Presidentja e Kosovës, Vjosa Osmani ka publikuar një fotografi nga një takim me komandantin e KFOR-it, Ozkan Ulutas, duke shkruar për hapjen e urës së Ibrit.
Osmani shkroi se “hapja e urës si akt normalizimi e integrimi është në interes të të gjithë qytetarëve, pa dallim etnie”, por shtoi se suksesi i qëndrueshëm është i mundshëm “bashkë me aleatë”.
“Suksesi afatgjatë e i qëndrueshëm arrihet gjithnjë bashkë me aleatë!”, shkroi ajo në një postim në Facebook.
PËRGATITI: FATLUM JASHARI
Faturimi i konsumit të energjisë elektrike me vlerë fikse apo paushall mund të jetë praktikë prezente në katër komunat me shumicë serbe edhe për një vit.
Dy muaj e gjysmë nga mbyllja e tenderit, Bashkimi Evropian nuk e ka nënshkruar kontratën për furnizim me matës të mençur, për konsumatorët në Mitrovicë të Veriut, Zveçan, Leposaviq dhe Zubin Potok.
Pa dhënë detaje, Zyra e BE-së përsëriti përgjigjen që i kishte dhënë ATV-së në fillim të muajit Qershor.
“Aktualisht, Bashkimi Evropian është duke i vlerësuar ofertat e pranuara. Me kusht që procedura është suksesshme, kontrata do të nënshkruhet së shpejti”, thanë nga zyra e BE-së në Kosovë.
Të mbyllur, sikur për secilën çështje tjetër, mbeten nëElektrosever – kompaninë bijë të “ElektroPrivredaSerbija”, e licencuar në Kosovë në Qershor të vitit 2022.
Megjithatë nëpërmjet fletushkave, pa përmendur detaje dhe afate, kjo kompani ka nisur informimin e konsumatorëve të saj se matësit aktualë “në të ardhmen të ndërrohen me të mençur”
Matësit, të cilët do t’i blejë Bashkimi Evropian, do t’i dorëzohen KEDS-it, që pastaj në bashkëpunim me Elektroseverin do të vijojë me vendosjen e tyre.
Draft-kontrata, të cilën e ka parë ATV-ja, dhe e cila parasheh furnizim me rreth 25 mijë matës “smart”, si dhe koncentratorë e transmormatorë të tensionit të energjisë, ka afat zbatimit prej 365 ditësh.
Sipas kushteve specifike në draft-kontratë, brenda tre muajve të parë, furnitori do të bëjë dërgesën e parë prej jo më shumë se 10% të totalit të matësve.
Nga 1 Janari 2024, kur Elektrosver mori përsipër furnizimin në katër komunat me shumicë serbe në veri pjesa dërmuese e konsumatorëve paguajnë paushall, në vlerë rreth 20 euro.
Që nga përfundimi i luftës, dëmi buxhetor si pasojë e mos-pagesës së energjisë elektrike në Mitrovicë të Veriut, Zveçan, Leposaviq dhe Zubin Potok llogaritet të jetë rreth 350 milionë euro.
Për më shumë ndiqni videon e mëposhtme:
PËRGATITI: PRANVERA KRASNIQI
Mësimet që i marrin paradite, do t’i ushtrojnë pasdite, përmes argëtimit.
Në pesë shkollat e kryeqytetit ku do të nis mësimi gjithëditor, pas orës 12 janë planifikuar aktivitete të ndryshme nga literatura bazike. Ato përfshijnë lojërat, këndimin, shkrimin e leximin.
Sipas drejtoreshës së Arsimit në Prishtinë, Jehona Lushaku, ky plan ka për qëllim që nxënësit të kenëedhe rekreacion, gjatë mësimit tërëditor.
“Fillon 7:45, me mëngjesin, 8:30 orët e rregullta, pastaj deri në 3:45, paraditja lëndët bazike, sporti, aktivitete muzikore, shrkim lexim, përforcim, detyra logjike, përmes aktiviteteve ti kombinojnëato, basketball me thysa është një aktivitet që do tu ndihmojnë nxënësve ti kuptojnë thyesat duke luajtur basketboll e kemi sigurua një platformë qëka kurikulë edhe tema të caktuara”, deklaroi Lushaku.
Lëndët e shkathtësisë siç janë sporti e muzika do tëmbahen nga mësimdhënës përkatës.
Drejtorë të shkollave ku pritet të fillojë kjo risi e shohin këtë si përparësi për nxënësit, në disa aspekte.
