Një vrasje e trefishtë ka ndodhur në Podgoricë të Malit të Zi.
Sipas raportimeve të “Vijesti”, në mesin e viktimave janë dy vëllezër nga Rozhaja Denis Hot (28) dhe Nezrin Hot (27).
Raportohet se krimi nuk është i lidhur me goditjen ndaj grupeve kriminale.
Policia është në kërkim të Vehid Muriq nga Rozhaja, gjithashtu , i cili dyshohet se ka kryer krimin e trefishtë, dhe besohet se krimi është kryer në apartamentin me qira gjatë natës.
Ushtruesja e detyrës së presidentes, Albulena Haxhiu, sot do të presë në takim ambasadorin amerikan në NATO, Matthew G. Whitaker.
Presidenca tha se takimi do të nisë nga ora 16:30 dhe se mediat mund të marrin pamje në fillim të takimit.
Sot gjatë ditës ka ndodhur incidenti i radhës, ku një person është lënduar në vendin e punës, në një punishte në lagjen “Dragodan” të Prishtinës.
Teksa ishte duke punuar, vinçi është rrëzuar në punishte, duke lënë të lënduar një punëtorë.
E punëtori i lënduar është dërguar për trajtim në Klinikën Emergjente në Qendrën Klinike Universitare të Kosovës (QKUK).
Dafina Basholli, mjeke në Kliniken Emergjente ka thënë për Indeksonline se gjendja e punëtorit të lënduar është stabile.
Ajo tha se pas ekzaminimeve që i janë bërë në Kliniken Emergjente, i lënduari do të vazhdojë trajtimin në Klinikën e Ortopedisë.
“ Gjendja e tij është stabile. Pas trajtimit në dhomën e reanimacionit dhe ekzaminimeve radiologjike, pacienti do të vazhdojë trajtimin ne Klinikën e Ortopedise”, tha ajo për Indeksonline
Pas një edicioni emocionues në ProCredit Superligën e Basketbollit dhe çerekfinaleve të “Play-off”-it, ka ardhur momenti për gjysmëfinalet, ku katër skuadrat më të mira do të luftojnë për trofeun më të rëndësishëm të vitit.
Të mërkurën në orën 19:30, ekipi i Bashkimit do të ndeshet me Borën në një duel shumë tërheqës. Në garat e rregullta të Superligës, Bashkimi përfundoi i dyti, ndërsa Bora ishte e treta. Në çerekfinale, Bora shkëlqeu duke eliminuar Sigal Prishtinën, ndërsa kjo edicion është historik për ta, pasi për herë të parë kanë arritur në fazën e “Play-off”-it.
Një tjetër ndeshje tepër interesante do të luhet të enjten, po ashtu në orën 19:30, ku do të përballen Trepça dhe Peja. Trepça, ekipi më i suksesshëm i viteve të fundit, është kampioni aktual dhe fitues i Kupës, ndërsa Peja, një nga skuadrat më të njohura dhe me shumë histori, do të kërkojë të rikthehet në majat e basketbollit kosovar.
Trepça ka fituar gjashtë herë titullin, ndërsa Peja pesë herë, duke përfshirë titullin e fituar vitin e kaluar, në vitin 2023.
Ndaj, kjo është një mundësi e shkëlqyer për tifozët që të shijojnë dy ndeshje me shumë emocion dhe rivalitet. Kjo fazë e “Play-off”-it premton spektakël dhe shumë sfida të forta për të arritur në finalen e madhe.
Programi i ndeshjeve të gjysmëfinaleve:
Drejtoria Rajonale e Policisë nё Pejë, Stacioni policor në Pejё, me datёn 26.01.2026, ka pranuar informacion nga ankuesi se nё rrugën ‘Ndue Pёrlleshi’ nё Pejё ka ndodhur njё rast i vjedhjes sё rёndё.
Ankuesi i cili ёshtё me banim tё pёrkohshёm në SHBA, ka deklaruar se nё shtёpinë e tij nё rrugёn e lartёcekur, në sef ka lёnё njё shumё tё hollash prej 176.900 (njёqind e shtatёdhjetё e gjashtёmijë e nёntqind) dollarë amerikanë dhe 3750 ( tremijё e shtatёqind e pesёdhjetё) euro, tё cilat i janë vjedhur.
