Tag: Ballina

Kryeministri i Republikës së Kosovës, Albin Kurti ka reaguar pas fitores së Kosovës kundër Izraelit me rezultat 1-0, ballafaqim të cilin e vendosi goli i Milot Rashicës në fund të pjesës së parë.

Ai ka shkruar në Instagram ku ka thënë se fitorja në “Fadil Vokrri” nuk ishte e lehtë, por që tani duhet shikuar tek përballja e radhës me Zvicrën, raporton KosovaPress.

“Ndeshje jo e lehtë për ekipin tonë, por të cilën e kaluan me sukses. Fitorja e dytë radhazi për Kosovën, pas asaj me Andorrën. Tash drejt Zvicrës në një tjetër përballje futbollistike të veçantë, ku ndeshja e fundit në Prishtinë u karakterizua nga një barazim plot emocione. E mesa duket, emocionet do të na shoqërojnë deri në fund të këtyre kualifikueseve.”.

Me fitoren ndaj Izraelit, Kosova tani ka 10 pikë në vendin e katërt të grupit I të kualifikimeve për në Kampionatin Evropian të vitit të ardhshëm.

Në kryeqendrën e Austrisë, Kryeministri i Republikës së Kosovës, Albin Kurti mori pjesë sonte në ceremoninë hapëse të edicionit jubilar të 20-të të Forumit Ekonomik të Vjenës.

Kurti foli për agresionin serb në veri të Kosovës, ku tha se sulmet e tilla janë kujtues të sfidave që po përballemi.

“Këto nuk janë vetëm sulme ndaj Kosovës, por edhe ndaj idealeve që ne i mbajmë – bashkëjetesës paqësore, demokracisë liberale dhe shtetit të së drejtës si thelbi i shtetit tonë të begatë. Si kryeministër i Kosovës, jam i vendosur në detyrën time për të mbrojtur sigurinë e vendit tonë, për të garantuar mirëqenien e çdo qytetari dhe për të krijuar një mjedis ku prosperiteti ekonomik mund të lulëzojë i papenguar nga frika dhe i disponueshëm për të gjithë”.

Në përmbyllje të fjalës së tij, Kryeministri Kurti shprehu falënderimin dhe mirënjohjen e tij për besimin, partneritetin dhe vlerësimin e Forumit Ekonomik të Vjenës.

​Fjala e plotë e Kryeminsitrit Kurti në gjuhën angleze:

Honorable Ambassador Kirtcheva,

Honorable Ambassador Jakovich,

Honorable Ambassador Marschik,

Dear Deputy Premier Minister Gabriel,

Dear Presidents Suver,

Dear esteemed colleagues and valued partners, business leaders,

Distinguished members of the Vienna Economic Forum,

I am humbled to stand before you in this gathering, united by a shared vision for our region’s prosperity. I extend my sincerest gratitude to the organizers of the Vienna Economic Forum for bringing us together and for the honor of being recognized as the “Partner of the Year 2023.”

The warm and encouraging feedback from our last meeting in Kosova and the Vienna Economic Forum which was held in Prishtina in May this year, continues to resonate with us, affirming our conviction that dialogue and partnership are the keystones for the region’s common future.

In times like these, when the world’s view is filled with scenes of conflict, the essence of our gathering becomes even more important. It underscores the imperative for us to stand together, speak together, and work together. The economic forum’s role becomes not only a catalyst for economic development, but also a sanctuary for peace, and a forum for building resilience against the tremors that shake our world.

In our corner of Europe, in the Western Balkans, we are acutely aware of how the echoes of conflict impinge upon our people’s lives and aspirations. The recent terrorist acts on our country, which cruelly claimed the life of a dedicated police officer, are stark reminders of the challenges we face. These are not just attacks on Kosova but on the very ideals we hold dear—peaceful coexistence, liberal democracy, and rule of law as the very essence of our prosperous state. As Kosova’s Prime Minister, I am resolute in my duty to safeguard our country’s security, to ensure the wellbeing of every citizen, and to create an environment where economic prosperity can flourish unimpeded by fear and available to everyone.

We stand committed to enhancing security measures, not only within the borders of our Republic but as an active proponent of regional peace and security.

