ATV

Tag: Albin Kurti

  • Kurti: Rrëmbimi i policëve ndërlidhet me propozimin tonë pesë pikësh, ata janë rrëmbyer duke ngrënë drekë

    Kurti: Rrëmbimi i policëve ndërlidhet me propozimin tonë pesë pikësh, ata janë rrëmbyer duke ngrënë drekë

    Kryeministri i Kosovës, Albin Kurti, ka thënë se kidnapimi i tre zyrtarëve të Policisë së Kosovës, ndërlidhet me propozimin e tij pesë pikësh për deeskalim të situatës në veri të vendit.

    Teksa ka folur për kidnapimin e policëve, shefi i ekzekutivit u shpreh shteti serb ka për synim destabilizimin e shtetit të Kosovës. Ai këtë veprim e quajti edhe si hakmarrje nga ana e Serbisë, pasi zyrtarët policor po luftojnë krimin e organizuar.

    “Në mesditën e 14 qershorit, u ushtrua agresion nga ana e Serbisë me anë të arrestimit të tre zyrtarëve policor thellë në brendi të territorit të Republikës së Kosovës. Ky akt i agresionit të pashembullt ushtarake të Serbisë, është hakmarrje direkte ndaj Policisë së Kosovës, vetëm e vetëm sepse po luftohet krimi i organizuar dhe që ka për synim destabilizimin, atëherë kur patëm propozuar planin pesë pikësh për deeaskalim të plotë të situatës në veri të vendit tonë”, ka thënë Kurti.

    Kurti, në një konferencë për media ka thënë se zyrtarët policor janë vizituar nga drejtori i Zyrës Ndërlidhëse në Serbi, Jetish Jashari.

    “Vetë ngjarja e rrëmbimit të policëve ka ndodhur në Kosovë, rrëmbimi nuk ka ndodhur në Serbi. Ne jemi në komunikim të vazhdueshëm edhe me zyrën ndërlidhëse në Serbi. Ambasadori Jetish Jashari ka vizituar policët ndaras sot, përshkrimi se si ka ndodhur rrembi është i njëjtë nga të tretë. Ata thonë se rrëmbimi ka qenë tek tryeza duke ngrënë drek dhe 15 persona (ushtarak serb) i kanë sulmuar dhe i kanë rrëmbyer. Te tret kanë rrëfyer njëjte kur janë pyetur ndaras nga ambasadori Jetish Jashari”, u shpreh tutje Kurti.

  • BE pret që Kurti dhe Vuçiq të shkojnë në Bruksel pa kushte, në të kundërtën do të ketë pasoja për palët

    BE pret që Kurti dhe Vuçiq të shkojnë në Bruksel pa kushte, në të kundërtën do të ketë pasoja për palët

    Bashkimi Evropian u ka bërë thirrje kryeministrit të Kosovës, Albin Kurti, dhe presidentit të Serbisë, Aleksandar Vuçiq, që të pranojnë ftesën për pjesëmarrje në takimin e krizës në Bruksel, duke mos vendosur asnjë kusht.

    Përfaqësuesi i lartë i BE-së për politikë të jashtme dhe siguri, Josep Borrell, ka ftuar Kurtin dhe Vuçiqin për një takim në Bruksel gjatë kësaj jave, në mes të tensioneve të rritura mes dy shteteve.

    BE ka paralajmëruar se mospërfillja e kësaj ftese mund të ketë pasoja për palët.

    Presidenti i Serbisë veçse ka refuzuar të takohet me Kurtin, ndërkaq ky i fundit ende nuk ka vendosur nëse do të marrë pjesë në takimin e Brukselit.

    Vuçiq më 18 qershor deklaroi në Beograd se nuk do të takohet me Kurtin. Megjithatë, ai tha se do të vendosë nëse “teknikisht do të paraqitem në atë takim”, duke shtuar se ky do të jetë një vendim i tij strategjik për të cilin do ta informojë opinionin.

    Kurti ndërkaq, më 19 qershor tha se fillimisht pret që shefi i Zyrës Ndërlidhëse të Kosovës në Beograd të takojë policët e Kosovës, dhe pasi të kuptojë gjendjen e tyre, do të vendosë nëse do të pranojë ftesën e Borrellit për takim.

