ATV

Tag: Ballina

  • ​Ashton kërkon përparim në dialog, Duhet normalizim të marrëdhënieve Kosovë Serbi

    ​Ashton kërkon përparim në dialog, Duhet normalizim të marrëdhënieve Kosovë Serbi

    Përgatiti: Arton Hamiti

    Ishte përfaqësuese e Lartë e Bashkimit Evropian për Politikë të Jashtme, në kohën kur Kosova dhe Serbia nisën procesin me qëllim normalizimin e marrëdhënieve.

    Një ditë pas takimit në Bruksel mes kryeministrit kosovar dhe presidentit serb, që përfundoi pa ndonjë rezultat, ish-ndërmjetësuesja në dialog mes Prishtinës dhe Beogradit, Catherine Ashton, theksoi se progresi nuk do të jetë i lehtë, teksa ofroi mbështetjen e saj.

    “Unë mbes e angazhuar në dialog dhe nëse mund të bëj diçka në mbështetje të dialogut, qytetarëve të Kosovës dhe Serbisë, që ata të ecin përpara, do ta bëja, nëse dikush më fton. Kryeministri Kurti e tha dje se nuk jemi në kohën e Ashtonit, Thaçit dhe Daçiqit dhe ka të drejtë për këtë. Unë do të isha e lumtur të ndihmoja, por jam e vetëdijshme se duhet lidership”, tha Ashton.

    Në konferencën me titull “Dialogu me Serbinë: Mësime nga e kaluara për të ardhmen e procesit”, që u organizua nga Grupi për Ballkan, ajo foli edhe për emisarin Miroslav Lajçak, për të cilin kryeministri Albin Kurti tha se po i mbështet qëndrimet e Serbisë.

    “Lajçaku ka punuar për mua dhe me mua për shumë vjet dhe është person që e do suksesin e Kosovës”, tha Ashton.

    Kurse, ish-i dërguari amerikan për Ballkanin Perëndimor, Philip Reeker, tha se fillimisht prania amerikane nuk ka qenë e mirëseardhur. Diplomati amerikan shtoi se palët nuk duhet të ngelin në krizat e panevojshme.

    “Një dekadë më vonë BE-ja dhe SHBA-ja janë të përkushtuara të ndihmojnë njerëzit e këtij rajoni, të Kosovës dhe Serbisë. Mendoj se duhet të kthehemi mbrapa dhe të shohim se çfarë është arritur dhe jo të ngelim në krizat e krijuara, të panevojshme. Mos u fokusoni në atë se çfarë ka ndodhur më parë, çfarë ata kanë bërë, fokusohuni në atë që ju do të bëni”, tha Reeker.

    Nën ndërmjetësimin e Catherine Ashton, Kosova dhe Serbia e kanë arritur marrëveshjen e parë në kuadër të dialogut, me qëllim të normalizimit të marrëdhënieve, në të cilën përfshihet edhe Asociacioni i Komunave me shumicë serbe.

    Baronesha Ashton po qëndron në Prishtinë për promovimin e librit të saj “Dhe më pas çka: Rrëfimet e brendshme të diplomacisë së shekullit XXI”, ku flet edhe për dialogun Kosovë – Serbi, i filluar në vitin 2011.

  • ​Konjufca: Nuk pranojmë bosnjëzimin e Kosovës

    ​Konjufca: Nuk pranojmë bosnjëzimin e Kosovës

    Nënkryetari i Kuvendit të Kosovës, Glauk Konjufca ka thënë se jo të gjitha marrëveshjet me Serbinë mund t’i pranojë Kosova. Ai para mediave tha se nuk mund të pranohet bosnjëzimi i vendit, derisa shtoi se kryeministri Albin Kurti e ka ekipin e vet që t’i analizojë ato nëse janë me interes apo jo. Kritika adreson për BE-në, për të cilën tha se ka qasje të pabalancuar mes dy vendeve.

    Kryeparlamentari Konjufca tha se kërkesat e Serbisë janë bërë plan i Bashkimit Evropian.

