ATV

Tag: Ballina

  • Blinken dënon sulmet ndaj Policisë së Kosovës

    Blinken dënon sulmet ndaj Policisë së Kosovës

    Sekretari amerikan i Shtetit, Antony Blinken, tha se SHBA-ja dënon fuqishëm sulmet ndaj Policisë së Kosovës në veri të shtetit, duke u bërë thirrje qeverive të Kosovës dhe Serbisë që të ulin tensionet.

    “Autorët e këtij krimi duhet të mbahen përgjegjës përmes një procesi transparent të hetimit”, tha Blinken përmes një deklarate.

    Në orët e hershme të së dielës, Policia e Kosovës u sulmua nga një grup i personave të maskuar dhe armatosur, pasi autoritetet e rendit tentuan të largonin barrikadat e vendosura në Banjskë të Zveçanit.

    Si pasojë e përleshjeve, zyrtari policor, Afrim Bunjaku, u vra dhe disa të tjerë u plagosën.

    Grupi i armatosur më pas u strehua në manastirin e Banjskës dhe gjatë ditës u përlesh me Policinë e Kosovës.

    Të dielën, autoritetet thanë se tre sulmues u vranë, ndërkaq më 25 shtator u raportua se është gjetur trupi i pajetë edhe një sulmuesi tjetër të dyshuar. Ndërkaq, gjashtë persona janë arrestuar.

    Kryeministri i Kosovës, Albin Kurti, i ka përshkuar sulmuesit e armatosur si “një njësi e organizuar profesionale, që ka ardhur për të luftuar në Kosovë”.

    Presidenti i Serbisë, Aleksandar Vuçiq, tha se personat e armatosur ishin serbë lokalë të Kosovës, “të cilët nuk mund të vuanin më terrorin e Kurtit”.

    Vuçiq e dënoi vrasjen e policit të Kosovës, duke thënë se ajo “nuk mund të justifikohet”, por mohoi se Beogradi kishte ndonjë lidhje me sulmin.

    Një ditë pas përleshjeve në veri, situata në këtë zonë të Kosovës – të banuar me shumicë serbe – raportohet se është e qetë, por qasja për në fshatin Banjskë në Komunën e Zveçanit është ende e mbyllur nga Policia e Kosovës. /rel

  • Gjendet trupi i pajetë i edhe një sulmuesi të dyshuar në veri

    Gjendet trupi i pajetë i edhe një sulmuesi të dyshuar në veri

    Prokuroria e Kosovës ka konfirmuar të hënën se e ka gjetur trupin e pajetë të edhe një sulmuesi të dyshuar në veri të vendit, duke e çuar në katër numrin e sulmuesve të vrarë.

    Trupi i pajetë është gjetur rreth 1.5 kilometra larg “vendit të incidentit”, një ditë pasi një grup prej dhjetëra personave të armatosur e sulmuan Policinë e Kosovës.

    Lajmi u konfirmua për Radion Evropa e Lirë nga prokurori Naim Abazi.

    “Jemi duke bërë përpjekje ta identifikojmë atë për momentin, pasi nuk kishte dokumente identifikimi me vete”, tha Abazi.

    Abazi tha se, po ashtu, është në vendin e ngjarjes është gjetur edhe një automjet tjetër me armatim.

    Policia e Kosovës u sulmua nga persona të maskuar në orët e hershme të së dielës pasi shkoi për t’i larguar barrikadat e vendosura në Banjskë, të cilët u strehuan në manastirin e fshatit më vonë.

    Si pasojë, zyrtari i Policisë së Kosovës, Afrim Bunjaku, u vra dhe disa të tjerë u plagosën.

    Të dielën, autoritetet kosovare thanë se tre sulmues u vranë gjatë sulmit, ndërsa gjashtë persona, që dyshohet se ishin në kontakt me ta, u arrestuan.