    Zëdhënësi i BE, Peter Stano, tha se Borrell ka ftuar dy liderët për t’u takuar në Bruksel “për të gjetur dalje nga kriza që po e shohim dhe për t’u kthyer në rrugën e dialogut”.

    “Data nuk është caktuar ende sepse palët nuk e kanë konfirmuar pjesëmarrjen. Borrell pret një sjellje më të përgjegjshme nga dy liderët. BE pret që ata të vijnë pa kushtëzime. Blloku evropian po e përcjell situatën për të parë se a janë palët e gatshme për të gjetur zgjidhje”, tha Stano gjatë një konference për media.

    Ai shtoi se të hënën gjatë takimit të ministrave të BE-së çështja e tensioneve mes Kosovës dhe Serbisë do të jetë në agjendë.

    “Ftesa e Borrellit është ofertë dhe mundësi për ta që të dëshojnë se pas të gjithave mund të jenë konstruktivë. Nuk është ftesë për të kënaqur Brukselin, por është për nevojën që të ulen tensionet dhe për të ardhmen evropiane të qytetarëve të Kosovës dhe Serbisë. E për këtë, askush tjetër përveç Vuçiqit dhe Kurti nuk është përgjegjës”, tha Stano.

    Që nga fundi i majit, tensionet në veri të Kosovës u rritën pasi pasi kryetarët e rinj shqiptarë të komunave në veri, me asistimin e Policisë së Kosovës, hynë në ndërtesat komunale, mes kundërshtimeve nga serbët lokalë.

    Tensionet kulmuan më 29 maj, kur në Zveçan protestuesit serbë u përleshën me ushtarët e misionit të NATO-s në Kosovë, KFOR. Nga përleshjet u lënduan dhjetëra persona nga të dyja palët.

    Më 14 qershor, tensionet mes Kosovës dhe Serbisë u përkeqësuan edhe më tej, pas arrestimit të tre zyrtarëve policorë të Kosovës. Serbia tha se ata u arrestuan “thellë” brenda territorit të saj, por Kosova tha se ata ishin duke patrulluar në territorin e Kosovës, pranë vijës kufitare me Serbinë në Leposaviq.

    Stano u pyet edhe për situatën aktuale dhe fatin e tre policëve të Kosovës që gjenden në paraburgim në Serbi. Ai tha se “për fat nuk ka pasur përshkallëzim të ri fizik në terren, por ende nuk kemi parë as hapa konkretë të menjëhershëm për shtensionim. Prandaj, edhe i kemi ftuar të dy liderët në Bruksel për të punuar në uljen e tensioneve dhe për hapa konkretë”.

    “Deri më tani nuk kemi dëgjuar përgjigje konkrete, përveç deklaratave jokonstruktive publike të tyre2, tha Stano.

    “Në këtë moment po përqendrohemi në thirrjen e Borrellit që liderët të vijnë në Bruksel. Varësisht se si do të shkojë ky takim, do të shohim më pas se si do të veprohet. Veprimet e të dyja palëve do të reflektohen edhe në diskutimin e ministrave, e pastaj edhe në rrugëtimin evropian të tyre”, përfundoi Stano.

    Shtetet e Bashkuara, Mbretëria e Bashkuar dhe Gjermania i kanë bërë thirrje Serbisë që të lirojë menjëherë tre policët e Kosovës. /rel

  • Kurti: Qeveri po punon për krijimin e mundësive të barabarta, me fokus punësimin e shkollimin

    Kurti: Qeveri po punon për krijimin e mundësive të barabarta, me fokus punësimin e shkollimin

    Zyra për Çështje të Komuniteteve, në kuadër të Zyrës së Kryeministrit, ka organizuar tryezë ku do të diskutohet për sfidat dhe mundësitë për komunitetin ashkali, raporton Ekonomia Online.

    Kurti, ka thënë se si Qeveri janë të përqendruar që të krijojnë një shoqëri me mundësi të barabartë. Ai shtoi se Qeveri po punon për krijimin e mundësive të barabarta, me fokus punësimin e shkollimin.

    “Është kënaqësi që jemi së bashku e të flasim për mundësitë e komuniteti ashkali për sfidat dhe bashkëpunimit. Për të përparua si shoqëri është e domosdoshme që përparimi të jetë për të gjithë qytetarët pa dallim. Me pakon për ringjallje ekonomi kemi ndihmuar mbi 800 mijë qytetarë. Qeveri po punon për krijimin e mundësive të barabarta, me fokus punësimin e shkollimin”.

