Sorensen diskuton në Paris e Berlin për avancimin e dialogut Kosovë – Serbi

I dërguari special i Bashkimit Evropian për dialogun Kosovë-Serbi, Peter Sorensen, ka bërë të ditur se në dy ditët e kaluara ka qëndruar në Paris dhe Berlin, ku ka diskutuar për vazhdimin e dialogut.

“Kam kaluar dy ditët e fundit në Paris dhe Berlin. Kemi pasur biseda shumë të mira dhe kuptimplota se si të ecim përpara në dialog”, ka shkruar Sorensen në rrjetin social “X”.

Ai shtoi se është mirënjohës për mbështetjen e plotë të dhënë në përpjekjet e tij në këtë drejtim.