ATV

Blog

  • Komisioni për Ekonomi miraton në parim Projektligjin për Energjinë Elektrike

    Komisioni për Ekonomi miraton në parim Projektligjin për Energjinë Elektrike

    Me shtatë vota për, Komisioni për Ekonomi ka miratuar në parim Projektligjin për Energjinë Elektrike. Mbledhja u shoqërua me debate mes Partisë Demokratike të Kosovës dhe Lëvizjes Vetëvendosje, raporton Ekonomia Online.

    Ministrja e Ekonomisë, Artane Rizvanolli, prezantoi projektligjin dhe dobitë e tij.

    “Projektligji për energjinë elektrike që po prezantojmë sot para jush e avancon kornizën ligjore të sektorit të energjisë në Republikën e Kosovës, duke i përcaktuar në mënyrë më të qartë dhe më të drejtë të drejtat dhe detyrimet e të gjithë pjesëmarrësve në treg, si dhe duke forcuar bazën për një sistem të qëndrueshëm, konkurrues dhe të orientuar drejt tregut. Projektligji e ruan strukturën bazë të ligjit ekzistues, mirëpo zgjerohet më tej në adresimin e zhvillimeve të fundit në tregun e energjisë, integrimin e tij, digjitalizimin dhe tranzicionin energjetik. Së bashku me projektligjin për energjinë që prezantuam dje dhe me projektligjin për rregullatorin që do ta sjellim në Kuvend gjatë këtij viti, përafrohet legjislacioni ynë me kërkesat e pakos së energjisë së pastër të Bashkimit Evropian, duke kaluar nga modeli aktual drejt një kuadri modern, të harmonizuar me Direktivën 2019/944, Rregulloren 2019/943, si dhe Rregulloret 2019/941 dhe 2019/942. Qëllimi kryesor është që të sigurohet furnizim i qëndrueshëm, cilësor dhe çmime të përballueshme për konsumatorët”, tha Rizvanolli.

    Ndërsa deputeti i Partisë Demokratike të Kosovës, Ferat Shala, tha se sistemi energjetik i vendit, që nga prodhimi, transmetimi dhe shpërndarja, po shkon kah centralizimi absolut.

    “Unë e dëgjova prezantimin e ministres që na e solli ligjin e dytë brenda dy ditësh, një ligj jashtëzakonisht voluminoz, i përshkruar me qindra nene, por që me këtë dinamikë e vetmja arsye që u mundua ministrja të na thotë është që janë nëntë milionë euro donacione që mund t’i përfitojnë. Konsideroj, ministre, që për nëntë milionë euro Republika e Kosovës nuk duhet të prekë substancën e bazës energjetike dhe të legjislacionit në këtë fushë pa ndonjë analizë të mirëfilltë dhe pa ndonjë debat më afatgjatë kohor. Ne këtë nuk e kemi parë dje as sot dhe, mbi të gjitha, sot po e shohim që definitivisht ky ligj po e vërteton atë që thashë dje, që sistemi energjetik i vendit, që nga prodhimi, transmetimi dhe shpërndarja, po shkon kah centralizimi absolut dhe, mbi të gjitha, është shqetësues sistemi i kontrollit. Edhe dje e sot, në asnjërin nga ligjet nuk shohim sistem të mirë të kontrollit të pavarur, por shohim centralizim ekstrem të ekzekutivit mbi sektorin energjetik. Tendencë që e kemi parë moti, por tani po i jepet një vulë edhe me legjislacion”, tha ai.

    Ai gjithashtu përmendi ministrin e Infrastrukturës, Dimal Basha, dhe shtoi se KOSTT-i po shkatërrohet nga pushteti.

    “Pse ju po ia shkruani ligjin Dimal Bashës? Pse nuk ka kosto financiare ligji? Pse nuk ka analizë? Pse duhet të kalojë KOSTT-i sot? Dëgjoni, po e shkatërroni KOSTT-in. Nëse është interes biznesor i ngushtë me i kap edhe bateritë, në rregull. Nëse është interes i ngushtë…”, tha Shala.