    “Arsimin e lartë e kemi pa pagesë për të gjithë që t’i inkurajojmë që të mos ndalen tek shkolla e mesëm. Për t’i ndihmuar studentët rom ashkali dhe egjiptian kemi ndarë bursa 300 mijë euro, me bursa po i mbështesin studentë ashkali në Fakultetin e Edukimit. Zyra për çështje të komunitete ka mbështetur organizata dhe mediat e komuniteteve”.

    “Nga kjo zyre kemi thirrje të hapur për grande 300 mijë euro për organizata dhe 100 mijë për media, bëjë thirrje që sa më shumë të aplikojnë. Gjatë këtyre muajve të fundit kam pasur takime të veçanta me komunitetin ashkali. Kemi shumë të arritura dhe na duhen më shumë rezultate. Do të kemi vështirësi e sfida, por me qëllim të mirë e më vullnet bashkë i’a dalim”, tha ai.

    Deputeti nga radhët e komunitetit shakli, Bekim Arifi, tha se kryeministri po e dëshmon që ky komunitet është i rëndësishëm për Kosovën, raporton EO.

    “Falënderoj organizata që na kanë mundësuar këtë takim. Kryeministri vazhdimisht po e dëshminë që komuniteti ashakli është i rëndësishme për Kosovën me prezencën e tij në çdo event të organizuar”.

    “Sot jemi ardhur këtu më shumë të dëgjojmë nga ju ide se çka do të mund të bëjmë së bashku”, tha ai.

  • Kryeministri Kurti nuk ka vendosur nëse do të shkojë për takim në Bruksel, por do ta informojë

    Kryeministri Kurti nuk ka vendosur nëse do të shkojë për takim në Bruksel, por do ta informojë

    Jo në panelin sipas agjendës së publikuar, kryeministri Albin Kurti në Forumin e Prespës për Dialog, u paraqit në një intervistë dhe diskutim me publikun.

    Kjo përkundër se mungesa e tij në panelin e parë, u lidh me çështje sigurie.

    “Të nderuar zonja dhe zotërinj, sot vendosëm që paneli të jetë më i shkurtër për shkaqe sigurie”, kryeministri i Maqedonisë së Veriut, Dimitar Kovachevski.

    Më vonë në një intervistë në kuadër të Forumit, Kurti falënderoi SHBA-në për kërkesën publike drejtuar Serbisë, për lirimin e tre policëve pa asnjë kusht.

    Referuar draft-statutit të Asociacionit të komunave me shumicë serbe nga kryeministri i Shqipërisë, Edi Rama, dhe kërkesave që Kosova ta hartojë një të tillë, Kurti kritikoi formën e punës së ndërmjetësit evropian.

    “Unë kam thënë, me tri shtyllat që kam propozuar, mund ta shkruaj draft-statutin, por presidenti i Serbisë refuzoi. Ai tha se me këto tri shtylla, nga 22 kompetencat që unë i dua për Asociacionin mbetet vetëm një. Qartazi ai dëshiron një Republikë Serbe në Kosovë. Unë po them, le të frymëzohemi nga modeli kroat, që është një storie suksesi. Pra, nuk është esenca të prodhohen draft-tekste të ndryshme, por të pajtohemi për parimet dhe pastaj të shkruajmë tekstin. Ne mund të sjellim tekste të ndryshme dhe të provojmë të gjejmë në fund vlerën mesatare aritmetike siç zakonisht bën Përfaqësuesi i Posaçëm Lajcak, por kjo nuk po na çon përpara. Nëse nuk pajtohemi për shpirtin e tekstit, është e padobishme të provojmë të pajtohemi për germën e tekstit”, tha Kurti.

    Në një panel tjetër, presidenti i Shqipërisë, Bajram Begaj, foli për nevojën për vendime të mëdha nga Kosova dhe Serbia, si kontribut për stabilitetin në rajon.

    “Askush nuk mund të vërë sot në pikëpyetje sovranitetin dhe integritetin territorial të Kosovës. Kosova është një realitet politik i pakthyeshëm. Por vlerësoj, se është koha e duhur që liderët e këtyre dy vendeve të ndërmarrin përgjegjësitë historike, që ashtu si ata të Maqedonisë së Veriut e Greqisë pesë vjet më parë, të çojnë përpara procesin e pajtimit, si dhe normalizimin e marrëdhënieve dhe njohjen mes tyre”, tha Begaj.

