ATV

Tag: Albin Kurti

  • Behrami: Kurti e ka marrë peng Kosovën

    Behrami: Kurti e ka marrë peng Kosovën

    Analisti politik, Artan Behrami, në emisionin CONTEXT në ATV, tha se kryeministri Kurti e ka marrë peng Kosovën dhe po do të bëjë vetëvrasje politike bashkë me Kosovën.

    “Kryeministri i Kosovës Albin Kurti e ka marrë peng Kosovën, u ngjitë në katin e 50-të, po don me ba vetëvrasje politike bashkë me neve. Amerika, Edi Rama, krejt miqtë po mundohen me ia zgjatë dorën edhe me e shpëtu nga kjo situatë”, tha Behrami.

    Ai tha se prezantimi draft statutit i bërë nga Edi Rama është prodhuar nga SHBA dhe se ka informacione për këtë.

    “Zotri Rama e ka nxjerrë një dokument që është prodhuar dhe është dhënë nga Jack Solvan dhe për këtë e kam informacionin nga SHBA dhe çfarë po ndodh, fillimisht SHBA-të ia dhanë Bujar Osmanit disa pika në emër të OSBE-së që t’i prezantojë pikat e de-eskalimit të situatës në Kosovë dhe më pas e keni tjetër shqiptarë që ia jepë Asociacionin për me ia dërgua shteteve evropiane. Me këtë, SHBA-të dërgojnë edhe një mesazh i cili është e kundërta e asaj që kemi dëgjua prej kryeministrit Kurti që po thotë se emisarët amerikanë po vijnë me kërkesa të Serbisë dhe tani i ke që nuk janë kërkesa të Serbisë, por janë kërkesa të shqiptarëve. Unë mendoj që edhe ky është një mekanizëm amerikan me e izolu Kurtin nga shqiptarët, jo vetëm nga bashkësia ndërkombëtare”, tha Behrami. /atvlive.tv

    Emisionin e plotë e gjeni në videon më poshtë:

  • “Vizioni për asociacionin do të konkretizohet kur ka pajtueshmëri për shtyllat e tij”

    “Vizioni për asociacionin do të konkretizohet kur ka pajtueshmëri për shtyllat e tij”

    Asociacioni u bë temë diskutimi edhe në seancë të Kuvendit.

    I pyetur nga partia më e madhe opozitare, kryeministri Albin Kurti tha se pa u pranuar parimet e tij nuk mund të ketë thellim të mëtutjeshëm të draft-statutit për formim të asociacionit.

    “Pra kur të pajtohemi në parim, përfshirë edhe ato shtyllat që ju i përmendët që unë i kam thënë në parim, atëherë lirisht mund ta thellojmë tekstin. Por nuk mund të shkruajmë tekste alternative, ndërmjet të cilëve mund të gjendet një mesatare aritmetikore pa u pajtuar njëherë në parim”, tha Kurti.

    “Aleatët kërkojnë propozim e jo vizion, jemi shtet i pavarur dhe sovran, kemi obligime ligjore ndërkombëtare. Të lutem trajtoji çështjet me seriozitet të veçantë”, tha deputetja e PDK-së, Ariana Musliu-Shoshi.

    Ndërkohë, në seancën e dytë që u mbajt këtë të enjte, kryeministri Kurti nga partia e tij mori mbështetje për deeskalimin e situatës në veri.

    “Asociacioni, veriu, të drejtat e serbëve në Kosovë për të cilat Vucicit nuk ia ndien fare, nuk janë qëllim në vetvete, por janë instrumente politike që i renditen objektivit madhor hegjemonist të Serbisë, e që është dominimi i Ballkanit”, tha deputeti i LV-së, Ardian Gola.

    Por, ndaj deklaratave të Golës reagoi deputetja e LDK-së, Doarsa Kica.

    “Kur bëhet ironia dhe cinizmi bashkë me verbërinë politike, atëherë janë të rrezikshme për shtetin, sepse veçmas mund të jenë destruktive për ty si individ. Kur flet për mbështetje të Policisë, në të njëjtën kohë kur iu heq rrezikshmërinë prej pagës dhe i çon në veri dhe flet si duhet t’i mbështesim moralisht. A ia paguan morali bukën në fund të muajit?”, tha deputetja e LDK-së, Doarsa Kica.