    “Jo të gjitha marrëveshjet mund t’i pranojmë, ne e analizojmë, kryeministri e ka ekipin e vet, dhe vetë atje është për këtë punë që t’i analizojë nëse ato janë në interes të Kosovës apo jo… 04:20 Ne nuk do të lodhemi kurrë që edhe më tutje të argumentojmë me Bashkësinë Ndërkombëtare që kjo është një pozicionim prej të cilës Kosova nuk mund të heqë dorë. Po të hiqte dorë, mund të qojmë në bosnjëzimin e Kosovës. Populli e ka votuar Lëvizjen Vetëvendosje përpos arsyeve të tjera, unë mendoj që njëra prej arsyeve kryesore, qendrore pse Lëvizja Vetëvendosje ka fituar para dy vjetëve, me e spotu këtë proces të bosnjëzimit të Kosovës”, tha ai.

    Ai tregoi edhe arsyet se pse e konsideron të pabalancuar qasjen e BE-së ndaj Kosovës.

    “Mua më duket e pabalancuar, sepse të gjitha kërkesat që parashtrohen në drejtim të Kosovës korrespondojnë me ato që na i kërkon neve vetë Serbia, sikur dorëheqja pa kurrfarë procedure e kryetarëve të komunave, zhvleftësimi i procesit demokratik edhe i ligjshmërisë së institucioneve tona, të gjitha këto janë kërkesa të Serbisë dhe fatkeqësisht Bashkimi Evropian po na i kërkon këto. Ne nuk mund ta shkelim shtetin tonë. Do të shkojë përmes kushtetutshmërisë, përmes ligjeve të cilat kanë para shikueshmëri. Është transparent procesi se kur japin kryetarët e komunave dorëheqje se çka ndodhë në Republikën e Kosovës. Kjo do të ndodhte edhe në komunat e tjera jo vetëm në atë të veriut. Sot, një kryetar i pjesës së këtyre komunave të tjera nëse jep dorëheqje organizohen zgjedhjet”, tha Konjufca.

    Këto deklarata Konjufca i bëri pas shënimit të Ditës Ndërkombëtare të Demokracisë në Kuvendin e Kosovës. /KP

  • Bastisjet e ZPS-së në Kosovë, Gashi: Fajtore është Qeveria e vitit 2015, atëherë Kurti nuk ka qenë kryeministër

    Bastisjet e ZPS-së në Kosovë, Gashi: Fajtore është Qeveria e vitit 2015, atëherë Kurti nuk ka qenë kryeministër

    Veteranë të Ushtrisë Çlirimtare të Kosovës, sot kanë protestuar para bazës së EULEX-it në Fushë Kosovë, për të kundërshtuar bastisjet e Speciales të kryera ditët e fundit në Kosovë. Ata, përmes një aksioni simbolik, kanë hedhur telefona pranë kësaj baze.

    Kryetari i PSD-së, Dardan Molliqaj, në një prononcim për ATV-në, tha se këto aksione të ZPS-së ndaj ish pjesëtarëve të UÇK-së po ndodhin siç e quan ai, në frymën e Qeverisë së Kosovës.

    Ndaj deklaratave të Molliqajt, ka reaguar avokati Tomë Gashi, i cili në një intervistë ne emisionin A LIVE në ATV, tha se një qeveri ka faj që udhëheqësit e UÇK-së ndodhen në Hagë, dhe kjo qeveri, sipas Gashit, është ajo e vitit 2015 dhe jo e tanishmja.

    “Një qeveri ka faj, definitivisht edhe ka faj shumë, edhe për shkak të asaj qeverie, i kemi udhëheqësit e Ushtrisë Çlirimtare të Kosovës në burg, në Hagë, për më tepër se tri vite dhe besoj që ajo qeveri dihet fare lehtë se kush ka qenë, ka qenë qeveria e vitit 2015 dhe jo qeveria e tanishme dhe në vitin 2015, secili mundet fare lehtë ta dinë se kush ka qenë në pushtet. Kushdo që ka qenë në pushtet, ne e dimë, ata e dinë, edhe protestuesit, edhe politikanët, edhe secili e din kush ka qenë në pushtet para tetë viteve, por nuk ka qenë Lëvizja Vetëvendosje dhe nuk ka qenë Albin Kurti kryeministër. Në atë kohë Vetëvendosja ka qenë në opozitë dhe kushdo që e mban mend, nëse nuk e mban mend, Google ia përkujton, fare lehtë mund ta gjen edhe në Youtube që Lëvizja Vetëvendosje në momentin kur është votu Gjykata Speciale, saktësisht me 3 gusht vitit 2015, kanë dalë krejtësisht nga Parlamenti i Republikës së Kosovës, edhe në mënyrë demonstrative e kanë lëshuar Parlamentin e Republikës së Kosovës, sepse kanë qenë gjithmonë kundër Gjykatës Speciale, kanë qenë, janë dhe do të jenë kundër Gjykatës Speciale”, tha Gashi.