    Në një video-adresim, sekretari i NATO-s, Jens Stoltenberg, theksoi rëndësinë e paqes dhe stabilitetit në rajon, duke përsëritur se kanë shtuar trupat e KFOR-it.

    Në një konferencë në Bruksel, zëdhënësi i BE-së, Peter Stano, refuzoi t’i bashkohet kërkesës amerikane për lirimin e tre policëve kosovarë – duke thënë se mbetet valid qëndrimi i së enjtes i Përfaqësuesit të Lartë, Josep Borrell. /atvlive.tv

    Edicionin Qendror të lajmeve në ATV e gjeni në videon më poshtë:

  • Abazoviq takon Kurtin në Strugë: Mali i Zi i gatshëm të mirëpresë raundin e radhës të dialogut Kosovë-Serbi

    Abazoviq takon Kurtin në Strugë: Mali i Zi i gatshëm të mirëpresë raundin e radhës të dialogut Kosovë-Serbi

    Kryeministri në largim i Malit të Zi, Dritan Abazoviq, ka njoftuar se është takuar në Strugë me kryeministrin e Kosovës, Albin Kurti.

    Abazoviq ka thënë se Mali i Zi si një vend mik i Serbisë dhe Kosovës por edhe i gjithë të tjerëve në rajon, është i gatshëm që të mirëpres raundin e radhës të dialogut mes Kosovës dhe Serbisë, me përfshirjen zyrtarëve evropianë dhe amerikanë.

  • Kryeministri Kurti merr pjesë në Forumin e Prespës

    Kryeministri Kurti merr pjesë në Forumin e Prespës

    Kryeministri Albin Kurti pritet që sot të marrë pjesë në Forumin e Prespës për Dialog.

    Alsat raporton se ky informacion u është konfirmuar nga Ministria e Punëve të Jashtme, të cilët u kanë thënë se Kurti e ka konfirmuar pjesëmarrjen.

    Ky medium raporton se edhe kryeministri i Malit të Zi, Dritan Abazoviq ka deklaruar se me Kurtin sot do të bisedojnë për situatën në Kosovë dhe për gjetjen sa më të shpejtë të zgjidhjes, me qëllim qetësimin e situatës dhe garantimin e paqes në rajon.

    Kurti dje i bëri thirrje dje KFOR-it të ushtrojë trysni mbi Serbinë që t’i kthejë në Kosovë tre zyrtarët policorë që u rrëmbyen nga forcat serbe të mërkurën.

    Në një seancë të jashtëzakonshme në parlamentin e Kosovës, kryeministri tha se KFOR-i si ushtrues i funksionit të mbrojtjes duhet ta ndëshkojë këtë shkelje të integritetit territorial dhe sovranitetit të Kosovës.

    “KFOR-i pra nuk do të duhej të jetë i heshtur e as përulur ndaj sulmit kidnapues të cilin edhe e kishte mandat ta parandalonte. Nëse KFOR-i e shndërron këtë heshtje në normë, e njëfarë nënshtrimi të heshtur në ligj që dihet publikisht, atëherë një gjë të tillë le të na e thotë hapur, dhe ashtu do e mohojë një përgjegjësi ndërkombëtare që ishte dashur të përmbushte efektivisht”, tha kryeministri Kurti.

    Veprimet e Serbisë, tha ai, dëshmojnë për orientimin e udhëheqjes së Serbisë nga verilindja dhe jo nga Bashkimi Evropian dhe Shtetet e Bashkuara.

    “Ajo që kemi parë dje është hakmarrje në njërën anë, e agresion në anën tjetër. Krijimi i hakmarrjes si instrument ndaj veprimeve të sundimit të ligjit në Kosovë, është jo vetëm mendësi barbare, mesjetare por tregues i orientimit të udhëheqjes së Serbisë kah verilindja, nga despotët e verilindjes, e jo nga Bashkimi Evropian dhe Shtetet e Bashkuara”, tha ai.

  • ​Dhjetëra kamionë presin të hyjnë në Kosovë, Kurti: Morëm masa në vendkalimet me Serbinë

    ​Dhjetëra kamionë presin të hyjnë në Kosovë, Kurti: Morëm masa në vendkalimet me Serbinë

    Në vendkalimin kufitar në Merdare, dhjetëra maune me mallra serbe janë duke pritur në territorin e Serbisë për t’u futur në Kosovë.

