Tag: Ballina

Nënkryetarja e Kuvendit nga Vetëvendosje, Albulena Haxhiu, ka deklaruar se situata pas mbledhjes së Kryesisë së Kuvendit nuk është ideale, por Kuvendi ka legjitimitet dhe kapacitet për të ushtruar mandatin e tij, pavarësisht mosmarrëveshjeve për zgjedhjen e nënkryetarit të pestë nga radhët e pakicës serbe.

“Situata nuk është ideale. Ne jemi të vetëdijshëm që nuk është ideal. Ideale do të ishte mes Kuvendit të arrinte që të zgjidhej nënkryetari Nenda Rashi si nënkryetar të Kuvendit dhe po të merrte pjesë opozita e disa po të merrnin pjesë e disa po të votonin për unë mendoj që Rashiq do të ishte zgjedhur si anëtar i Kryesisë së Kuvendit. Por kjo nuk ndodhi, nuk i gjetëm 6 deputet sa nevojiteshin,” tha Haxhiu.

Ajo shtoi se pavarësisht këtyre rrethanave, Kuvendi duhet të vazhdojë punën e tij dhe nuk duhet të bllokohet nga një parti.

“Por në këto rrethana ne duhet të jemi të qartë, ne duhet të vazhdojmë, Kuvendi ka legjitimitetin dhe kapacitetin për të ushtruar mandatin e vet. Sepse përveç kryetarit të Kuvendit janë edhe katër kryeanzat që janë zgjedhur, nëse vetëm një ta kishim pasur prej tyre do të mund ta mbanim mbledhjen e Kryesisë sepse nevojiten 4 anëtarë që mbledhja të vazhdojë. Ne nuk duhet që të ndalim punën e institucionit më të lartë përfaqësues të Kosovës, pra Kuvendit. Nuk mund që ky Kuvend të mbetet peng i Listës Serbe,” tha Haxhiu./ATVLIVE/

Dëshmitë speciale në Hagë, pritet të kthehen në qendër të vëmendjes që nga 15 shtatori.

Pas marrjes së lejeve për disa dëshmitarë amerikanë, jozyrtarisht diplomatë të njohur, mbrojtjes së Thaçit ia ka dhënë ‘aminin’ edhe Mbretëria e Bashkuar.

Britania ia ka konfirmuar lejen avokatëve për një dëshmitar.

“Kjo kërkesë është në kohën e duhur. Po bëhet sa më shpejt të jetë e mundur pasi Zyra e Jashtme, e Komonuelthit dhe Zhvillimit e Mbretërisë së Bashkuar (“UK FCDO”), një ofrues i Rregullit 107, i dha leje Mbrojtjes për të zbuluar Deklaratën e 1DW-006 dhe që ajo të përdoret në gjyq. Siç u përmend më parë, Mbrojtja nuk mundi ta përfshinte Deklaratën në Listën e Provave të paraqitur më 15 gusht 2025, pasi nuk ishte lejuar ta bënte këtë nga Ofruesi i Rregullit 107, me të cilin ka qenë në një proces për ca kohë për të marrë leje që 1DW-006 të dëshmojë dhe të finalizojë dhe zbulojë deklaratën e tij. Leja zyrtare nga ofruesi i Rregullit 107 u mor më 22 gusht 2025, siç u parashikua nga Mbrojtja në Konferencën e Përgatitjes së Mbrojtjes. 8 UK FCDO autorizoi 1DW-006 të paraqitej si dëshmitar në këto procedura, dhe që deklarata e tij me shkrim të përdoret në gjyq si bazë për provat e tij më të gjera, në varësi të kushteve të caktuara. Pas marrjes së këtij autorizimi, Mbrojtja e ftoi menjëherë 1DW-006 të nënshkruante deklaratën e tij. Mbrojtja e mori Deklaratën e tij të nënshkruar më 24 gusht 2025 dhe ua zbuloi të gjitha palëve dhe pjesëmarrësve ditën tjetër të punës, më 25 gusht 2025”, thuhet në parashtresë.

Avokati i Thaçit ka treguar edhe disa kërkesa nga Mbretëria e Bashkuar për këtë dëshmitar, dhe ky i fundit pritet të dëshmojë më 22 shtator.