Një lehtësim shtesë po konsiderohet të jetë edhe për prindërit, pasi tash e tutje nuk do ketë nevojë që fëmijët e tyre t’i dërgojnë në kurse private.
Gjatë kësaj kohe, nxënësve do t’u ofrohet edhe ushqim i cili do të sigurohet nga Kuzhina Qendrore, e për këtë komuna ka ndarë 1.7 milion euro për 1 vit shkollor.
Mësimi tërëditor do të nis në shkollën “Faik Konica”, “Xhemail Mustafa”, “Shkolla e Gjelbër”, “NazimGafurri” dhe “Qamil Batalli”.
Për më shumë ndiqni videon e mëposhtme:
PËRGATITI: PRANVERA KRASNQI
Më 2021, votat e mërgimtarëve erdhën me postë.
Por në procesin e ardhshëm zgjedhor, në shkurt të vitit 2025, diaspora do të mund të votojë për subjektet e tyre të preferuara, edhe në përfaqësitë diplomatike tëKosovës, nëpër shtetet ku jetojnë.
Regjistrimi si votues, sipas Ligjit të Ri për Zgjedhjet e Përgjithshme, mund të bëhet në formë elektronike.
“Dy janë mënyrat për të aplikuar për regjistrim: njëra prej tyre do të jetë aktive, behët fjalë për aplikimin për t’u regjistruar përmes platformës elektronike. Mënyra tjetër, por kjo mundësohet vetëm në rrethana të jashtëzakonshme, behet përmes postës, në një nga kutitë postare të KQZ-së. KQZ-ja mundëson regjistrimin e votuesve jashtë Kosovës edhe përmes e-mailit personal”, deklaroi Valmir Elezi, zëdhënës i KQZ-së:
Ky proces, për mërgimtarët ndahet në dy faza. Në të dytën, duhet të përcaktohet mënyra e votimit.
“Në momentin e regjistrimit, votuesit do të përcaktohen individualisht për mënyrën e votimit, fizikisht, në përfaqësi diplomatike apo në hapësira të tyre, të cilat shndërrohen në qendra të votimit, sipas kritereve të KQZ-së, duke dërguar fletëvotimet përmes kutisë postare të KQZ-së, në postën e Kosovës dhe duke dërguar fletëvotimet përmes postës në një nga kutitë postare të hapura nga KQZ-ja dhe me lehtësimin e përfaqësive diplomatike, jashtë Kosovës”, tha Elezi.
Këto reforma, sipas politologut Fidan Ukaj, reflektojnë pozitivisht për Kosovën. Madje Ukaj thotë se lehtësimi i procesit të votuesve nga diaspora, do të ndikojë në rritjen e numrit të tyre.
“Rrjedhimisht edhe interesimi për të votuar do të jetë i lartë, pritet numër i konsiderueshëm i votuesve nga jashtë”, tha ai.
Në zgjedhjet e 2021-ës ishin mbi 100 mijë votues jashtë Kosovës të regjistruar dhe verifikuar në Komisionin Qendror të Zgjedhjeve për votim.
Për më shumë ndiqni videon e mëposhtme:
PËRGATITI: SARA SHEHU
Vaksinën që parandalon kancerin e qafës së mitrës do të kenë mundësi ta kryejnë edhe vajzat prej 13 vjeç deri në 21 vjeç.
Në 16 njësi të kujdesit parësor shëndetësor në Prishtinë, ky vaksinim ka filluar që nga java e kaluar.
Stafi mjekësor i vaksinimit kanë bërë të ditur për ATV-në se për një javë në QKMF dhe në 15 qendra të tjera në Prishtinë janë vaksinuar më shumë se 20 vajza me vaksinën HPV.
Drejtori i Shëndetësisë, Izet Sadiku, tregon se ka pasur shumë kërkesa që të vazhdojë ky vaksinim.
“Ne kemi filluar që të përfshihen edhe moshat 13 deri në 21 vjeq kjo është shumë e rëndësishme për shëndetin publik të tyre pasi mbrohen nga virusi që shkakton kancerin në qafë të mitrës. Në Prishtinë kemi 80% të nxënësve të vaksinuar me këtë vaksinë. Kemi pas shumë kërkesa që edhe moshat e tjera me u vaksinu dhe tash pra është e mundur. Kanceri i qafës së mitrës është më i përhapuri pas kancerit në gji”, deklaroi Sadiku.