    Deputetët mbajtën dy seanca plenare, fillimisht atë ku ishte vetëm një pikë e rendit të ditës, ajo për shqyrtimin e Projektligjit për Zgjedhjet e Përgjithshme në vend e më pas seanca plenare ku ishin të paraparë 22 pika në rend dite.

    Deputetët arritën t’i miratojnë 5 marrëveshje ndërkombëtare. Prej tyre 3 me Republikën e Sllovenisë e gjithashtu edhe atë me Bashkimin Evropian për Programin IPA 2022. /atvlive.tv

    Edicionin Qendror të lajmeve në ATV, e gjeni në videon më poshtë:

  • Lushtaku: Idetë e Albin Kurtit kanë pasoja për Kosovën, ai po eksperimenton

    Lushtaku: Idetë e Albin Kurtit kanë pasoja për Kosovën, ai po eksperimenton

    Deputeti i PDK-së, Mërgim Lushtaku, në emisionin DIREKT në ATV, tha se Albin Kurti, çdo herë ia ka huqë sa i përket shtetësisë së Kosovës dhe se idetë e tij po kanë posoja për Kosovën.

    “Albin Kurti çdo herë ia ka huqë sa i përket shtetësisë së Kosovës. E dimë shumë mirë, edhe prej procesit të Rambujesë, edhe procesit të Pavarësisë së Kosovës, edhe shtet ndërtimit, edhe funksionimit të shtetit dhe ja ku jemi sot, me gjithë atë arritje që e ka bërë PDK-ja me partnerët ndërkombëtarë. Në këtë drejtim, besoj që as këtu nuk ka dilemë që Albin Kurti, edhe këtu del i gabuar, por fatëkeqësisht po shihet se ka pasoja prapa kësaj sepse më nuk është Albin Kurti në opozitë që ato idetë e tij të pa logjikuara, të pa menduara, të pa analizuara, mund t’i implementonte në opozitë, e tash në pozitë ka mundësi edhe t’i implementojë edhe të eksperimentojë”, tha Lushtaku.

    Ai tha se Kurti po eksperimenton me Kosovën.

    “Fatkeqësisht, po eksperimenton edhe me Kosovën sepse ne e kemi parë në diskutimin edhe elektoral që vet Albin Kurti i thoshte disa fjalë si klithma elektorale, sikur ka qenë ajo “amelika, amelika”, por kam mëndu që kanë qenë vetëm sa për fushata, por po del që i ka edhe ideologji edhe orientim”, tha Lushtaku. /atvlive.tv

    Emisionin e plotë e gjeni në videon më poshtë:

  • Meta: Shqipëria s’duhet të propozojë politika për Kosovën pa u konsultuar me Kurtin

    Meta: Shqipëria s’duhet të propozojë politika për Kosovën pa u konsultuar me Kurtin

    Ish-presidenti i Shqipërisë, Ilir Meta është shprehur sot se situata ndërmjet Kosovës dhe Serbisë mund të ndihmohet nga Shqipëria vetëm me komunikim të drejtpërdrejt me institucionet e Kosovës.

    Meta ka potencuar se Qeveria e Shqipërisë në asnjë rast nuk duhet të propozojë politika që duhet të zbatohen brenda në Kosovë, pa u konsultuar paraprakisht me kryeministrin Albin Kurti.

    “Situata e krijuar në mes të Serbisë dhe Kosovës mund të ndihmohet nga Shqipëria vetëm përmes komunikimit të drejtpërdrejtë e konstruktiv me institucionet e Kosovës dhe Kryeministrin Kurti. Nuk ka nevojë për ndërhyrje të njëanshme dhe jotransparente, të cilat acarojnë apo përkeqësojnë situatën, e cila paraqitet delikate. Asociacioni i Komunave është një marrëveshje tashmë e pranuar nga qeveria aktuale e Kosovës, dhe ajo garantohet në Marrëveshjen e Brukselit dhe në Aneksin e Marrëveshjes së Ohrit, të realizuara me mbështetjen dhe negocimin e Bashkimit Europian dhe Shteteve të Bashkuara të Amerikës.”, ka shkruar Meta në Facebook.

    Ai është shprehur se zgjidhja se si do të arrihet Asociacioni gjendet te respektimi i marrëveshjes së Brukselit dhe Ohrit.

    Tutje, Meta ka kritikuar kryeministrin shqiptar lidhur me dorëzimin e një drafti të Asociacionit të komunave me shumicë serbe te presidenti francez, Emmanuel Macron dhe te kancelari gjerman, Olaf Scholz.

