ATV

Tag: Ballina

  • Gërxhaliu: Më brengosë fakti që diaspora po shikohet vetëm nga dimensioni financiar

    Gërxhaliu: Më brengosë fakti që diaspora po shikohet vetëm nga dimensioni financiar

    Ish-Drejtori i Odës Ekonomike të Kosovës, dhe njohësi i çështjeve të ekonomisë, Safet Gërxhaliu, në edicionin special “STUDIO E HAPUR” në ATV që i kushtohet votimit të Parlamentit Evropian për liberalizimin e vizave për Kosovë, tha se është shqetësuese që diaspora po shikohet vetëm nga dimensioni financiar.

    Ai tha se kontributi i diasporës në ekonominë kosovare është shumë më i madh se që jepen të dhënat statistikore.

    “Çdo ditë e më tepër jam duke u bindur se në Kosovë, statistika jep rezultate të sakta të të dhënave të gabuara. Në qoftë se mendohet të ndërtohet ardhmëria me të dhëna të gabuara vërtetë duhet të jetë shqetësuese. Në rënd të dytë, kontributi dhe potenciali i diasporës është shumë më i madh se sa që pranohet në Kosovë. E them këtë në mënyrë të argumentuara. Në qoftë se analizoni, ekzistojnë tri forma të dërgesave nga diaspora, e para është forma direkte përmes institucioneve dhe bankave të ndryshme komerciale, e dyta është ndihma më e madhe që diaspora e bën është gjatë qëndrimit të tyre në Kosovë dhe e treta është në mënyrë periferike. Ajo që me brengosë është që sot vlera e diasporës varet vetëm nga kuti apo dimensioni financiar, mirëpo po e them me përgjegjësi morale dhe profesionale që kontributi i diasporës në Kosovë në këto tri forma është i barabartë me buxhetin e miratuar në parlamentin e Kosovës”, tha Gërxhaliu. /atvlive.tv

  • Krasniqi: Procesi i vizave është dashur të përfundojë në vitet 2015-2016, partia në pushtet ia humbi këtë momentum Kosovës

    Krasniqi: Procesi i vizave është dashur të përfundojë në vitet 2015-2016, partia në pushtet ia humbi këtë momentum Kosovës

    Sot pas 10 vite negociata, Parlamenti Evropian pritet të votojë dhe të japë vendimin përfundimtar për liberalizimin e vizave për Kosovën.

    Pas këtij vendimi, do të mund të lëvizin qytetarët e Kosovës lirshëm për në vendet e Bashkimit Evropian.

    Kryetarja e Komisionit për Integrime Evropiane, njëherësh deputete e LDK-së në Kuvendin e Kosovës, Rrezarta Krasniqi, në një prononcim për ATV-në, tha se procesi i liberalizimit të vizave është dashur të përfundojë qysh në vitet 2015-2016, mirëpo sipas saj, partia që sot është në pushtet ia ka humbur Kosovës këtë momentum.

    “Kosova ka humbur një momentum historik në vitet 2015-2016, ku partia e cila sot është në pushtet nuk e ka votuar çështjen e demarkacionit me Malin e Zi, ku ka pasur protesta të dhunshme, ka pasur hedhje të gazit lotsjellës në seanca. Partia në pushtet e ka humbu momentumin për liberalizimin e vizave sepse Kosova ka qenë në paku me Gjeorgjinë dhe Ukrainën lidhur me këtë proces që të përfundojë në vitet 2015-2016”, tha Krasniqi.

    Ajo tha se tani është optimiste që sot Parlamenti Evropian do t’i japë fund vonesës së padrejtë për heqjen e vizave për qytetarët e Kosovës.

