Blog

Blerta Deliu-Kodra nga Partia Demokratike e Kosovës, ka thënë se nesër do të marrin pjesë në takimin e ftuar nga ushtruesja e detyrës së presidentes, Albulena Haxhiu, me partitë politike, për të diskutuar për datën e zgjedhjeve.

Sa i përket shpërndarjes së Kuvendit pasi nuk arriti të zgjidhet presidenti apo presidentja e Kosovës, Deliu-Kodra deklaroi se në seancën e mbrëmshme kryeministri Albin Kurti ka pasur pritshmëri që opozita do të hyjë në sallë në momentet e fundit pasi frikësohet nga zgjedhjet.

“Jam e bindur se ai ka menduar se partitë opozitare do të frikësohen prej zgjedhjeve e pastaj në fund do të futen në sallë e do të bëhen pjesë e maskaradës politike. Thirrjet e deputetëve si janë bërë në foltore të Kuvendit, kjo më kujton atë deklaratën e tij me Isa Mustafën që kur Kurtit i duhej e quante profesor të nderuar e kur nuk i duhej i vendoste lloj-lloj epitetesh. Jam e bindur se tash do të shihni epitetet e tij edhe ndaj Vjosa Osmanit sepse gjuha e komunikimit, sjellja e Kurtit, nuk është bashkëpunuese e as përafruese”, ka deklaruar ajo.

Deliu-Kodra, ka thënë se emrat e kandidateve për presidente, Feride Rushiti dhe Hatixhe Hoxha, nuk janë konsultuar me partitë e tjera politike. Ajo i quajti propozime të momenteve të fundit.

“Nuk mund të nxjerrësh emra në momentin e fundit. Në momentin e fundit kishim dy emra, i asaj të Feride Rushtit dhe Hatixhe Hoxhës, të cilët nuk ishin konsultuar me partitë politike. Nuk kishte një marrëveshje politike. Ishin momente të fundit ku Kurti provonte që të hidhte fajin diku për përgjegjësinë që ai e kishte përgjatë gjithë kohës. Në vazhdimësi e kemi dëgjuar duke e cilësuar të pamjaftueshme opozitën. E ka cilësuar të pamjaftueshme PDK-në me 22 deputetë edhe LDK-në me 13 deputetë që të bëhen hise e zgjedhjes së presidentit”, ka thënë Deliu-Kodra në emisionin “60 Minuta” në KTV.

Deliu-Kodra ka akuzuar qeverinë Kurti se me nguti i ka mbushur bordet me militantë partiakë para se të shkohet në zgjedhje.

“Dy ditë para se të përmbyllet afati kushtetues, javën e kaluar u zgjodhën KPM-ja e RTK-ja me nguti për t’i mbushur me militantë partiakë dhe dy ditë para se të shkonim në zgjedhje ai vendosi që t’i mbushë të gjitha bordet me emra partiakë sepse kishte shumicën brenda Kuvendit të Kosovës dhe ishte e pamundur ta parandalonim. Duhet sa më shpejt t’i thuhet ‘stop’ kësaj qeverie”, ka deklaruar Deliu-Kodra.

Kuvendi i Kosovës është shpërndarë në mesnatën e 28-prillit pasi përfundoi afati kushtetues për zgjedhjen e presidentit të ri të vendit.

Zgjedhjet e reja duhet të mbahen brenda 45 ditësh siç është përcaktuar në aktgjykimin e fundit të Gjykatës Kushtetuese. Gjatë ditës, u.d e presidentes Albulena Haxhiu është takuar me kryesuesin e KQZ-së, Kreshnik Radoniqi në lidhje më përgatitjen e këtij procesi. Ky i fundit ka kërkuar që 7 qershori të jetë data e zgjedhjeve.

Nesër, Haxhiu do t’i presë partitë politike për të folur për datën e zgjedhjeve. LDK-në në takim do ta përfaqësojë Jehona Lushaku, ndërsa AAK-në, Ardian Gjini.

Fenomeni klimatik El Ninjo mund të rikthehet që në muajin maj, ndërsa një raport i ri paralajmëron se kjo mund të sjellë temperatura mbi mesataren pothuajse në të gjithë botën.

El Ninjo shfaqet zakonisht çdo dy deri në shtatë vjet dhe është pjesë e një cikli natyror klimatik në Oqeanin Paqësor, i njohur si ENSO.

Ky cikël përbëhet nga alternimi i dy fazave kryesore: faza e ngrohtë, El Ninjo, dhe faza e ftohtë, La Niña, ndërsa ndërmjet tyre ka edhe periudha me kushte neutrale.

