdo-Brijuni: Interes strategjik që Kosovës t’i jepet statusi i vendit kandidat nga BE

    Presidentja e vendit, Vjosa Osmani, ka thënë se Kosova është e vendosur për të vazhduar me reforma dinamike që forcojnë më tej demokracinë, mbështesin sundimin e ligjit si dhe rrisin standardet e jetesës për të gjithë qytetarët.

    Derisa ka folur në takim vjetor të liderëve të rajonit në kuadër të Procesit Bërdo-Brijuni, Osmani ka thënë se është me rëndësi që Kosova të ecë përpara edhe me statusin e vendit kandidat në BE “në përputhje me zotimin e BE-së për perspektivë anëtarësimi për të gjitha shtetet e Ballkanit Perëndimor”.

    Osmani ka theksuar se Kosova ka shënuar hapa të ndjeshëm suksesi në disa aspekte, transmeton KP.

    “Kosova është një partner i besueshëm, një fqinj i mirë dhe një partner që punon shumë. Prandaj, mundësia për një lëvizshmëri më të madhe të qytetarëve tanë në zonën Schengen, është gjithashtu një mundësi e madhe për t’ua vërtetuar këtë të gjithëve në BE”, ka thënë Osmani.

    Sipas njoftimit të Presidencës, Osmani ka përmendur edhe përparimin në indekset ndërkombëtare që kanë të bëjnë me luftimin e krimit dhe korrupsionit, të drejtat e njeriut dhe fushën e teknologjisë informative.

  • Kurti në 22-vjetorin e 11 Shtatorit: Terrorizmi u godit globalisht, por mbetet kërcënim i paparashikueshëm

    Kurti në 22-vjetorin e 11 Shtatorit: Terrorizmi u godit globalisht, por mbetet kërcënim i paparashikueshëm

    Kryeministri Albin Kurti ka kujtuar sulmin terrorist të 11 Shtatorit në Shtetet e Bashkuara të Amerkës në 22-vjetorin e kësaj ngjarjeje.

    “Si rrallë herë ndonjë epokë gjatë historisë, mijëvjeçari i tretë i erës sonë mori mbiemër duke fituar epitet qysh në fillim të tij. Cilësori “terrorizëm” u bë një nga fjalët kyçe të fillimshekullit XXI, këtu e 22 vite më parë, kur avionë civilë të marrë peng nga terroristë, u drejtuan mbi Kullat Binjake në Nju Jork, duke i shembur ato gjatë kryerjes së sulmit terrorist që shkaktoi tronditje globale dhe pati ndikimin më të shumëanshëm të kohës sonë”, ka shkruar Kurti në Facebook.

    Sipas Kurtit, terrorizmi është goditur shumë në nivel global, ndonëse mbetet kërcënim i paparashikueshëm për sugiruinë botërore.

    “22 vite pas sulmeve terroriste të 11 shtatorit, Al-Kaida është më e dobët se kurrë më parë, ndërkohë që i është vrarë lideri i dikurshëm Osama bin Laden si dhe i janë kufizuar shumëfish mundësitë dhe hapësirat e veprimit. Terrorizmi në nivel global ka marrë shumë goditje, por ai vazhdon të mbetet një nga kërcënimet më të paparashikueshme për sigurinë botërore, një kërcënim i atillë që nuk duhet të injorohet dhe që duhet konsideruar në çdo përllogaritje të vigjilencës së institucioneve shtetërore të sigurisë”.

    “Demokracia dhe drejtësia, barazia dhe pluralizmi, liritë dhe të drejtat, thajnë çdo kënetë ku mbin terrorizmi”.

  • Avokati i Thaçit e ballafaqon Abrahamsin me një tjetër raport kontradiktor

    Avokati i Thaçit e ballafaqon Abrahamsin me një tjetër raport kontradiktor

    Ekspertit ndërkombëtar që punon për organizatën Human Rights Watch Fred Abrahams është përballur me dy kontradikta në disa raporte e komunikata që i kishte hartuar organizata e tij në vitet 1998-1999.

    Avokati i Thaçit, Gregory Keohe, ka gjetur një komunikate kontradiktore të HRW-së. Aty flitet për një gjykim që ishte bërë nga UÇK-ja për ndalimin e dy gazetarëve, përderisa ata nuk ishin ende të ndaluar.