    “Është një proces i stërzgjatur për qytetarët e vendit, mirëpo kanë qenë disa faktorë të cilat kanë ndikuar në këtë proces. Jemi vendi i vetëm në rajon ndaj të cilit është i vonuar ky proces dhe është kërkuar kushte shtesë më shumë se ndaj të gjitha vendeve të tjera në rajon”, tha Krasniqi. /atvlive.tv

  • Kurti viziton Agjencinë Kadastrale: Për dy vjet investuam 16 milionë euro

    Kurti viziton Agjencinë Kadastrale: Për dy vjet investuam 16 milionë euro

    Kryeministri i Republikës së Kosovës, Albin Kurti, ka vizituar Agjencinë Kadastrale të Kosovës (AKK), raporton Ekonomia Online.

    Në takim e ka pritur  Zv.drejtori i Përgjithshëm i AKK-së Avni Ahmeti. Kurti tha se Qeveri e tij gjatë dy viteve në AKK është duke i investuar 16 milionë euro.

    Ai tha se objekti i ri që do të ndërtohet është mbi 4 mijë metra katror dhe do të kushtoj mbi 2 milionë euro, përderisa tha se për 20 vjet ishin investuar veç 20 milionë euro.

    “Parimet dhe objektivat e një agjencie shtetërore gjithmonë duhet të kenë në cak shërbenim transparent dhe shërbime të shpejta ndaj qytetarëve ndaj qytetarëve. Përkrahje e qeverisë për këtë institucion nuk do të mungojë. Ndryshimet tranfsormuse po bëhen në gjitha institucionet e administratave. 20 milionë euro janë investuar gjatë 20  viteve në AKK, tash gjatë qeverisjes tonë 2 vjeçare janë duke u investuar 16 milionë euro”.

    “Digjitalizimi ka përshpejtuar punën, pritet që në digjitalizim të ri të kemi një aerofotografi të rë të territorit të Kosovës. Kadastra për një shtet është pasqyra që e shohim vetën. Shpronësimet shpesh herë janë keqpërdorur, me lejoni ta përgëzoj ministrin Aliu që arritëm që 75 milionë euro nga borxhi i gjithmbarshëm i shpronësimit. Krijimi i kushteve të punës për Agjencinë është i nevojshëm. Objekti i ri i AKK-së 4 mijë metra katror dhe kushton 2.1 milionë euro”.

    Ministri Liburn Aliu, tha se objekti i ri do ta lehtësoj më shumë punën e kadastrës, duke shtuar se po punohet edhe në digjitalizim.

    “Uroj që objektin të cilin do ta vendosim sot te na krijoj kushte me të lehta në fushën e kadastrës. Ndërtimi i tij nuk është punë e lehtë, do të punojmë që të kemi një kadastër me punë sa më të lehtë. Në gjitha komuna e vërejmë që ka probleme me kadastër, digjitalizimi është një pjesë që e lehtëson këtë punë. Projekti i radhës që është aerfotografimi me një cilësi të larët do të mundësoj projekte të reja. Si ministri i kemi bërë disa harta”, tha ai.

    Pas takimit kryeministri Kurti së bashku me ministrin e MMPHI-së Liburn Aliu dhe Zv. Drejtorin e përgjithshëm të AKK-së Avni Ahmeti, do të vendosin  gurthemelin për objektin e ri të AKK-së, në rrugën “Nekibe Kelmendi”, te Pallati i Drejtësisë.

  • “E treta e vërteta”, zëdhënësja e BE-së për ATV-në, optimiste që sot do të votohet pro liberalizimit të vizave për Kosovën

    “E treta e vërteta”, zëdhënësja e BE-së për ATV-në, optimiste që sot do të votohet pro liberalizimit të vizave për Kosovën

    Bruksel, 18 prill – Anitta Hipper, zëdhënëse e BE-së për çështjet e Brendshme të Komisionit Evropian në bisede me korrespodentin e ATV-së, Nefail Maliqin.

    Këshilli i Ministrave të Bashkimit Evropian në përbërje prej 27 vendeve të BE-së, në mars ka dhënë “dritën e gjelbër” liberalizimit të vizave për Kosovën.

    Parlamenti Evropian sot do votoje tekstin për të cilin janë marrë vesh vendet e BE-së që edhe shtetasit e Kosovës të udhëtojnë pa viza në zonën Schengen.