    Kryeministri i Kosovës, Albin Kurti, tha të dielën se një “formacion terrorist dhe kriminal prej 30 vetave” mori pjesë në sulm.

    Gjendja në veri të Kosovës të hënën është e qetë, por qasja për në fshatin Banjskë në Komunën e Zveçanit është ende e mbyllur nga policia e Kosovës, pas sulmit vdekjeprurës të së dielës nga persona të armatosur dhe maskuar.

    Njësia Speciale e Kosovës e ka vendosur një automjet të blinduar dhe vetura të tjera në kryqëzimin Ballaban, i cili dërgon në Banjskë.

    Duke folur në një konferencë për gazetarë, Kurti i përshkroi sulmuesit e armatosur si “një njësi e organizuar profesionale, që ka ardhur për të luftuar në Kosovë”.

    Ai i bëri thirrje grupit që t’iu dorëzohet autoriteteve kosovare.

    Presidenti i Serbisë, Aleksandar Vuçiq, tha se personat e armatosur ishin serbë lokalë të Kosovës, “të cilët nuk mund të vuanin më terrorin e Kurtit”.

    Vuçiq e dënoi vrasjen e policit të Kosovës, duke thënë se ajo “nuk mund të justifikohet”, por mohoi se Beogradi kishte ndonjë lidhje me sulmin.

  • Kurti: Policia në veri tregoi profesionalizëm, u parandalua një skenar kriminal dhe terrorist

    Kurti: Policia në veri tregoi profesionalizëm, u parandalua një skenar kriminal dhe terrorist

    Kryeministri Ablin Kurti, tha se rreshteri Afrim Bunajku, është hero i Kosovës, raporton Ekonomia Online. Sipas tij, të dielën Policia e Kosovës ka treguar profesionalizëm, duke parandaluar një skenar kriminal dhe terrorist.

    Kurti në akademinë komemorative kushtuar Bunjakut, tha se ligjshmëria, kushtetutshmëria, paqja dhe siguria do të jenë gjithmonë dhe çdo herë për gjithsecilin dhe pa dallime.

    “E diela 24 shtatorit na ka mbledhur sot këtu dhe shpirtërisht me gjithë Kosovë për të nderuar jetën dhe veprën e rreshter Afrim Bunjaku”.

    “Dita e sotme është ditë zie në vendin tonë për shkak të pikëllimit për Afrim Bunjakun. Por, e sotmja është edhe dita kur do t’i bëhen nderimet edhe më të mëdha për Afrimin, për Policinë tonë që me veprimet e saj profesionale dhe të guximshme e parandaloi një skenar kriminal dhe terrorist”.

    “Afrim Bunjaku u vra gjatë një sulmi nga një grup terroristësh. Nga dje asgjë nuk mund të jetë më njësoj, faktet dolën , për të parë të vërtetën e rajonit”.

    “Ky reagim i institucioneve tona profesionalisht ka qenë në përputhje me shtetin tonë demokratik dhe perëndimore. Sot përballë fotografisë së portretit të Afrim Bunajkut përkulemi me nderime dhe respekt si dhe zotohemi për drejtësi dhe kujtesë. Ligjshmëri dhe kushtetutshmëri, paqe dhe siguri për të gjithë dhe secilin pa dallim”, tha Kurti.

  • Osmani e nderon me urdhrin “Hero i Kosovës” Afrim Bunjakun: Sulmi kishte për qëllim destabilizimin e rajonit

    Osmani e nderon me urdhrin “Hero i Kosovës” Afrim Bunjakun: Sulmi kishte për qëllim destabilizimin e rajonit

    Presidentja e vendit, Vjosa Osmani, tha se ka ndarë urdhrin post-mortum “Hero i Kosovës”, për policin e vrarë, Afrim Bunjaku, raporton Ekonomia Online. Ajo tha se Bunjakut, ka qenë gardian i sigurisë se Kosovës e prej sot është heroi Kosovës.