    Ai tha se tani, detyra e Qeverisë së Kosovës mund të jetë që përmes institucioneve përkatëse të përcjellë shkeljet e të drejtave të njeriut në procesin e gjykimit në Hagë.

    “Momentin kur ratifikohet një marrëveshje e tillë, kur e delegon sovranitetin juridik nga Kosova në një shtet tjetër, që në këtë rast është Holanda, saktësisht qyteti i Hagës, atëherë Qeveria e tanishme që është e Lëvizjes Vetëvendosje nuk ka fare se çfarë të bëjë. Detyra e Qeverisë është, përmes institucioneve përkatëse të përcjellë shkeljet e të drejtave të njeriut dhe besoj që duhet të reagohet në raste të caktuara, siç ka reaguar edhe vetë kryetari i Parlamentit të Kosovës, zoti Konjufca, i cili ka qenë në vizitë atje dhe ka pasur reagim, do të thotë për shkelje të të drejtave të njeriut”, tha Gashi. /atvlive.tv

  • Molliqaj: ZPS po e ndjek UÇK-në, jo krimet në Kosovë

    Molliqaj: ZPS po e ndjek UÇK-në, jo krimet në Kosovë

    Veteranë të Ushtrisë Çlirimtare të Kosovës kanë protestuar para bazës së EULEX-it në Fushë Kosovë, për të kundërshtuar bastisjet e Speciales të kryera ditët e fundit në Kosovë.

    Ata në bashkërendim edhe me Partinë Social Demokrate, ndonëse kjo e fundit nuk ka dhënë ndonjë njoftim zyrtar, përmes një aksioni simbolik, kanë hedhur telefona pranë kësaj baze.

    Kryetari i PSD-së, Dardan Molliqaj, në një prononcim për ATV-në, tha se ajo që ndodhi ditëve të fundit, sipas tij, ka qenë një plaçkitje e paligjshme e pronave të luftëtarëve të lirisë në Kosovë, e cila ka ndodhë nga Gjykata Speciale.

    “Sa herë që një organ që është i thirrur për të vendosur drejtësi dhe ka të pamundur për të bërë një gjë të tillë, atëherë fillojnë përndjekjet e stigmatizimet. Ajo që ka ndodhë ditëve të fundit ka qenë një plaçkitje e paligjshme e pronave të luftëtarëve të lirisë në Kosovë, e cila ka ndodhë nga Gjykata Speciale ose Dhomat e Specializume nën pretekstin për të vendosur drejtësi e për të penguar padrejtësinë që mund të bëjnë ushtarët e UÇK-së. Tani ata i kanë të gjitha provat, i kanë të gjitha materialet, por nuk po mund të vendosin asgjë kundër ushtarëve të UÇK-së”, tha Molliqaj.

    Molliqaj tha se këto veprime të Gjykatës Speciale ndaj ushtarëve të UÇK-së po ndodhin ën frymën e Qeverisë së Kosovës.

    “Gjithë kjo po ndodh në frymën e Qeverisë së Kosovës, e cila është qeveri e vetmja që nuk i ka ngritur të hyrat për invalidët e luftës, nuk i ka ngritur të hyrat për familjarët e dëshmorëve, nuk i ka ngritur ose i ka përjashtuar nga paga minimale veteranët dhe më e zeza prej të gjitha këtyre, ose më e rënda është që, siç edhe e dini nuk i ka financuar as protezat për invalidët e luftës. Nuk është e rastësishme kjo. Nuk ka ndodhë asnjëherë nga asnjë qeveri një veprim i tillë çfarë kjo qeveri po e bën. Prandaj, kemi sulm të drejtpërdrejtë nga Dhomat e Specializume për t’i shantazhuar ushtarët e UÇK-së dhe kemi heshtje edhe denigrim të dinjitetit të kategorive të dalura nga lufta. Besoj që ky është një koordinim i dyanshëm, i dëmshëm dhe i rrezikshëm për ata që ne e quajmë vlerën sublime të shtetit të Kosovës, që është Ushtria Çlirimtare e Kosovës”, tha Molliqaj.