    Derisa Shala pati akuza, pati ndërhyrje nga kryetarja e Komisionit nga Lëvizja Vetëvendosje, Rozeta Hajdari.

    “Zotëri Shala, të lutem kontribuo për ligjin, sepse sot është në shqyrtim. Je duke bërë sulme politike pa nevojë. Të lutem, kontribuo për ligjin”, tha ajo.

    Ministrja Rizvanolli, duke i reaguar deputetit Shala, ia përmendi mënyrën e qeverisjes në kohën e PDK-së.

    “I nderuar deputet, zgjidhja që e keni bërë kur e keni vendosur KOSTT-in të raportojë në Kuvend është zgjidhje sui generis, që në asnjë vend tjetër në BE e as në botë nuk e kam parë. Ka përfunduar Kuvendi duke votuar 61 deputetë, duke e ngritur dorën për çështje operacionale të një ndërmarrjeje. Kjo nuk është në asnjë vend tjetër; është bërë në Kosovë si rezultat i nevojës për zbatimin e direktivave të BE-së, duke mos ditur, prej mungesës së njohurive dhe mungesës së angazhimit për të gjetur zgjidhje të duhur, që të mbetet brenda mbikëqyrjes së qeverisë, ka përfunduar në Kuvend”, tha Rizvanolli.

    Deputeti i Lëvizjes Vetëvendosje, Driton Hyseni, i reagoi deputetit Shala.

    Ai tha se e drejta e qeverisë është që të bëjë politikat dhe ligjet në shërbim të qytetarëve.

    “Mendoj që kolegu Shala nga opozita fillimisht duhet të fillojë me një qasje të këndvështrimit të tij politik për sektorin dhe mbi çështjet që parasheh ligji, mirëpo më pas tejkaloi edhe gjuhën parlamentare dhe gjuhën kolegjiale dhe filloi me akuza. Unë nuk mendoj që ka nevojë për akuza, sepse mendoj se sillet një ligj nga një ministri e qeverisë që është votuar nga qytetarët me 51.1 për qind në zgjedhje dhe është e drejtë e kësaj qeverie që të bëjë politikat dhe ligjet siç ajo mendon që mund t’u shërbejë qytetarëve të vendit”, tha Hyseni.

  • Muja priti në takim Ambasadorin e Francës: Diskutojnë për avancimin e bashkëpunimit në sektorin e bujqësisë

    Muja priti në takim Ambasadorin e Francës: Diskutojnë për avancimin e bashkëpunimit në sektorin e bujqësisë

    Ministri i Bujqësisë, Pylltarisë dhe Zhvillimit Rural, Armend Muja, priti në takim Ambasadorin e Francës në Kosovë, Olivier Guérot, me të cilin diskutoi për avancimin e bashkëpunimit në sektorin e bujqësisë.

    Në këtë takim u diskutua për krijimin e marrëveshjeve të reja me kompani franceze, veçanërisht në zhvillimin e bujqësisë dhe përmirësimin e sistemit të ujitjes në Kosovë.

    Ministri Muja theksoi rëndësinë e rritjes së sigurisë ushqimore, për çka mori mbështetje nga ambasadori francez.Po ashtu, u diskutua edhe për pjesëmarrjen në Panairin Ndërkombëtar të Bujqësisë në Paris, si mundësi për thellimin e bashkëpunimit.

    “Ministri i Bujqësisë, Pylltarisë dhe Zhvillimit Rural, Armend Muja, priti në takim Ambasadorin e Francës në Kosovë, Olivier Guérot, me të cilin diskutoi për avancimin e bashkëpunimit në sektorin e bujqësisë.

    Në takim u diskutua për mundësitë e krijimit të marrëveshjeve të ardhshme me kompani franceze, me fokus në zhvillimin e bujqësisë dhe avancimin e sistemit të ujitjes në Kosovë”.

  • Magyar i kërkon Orbánit të heqë veton për 90 miliardë eurot për Ukrainën para largimit nga posti

    Magyar i kërkon Orbánit të heqë veton për 90 miliardë eurot për Ukrainën para largimit nga posti

    Fituesi i zgjedhjeve në Hungari, Péter Magyar, ka bërë thirrje që kryeministri në largim Viktor Orbán të heqë veton e tij mbi një kredi prej 90 miliardë eurosh për Ukrainën, para se të largohet nga posti.