    Zëdhënësja e BE-së për çështjet e Brendshme të Komisionit Evropian, Anitta Hipper për ATV-në ka thënë se Parlamenti Evropian sot pritet të votoj tekstin për të cilin janë marrë vesh vendet e BE-së që edhe kosovarët të udhëtojnë pa viza në zonën Schengen.

    Zyrtaret e BE-së znj. Anita Hiper sikur edhe z. Peter Stano për ATV-në janë deklaruar optimist se ky votim do të kaloj pa pengesa dhe do t’i paraprije liberalizimit të vizave për qytetarët e Kosovës nga 1 janari i vitit 2024.

    Zëdhënësja e BE-së për çështjen vizave: Para 1 janarit 2024, Kosova ka edhe një procedurë për të arritur deri tek liberalizimi final i vizave

    “Këshilli i BE-së vendimi është marrë në takimin e Këshillit të Punëve të Brendshme në Bruksel ku ministrat e BE-së e miratuan këtë vendim në lexim të parë, pa diskutime, pasi për këtë, kishte pasur pajtueshmëri në takimin e mëhershëm të përfaqësuesve të përhershëm të vendeve anëtare. Kosova ka bërë përpjekje të mëdha për të përmirësuar menaxhimin e sigurisë dhe migracionit dhe për të harmonizuar politikën e saj të vizave me atë të BE-së”, thotë ajo.

    Ajo tha se rregullat e reja do t’u mundësojnë bartësve të pasaportave të Kosovës udhëtimin në BE pa viza për qëndrim në një periudhë deri 90 ditë gjatë periudhës prej 180 ditëve.
    BE-ja ka vlerësuar se Kosova ka bërë përparim të dukshëm në të gjitha blloqet e udhërrëfyesit për liberalizimin e vizave, ndërsa në bazë të këtij vlerësimi, Komisioni propozoi heqjen e vizave për mbajtësit e pasaportave të lëshuara nga Kosova.

    “Ne mirëpresim marrëveshjen e arritur nga Këshilli [më 9 mars] për heqjen e vizave për Kosovën. Propozimi duhet ende të miratohet nga Parlamenti Evropian për t’u bërë përfundimtar. Marrëveshja e arritur parasheh që liberalizimi i regjimit të vizave për Kosovën të hyjë në fuqi nga data e hyrjes në shërbim të ETIAS. Nëse ETIAS ka vonesa, data e fillimit nuk duhet të jetë më vonë se 1 janar 2024”, ka deklaruar znj.Anitta Hipper zëdhënëse e BE-së për çështjet e Brendshme të Komisionit Evropian.

    Ajo ka shtuar ne vazhdim se “Vlerësimi i Komisionit ishte i qartë që nga korriku 2018. Kosova i ka përmbushur të gjitha standardet e udhërrëfyesit për liberalizimin e vizave. Kosova ka punuar shumë për të përmbushur të gjitha standardet dhe vazhdimisht tregon përkushtimin e saj. Ata punojnë pa u lodhur për të siguruar që qytetarët e Kosovës të mund të udhëtojnë pa viza”.

    Sipas këtij vendimi, data e nisjes së liberalizimit të vizave për qytetarët e Kosovës do të jetë koha kur të jetë tërësisht funksional sistemi i autorizimit dhe verifikimit të udhëtimeve (ETIAS), apo jo më vonë se 1 janari i vitit 2024. Deri vonë ishte besuar se hyrja në fuqi e këtij sistemi do të jetë më 1 nëntor të këtij viti, por ky afat është shtyrë për vitin 2024.

  • Sot, vendimi i fundit për liberalizimin e vizave

    Sot, vendimi i fundit për liberalizimin e vizave

    Sot, për herë të fundit, Parlamenti Evropian pritet të votojë liberalizimin e vizave për Kosovën.

    Kjo vjen pas vendimit të 9 marsit kur Këshilli Evropian mekanizëm-vendim marrës i Bashkimit Evropian, për herë të parë votoi heqjen e regjimit të vizave për kosovarët.