    “Ky është njoftim për shtyp nga Human Rights Watch. Ka dalë më 1 nëntor 1998, 9 ditë para se të uleshit me Thaçin e Limajn dhe këtu flitet për gjykatën ushtarake. Këtu thuhet se gjykimi u krye më 30 shtator 1998. Thuhet se gjykimi është mbajtur më 30 shtator 1998. Ju e dini këtë sepse e keni vendosur në njoftim për shtyp. Ky njoftim ka informacion të plotë për një nga elementët më të rëndësishëm kur janë mbajtur të ndaluar këta persona”, tha Keohe.

    “Ju e dini që gjykimi nuk mund të jetë mbajtur më 30 shtator nëse këta persona sipas njoftimit tuaj janë deklaruar të humbur pas 18 tetorit”, tha Keohe.

    “Kemi dy pjesë mohuese. Se kisha të qartë. Unë po merrja informacione po botoja materiale që na jepnin, nuk mund të them nëse dokumentet janë të sakta. Këtë nuk e di”, tha Abrahams.

    Gazetarë serbë, të cilët ishin të dyshuar për krime lufte në Bosnje.

    Kurse, pjesa tjetër flet për një raport ku Thaçi citohet të ketë folur për “fuqizimin e strukturave ushtarake”, kurse Keohe ka thënë se ai ka folur për “forcimin e strukturave civile”.

    “Duke marrë paraysh se informacioni është i gabuar, dhe duke marrë parasysh që Thaçi ka folur për struktura civile, e artikulli flet për struktura ushtarake. Besoj pajtoheni që z.Thaçi po mundohej ta përfaqësonte më mirë para komunitetit ndërkombëtar?”, pyeti Keohe.

    Biseda:

    Keohe: Ishte një pyetje nga gjyqtari Barthe nëse Thaçi e Limaj thanë që ndonjë prej dy gazetarëve serbë dyshohej të ishte përfshirë në krime lufte dhe ju thatë jo nuk ka dalë kjo gjë. Iu kujtohet?

    Abrahams: Po

    Keohe: Dua të shfaqet prova materiale numër 300. Keni parë këtë dokument që është kumtesa numër 3 që pretendohet të ketë dalur nga Policia ushtarake. A pajtoheni me mua se kjo kumtesë lë të kuptosh se gazetarët janë ndaluar sepse nuk ishin identifikuar si pjesëtarë të shtypit?

    Abrahams: Bazuar në këtë kumtesë ky është pretendimi që është ngritur nga Drejtoria e Policisë ushtarake.

    Keohe: Këtu thuhet se dyshoheshin si persona në spiunazh?

    Abrahams: Ky është pretendimi nga drejtoria e Policisë.

    Keohe: Hetuesit e TPNJ-së dolën në pretendimin se gazetari ka qenë i përfshirë në kryerjen e krimeve të luftës në Bosnje sikur pjesëtarë i shtypit. Nëse HRË e ka ditur këtë informacion ju duhet të kishit pasur dyshime nëse Dobriqiq ka qenë gazetar kur është ndaluar?

    Abrahams: Çfarë doni të thoni saktësisht?

    Keohe: Ju duhet të kishit dyshime a ka qenë gazetari i përfshirë në gazetari kur është ndaluar?

    Abrahams: Duhet ta kishim marrë të tërë si çështje. Kjo është kumtesë e Drejtorisë së Policisë.

    Keohe: Nëse ju do e dinit që z.Dobriqiq ka qenë i përfshirë në krime lufte, a nuk do të mendonit që ai do tëkishte qenë pjesëmarrës në konflikt?

    Abrahams: Duhet parë në dy forma. Është dijenia nëse ne do ta merrnim parasysh në analizën tonë krimet e pretenduara të tij, dhe kritika që kemi bërë ne këtu ishte fokusuar në faktin se a ka pasur proces të rregullt ligjor. Nëse do të kishte prova që ka kryer vepra penale në Kosovë apo gjetkë, kjo do të duhej të kishte dalë në gjykim.

    Keohe: Por kjo rrit probabilitetin që Dobriqiqi me kredencialet e Tanjug pasi e ka bërë këtë i përfshirë në krime lufte, ajo që dua të them është se probabiliteti është i lartë të ketë qenë i përfshirë në luftë?

    Abrahams: Kjo do të duhej të kishte dalë në gjykim.

    Keohe: Gjyqtari iu pyeti për takimin me Limajn dhe Thaçin. Ju thatë se Thaçi u prezantua si zëdhënësi i drejtorisë politike?

    Abrahams: Me sa më kujtohet ai u prezantua si shefi i drejtorisë politike.

    Keohe: Ju drejtorinë politike e kuptuat si organ që fliste me ndërkombëtarët?

