ATV

Tag: Ballina

  • Viola Von Cramon: Të vendoset prani e fuqishme e KFOR’it në gjithë Veriun e Kosovës

    Viola Von Cramon: Të vendoset prani e fuqishme e KFOR’it në gjithë Veriun e Kosovës

    Raportuesja e Bashkimit Evropian për Kosovën, Viola von Cramon, ka dënuar sulmin në veri, ku u vra një polic i Kosovës

    Viola con Cramon ka thënë se duhet të vendoset prani e fuqishme e KFOR’it në Veri të Kosovës.

    Ajo e ka quajtur sulm të orkestruar, po ashtu ka kërkuar që të hetohet pjesëmarrja eventuale e strukturave serbe nga Beogradi.

    ”Dënoj në termat më të ashpër të mundshëm sulmin e dhunshëm ndaj Policisë së Kosovës dhe shpreh solidaritetin tim të plotë me popullin e Kosovës.Sulmi i orkestruar ndaj forcave legjitime të policisë është absolutisht i papranueshëm, autorët e të cilit duhet të sillen para drejtësisë”, ka thënë ajo.

    ”Pjesëmarrja e mundshme e strukturave serbe (nga Beogradi) duhet të hetohet, ndërkohë që është e domosdoshme të ndërmerren të gjitha veprimet e nevojshme për të ruajtur qetësinë dhe rendin. Prandaj, unë u bëj thirrje të gjithë aktorëve që të bindin njerëzit e armatosur në manastirin e Banjskës që të lënë armët dhe dorëzohet pa vonesë të mëtejshme”, ka thënë Viola con Cramon.

    Më tutje ka thënë se Qeveria duhet të i marrë të gjitha masat deeskaluar.

    Po ashtu ka shprehur ngushëllime për familjen e policit të vrarë.

    ”Unë mirëpres në këtë aspekt masat e kujdesshme dhe deskaluese të qeverisë së Kosovës sot, duke shpresuar që të gjithë të qëndrojnë të qetë në çdo pjesë të Kosovës. Unë shpreh ngushëllimet e mia në emër të Parlamentit Evropian të familjes së policit të Kosovës të vrarë sot detyrë dhe sinqerisht shpreson në shërimin sa më të shpejtë të të lënduarve”, ka thënë ajo.

    Për më shumë detaje për zhvillimet e fundit në veri, shikoni STUDIO E HAPUR drejtpërdrejt në ATV:

  • Hovenier dekarohet pas takimit me Kurtin

    Hovenier dekarohet pas takimit me Kurtin

    Ambasadori i ShBA-së, Jeff Hovenier ka qëndruar në objektin e Qeverisë së Kosovës, ku është takuar me kryeministrin, Albin Kurti.

    Ky takim është mbajtur pas zhvillimeve të fundit të veri të vendit, ku një polic është vrarë dhe dy tjerë janë plagosur.

    Hovenier para gazetarëve tha se nuk ka diçka më shumë sesa ato që ka thënë në deklaratën e lëshuar për media pak më herët ku dënoi vrasjen e policit Afrim Bunjaku dhe kërkoi që autorët të sillen para drejtësisë.

    “S’kemi për të thënë diçka më shumë se reagimet që i kemi lëshuar”, tha shkurt Hovenier

    Për më shumë detaje për zhvillimet e fundit në veri, shikoni STUDIO E HAPUR drejtpërdrejt në ATV:

  • Ambasada Britanike e dënon vrasjen e policit, e mirëpret koordinimin e Policisë me EULEX’in dhe KFOR’in

    Ambasada Britanike e dënon vrasjen e policit, e mirëpret koordinimin e Policisë me EULEX’in dhe KFOR’in

    Britania e Madhe ka reaguar pas ngjarjeve të sotme në Veri ku mbeti i vrarë një polic i Kosovës dhe dy të tjerë u lënduan.

    Në reagimin e publikuar nga ambasada britanike në Kosovë, Britania e Madhe ka dënuar “sulmin e dhunshëm ndaj Policisë së Kosovës në Banjska/Banjskë në orët e hershme të mëngjesit të sotëm”.

