Tag: Ballina

Avokati Xhevdet Smakiqi, ka shprehur shqetësim lidhur me mungesën e vëzhguesve të Bashkimit Evropian në procesin zgjedhor, duke vlerësuar se kjo ndikon në perceptimin e kredibilitetit të zgjedhjeve në arenën ndërkombëtare.

“…E para që dua të them dhe ta dinë të gjithë që Bashkimi Evropian nuk ka dërguar vëzhgues që i bie se edhe kredibiliteti i këtyre zgjedhjeve në aspektin ndërkombëtar sidomos të monitorimit nga Bashkimi Evropian nuk është siç ka qenë më herët…”, tha Smakiqi për ATV-në.

Vlen ta potencojmë se sot (07.06.2026), po mbahen zgjedhjet e parakohshme parlamentare.

Për rreth një vit e gjysmë, Kosova po mban zgjedhjet e treta parlamentare!

Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

Valmir Elezi, zëdhënës i Komisionit Qendror të Zgjedhjeve (KQZ), në konferencën e parë për media tha se procesi i votimit për zgjedhjet e parakohshme ka nisur në të gjitha qendrat e votimit, e po ashtu fletvotimet janë shpërndarë në kohë.

 “…Duke u mbështetur në informacionet e pranuara procesi i votimit për zgjedhjet e parakohshme, ka nisur në të gjitha qendrat e votimit në vendin tonë…Në orët e hershme të mëngjesit, përfshirë fletvotimet janë shpërndarë me kohë në të gjitha qendrat e votimit”, tha ai.

Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

Lista Serbe është raportuar për organizimin e votimit në grup edhe gjatë këtyre zgjedhjeve.

Sipas raportimeve nga Kosovapress, votues të këtij subjekti politik janë parë duke u paraqitur në qendrat e votimit në grupe të organizuara dhe të koordinuara, kryesisht në komunat me shumicë serbe në veri të vendit.

Ekipi i ATV-së, lidhur me këtë çështje transmetoi edhe pamje direkte nga Mitrovica e Veriut!

Vlen të theksohet se një gjë e tillë ka ndodhur në disa procese zgjedhore ndër vite.

Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

Në qendrën më të madhe të votimit në Gjakovë, nga ekipi i ATV-së u potencua një dukuri interesante gjatë procesit zgjedhor.

Gazetarja Ardiana Jashari, në një lidhje direkte nga kjo komunë, theksoi se shumica e qytetarëve që po vinin për të ushtruar të drejtën e votës kishin zgjedhur biçikletën si mjet transporti.

Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

I gjithë procesi zgjedhor i sotëm do të monitorohet nga rreth 16 mijë e 600 vëzhgues të akredituar nga Komisioni Qendror i Zgjedhjeve.

Sipas KQZ-së, vëzhguesit përfaqësojnë subjektet politike, organizatat joqeveritare, mediat, organizatat ndërkombëtare dhe përfaqësitë diplomatike.

“Të gjithë këta vëzhgues apo këto organizata kanë aplikuar për një kohë të caktuar dhe të njëjtit do të mund të përcjellin nga afër aktivitetet e KQZ-së qoftë ditën e zgjedhjeve apo edhe aktivitet që zhvillohen në qendra komunale të numërimit”, ka thënë zëdhënësi i KQZ-së, Valmir Elezi.

Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

Në ora 07:00 janë hapur vendvotimet, për zgjedhjet e sotme të parakohshme parlamentare.

Për rreth një vit e gjysmë Kosova po mban zgjedhjet e treta parlamentare, të parat janë mbajtur më 09.02.2025, të dytat më 28.12.2025 dhe të tretat po  mbahen sot më 07.06.2026. Pas zgjedhjeve të shkurtit 2025, në të cilat doli e para LVV nuk u arrit konsensus për votimin e qeverisë ndërsa pas zgjedhjeve të 28.12.2026 nuk u arrit konsensus për zgjedhjen e presidentit.

Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:

Policia e Kosovës dhe Zyra e Kryeprokurorit të Shtetit u kanë bërë thirrje qytetarëve që të raportojnë çdo parregullsi apo ndërhyrje të kundërligjshme që mund të cenojë integritetin e procesit zgjedhor.

Në një njoftim të përbashkët, institucionet theksuan se qytetarët duhet ta ushtrojnë të drejtën e votës në mënyrë të lirë, pa presion, frikësim apo ndikim nga palë të ndryshme.

Sipas autoriteteve, Policia dhe Prokuroria janë duke monitoruar vazhdimisht situatën në terren dhe do të trajtojnë me prioritet çdo informacion që lidhet me shkelje të mundshme gjatë zgjedhjeve të parakohshme parlamentare të 7 qershorit.

Po ashtu, qytetarët janë ftuar që, pa dallim etnie, gjuhe apo bindjeje politike, të bashkëpunojnë me institucionet duke raportuar rastet e dyshuara të kërcënimit, presionit, blerjes së votës apo çdo forme tjetër të ndikimit të paligjshëm në procesin zgjedhor.

Autoritetet ritheksuan përkushtimin e tyre për garantimin e një procesi zgjedhor të lirë, të drejtë dhe demokratik.

Çmimi tavan i naftës në Kosovë është rritur për dy centë krahasuar me të premten.