    Abrahams: Mendova se ishte pjesë e detyrimit apo përgjegjësive të tyre.

    Keohe: Por ai nuk ishte personi ushtarak në zyrë?

    Abrahams: Kështu u prezantua.

    Keohe: Dhe ai nuk ishte as jurist?

    Abrahams: Pjesën juridike e mbulonte Limaj. Bazuar në prezantimin kështu e kuptova.

    Keohe: Ky është njoftim për shtyp nga Human Rights Watch. Ka dalë më 1 nëntor 1998, 9 ditë para se të uleshit me Thaçin e Limajn dhe këtu flitet për gjykatën ushtarake. Këtu thuhet se gjykimi u krye më 30 shtator 1998. Thuhet se gjykimi është mbajtur më 30 shtator 1998. Ju e dini këtë sepse e keni vendosur në njoftim për shtyp. Ky njoftim ka informacion të plotë për një nga elementët më të rëndësishëm kur janë mbajtur të ndaluar këta persona.

    Abrahams: Përmendet gjykimi po.

    Keohe: Ju e dini që gjykimi nuk mund të jetë mbajtur më 30 shtator nëse këta persona sipas njoftimit tuaj janë deklaruar të humbur pas 18 tetorit.

    Abrahams: Po supozoj se është e saktë. Duhet ta shohë me vëmendje.

    Keohe: Vetë njoftimi juaj për shtyp thotë se keni marrë informacione nga Tanjugu se u deklaruan të humbur këta persona më 18 tetor. E shohim sa herë të duash.

    Abrahams: Data është e saktë. Nuk mu kujtua që të ketë qenë Tanjugu.

    Keohe: Pajtoheni që Tanjugu tha se ata kanë humbur më 18 tetor?

    Abrahams: Data është 18 tetor.

    Keohe: Kemi një gjykim që është kryer dhe kjo thuhet në provën materiale 19 ditë përpara humbjes. Supozohet që nuk është bërë gjykimi ditën që u ndaluan?

    Abrahams: Nëse informacioni që kemi marrë është i saktë.

    Keohe: Informacioni më i rëndësishëm për ju ishte kur u mbajtën të ndaluar këta persona. Ky është një dokument ku thuhet se gjykata ushtarake ka bërë gjykimin dhe Z.Thaçi ka bërë të ditur se po ngrinin struktura civile?

    Abrahams: Të dy bashkëbiseduesit tanë folën për vështirësitë sa i takon krijimit të strukturave civile dhe ushtarake në mes të një konflikti të armatosur.

    Keohe: Personi që ka folur për strukturat civile ka qenë Thaçi?

    Abrahams: Pa dyshim që foli për vështirësitë.

    Keohe: Jemi në një situatë që është bërë një gjykim kur këta persona nuk ishin të ndaluar ende, dhe kjo është bërë nga gjykata ushtarake sipas njoftimit. Ndërkohë Thaçi ju flet për strukturat civile?

    Abrahams: Kemi dy pjesë mohuese. Se kisha të qartë. Unë po merrja informacione po botoja materiale që na jepnin, nuk mund të them nëse dokumentet janë të sakta. Këtë nuk e di.

    Keohe: Por iu keni kushtuar rëndësi komunikatave?

    Abrahams: Ishin pjesë e punës tonë.

    Keohe: Duke marrë paraysh se informacioni është i gabuar, dhe duke marrë parasysh që Thaçi ka folur për struktura civile, e artikulli flet për struktura ushtarake. Besoj pajtoheni që z.Thaçi po mundohej ta përfaqësonte më mirë para komunitetit ndërkombëtar?

    Abrahams: Sigurisht që ai po përpiqej të bënte të pamundurën.

    Keohe: Ju thatë për një takim në gusht thatë që s’kishim më kontakt me Thaçin pasi na dha raportin. A iu kujtohet kjo letër që keni dërguar më 2 dhjetor 1998?

    Abrahams: Po

    Keohe: Gjatë takimit në gusht të vitit 1999 a e pyete a kishte marë ndonjëherë këtë letër?

    Abrahams: Nuk më kujtohet.

    Keohe: Por kjo do të duhej të ishte e rëndësishme.

  • Nis takimi i liderëve të Ballkanit në Shkup, po merr pjesë edhe presidentja Osmani

    Nis takimi i liderëve të Ballkanit në Shkup, po merr pjesë edhe presidentja Osmani

    Ka nisur punimet i Samiti i Krerëve të Shtetit në Procesin e Brdo Brionit në Shkup, ku po merr pjesë edhe presidentja e Kosovës, Vjosa Osmani.

