Përgatiti: Driton Sadiku
Në dy javët e ardhshme, Kuvendi nuk do të mbajë seancë plenare për shkak të rinovimit të sallës së kuvendit. Kësisoj edhe seanca e paralajmëruar për të enjten e 30 majit, për shpërndarje të legjislaturës së tetë nuk dihet kur do të mbahet.
Nga PDK-ja shpresojnë se në dy ditët e ardhshme do të mund t’ua ndryshojnë mendjen kolegëve tjerë opozitarë, në të kundërtën pranojnë që Qeveria mund ta përmbyllë mandatin.
Por LDK-ja e AAK-ja nuk u bindën as nga letra e dërguar nga kryetari i PDK-së, i cili bënte thirrje për unitet mes partive, për zgjedhje të parakohshme.
Edhe nga pushteti vazhdojnë të insistojnë në qëndrimin se opozita duhet të jetë e bashkuar, teksa vullnetin për zgjedhje të parakohshme e arsyetojnë me motin.
Ndërkohë, Kuvendi do t’i kthehet punës më 12 qershor, me seancë solemne në shënim të Ditës së Çlirimit.
Leave a Reply