    Sipas Magyar, nëse rifillon furnizimi me naftë përmes tubacionit Druzhba, Orbán duhet ta tërheqë “veton teknike” që po e bllokon procedurën e BE-së. Kjo kredi ishte miratuar nga liderët e BE-së në dhjetor, por u bllokua më vonë për shkak të një mosmarrëveshjeje mes Hungarisë dhe Ukrainës.

    Komisioni Europian po përgatitet që fondet të transferohen sapo të zgjidhet bllokada, ndërsa disa liderë të BE-së po kërkojnë që ndihma për Ukrainën të disbursohet sa më shpejt.

    Nga ana tjetër, Hungaria ende po mban disa bllokada të tjera ndaj Ukrainës, përfshirë paketën e sanksioneve dhe procesin e anëtarësimit në BE.

  • Zhurmë dhe tension para sfidës, tifozët e Bayernit “zgjojnë” Realin para ndeshjes vendimtare

    Zhurmë dhe tension para sfidës, tifozët e Bayernit “zgjojnë” Realin para ndeshjes vendimtare

    Real Madrid përballet sonte me një mision të vështirë në Mynih, teksa synon të përmbysë humbjen 2-1 nga ndeshja e parë dhe të sigurojë një vend në gjysmëfinalet e UEFA Champions League.

    Megjithatë, përpara sfidës vendimtare ndaj Bayern Munich, madrilenët nuk kanë pasur një natë të qetë. Në orët e para të mëngjesit, pranë hotelit ku ishte akomoduar skuadra, janë ndezur fishekzjarre dhe mjete piroteknike, në një tentativë të tifozëve vendas për të prishur qetësinë dhe përqendrimin e “Los Blancos”.

    Sipas raportimeve të gazetarëve spanjollë që ndodhen në Gjermani, shpërthimet e fuqishme kanë zgjuar lojtarët e Realit rreth orës 01:00, ndërsa forcat e sigurisë kanë reaguar menjëherë duke kërkuar autorët e incidentit. Ende nuk ka konfirmim nëse përgjegjësit janë identifikuar.

    Pavarësisht kësaj situate, vëmendja tani zhvendoset te fusha, ku në Allianz Arena do të zhvillohet përballja e madhe që nis në orën 21:00. Fituesi i këtij dueli do të përballet në gjysmëfinale me Paris Saint-Germain, duke e rritur edhe më shumë peshën e kësaj nate vendimtare.

  • Më shumë se 70 ekipe “robotësh humanoidë” përgatiten për gjysmëmaratonën e dytë të Kinës

    Më shumë se 70 ekipe “robotësh humanoidë” përgatiten për gjysmëmaratonën e dytë të Kinës

    Makineritë humanoide po bëhen gati për një tjetër sfidë të pazakontë: gjysmëmaratonën e dytë të robotëve në Pekin të Kinës.

    Më shumë se 70 ekipe morën pjesë në një provë gjatë natës, duke testuar robotët në një pistë prej 21 kilometrash në zonën e zhvillimit E-Town, përpara garës zyrtare të planifikuar më 19 prill.

    Testimi simuloi kushtet reale të garës, nga navigimi autonom në rrugë deri te reagimi ndaj situatave emergjente.

    Sipas Instituti Kinez i Elektronikës, rreth 40% e ekipeve tashmë përdorin sisteme plotësisht autonome, duke e bërë sfidën edhe më komplekse për robotët.

    Organizatorët kanë shtuar këtë vit edhe kategori të reja çmimesh, përfshirë ato për qëndrueshmëri dhe përfundimin e garës — një objektiv që nuk është i lehtë. Në edicionin e parë vitin e kaluar, vetëm 6 nga 21 robotët arritën në vijën e finishit.

    Për shumë ekipe, kjo garë mbetet një eksperiment i rëndësishëm teknologjik.

