ATV

Blog

  • Anne Hathaway, ‘Më e bukura në botë’ për vitin 2026

    Anne Hathaway, ‘Më e bukura në botë’ për vitin 2026

    Anne Hathaway, fituesja e çmimit Oscar, është përzgjedhur si imazhi i “World’s Most Beautiful” për vitin 2026 nga revista “People”.

    Në moshën 43-vjeçare, aktorja shfaqet më në formë se kurrë, duke reflektuar mbi një jetë më të qetë dhe të ekuilibruar.

    Pavarësisht një karriere të suksesshme, 2026 ishte viti i rikthimeve të mëdha.

    Vëmendja e fansave është përqendruar te vazhdimi i shumëpritur i “The Devil Wears Prada”.

    Në intervistën për People, Hathaway ka ndarë emocionet e ribashkimit me legjendën Meryl Streep, duke e cilësuar këtë projekt si një moment kulminant të rrugëtimit të saj.

    Por axhenda e saj nuk ndalet këtu. Gjatë këtij viti, Hathaway do të jetë protagoniste edhe në katër projekte të tjera madhore.

    Titulli “Gruaja më e Bukur në Botë” vjen jo vetëm për tiparet e saj, por rritjen artistike dhe vlerat e treguara.

  • Debat mes pozitës dhe opozitës për shkarkimin e komisionit për provimin e jurisprudencës

    Debat mes pozitës dhe opozitës për shkarkimin e komisionit për provimin e jurisprudencës

    Vendimi i Qeverisë për shkarkimin e komisionit për provimin e jurisprudencës ka shkaktuar debat në Komisionin për Legjislacion mes pozitës dhe opozitës, raporton Ekonomia Online.

    Deputeti i Lëvizjes Vetëvendosje, Vigan Qorrolli ka propozuar që të futet në rend dite shkarkimi i komisionit që mban provimin e jurisprudencës duke thënë se ka shumë kandidatë që presin dhe se brenda një viti asnjë provim s’është mbajtur.

    “Qeveria e Republikës së Kosovës ka aprovua dy pika në këtë seancë të Kuvendit, që lidhen me komisionin e ri për kalimin e provimit të jurisprudencës. Dhe e dyta, që në këtë rast pika e 15-të që ka të bëjë me dëgjimin publik të projektligjit për Byronë Shtetërore për verifikimin dhe konfiskimin e pasurisë së pajustifikueshme. Sepse ne mendojmë që duhet të formohet vetëm një grup pune dhe nuk ka nevojë për dëgjim publik. Ndërkohë që shtesa tjetër është vetëm për çështjen e komisionit për kalimin e provimit të jurisprudencës”, tha Qorrolli.

    Ndërsa, Besnik Tahiri anëtar i komisionit nga radhët e AAK-së, tha se duhet të ketë arsyetim pse ndodhi shkarkimi i një komisioni që është ende i mandatuar.

    “Unë mendoj që përderisa ekziston komisioni i ri i cili ka mandat, i cili është në punë, s’ka logjikë me pasë një komision të ri të jurisprudencës kur ekziston një komision i cili ka mandat, është në punë, e ka funksionin e vet. Kjo është për mu një absurd i jashtëzakonshëm.

    Çështja e dytë është kur ka një këtillë dilemë. Pra kur kemi një dilemë juridike, paramendoni jemi ka dojmë me kriju një komision të ri për me emërua komisionin e ri të jurisprudencës”, tha Tahiri.

    Përparim Gruda kryetar i komisionit nga PDK-ja, tha se vetëm në diktaturë ndodh që të shkarkohet komisioni i mandatuar për provim të jurisprudencës pa një arsye individuale sepse nuk ka arsyetim kolektiv.

    Shkarkimi komisionit për provim të jurisprudencës nuk arriti të futej si pikë në rendin e  ditës në këtë komision pasi opozita nuk mori pjesë në votim.

  • FSHF merr vendim për stadiumin “Air Albania”

    FSHF merr vendim për stadiumin “Air Albania”

    Një nga vendimet e marra nga Komiteti Ekzekutiv i Federatës Shqiptare të Futbollit në mbledhjen e fundit lidhet me investimet në infrastrukturë, në kuadër të përgatitjeve për finalet e Kampionatit Evropian U-21 2027, që do të zhvillohen në Shqipëri.

    Sipas njoftimit zyrtar, Komiteti Ekzekutiv miratoi kërkesën e Komisionit të Infrastrukturës për ndryshimin e tapetit të stadiumit “Air Albania”, si dhe ndërhyrjen në bazament, me qëllim përmbushjen e standardeve më të larta të kërkuara nga UEFA për organizimin e ndeshjeve ndërkombëtare dhe finaleve të këtij kompeticioni.