Derisa niveli parësor në kryeqytet është i furnizuar me mbi 1000 vaksina HPV, në bashkëpunim me Institutin Kombëtar të Shëndetësisë Publike edhe nëpër komunat tjera, ky proces ka filluar të zbatohet.
Drejtorët e QKMF-ve në Ferizaj, Prizren, Gjakovë e Malishevë konfirmuan për ATV-në se ka qytetare të interesuara për vaksinim.
Nga ana tjetër, Drejtuesi i Shoqatës për të Drejtat e Pacientëve, Besim Kodra, thotë se duhet fushatë vetëdijesuese për rëndësinë e vaksinimit kundër virusit i cili po shkakton kancerin në qafë të mitrës.
“Shtimi i vaksinave HPV në kalendarin e vaksinimit është një mundësi e mirë për vajzat e reja që të mbrohen nga kanceri i qafës së mitrës, ashtu siç është thënë nga IKSHPK dhe Ministria e Shëndetësisë. Ajo çka duhet bërë nga institucionet shtetërore është që t’i bindin prindërit dhe vajzat e tyre se kjo gjë është diçka e mirë dhe mbron shëndetin e tyre. Kjo pasi nuk ka tjetër formë të vaksinimit të tyre”, tha Kodra.
Gjatë vitit të shkuar, nga muaji shkurt deri në muajin korrik, janë vaksinuar 1469 vajza të klasës së gjashtë nëpër shkolla të Prishtinës.
Referuar vendeve të tjera të cilat prej vitesh aplikojnë vaksinën kundër Human Papilloma Virusit, ekspertët e Organizatës Botërore të Shëndetit thonë se ajo ka dhënë rezultate në reduktimin e sëmundjes së kancerit të qafës së mitrës.
Për më shumë ndiqni videon e mëposhtme:
PËRGATITI: KASTRIOT TAHIRI
F.R. dhe J.M., të dyshuar për vrasjen e 89 vjeçarit, gjatë një dasme në Bibaj të Ferizajt, të premten, do tëqëndrojnë nga një muaj në paraburgim.
Kështu vendosi Gjykata Themelore në Ferizaj, që të dielën pati seancën dëgjimore për dy të dyshuarit, tëcilët, e shfrytëzuan të drejtën për tu mbrojtur në heshtje.
Por, vendimin e gjykatës e kundërshtoi njëri nga avokatët e të dyshuarve.
Sipas Prokurorisë, të premten mbrëma, kur në Bibaj të Ferizajt po mbahej një dasmë në njërën prej sallave të ahengjeve, ish-zyrtari policor, F.R. që ishtë jashtë orarit të punës, shkoi dhe e qëlloi me armë zyrtare viktimën. Ndërsa i dyshuari tjetër J.M. thuhet të jetë vërsulur në drejtim të viktimës S.S. me mjet të fortë.
Për shkak të këtij rasti, Inspektorati Policor e ka suspenduar shefin e atij ndërrimi në policinë e Ferizajt, pasi dorasi i dyshuar e ka marrë armën në stacion, për ta kryer krimin.
Për më shumë ndiqni videon e mëposhtme:
PËRGATITI: KASTRIOT TAHIRI
Moti i ligë ishte fatal për një grua, të dielën në Prevallëtë Prizrenit.
64-vjeçarja nga Ferizaj vdiq pasi u godit nga rrufeja, teksa po qëndronte në këtë ambient malor, bashkë me katër persona të tjerë.
Në momentin e goditjes, ata po qëndronin nën një lis.
Viktima nuk u bëri ballë plagëve, ndërsa vdekjen e saj e konstatoi ekipi mjekësor në Spitalin e Prizrenit. Rastin e konfirmoi për ATV-në edhe zëdhënësi i policisë rajonale të Prizrenit, Shaqir Bytyqi.
Lëndime nga rrufeja morën edhe katër personat tjerë. Por nga Urgjenca në Spitalin e Prizrenit, thonë se pas kontrolleve mjekësore, është konstatuar se ata tashmë janë jashtë rrezikut për jetë.
Deri në spitalin rajonal, të lënduarit u dërguan nga urgjenca dhe Forca e sigurisë së Kosovës.
Siç mëson televizioni, e ndjera po qëndronte në Prevallë tash e një kohë, bashkë me dy familjarë, për shkaqe shëndetësore. Ndërkaq dy të lënduarit tjerë janë nga komuna e Malishevës.
Për më shumë ndiqni videon e mëposhtme:
Një ngjarje e rëndë ka ndodhur sot në mesditë në Prevallë, ku pesë persona dyshohet se janë goditur nga rrufeja.