    Disa transportues nga Serbia janë njoftuar se nuk u lejohet hyrja në Kosovë dhe janë ndalur afër pikës kufitare për të mos hyrë në Kosovë, raporton KosovaPress.

    Megjithatë, kryeministri i Kosovës, Albin Kurti ka deklaruar të enjten se nuk ka masa ekonomike – tregtare ndaj Serbisë, por sipas tij këto janë masa të sigurisë.

    Ndërsa, Nenad Nastasieviq vozitës i kamionit me targa të Serbisë ka thënë se është duke pritur në Merdare për të hyrë në Kosovë me mall nga Bullgaria.

    Ai ka treguar se disa kamionë nga Serbia nuk kanë pritur për të hyrë në territorin e Kosovës, por janë kthyer mbrapsht.

    “Janë rreth 20 kamionë duke pritur në parking, Qeveria e juaj nuk po lejon me kaluar megjithatë unë sjell mall nga Bullgaria dhe nuk kam diçka nga Serbia. Gati 6 orë jam duke pritur, ka pasur kamionë të cilët janë kthyer mbrapsht, por unë mendoj që të pres këtu”, ka thënë Nastasijeviq.

    Ndërsa, Esat Mehmeti shofer i një kompanie nga Kosova u shpreh se gjatë kalimit të kufirit ka kontrolle të rrepta nga ana e Policisë së Kosovës.

    “Në pjesën tjetër janë duke pritur rreth 200 kamionë me dalë në pjesën e Kosovës. Doganierët dhe policët po sillen keq. Vetëm me targa të Evropës, Zvicrës munden me kalua. Ka kontrolle të rrepta, po kontrollojnë në kabinë, të cilat janë provokime” tha Esat Mehmeti

    Kryeministri Albin Kurti, ka thënë se pas rrëmbimit të tre zyrtarëve policorë, gjendja nuk është e zakonshme dhe e ka quajtur agresion nga Serbia.

    Për këta ai thekson se qeveria e Kosovës ka marrë masa të sigurisë në pikat kufitare me Serbinë.

    “Masat tona nëpër vendkalimet kufitare me Serbinë nuk janë masa ekonomike – tregtare, por janë masa të sigurisë. Gjendja nuk është aspak e zakonshme dhe për neve është e qartë se agresioni po vjen nga Serbia, nga njëherë në rrugë ilegale, e është e mundshme edhe në vendkalimet kufitare. Prandaj, si masa të sigurisë ne kemi marrë vendimin për qarkullim të kufizuar dhe kontrolle të shtuara deri në një vendim tjetër”, theksoi Kurti të enjten në mëngjes.

    Aktualisht Serbia po i mban tre zyrtarë policorë të Kosovës të cilët i ka rrëmbyer të mërkurën në veri.

    Policia e Kosovës ka deklaruar se tre zyrtarët kufitarë janë rrëmbyer nga forcat serbe gjatë një patrullimi në vijën kufitare në veri të Kosovës derisa kanë qenë në detyrë, thellë brenda territorit të Kosovës, për të parandaluar shfrytëzimin e rrugëve ilegale.

  • ​Rrëmbimi i tre policëve, Kryeministri Kurti raporton sot në Kuvend

    ​Rrëmbimi i tre policëve, Kryeministri Kurti raporton sot në Kuvend

    Kryeministri i Kosovës, Albin Kurti do të raportojë sot në Kuvendin Kosovës për rrëmbimin e tre policëve nga forcat serbe, brenda territorit të vendit.

    Pas kërkesës së opozitës që Kurti të raportojë në Kuvend, i njëjti i është përgjigjur pozitivisht që sot në orën 17:30 të raportojë para të zgjedhurve të popullit.

    Këtë e bëri të ditur kryetari i Kuvendit, Glauk Konjufca, gjatë seancës së sotme plenare.

    Krahas zhvillimeve të djeshme, opozita ka kërkuar që Kurti të tregojë edhe për raportet me aleatët dhe qëndrimet për sanksione ndaj Kosovës.