    Probleme si mbinxehja e motorëve dhe shkarkimi i shpejtë i baterive vazhdojnë të jenë sfida kryesore, por pjesëmarrja është rritur ndjeshëm, duke u pesëfishuar krahasuar me vitin e kaluar.

  • “Afrim Bunjaku po vazhdon të vritet”, Koci kërkon dënim maksimal për të akuzuarit e Banjskës

    “Afrim Bunjaku po vazhdon të vritet”, Koci kërkon dënim maksimal për të akuzuarit e Banjskës

    Avokati i familjes së rreshterit të vrarë në sulmin e 24 shtatorit 2023 në Banjskë, Afrim Bunjaku, Arianit Koci ka kërkuar dënim me burgim të përjetshëm për të akuzuarit, duke theksuar mungesën e pendimit dhe seriozitetin e veprës.

    Avokati Arianit Koci tha se sulmi nuk ishte vetëm ndaj një zyrtari policor, por ndaj gjithë shtetit të Kosovës.

    Koci theksoi se nuk ka pasur asnjë shprehje pendimi apo distancimi nga të akuzuarit për veprimet e tyre.

    “Afrim Bunjaku po vazhdon me u vra, po vazhdon me u vra familja e tij, me faktin se ashkush nuk është penduar, as kush nuk është distancuar. Unë e kisha kuptu një situatë me thënë unë nuk kam marrë pjesë se ka të drejtë me deklarua ai apo kushdo çka të dojë po më vjen keq për vdekjen e policit, më vjen keq për vdekjen e familjes time. Por s’ka, nuk ka keqardhje. Nuk ka keqardhje as nuk ka ndonjë farë kritike e sulmit që është bërë, jo vetëm ndaj policit Afrim Bunjaku, po është bërë ndaj të gjithë neve. Qëllimi ka qenë shkëputja e një territori të Kosovës, e në atë pjesë të territorit të Kosovës jemi të gjithë ne. Më vjen keq, mos kujtoni që jam i pashpirt. Më vjen keq mua për secilin djalë të ri i cili dëmtohet dhe burgoset për asgjë. Por, jo, nuk më vjen hiç keq kur edhe ka kry krimet, edhe provohet me prova siç i prezantoi prokuroria, edhe në fund nuk shpreh keqardhje. Edhe krejt kjo situatë na bien në një situatë që ne me mendua a jemi ne, secili prej nesh, të sigurt në shtetin tonë? Kosova është shtet i pavarur, nuk ka me mujtë me u shkëputë asnjë pjesë e Kosovës edhe këtë duhet me e ditë të gjithë. Provat janë të qarta. Ju e keni parë që në Viber kemi një moment ku thotë ‘ja filloi’. Filloi lufta. Nuk qenka lojë kjo punë. Domethënë, të gjitha këto i kanë bërë me vetëdije”, tha ai /Ekonomia Online.

  • Gashi i PDK’së: Kurti s’ka vullnet e as energji të qeverisë, po e dërgon vendin në zgjedhje

    Gashi i PDK’së: Kurti s’ka vullnet e as energji të qeverisë, po e dërgon vendin në zgjedhje

    Kujtim Gashi nga Partia Demokratike e Kosovës fajësoi kryeministrin Albin Kurti se sipas tij me mos gjetjen e një zgjidhje për presidentin ai ka përgatitur skenar për ta dërguar vendin në zgjedhje.

    “I njëjti nuk ka as, as disponim, as vullnet , as energjinë për të qeverisur me Qeverinë e Kosovës”, tha ai.

    Ai pohoi se zgjedhjet mund të mbahen në qershori.

    “Kosova nuk ka pasur luks e as nevojë për të shkuar në zgjedhje…por zoti Kurti dhe subjekti i tij politik nuk po i jep drejtim të kësaj çështje ne jemi të imponuar të përgatitemi si subjekt politik të shkojmë drejt zgjedhjeve”, u shpreh ai për rtv21.

  • Telefoni Trump Mobile T1 shfaqet në renderime të reja dhe me specifika të përditësuara

    Telefoni Trump Mobile T1 shfaqet në renderime të reja dhe me specifika të përditësuara

    Telefoni T1 nga Trump Mobile mund të jetë një hap më afër lansimit pas një përditësimi të qetë të specifikave në faqen zyrtare të operatorit celular.

