ATV

Tag: Ballina

  • Lajçak flet për dialogun me ministren finlandeze: Faleminderit për mbështetjen

    Lajçak flet për dialogun me ministren finlandeze: Faleminderit për mbështetjen

    Emisari i BE-së për dialogun, Miroslav Lajçak, dje ka diskutuar për këtë proces me ministren e Jashtme të Finlandës, Elina Valtonen.

    “E mirëpres mundësinë e për të diskutuar dialogun dhe shtyrjen e ripërtërirë për ta bërë realitet perspektivën e BE-së për Ballkanin Perëndimor me ministren e Jashtme të Finlandës, Elina Valtonen”.

    Ai është shprehur falendërues për mbështetjen e Finlandës.

    “Faleminderit për mbështetjen e vazhdueshme të Finlandës”, ka shkruar Lajçak në platformën X.

  • Tensionohet situata te protesta kundër Trendafilovës – arrestohen Dardan Molliqaj dhe Nol Nushi

    Tensionohet situata te protesta kundër Trendafilovës – arrestohen Dardan Molliqaj dhe Nol Nushi

    Aktivistë të Partisë Socialdemokrate kanë hedhur tym të zi në protestën e sotme para objektit ku po mbahet takimi mes kryetares së Dhomave të Specializuara të Kosovës (DHSK), Ekaterina Trendafilova me përfaqësuesit e shoqërisë civile në Prishtinë.

    Policia e Kosovës ka ndërhyrë, duke përdorur gaz lotsjellës për t’i larguar protestuesit. ATV mëson se janë arrestuar edhe kryetarin e PSD-së, Dardan Molliqajn dhe aktivistin Nol Nushi.

  • PSD improvizon me tym të zi para objektit ku po zhvillon takimi mes Trendafilova-s dhe përfaqësuesve të shoqërisë civile

    PSD improvizon me tym të zi para objektit ku po zhvillon takimi mes Trendafilova-s dhe përfaqësuesve të shoqërisë civile

    Ka nisur protesta e PSD-së para objektit ku po mbahet takimi mes kryetares së Dhomave të Specializuara të Kosovës (DHSK), Ekaterina Trendafilova me përfaqësuesit e shoqërisë civile në Prishtinë.

    Në këtë protestë, aktivistë të Partisë Socialdemokrate kanë hedhur tym të zi, raporton ATV.

    Të njëjtit paraprakisht kanë shfaqur pankarta me mbishkrimin “UÇK-ja nuk mund të gjykohet”, “Jeni non-grata. Jeni bajat”, “Historia është shkruar, propaganda ka dështuar”, etj.

    Kësaj proteste iu ka bashkangjitur edhe ushtruesi i detyrës së kryetarit të OV-UÇK-së, Faton Klinaku. Ai para gazetarëve tha se ky takim i gjykatëses Trendafilova me përfaqësuesit e shoqërisë civile nuk është dashur të mbahet fshehtë. Ai thotë se së pari, në këtë takim është dashur të ftohen veteranët e UÇJK-së.

    Ndërkohë, në videon e siguruar nga ATV shihen forca të shtuara të Policisë së Kosovës, të cilët kanë dalë për tu përkujdesur për ofrimin e sigurisë, mirëmbajtjen e rendit e qetësisë publike gjatë kohës së takimit Trendafilova-s me përfaqësues të shoqërisë civile në Prishtinë. /atvlive.tv

  • Nis protesta e PSD-së pas vizitës së Trendafilova-s në Prishtinë, i pranishëm edhe Faton Klinaku

    Nis protesta e PSD-së pas vizitës së Trendafilova-s në Prishtinë, i pranishëm edhe Faton Klinaku

    Kryetarja e Dhomave të Specializuara të Kosovës (DHSK), Gjykatësja Ekaterina Trendafilova, është duke mbajtur një takim me përfaqësues të shoqërisë civile në Prishtinë në kuadër të Programit për Komunikim dhe Ndërgjegjësim.

    Partia Socialdemokrate, ka nisur protestën e paralajmëruar para objektit ku po mbahet ky takim.

    Atyre iu ka bashkangjitur edhe ushtruesi i detyrës së kryetarit të OV-UÇK-së, Faton Klinaku. Ai para gazetarëve tha se ky takim i gjykatëses Trendafilova me përfaqësuesit e shoqërisë civile nuk është dashur të mbahet fshehtë. Ai thotë se së pari, në këtë takim është dashur të ftohen veteranët e UÇJK-së.