Gjatë El Ninjës, temperatura e sipërfaqes së detit rritet në pjesën qendrore dhe lindore të Oqeanit Paqësor.

Kjo dobëson ose ndryshon drejtimin e erërave tregtare dhe ndikon ndjeshëm në prishjen e modeleve globale të temperaturave dhe reshjeve.

Në raportin më të fundit sezonal, të publikuar më 21 prill, Organizata Botërore Meteorologjike (WMO) njofton se zhvillimi i El Ninjës pritet gjatë periudhës maj–korrik.

Edhe pse parashikimet do të bëhen më të sakta pas muajit prill, modelet aktuale tregojnë një gjasë të lartë që ky El Ninjo të jetë i fortë.

“Pas një fillimi të vitit me kushte neutrale, modelet klimatike tani tregojnë një përputhje të lartë dhe një besim të madh për shfaqjen e El Ninjës, me një forcim të mëtejshëm gjatë muajve në vijim”, deklaroi Wilfran Moufouma Okia, drejtor për parashikime klimatike në Organizatën Botërore Meteorologjike, transmeton Telegrafi.

Ndikimi i këtij fenomeni në nivel global është i madh. Studimet shkencore e lidhin El Ninjën me kriza ushqimore në disa rajone, shpërthime konfliktesh në zonat tropikale, si dhe me thatësira, përmbytje dhe zjarre pyjore në pjesë të ndryshme të botës.

El Ninjo i fundit zgjati nga maji i vitit 2023 deri në mars të vitit 2024 dhe ishte një nga faktorët që kontribuoi që viti 2024 të regjistrohej si viti më i nxehtë i matur ndonjëherë.

Sipas vlerësimeve të reja, gjatë muajve maj, qershor dhe korrik pritet një rritje e shpejtë e temperaturave. Temperatura shumë të larta priten veçanërisht në pjesët jugore të Amerikës së Veriut, në Amerikën Qendrore, Karaibe, Evropë dhe Afrikën Veriore.

Një raport i përditësuar mbi zhvillimin e El Ninjës pritet të publikohet në fund të muajit maj.

El Ninjo në Ballkan

Në Ballkan, një skenar i tillë zakonisht përkthehet në valë të gjata dhe më intensive të të nxehtit.

Periudha më kritike zakonisht vjen në mes të verës, kur temperaturat e larta zgjasin për ditë të tëra pa ndonjë freskim të ndjeshëm. Edhe netët mbeten të ngrohta, gjë që e vështirëson edhe më shumë jetën e përditshme dhe rrit ngarkesën mbi organizmin.

Përveç të nxehtit, një tjetër karakteristikë e shpeshtë e këtyre sezoneve është mungesa e reshjeve.

Kjo, megjithatë, nuk do të thotë se nuk do të ketë reshje shiu. Përkundrazi, ato mund të vijnë papritur dhe brenda një kohe të shkurtër, shpesh në formë shtrëngatash dhe stuhish të forta, por pa vazhdimësinë e nevojshme për të zbutur thatësirën.

Një shpërndarje e tillë e reshjeve – periudha të gjata thatësie të ndërprera nga mot i keq i shkurtër, por intensiv – është tipike për vitet nën ndikimin e El Ninjës.

Një problem shtesë është fakti se Ballkani, ndryshe nga Evropa Perëndimore, nuk ka ndikim të fortë oqeanik që do të zbusë temperaturat ekstreme.

Për këtë arsye, luhatjet e motit janë më të theksuara dhe pasojat më të dukshme, si në jetën e përditshme, ashtu edhe në bujqësi.

Megjithatë, është e rëndësishme të theksohet se El Ninjo nuk është i vetmi faktor që ndikon në kushtet e motit. Rol të madh vazhdojnë të luajnë edhe sistemet lokale, ndikimi i Atlantikut si dhe shpërndarja e masave ajrore.

Për këtë arsye, parashikimet për Evropën nuk janë kurrë plotësisht të njëkuptimshme, por kur merren së bashku të gjitha sinjalet, pamja për këtë verë bëhet mjaft e qartë.

Para nesh është një sezon në të cilin nxehtësia ka gjasa të dominojë, me periudha të herëpashershme paqëndrueshmërie, por pa reshje të zgjatura shiu. Me fjalë të tjera, vera në Ballkan mund të jetë pikërisht ajo që shumë njerëz e mbajnë mend gjatë: e nxehtë, e lagësht dhe e lodhshme.