    Po ashtu, ambasada ka ngushëlluar për vrasjen e policit Afrim Bunjaku.

    “Ngushëllimet tona më të thella shkojnë për familjen dhe kolegët e policit të Kosovës Afrim Bunjaku, i vrarë në krye të detyrës. I urojmë shërim të shpejtë oficerëve të plagosur në sulm. Ne bëjmë thirrje për qetësi dhe për zgjidhje paqësore të situatës së vazhdueshme në Banjskë”.

    Britania e Madhe tha se institucionet e Kosovës duhet të lejohen të hetojnë dhe të identifikojnë autorët e këtij sulmi të tmerrshëm, në mënyrë që ata të sillen para drejtësisë në përputhje me sundimin e ligjit.

    “E mirëpresim bashkërendimin e ngushtë të Policisë së Kosovës, si reagues i parë, me EULEX-in dhe KFOR-in”.

    Për më shumë detaje për zhvillimet e fundit në veri, shikoni STUDIO E HAPUR drejtpërdrejt në ATV:

  • Vjen reagimi i parë i KFOR-it: Ushtarët tanë janë afër Banjskës, gati të përgjigen nëse kërkohet

    Vjen reagimi i parë i KFOR-it: Ushtarët tanë janë afër Banjskës, gati të përgjigen nëse kërkohet

    Misioni i KFOR-it kanë reaguar pas vrasjes së një pjesëtari të Policisë së Kosovës dhe plagosjes së dy të tjerëve në veri të vendit.

    KFOR kanë thënë se po e montirojnë nga afër situatën në Banjska dhe se trupat e KFOR-it janë prezente në atë pjesë dhe të gatshme të përgjigjen nëse shfaqet nevoja.

    Në reagim tutje thuhet se Policia e Kosovës, si përgjegjës i parë, ka përgjegjësinë primare për menaxhimin e incidentit në terren.

    KFOR potencon se Komandanti i tyre është në kontakt konstant me të gjithë palët, përfshirë BE-në, komandantin e Forcave serbe, institucionet e Kosovës dhe po punon intensivisht për të gjetur një zgjidhje.

    “Komandanti i KFOR-it është në kontakt të ngushtë dhe të vazhdueshëm me të gjitha palët e interesuara ndërkombëtare, përfshirë BE-në, Shefin e Shtabit të Forcave të Armatosura të Serbisë dhe me institucionet në Kosovë, dhe po punon intensivisht për të gjetur një zgjidhje.Misioni i KFOR-it i udhëhequr nga NATO dënon ashpër sulmin kundër Policisë së Kosovës dhe dërgon ngushëllimet më të thella për familjen dhe të dashurit e të ndjerit”, thuhet në reagim.

  • Pas Borell edhe Lajçak e dënon vrasjen e policit: Autorët të sillen para drejtësisë, palët t’i kthehen dialogut

    Pas Borell edhe Lajçak e dënon vrasjen e policit: Autorët të sillen para drejtësisë, palët t’i kthehen dialogut

    Për sulmin në Veri të Kosovës ku u vra edhe një pjesëtar i Policisë së Kosovë, ka reaguar edhe Miroslav Lajçak, emisari i Bashkimit Evropian për dialogun Kosovë – Serbi.

    Lajçak shpërndau postimin e zyrtarit të lartë të BE-së, Josep Borrell dhe shtoi se dënon sulmon e tmerrshëm kundër Policisë së Kosovës.

    AI ka kërkuar që autorët e krimit të dalin para drejtësisë.

    Po ashtu Lajçak ka shkruar se të gjithë duhet t’i kthehen dialogut menjëherë.

    ”Dënoj fuqishëm sulmin e tmerrshëm kundër policisë së Kosovës mbrëmë. Dhuna e çdo forme është absolutisht e papranueshme. Zemra ime është për viktimat, familjet dhe kolegët e tyre. Autorët duhet të dalin para drejtësisë. Të gjithë duhet t’i kthehen dialogut menjëherë”, ka shkruar Lajçak në Twitter.

    Lajçak ditëve të fundit është akuzuar nga kryeministri Albin Kurti që në procesin e
    dialogut është i njëanshëm, në favor të Serbisë.