Lajmin e ka konfirmuar zëdhënësi i Policisë për rajonin e Prizrenit, Shaqir Bytyqi.
Bytyqi tha se rasti është raportuar nga ora 12:14, ku pesë persona u goditën nga rrufeja.
Tutje, shtoi se nga të lënduarit, një grua ndodhet në gjendje të rëndë.
Masat e Bashkimit Evropian (BE) ndaj Kosovës, të vendosura në qershor të vitit të kaluar kanë pasur ndikim negativ në ekonominë e vendit tonë. Kështu vlerëson kryetari i Odës Ekonomike të Kosovës, Lulzim Rafuna, ku sipas tij rreth 300 milionë euro janë bllokuar nga BE-ja.
Rafuna i bëri thirrje Qeverisë së Kosovës, që të punojnë ngushtë me partnerët ndërkombëtar që të shfuqizohen sa më shpejt këto masa dhe të mos lejohet vendosja e sanksioneve të shtesë, të paralajmëruara nga Bashkimi Evropian.
Përveç kësaj, Rafuna kritikon ekzekutivin e vendit se nuk e kanë në prioritet ekonominë, pasi siç thekson ai “ekonomia e Kosovës është në rend të dytë”.
Kryetari i OEK-ut në një intervistë për KosovaPress ka folur edhe për Udhëzimin administrativ të nxjerrë ditë më parë nga Ministria e Industrisë, Ndërmarrësisë dhe Tregtisë për kuotat në import.
“Aq sa kemi pasur mundësi me parë dhe prej të dhënave që janë publike, vlera e projekteve të cilat nuk kanë mundur të implementohen si rezultat i masave ndëshkuese që i janë vendosur Kosovës shkon rreth 300 milionë euro deri më sot. Kjo aq sa i kemi pasur mundësitë me i parë të dhënat publike, pra gjithnjë po i referohemi të dhënave që kemi pasur mundësi me i parë. Por në rast se na vështirësohen këto masa, pa dyshim, por edhe hiq mos me pas të tjera, në qoftë se rrinë në fuqi këto masa, kjo vlerë do të shkon duke u rritur e projekteve që nuk do të mund t’i shfrytëzojmë. Prandaj, kjo është shumë e keqe dhe e dëmshme për ekonominë e vendit, për arsye se këto projekte kanë qenë të parapara për investime kapitale. Kështu janë të dëmshme për qytetarët e Kosovës për arsye se në implementimin e këtyre projekteve do ta kishim një mirëqenie më të mirë për qytetarët. Ndërsa, është edhe më keq për shtetin e Kosovës, sepse nuk është një mesazh që e përçojmë tek investitorët e huaj për t’i motivuar me ardhur në Kosovë me investuar”, thekson Rafuna.
Kryetari i OEK-ut ka kërkuar nga Qeveria e Kosovës që për çdo veprim e vendim të rëndësishëm politik për vendin, të jenë siç thotë ai në koordinim me aleatët ndërkombëtar.
“Kërkesa jonë është që të punohet ngushtë me partnerët tanë ndërkombëtar. Të koordinohemi me partnerët tanë. Vendimi më i mirë është ai vendim i cili merret në koordinim me të gjithë ata miq që i kanë ndihmuar Kosovës me u zhvilluar dhe që janë pjesë e historisë së Kosovës deri më tani… Mos të lejojmë që të ketë masa të reja, por të luftojmë që të hiqen edhe këto masa të cilat na u kanë vendosur padrejtësisht”, thekson Rafuna.
Dialogu dhe çështja e veriut të vendit, sipas Rafunës, kanë vendos nën hije ekonominë e Kosovës. Ai kërkon që ky sektor vital për vendin të jetë në rend të parë.
“Hapja e këtyre temave dhe mbajtja e këtyre temave po e vendos në rend të dytë ekonominë. Kërkesa jonë është që ekonomia të jetë në rend të parë pa i lënë anash edhe këto tema, por edhe me politikën e jashtme, me sundimin e ligjit, mirëpo jo me lënë ekonominë në rend të dytë. Kështu kërkesa jonë është që të punohet sa më shumë edhe në fushën e ekonomisë dhe në përmirësimin e imazhit përmes diplomacisë ekonomike. Por edhe te legjislacioni i brendshëm kemi pasur mundësi me parë ligjin e fundit për Administratën Tatimore që nuk është një ligj ‘miqësor’ me biznesin, por është një ligj që e vendos në pozitë plotësisht kontrolluese biznesin nga ana e ATK-së ose edhe institucioneve tjera. Kështu që këtu duhet të punojë qeveria që t’i hap mundësinë biznesit që mos të ngulfat biznesin, por ta luan rolin e vetë që i takon në hartimin e politikave të mira, ligjeve të mira, tatimeve të favorshme dhe kështu ta bëjmë një ambient të mirë për me ardhur me investuar në Kosovë”, thotë ai.