Our meeting here is not merely an annual tradition; it is a reaffirmation of our common agenda in the face of adversity. Our future is intertwined with the well-being of each country represented in this room, of our European continent and European Union as our destiny that we embrace, with every community we pledge to serve, and with the collective spirit that this forum embodies.

Thank you for your trust, your partnership, and your recognition.

I am profoundly grateful.

Kanë mbetur edhe pak javë kur pritet që qytetarët e Kosovës të fillojnë të udhëtojnë pa viza për në vendet e Bashkimit Evropian. Ndërkohë, është rritur kërkesa e kosovarëve për rezervimin e biletave nëpër agjencitë turistike. Disa nga agjencitë kanë pranuar se do të ketë rritje të çmimeve të biletave në muajin e parë të vitit 2024, ndërsa edhe Aeroporti Ndërkombëtar i Prishtinës ka bërë përgatitjet për një fluks të madh të udhëtimeve.

Qytetarët e Kosovës kanë filluar interesimin e tyre për procedurat e udhëtimit pa viza në 27 vendet e zonës shengen në Evropë nga 1 janari i vitit 2024. Disa prej tyre thonë se udhëtimi pa viza do t’ju shërbejë për mundësi studimi, ndërsa të tjerë për punësim.

Liona Jupolli, e cila prej 26 vjetësh jeton jashtë Kosovës, mendon se qytetarët e Kosovës janë më shumë kureshtarë të shohin vendet e Evropës, ndërsa vlerëson se jeta në Kosovë është më interesante.

“Pastaj e shohin që jeta atje është shumë më e vështirë, sepse kanë nevojë për më shumë punë dhe besoj se shumë njerëz janë mësuar më shumë me jetën këtu në Kosovë. Shumë qytetarë të Kosovës vijnë përsëri në Kosovë, pasi jeta këtu është më interesant. Është edhe shoqëria shumë e rëndësishme. Unë vetë do të doja të jetoja këtu, por unë prapë do të kthehem pasi e kam shoqërinë atje”, ka thënë ajo.

E Orgesa Krasniqi, mendon se udhëtimi pa viza për në vendet evropiane do të shërbejë jo vetëm për vizita te familjarët, por edhe për studime e shkëmbime të ndryshme përvojash.

“Po të më jepej mundësia të vizitoja ndonjë vend, do të kisha pasur dëshirë të udhëtoja për një edukim më të mirë dhe për një jetë më të mirë me kushte më të mira. Mendoj që pasi do t’i kisha përfunduar studimet atje, do të isha kthyer për familjen”, ka theksuar Orgesa.

Orjanit Thaçi, nga Komuna e Gjakovës, thotë se njëherë nuk ka në plan të udhëtojë për në vendet evropiane, ndërsa mendon se shumë qytetarë do të ikin me qëllim punësimi.

“100 mijë veta nëse shkojnë, 70 mijë do të kthehen, ndërsa 30 mijë do të rrinë atje dhe ky do të jetë një dëm i madh për Kosovën. Liberalizimi nuk ndryshon asgjë, kushdo mund të vijë që ka dëshirë. Mendoj që tani do të rriten çmimet e biletave, rriten rrogat.”

Ndërkohë, agjencitë e udhëtimeve kanë pranuar se dy muajt e fundit është rritur kërkesa e qytetarëve për të rezervuar bileta udhëtimi për në vendet evropiane. Bojken Beqiri nga njëra nga agjencitë turistike që veprojnë në kryeqytet tha për Radio Kosovën se numri i njerëzve që kanë rezervuar bileta është relativisht i madh, ndërsa pranoi se çmimet e biletave pritet të rriten gjatë muajve të parë të vitit.

“Tani për sezonin e dimrit në prag janë skijimet, ndërsa numri i njerëzve që kanë rezervuar është relativisht i lartë. Për momentin oferta është duke u ngritur, sepse të gjitha kompanitë ajrore ose agjencitë turistike janë duke rritur numrin e fluturimeve dhe numrin e paketave turistike. Po ashtu, edhe kërkesa që do të rritet më shumë sesa oferta, fillimisht mund të ketë rritje të çmimeve në muajin e parë, mirëpo besoj se menjëherë do të ulen dhe do të mbesin çmime të përballueshme për të udhëtuar për në Evropë”, ka theksuar Beqiri.