    E para e shtetit pohoi se heroizmi Bunajkut do të jetë frymëzim për të gjithë, duke bërë thirrje që të jemi të bashkuar, kundër terrorizmit.

    Osmani shtoi se sulmi i djeshëm kishte për qëllim që ta destabilizonte jo vetëm Kosovën, por edhe të gjithë rajonit. “Ra në mbrojte të dinjitetit të Republikës sonë, andaj sot në emër të qytetarëve tanë do t’i ndaj urdhrin, post-mortom, urdhrin më të lartë të Kosovës. Dje u sfiduan nga banda terroriste të dirigjuara nga Beogradi dhe ai bëri ata që duhet, mbrojte integritetin territorial dhe vuri dinjitetin”.

    “Ai tregoi trimëri të pa shoq. Heroizmi i tij lë të na frymëzoj që të jemi të gjithë të bashkuar, kundër terrorizim. Republikën e Kosovës nuk do të arrij askush ta gjunjëzoj deri sa Kosova ka heronj si Afrim Bunjaku”, tha ajo.

  • Dugolli: Vuçiqi nuk u distancua, ai përkrahu dhe u solidarizua me grupin terrorist

    Dugolli: Vuçiqi nuk u distancua, ai përkrahu dhe u solidarizua me grupin terrorist

    Deputeti i Lëvizjes Vetëvendosje, Enver Dugolli, në emisionin A LIVE në ATV, tha se presidenti serb, Aleksandar Vuçiq, edhe pse mundohej të distancohet dhe fajin t’ua hedh serbëve të Kosovës, ai prapë nuk u distancua, por përkundrazi përkrahu dhe u solidarizua me aksionin e grupit terrorist.

    “Vuçiqi ndonëse në një far forme u distancu, mundohej të distancohej nga veprimi i djeshëm, por ai nuk u distancu, por përkundrazi e përkrahu aksionin e u solidarizu, por deshi prapë të instrumentalizojë qytetarët serbë të Mitrovicës dhe të veriut të Kosovës, deshi t’i instrumentalizojë, pra fajin t’ua hedh atyre. Nuk kishte të bënte asgjë me qytetarë, ata ishin njerëz të stërvitur, të uniformuar me pajisje dhe armatim ushtarak, pra një demamtim i plotë i asaj që mundohej që Vuçiqi të paraqiste, e diçka që ka ndodh dhe ua ka prishë planet edhe Vuçiqit edhe Serbisë është se fatbardhësisht, qytetarët serbë, të cilat dua t’i falënderoj, dua t’ua njoh këto merita, nuk iu bashkëngjitën aksionit, gjë që ata kanë llogaritë, edhe ky grupi terrorist edhe Serbisë, kanë llogaritur që qytetarët serbë do t’i mbështesin këto veprime të këtij grupi terrorist gjë që nuk ndodhi”, tha Dugolli.

    Ai tha se ky ishte një skenar i Serbisë dhe Vuçiqit, i cili përfundimisht dështoi.

    “Pa dyshim se një skenar i Serbisë, i Vuçiqit dështoi përfundimisht, pra ishte një skenar të cilin e ka përgatitur, e ka planifiku dhe ekzekutu Serbia Zyrtare sepse është e pamundur që një
    formacion i tillë me kaq arsenal të madh të armatimit dhe pajisjeve të ketë pasur mundësi të zhvillohet në Kosovë pa mbështetjen dhe direktivat nga Serbia Zyrtare”, vlerësoi Dugolli. /atvlive.tv

  • Sarrazin kërkon zgjidhje për zbatimin e Marrëveshjes së Ohrit

    Sarrazin kërkon zgjidhje për zbatimin e Marrëveshjes së Ohrit

    Emisari gjerman, Manuel Sarrazin, tha se duhet ecur përpara në gjetjen e një zgjidhjeje për implementimin e Marrëveshjes së Ohrit.