    Ndërkohë, në videon e siguruar nga ATV shihen forca të shtuara të Policisë së Kosovës, të cilët kanë dalë për tu përkujdesur për ofrimin e sigurisë, mirëmbajtjen e rendit e qetësisë publike gjatë kohës së takimit Trendafilova-s me përfaqësues të shoqërisë civile në Prishtinë. /atvlive.tv

  • Trendafilova në takim me përfaqësuesit e shoqërisë civile në Prishtinë, shihen forca të shtuara të Policisë

    Trendafilova në takim me përfaqësuesit e shoqërisë civile në Prishtinë, shihen forca të shtuara të Policisë

    Kryetarja e Dhomave të Specializuara të Kosovës (DHSK), Gjykatësja Ekaterina Trendafilova, sot do të mbajë një takim me përfaqësues të shoqërisë civile në Prishtinë në kuadër të Programit për Komunikim dhe Ndërgjegjësim.

    Lidhur me këtë takim, Partia Socialdemokrate ka paralajmëruar protestë para objektit ku ajo pritet ta mbajë këtë takim.

    Ndërkohë, në videon e siguruar nga ATV shihen forca të shtuara të Policisë së Kosovës, të cilët kanë dalë për tu përkujdesur për ofrimin e sigurisë, mirëmbajtjen e rendit e qetësisë publike gjatë kohës së takimit Trendafilova-s me përfaqësues të shoqërisë civile në Prishtinë. /atvlive.tv

  • Rohde: Ky është lajmi i mirë dhe lajmi i keq nga raporti për anëtarësimin e Kosovës në KiE

    Rohde: Ky është lajmi i mirë dhe lajmi i keq nga raporti për anëtarësimin e Kosovës në KiE

    Ambasadori i Gjermanisë në Kosovë, Jörn Rohde i ka falënderuar ekspertët ligjorë për raportin për anëtarësimin e Kosovës në Këshillin e Europës, i cili u bë publik dje.

    Rohde shkroi në “X” se në këtë raport ka një lajm të mirë dhe një të keq.

    “Faleminderit për raportin e ekspertëve ligjorë të Këshillit të Europës mbi përputhshmërinë e sistemit politik/juridik të Kosovës me standardet e KiE. Lajmi i mirë: rregullat ligjore në përgjithësi janë në përputhje me standardet ndërkombëtare. Lajmi i keq: Moszbatimi i vendimit të GJK-së në Deçan shënon ‘shkelje të qartë të sundimit të ligjit’”, shkroi ambasadori gjerman.

    Rohde theksoi dy rekomantimet e para të raportit, si respektimi i vendimit të Gjykatës Kushtetuese për Manastirin e Deçanit dhe respektimi i pavarësisë së gjyqësorit.

    “Ekspertët e cilësojnë Kosovën si një demokraci funksionale dhe e vlerësojnë kushtetutën e saj moderne me ‘garanci të forta për pavarësinë e gjyqësorit’. Por ata gjithashtu theksojnë kritikat ‘e ashpra’ ndaj përfaqësuesve dhe institucioneve gjyqësore nga politikanët në poste të larta. Kështu, 2 rekomandimet e para të raportit për Kosovën për sundimin e ligjit janë: 1. Zbatimi pa vonesa të mëtejshme i vendimeve të Deçanit, 2. respektimi i plotë i pavarësisë së gjyqësorit përfshirë përmbajtjen nga kritikat e panevojshme që minojnë besimin në gjyqësor”, shkroi ambasadori gjerman.

    Në përgjithësi, Rohde shkruan se “raporti nxjerr një pamje të përzier, duke treguar standarde të larta ligjore që nuk zbatohen gjithmonë plotësisht”.

    “Është e qartë për mua se zbatimi urgjent – siç kërkohet vazhdimisht nga komuniteti ndërkombëtar – është i nevojshëm për të avancuar me sukses ofertën e anëtarësimit të Kosovës!”, shkroi Rohde.

    Kosova aplikoi në maj për t’u bërë anëtare e Këshillit të Europës.

  • Blinken: NATO-ja është e bashkuar, diskutuam se si ta ndihmojmë Ballkanin Perëndimor

    Blinken: NATO-ja është e bashkuar, diskutuam se si ta ndihmojmë Ballkanin Perëndimor

    Dje në Bruksel është mbajtur takimin i ministrave të Jashtëm të vendeve anëtare të NATO-s.

    Aty mori pjesë edhe sekretari amerikan i Shtetit, Anthony Blinken.

    Ai foli rreth asaj se çka u diskutua në këtë takim.

    Blinken tha se temë e diskutimit ishte Ballkani Perëndimor, dhe se si të ndihmohet kjo pjesë për një të ardhme euroatlantike.