    Specifikave të përditësuara u bashkohen edhe renderime të reja të pajisjes, të cilat përshkruajnë dizajnin e paralajmëruar më parë.

    Imazhet e reja në fakt kanë një lloj pamjeje të çuditshme dhe duken sikur janë gjeneruar nga IA.

    Ato përshkruajnë një dizajn të përgjithshëm (ndoshta ODM) me flamurin amerikan dhe Trump Mobile të stampuar në pjesën e pasme së bashku me një ishull oval kamerash që strehon tre sensorë dhe markën Trump Mobile.

    Telefoni T1 tani është konfirmuar se do të ketë një ekran AMOLED 6.78 inç me një shpejtësi rifreskimi 120Hz, në vend të panelit të paralajmëruar më parë prej 6.25 inç.

    Do të ofrojë një kamerë të përparme 50MP dhe do të jetë i pajisur me një çipset të paspecifikuar Qualcomm Snapdragon 7 series.

    Gjithashtu marrim konfirmimin e një kamere kryesore 50MP e cila do të shoqërohet nga një sensor i dytë telefoto 2x 50MP dhe një lente ultra të gjerë 8MP.

    Në listë përmendet gjithashtu një bateri 5,000mAh me karikim 30W dhe Android 15 në aspektin e softuerit.

    Këto specifikime kryesore janë çuditërisht të ngjashme me HTC U24 Pro, i cili doli në vitin 2024.

    Telefon T1 do të lansohet me një çmim fillestar prej 499 dollarësh, që ende duket shumë për specifikimet që kemi në dispozicion.

    Nuk ka asnjë përmendje se kur pritet të dalë në shitje telefoni.

  • E veja e Charlie Kirk tërhiqet nga ngjarja me JD Vance pas kërcënimeve me jetë

    E veja e Charlie Kirk tërhiqet nga ngjarja me JD Vance pas kërcënimeve me jetë

    Erika Kirk, e veja e aktivistit të vrarë Charlie Kirk, u tërhoq të martën nga një aktivitet i Turning Point USA ku merrte pjesë zëvendëspresidenti amerikan, JD Vance për shkak të kërcënimeve për jetën e saj, tha zëvendëspresidenti.

    “E di që ajo mori disa kërcënime,” i tha Vance një audience studentësh të Universitetit të Xhorxhias.

    “Isha pak i shqetësuar se do të na duhej ta anulonim eventin sepse Erika nuk do të vinte, dhe ajo ishte shumë e shqetësuar për këtë.”

    Vance tha se kishte folur me Shërbimin Sekret dhe nuk ishte i shqetësuar për sigurinë e tij. Ai nuk dha detaje rreth kërcënimeve ndaj Erika Kirk, e cila është drejtuese e Turning Point USA.

    Shërbimi Sekret dhe Turning Point nuk iu përgjigjën menjëherë kërkesave për koment.

    Një person i armatosur, i cili përballet me akuza për vrasje, vrau Charlie Kirk në shtator gjatë një eventi ku mbajti fjalime në kampus në Universitetin Utah Valley në Orem të Utah.

    Autoritetet e përshkruajnë të shtënat si të motivuara politikisht. Kirk bashkëthemeloi Turning Point USA për të nxitur votuesit e rinj për kauza konservatore, raporton Reuters.

    Vrasja intensifikoi debatin mbi dhunën politike, hap një skedë të re në Shtetet e Bashkuara, duke shkaktuar dënim nga zyrtarët në të gjithë spektrin politik dhe duke çuar në rritjen e sigurisë në eventet pasuese në kampus që përfshinin figura politike të profilit të lartë.

  • Gërhitja mund të jetë shenjë e hershme e një problemi shëndetësor

    Gërhitja mund të jetë shenjë e hershme e një problemi shëndetësor

    Gërhitja, një dukuri e zakonshme gjatë natës, mund të jetë një shenjë e hershme e hipertensionit të rrezikshëm, ose presionit të lartë të gjakut.