“Lidhur me shkakun e fortë, 1DW-006 ofron prova shumë të rëndësishme, të cilat janë provuese të çështjeve në këto procedura. Siç u tregua më parë, Mbrojtja nuk ka ndërmend të paraqesë Deklaratën në përputhje me Rregullin 154, pasi 1DW-006 do të dëshmojë drejtpërdrejt. Prandaj, kjo deklaratë ofrohet si mirësjellje për të gjitha palët dhe pjesëmarrësit. Përveç kësaj, në përputhje me paragrafin 82 të Urdhrit mbi Kryerjen e Procedurave, Mbrojtja kërkon shtimin e Deklaratës në Listën e Provave Ekspozuese pasi mund të përdoret gjatë marrjes në pyetje të drejtpërdrejtë të 1DW-006, për shembull, për të rifreskuar kujtesën e dëshmitarit nëse është e nevojshme. Pa mundësinë për të përdorur këtë Deklaratë, cilësia, saktësia dhe plotësia e provave të dëshmitarit dhe shpejtësia e procedurave do të dëmtoheshin. Së fundmi, nuk do të kishte asnjë paragjykim të tepruar nga shtimi i Deklaratës në Listën e Provave Materiale. Deklarata është vetëm 17 faqe, dhe një përmbledhje e gjerë është dhënë më parë që pasqyron kryesisht (me detaje të gjera) përmbajtjen e Deklaratës. Palët dhe pjesëmarrësit janë njoftuar për fushëveprimin e provave të 1DW-006 që të paktën më 8 gusht 2025, shumë kohë përpara dëshmisë së tij të parashikuar në javën që fillon më 22 shtator 2025. Prandaj, duke marrë parasysh fushëveprimin dhe madhësinë e kufizuar të Deklaratës, si dhe njoftimin në kohë të dhënë, palët dhe pjesëmarrësit do të kenë kohë të mjaftueshme për t’u përgatitur dhe gjithashtu do të kenë mundësinë të shqyrtojnë 1DW-006”, thuhet në dokument.

Gjykata Speciale në Hagë po hyn në një fazë të re nga 15 shtatori, kur mbrojtja e ish-presidentit Hashim Thaçi pritet të fillojë me paraqitjen e provave dhe dëshmitarëve të saj. Por, kjo fazë do të ketë një element krejtësisht të veçantë: pritet prani e drejtpërdrejtë të përfaqësuesve të Qeverisë së Shteteve të Bashkuara të Amerikës në sallën e gjyqit.

Më 18 gusht, ekipi mbrojtës i Thaçit mori miratimin nga SHBA-të për dëshminë e dëshmitarit të koduar “1DW-003” – një figurë e mbajtur ende në anonimitet për publikun, por e njohur për trupin gjykues. Nuk mbaron këtu: amerikanët kanë vendosur një listë të gjatë kushtesh për mënyrën se si ky person do të dëshmojë.

Sipas dokumentit të avokatit Luka Misetiç, SHBA-të kanë kufizuar fushën e pyetjeve që mund t’i bëhen dëshmitarit, kanë lejuar refuzimin e përgjigjeve për arsye konfidencialiteti, si dhe kanë kërkuar të jenë vetë prezentë gjatë marrjes në pyetje.

Në të njëjtën kohë, mbrojtja e Thaçit ka konfirmuar se është në pritje të miratimit edhe për katër dëshmitarë të tjerë. Për W04174 tashmë është dhënë drita e gjelbër nga amerikanët, ndërsa për 1DW-007 dhe 1DW-008 po vazhdojnë diskutimet. Miratimi për 1DW-010 mbetet ende i bllokuar.

Këto zhvillime nënvizojnë rolin vendimtar të SHBA-ve në procesin e Hagës, jo vetëm si vëzhgues nga jasht, por tashmë edhe si garantues të kushteve mbi të cilat dëshmitarë kyç do të flasin. Një realitet i cili i jep garancione shtesë procesit./ATVLIVE/

Kryetari i Kuvendit të Kosovës, Dimal Basha ka zhvilluar një “takim konsultativ dhe njoftues” me Presidenten e vendit, Vjosa Osmani, pak para se të mbledh Kryesinë e Kuvendit.