Shqipëria renditet ndër 10 vendet e para të Evropës për numrin e lartë të vrasjeve të qëllimshme, në raport me popullsinë, sipas të dhënave që janë bërë publike nga Eurostat.

Në vitin 2024, në Shqipëri u regjistruan 41 vrasje me dashje (shifër e publikuar nga Eurostat), që në raport me popullsinë e atij viti janë 1.71 vrasje për 100 mijë banorë (e përllogaritur nga Monitor).

Në këtë nivel, Shqipëria renditet e teta pas Lituanisë (2.63), Letonisë (2.4), Turqisë (2.27), Malit të Zi (1.92), Estonisë (1.82), Islandës (1.82), Finlandës (1.78).

Në krahasim me një vit më parë, kur në shtetin shqiptar kishte 1.27 vrasje për 100 mijë banorë ka një rritje të ndjeshme të këtij treguesi për Shqipërinë për dy arsye. Së pari, numri i vrasjeve u rrit nga 35 në 41, sipas Eurostat. Së dyti, llogaritjet për vitin 2024 janë bërë me popullsinë sipas Censit të ri, prej 2.39 milionë banorë, nga 2.76 milionë në 2023-n.

Numri më i lartë i vrasjeve në Shqipëri është shënuar në vitin 2016, me 71 viktima, poShqipëria renditet ndër 10 vendet e para të Evropës për numrin e lartë të vrasjeve të qëllimshme, në raport me popullsinë, sipas të dhënave që janë bërë publike nga Eurostat.

Në vitin 2024, në Shqipëri u regjistruan 41 vrasje me dashje (shifër e publikuar nga Eurostat), që në raport me popullsinë e atij viti janë 1.71 vrasje për 100 mijë banorë (e përllogaritur nga Monitor), transmeton Klankosova.tv.

Në këtë nivel, Shqipëria renditet e teta pas Lituanisë (2.63), Letonisë (2.4), Turqisë (2.27), Malit të Zi (1.92), Estonisë (1.82), Islandës (1.82), Finlandës (1.78).

Në krahasim me një vit më parë, kur në shtetin shqiptar kishte 1.27 vrasje për 100 mijë banorë ka një rritje të ndjeshme të këtij treguesi për Shqipërinë për dy arsye. Së pari, numri i vrasjeve u rrit nga 35 në 41, sipas Eurostat. Së dyti, llogaritjet për vitin 2024 janë bërë me popullsinë sipas Censit të ri, prej 2.39 milionë banorë, nga 2.76 milionë në 2023-n.

Numri më i lartë i vrasjeve në Shqipëri është shënuar në vitin 2016, me 71 viktima, po

Gjermania është ndër vendet me kostot më të larta të punës në BE. Vitin e kaluar, kostoja e një ore pune u rrit më tej. Si krahasohet Gjermania me fqinjët e saj?

Kostot e punës në Gjermani, të cilat janë tashmë të larta krahasuar me vendet e tjera evropiane, u rritën ndjeshëm në vitin 2025.

Një orë pune në prodhim dhe shërbime kushtoi mesatarisht 45 euro, siç raportohet nga Zyra Federale e Statistikave në Wiesbaden.

Dhe krahasuar me mesataren e BE-së prej 34.90 eurosh, kompanitë në Gjermani paguan 29 përqind më shumë, shkruajnë mediat gjermane

Ndërkohë, krahasuar me vitin e kaluar, kostot e punës u rritën me 3.6 përqind – pak më pak se mesatarja e BE-së prej 4.1 përqind.

Në krahasim me vendet e tjera të BE-së, Gjermania renditet ndër vendet me performancën më të lartë.

Vetëm Luksemburgu (56.80 €), Danimarka (51.70 €), Holanda (47.90 €) dhe Austria (46.30 €) kishin kosto më të larta të punës në vitin 2025.

Megjithatë, të dhënat për Belgjikën, e cila u rendit e treta vitin e kaluar, nuk ishin ende të disponueshme.

Vendi me kostot më të ulëta të punës në BE në vitin 2025 ishte Bullgaria me 12.00 € në orë, e ndjekur nga Rumania (13.60 €) dhe Hungaria (15.20 €).

Kostot e punës përbëhen nga të ardhurat bruto dhe taksat mbi pagat, siç janë kontributet e sigurimeve shoqërore të punëdhënësit. Të ardhurat bruto përfshijnë pagat për orët e punës, bonuset, planet e kursimit të punonjësve dhe kompensimin për ditët pa punuar, siç janë ditët e pushimeve. Pagesa e vazhdueshme e pagave gjatë sëmundjes nuk përfshihet. /Telegrafi

Nënkryetari i LDK-së, Kujtim Shala, ka mohuar së është larguar nga LDK-ja.