    Sekretar amerikan theksoi se “Aleanca e NATO-s është e bashkuar”.

    “Ne folëm për shumë tema në terren gjatë takimit të ministrave të Jashtëm – nga pritshmëritë tona në Samitin e Washingtonit vitin e ardhshëm, në mënyrat se si mund të thellojmë partneritetin tonë me Ukrainën, deri tek mënyra se si mund të ndihmojmë në mbështetjen e të ardhmes euroatlantike të Ballkanit Perëndimor”, shkroi ai në rrjetin social X.

  • NATO dhe BE zotohen për ruajtjen e stabilitetit në Ballkan

    NATO dhe BE zotohen për ruajtjen e stabilitetit në Ballkan

    Sekretari i Përgjithshëm i NATO-s, Jens Stoltenberg, shprehu shqetësimin e tij për rritjen e tensioneve në rajonin e Ballkanit Perëndimor.

    Por, sipas tij, aleanca do të bëjë gjithçka në mënyrë që të ruajë stabilitetin në rajon. Këtë deklaratë, shefi i NATO-os e bëri në Bruksel, para takimit të ministrave të jashtëm të 31 shteteve anëtare të NATO-s, ku do të diskutojnë ndër tjerash edhe lidhur me situatën e sigurisë në rajonin e Ballkanit.

    “Ajo që shohim atje është se tensionet po rriten. Po shoh rritje të tensioneve dhe retorikë nxitëse në Bosnjë-Hercegovinë. Kemi parë incidente të rënda dhune në Kosovë duke përfshirë sulmin ndaj paqeruajtësve të NATO-s. Janë lënduar 93 ushtarë të NATO-s, nga të cilët disa shumë rëndë. Gjithashtu kishim sulmin në Banjskë”, tha Stoltenberg, duke shtuar se “NATO do të bëjë atë që është e nevojshme për të siguruar stabilitetin në rajon”. “Kjo është e rëndësishme jo vetëm për Ballkanin Perëndimor, por për të tërë Evropën”, tha Stoltenberg.

    Gjermania dërgon trupa shtesë

    Nga ana e saj, ministrja e Jashtme gjermane, Annalena Baerbock, diskutimet në nivel të ministrave të NATO-s rreth situatës në rajonin e Ballkanit, i cilësoi si tejet të rëndësishme. Ajo tha se “perspektiva e anëtarësimit të vendeve të rajonit në BE është e rëndësishme, sepse ky paraqet sigurim jetësor”. Lidhur me situatën në Ballkan, Baerbock përmendi se aktorët e jashtëm po tentojnë vazhdimisht të destabilizojnë rajonin dhe nganjëherë sipas saj, “paqja shpesh varet në fije të perit”.

    “Kjo vlen, jo vetëm për situatën në kufirin midis Kosovës dhe Serbisë, por edhe për situatën në Bosnjë-Hercegovinë. NATO-ja, por edhe Bashkimi Evropian, janë një nga garantuesit për sigurinë e Ballkanit Perëndimor”, tha Baerbock, duke paralajmëruar se Gjermania do të dërgojë gjatë vitit të ardhshëm 150 ushtarë shtesë në kuadër të misionit të KFOR-it.

    Shefi i politikës së jashtme dhe të sigurisë i BE-së JosepBorrel, tha se situata, stabiliteti, përparimi dhe harmonizimi i politikës së jashtme të vendeve të rajonit me Bashkimin Evropian është me rëndësi thelbësore.

    “Më lejoni të theksoj rëndësinë e bashkëpunimit mes BE-së dhe NATO-s në veri të Kosovës. Misioni ynë i EULEX-it është i pozicionuar dhe ka një bashkëpunim të fuqishëm me KFOR-in dhe po përballen me kohë të vështira. Ne do të vazhdojmë të sigurojmë qëndrueshmëri dhe të ofrojmë siguri në këtë pjesë të Kosovës dhe në kufirin me Serbinë”, tha Borrell, duke i bërë thirrje Kosovës dhe Serbisë që të “rrisin vullnetin për marrëveshje për të hapur rrugën e tyre evropiane”.

    Diskutohet mundësia e shtimit të numrit të ushtarëve

    Sidoqoftë, Sekretari i Përgjithshëm i aleancës veriatlantike Jens Stoltenberg, tha se në takimin e ministrave të jashtëm të vendeve anëtare të NATO-s, do të diskutohet qartë mundësia e shtimit të përhershëm të numrit të ushtarëve të KFOR-it në Kosovë. Këtë Stoltenberg e tha edhe para një jave gjatë vizitave në rajon. Ndërsa ky shtim i përhershëm i trupave vie pas dhunës së terroristëve serbë në veri të Kosovës me 24 shtator, ku nga një grup serbësh të armatosur u vra një polic i Kosovës dhe më pas tre sulmues.

