Qindra punonjës shëndetësorë paditin ShSKUK-në për pagën e 13-të

Përgatiti: Krenare Mulliqi

Pagën e 13-të nuk e mori për tri vjet, ashtu siç e parashihte Kontrata kolektive që vlejti nga 2018 deri më 2021-ën. Andaj, Afërdita Xhelili, kryeteknike në mjekësinë nukleare në QKUK, vendosi ta ndjekë rrugën ligjore për të marrë atë që, sipas saj, i takon.

Ajo ka paditur Shërbimin Spitalor, Klinik dhe Universitar të Kosovës për t’i marrë 3 paga të 13-ta.

Njësoj si Xhelili kanë vepruar edhe afro 70 për qind e punonjësve shëndetësorë.

Sipas nënkryetarit të sindikatës së QKUK-së, ata nuk patën zgjidhje tjetër.

Megjithatë, Kryeziu druan se SHSKUK-ja si punëdhënëse do të mund t’i realizojë këto pagesa.

ATV-ja ka pyetur SHSKUK-në se si do të veprojë lidhur me këtë çështje dhe nëse ka kërkuar mjete nga Qeveria për shlyerjen e këtyre obligimeve, por gjatë së mërkurës, televizioni nuk mori përgjigje.

Të drejtën në pagën e 13-të, punëtorëve shëndetësorë ua ka njohur edhe Gjykata Supreme, nëpërmjet një mendimi të publikuar më 9 tetor të vitit të kaluar.