    Zëdhënësi i Parlamentit Evropian, Ojamo Janne tha dje se në seancën e së martës plenare të PE-së do të jetë miratimi përfundimtar për liberalizimin e vizave të Kosovës.

    Ojamo Janne shtoi se ceremonia e nënshkrimit do të vijojë të mërkurën pasdite në orën 14:45.

    “Miratimi përfundimtar i Kuvendit do të shpallet të martën më 18 prill, në seancën plenare (duke filluar rreth orës 12:00 CEST). Votimi nuk është i nevojshëm në këtë fazë dhe ceremonia e nënshkrimit do të vijojë të mërkurën pasdite në orën 14.45”, tha ai.

    Shtetet anëtare që hezitonin më shumë për të hequr izolimin u bindën që Kosova s’duhet të jetë shteti i vetëm në Ballkanin Perëndimor që përballet me një regjim të tillë. Procesi u zhbllokua nga Këshilli i Ministrave të BE-së, e cila pasoi me hartimin e një teksti për të cilën ranë dakord shtetet anëtare.

    Qytetarët e Kosovës do të mund të udhëtojnë lirshëm drejt BE-së nga 1 janari i vitit 2024. Në fillim, në marrëveshje si afat u caktua nëntori i 2023-ës, por kjo u kushtëzua nga Franca me funksionimin e sistemit ETIAS. Sidoqoftë, ky shans humbi meqë ETIAS do të vonohet.

    Për çështjen e vizave të Kosovës, Parlamenti Europian pati edhe më parë në vitin 2018.

    Pas votës në PE, janë edhe pesë hapa para se përfundimisht të hyjë në fuqi vendimi:

    – Ambasdorët e BE-së votojnë me shumicë të thjeshtë për liberalizimin e vizave

    – Këshilli i Ministrave të BE-së miraton me shumicë të thjeshtë liberalizimin e vizave

    – Akti ligjor nënshkruhet nga përfaqësuesit e institucioneve të BE-së, Komisioni Europian, Këshilli Europian dhe Parlamenti Europian

    – Vendimi publikohet në Gazetën Zyrtare, duke përfshirë datën e hyrjes në fuqi

    – Liberalizimi i vizave hyn në fuqi

    Që nga viti 2018, Komisioni Europian pati deklaruar se Kosova ka përmbushur kushtet për liberalizimin e vizave, megjithatë procesi nuk u çua më tej në hallkat tjera të BE-së. Për këtë arsye, ndër vitesh ka pasë zhgënjim te qytetarët, por me hapat aktualë të ndërmarrë nga institucionet e BE-së tashmë dhënia e fund e kësaj sage është reale.

    Eurodeputeti holandez, Thjis Reuten, vendi i të cilit ishte ndër më skeptikët, u caktua raportues për liberalizimin e vizave për Kosovën në Parlamentin Europian. Në një prononcim për Express më herët, Reuten kishte thënë se më nuk do të ketë më ndryshime në përmbajtjen e marrëveshjes dhe se kjo nënkupton që liberalizimi i vizave do të hyjë në fuqi ose në të njëjtën kohë me ETIAS ose më së largu më 1 janar 2024.

    “Kjo do të thotë që jo më larg se vitin e ardhshëm, Kosova përfundimisht do ta ketë udhëtimin e merituar dhe të vonuar pa viza në BE”.

    Për këto zhvillime në BE, qeveritarët në Kosovë morën meritat. Zëvendëskryeministri Besnik Bislimi tha se përmirësimi i sundimit të ligjit nga Qeveria Kurti është arsyeja.

    “Tashmë jemi drejt përfundimit të suksesshëm të këtij procesi të tejzgjatur për qytetarët e Republikës së Kosovës. Sukseset e arritura nga Qeveria veçanërisht në sundim të ligjit, puna jonë e vazhdueshme me shtetet anëtare dhe mbështetja e partnerëve tanë strategjikë, ishin faktorë kryesorë në avancimin e këtij procesi që ishte bllokuar për vite me radhë”, kishte thënë ai pasi ambasadorët e BE-së e miratuan tekstin për vizat.