    Fokusi kryesor i këtij samiti është procesi i zgjerimit të Bashkimit Evropian dhe anëtarësimi i rajonit në BE.

    Në sesionin e përbashkët me liderë të rajonit, Osmani do ta mbajë fjalim, ndërkaq më pas do të zhvillojë takime bilaterale me krerët e disa shteteve pjesëmarrëse. /atvlive.tv

  • ​Kurti dhe zëvendësambasadorja amerikane përkujtojnë sulmin e 11 shtatorit

    ​Kurti dhe zëvendësambasadorja amerikane përkujtojnë sulmin e 11 shtatorit

    Kryeministri i Kosovës, Albin Kurti, zëvendëskryeministrja Donika Gërvalla dhe zëvendësambasadorja e Shteteve të Bashkuara të Amerikës në Kosovë, Alyson Grunder kanë bërë homazhe te pllaka përkujtimore “Kosova Kujton” e viktimave të sulmeve të 11 Shtatorit 2001 në Shtetet e Bashkuara të Amerikës, bëhet e ditur në një komunikatë për media.

    Shtetet e Bashkuara, por edhe mbarë bota përkujtojnë sot 22 vjetorin e sulmeve të përgjakshme të 11 shtatorit 2001. Sulmi ndaj kullave binjake ishte kryer me 11 shtator 2001 nga një grup prej 19 vetash rrëmbyes radikalë, 15 prej të cilëve ishin nga Arabia Saudite, dy nga Emiratet e Bashkuara Arabe, një nga Egjipti dhe një nga Libani.

    Fillimisht njëri aeroplan i rrëmbyer ishte përplasur mbi kullën veriore të Qendrës Botërore të Tregtisë në Nju Jork, duke krijuar një çarje të thellë në faqen e ndërtesës dhe duke shkaktuar zjarr kurse 17 minuta më vonë, një aeroplan tjetër pasagjerësh përplaset mbi kullën jugore. Në sulmin e 11 shtatorit 2001 humbën jetën rreth 3 mijë persona.

    Në mesin e viktimave në kullat binjake ishin 2.752 persona prej tyre 343 zjarrfikës dhe 60 policë. Pjesa më e madhe e viktimave ishin civilë të 70 kombësive të ndryshme. Ceremonitë në Nju Jork dhe Uashington do të nisin me një minutë heshtje, në kohën kur ndodhën sulmet. Ekspertët shprehen se 11 shtatori 2001, ndryshoi shumë gjëra në botë. Këto ngjarje u bënë shkak për nisjen e një fushate të gjerë të udhëhequr nga SHBA-të kundër terrorizmit.

  • Moti për sot dhe nesër

    Moti për sot dhe nesër

    Dita e sotme në vendin tonë do të jetë kryesisht me temperatura stabile dhe me mot të nxehtë.

    Temperaturën minimale do e mbajë Gjakova me 11 gradë Celsius, ndërsa atë maksimale Prishtina me 30 gradë Celsius.

    Edhe dita e nesërme në Kosovë pritet të ketë temperatura të larta dhe mot të kthjellët.

    Temperaturën minimale do e mbajë Ferizaj me 11 gradë Celsius, ndërsa atë maksimale Prishtina dhe Mitrovica me 31 gradë Celsius.

    Parashikimin e plotë të motit, për rajon dhe Evropë, mund ta gjeni në videon e mëposhtme:

  • ​Osmani: Më 11 shtator riafirmojmë përpjekjet tona në mbrojtje të lirisë e demokracisë

    ​Osmani: Më 11 shtator riafirmojmë përpjekjet tona në mbrojtje të lirisë e demokracisë

    Presidentja e Kosovës, Vjosa Osmani ka thënë se në 22 vjetorin e sulmit terrorist në ShBA, riafirmohen përpjekjet në mbrojtje të lirisë dhe demokracisë, vlera këto të cilat definojnë miqësinë dhe partneritetin e përhershëm me Amerikën.

    Ajo ka shtuar po ashtu se 11 shtatori i vitit 2001 ndryshoi rrjedhën e historisë përgjithmonë.

    “Sot, krahas aleatëve tanë amerikanë, nderojmë 3 mijë viktimat e sulmeve terroriste kundër Shteteve të Bashkuara të Amerikës, ndërsa riafirmojmë përpjekjet tona të çdoditshme në mbrojtje të lirisë e demokracisë, vlera të cilat definojnë miqësinë dhe partneritetin tonë të përhershëm”, ka shkruar Osmani në Facebook.