Pas njё pune intensive të hetuesve tё Sektorit Rajonal pёr Hetime DRP-Pejё, me datёn 21.04.2026, kanё arritur ta arrestojnё tё dyshuarën, e cila dyshohet se ka vjedhur shumёn e tё hollave tё lartcekura.
Pas intervistimit nga hetuesit, me urdhёr tё prokurorit tё shtetit, e dyshuara ёshtё dёrguar nё mbajtje pёr 48- orё.
Një ngjarje shqetësuese në Britani të Madhe ka rikthyer në vëmendje rrezikun e “drink spiking” dhe sigurinë në jetën e natës, pasi 18-vjeçarja Millie Taplin ka rrëfyer përvojën e saj tronditëse gjatë festës së ditëlindjes.
Sipas rrëfimeve të publikuara nga familja e saj, Millie kishte dalë për të festuar për herë të parë në një klub nate, kur iu ofrua një pije nga një person i panjohur. Ajo ka konsumuar një vodka me limonadë, por pak momente më vonë gjendja e saj është përkeqësuar me shpejtësi.
Ajo ka përjetuar mpirje të menjëhershme në fytyrë, humbje të kontrollit të muskujve dhe vështirësi të rënda fizike, ndërsa mbeti e vetëdijshme gjatë gjithë kohës. Sipas familjes, trupi i saj është bërë i ngurtë dhe ajo nuk ka mundur të lëvizë apo të komunikojë, pavarësisht se ishte e vetëdijshme për gjithçka që po ndodhte rreth saj.
Miqtë e saj kanë ndërhyrë menjëherë dhe ajo është dërguar me urgjencë në spital, ku mjekët dyshuan për ekspozim ndaj substancave të panjohura. Sipas raportimeve, mjekët kanë vlerësuar se mund të ketë qenë një kombinim substancash që kanë ndikuar si në sistemin motorik ashtu edhe në vetëdijen e saj.
Megjithatë, testet nuk kanë arritur të identifikojnë saktësisht substancat e përdorura, duke shtuar shqetësimet për vështirësinë e zbulimit të rasteve të tilla.
Millie Taplin ka mbijetuar, por përvoja e saj është kthyer në një shembull të fortë të rrezikut që mund të fshihet në një dalje të zakonshme nate. Rasti i saj ka nxitur reagime dhe thirrje për më shumë kujdes, rritje të sigurisë në klube dhe vetëdijësim më të madh te të rinjtë.
Planet e Real Madrid për afatin kalimtar të verës kanë nisur të marrin formë.Mes ideve për përforcimin e repartit defensiv, emri i Jon Martin është shfaqur si një nga prioritetet kryesore.
Qendërmbrojtësi 19-vjeçar i Real Sociedad po kalon një sezon mbresëlënës, duke tërhequr vëmendjen e disa klubeve të mëdha evropiane. Depërtimi i tij në elitë ka qenë i shpejtë dhe bindës, aq sa drejtuesit madrilenë e konsiderojnë si një investim strategjik si për të tashmen, ashtu edhe për të ardhmen.
Martin ka dëshmuar se zotëron cilësitë e nevojshme për të konkurruar në nivelet më të larta. Ai spikat për forcën në duele, aftësinë për të lexuar lojën dhe dominimin në ajër. Po ashtu, qetësia e tij me topin dhe aftësia për të ndërtuar aksione nga prapavija përputhen me stilin e një skuadre që synon të dominojë përmes posedimit.
Te Real Sociedad, ai ka gjetur ambientin ideal për t’u zhvilluar. Klubi nga San Sebastiani ka besuar te talenti i tij, duke i dhënë minuta në ndeshje të rëndësishme, çka ka përshpejtuar rritjen e tij dhe e ka shndërruar në një nga premtimet më të mëdha të futbollit spanjoll.
Pengesa kryesore për Real Madridin mbetet çmimi i lojtarit. Jon Martin ka një klauzolë lirimi prej 50 milionë eurosh, një shumë e konsiderueshme për një futbollist kaq të ri, por që reflekton potencialin e tij të madh. Nga ana tjetër, Real Sociedad nuk është i gatshëm të negociojë nën këtë shifër dhe e konsideron mbrojtësin pjesë kyçe të projektit të tyre.