  • Kurti përmend Thaçin: Shkaku i zotimit të njëanshëm të tij, ne s’kemi ushtri të Kosovës në veri

    Kurti përmend Thaçin: Shkaku i zotimit të njëanshëm të tij, ne s’kemi ushtri të Kosovës në veri

    Kryeministri Albin Kurti thotë se për shkak të një zotimi të njëanshëm të Hashim Thaçit ndaj NATO-s në kohën kur ishte kryeministër, ne nuk kemi ushtri të Kosovës në veri të vendit.

    “17 për qind e territorit te Kosovës është në veri të lumit Ibër. Është territor shumë i gjerë, janë qindra kilometra kufi malor, nuk është çështje e thjeshtë. Prandaj duke pasë parasysh kapacitetet që ka sot Kosova nuk mund të vendosësh njësite, patrulla, zyrtar policor për çdo 50 metra në këtë kufi të gjatë. Nuk është e mundshme të ruhet kufiri ashtu, do ti shtojmë policët por aq e madhe është ajo pjesë, teren i vështirë malor, nuk do të mund të ketë asnjëherë mjaftueshëm polic për ta ruajtur atë kufi. Kufirin e ruan ushtria në atë pjesë të vendit ushtria është KFOR-i”.

    “Thaçi ka dërguar një zotim të njëanshëm ish sekretarit të përgjithshëm të NATO-s Rasmussen, ku i thotë qe forcat e sigurisë së Kosovës nuk do ta kalojnë lumin Ibër dhe që prej vitit 2013 ne nuk kemi ushtri në veri të Kosovës për shkak të këtij zotimi ndaj NATO-s. Rrjedhimisht NATO, përkatësisht KFOR-i është ushtria e Kosovës në veri të Kosovës dhe kufirin e ruan ushtria. Ne do të bëjmë maksimumin në policinë tonë por për të qenë plotësisht të suksesshëm aty duhet të jetë KFOR-i”, tha Kurti pas mbledhjes së Këshillit të Sigurisë.

  • Berisha: Kurti s’më ka folur pasi u bë kryeministër

    Berisha: Kurti s’më ka folur pasi u bë kryeministër

    Ish-kryeministri i Shqipërisë, Sali Berisha foli në lidhje me zhvillimet në veri të Kosovës dhe qëndrimin e Tiranës zyrtare.

    Teksa hodhi akuza në lidhje me mbështetjen që sipas tij kryeministri i Shqipërisë, Edi Rama po i jep Beogradit, Berisha u ndal dhe te marrëdhënia e tij personale me kryeministrin Albin Kurti.

    Berisha në “Euronews Albania” tha se me Kurtin nuk ka pasur asnjë takim që pasi ai është zgjedhur kryeministër, dhe mund ta ketë takuar dy-tre herë gjithsej gjatë karrierës politike.

    Ai shtoi se nuk e ka këshilluar për veprimet që duhet të ndërmarrë, pasi këto kohë nuk kanë pasur komunikim.

    “Në mënyrë absolute Kurti nuk ka ardhur në zyrën time, as nuk kam asnjë komunikim. Atëherë nuk ka ardhur për të më kërkuar mendimin por për të mbështetur mendimin tim, pasi siç e dini njeriu i parë që kundërshtoi në mënyrë intensive çështjen e ndarjes së Kosovës isha unë. Pastaj filluan me radhë edhe autoritetet politike në Kosovë. Erdhën njëri pas tjetrit për t’u solidarizuar me qëndrimin tim, por jo se pata ndonjë lidhje”.

    “Hera e fundit që mund të kem komunikuar me Kurtin mund të ketë vite, kam drekuar njëherë gjatë kohës që ishte në opozitë. Pasi ai u zgjodh kryeministër nuk kam pasur asnjë komunikim. Ky është personi që kam takuar më pak nga politikanët e tjerë të Kosovës. Kam ngrënë një drekë me të e kam takuar dy tre herë dhe kaq”, ka thënë mes tjerash Berisha.

    Ndër të tjera, ai tha publikisht se është kosovar.

    “Kosova është dheu im, duhet ta dijë e gjithë Shqipëria dhe e gjithë bota që unë jam kosovar. I kam thënë një fjalë luftëtarëve të Kosovës në 92-shin, Adem Jasharit dhe grupit të tij, që gjysmën e kohës e kam për Shqipërinë, gjysmën tjetër për Kosovën, këtu unë nuk mund të ndryshoj. Kosova, Malësia e Gjakovës është etnikisht pjesë e Kosovës”, tha Berisha.