    Agjencia e lajmeve Associated Press, shkruan se dhuna mes Kosovës dhe Serbisë ka shpërthyer dy herë në muajt e fundit dhe vendet perëndimore kanë frikë se Rusia mund të përpiqet të nxisë telashe në Ballkan për të larguar vëmendjen nga lufta në Ukrainë. NATO pas dhunës në veri të Kosovës dërgoi rreth një mijë trupa shtesë duke e ngritur numrin e trupave të saj në Kosovë në 4.500./ DW

  • ​Fitorja e Ukrainës ndaj Rusisë është edhe në interes të NATO-s, thotë shefi i aleancës

    ​Fitorja e Ukrainës ndaj Rusisë është edhe në interes të NATO-s, thotë shefi i aleancës

    “Është në interesin e Ukrainës dhe NATO-s që Kievi të triumfojë në luftën ndaj Rusisë,” tha të mërkurën shefi i aleancës.

    “Pra, është e rëndësishme që solidariteti ynë me Ukrainën të mos demonstrohet vetëm me fjalë, por edhe me vepra”, tha Sekretari i Përgjithshëm Jens Stoltenberg në një konferencë të përbashkët shtypi me ministrin e Jashtëm ukrainas Dmytro Kuleba në Bruksel.

    Në konferencën e mbajtur përpara takimit të Këshillit NATO-Ukrainë dhe në margjinat e bisedimeve midis ministrave të jashtëm aleatë, Stoltenberg shprehu mirënjohjen e tij për vendet anëtare për mbështetjen e tyre për Kievin.

    Ai gjithashtu vuri në dukje se takimi i këshillit do të përqëndrohet në më shumë ndihmë për Ukrainën.

    “Sepse është në interesin e Ukrainës, por edhe në interesin tonë të sigurisë që Ukraina të triumfojë… si një komb sovran i pavarur në Evropë”, shtoi Stoltenberg.

    Ukraina po bëhet ‘de facto’ anëtare e NATO-s

    Kuleba, nga ana tjetër, tha se Ukraina aktualisht ka “ushtrinë më të fortë dhe më të përgatitur për beteja në Evropë”.

    “Ne po rrisim ndërveprimin tonë me NATO-n. Ne po bëhemi pothuajse një ushtri de facto e NATO-s për sa i përket qasjeve tona të menaxhimit të kapaciteteve teknike dhe parimeve të drejtimit të një ushtrie”, shtoi Kuleba. /Anadolu Agency/

  • Arrestohen gjashtë persona për falsifikim të parasë, prodhimi dhe vënia në qarkullim

    Arrestohen gjashtë persona për falsifikim të parasë, prodhimi dhe vënia në qarkullim

    Prokuroria Speciale njoftoi se janë arrestuar në flagrancë gjashtë persona të dyshuar, tre shtetas nga Maqedonia e Veriut, dhe tre të tjerë shtetas të Kosovës, për veprat penale ‘’Falsifikimi i parasë (prodhimi dhe vënia në qarkullim), pasi që të njëjtit kanë qenë shpërndarësit e parave të falsifikuara, konkretisht monedhave metalike dy (2) €uro të falsifikuara. 

    ”Prokuroria Speciale e Republikës së Kosovës (PSRK), dhe Policia e Kosovës, Drejtoria për Hetimin e Krimeve Ekonomike dhe Korrupsionit, ka realizuar një operacion gjatë të cilit është identifikuar një grup i cili merrej me prodhimin/shpërndarjen dhe futjen në treg të parave të falsifikuara, të cilat dyshohet se janë prodhuar në një shtet fqinj me Kosovën, dhe me pastaj nga grupe kriminale shpërndahen në shtetet e rajonit”, njoftoi Prokuroria.

    Tutje bëhet e ditir se nga ky operacion janë sekuestruar thasë me nga 2 €uro metalike në vlerë prej tetëdhjetë e pesëmijë e dhjetë (85.010.00) euro, të cilat dyshohen se janë të falsifikuara. Po ashtu, janë sekuestruar katër (4) vetura të cilat janë përdorur nga personat e arrestuar dhe shtatë (7) telefona celularë.

    “Personat e arrestuar me aktvendim të Prokurorit të Shtetit, janë dërguar në mbajtje për 48 orë, si dhe brena afateve kohore ligjore do të bëhet kërkesë për caktimin e masës së paraburgimit”, thuhet mes tjerash në njoftim.