Sipas njoftimit të Kuvendit, Basha e ka informuar Presidenten “lidhur me përfundimin e seancës konstituive dhe bartësit institucionalë kanë diskituar për hapat e nevojshëm për t’u ndërmarrë më tej”.

“Takimi është mbajtur pas konstituimit të Kuvendit të Kosovës, ku kryetari Basha e ka informuar Presidenten Osmani lidhur me përfundimin e seancës konstituive dhe bartësit institucionalë kanë diskituar për hapat e nevojshëm për t’u ndërmarrë më tej. Kryetari Basha dhe Presidentja Osmani kanë biseduar për domosdoshmërinë që proceset kushtetuese dhe ligjore të ecin me dinamikën e paraparë kohore, në mënyrë që të mundësohet zgjedhja sa më e shpejtë e Qeverisë së re të vendit, si përgjegjësi e Kuvendit të Republikës së Kosovës”, thuhet në njoftimin e Kuvendit.
Po ashtu, në takim është nënvizuar domosdoshmëria e funksionalitetit të institucioneve dhe stabilitetit politik.

Basha rikonfirmoi përkushtimin që Kuvendi të ushtrojë rolin e tij të plotë kushtetues, ndërsa Osmani ritheksoi gatishmërinë për bashkëpunim me të gjitha institucionet e vendit.

“Kryetari i Kuvendit, z. Dimal Basha, rikonfirmoi përkushtimin e tij që Kuvendi i Kosovës të ushtrojë rolin e vet të plotë kushtetues pas konstituimit, ndërsa Presidentja Osmani ritheksoi gatishmërinë për të bashkëpunuar ngushtë me të gjitha institucionet e vendit në të mirë të qytetarëve të Kosovës2, thuhet në njoftim.

Kryetari i kuvendit, Dimal Basha, ka thënë se është pamundësuar mbledhja e kryesisë për shkak të mungesës së nënkryetarëve nga PDK dhe LDK.

“Për mua ka qenë një mbledhje vec konsultative me u konsultu me nënkryetarët për hapat e radhës, ata kanë refuzu”, tha ai.

Në mbledhje nuk morën pjesë Vlora Çitaku nga PDK dhe Kujtim Shala nga LDK

Në të gjitha shkollat në mbarë vendin sot nisi viti i ri shkollor 2025-2026.

Ndërkohë ka vazhduar procesi për subvencionimin e teksteve shkollore dhe materialeve mësimore përmes platformës e-Kosova.

Ymer Ymeri, nënkryetari i SBASHK-ut, ka thënë se gjithçka është gati për fillimin e vitit të ri shkollor 2025/2026.

Ai ka pohuar se mësimdhënësit janë të gjithë të gatshëm për të pritur nxënësit e tyre në bankat shkollore.

I njëjti shtoi se probleme mund të ketë në disa shkolla të vendit, të cilat janë në rinovim e sipër.

“Sa i përket kuadrit arsimor, personeli arsimor është i gatshëm dhe ka filluar punën për përgatitjen e vitit shkollor që nga data 18 gusht. Gjatë këtyre dy javëve, sa kanë qenë nëpër shkolla, kanë bërë të gjitha përgatitjet e duhura për fillimin e vitit të ri shkollor.”

“Ndërsa sa i përket aspekteve të tjera teknike, përgatitjeve të shkollave dhe të tjera, mund të themi se pjesa më e madhe e objekteve të shkollave janë të përfunduara. Disa shkolla janë në procedura renovimi dhe ato, sipas gjitha gjasave, nuk do të mund të fillojnë me kohë. Këto do të duhej të nisin punimet më herët; disa punime fillojnë nga ministria e disa nga komunat,” ka thënë Ymeri për Klan Kosova.

Ymeri shtoi se telashe, sipas SBASHK-ut, do të ketë me furnizimin me libra shkollorë për nxënësit. Ai është kritik për metodën që Ministria e Arsimit, Shkencës, Teknologjisë dhe Inovacionit është duke praktikuar, duke i bërë prindërit të blejnë vetë librat dhe më pas duke bërë subvencionimin e tyre.

“Mendojmë se telashe do të ketë për librat shkollorë. Edhe këtë vit ministria ka zgjedhur një formë të gabuar për furnizimin me libra. Mendojmë dhe qëndrojmë se librat do të duhej të bliheshin nga ministria dhe të shpërndaheshin nëpër shkolla, që ditën e hënë të gjithë nxënësit të pajisen me libra. Vitin e kaluar deri në fund të shtatorit ka zgjatur procesi derisa nxënësit u pajisën me libra; presim që edhe këtë vit të jetë i njëjti problem,” tha Ymeri.

Sot në ora 13:00 pritet të mbahet “takimi konsultativ” i Kryesisë së Kuvendit i thirrur nga Kryeparlamentari Dimal Basha. Kësaj mbledhje i janë përgjigjur negativisht, PDK-ja dhe LDK-ja.

Për PDK-në PDK thirrja e kësaj mbledhjeje është e pakuptimtë, dhe se sipas tyre këto takime s’i shërbejnë interesave të shtetit, por atyre partike.

Në komunikatën e tyre të së shtunën, PDK-ja theksoi se këto takime s’i shërbejnë interesave të shtetit, por atyre partike.

Nga LDK-ja konsiderojnë që “çdo gjë që ndodh pas mbylljes arbitrate të seancës, pa konstituim të Kuvendit, është antikushtetuese”.

Procesi për zgjedhjen e nënkryetarit me short vazhdoi edhe të premten, ku të parës që i ra shorti ishte Miljana Nikolliq. Ajo nuk mori asnjë votë për në të tri herat kur emri i saj u hodh në votim radhazi.

Votat e nevojshme dështuan t’i marrin edhe Nenad Rashiq dhe Igor Simiq.

Ani pse dështoi zgjedhja e nënkryetarit serb, Basha e konsideroi Kuvendin si të konstituuar dhe caktoi mbledhjen e parë të Kryesisë.

“Ne si Kuvend nuk kemi mundësi tjetër sit ë vazhdojmë…meqenëse nuk ka mundësi tjetër se si të vazhdohet tutje, kjo seancë konsiderohet e mbyllur. Pas përmbylljes së seancës konstituive, konsideroj që Kuvendi duhet ta vazhdojë punën siç parashihet me Kushtetutë”, tha Basha në seancën e së premtes.

Shqipe Mehmeti-Selimi, deputete e Vetëvendosjes dhe bashkëshorte e Rexhep Selimit, vizitoi urën e re mbi lumin Ibër dhe përmes një postimi në Facebook theksoi se urat janë për të bashkuar brigjet.

“Urat janë për të bashkuar brigje, prandaj kjo urë e re do të duhej të pagëzohet: URA E BASHKIMIT”, shkroi ajo./ATVLIVE/

Derisa më 15 shtator mbrojtja e ish-presidentit Thaçi pritet të fillojë me paraqitjen e provave dhe dëshmitarëve të saj, zhvillimet e fundit në Gjykatën Speciale në Hagë tregojnë rolin vendimtar të Shteteve të Bashkuara të Amerikës. Përveç funksionit të tyre si vëzhgues, zyrtarë të SHBA-së do të jenë në gjykatore për të garantuar kushtet mbi të cilat dëshmitarët kyçë japin dëshmi, për të siguruar mbështetje shtesë për integritetin dhe transparencën e procesit gjyqësor, shkruan RTK.

Në procesin gjyqësor ndaj katërshes të UÇK-së, Hashim Thaçi, Kadri Veseli, Jakup Krasniqi dhe Rexhep Selimi, nga 15 shtatori nis një fazë e re. Mbrojtja e ish-presidentit Hashim Thaçi pritet të fillojë me paraqitjen e provave dhe dëshmitarëve të saj.

Në rastin e mbrojtjes dhe paraqitjen e dëshmitarëve është paralajmëruar një zhvillim që do ta përcjellë këtë proces, dëshmitarët nuk do të jenë të rëndomtë, ata janë ish-zyrtarë të lartë të Shteteve të Bashkuara të Amerikës, që dëshmitë e tyre do të përcillen nga përfaqësues të Qeverisë së Shteteve të Bashkuara të Amerikës në sallën e gjyqit.

Më 18 gusht, avokatët e ish-presidentit Hashim Thaçi morën miratimin nga Shtetet e Bashkuara të Amerikës për dëshminë e dëshmitarit të koduar “1DW-003”. Për Trupin Gjykues, identiteti i tij është zbuluar, por ende jo për publikun.