  • Borrell e dënon vrasjen e policit, thotë se ka rrezik të vriten njerëz tjerë përreth Manastirit të Banjskës

    Borrell e dënon vrasjen e policit, thotë se ka rrezik të vriten njerëz tjerë përreth Manastirit të Banjskës

    Shefi i Bashkimit Evropian për Politikë të Jashtme dhe Siguri, Josep Borrell, ka reaguar për sulmin në Veri, ku u vra një pjesëtar i Policisë.

    Borrell e ka dënuar këtë sulm dhe ka kërkuar që autorët përgjegjës të përballen me drejtësinë. Ai ka thënë se ka rrezik të vriten edhe njerëz të tjerë përreth Manastirit të Banjskës.

    ”Dënoj në termat më të ashpër të mundshëm sulmin e shëmtuar nga një bandë e armatosur kundër policëve të Kosovës në në veri të Kosovës, i cili la të vdekur një polic dhe dy të plagosur. Të gjitha faktet rreth sulmit duhet të vërtetohen. Autorët përgjegjës duhet të përballen me drejtësinë”, ka thënë ai.

    ”Më shumë jetë të pafajshme janë në rrezik në armiqësitë e vazhdueshme në rrethinat e Manastirit të Banjskës. Këto sulme duhet të ndalen menjëherë”, ka kërkuar Borrell.

    “EULEX-i, si reagues i dytë i sigurisë, është në terren dhe në kontakt të ngushtë me autoritetet dhe KFOR-in. BE-ja dhe shtetet e saj anëtare vazhdimisht u bëjnë thirrje të gjithë aktorëve që të punojnë për të de-përshkallëzuar situatën në veri të Kosovës”, ka thënë ai.

    Një polic është vrarë në Veri të Kosovës dhe ky sulm po dënohet nga bashkësia ndërkombëtare.

    Qeveria e Kosovës e ka cilësuar sulmin si akt terrorist, madje kryeministri Kurti ka publikuar fotografi të këtyre grupeve.

  • Kurti publikon pamjet nga vendi i ngjarjes: Janë së paku 30 persona të armatosur rëndë që ndodhen nën rrethimin e forcave tona, i ftoj të dorëzohen

    Kurti publikon pamjet nga vendi i ngjarjes: Janë së paku 30 persona të armatosur rëndë që ndodhen nën rrethimin e forcave tona, i ftoj të dorëzohen

    Kryeministri i vendit, Albin Kurti, në një konferencë të jashtëzakonshme për media ka njoftuar se në zonën ku u vra rreshteri Afrim Bunjaku, ndodhen rreth 30 persona rëndë të armatosur nën rrethimin e policisë, dhe të njëjtit i fton që të dorëzohen.

    “Janë së paku 30 persona të armatosur rëndë, profesionistë, ushtarakë e policë, që janë nën rrethimin e forcave tona dhe i ftoj të dorëzohen. Ata janë që po e sulmojnë policinë tonë edhe pasi e kanë vrarë Afrim Bunjakun dhe kanë plagosur Alban Rashitin”, tha Kurti.

    Tutje, Kurti tha se Afrim Bunjaku, u vra mizorisht në krye të detyrës.

    Ai konferencën e nisi me fjalët pati “sulm terrorist ndaj policisë, rendit sigurisë dhe paqes, në mëngjesin e sotëm pas një sulmi të orkestruar ka humbur jetën Afrim Bunjaku, në trajtim ndodhet Alban Rashiti që ndodhet jashtë rrezikut për jetë, do të lirohet nga spitali sot pas operacionit që largoi një predhë nga krahu i majtë”, tha ai.

    “Zyrtarët janë sulmuar me armë të ndryshme, me granata dore e zollë”.

    Kurti tha se “sot është ditë e rëndë për vendin tonë, policisë do ti mungojë një zyrtar i përkushtuar i saj, ashtu siç do ti mungojë edhe familjes”.

    “Sulmet e grupeve të armataosura me armë të të gjitha llojeve ku u vra polici po vazhdojnë akoma”, konfirmoi ai.