    Në të njëjtën linjë, Komiteti miratoi edhe projektin e paraqitur nga FK Partizani, që parashikon zëvendësimin e tapetit ekzistues të stadiumit, si dhe ndërtimin e dy fushave të reja stërvitore, në funksion të këtij eventi madhor.

    “Në bashkëpunim me klubin, FSHF do të realizojë investimin për të transformuar tapetin e fushës nga bar artificial në bar natyral, duke garantuar kushte optimale loje. Gjithashtu, një prej dy fushave të reja në kompleksin Partizani do të jetë me bar natyral, e dedikuar për seancat stërvitore të skuadrave pjesëmarrëse gjatë turneut dhe tjetra me tapet artificial”.

    Punimet pritet të nisin së shpejti, me objektivin për përfundimin në kohë dhe në përputhje të plotë me kërkesat e UEFA.

  • Rama: Kosova, shteti i 100-të që mirëpret gjigantin e hotelerisë “Hilton”

    Rama: Kosova, shteti i 100-të që mirëpret gjigantin e hotelerisë “Hilton”

    Kryetari i Komunës së Prishtinës Përparim Rama ka njoftuar se rrjeti i hoteleve Hilton po vjen në Prishtinë, dhe këtë prurje e ka vlerësuar si horizont i ri për turizmin e Kosovës.

    Postimi i plotë:

    Hilton n’Kryeqytet! 🌍✨
    Kosova hyn fuqishëm në hartën botërore të turizmit, duke u bërë shteti i 100-të që mirëpret këtë gjigant global të hotelerisë.

    Me ardhjen e Hilton, hapen horizonte të reja për turizmin, ekonominë dhe punësimin, duke sjellë standarde elitare ndërkombëtare dhe duke e kthyer Kryeqytetin në një destinacion gjithnjë e më tërheqës për vizitorë nga e gjithë bota.

    Ky zhvillim është një dëshmi e fuqishme se Kryeqyteti Prishtina nuk është më në pritje të mundësive, ai po i krijon vetë ato. Prishtina po shndërrohet në një qendër dinamike, moderne dhe me potencial të jashtëzakonshëm për t’u pozicionuar denjësisht në skenën globale. 🚀

  • Komisioni për Legjislacion miraton projektligjin për “çmimet tavan”

    Komisioni për Legjislacion miraton projektligjin për “çmimet tavan”

    Komisioni për Legjislacion ka miratuar raportin me amendamente të Komisionit Funksional për projektligjin për masat e përkohshme të produkteve themelore në raste të veçanta të destabilizimit në treg.

    Ky projektligj është miratuar me 5 vota për dhe 2 abstenime.

    Deputetët e Lëvizjes Vetëvendosje votuan pro këtij projektligji, ndërsa Besnik Tahiri nga Aleanca për Ardhmërinë e Kosovës dhe Përparim Gruda nga Partia Demokratike abstenuan këtë votim.

  • “Keni synuar të ndërhyni në punën tonë, s’ju lejuam”, Kryetari i Supremes kundërshton vendimin e qeverisë për Komisionin e Jurisprudencës

    “Keni synuar të ndërhyni në punën tonë, s’ju lejuam”, Kryetari i Supremes kundërshton vendimin e qeverisë për Komisionin e Jurisprudencës

    Kryetari i Gjykatës Supreme, Fejzullah Rexhepi, ka reaguar ndaj vendimit të Qeverisë për formimin e një Komisioni të ri për Provimin e Jurisprudencës, duke e cilësuar të pabazuar në fakte dhe procedura ligjore, shkruan Reporteri.net.

    Rexhepi theksoi se përgjegjësia për organizimin e provimit i takon Ministrisë së Drejtësisë, e cila sipas tij ka dështuar në përmbushjen e obligimeve.

    Ai e quajti vendimin joligjor dhe kundërkushtetues, duke kundërshtuar pretendimet për mungesë transparence dhe duke mohuar ndërhyrje në vlerësimin e kandidatëve.

    Sipas tij, emërimi i një komisioni të ri pa përfunduar mandati i atij aktual përbën ndërhyrje në institucionet e pavarura dhe në sistemin e drejtësisë.

    Reagimi:

    Reagim lidhur me vendimin e Qeverisë për Komisionin për dhënien e Provimit të Jurisprudencës

    Prishtinë, 21 prill 2026 – Kryetari i Gjykatës Supreme të Republikës së Kosovës shpreh shqetësimin e tij, lidhur me vendimin 24/11, të datës 20.04.2026, të marrë në mbledhjen e fundit të Qeverisë, për formimin e një Komisioni të ri për dhënien e Provimit të Jurisprudencës, të arsyetuar me pretendime për mungesë transparence dhe ankesa ndaj Komisionit të deritanishëm.