Sipas vendimit të Ministrisë së Industrisë, Ndërmarrësisë, Tregtisë dhe Inovacionit, një litër naftë sot mund të shitet më së shumti me 1.54 euro, ndërsa një ditë më parë çmimi maksimal ishte 1.52 euro për litër.

Çmimi i benzinës ka mbetur i pandryshuar dhe vazhdon të shitet me 1.42 euro për litër.

Ndërkohë, çmimi i gazit është ulur për dy centë. Nga 0.71 euro sa ishte, sot një litër gaz shitet me 0.69 euro.

Komisioni Qendror i Zgjedhjeve (KQZ) ka filluar shpërndarjen e materialit zgjedhor në të gjithë territorin e Kosovës, në prag të zgjedhjeve të parakohshme që do të mbahen nesër.

Në materialet e shpërndara përfshihen fletëvotimet, listat përfundimtare të votuesve dhe vulat, të cilat fillimisht vendosen në Qendrat Komunale të Numërimit, ndërsa një ditë para votimit do të dërgohen në qendrat e votimit.

Sipas vendimit të KQZ-së, për këto zgjedhje janë shtypur gjithsej 1 milion e 778 mijë e 300 fletëvotime. Prej tyre, 1 milion e 605 mijë janë për vendvotimet e rregullta, 19 mijë e 450 për votim me kusht, 13 mijë e 500 si rezervë, si dhe 3 mijë e 500 për personat me nevoja të veçanta.

KQZ ka bërë të ditur se numri i fletëvotimeve të shtypura është më i ulët se numri i përgjithshëm i votuesve me të drejtë vote. Sipas institucionit, kjo praktikë bazohet në analizat e pjesëmarrjes së qytetarëve në proceset e kaluara zgjedhore.

Paneli Zgjedhor për Ankesa dhe Parashtresa (PZAP) ka shfuqizuar vendimin e Komisionit Qendror të Zgjedhjeve (KQZ), i cili kishte lejuar votimin me dokumente identifikimi të skaduara në përfaqësitë diplomatike të Kosovës.

Sipas PZAP-së, ankesa e paraqitur nga Instituti Demokratik i Kosovës (KDI) është aprovuar si e bazuar, në kuadër të zgjedhjeve të 7 qershorit.

“ANULOHET vendimi i Komisionit Qendror të Zgjedhjeve (KQZ), Nr.01/1198/2026 i datës 03.06.2026, lidhur me Miratimin e Rekomandimit për Lejimin e Votimit me Dokumente të Republikës së Kosovës me afat të skaduar të vlefshmërisë për votim në Qendrat e Votimit në Përfaqësitë Diplomatike”, thuhet në vendimin e PZAP-së.

Në arsyetimin e vendimit, paneli ka theksuar se pas shqyrtimit të pretendimeve të palëve, përgjigjes së KQZ-së dhe dokumentacionit përkatës, ka konstatuar se ankesa është e bazuar.

“Paneli, pasi shqyrtoi pretendimet ankimore, përgjigjen në ankesë të Komisionit Qendror të Zgjedhjeve, vendimin e kontestuar dhe shkresat e tjera të lëndës, gjeti se ankesa është e bazuar. Paneli ka gjetur se nga shkresat e lëndës rezulton se Komisioni Qendror i Zgjedhjeve, me vendimin nr. 01/1198/2026, të datës 03.06.2026, ka miratuar rekomandimin për lejimin e votimit me dokumente të Republikës së Kosovës me afat të skaduar të vlefshmërisë për votim në qendrat e votimit në përfaqësi diplomatike”.

Sipas PZAP-së, KQZ-ja nuk ka pasur bazë ligjore për të lejuar votimin me dokumente të skaduara, pasi Ligji për Zgjedhjet e Përgjithshme kërkon dokumente të vlefshme identifikimi.

Paneli i referohet nenit 90, paragrafi 1 të Ligjit Nr. 08/L-228 për Zgjedhjet e Përgjithshme, ku përcaktohet se votuesit duhet të identifikohen me dokument të vlefshëm si letërnjoftim, pasaportë ose leje vozitjeje.

Po ashtu, PZAP vlerëson se dispozita ligjore është e qartë dhe nuk lejon interpretime që do të trajtonin dokumentin e skaduar si të vlefshëm për votim.

“Në këtë rast ligji nuk ka përdorur vetëm termin “dokument identifikimi”, por shprehimisht ka kërkuar “dokumente të vlefshme të identifikimit”. Prandaj, vlefshmëria e dokumentit nuk është vetëm element formal i rëndësishëm, por një kusht ligjor për identifikimin e votuesit në ditën e votimit dhe dhënies së mundësisë për të votuar”.

Paneli ka trajtuar edhe argumentin e KQZ-së se gjatë regjistrimit të votuesve jashtë Kosovës janë pranuar aplikime me dokumente të skaduara.

“Në përgjigjen e dhënë KQZ ka theksuar se gjatë fazës së regjistrimit të votuesve jashtë Kosovës, ka lejuar që aplikues të caktuar të regjistrohen duke paraqitur dokumente të identifikimit me afat të skaduar. Mirëpo PZAP vlerëson se kjo rrethanë nuk mund të interpretohet si e drejtë për të votuar me dokument të skaduar në ditën e votimit, pasi regjistrimi dhe votimi janë dy faza të ndryshme të procesit zgjedhor”.