    “Z. Kurti ka treguar vazhdimisht përgjegjësi dhe vullnet të palëkundur për zbatimin e Marrëveshjes së Ohrit. Ndërsa tek Z. Vuçiç nuk e kemi parë në asnjë rast një gjë të tillë, përkundrazi një sërë veprimesh të tij kanë demonstruar të kundërtën. Z. Rama, nëse do të donte të luante një rol mund ta bënte këtë, jo duke luajtur rolin e patronazhistit mbi Kosovën, por vetëm duke i kërkuar Beogradit nënshkrimin e marrëveshjeve të Brukselit dhe Ohrit dhe zbatimin e tyre, njohjen e Kosovës nga Serbia dhe heqjen dorë nga strategjia e tensionimit të vazhdueshëm të situatës.”, ka shkruar tutje Meta.

    Ndryshe, kryeministri shqiptar, Edi Rama ka deklaruar sot se ka dorëzuar një draft të Asociacionit të komunave me shumicë serbe te presidenti francez, Emmanuel Macron dhe kancelari gjerman, Olaf Scholz. Për këtë dokument, ai ka thënë se i ka vënë në dijeni edhe presidentin e Këshillit Evropian dhe amerikanët. Rama ka thënë se drafti është i punuar nga ekspertë dhe sipas tij, pret që i njëjti të vlejë për të çuar në një nivel tjetër dialogun Kosovë-Serbi./KP

  • Kurti: Vizionin për Asociacionin do të konkretizojë kur ka pajtueshmëri për shtyllat e tij

    Kurti: Vizionin për Asociacionin do të konkretizojë kur ka pajtueshmëri për shtyllat e tij

    Kryeministri i Kosovës, Albin Kurti ka thënë sot se vizionin e tij për draft-statutin e Asociacionit do të konkretizonte nëse ka pajtueshmëri në parim për shtyllat e tij.

    Kurti, në seancën e sotme plenare ka thënë se nuk mund të shkruajë statutin e Asociacionit dhe pastaj të kërkohet një kompromis për atë, pa pasur në fillim pajtim për parimet e tij.

    “Unë këtë mund të thellojë (vizionin për statutin e Asociacionit), por thellimi i kësaj nënkupton pajtueshmëri në parim. Pra kur të pajtohemi në parim, përfshirë edhe ato shtyllat që ju i përmendën që unë i kam thënë në parim, atëherë lirisht mund të thellojmë tekstin. Por nuk mund të shkruajmë tekste alternative ndërmjet të cilëve mund të gjendet një mesatare aritmetikore pa u pajtuar njëherë në parim”, është shprehur Kurti, duke iu përgjigjur në pyetjet e deputetes së PDK-së, Ariana Musliu-Shoshi.

    Ai ka përsëritur mospajtimin me draftin e statutit të Asociacionit, të hartuar nga ish-ekipi menaxhues, të cilin Kurti e ka shkarkuar.

    Kurti ka thënë se vizioni i tij i prezantuar është bazuar në modelin kroat për pakicat kombëtare.

    “Qeveria ime nuk është pajtuar me draftin e ekipit menaxhues pasi ai imitonte në përmbajtje dhe formë Republikën e Serbe në Bosnje dhe Hercegovinë. Rrjedhimisht unë kam propozuar një draft vizion për të zbatuar nenin shtatë të marrëveshjes bazike dhe në lidhje me nenin 10, për të cilin nuk kam pranuar së pari aprovimin e palës tjetër dhe më pas edhe të Brukselit zyrtar, i cili vazhdon të konsiderojë këtë çështje të hapur…Tash e tutje mund të diskutojmë në kuadër të dialogut të Brukselit për zbatimin e nenit shtatë të marrëveshjes sipas vizionit tim të prezantuar në Bruksel, i cili prezanton shkronjën dhe frymën e Kushtetutës së Republikës sonë, konsensusin trans-atlantik të vlerave demokratike dhe liberale”, ka shtuar ai.

    Kurti është pyetur edhe për strategjinë për inkasimin e mjeteve financiare për shërbimet publike në katër komunat veriore.

    Ai është shprehur se fillimisht do të faturohen institucionet, pastaj bizneset dhe në fund amvisëritë.

    “Shërbimi fillimisht do t’i faturohet institucioneve, pastaj bizneseve dhe në fund amvisërive. Zgjedhjet e prillit kanë dhënë udhëheqjen e re në katër komuna dhe ndërmarrjet do të punojnë ngushtë me këta udhëheqës dhe komunitetin atje për të zgjeruar zonën e shërbimit”, ka shtuar ai.