    Së pari, si kryetar i Komisionit të deritanishëm, vlerësoj se është e domosdoshme që çdo vendimmarrje institucionale të bazohet në fakte të verifikuara, procedura të rregullta dhe në respekt të plotë të kompetencave ligjore të secilit institucion. Në këtë drejtim, konsiderojmë se është e papranueshme që përgjegjësia për një proces tërësisht administrativ dhe organizativ të zhvendoset në mënyrë të tërthortë tek Komisioni, në një kohë kur vetë Ministria e Drejtësisë ka dështuar të përmbushë obligimet e saj të qarta ligjore për organizimin e provimit.

    Tendencat ndaj komisionit kanë filluar para një viti, arsyet e dhëna nga Ministrja e Drejtësisë, për të emëruar komisionin në përbërje të re, janë absurde dhe jo të vërteta, dhe vendimi si i tillë është jo ligjor dhe kundërkushtetues.

    E vërteta e vetme në këtë mes është se unë si kryetar i Komisionit dhe anëtarët e Komisionit, nuk kemi lejuar ndërhyrje në punën e Komisionit sa i përket vlerësimit të kandidatëve, pasi kjo është në kompetencë të Komisionit. Puna e Komisionit është bazuar në dispozitat e ligjit, dhe për këtë ka pasur transparencë të plotë, ankesa e vetme nga Ministria e Drejtësisë në raport me Komisionin që na është thënë, ka qenë kalueshmëria e ulët. Për ne ka qenë e papranueshme që të ulen kriteret e vlerësimit dhe Komisioni të luajë rolin e një instrumenti në dorën e Ministrisë së Drejtësisë.

    Andaj, emërimi i një Komisioni në përbërje të re, pa i kaluar mandati Komisionit të deritanishëm, nuk shpjegohet ndryshe përveç ndërhyrje në punën e institucioneve të pavarura, dhe kjo në vazhdën e ndërhyrjeve të vazhdueshme që Qeveria i bënë edhe në raport me Sistemin e Drejtësisë.

    Për mua personalisht dhe për anëtarët e Komisionit integriteti dhe pavarësia në ushtrimin e profesionit edhe si anëtar i Komisionit, nuk janë parime që shkruhen vetëm në letër, por janë parime që duhet t’i ushtrojmë në çdo veprim tonin.

    Ne mbetemi të përkushtuar për sundimin e ligjit, funksionimin e pavarur të institucioneve dhe mbrojtjen e interesit publik.

  • “Vaksinat NUK shkaktojnë autizëm” – Të gjithë prindërit duhet ta largojnë këtë keqkuptim, është vetëm MIT

    “Vaksinat NUK shkaktojnë autizëm” – Të gjithë prindërit duhet ta largojnë këtë keqkuptim, është vetëm MIT

    Autizmi është një çrregullim neurozhvillimor që ndikon në mënyrën se si një person komunikon, ndërvepron me të tjerët dhe përjeton botën përreth. Ai është pjesë e spektrit të gjerë të zhvillimit, që do të thotë se shfaqet në forma dhe nivele të ndryshme tek individë të ndryshëm, duke përfshirë sfida në komunikim social, sjellje të përsëritura dhe interesa të kufizuara, por edhe aftësi dhe potenciale unike.

    Megjithatë, rreth autizmit vazhdojnë të ekzistojnë shumë keqkuptime dhe mite të përhapura. Ndër më të zakonshmet janë pretendimet e pabazuara se vaksinat shkaktojnë autizëm apo se ai është rezultat i prindërimit të dobët. Këto ide janë hedhur poshtë nga kërkimet shkencore!

    Në emisionin “LIBERO” u diskutua lidhur me këtë çështje dhe për sa i takon lidhjes së pretenduar mes vaksinave dhe autizmit, psikologia Dafina Daka theksoi se ky keqkuptim ka ndikuar drejtpërdrejt në vendimet e shumë prindërve… Sipas saj, hezitimi për vaksinim apo shtyrja e tij pas moshës dyvjeçare i ekspozon fëmijët ndaj sëmundjeve serioze si fruthi, i cili mund të ketë pasoja të rënda për shëndetin.