Ndërkaq, Udhëzimi administrativ i Ministrisë së Industrisë, Ndërmarrsisë dhe Tregtisë (MINT), për kuotat në import, nuk është mirëpritur nga Oda Ekonomike e Kosovës. Sipas kryetarit Rafuna në këtë Udhëzim nuk ka sqarime të mjaftueshme për bizneset.
“Ne e kemi përqafuar tregtinë e lirë dhe e mira kishte me qenë që me ia lejuar ofertës dhe kërkesës me e rregulluar këtë çështje…Ne kemi pasur kuota edhe kur u nënshkrua marrëveshja e MSA-së edhe ajo e CEFTA-s, por edhe kur Bashkimi Evropian para marrëveshjes së MSA-së me vendimin e vetë 2000/47 ku Kosovës në mënyrë unilaterale ia ka njohur të drejtën për një gamë shumë të gjerë produkteve me i eksportua ne vendet e BE-së pa tatim doganor, edhe në atë përudhë për verërat kemi pasur një kuotë të caktuar se sa kemi mundur me eksportuar në vendet e Bashkimit Evropian. Mirëpo ajo çka kemi mundur me parë edhe gjatë grupeve punuese të Udhëzimit të administrativ që nuk ka sqarime të bollshme. Nuk ka informata të bollshme te biznesi se cili është qëllimi i Udhëzimit dhe si duhet të implementohet….Ne jemi duke pritë që të ketë sqarime shtesë per mënyrën se si do të implementohet dhe për çfarë është sjellë ky Udhëzim administrativ. Ende nuk e kemi një sqarim për me parë se sa do të jetë në favor të bizneseve”, thotë ai.
Nga Ministria e Industrisë, Ndërmarrësisë dhe Tregtisë thonë se ky udhëzim administrativ është në përputhje me praktikat ndërkombëtare, marrëveshjet e Organizatës Botërore të Tregtisë dhe legjislacionin e Bashkimit Evropian. Më tej thuhet se “Bazuar në parimet e Organizatës Botërore të Tregtisë; Kuotat në Import mund të vendosen kryesisht për mbrojtjen sezonale të produkteve të caktuara”.
Sekretari amerikan i shtetit Antony Blinken do të mbërrijë në Izrael si pjesë e shtytjes diplomatike të Uashingtonit për të arritur një armëpushim në Gaza që do t’i japë fund luftës 10-mujore, edhe pse një zyrtar i lartë i Hamasit hodhi poshtë optimizmin për një marrëveshje si “një iluzion”.
Udhëtimi i nëntë i diplomatit të lartë amerikan në rajon që nga fillimi i luftës në tetor të vitit të kaluar vjen disa ditë pasi SHBA-ja paraqiti propozime tejkaluese që ajo dhe ndërmjetësit Katari dhe Egjipti besojnë se do të mbyllnin boshllëqet midis palëve ndërluftuese.
Zyrtarët amerikanë kanë përmendur një optimizëm të ri për ta çuar marrëveshjen në vijën e fundit, por edhe kujdesin se ka ende punë për të bërë.
“Ajo që ne kemi bërë është marrë boshllëqet që mbeten dhe i kemi kapërcyer ato në një mënyrë që ne mendojmë se në thelb është një marrëveshje që tani është gati për t’u mbyllur dhe zbatuar dhe për të ecur përpara,” u tha gazetarëve të premten një zyrtar i lartë i administratës Biden.
Megjithatë, anëtari i byrosë politike të Hamasit, Sami Abu Zuhri, i tha AFP: “Të thuash se po i afrohemi një marrëveshjeje është një iluzion. Ne nuk po përballemi me një marrëveshje apo negociata reale, por me imponim të diktateve amerikane”, shtoi ai.
Në Izrael, Blinken pritet të takohet me kryeministrin izraelit Benjamin Netanyahu dhe zyrtarë të tjerë të lartë.