    Sipas tij, është shumë e rëndësishme situata e sigurisë në veri dhe reagimi për një gjë të tillë duhet të jetë i qartë, raporton Ekonomia Online.

    Sarrazin shtoi se nëse kërkohet zgjidhje për veriun, duhet pasur një dialog të suksesshëm.

    I pyetur në atë se sa është e mundur që dialogu të vazhdojë, Sarrazin tha se nuk ka ndonjë informatë, por që thotë se duhet të punohet nga të dyja palët.

    “Ne mundohemi të bëjmë më të mirën tonë, që të tregojmë se në fund, ne jemi miq të Ballkanit Perëndimor, de duam tu ndihmojë të gjashtë vendeve të Ballkanit Perëndimor në Bashkimin Evropian, dhe kjo është një rrugëtim që do të udhëhiqet nga dialogu. Kancelari im ka qenë i qartë kur vizitoi Prishtinën para një viti e tre muajsh, por sigurisht kultura politike dhe vendimmarrja politike nuk mund të bëhet nga Gjermania, ne mundemi vetëm t’i mbështesim miqtë tanë në marrjen e këtyre hapave. Siç e thash më parë, kjo nuk është dita për të biseduar për këto çështje, por është për të shprehur solidaritet”.

    Dialogu, mund sigurisht të vazhdojë, dhe është e rëndësishme që ne të qëndrojmë në rrugën e të arriturit të implementimit të marrëveshjes së Ohrit. Çka unë dëgjoj në Beograd dhe në Prishtinë është se marrëveshja e Ohrit është një gurthemel që mund të qojë në një drejtim shumë pozitiv të marrëdhënieve. Por siç e shohim, për momentin nuk është duke u implementuar në mënyrë të suksesshme dhe mendoj se ky nuk është momenti që të ndalojmë së përpjekuri që kjo marrëveshje të implementohet në mënyrë të suksesshme. Nuk kam informacion që mund të ndaj me ju, por mendoj se sa kapitali politik do të investoj në dialog do tregojë sa ky dialog do jetë i suksesshëm”.

  • “Dyshohet se ka armatim”- prokurori i rastit në veri tregon se çfarë është duke u hetuar

    “Dyshohet se ka armatim”- prokurori i rastit në veri tregon se çfarë është duke u hetuar

    Prokurori special i rastit në veri, Naim Abazi, ka bërë të ditur se janë duke u lokalizuar disa shtëpi dhe automjete në Banjskë të Zveçanit, nën dyshimin për armatim.

    Prokurori Abazi, për “Betimi për Drejtësi” ka thënë se aksioni është ende në procedurë dhe se po merren edhe disa veprime shtesë, sikurse është identifikimi i personave të tjerë që kanë bashkëpunuar në rast.

    “Jemi në atë drejtim, tu punu hala në atë drejtim, për me mujt me identifiku edhe persona tjerë që janë të përshirë në këtë aktivitet kriminal”, ka thënë Abazi.

    Gjithashtu Abazi bëri të ditur se janë sekuestruar edhe disa kamera në lokacionin e manastirit lidhur me këtë ngjarje.

    “Jemi tu i identifiku edhe kamerat dhe lokacionet e ndryshme po ashtu kemi sekuestruar disa kamera, dëshmitarët jemi tu i identifiku. Janë plotë veprime tjera që ndoshta s’mundem me i listu për shkak të hetimeve që janë tu u bë”, tha tutje prokurori Abazi.

    Më tej, Abazi ka deklaruar se nga Prokuroria Speciale do të parashtrohen edhe kërkesa për paraburgime.

    “Po patjetër, po, po do të ketë veprime dhe do të ketë kërkesa që do të adresohen edhe përmes gjykatës edhe veprime tjera”, ka thënë prokurori Abazi.

    Ndryshe, Prokuroria Speciale e Republikës së Kosovës, mbrëmë ka njoftuar 6 persona janë ndaluar për përfshirje në sulmin ndaj Policisë, dyshohen për vepra terroriste në Banjskë të Komunës së Zveçanit.

  • Gazetari Mema fton që sonte të ndizen qirinj në Tiranë në nderim të policit të vrarë Afrim Bunjakut

    Gazetari Mema fton që sonte të ndizen qirinj në Tiranë në nderim të policit të vrarë Afrim Bunjakut

    Gazetari shqiptar Marin Mema përmes një njoftimi ka ftuar qytetarët atje për ndezje qirinjsh për nder të rreshterit të Policisë së Kosovës të rënë në detyrë, Afrim Bunjakut.

    Mema kërkoi nga qytetarët e Shqipërisë që të bëjnë homazhe te sheshi “Nënë Tereza” në Tiranë për ta nderuar veprën e policit të ndjerë.

    “Pa fjalë, pa ngjyra politike e patriotizëm bosh, por me vepra!🇦🇱 Sonte në ora 19:00 takohemi tek sheshi “Nënë Tereza” në Tiranë për ti bërë homazh Afrim Bunjakut, policit që u vra nga terroristët serbë në Kosovë! Kosova nuk është vetëm”, ka shkruar ai.

    “Sonte në ora 19:00 jepi kohë dashurisë për Kombin! Homazhi ndaj dëshmorit Afrim Bunjaku është respekt ndaj Kombit! Të ndezim një qiri për shpirtin e një heroi që jetën e dha për të mbrojtur trojet shqiptare! Ky homazh nuk ka lidhje me politikën, por vetëm me Kombin! Vetëm me Kombin! Bëhu pjesë! Sot është dita të jemi bashkë me ngjyrat e flamurit! Unë do të jem, duhet të jemi të gjithë”, përfundon postimi i tij.

    Kujtojmë se mbrëmë në Prishtinë u ndezën qirinj në nderim të rreshterit Bunjaku.

  • Lajçak shkruan për domosdoshmërinë e dialogut, s’e përmend faktin se sulmuesit e Policisë ishin terroristë serbë

    Lajçak shkruan për domosdoshmërinë e dialogut, s’e përmend faktin se sulmuesit e Policisë ishin terroristë serbë

    Ndërmjetësuesi i BE-së për dialogun, Miroslav Lajçak ka bërë edhe një deklarim tjetër mbi zhvillimet e djeshme në veri ku nga grupet terroriste serbe, mbeti i vrarë një polic kosovar.

    Por, duke mos përmendur fare faktin se sulmi ndodhi nga grupet terroriste të palës serbe, Lajçak flet për domosdoshmërinë e dialogut parandalues të dhunës.

    ’’Me t’u kthyer nga Nju Jorku këtë mëngjes, më takoi lajmi tronditës për një sulm ndaj policëve të Kosovës në veri të Kosovës. Një akt i tillë frikacak i dhunës është thellësisht shqetësues dhe është në kundërshtim me vetë parimet e paqes dhe bashkëpunimit. Zemra ime është për viktimat, familjet, miqtë dhe kolegët e tyre. Ky sulm i tmerrshëm thekson më tej domosdoshmërinë e diplomacisë dhe dialogut parandalues, nënvizuar gjatë javës së kaluar, kur mora pjesë në javën e nivelit të lartë të Asamblesë së Përgjithshme të OKB-së në Nju Jork. Në margjinat e nivelit të lartë, fola me drejtues dhe kolegë të shumtë nga e gjithë bota. Në një mënyrë apo tjetër, ne të gjithë theksuam rëndësinë e dialogut dhe bashkëpunimit.

    Takova gjithashtu gjashtë presidentët nga Ballkani Perëndimor dhe zyrtarë të lartë të OKB-së, për të diskutuar mbi dinamikat rajonale. HR/VP Borrell organizoi gjithashtu një drekë tradicionale të Ballkanit Perëndimor për të harmonizuar mesazhet tona për këtë javë në skenën globale.

    Për të gjetur një rrugë përpara në rajon dhe në veçanti në Dialog, mbajta diskutime strategjike me partnerët tanë amerikanë.

    Këtë vit e vlerësova veçanërisht darkën me ish-kryetarët e Asamblesë së Përgjithshme dhe Presidentin aktual të sesionit të 78-të të Asamblesë së Përgjithshme të OKB-së.

    Ishte e mrekullueshme të kthehesha në OKB, por pas një jave të “takimit të shpejtësisë globale” ishte koha për t’u kthyer në Bruksel. Në ditët në vijim, do të fokusohem plotësisht në gjetjen e një rruge përpara’’, ka shkruar ai.

  • Ditë zie në Kosovë për nder të policit Afrim Bunjaku, flamujt ulen ne gjysmështizë

    Ditë zie në Kosovë për nder të policit Afrim Bunjaku, flamujt ulen ne gjysmështizë

    E hëna e 25 shtatorit është shpallur ditë zie shtetërore nga presidentja Osmani. Kjo është bërë për të nderuar policin e Kosovës që u vra dje në krye të detyrës në fshatin Banjskë të Zveçanit.

    “Presidentja e Republikës së Kosovës, Vjosa Osmani, në mbështetje të Kushtetutës së Kosovës, ka marrë vendim që dita e hënë, 25 shtator 2023, të shpallet ditë zie, shtetërore në nderim të policit Afrim Bunjaku, i vrarë në veri të vendit. Zija shtetërore do të jetë gjatë ditës së hënë, ndërkaq Protokolli i Shtetit ngarkohet që t`i ndërmarrë të gjitha veprimet e nevojshme për zbatimin e këtij vendimi”, thuhet në njoftimin e djeshëm të Presidencës.

    Dje në Zveçan, disa persona të armatosur kanë sulmuar policinë e Kosovës, duke e lënë të vdekur një polic, një të plagosur dhe dy të lënduar.

    Për këtë rast, në prangat e policisë kanë rënë gjashtë persona.

    Policia e Kosovës është sulmuar me arsenal armësh, përfshirë këtu edhe me granata dore dhe zollë, ku si pasojë e gjuajtjeve një polic është vrarë dhe një tjetër është plagosur.

    Sulmet ndaj policisë kanë ndodhur në orët e hershme të mëngjesit të së dielës (24 shtator), rreth orës 03:00 në fshatin Bajnskë.

    Rreshteri i policisë, Afrim Bunjaku, nga fshati Samadrexhë i komunës së Vushtrrisë, vdiq nga plagët e marra në sulm, konfirmuan autoritetet.

    Sipas tyre, njësitë policore vunë re në orët e para të së dielës vendosjen e dy kamionëve pa targa në urën në hyrje të fshatit Banjskë, të cilët kishin bllokuar lëvizjen.

    Njësitë që shkuan në vendin e ngjarjes, u qëlluan me armë zjarri dhe njëri prej policëve u vra.

    Autoritetet thanë se sulmuesit – rreth 30 syresh – ishin vendosur në manastirin e fshatit Banjskë të komunës së Zveçanit dhe përreth tij.

    Ata shkëmbyen të shtëna me organet e rendit gjatë gjithë ditës së diel.

    Në orët e mbrëmjes, ministri i Brendshëm i Kosovës, Xhelal Sveçla, tha se tre sulmues janë vrarë, ndërsa gjashtë persona, që dyshohet se ishin në kontakt me ta, janë arrestuar.

    “I gjithë territori i vendit është vendosur nën kontroll”, tha Sveçla, por nuk tha nëse personat e tjerë të armatosur, janë larguar.

    Të vdekur kanë mbetur edhe tre nga sulmuesit e serb, janë arrestuar dy sulmues dhe katër persona të dyshuar të cilët ishin hasur nën posedim ilegal të radiolidhjeve, e të cilët dyshohet se ndërlidhen me grup terroristë.