Ndërkohë Valentina Gara, zëdhënëse e Aeroportit të Prishtinës “Adem Jashari”, tha se nga 1 janari presin një fluks të madh të udhëtimeve. Ajo tha për Radio Kosovën se aeroporti ka bërë të gjitha përgatitjet, ka investuar në infrastrukturë, ku janë duke zgjeruar terminalin e aeroportit, ndërsa janë shtuar edhe katër hyrje e dalje të reja, e gjithashtu është shtuar edhi numri i personelit në aeroport.

Profesori universitar, Dritëro Arifi, e shikon liberalizimin e vizave si një mundësi të mirë për qytetarët e Kosovës për të kuptuar se si funksionon Evropa në praktikë.

“Mendoj që do të ketë një fluks, por jo në kuptimin negativ. Do të ketë fluks të interesimit se si është të jetosh në Evropë, se si duket Evropa, se si të pranon Evropa, etj. Për sa i përket tregut të punës, shumica e kosovarëve veç kanë gjetur punë në vitet e fundit në Evropë ende pa u liberalizuar vizat, pra, këtë nuk mund ta ndalojmë. Mendoj që aspekti psikologjik dhe i vetëdijesimit do të jetë që kosovarët që do të kthehen në Kosovë do të kenë një qasje tjetër edhe ndaj politikës, edhe ndaj botëkuptimit se si funksionon një shtet normal. Prandaj e shoh si pozitive. Paraprakisht do të duhej të ishte alarm për Qeverinë e Kosovës dhe për sektorin privat që gjërat duhet të ndryshojnë dramatikisht, pra të qasjes ndaj fuqisë punëtore dhe ndaj mirëqenies së tyre”, është shprehur Arifi.

Sipas një ankete të realizuar nga SchengenVisaInfo, 62.3 për qind e të anketuarve, kanë thënë se nuk mendojnë të zhvendosen në vendet e BE-së, krahasuar me 37.7 për qind që duan të largohen një ditë nga Kosova. Për sa u përket atyre që planifikojnë të largohen nga Kosova, shtysa kryesore lidhet me punësimin, 74.5 për qind dhe turizmin 53.2 për qind. Gjermania, Zvicra dhe Franca janë destinacionet kryesore për të anketuarit. Në një artikull të fundit nga SchengenVisaInfo, ekspertët për këtë çështje, si dhe pronarët e bizneseve, i kanë bërë thirrje Qeverisë së Kosovës që të veprojë dhe t’i përmirësojnë kushtet e punës për punonjësit, pasi ata mund të rrezikojnë ta humbasin fuqinë punëtore pas liberalizimit të vizave që do të fillojë në janar të vitit 2024.

Ndërkohë, Qeveria e Kosovës po vazhdon fushatën për informimin e qytetarëve për liberalizimin e vizave./rtk/

Mbi 580 të burgosur kanë bërë kërkesë për t’u liruar me kusht gjatë këtij viti. Vetëm gjysma e tyre ka përmbushur kriteret ligjore, ndërkohë që Paneli për Lirim me Kusht ka aprovuar kërkesat e rreth 50 për qind të tyre.

Kështu tregon kryesuesja e Panelit për Lirim me Kusht, Valdete Daka, ku deklaron se ka raste edhe të revokimit të vendimit. Ajo thotë se pas lirimit, personat që kanë kryer vepër penale, kanë përsëritur vepra të tilla ose janë larguar nga Kosova pa paralajmërim.

Ajo në intervistën për KosovaPress, flet edhe për shkresat që pranojnë nga gratë që mos të aprovohen kërkesat e bashkëshortëve të tyre dhunues për lirim.

Kryesuesja e Panelit për Lirim me Kusht, Valdete Daka tregon për vlerësimet që bëjnë për personat që kërkojnë lirimin.

I dënuari ka të drejtë që sa herë që e arrin kushtin të paraqes kërkesën për lirim me kusht, por një pjesë të dënimit duhet ta vuajnë në burgim.

Pavarësisht plotësimit të kritereve për lirim me kusht, ka raste kur të njëjtit vazhdojnë me veprat penale pas lirimit.

Pranë panelit të përbërë prej tre anëtarëve, Daka shton se ka kërkesa edhe të grave të cilat kërkojnë të lirohen për shkak se kanë fëmijët e vegjël.