    Për vonesën e BE-së kishte ironizuar edhe kryeministri shqiptar, Edi Rama, që pas miratimit nga ambasdorët e uroi edhe BE-në për këtë.

    “Një hap i vonuar padrejtësisht me vite u hodh sot nga BE-ja, e cila më në fund po e heq nga vetja njollën e turpit të trajtimit të Kosovës si të ishte një vend jashtë Europës! Urime jo vetëm Kosovës, po edhe Bashkimit Europian”.

  • Bill Clintoni i kishte dhënë post të rëndësishëm – Kush është avokati i ri i Thaçit?

    Bill Clintoni i kishte dhënë post të rëndësishëm – Kush është avokati i ri i Thaçit?

    Ekipit të avokatëve mbrojtës të ish-presidentit Thaçi i është bashkuar një emër i madh i lidhur po ashtu me lirinë e Kosovës.

    Bëhet fjalë për Joe R. Reederin. Kush është ai? Njoftimi për aprovimin e kërkesës që Reederi të ishte pjesë e ekipit mbrojtës ishte dhënë qysh më datën 13 prill.

    Sidoqoftë, ajo që lë përshtypje është karriera e bujshme – madje edhe larg avokatisë – e amerikanit 75-vjeçar.Kush është Xhoja?

    Reederi është i lindur më 28 nëntor të vitit 1947 në Tacoma të Washingtonit.

    Ai ishte bërë pjesë e ushtrisë amerikane qysh në vitin 1970, duke marrë edhe rangun e majorit.

    Por, pjesa e rëndësishme ka të bëjë me punën e tij nën administratën e Bill Clintonit.

    Në vitin 1993, presidenti i asokohshëm amerikan Clinton kishte nominuar Reederin Nënsekretar të Ushtrisë. Këtë detyrë, ai do ta ushtronte nga 24 nëntori 1993 e deri më 12 nëntor të vitit 1997.

    Si Nënsekretar, ai ishte përgjegjës për planifikimet e veprimeve me rreze të gjatë, kërkesave materiale, gatishmërisë, pakësimit të infrastrukturës dhe menaxhimit financiar në Ushtrinë e ShBA-ve.

    Ai po ashtu mbikëqyri çështjet ndërkombëtare të Ushtrisë, veçanërisht ato që lidheshin me NATO-n, Panamanë dhe Amerikën latine.

    Pas punës së tij në administratën e Bill Clinton, që më pas do të ndihmonte në çlirimin e Kosovës, Reederi u rikthye që të punonte në firmat e avokatisë ku kishte punuar dikur.

    Kujtojmë se gjykimi ndaj ish-presidentit Thaçi dhe tre ish-krerëve tjerë të UÇK-së ka nisur në Hagë prej datës 4 prill.

    Një seancë ku ka dëshmuar një ish-anëtar i UÇK-së dhe LDK-së është mbajtur edhe dje.

    Ekipi mbrojtës i Thaçit kryesohet nga Gregory Keohe dhe Luka Mishetiq

  • Haxhiu propozon që anëtarët e KPK-së të japin dorëheqje “për të mirën e vendit”

    Haxhiu propozon që anëtarët e KPK-së të japin dorëheqje “për të mirën e vendit”

    Ministrja e Drejtësisë, Albulena Haxhiu, ka thënë mbrëmë se anëtarët e Këshillit Prokurorial të Kosovës (KPK), për të mirën e vendit, do duhej të dorëhiqeshin vullnetarisht.

    Për Haxhiun, kjo di të ishte më e mira e mundshme. Por, u shpreh se nuk ka përditshmëri për diçka të tillë, ndonëse “ka parë se tek disa ekziston ky vullnet, por jo në tërësinë e tij”.

    “Ndoshta, qytetarët me këtë do ta kishin vlerësu ndryshe sistemin prokurorial, që po ka vullnet me pas reformë në sistemin e drejtësisë”, tha ajo në një intervistë për KTV-në.

