​Policia jep detaje për vrasjen në Pejë, arrestohet i dyshuari

Një rast tragjik ka ndodhur në Pejë mëngjesin e sotëm ku dyshohet se është vrarë një grua.

Driton Rugova nga policia rajonale e Pejës, e ka konfirmuar për KP se sot rreth orës 08:15 janë informuar se në rrugën “Bill Clinton”, ka ndodhur një rast dhe se policia me ekipin mjekësor kanë dal në vendin e ngjarjes.

Sipas tij ekipi mjekësor e ka konstatuar vdekjen e viktimës.

“I dyshuari i këtij rasti është arrestuar dhe ndodhet në objektet e Stacionit Policor në Pejë”, ka thënë ai.