    Ai tha se ZPS po e ndjekë UÇK-në dhe jo krimet në Kosovë.

    “Nuk është çështje e koordinimit formal dhe marrëveshjes, është çështje e frymës. ZPS-ja po e ndjek UÇK-në, jo krimet në Kosovë. Po i përndjek komandantët e ushtarët e saj, duke ua konfisku pronat e tyre në mënyrë të paligjshme dhe të dhunshme. Ju e dini se siç janë ligjet për konfiskime tilla. Nuk bëhet ashtu siç shkojsh në kafe me ia ngjit telefonin. Nuk është e lejuar asnjëherë. Fillimisht duhet të njoftohet personi, kush janë ata, pse po duan, pastaj përmes procesverbalit konfiskohet telefoni, nuk konfiskohet në mënyra klandestine, ndërsa atë që e thashë, po e përsëris prapë, më thoni ju cilës kategori në Kosovë nuk ju ka arritur paga. Unë t’i përmenda tri prej tyre. Ato janë familjet e dëshmorëve, invalidët e luftës dhe veteranët janë përjashtu. Dhe mos harroni asnjëherë, që tri vite nuk janë nda fundet për proteza. Nëse veteranët na qenkan të rrejshëm, a janë dëshmorët të rrejshëm? Nëse veteranët na qenkan të rrejshëm ndonjë prej tyre, a janë familjet e dëshmorëve dhe invalidët që kanë proteza të rrejshëm. Pra nuk ka të bëjë me veteranë të rrejshëm, ka të bëjë me përndjekje të kësaj kategorie që po i bëhet nga Qeveria e Kosovës”, tha Molliqaj.

    Ndërsa, kryetari në detyrë i Shoqatës së Veteranëve të Luftës së UÇK-së, Faton Klinaku, në fjalimin e tij para protestuesve, tha se as ZPS as EULEX-i nuk mund t’ua marrë telefonat, pasi sipas tij, për këtë është Policia e Kosovës që mund ta bëjë këtë nëse është e nevojshme.

    “Zyra e Prokurorit të Specializuar e as EULEX-i s’mund të na marrë (telefonat), këtu është Policia e Republikës së Kosovës, jemi shtet. Nëse këta kanë nevojë për telefonat tonë, e bëjnë policia e jonë një shkresë edhe thonë na duhet telefoni për ta konfiskuar, për të hetuar, se s’kanë çka hetojnë. Unë kam tregu që ne flasim në telefona, qofshin ata të thjeshtë apo inteligjentë, ata vazhdimisht janë duke na përgjuar dhe s’kanë nevojë me na i konfisku telefonat sikur hajnat e kriminelët, sepse ka raste kur njerëzve iu kanë shku në tavolina duke pirë kafe, pa i thënë asgjë ia kanë kapë telefonin. A është normale kjo. Prandaj, ne si organizues të kësaj proteste, kemi mëndu që t’ju japim këtyre telefona nëse ju duhen”, tha Klinaku. /atvlive.tv

  • Protesta e OVL-UÇK-së, veteranët hedhin telefonat para bazës së EULEX-it në Fushë Kosovë

    Protesta e OVL-UÇK-së, veteranët hedhin telefonat para bazës së EULEX-it në Fushë Kosovë

    Veteranë të Ushtrisë Çlirimtare të Kosovës janë mbledhur para bazës së EULEX-it në Fushë Kosovë. Përmes protestës, ata po kundërshtojnë bastisjet e Speciales të kryera ditët e fundit në Kosovë.

    Veteranë të Ushtrisë Çlirimtare të Kosovës janë mbledhur para bazës së EULEX-it në Fushë Kosovë.