Në këtë situatë, Real Madridi po shqyrton disa opsione: pagesën e plotë të klauzolës ose gjetjen e formulave alternative, si bonuse të lidhura me performancën apo kushte më fleksibile pagese, për të realizuar transferimin.
Oda e Avokatëve të Kosovës ka reaguar lidhur me zhvillimet e fundit për Provimin e Jurisprudencës, duke kërkuar që procesi të mos politizohet dhe të ruhet standardi profesional.
Ngjarja ka ndodhur pasi debatet institucionale për organizimin dhe funksionimin e provimit kanë marrë vëmendje të shtuar ditëve të fundit.
Në reagimin e saj, OAK ka bërë të ditur se po i ndjek me shqetësim këto zhvillime, por pa u rreshtuar në asnjë anë të debatit.
Sipas Odës, Provimi i Jurisprudencës nuk është thjesht çështje e një institucioni apo një komisioni, por një hallkë e rëndësishme që ndikon drejtpërdrejt në cilësinë e gjithë sistemit të drejtësisë.
OAK ka bërë thirrje të qartë që kandidatët të mos bëhen viktimë e mosmarrëveshjeve institucionale dhe që standardet profesionale të mos ulen në asnjë rrethanë.
Po ashtu është theksuar se procesi i vlerësimit duhet të mbetet i lirë nga çdo ndërhyrje, ndërsa çdo vendimmarrje duhet të jetë transparente dhe në përputhje me kompetencat ligjore.
Oda ka paralajmëruar se çdo cenim i këtyre parimeve nuk dëmton vetëm një proces të caktuar, por godet besimin e qytetarëve në drejtësi dhe në vetë vlerat demokratike të shtetit.
Në fund, OAK u ka bërë thirrje institucioneve që të veprojnë me maturi dhe përgjegjësi, duke garantuar një proces të drejtë dhe të paanshëm.
Një nga historitë më prekëse të miqësisë në botën e showbiz-it mbetet ajo mes Selena Gomez dhe shoqes së saj të ngushtë, Francia Raisa.
Në vitin 2017, këngëtarja dhe aktorja Selena Gomez po përballej me komplikime serioze shëndetësore si pasojë e sëmundjes Lupus. Gjendja e saj u rëndua në atë masë sa kishte nevojë urgjente për transplant të veshkës.
Në një gjest të jashtëzakonshëm dashurie dhe miqësie, Francia Raisa nuk hezitoi dhe vendosi t’i dhurojë njërën nga veshkat e saj, duke i shpëtuar jetën shoqes së saj.
Operacioni u realizua me sukses, ndërsa më vonë Selena Gomez e bëri publik këtë moment të rëndësishëm, duke e cilësuar Francian si “dhuratën më të madhe” që kishte marrë ndonjëherë.
Kjo histori është kthyer në një simbol të fuqishëm të miqësisë së vërtetë në showbiz, duke treguar se lidhjet e sinqerta mund të shkojnë përtej famës dhe jetës publike.
E Ngarkuara me Punë në Ambasada e Shteteve të Bashkuara në Kosovë, Anu Prattipati, ka mirëpritur në Ambasadë Përfaqësuesin e Përhershëm të SHBA-së në NATO, ambasadorin Matthew Whitaker, gjatë vizitës së tij në Kosovë.
Në takimin në ambasadë u diskutuan interesat e përbashkëta të sigurisë dhe bashkëpunimi në çështjet rajonale dhe globale të sigurisë.
Sipas njoftimit, u theksua edhe roli i Kosovës në mbështetjen e prioriteteve të sigurisë së Shteteve të Bashkuara.
“E Ngarkuara me Punë, Anu Prattipati, ka kënaqësinë të mirëpresë Përfaqësuesin e Përhershëm të Shteteve të Bashkuara në NATO, Ambasadorin Matthew Whitaker, në Ambasadën e SHBA-së gjatë vizitës së tij në Kosovë. Kjo vizitë është një mundësi për të diskutuar interesat e përbashkëta të sigurisë dhe rolin e vazhdueshëm të Kosovës në kontributin ndaj prioriteteve rajonale dhe globale të sigurisë së SHBA-së”, thuhet në njoftim.