    Ndryshe, kryeministri shqiptar, Edi Rama ka deklaruar se e ka dorëzuar një draft të Asociacionit të komunave me shumicë serbe, te presidenti francez Emmanuel Macron, dhe kancelari gjerman, Olaf Scholz. Për këtë dokument, ai ka thënë se i ka vënë në dijeni edhe presidentin e Këshillit Evropian dhe amerikanët. Rama ka thënë se drafti është i punuar nga ekspertë dhe sipas tij pret që i njëjti të vlejë për të çuar në një nivel tjetër dialogun Kosovë-Serbi.

  • Kurti: Me ndryshimet në Ligjin për Zgjedhjet po i dalim hak diasporës

    Kurti: Me ndryshimet në Ligjin për Zgjedhjet po i dalim hak diasporës

    Kryeministri Albin Kurti, tha se me votimin Projektligjit për Zgjedhjet e Përgjithshme në Republikën e Kosovës do t’i dalin hak mërgimtarëve që përkundër vështirësive nuk hoqën dorë për ta shprehur vullnetin e tyre politik, raporton Ekonomia Online.

    Sipas tij, ndër çështje më të rëndësishme që rregullohen me këtë Projektligj janë regjistrimi i votuesve jashtë vendit, mënyra e votimit jashtë vendit, e drejtën e votës, numërimi i votave dhe mbështetja financiare shtesë për partitë që krijojnë hapësirë më të madhe për deputet gra sa është kuota e përcaktuar.

    “Si kryeministër i vendit shpreh kënaqësinë dhe falënderimin për të përfunduar këtë proces. Falënderoj partitë politike për pajtueshmërinë për ndryshimet e bërë. Falënderoj miqtë ndërkombëtar. Përpjekje për reformë zgjedhore patën filluar menjëherë pas zgjedhjeve parlamentare 2010 që u cilësuan nga misionet e ndryshme si vjedhje industriale të votave. Raporti i misionit të BE për zgjedhjet lokale adresoj 23 rekomandime për procesin zgjedhore”.

    “Pjesëmarrja  e mërgatës në proceset zgjedhore dhe vështirësitë e tyre në realizimi e kësaj të drejte janë arsye për këto ndryshime që tani mundësojnë që ata të marrin pjesë. Ndër çështje më të rëndësishme që rregullohen me këtë projektligj janë regjistrimi i votuesve jashtë vendit, mënyra e votimit jashtë vendit, e drejtën e votës, numërimi i votave dhe mbështetja financiare shtesë për partitë që krijojnë hapësirë më të madhe për deputet gra sa është kuota e përcaktuar. Projektligji i ri e parasheh regjistrimin online”.

    “Shpeshojmë sadopak me votimin e këtij ligji sot do të i’u dalim hak mërgimtarëve që përkundër vështirësive nuk hoqën dorë për ta shprehur vullnetin e tyre politik dhe me durim priten që shteti i tyre t’i bëjë edhe me krenar kur atyre do të i’u mundësohet votimi në shtet ku ata jetojnë”, tha Kurti.

  • Gashi: Me këtë Albin që e njohim, Asociacioni me kompetenca ekzekutive nuk do të kalojë kurrë

    Gashi: Me këtë Albin që e njohim, Asociacioni me kompetenca ekzekutive nuk do të kalojë kurrë

    Avokati Tomë Gashi, në emisionin DIREKT në ATV, tha se me Albin Kurti, qoftë si në pushtet qoftë si në opozitë, një Asociacion çfarë po e kërkon Serbia, nuk do të ndodh kurrë.

    “Unë besoj që me Albin Kurtin, me Lëvizjen Vetëvendosje si në pushtet si në opozitë, një ‘Zajednicë’ e tillë, një Asociacion i tillë me kompetenca çfarë po i kërkon Serbia e që të tjerët po i sponsorizojnë, po i thonë faktikisht, po folin sikur me qenë zëdhënës të Vuçiqit, nuk do të ndodh kurrë. Është e pa lejueshme, është e pa imagjinueshme që të lejohet një gjë e tillë se do të ishte fillimi i lejimit të shkëputjes së një pjese të madhe të territorit tonë dhe atëherë po i bie që të tjerët mund edhe ta bëjnë për shkak se shumë më shumë e kanë dashur pushtetin se sa shtetin, por Albin Kurti, unë nuk besoj që qeky Albini q e njohim ne të gjithë, që do të nënshkruajë diçka, një Asociacion të tillë për të mbetur në pushtet”, tha Gashi. /atvlive.tv