Zyrtarët amerikanë kanë vendosur disa kushte për mënyrën se si ky dëshmitar do të japë dëshminë e tij, duke përfshirë :

Prezencën e përfaqësuesve amerikanë gjatë marrjes në pyetje;

Kufizimin e pyetjeve të drejtpërdrejta vetëm në temat e përcaktuara;

Kufizimin e pyetjeve të kryqëzuara në fushën e pyetjeve të drejtpërdrejta;

Mundësinë që dëshmitari të refuzojë pyetje për arsye konfidencialiteti.

Avokati Luka Misetiq njoftoi se një kërkesë zyrtare për këto masa do të paraqitet sa më shpejt të jetë e mundur.

Sipas dokumentit të avokatit të Hashim Thaçit, Luka Misetiq, SHBA-ja ka kufizuar fushën e pyetjeve që mund t’i bëhen dëshmitarit, kanë lejuar refuzimin e përgjigjeve për arsye konfidencialiteti, si dhe kanë kërkuar të jenë vetë prezentë gjatë marrjes në pyetje.

Në të njëjtën kohë, mbrojtja e Thaçit ka konfirmuar se është në pritje të miratimit edhe për katër dëshmitarë të tjerë. Për “W04174” tashmë është dhënë drita e gjelbër nga amerikanët, ndërsa për “1DW-007” dhe “1DW-008” po vazhdojnë diskutimet. Miratimi për “1DW-010” mbetet ende i bllokuar.

Këto zhvillime theksojnë rolin kyç të Shteteve të Bashkuara të Amerikës në procesin e Gjykatës Speciale në Hagë, jo vetëm si vëzhgues i jashtëm, por edhe si garantues i kushteve mbi dëshminë e dëshmitarëve kyçë. Një situatë e tillë siguron mbështetje shtesë ligjore dhe procedurale për integritetin e procesit.

Ish-komandanti NATO-s, Wesley Clark, ish-kryeadministratori i UNMIK-ut, Bernard Kouchner, ish-shefi i Misionit Vëzhgues në Kosovë, William Walker, si dhe zyrtarë të tjerë ndërkombëtarë.

Në gjykatore do të jenë dëshmitarë të thirrur nga ekipet e Jakup Krasniqit dhe Hashim Thaçit, kurse Kadri Veseli e Rexhep Selimi nuk kanë paraqitur asnjë emër.

Kuvendi i Kosovës nuk ka arritur të zgjedh nënkryetarin nga komuniteti serb.

Asnjëri nga 8 kandidatët që u tërhoqën me short, nuk ka arritur të zgjidhet nënkryetar i Kuvendit.

Pas kësaj, kryetari i Kuvendit, Dimal Basha ka mbyllur seancën, ndërsa tha se moszgjidhja e nënkryetarit nga komuniteti serb, nuk është pengesë që Kuvendi të vazhdojë punën e tij, transmeton Zeri.info.

“Janë ezauruar të gjitha opsionet për zgjedhjen e nënkryetarit të pesetë nga komuniteti serb, asnjëhrri nuk është zgjedhur nënkryetar. Ne si Kuvend nuk kemi mundësi tjetër se si të vazhdojmë, prandaj me këtë rast konsideroj që kemi ezauruar edhe pikën e 4 të rendit të ditës. Konsideroj se kjo seancë konstituive të mbyllet”.

“Konsideroj që moszgjidhjen e njërit nga 5 nënkryetarët, apo 6 anëtarët e kryesisë, nuk mund të bëhet pengesë që mund të bllokojë konstituimin e Kuvendit të Republikës së Kosovës”

“Konsideroj që Kuvendi i republikës sonë të vazhdojë punën siç parashihet me Kushtetutë”, tha Basha.

Ai njoftoi se do të mbajë një mbledhje me nënkryetarët e zgjedhur të hënën e ardhshme, për të vendosur si të vazhdohet tutje.

“Ndërkaq si të veprohet tutje si Kuvend, do t’i konsultojë anëtarët e kryesisë së Kuvendit në një mbledhje që do të mbahet të hënën në ora 13:00”, tha Basha