    Përmes protestës, ata po kundërshtojnë bastisjet e Speciales të kryera ditët e fundit në Kosovë.

    Gjithashtu, telefoni u është konfiskuar ish-komandantit të Zonës Operative të Llapit, Rrustem Mustafa, ish-të burgosurit politik, Nait Hasani, si dhe Arben Mustafës-vëllait të Salih Mustafës i cili është i dënuar në shkallë të parë nga Gjykata Speciale me 26 vjet burgim.

    Kryetari në detyrë i Shoqatës së Veteranëve të Luftës së UÇK-së, Faton Klinaku, në fjalimin e tij para protestuesve, tha se as ZPS as EULEX-i nuk mund t’ua marrë telefonat, pasi sipas tij, për këtë është Policia e Kosovës që mund ta bëjë këtë nëse është e nevojshme.

    “Zyra e Prokurorit të Specializuar e as EULEX-i s’mund të na marrë (telefonat), këtu është Policia e Republikës së Kosovës, jemi shtet. Nëse këta kanë nevojë për telefonat tonë, e bëjnë policia e jonë një shkresë edhe thonë na duhet telefoni për ta konfiskuar, për të hetuar, se s’kanë çka hetojnë. Unë kam tregu që ne flasim në telefona, qofshin ata të thjeshtë apo inteligjentë, ata vazhdimisht janë duke na përgjuar dhe s’kanë nevojë me na i konfisku telefonat sikur hajnat e kriminelët, sepse ka raste kur njerëzve iu kanë shku në tavolina duke pirë kafe, pa i thënë asgjë ia kanë kapë telefonin. A është normale kjo. Prandaj, ne si organizues të kësaj proteste, kemi mëndu që t’ju japim këtyre telefona nëse ju duhen”, tha Klinaku.

    Gjatë protestës u zhvillua edhe një aksion simbolik, ku protestuesit hodhën telefona para bazës së EULEX-it në Fushë Kosovë. /atvlive.tv

  • ShBA-ja e ndihmon Kosovën – Osmani e Monagha nënshkruajnë marrëveshje prej rreth 35 milionë €

    ShBA-ja e ndihmon Kosovën – Osmani e Monagha nënshkruajnë marrëveshje prej rreth 35 milionë €

    Presidentja e vendit, Vjosa Osmani dhe ushtruesja e detyrës së drejtoreshës së USAID-it, Kerry Monaghan Hogler, kanë nënshkruar marrëveshje në vlerë prej 34.72 milionë euro.

    Osmani me këtë rast tha se marrëveshja nënshkruhet në bazë të amendamentit numër 5 të marrëveshjes së grantit.

  • Ashton: Duhet bërë kompromise për diçka më të madhe

    Ashton: Duhet bërë kompromise për diçka më të madhe

    Ish-përfaqësuesja e Lartë e Bashkimit Evropian për Punë të Jashtme, Catherine Ashton, ka folur të premten në Prishtinë për rëndësinë e bërjes së kompromiseve në dialogun mes Kosovës dhe Serbisë për të arritur diçka më të madhe.

    Në një bashkëbisedim me ish-të dërguarin amerikan për Ballkanin Perëndimor, Philip Reeker, Ashton ka folur për vështirësitë në dialogun mes dy vendeve në kohën kur ajo e ka ndërmjetësuar këtë proces 10 vjet më parë.

    “Shpresoj që e kuptoni sa të rëndësishëm jeni për mua”, ka thënë ajo, duke shtuar se beson që e ardhmja e Kosovës do të jetë në Bashkimin Evropian.

    Në diskutimin e organizuar nga Grupi për Ballkanin, për dialogun mes Kosovës dhe Serbisë, Ashton ka thënë se dialogu nuk ka qenë kurrë i lehtë, dhe zbatimi i marrëveshjeve është gjithmonë diçka më e vështirë sesa arritja e tyre.

    “Është e rëndësishme që dialogu të shihet si diçka që rrjedh në vazhdimësi, nuk më takon mua, apo Reekrit, ju takon juve. Dialogu ju takon juve dhe Serbisë”, ka thënë Ashton.

    “BE-ja bën vazhdimisht kompromise të brendshme për të fituar diçka më të madhe, por pa hequr dorë nga parimet. Megjithatë, duket gjetur mënyra si mund të bëni ndryshime të vogla për të krijuar diçka më të madhe”.

    Ashton, e cila është në Prishtinë për promovimin e librit të saj “Dhe më pas çka: Rrëfimet e brendshme të diplomacisë së shekullit XIX”, ka thënë se synimi i saj kryesor gjatë ndërmjetësimit të dialogut, ka qenë që t’i përgatisë dy vendet për t’u anëtarësuar në BE.

    Nën ndërmjetësimin e saj, Kosova dhe Serbia e kanë arritur marrëveshjen e parë në kuadër të dialogut, me qëllim të normalizimit të marrëdhënieve.

    Ashton ka thënë se shpreson që dialogu mes dy vendeve do të kalojë në fazë të re, ndonëse e ka përmendur se nuk do të jetë e lehtë.

    “Jam e përkushtuar për dialog dhe për të ndihmuar në për t’iu ndihmuar vendeve në rrugën e tyre drejt BE-së”.

    Rundi i ri i dialogut të nivelit të lartë mes Kosovës dhe Serbisë, është mbajtur më 14 shtator.

    Takimi ka përfunduar pa ndonjë rezultat.

    Departamenti amerikan i Shtetit është shprehur i zhgënjyer për një epilog të tillë.

    Ashton ka pasur një këshillë për liderët aktualë që janë pjesë e dialogut – të pyeten se në çfarë drejtimi i shtyn përpara udhëheqësia e tyre.

    “Nëse nuk ju pëlqen diçka që prezantohet, në rregull, por çfarë mund të bëni ju më shumë? Neve na intereson që Brukselit t’i thuhet nuk na pëlqen kjo, por e kemi këtë propozim, kjo është shumë e rëndësishme për ne”.

    Pati zëra kundër prezencës amerikane në dialog

    Ish i dërguari amerikan për Ballkanin Perëndimor Philip Reeker, ka thënë në Prishtinë se sheh ndryshim të madh në zhvillim të Kosovës, në krahasim me herën e parë kur ka qenë në këtë vend, më shumë se një dekadë më parë.

    Duke e komentuar dialogun, Reeker ka thënë se fillimisht ka pasur zëra që nuk e kanë dëshiruar prezencën amerikane në këtë proces.

    “Herën e parë që udhëtova në Bruksel, më thanë që të ulesha diku në qoshe të dhomës. Në fund të diskutimeve ata më pyesnin për ide e qëndrime të SHBA-së rreth procesit, dhe më pas më ftuan në tavolinë të dialogut”.

    Ai ka thënë se i gjithë përparimi që është arritur mes Kosovës dhe Serbisë në kuadër të dialogut, është sepse ato kanë dashur diçka të tillë.

    “Nëse ka pasur sukses është sepse dy palët kanë dashur të ketë sukses, duke i lënë anash emocionet dhe kanë arritur marrëveshje që do të mund të ofronin mundësi më të mira për qytetarët. Prandaj ekziston diplomacia”.

    Ai ka thënë se ekzistenca e BE-së është shembulli më i mirë se çfarë vendimesh duhet të marrin liderët, duke e përmendur se si është formuar blloku evropian – në të mirë të qytetarëve – duke i tejkaluar dallimet që ekzistojnë mes 27 vendeve anëtare.

    “Ajo që ka ndodhur 10 vjet më parë ka qenë e jashtëzakonshme dhe ka treguar se çfarë mund të bëhet”, ka thënë diplomati i pensionuar amerikan, duke iu referuar marrëveshjes së arritur mes Kosovës dhe Serbisë më 2013.

    Kosova dhe Serbia janë pjesë e dialogut të ndërmjetësuar nga BE-ja, për normalizim të raporteve, prej vitit 2011.

    Palët kanë nënshkruar një mori marrëveshjesh, por jo të gjitha janë zbatuar. /REL

  • Ekspertët: Dialogu Kosovë-Serbi është në ngërç, duhet ndryshuar qasja

    Ekspertët: Dialogu Kosovë-Serbi është në ngërç, duhet ndryshuar qasja

    Njohës të zhvillimeve në Ballkanin Perëndimor vlerësojnë se takimi i dështuar ndërmjet Kryeministrit të Kosovës, Albin Kurti dhe Presidentit të Serbisë dëshmoi se procesi i dialogut mes Kosovës dhe Serbisë, i ndërmjetësuar nga Bashkimi Evropian dhe i mbështetur nga Shtetet e Bashkuara, ka hyrë tashmë në një qark të mbyllur.

    Ekspertë perëndimorë thanë sot se dalja nga kjo situatë mund të bëhet vetëm përmes një procesi të reformuar, me qëllime të qarta dhe një plan të dytë.

    “Nuk jam i befasuar që nuk ka pasur përparim. Është një lloj trajektore e dialogut që ka kohë që është në ngërç. Dhe ky jo domosdoshmërisht vetëm për fajin e ndërmjetësve… sepse suksesi i tyre varet nga palët dhe nëse palët nuk duan të lëvizin në një drejtim të caktuar, atëherë nuk ka për të ndodhur”, i tha Zërit të Amerikës analisti Leon Hartwell pranë Qendrës për Analiza të Politikave Evropiane dhe Shkollës Ekonomike të Londrës

    Analistja Majda Ruge nga Këshillit Evropian për Marrëdhënie me Jashtë tha se ndonëse pritshmëritë ishin që takimi mes zotit Kurti dhe zotit Vuçiç do të krijonte një moment për t’i dhënë kahje të re dhe një kornizë më konstruktive zbatimit të marrëveshjes bazë mes dy vendeve, nuk është për t’u habitur që ai nuk i përmbushi këto pritshmëri.

    “Pse po vazhdojmë të dështojmë? Siç ka thënë Ainshtajni përkufizimi i çmendurisë është të bësh gjithmonë të njëjtën gjë dhe të presësh rezultat tjetër. E tërë korniza e Bashkimit Evropian për ndërmjetësim po vazhdon me të njëjtën qasje ndërkohë që po neglizhon sfidat që nuk do të zhduken nëse nuk e ndryshojmë qasjen. Duhet të shtrojmë pyetjen se çfarë pritet prej Kosovës, çfarë pritet nga Serbia si ofertë ndaj Kosovës dhe sa vëmendje të lartë politike dhe ndikim janë të gatshëm të investojnë Bashkimi Evropian dhe lojtarët e tjerë të jashtëm,” thotë për Zërin e Amerikës, ekspertja Majda Ruge nga Këshilli Evropian për Marrëdhënie me Jashtë.

    Zonja Ruge thotë se problemi qëndron te dy pikëpamje krejtësisht të ndryshme të Prishtinës dhe Beogradit, në veçanti rreth çështjes së krijimit të asociacionit të komunave me shumicë serbe në Kosovë, zbatimi i të cilës është shndërruar në pengesën kryesore në këtë proces. Sipas saj, Kryeministri Kurti e konsideron asociacionin si një organizim pa kompetenca ekzekutive, ndërsa presidenti Vuçiç e sheh si një strukturë me kompetenca vendim-marrëse dhe ekzekutive.

    “Kjo është diçka që Prishtina nuk e pranon…sepse e konsideron si një instrument për ndërhyrje politike nga Beogradi në çështjet e Kosovës”, thotë ajo.

    Sipas zotit Hartwell, dështimi i dialogut do të vazhdojë të paraqesë shqetësim për Bashkimin Evropian dhe NATO-n për situatën e tensionuar ndërmjet Kosovës dhe Serbisë, që u përshkallëzua pak kohë pas pajtimit të dyja palëve me marrëveshjen bazë mes përplasjeve të dhunshme në komunat veriore të Kosovës. Sipas tij, në të ardhmen të afërt, bashkësia ndërkombëtare do të përqëndrohet tek frenimi i përshkallëzimit të mëtejshëm. Por në të ardhmen afatgjatë, sipas zotit Hartwell, dështimi i dialogut do të ketë pasoja për Kosovën dhe Serbinë në rrugën e tyre evropiane dhe do t’i detyrojë të dyja vendet të jetojnë në një gjendje të vazhdueshme pasigurie.

    “Dialogu nuk ka qëllim të qartë. Bashkimi Evropian flet për ‘normalizim,’ por ky koncept nuk ka asnjë kuptim… Ndërmjetësit duhet të jenë më të qartë se çfarë duan të arrijnë. Janë dy çështje rreth këtij konflikti që duhet pasur parasysh. Siguria dhe respektimi i sovranitetit të Kosovës. Pastaj, ndërmjetësit nuk e kanë një plan të dytë. Po ta kuptonin se dialogu është në ngërç, do t’i ndihmonte që të tregojnë më shumë imagjinatë për të arritur qëllimet kryesore nga këto negociata. Nuk mund të negociosh vetëm sa për të arritur një marrëveshje. Negocion për të arritur një qëllim. Ata duhet ta bëjnë të qartë këtë.”

    Zoti Hartwell thotë se Bashkimi Evropian dhe Shtetet e Bashkuara duhet të kalibrojnë qasjen e ndëshkimeve dhe shpërblimeve.

    “Kur situata u përshkallëzua në veri, Kosova u ndëshkua duke u përjashtuar nga stërvitjet me disa anëtarë të NATO-s. Disa javë më vonë, në Serbi u mbajt një stërvitje ushtarake ku morën pjesë tetë shtete të NATO-s. Ajo nuk u dënua për dhunën, ndonëse ka lidhje të forta midis regjimit të Vuçiçit dhe partisë kryesore serbe në Kosovë,” theksoi ai.

    Ai mendon se në të ardhmen trysnia do të vazhdojë të shtohet ndaj Kosovës, por se diplomatët perëndimorë duhet të tregohen më të paanshëm në raport me dyja vende.

    “Serbia, në thelb, mban çelësin për t’i dhënë fund kësaj përplasjeje. Po të ishte zoti Vuçiç serioz për arritjen e paqes seriozisht, ai do t’i jepte fund që sot (krizës),” thotë ai.

    Por sipas zonjës Ruge, nuk ka shpresë për ndonjë përparim.

    “E ardhmja do të jetë e njëjtë – një kombinim mes përpjekjesh për të sjellë ndryshime në terren dhe për ta çuar dialogun përpara, me vizita të vazhdueshme në Bruksel, dhe një konferencë tjetër shtypi se përse kemi dështuar të përparojmë dhe me ndonjë përshkallëzim në terren, varësisht se sa seriozë janë aktorët e jashtëm, BE dhe SHBA, për t’i bërë trysni Serbisë që të mos nxisë probleme në veri.”

  • Osmani dhe USAID nënshkruajnë sot marrëveshjen mbi 34 milionë dollarësh

    Osmani dhe USAID nënshkruajnë sot marrëveshjen mbi 34 milionë dollarësh

    Presidentja e Kosovës, Vjosa Osmani dhe USAID do të nënshkruajnë sot (e premte) marrëveshjen e grantit në vlerë prej 34 milionë e 727 mijë dollarë.

    Sipas njoftimit të Presidencës, marrëveshja e grantit për objektivat zhvillimore do të nënshkruhet në ora 11:00.

    “Amendamenti nr.05 i marrëveshjes së grantit për objektivat zhvillimore do të nënshkruhet nga Presidentja Osmani në emër të Republikës së Kosovës dhe nga U.D drejtoresha e USAID Kerry Monaghan Hogler, në emër të USAID”, thuhet në njoftim.

  • 25 vjet nga Beteja e Kaqandollit

    25 vjet nga Beteja e Kaqandollit

    Sot bëhen 25 vjet nga beteja e Kaqandollit.

    Beteja e Kaqandollit është njëra ndër betejat më të lavdishme të UÇK-së, jo vetëm në Llap por në tërë Kosovën.

    Beteja e Kaqandollit, ishte beteja e parë frontale në Llap që e zhvilloi UÇK-ja kundër forcave serbe.

    Gjatë kësaj beteje 3 ditore nga radhët e UÇK-ës ranë 7 dëshmorë të Ushtrisë Çlirimtare të Kosovës: Bekim Maliqi, Bekim Lushaku, Nazmi Zhegrova, Fadil Sejdiu, Habib Zeka, Islam Rekaliu dhe Selim Rekaliu.