    Emisionin e plotë e gjeni në videon më poshtë:

  • Behrami thotë se Edi Rama është më pro-amerikan se Albin Kurti

    Behrami thotë se Edi Rama është më pro-amerikan se Albin Kurti

    Analisti Artan Behrami, në emisionin CONTEXT në ATV, tha se kryeministri i Shqipërisë, Edi Rama, ka konsistencë në qëndrimet dhe linjën e tij pro Amerikës.

    Ai madje tha se Rama, fillimisht e shikon çka thotë Blinkeni, e më pas e kritikon Kurtin.

    “Sa i përket politikës së jashtme të Edi Ramës, ka bërë diçka që liderët dhe elitat politike në Shqipëri dhe në Kosovë, edhe besa në Maqedoni të Veriut e kanë bërë në vazhdimësi, përjashto këtu kryeministrin tonë Albin Kurti, që Edi Rama ka konsistencë në qëndrimet e tij në linjën e tij pro Amerikës. Rama e shikon fillimisht çka thotë Blinkeni, më pas e kritikon Kurtin, asnjëherë nuk e kritikon para se Blinkeni ta kritikojë atë”, tha Behrami.

    Ndërsa sa i përket politikës së jashtme në fushën e Ekonomisë, Behrami thotë së Edi Rama ka ndjekur një politikë të Titos.

    “Unë qëndroj pas asaj që kam thënë. Edi Rama e ka ndjekur një politikë të Titos në politikën e jashtme, sepse ai është një lider që ka arritë me sjellë investime nga shtete të cilat nganjëherë munden me u konsiderua si armike të SHBA-vë. Pra, e ka bërë këtë balancën ekonomik, i ka dhënë diçka Francës, diçka SHBA-së, diçka Gjermanisë, diçka shteteve të tjera. Unë besoj se që ka bërë mirë sepse ka arritë me shfrytëzua çdo potencial ndërkombëtarë për me e sjellë në Shqipëri. Pra, ai i ka shiku interesat e Shqipërisë në rend të parë”, tha Behrami. /atvlive.tv

    Emisionin e plotë e gjeni në videon më poshtë:

  • Kurti: S’kam marrë kurrfarë ultimatumi

    Kurti: S’kam marrë kurrfarë ultimatumi

    Forcat speciale të Policisë të Kosovës, do të duhej të largohen nga objektet komunale në komunat veriore më së largu të enjten, sipas një ultimatumi që përmendet se emisari amerikan, Gabriel Escobar, i ka dhënë kryeministrit Albin Kurti në takimin e së hënës.

    Por kryeministri Kurti mohon të ketë marrë ndonjë ultimatum të tillë nga ndërkombëtarët.

    “Nuk kam marrë kurrfarë ultimatumi, ne u takuam, bashkëbiseduam me emisarët dhe unë kam ofruar mënyrën e sigurt se si të kemi një dalje të qëndrueshme nga kriza në veri të Kosovës, e shkaktuar nga strukturat ilegale. E para është sundimi i ligjit, kemi me dhjetëra ushtarë të NATO-s, policë të Kosovës dhe gazetarë që ishin viktima të një egërsie të paparë të ekstremistëve të dhunshëm”, tha Kurti.

    Sidoqoftë, njësitë elite të Policisë së Kosovës vazhdojnë të qëndrojnë në veri që nga dita kur kryetarët e zgjedhur shqiptarë, nisën punën.

    “Nga e premtja e 36 majit, njësitë speciale të Policisë së Kosovës vazhdojnë të qëndroj te pjesa para objektit të komunës së Zveçanit dhe nga ajo ditë nuk ka pasur lëvizje të njësisë speciale, dhe pikërisht është njësia speciale e cila është vendosur si kusht nga ndërkombëtarët, që duhet të largohet në mënyrë që të ketë shpërshkallëzim të situatës në veri”, thuhet në njoftimin e Policisë.

    Por me a pa ultimatum, autoblindat e policisë që nuk lëvizën nga vendi tash e 12 dite, u zhvendosën sot në pjesën prapa komunës së Zveçanit.