    “Krimi i organizuar në mbështetje nga Beogradi zyrtar po e sulmon shtetin, në këtë betëje mbrojmë dhe zbatojmë ligjshmërinë”, tha ai.

    “Kriminelët dhe urdhër-dhënësit e tyre do të kapen, gjykohen e dënohen”, u zotua kryeministri.

    “Institucionet e shtetit janë të gatshme për t’iu përgjigjur sulmeve”.

    Kurti i ftoi të gjithë qytetarët që ta ruajnë qetësinë.

    “Qytetarët i ftoj të të gjitha komuniteteve ta ruajnë qetësinë dhe të tregojnë matur, duke lejuar institucionet përgjegjëse të sigurisë për të vendosur rend dhe ligj dhe për të sjellë siguri”, tha ai.

  • Mediat ndëkombëtare raportojnë për vrasjen e policit kosovar në veri

    Mediat ndëkombëtare raportojnë për vrasjen e policit kosovar në veri

    Vrasja e një rreshteri të policisë së Kosovës dhe plagosja e një tjetri është raportuar edhe në mediat botërore.

    Nga Reuters, BBC e deri te ABC News kanë raportuar për sulmin ndaj policisë së Kosovës në veri të vendit.

    Mediat ndërkombëtare cituan kryeministrin e Kosovës, Albin Kurti se në Banjskë të Leposaviqit është sulmuar policia Kosovës nga persona të maskuar dhe të armatosur rëndë.

  • Lajmi i fundit: Dëgjohen të shtëna armësh në veri

    Lajmi i fundit: Dëgjohen të shtëna armësh në veri

    Një krizë e re e ka kapluar veriun e Kosovës. Grupe të armatosura kanë kryer sulmet sot në drejtim të Policisë së Kosovës, ku zyrtari policor me gradën e rreshterit, Afrim Bunjaku ka mbetur i vrarë në fshatin Banjskë të Leposaviqit, ndërsa një tjetër zyrtar policor kufitar është plagosu.

    Edhe në këto momente, në vend të ngjarjes po vazhdon te ketë të shtëna të kohë pas kohshme.

    Këtë e ka konfirmuar gazetari i ATV-së nga vendi i ngjarjes.

    “Prej pozitës ku jemi, te udhëkryqi ku çon për në brendësi të fshatit Banjë, që është afër vendit ku ka ndodhur edhe sulmi, ka më shumë se gjysmë ore që jemi këtu prezent dhe vazhdimisht ka të shtëna të shumta që duken rafalë të ndryshme që vinë prej armëve të ndryshme që nuk janë shumë larg. Kemi një kodër para dhe menjëherë prapa kodrës, aty ku është manastiri i Banjskë”, raporton gazetari i ATV-së nga vendi i ngjarjes. /atvlive.tv

  • ​Rohde: Sundimi i ligjit duhet të zbatohet në Kosovë

    ​Rohde: Sundimi i ligjit duhet të zbatohet në Kosovë

    Ambasadori gjerman në Kosovë, Jorn Rohde, deklaroi se autorit e vrasjes së rreshterit policor Afrim Bunjaku duhet të dalin para drejtësisë.

    Përmes një postimi në rrjete sociale ku ka shprehur dakordimin me ambasadorin amerikan Hovenier, tha se sundimi i ligjit duhet të zbatohet në Kosovë.

    “Unë pajtohem plotësisht me deklaratën e kolegut tim amerikan. Autorët e këtij sulmi vrasës kundër zyrtarëve të rendit të Kosovës duhet të dalin para drejtësisë. Sundimi i ligjit duhet të zbatohet në Kosovë. Ngushëllimet e mia të përzemërta shkojnë për familjen e policëve të vdekur të PK-së dhe për policët e plagosur të PK-së”, shkroi Rohde.

    Në orët e para të mëngjesit të ditës së sotme (e diel) është vrarë rreshteri i Policisë së Kosovës, Afrim Bunjaku ndërsa Alban Rashiti ka mbetur i plagosur. Ngjarja e rëndë ka ndodhur në fshatin Banjska të Zveçanit ku është sulmuar patrulla policore.