  • Arrestimi i drejtorit të administratës së Leposaviçit nga policia serbe

    Arrestimi i drejtorit të administratës së Leposaviçit nga policia serbe

    Përgatititi: Fitim Majkovci

    Nikolla Radimiroviq, Drejtor i Administratës në Komunën e Leposaviqit është arrestuar të shtunën nga policia e Serbisë bashkë me të fejuarën e tij.

    Për arrestimin e tij, reagoi mbrëmë Ministri i Punëve të Brendshme, Xhelal Sveçla që tha se Radimiroiviq u arrestua vetëm për arsyen se bënë pjesë në institucionet e Kosovës.

    Pos Sveçlës, reagoi edhe Ministri për Komunitete dhe Kthim, Nenad Rashiq, veçse shtoi se arrestimet e tilla janë praktikë e kamotshme e policisë serbe.

    “Nikolla është një prej viktimave që është në paraburgim. Duhet ta mbrojmë Nikolla Radimiroviqin, jam në kontakt me zëvendësin tim që merret me këtë, që ta gjejmë ndihmën adekuate juridike për të që sa më shpejtë të dalë nga kjo gjendje. Është një metodologji që po zbatohet që 7-8 vjet. Çdoherë që unë jam përpjekur ta kaloj kufirin, jam ndaluar për disa orë”, tha Rashiq.

    Teksa ka treguar se si është ndaluar Radimiroviqi në kufi bashkë me të fejuarën e tij, ministri njoftoi se ai do të mbahet në paraburgim së paku deri të hënën.

    “Ka ndodhur së pari një ndalim në pikën kufitare, është mbajtur aty 4 orë, është marrë në pyetje prej anës së personave që e kanë prezantuar vetëm si anëtarë të BIA-s. Pas një kohe të gjatë, prej 9:30 është marrë në pyetje deri në orën 19:00-20:00, prej atyre organeve që e kanë transferuar në stacionin e policisë në Rashkë dhe prej atij momenti po mbahet atje dhe sipas informacioneve do të jetë aty së paku deri të hënën pasi gjyqtari nuk është aty dhe kur të vijë të hënën do të merret me rastin. Guxoj të supozoj që kjo është një prej pjesës metodologjisë shantazhuese”, tha Rashiq.

    Sipas ministrit Rashiq, Radimiroviq është ngarkuar me veprën penale “Shkelja e rendit kushtetues”.

    Edicionin Qendror të lajmeve në ATV e gjeni në videon më postë:

  • Dragusha tregon se cilët janë dy futbollistët e Supërligës që meritojnë të jenë në kombëtare

    Dragusha tregon se cilët janë dy futbollistët e Supërligës që meritojnë të jenë në kombëtare

    Trajneri dhe analisti i futbollit, Muhamet Dragusha, në emisionin A PLAY në ATV, tha se në kombëtaren e Kosovës është dashur të ftohen edhe dy futbollistë nga Superliga e Kosovës.

    “Ilir Krasniqi, Lumbardh Dellova. Sidomos Dellova, nuk di çka duhet të bëjë në futbollin e Kosovës, po edhe në futbollin evropian nuk di çka duhet të bëjë më shumë që të ftohet nga Kosova, por kjo është ekskuziviteti i trajnerit dhe ai fton kë ia merr mendja dhe kë i duhet për secilin repart”, u shpreh Dragusha.

    Ai tha se arsyeja e mos ftesës së tyre ndoshta ka qenë për shkak se reparti i mbrojtjes ka qenë shumë i ngjeshur, mirëpo shpreson se shumë shpejtë, kombëtarja të freskohet më futbollistë të rinj.

    “Mendoj që ndoshta ka qenë reparti i mbrojtjes shumë i ngjeshur edhe për ata edhe s’ju ka dhënë mundësi, po qysh e thashë edhe më herët besoj edhe shpresoj që shumë shpejtë do të fillojnë të vijnë lojtarë të ri, lojtarë që e ripërtërin ekipin kombëtar edhe asnjëherë duke mos i larguar lojtarët e vjetër, përvoja e tyre sigurisht se na duhet ta transmetojë tek këta lojtarë, po Dellova është dashur të ftohet në repartin e mbrojtjes, po ashtu edhe Krasniqi ka qenë i jashtëzakonshëm sidomos ndeshjen kundër Prishtinës, ka lu nji ndeshje shumë të madhe”, tha Dragusha. /atvlive.tv