    Për situatën në veri që tash e dy javë po kujdeset KFOR-i, i shqetësuar është shprehur edhe sekretari i përgjithshëm i NATO-s, Jens Stoltenberg, teksa ka kërkuar nga të dyja vendet që të ndërmarrin hapa për ulje të tensioneve.

    “Dhuna po e kthen prapa Kosovën dhe gjithë rajonin, duke vënë në pikëpyetje aspiratat euroatlantike. Si Prishtina, ashtu edhe Beogradi, duhet të ndërmarrin hapa konkretë për ta shtensionuar situatën, të përmbahen nga sjelljet e mëtejshme të papërgjegjshme dhe të angazhohen në dialogun e ndihmuar nga BE-ja, që është rruga e vetme për paqe të qëndrueshme. NATO-ja do të vazhdojë të luajë rolin e saj për të mbështetur sigurinë e qëndrueshme në Kosovë dhe stabilitetin e gjithë Ballkanit Perëndimor”, ka thënë Stoltenberg.

    Situata në veri u tensionua pasi serbët kundërshtuan dhunshëm hyrjen e kryetarëve të rinj shqiptarë në ndërtesat e komunave. /atvlive.tv

    Edicionin Qendror të lajmeve në ATV e gjeni në videon më poshtë:

  • Pozhari: Askush më shumë se Kurti nuk ka qenë i zëshëm kundër Asociacionit

    Pozhari: Askush më shumë se Kurti nuk ka qenë i zëshëm kundër Asociacionit

    Analisti politik, Xhevdet Pozhari, në emisionin CONTEXT në ATV, tha se askush më shumë se kryeministri Kurti nuk ka qenë i zëshëm kundër Asociacionit sa ka qenë në opozitë.

    Sipas tij, sot opozita, pos që duhet të zbatohen marrëveshjet, nuk ka ndonjë argument tjetër kundër kryeministrit Kurti.

    “Kurti ka ardhur si derivat i një vullneti qytetar dhe besoj që të gjithë e dimë që veprimet e tij kundër Asociacionit kanë qenë aq të zëshme dhe publike sa nuk mund t’i thotë askush që ‘ti na mashtrove ngaqë ne nuk e dinim që ti je kundër Asociacionit’. Askush s’mund të thotë sot Kurti, që e kam pas të paqartë se çfarë qëndrime ka ai ndaj atyre marrëveshjeve. Këtë e them jo për ta amnistu Kurtin, sepse është biografia e tij, janë qëndrimet e tij publike dhe kushdo mund t’i komentojë dhe interpretojë si të dojë, mirëpo në atë kohë bëhej presion kur ishte koha që të mos nënshkruheshin këto marrëveshje, veçanërisht Asociacioni, për të mos u bërë kompromisi siç e quante Vetëvendosja apo koncesioni ndaj Serbisë, ndërsa sot opozita nuk ka ndonjë argument me çka do t’i kundërvihej Kurtit, përveç se thotë që ‘ne duhet t’i zbatojmë ato marrëveshje’”, tha Pozhari.

    Ai tha se sa i përket legjitimitetit të kryetarëve të komunave, poashtu edhe procesit zgjedhor, Qeveria ka qenë plotësisht në koordinim me partnerët ndërkombëtarë.

    “Nga që zgjedhjet janë shtyrë, si afat në dakordim me partnerët ndërkombëtarë u është bërë thirrje në vazhdimësi serbëve që të marrin pjesë në zgjedhje. Ata gjithmonë kanë kushtëzua, siç kanë kushtëzua që të mos kthehen edhe në të gjitha zhvillimet që kanë ndodhur deri tash. Edhe në këtë drejtim, mbajtja e zgjedhjeve të reja në veri, përderisa e kemi diskutu që se me aq vota sa kanë fitu kryetarët edhe derisa nuk përfaqësojnë tërësisht në plotni legjitimitetin qytetar, do duhet të diskutohej kjo çështje. Edhe Kurti vetë e ka pranu që ata nuk janë kryetar me fuqi të plotë vendimmarrëse dhe në këtë pjesë nuk shoh telashe, pra më tepër ndonjë herë kam përshtypjen që bëhet zhurmë për t’ju dhënë nuanca të cilat mund të jenë edhe më të paqëndrueshme për thelbin për çka diskutohet. Unë e shoh në këto dy pika, në tërësi Qeverinë në koordinim me partnerët ndërkombëtarë”, tha Pozhari. /atvlive.tv

    Emisionin e plotë e gjeni në videon më poshtë: