Presidentja e Kosovës, Vjosa Osmani, ka thënë se Kushtetuta e Kosovës është frymëzim për liritë dhe të drejtat e qytetarëve.
Osmani në përvjetorin e 15-të të miratimit të Kushtetutës, ka thënë se ka thënë se është detyrë e prioritet që të respektohen dhe zbatohen vlerat kushtetuese.
“Sot festojmë miratimin e Kushtetutës së Republikës Kosovës- Aktit themeltar të shtetit tonë. Kushtetuta jonë është frymëzim për liritë dhe të drejtat qytetare, për barazi para ligjit dhe vlera të tjera, përmes të cilave, kjo kushtetutë na mban brenda familjes së madhe evropiane. Është detyrë e përbashkët, që nëpërmjet ruajtjes së sovranitetit, integritetit territorial, respektimit të vullnetit të popullit, garantimit të lirive qytetare pa dallim, t’i mbrojmë dhe avancojmë këto vlera, duke u bazuar gjithnjë në frymën dhe shkronjën e Kushtetutës. Mbetet detyrë dhe prioritet i yni i përbashkët që me punë e përkushtim, t’i respektojmë dhe zbatojmë këto vlera kushtetuese, të cilat ndër të tjera janë edhe shpërfaqje e identitetit tonë”, ka thënë Osmani.
Presidentja e Kosovës, Vjosa Osmani, ka uruar Pashkët. Ajo ka thënë se festat e tilla na rikujtojnë se fuqia e shpresës, besimit e dashurisë triumfon mbi sfidat e mëdha.
“Festat sikur Pashkët, na rikujtojnë se fuqia e shpresës, besimit e dashurisë, gjithmonë triumfon mbi sfidat më të mëdha. Pashkët janë manifestim i vlerave tona të përbashkëta njerëzore, mbështetjes, humanizmit e solidaritetit, të cilat populli ynë vazhdon t’i kultivojë në vazhdimësi. Uroj që Pashkët sot të jenë të mbushura me festë e gëzim, e shtëpitë tuaja me begati!”, thuhet në urimin e presidentes.
Ipeshkvi i Dioqezës Prizren-Prishtinë, Dodë Gjergji ka deklaruar se të gjithë duhet të lutemi që dialogu në mes Kosovës dhe Serbisë dhe pajtimi në mes shqiptarëve dhe serbëve të mund të fitoj që të gjithë të bashkuar të mund të ndërtojmë një të ardhme më të mirë për të gjithë.
Gjergji në meshën solemne të Pashkës, e cila është mbajtur në Katedralen Shën Nënë Tereza Prishtinë, tha se në këtë ceremoni lexuan pjesë të biblës, pasi çdo iniciativë e shpirtit është vepër e Zotit, derisa u tha atyre që u pagëzuan se shpirti i tyre do të shkëlqej në paqe, lumturi dhe gëzim.
“Andaj kjo natë ka kaq zjarrin që ngroh, kjo natë ka dritën që shkëlqen, kjo këngën, kjo natë ka Zotin e pranishëm në ne e bashkë me ne në Kishë. Andaj ju që pagëzoheni sane në këtë natë kaq të shenjët dhe në këtë moment kaq të bukur të fesë tonë mos harroni kurrë se kthimi juaj në fe të të parëve tuaj nuk është gabim, është zgjidhje e zgjuar dhe mundësi e madhe që ju ta njihni Krishtin i cili ju donë me gjithë zemër,…që do të dini ta duani Zotin i cili na mëson ta duam çdo krijesë. Zotin i cili na mëson të falim, të falim dhe të duam njëri tjetrin, të falim armikun, deri në atë më zemërftohtin që nuk dinë të kërkon falje.. ju që do të pagëzoheni sot do të iu mbuloj jeta e Krishtit, shpirti i juaj do të shkëlqej në paqe, lumturi dhe gëzim sepse gëzimi dhe lumturia e juaj nuk është më e mbështetur në lakminë e botës, as në ambicjet për lakmi, as në iniciativat për pushtet“, tha ai.
Ipeshkëvi Gjergji të gjithë duhet të lutemi që dialogu në mes Kosovës dhe Serbisë dhe pajtimi në mes shqiptarëve dhe serbëve të mund të fitoj që të gjithë të bashkuar të mund të ndërtojmë një të ardhme më të mirë për të gjithë.
“Mos të hezitojmë që këtë natë t’i lutemi Zotit tonë për të gjithë popujt, për të gjithë njerëzit, edhe për ata që besojnë ndryshe e do të festojnë Bajramin, edhe për ata që do të festojnë pashkët më vonë që janë ortodoksët dhe që adhurojnë Krishtin, të gjithë të bashkohemi në lutje Zotit krijues për paqe në mes nesh, për paqe në vendin tonë për paqen dhe pajtimin në mes popujve, ashtu që dialogu në mes Kosovës dhe Serbisë dhe pajtimi në mes shqiptarëve dhe serbëve të mund të ngallënjejë që të gjithë të bashkuar të mund të ndërtojmë një të ardhme më të mirë për të gjithë sepse toka nuk na takon vetëm neve, as e ardhmja nuk na takon vetëm ne, u takon të gjithëve të gjithëve fëmijëve të hyjit“, tha ai.
Ambasadori i Shteteve të Bashkuara të Amerikës në Beograd, Christoher Hill në një intervistë për euronews ka thënë se marrëveshja e Ohrit është padyshim e mirë për Serbinë dhe se po shkohet drejt arritjes së një momenti kyç për normalizimin e raporteve Kosovë-Serbi.
Hill ka përsëritur edhe një herë thirrjen e tij që Kosova të krijojë Asociacionin e Komunave me Shumicë Serbe, duke thënë se është një nga cëshjtet më të rëndësishme që themelimi të bëhet sa më shpejtë.
“Një moment kyç është duke u arritur në procesin e dialogut në Bruksel për Marrëveshjen e ardhshme për normalizimin e marrëdhënieve ndërmjet Beogradit dhe Prishtinës. Marrëveshja është padyshim e mirë për Serbinë. Një nga çështjet më të rëndësishme është nevoja për themelimin sa më të shpejtë të Asociacionit të Komunave Serbe”, ka thënë Hill.
Ai në këtë intervistë ka përmendur edhe investimet e kompanive amerikane në Serbi duke thënë se një gjë e tillë s’ka të bëjë me dialogun por me raportet në mes të Serbisë dhe SHBA-së
“Kompanitë më të mira dhe më moderne amerikane po investojnë në Serbi, të ardhmen e saj dhe të rinjtë. Kjo nuk ka të bëjë me dialogun e Brukselit, por me marrëdhëniet gjithnjë e më të suksesshme ndërmjet Serbisë dhe SHBA-së. Dy vendet tona kanë shumë për t’i ofruar njëri-tjetrit”, ka thënë Hill.
Dolazi do ključnog momenta u procesu dijaloga u Briselu o budućem Sporazumu o normalizaciji odnosa Beograda i Prištine. Sporazum je definitivno dobar za Srbiju. Jedno od najvažnijih pitanja je potreba da se što pre osnuje Zajednica srpskih opština. @usambserbia za @EuronewsSerbiapic.twitter.com/a5rDXEYhyD
— Američka ambasada (@USEmbassySerbia) April 8, 2023
Sot janë bërë 15 vjet nga miratimi i Kushtetutës së Republikës së Kosovës.
Kushtetuta e Kosovës u ratifikua më 9 prill 2008 dhe hyri në fuqi më 15 qershor 2008. Kushtetuta është akti më i lartë juridik, që garanton të drejtat dhe liritë themelore të të gjithë qytetarëve të vendit.
Pjesa më e madhe e kësaj kushtetute rrjedh nga Plani i Martti Ahtisaarit, duke i dhënë kështu të drejta specifike grupeve minoritare dhe një ambient më të sigurt për të gjithë qytetarët e Kosovës.
Kushtetuta e definon Kosovën si një shtet me pikëpamje neutrale ndaj fesë – neni 8. Ajo ka 14 kapituj dhe 162 nene.
9 prilli është zyrtarisht festë shtetërore në Kosovë që do të thotë se institucionet sot e kanë ditë pushimi.
Edith Harxhi, ish-zëvendës ministre e Jashtme, e ftuar sot në “Kjo Javë” në News24, foli lidhur me gjyqin në Hagë për ish-liderët e UÇK-së. Ajo u shpreh se ky është një proces i padrejtë dhe që përbalt një pjesë të lavdishme të historisë së shqiptarëve.
“Është një proces i padrejtë sepse hedh baltë në një pjesë të historisë për popullin shqiptar që për ne do mbetet e lavdishme. Jemi një vend që si një shtet demokratik, jemi palë e drejtësisë ndërkombëtare. Sot po kuptojmë që sa më tepër të mundohen të na bëjnë presion nga jashtë, duhet të dimë si të tregohemi vende sovrane, dhe Kosova nëse do kishte shpjeguar që atëherë se cilat ishin qëllimet e Dick Marty, dhe cilët ishin ata që kishin shkaktuar një dramë të madhe, nuk do të ishim sot këtu. Zoti Thaçi në një farë mënyrë mundohej që fajin për të gjithë këtë, u mundua të thoshte se kam qenë drejtues politik dhe nuk ka drejtuar nga terreni. Në një farë mënyrë e zhvendosi veten nga lideri i UÇK, dhe ishte një moment që uroj të ishte për arsye të gjykimit dhe konfuzionit se kush janë viktimat dhe kush sulmuan. Duhet të ketë një lloj kohezioni, dhe vetë Thaçi, nuk e ka menduar ne 2015 që do të ndodhte kjo, se jam e sigurt që do kishin vepruar krejtësisht ndryshe. Mendoj dhe uroj që ky gjyq do të përfundojë dhe do ta nxjerrë Kosovën ashtu siç është, e bardhë”, tha ajo.
Ndërkohë, ajo ka komentuar edhe gjyqin e ish-presidentit të SHBA, Donlad Trump, ku tha se duhet si një proces politik.
“Gjatë viteve të fundit duket një ndërhyrje e madhe në sistemin e drejtësisë. Përplasja e kampeve politike në SHBA kanë sjellë probleme politike në gjithë botën. Nuk besoja që në momentin që Trump u largua pas 6 janarit nga drejtimi i SHBA, që ai do t’i shpëtonte një lloj gjykimi të së majtës, ndaj them se është proces politik, kur ka nisur fushata dhe ai ka deklaruar se do kandidojë për zgjedhjet brenda republikanëve dhe më pas për ato presidenciale”, u shpreh Harxhi shkruan News 24.
Harxhi komentoi shkurt edhe rolin e ambasadorëve në vendin tonë, kur tha se këta të fundit nuk duhet të dinë cakun se ku mbaron misioni i tyre diplomatik dhe ku fillon ai politik, për ta shmangur këtë të fundit.
“Trupi diplomatik në përgjithësi duhet të jetë më i angazhuar që të përligjë vendimet e Konventës së Vienës. Duhet të dinë patjetër cakun dhe kufirin ku mbaron dipilomatikja dhe ku fillon politikja, në Shqipëri këto limite janë thyer”, tha ajo.
Besimtarët katolikë në të gjithë botën sot festojnë Pashkët.
Pashka është kremtimi më i madh i kalendarit liturgjik të Kishës Katolike Romake dhe të kishave të tjera të krishtera që kremtojnë Ringjalljen e Jezusit, sipas Besëlidhjes së Re, tre ditë pas vdekjes së tij në kryq.
Kjo festë është e lëvizshme, që do të thotë se nuk ndodh në të njëjtën datë çdo vit. Pashka llogaritet në bazë të fazave të hënës dhe ardhjes së pranverës.
Në praktikë, kjo do të thotë që Pashkët janë gjithmonë të dielën e parë pas hënës së parë të plotë që bie më ose pas 21 marsit. Pashkët mund të shfaqen që në fillim të 22 marsit dhe deri më 25 prill, varësisht se kur ndodh hëna e plotë e Pashkës.
Sot në Katedralen “Shën Nënë Tereza” në Prishtinë, me fillim nga ora 11, do të mbahet mesha kryesore e Pashkës. Ndërkaq, në orën 19 Ipeshkvi i Kosovës organizon pritjen solemne me rastin e festës së Pashkës.
Edhe pse u deshën më shumë se dy vjet për miratimin e Ligjit për Paga, i njëjti përfundoi në Gjykatën Kushtetuese.
Pas 104 ankesave, Institucioni i Avokatit të Popullit ka dërguar në Gjykatën Kushtetuese Ligjin për pagat në Sektorin Publik, me kërkesë për vlerësimin e përputhshmërisë së tij me Kushtetutën.
“Ne besojmë që Gjykata Kushtetuese do të jap drejtësi, do të rrëzojë këtë ligj dhe do të ruajë të drejtat e punëtorëve në sektorin publik në atë mënyrë që paga e tyre të jetë e dinjitetshme për punën që ata e bëjnë dhe po ashtu të mos ketë kaq shumë diskriminime në sektorin publik ashtu siç ka propozuar kjo qeveri. Prandaj, ne presim që Gjykata Kushtetuese ta kthejë prapa është këtë ligj duke vërtetuar edhe njëherë se kjo qeveri vazhdon të jetë një shkelëse serike, përsëriste, recidiviste e Kushtetutës”, tha Xhafer Tahiri nga LDK.
Paralajmërimet se Ligji do të përfundonte në Kushtetuese, ishin dhënë qysh në kohën kur Qeveria e mbante sekret vlerën monetare të koeficientit. Ato ishin shtuar më shumë ditën kur ishte vendosur vlera e koeficientit, e që është 105 euro për këtë vit dhe 110 për vitin e ardhshëm.
“Mendoj që gjykata Kushtetuese do ta kthej prapa këtë ligj sepse nuk e di që ka afektuar qytetarët. Nëse iu është rritur një dozë e vogël e pagës, jau ka ndal shtesat, mëditjet e benefitet”, tha Time Kadrijaj nga AAK.
Ankesat e pranuara në Institucionin e Avokatit të Popullit kishin të bënin kryesisht me uljen e koeficienteve, rrjedhimisht me zvogëlimin e pagave, heqjen e shtesave apo trajtimin joadekuat dhe jo të barabartë ndërmjet pozitave të përcaktuara me ligj.
Ky ligj, prek pagat e më shumë se 80 mijë punonjësve. /atvlive.tv
Akuzat ndaj tyre janë të shumta. Por, në rast se shpallen të pafajshëm nga Gjykata Speciale, ish-pjesëtarët e Ushtrisë Çlirimtare të Kosovës, do të duhej dëmshpërblehen për secilën ditë që e kanë kaluar prapa grilave gjatë periudhës së paraburgimit.
“Ligji për Gjykatë Speciale por edhe rregullorja e procedurës së provave, e parasheh mundësinë që personat që kanë qëndruar në paraburgim, por që në fund janë shpallur të pafajshëm, të kenë të drejt ta kërkojnë shpërblimin e dëmit, me ligj është përcaktuar se ky dëmshpërblim paguhet nga buxheti i Kosovës”, tha Artan Qerkinaj, avokat i akredituar nga Gjykata Speciale.
Pagesa do të bëhet për çdo ditë që kaluan në qelitë e Hagës.
“Nëse shpallen të pafajshëm, të njëjtit kanë të drejtë t’i drejtohen Këshillit Gjyqësor të Kosovës, për të realizuar të drejtën e tyre për dëmshpërblim. Në bazë të tarifave që ka këshilli gjyqësor, të njëjtit kanë të drejtë t’i marrin nga 15 euro për çdo ditë që kanë qëndruar në paraburgim”, tha Ehat Miftaraj nga Instituti i Kosovës për Drejtësi.
Por, sipas Artan Qerkinajt, avokatit të akredituar nga gjykata speciale, shuma mund të shkojë edhe më lart, nëse do të merren parasysh edhe disa faktorë.
“Dëmi do të varet nga kohëzgjatja, intensiteti i dhimbjeve shpirtërore gjatë asaj periudhe, kohëzgjatja e paraburgimit, dëmet materiale, e po ashtu edhe humbjet e mundësisë për t’u ngritur në karrierë”, tha Qerkinaj.
Ish-pjesëtarët e Ushtrisë Çlirimtare të Kosovës janë duke qëndruar në Dhomat e Specializuara që nga nëntori i vitit 2020, ndërkaq me 3 prill filloi gjykimi ndaj tyre. /atvlive.tv
Gati dhjetë muaj qw nga licencimi i kompanisë Elektrosever, faturimi i energjisë elektrike nuk ka filluar. Elektrosever, ende nuk ka përmbushur disa prej obligimeve, duke shkelur të gjitha afatet e parapara.
“Në proces janë marrëveshjet komerciale me KEDS për Ofrimin e Shërbimeve në katër komunat veriore, si dhe çështjet tjera që kanë të bëjnë me ofrimin e qasjes ne nënstacionin e Vallaqit dhe në infrastrukturën e transmetimit (KOSTT) dhe shpërndarjes (KEDS)”, thuhet në shkresën e Zyrës së Rregullatorit për Energji.
Pa specifikuar kur, zëvendëskryeministri Besnik Bislimi tha se Kosova do t’i kërkojë Serbisë dëmshpërblim 320 milionë euro për energjinë e papaguar në katër komunat me shumicë serbe në veri.
Edhe pse bëhet fjalë për territorin e Kosovës, sipas Bislimit, reparacioni do kërkohet meqë Serbia ka penguar faturimin dhe inaksimin.
“Energjia e shpenzuar në veri, e cila i është faturuar Qeverisë deri sot, ka një faturë prej 320 milionë euro. E gjithë kjo faturë, në një moment të caktuar do të prezantohet si kërkesë në procesin e repereacioneve ndaj Serbisë”, tha Bislimi.
Teksa njoftoi se kanë marrë një sinjal pozitiv në Bruksel për nisjen e faturimit, Bislimi fajësoi Beogradin për mosnënshkrimin e marrëveshjes komerciale Elektrosever-KEDS, e cila do të mundësonte nisjen e faturimit.
“Për Brukeslin është e qartë se pala Bllokuese është Serbia. Është e qartë arsyeja, sepse marrin energji falas. Përshtypja e z. Lajcak, pas bisedave që ka pasur me z. Vucic, është që shumë shpejtë pritet që Elektrosever të nënshkruaj kontratën e dërguar nga KEDS-i”, theksoi Bislimi.
Bislimi tha se nëse vazhdohet me refuzim, ZRRE-ja mund të detyrohet t’ia tërheqë licencën Elektroseverit. Diçka të tillë nuk përjashtoi as ZRRE-ja.
“Në rast të mos përmbushjes së kërkesave sipas udhërrëfyesit për energji, ZRRE-ja do te ndërmerr te gjitha veprimet ligjore që parashihen në legjislacionin në fuqi”, thuhet në shkresën e Zyrës së Rregullatorit për Energji.
Për dhjetë muaj Elektrosever ka nënshkruar marrëveshjen kornizë për aderim në rregullat e tregut në Kosovë, atë mbi detyrimet e balancimit dhe ka marrë kodin e identifikimit të energjisë.
Ndërkaq, përmes BE-së i ka dhënë KEDS-it dhe KOSTT-it një bazë të dhënash për konsumatorët. Vetëm për periudhën Janar-Nëntor 2022, Qeveria pagoi 64 milionë euro për energjinë shpenzuar në katër komunat në veri. /atvlive.tv
