Raportohet për një rrahje në shkollën “Dardania” në Prishtinë, gazetarja e ATV-së jep detaje nga vendi i ngjarjes

Në shkollën fillore “Dardania” në Prishtinë, një nga qendrat me fluksin më të lartë të votuesve, është raportuar për një incident mes qytetarëve.

Sipas informatave fillestare, situata u tensionua për shkak të pritjeve të gjata në radhë, duke shkaktuar pakënaqësi dhe përleshje verbale, e madje edhe ofendime mes disa personave.

Gazetarja e ATV-së, Benita Zeneli, drejtpërdrejt nga vendi i ngjarjes sqaroi se Policia e Kosovës ende nuk ka konfirmuar ndonjë ndërhyrje zyrtare, por disa dëshmitarë pohojnë se policia është dashur të qetësojë situatën.

Aktualisht, votimi po vazhdon normalisht dhe gjendja është stabilizuar. /atvlive.tv