Veç kësaj, ka raste kur vet familjarët kërkojnë nga paneli që të mos aprovojnë kërkesën e të afërmeve të tyre për lirim me kusht.

Paneli për Lirim me Kusht është institucion në kuadër të Këshillit Gjyqësor të Kosovës, i cili funksionon duke u bazuar në Ligjin për Ekzekutimin e Sanksioneve Penale. Përbëhet prej tre anëtarëve, dy anëtarë janë gjyqtarë, kryesuesi është nga Gjykata Supreme, një nga Gjykata e Apelit dhe një përfaqësues i Ministrisë së Drejtësisë.

Qëndrimin në Paris, Kryeministrit të Republikës së Kosovës, Albin Kurti, dje e vijoi me takimin me Drejtorin Ekzekutiv të Qendrës Ndërkombëtare për Bashkëpunim Ekonomik dhe Social (C.I.C.E.S), Michael Deboudt, presidentin e Bordit, Jean Reveillon dhe anëtarin tjetër të Bordit, Bernard Miyet.

Sipas një komunikate të kryeministrisë, aty u bisedua për mundësitë e bashkëpunimit në fushën e energjisë, tregtisë, investimeve, akademisë përmes programeve të ndryshme të shkëmbimit, dhe artit.

“Duke folur për raportet dhe partneritetin ndërmjet dy vendet, ndër të tjera në takim kryeministri veçoi bashkëpunimin e mirë që Kosova ka me Francën në fushën e filmit dhe rezultat e deritanishme”.

“Ai i falënderoi ata për mikpritjen, si dhe për punën e angazhimin e tyre në ndihmë dhe mbështetje të Kosovës”.

Kryeministri i Kosovës, Albin Kurti, duhet të koordinohet me partitë opozitare para se të themelojë Asociacionin e komunave me shumicë serbe, mbi bazën e draft-statutit të modernizuar nga emisarët euro-amerikanë, thonë analistët politik.

Sipas tyre është e domosdoshme që të arrihet një konsensus politik dhe shoqëror në Kosovë për parimet e themelimit të kësaj trupe institucionale brenda sistemit kushtetues të vendit.

Analisti politik, Artan Muhaxhiri thotë për KosovaPress se kryeministri Kurti e ka obligim të koordinohet me partitë opozitare para se të ndërmarrë hapa konkret për themelimin e Asociacionit.

Përveç kësaj, ai e sheh të nevojshme edhe diskutimin me shoqërinë civile dhe juristë të shquar vendor dhe ndërkombëtar për statutin e Asociacionit, pavarësisht se filtri i fundit për kushtetutshmërinë e tij do t’i takojë Gjykatës Kushtetuese.

Nevojën për konsensus politik e thekson edhe Arbër Fetahu nga Grupi për Studime Juridike dhe Politike.

AI thotë për KosovaPress, se parimet për Asociacioni duhet të jetë të përcaktuara qartë nga i gjithë spektri politik në Kosovë.

Më 21 tetor, emisarët euro-amerikanët paraqitën një plan të ri për zbatimin e marrëveshjes së Brukselit dhe të Ohrit, ku mes tjerash prezantuan një draft për zbatimin e nenit 7 të marrëveshjes, që flet për vetëmenaxhimin e serbëve në Kosovë, rrjedhimisht themelimin e Asociacionit, të cilin kryeministri Kurti tha se është i gatshëm të nënshkruajë, krahas marrëveshjes bazë dhe aneksit, por që u tha se presidenti serb Aleksandër Vuçiq e refuzoi.

Gjatë kësaj jave në Kosovë qëndroi emisari i posaçëm i BE-së për dialog, Miroslav Lajçak, ku u dakordua që të ketë takim më 16 nëntor në Bruksel, në nivel të kryenegociatorëve.

Lajçak takoi edhe liderët opozitarë, të cilët thanë se janë njoftuar vetëm në terma të përgjithësuar për draft-statutin e Asociacionit dhe se nuk e kanë lexuar në tërësi, ku sipas tyre emisari evropian ka thënë se i njëjti është në përputhje me Kushtetutën e vendit.

Mbështetje më të madhe kryeministrit Albin Kurti për themelimin e Asociacionit mbi bazën e propozimit të modernizuar evropian i ka dhënë lideri i AAK-së, Ramush Haradinaj. /KP/