    “Ky keqkuptim i ka nxitur shumë prindër të rinj që të mos i vaksinojnë foshnjat e tyre, ose ta shtyjnë vaksinimin. Kjo i rrezikon drejtpërdrejt nga sëmundje të rënda. Është shumë e rëndësishme të kuptohet se shkenca asnjëherë nuk ka vërtetuar që vaksinat shkaktojnë autizëm. Kjo ka qenë vetëm një teori e pavërtetuar”, theksoi Daka.

    Vlen ta përmendin se sipas OBSH-së, nuk ka lidhje shkencore mes vaksinave dhe autizmit (meta-analizë e 2025) – Një rishikim i gjerë i të dhënave (mbi 1.2 milion fëmijë) nuk gjeti asnjë rritje rreziku për autizëm nga vaksinat ose përbërësit e tyre.

    Ndërkohë edhe për sa i takon keqkuptimit se autizmi shkaktohet nga prindërimi i keq, OBSH ka shpjeguar se autizmi nuk shkaktohet nga mënyra e rritjes së fëmijës… DHE në lidhje me këtë logopedia Reita Shabani sqaroi natyrën e autizmit, duke kundërshtuar bindjet e gabuara që lidhen me faktorë të jashtëm si prindërimi.

    “…Autizmi është një çrregullim neurozhvillimor dhe nuk ka të bëjë me mënyrën e rritjes apo faktorë të tillë njerëzorë…”, u shpreh ajo.

    Për ta dëgjuar diskutimin e plotë rreth kësaj teme, klikoni në linkun e mëposhtëm:

  • Koncerti “Tre tenorët spanjollë” bashkon zërat ndërkombëtarë dhe ata shqiptarë

    Koncerti “Tre tenorët spanjollë” bashkon zërat ndërkombëtarë dhe ata shqiptarë

    Skena e Teatrit Kombëtar të Operës dhe Baletit në Shqipëri, sonte do të mirëpresë koncertin gala “Tre tenorët spanjollë”, një ngjarje që sjell në kryeqytet tre zëra të njohur të muzikës operistike ndërkombëtare.

    Nën dirigjimin e maestro Leonardo Quadrini, tenorët Ignacio Encinas, Oscar Encinas dhe Albert Deprius do të interpretojnë pjesë të përzgjedhura nga repertori klasik dhe operistik.

    Në këtë mbrëmje të veçantë, skena pasurohet edhe me praninë e artistëve shqiptarë si, Ramona Tullumani, Denis Skura dhe Ekland Hasa, duke krijuar një dialog të fuqishëm artistik mes dy kulturave.

    Koncerti do të shoqërohet nga Orkestra Simfonike e Forcave të Armatosura.

    “Tre tenorët spanjollë”, sjellë në një skenë të vetme artistë ndërkombëtarë dhe shqiptarë në një festë të vërtetë të muzikës klasike.

  • Ylli i ‘OnlyFans’ ia qet të “zezat” Drake-it, zbulon mesazhet që ia ka dërguar

    Ylli i ‘OnlyFans’ ia qet të “zezat” Drake-it, zbulon mesazhet që ia ka dërguar

    Ylli i “OnlyFans”, Sophie Rain, ka deklaruar se reperi Drake i dërgoi një mesazh në Instagram me një kërkesë të papritur.

    Siç raporton Vr, ajo tha se reperi e ftoi të fluturonte për në Bahamas, por ajo nuk e bëri këtë.

    Sipas Rain, ajo më vonë u përpoq t’i dërgonte përsëri mesazh, por biseda nuk u rikthye në të njëjtën mënyrë.

    Pretendimet u ndanë gjatë një paraqitjeje në podcast dhe nuk janë konfirmuar publikisht nga Drake.

  • Charlize Theron rikthehet në kohë: Nëna ime e vrau babanë për të na shpëtuar jetën!

    Charlize Theron rikthehet në kohë: Nëna ime e vrau babanë për të na shpëtuar jetën!

    Aktorja, fituese e çmimit Academy Award, Charlize Theron, ka rikujtuar një nga momentet më tronditëse të jetës së saj në një intervistë të fundit për The New York Times.

    Në rrëfimin e saj të sinqertë, Theron foli për natën dramatike kur nëna e saj qëlloi për vdekje babanë e aktores, një ngjarje që ka lënë gjurmë të thella në jetën e saj.

    Sipas saj, i ati ishte kthyer në shtëpi në gjendje të dehur dhe shumë agresiv, duke hyrë me forcë dhe duke kërcënuar drejtpërdrejt jetën e tyre.

    “Ai do të na vriste,” është shprehur Theron, duke përshkruar momentin e frikshëm që, sipas saj, dukej si një skenë filmi, por që në realitet ishte një përjetim i dhimbshëm.