Negociatat po zhvillohen nën hijen e një përshkallëzimi të frikshëm rajonal. Irani ka kërcënuar se do të hakmerret kundër Izraelit pas vrasjes së liderit të Hamasit Ismail Haniyeh në Teheran më 31 korrik.
Uashingtoni e ka paralajmëruar vazhdimisht Iranin që të mos vazhdojë me asnjë veprim hakmarrës kundër Izraelit. Zyrtari amerikan tha se një akt i tillë mund të ketë pasoja “kataklizmike”, veçanërisht për Iranin.
Ministrat e Jashtëm të Britanisë së Madhe, Francës, Gjermanisë dhe Italisë në një deklaratë të përbashkët hodhën mbështetjen e tyre pas bisedimeve në vazhdim të armëpushimit, duke u kërkuar të gjitha palëve që të shmangin çdo “aksion përshkallëzues”.
Bisedimet mbi mënyrën e zbatimit të marrëveshjes pritet të vazhdojnë në fillim të javës së ardhshme, përpara se zyrtarët e lartë të mblidhen sërish në Kajro, me synimin për të përfunduar marrëveshjen më vonë gjatë javës në Kajro.
Ekipi negociator i Izraelit të shtunën shprehu “optimizëm të kujdesshëm” për mundësinë e avancimit të një marrëveshjeje, sipas një deklarate të shtunën nga zyra e Netanyahut.
Zëdhënësi i Hamasit, Jihad Taha, i tha Al Jazeera TV të shtunën se Izraeli kishte shtuar kushte në bisedimet e armëpushimit dhe akuzoi Netanyahun se i përdor ato për të penguar përpjekjet.
Edhe pse shpresat u rritën për një armëpushim, Izraeli vazhdoi sulmin e tij vdekjeprurës në Gaza.
Të paktën 18 palestinezë nga e njëjta familje u vranë dhe dhjetëra u plagosën në një sulm izraelit në qytetin Zawayda të Gazës të shtunën, thanë zyrtarët e spitalit, ndërsa Izraeli lëshoi urdhra të reja evakuimi, duke përmendur raketat e Hamasit aty pranë.
Sulmi ajror i së shtunës goditi një shtëpi dhe një magazinë ngjitur që strehonte njerëzit e zhvendosur në hyrje të qytetit të Zawayda, sipas spitalit të Martirëve al-Aksa në Deir al-Balah, ku u shkaktuan viktima. Një reporter i Associated Press atje numëroi të vdekurit.
Midis të vrarëve ishte Sami Jawad al-Ejlah, një shitës me shumicë i cili u koordinua me ushtrinë izraelite për të sjellë mish dhe peshk në Gaza. Të vdekurit përfshinin edhe dy gratë e tij, 11 nga fëmijët e tyre të moshës 2 deri në 22 vjeç, gjyshja e fëmijëve dhe tre të afërm të tjerë, sipas një liste të ofruar nga spitali.
“Ai ishte një njeri paqësor,” tha Abu Ahmed, një fqinj. Më shumë se 40 civilë ishin strehuar në shtëpi dhe depo në atë kohë, tha ai.
Izraeli gjithashtu kreu një sulm në Liban të shtunën që vrau 10 njerëz, duke përfshirë një nënë dhe dy fëmijët e saj, sipas ministrisë së shëndetësisë të vendit. Sulmi erdhi pavarësisht një paralajmërimi nga presidenti amerikan Joe Biden të premten se “askush në rajon nuk duhet të ndërmarrë veprime për të minuar këtë proces [armëpushimi dhe marrëveshjes së pengjeve]”.
Raundi i fundit i luftës në konfliktin izraelito-palestinez dhjetëvjeçar filloi më 7 tetor kur luftëtarët e Hamasit u tërbuan në Izrael, duke vrarë rreth 1200 njerëz dhe duke kapur rreth 250 pengje sipas raporteve izraelite.
Sipas autoriteteve palestineze shëndetësore, fushata e mëvonshme ushtarake e Izraelit e ka shkatërruar pjesën më të madhe të Gazës dhe ka vrarë më shumë se 40,000 palestinezë, kryesisht civilë. Numri nuk përfshin mijëra që besohet se janë varrosur nën rrënoja ose ata që kanë vdekur për shkak të kequshqyerjes ose mungesës së trajtimit mjekësor për shkak të shkatërrimit të sistemit spitalor nga Izraeli.
Izraeli pretendon se ka eliminuar 17,000 luftëtarë të Hamasit pa dhënë asnjë provë./Guardian/