    Haxhiu po ashtu tha se një nga zotimet e Qeverisë Kurti ka qenë vettingu dhe reformat në drejtësi, e të cilat siç tha ajo, po jetësohen.

  • Bislimi: Kosova e para në Evropë që përfiton nga instrumenti i ri i FMN-së

    Bislimi: Kosova e para në Evropë që përfiton nga instrumenti i ri i FMN-së

    Besnik Bislimi, zëvendëskryeministri i Parë për Integrim Evropian, Zhvillim dhe Dialog i Republikës së Kosovës, dhe Hekuran Murati, ministër i Financave, Punës dhe Trasfereve, kanë qëndruar në SHBA.

    I dyti i qeverisë tha se qëndrimi 5 ditor në SHBA bashkë me ministrin Murati solli rezultate pozitive e lajme të mira për vendin.

    “Me FMN-në, konfirmuam se Kosova do të jetë shteti i parë në Evropë që do të përfitojë nga instrumenti më i ri, i quajtur “Resilience and Sustainability Fund”. Përmes këtij programi fillimisht do të vihet në dispozicion shuma prej 80 milionë euro dhe me mundësinë e zgjerimit për edhe 80 milionë euro tjera”, ka shkruar ai në ’Facebook’.

    Sipas tij mjetet nga programi RSF pritet t’i vihen në dispozicion Kosovës për investime në ndërtim të kapaciteteve të reja të energjisë së ripërtërishme me erë dhe diellore.

    “Pjesa tjetër e mbështetjes do të jetë në formën e një Aranzhimi për Gatishmëri (precautionary SBA) në vlerë prej 100 milionë euro për 2 vitet e ardhshme. Në takimet me Bankën Botërore, diskutuam rreth projekteve aktuale dhe të mundshme në të ardhmen mbi investime infrastrukturore që synojnë përmirësimin e jetës së qytetarëve të Republikës së Kosovës. Gjithashtu takuam dhe ekspertë kosovarë që punojnë në Bankën Botërore. Ndërkohë me Nënsekretaren për Tregti, Maris Lago, theksuam rëndësinë e intensifikimit të bashkëpunimit tregtar me partnerët tanë amerikanë”, tha ai.

    Bislimi ka bërë me dije se kanë kërkuar që të vazhdohet të shfrytëzohet potenciali i madh që ekziston nga kompanitë nga Kosova të eksportojnë edhe në SHBA dhe krijimi i mundësisë për trajnime të rreth 20 ndërmarrësve nga Kosova vitin e ardhshëm në SHBA.

    “Në përmbyllje të kësaj vizite, nuk mund të mungonte dhe takimi i afërt dhe i përzemërt me mërgatën tonë. Folëm për ekonominë në vend dhe investime të mërgatës në nisma të prodhimtarisë në Kosovë”, tha ai.

  • Nesër vendimi i fundit për liberalizimin e vizave

    Nesër vendimi i fundit për liberalizimin e vizave

    Parlamenti evropian të martën do mbajë seancën përfundimtare, mbi çështjen e liberalizimit të vizave për Kosovën.

    E marta sipas analistëve, nënkupton fundin e një epoke mbylljeje për kosovarët.

    “Nesër është faktikisht faza e fundit e vendimmarrjes, dhe duke qenë se deri më tani ka pasur disa faza nesër pritet të jetë një formalizim ose validim i gjithë ati procesi që ka zgjatë për vite të tëra”, tha Lirim Krasniqi nga organizata “GERMIN”.

    Ani pse Kosova shumë herë dha myzhde për liberalizim, pas seancës së nesërme thuhet se nuk do ketë kthim mbrapa.

    “Nga momenti i votimit nesër nuk ka më kthim mbrapa sepse periudha e mëtejme është vetëm formalitete siç është nënshkrimi i marrëveshjes, publikimi në gazetën zyrtare, d.m.th. nuk ka vendimmarrje pas ditës së nesërme”, tha Krasniqi.

    E qytetarët mezi e presin një vendim të tillë, teksa thonë se lëvizjen pa viza e kanë merituar qysh moti.