    Studimi më i madh i këtij lloji, i kryer nga ekspertë të çrregullimeve të gjumit në Universitetin Flinders, ka zbuluar se njerëzit që gërhasin rregullisht, veçanërisht burrat obezë të moshës së mesme, janë në rrezik më të madh për presion të lartë të gjakut dhe hipertension të pakontrolluar, raporton Express.co.uk.

    Studimi, i botuar në revistën NPJ Digital Medicine, është i pari që përdor teknologjinë e monitorimit të gjumit në shtëpi gjatë një periudhe të gjatë kohore për të shqyrtuar lidhjen midis gërhitjes dhe presionit të gjakut.

    “Për herë të parë, ne mund të konfirmojmë objektivisht se ekziston një lidhje e qartë midis gërhitjes së rregullt gjatë natës dhe presionit të lartë të gjakut”, tha autori kryesor Dr. Bastien Lechat nga Fakulteti i Mjekësisë dhe Shëndetit Publik.

    “Ne zbuluam se rreth 15 përqind e të gjithë pjesëmarrësve, kryesisht burra obezë, gërhasin për më shumë se 20 përqind të natës. Një gërhitje e tillë e rregullt gjatë natës shoqërohet me presion të lartë të gjakut dhe hipertension të pakontrolluar”, shtoi ai, shkruan Index, hr, transmeton Klankosova.tv.

    Sipas tij, rezultatet tregojnë se sa e rëndësishme është të merret gërhitja më seriozisht në kujdesin shëndetësor dhe trajtimin e çrregullimeve të gjumit, veçanërisht kur bëhet fjalë për kontrollin e presionit të gjakut.

    Gërhitja shpesh nënvlerësohet

    Gërhitja është një fenomen shumë i zakonshëm, por pasojat e saj të mundshme shëndetësore shpesh anashkalohen. Shpesh ndodh së bashku me apnenë e gjumit, një çrregullim në të cilin frymëmarrja ndërpritet periodikisht gjatë gjumit.

    “Ne pamë se njerëzit që gërhijnë rregullisht kanë pothuajse dyfishin e rrezikut të hipertensionit të pakontrolluar. Ky rrezik rritet më tej tek ata që gërhijnë rregullisht dhe kanë apnea të gjumit, krahasuar me njerëzit që nuk gërhijnë rregullisht”, tha profesori Danny Eckert, drejtor i programit të shëndetit të gjumit në Universitetin Flinders dhe një nga autorët kryesorë të studimit.

    Gërhitja në vetvete mund të shërbejë si një shenjë paralajmëruese e hershme e presionit të lartë të gjakut sepse gjumi i ndërprerë që shkakton mund të rrisë rrezikun e zhvillimit të hipertensionit. Dhe hipertensioni, ose presioni i lartë i gjakut vazhdimisht, mund të çojë në komplikacione serioze shëndetësore, duke përfshirë dështimin e zemrës, goditjen në tru dhe sëmundjet e zemrës dhe veshkave.

    Studimi përdori të dhëna të mbledhura nga pajisjet e monitorimit të gjumit të vendosura nën dyshekë, të cilat regjistronin gërhitjen dhe apnenë e gjumit, si dhe monitorët e tensionit të gjakut në shtëpi. Studimi zgjati nëntë muaj dhe përfshiu më shumë se 12,000 pjesëmarrës nga e gjithë bota.

    Si ta zvogëloni gërhitjen?

    Nëse jeni mbipeshë, rekomandohet humbja e peshës. Të flini në anë gjithashtu mund të ndihmojë. Për t’ju ndihmuar të qëndroni në këtë pozicion, mund të provoni të qepni një top tenisi në pjesën e pasme të pizhameve tuaja ose të merrni një jastëk të veçantë. Nëse gërhitja juaj po shqetëson gjumin e partnerit tuaj, tapat e veshëve mund të jenë një zgjidhje.

    Çfarë duhet të shmangni

    Nëse doni të zvogëloni gërhitjen, duhet të shmangni pirjen e duhanit dhe konsumin e tepërt të alkoolit. Pilulat e gjumit gjithashtu nuk rekomandohen, pasi ato ndonjëherë mund të shkaktojnë gërhitje.