    “Është bo tepër ne jemi të diskriminuar në krahasim me krejt popujt, paramendoni ata që kanë bo krime janë shpërblyer me liberalizim ndërsa ne si viktima jo”, tha Xhafer Berisha, qytetar.

    “Mendoj që Kosova moti e ka meritu, kushtet i ka plotësu moti, por tash puna e politikes nuk e di”.

    Por ka edhe nga ata që e shohin pak më ndryshe këtë proces.

    “Duhet me kuptu se një pjesë e madhe po mendon që veç ka me shku me udhëtu në të gjitha vendet e botës, por liberalizimi mundet me qenë 180 ditë ose 3 muaj edhe ato viza munden me qenë që mos me pas të drejtë me punu”, tha Arian Mustafa, qytetar.

    Në rast se parlamenti evropian i jep dritën jeshile liberalizimit, qytetarët e Kosovës pritet që të udhëtojnë lirshëm nga janari i 2024-tës. /atvlive.tv

  • Atmosferë jozgjedhore para zgjedhjeve në veri

    Atmosferë jozgjedhore para zgjedhjeve në veri

    Billbordet, fletushkat e mjetet e tjera të fushatës që jemi mësuar t’i shohim para zgjedhjeve, nuk shihen gjëkundi në hapësirat publike të Mitrovicës së Veriut.

    Betim Osmani, kandidati për kryetar komune nga Iniciativa Qytetare për Mitrovicën, thotë se kjo bëhet për ta mbrojtur ambientin.

    “Ne mendojmë që duhet ta mbrojmë ambientin dhe të mos shpërndajmë billborde”, tha Osmani.

    Osmani potencon se takimet me qytetarë të të gjitha komuniteteve janë forma kryesore përmes së cilës ai po bën fushatë.

    “Ne kemi çdo ditë kontakt me të qytetarët nga të gjitha komunitetet, edhe shqiptar, edhe komunitetit boshnjak, rom dhe edhe me të komunitetit serb, gjithashtu
    edhe me organizata të ndryshme nga komuniteti serb”, tha Osmani.

    Pak a shumë të njëjtën formë për fushatë e përdor edhe kandidati për kryetar komune nga radhët e Vetëvendosjes, Erden Atiç.

    “Punën më të madhe që e kemi bërë po edhe që do të vazhdojmë ta bëjmë është takimi kryesisht me qytetarë, jo me tubime apo billborde, pra do ta bëjmë përmes rrjeteve sociale, prononcimeve etj”, tha Atiç.

    Mirëpo, për atmosferën e zymtë zgjedhore në qytet, Atiç ka një shpjegim tjetër.

    “Rrjedhimisht ka çdo vit zgjedhje lokale, për arsye të dorëheqjeve të kryetarëve ose emërimit në ministri, kështu që edhe fushata në terren nuk bëhet në mënyrë konvencionale”, tha ai.

    Ndërsa, kandidati nga radhët e PDK-së, Taulant Kelmendi, i cili nuk mundi të prononcohej për shkaqe shëndetësore, nëpërmjet një përgjigje me shkrim tregon për mënyrën se si ka menduar ta bëjë fushatën e tij.

    “Meqë, Mitrovica e Veriut është territor shumë i vogël dhe duke marrë parasysh rrethanat e krijuara, kemi menduar që kemi kohë ende dhe këto pesë ditë sa na kanë mbetur, janë të mjaftueshme që ta zhvillojmë fushatën në mënyrë individuale, grupore dhe përmes mjeteve të tjera informuese. Takimet partiake i mbajmë në mënyrë fizike në zyrat tona, si dhe në mënyrë elektronike”, tha Kelmendi.

    Ndërkaq, Komisioni Qendror i Zgjedhjeve ka caktuar 19 qendra të votimit me gjithsej 34 vendvotime për zgjedhjet në katër komunat veriore. Prej tyre, gjashtë janë të rregullta, ndërsa 13 qendra të tjera janë alternative. /atvlive.tv