Ai ka bërë me dije se asnjëherë nuk do të largohet nga kjo parti.

“Nëse LDK mbetet me një anëtar, ai jam unë”, ka thënë Shala, raporton Dukagjini.

Mbrëmë gazetari i Kanal 10, Arben Ahmeti ka raportuar për disa zhvillime në LDK.

Sipas tij, nga kjo parti janë larguar Kujtim Shala dhe Gazmend Muhaxheri.

Kosova ka shënuar përparim në lirinë e medias, sipas Indeksit Botëror të Lirisë së Shtypit të Reporterëve pa Kufij, duke u renditur në vendin e 84-të, apo 15 vende më mirë sesa vitin paraprak.

“Me përjashtim të Kosovës, që shënoi përparim pavarësisht se mbetet një nga shtetet me renditjen më të ulët në Evropë, liria e shtypit në Ballkanin Perëndimor në përgjithësi po përkeqësohet”, thanë Reporterët pa Kufij.

Vitin e kaluar, Kosova shënoi regresin më të madh në indeksin e lirisë së mediave të organizatës Reporterët pa Kufij duke u radhitur në vendin e 99-të në botë nga 180 shtete – rënia më e madhe në 15 vjet në indeksin vjetor të lirisë së shtypit të organizatës Reporterët pa Kufij.

Çfarë thuhet për lirinë e medias në Kosovë?

“Rregullatori joefektiv i mediave, Komisioni i Pavarur për Media [KPM], ishte subjekt i një reforme legjislative, e cila u shpall jokushtetuese nga Gjykata Kushtetuese”, u tha në pjesën për Kosovën të raportit të Reporterëve pa Kufij.

Në prill të vitit 2025, Gjykata Kushtetuese e Kosovës shfuqizoi Ligjin për KPM-në, duke argumentuar se disa nene nuk ishin në përputhje me Kushtetutën.

Pjesët që u gjetën që nuk ishin në përputhje kishin të bënin me zgjedhjen e anëtarëve të KPM-së, shkarkimin e kryetarit dhe anëtarëve të komisionit, kompetencat e KPM-së, rregullimin e pronësisë dhe disa pika që kishin të bënin me sanksionet dhe gjobat.

Reporterët pa Kufij vënë në pah se sistemi gjyqësor i Kosovës ka nisur të trajtojë “si prioritet” rastet që kanë të bëjnë me gazetarët.

“Por, gjithnjë e më shumë gazetarë kanë qenë subjekt i padive SLAPP [padi strategjike kundër pjesëmarrjes publike] të iniciuara nga grupe biznesi dhe politikanë”, tha raporti, ku u shtua se qasja në informacione publike është penguar nga zbatimi i dobët i ligjit.

Sipas raportit për vitin 2026 të Reporterëve pa Kufij, edhe pse mediat arritën të mbanin përgjegjës politikanët, gazetarët “vazhdojnë të jenë subjekt i sulmeve politike”.

Aty thuhet se ndonëse gazetarët gëzojnë besim nga shoqëria, mediat e pavarura dhe gazetarët hulumtues “shpesh janë cak i fyerjeve dhe lajmeve të rreme në rrjetet sociale”.

“Ata pa të drejtë akuzohen për ‘bashkëpunim me armikun’, retorikë e përdorur nga grupe politike dhe fetare”.

“Në vitet e fundit, shumë gazetarë kanë qenë subjekt i kërcënimeve dhe sulmeve fizike nga rrjete kriminale, por po ashtu edhe për shkak të tensioneve mes Prishtinës dhe Beogradit. Disa gazetarë po ashtu kanë qenë cak i vëzhgimit. Disa sulme të ndodhura së voni ndaj gazetarëve kanë rezultuar me dënime”.

Raporti përmend po ashtu bojkotin nga Qeveria e udhëhequr nga Albin Kurti para zgjedhjeve të shkurtit të vitit 2025, kur “disa media private ishin në cak të bojkotit të Qeverisë, që po ashtu kërcënoi pavarësinë e transmetuesit publik, RTK”.

“Mediat në gjuhën serbe, që janë nën presion nga forcat politike serbe, janë ankuar për diskriminim në qasje në informacion publik, veçmas në gjuhën e tyre, gjë që është e drejtë kushtetuese për minoritetet”, tha organizata.

Ndërkaq, në pjesën e financimit të mediave thuhet se mediat në Kosovë kryesisht financohen nga të ardhurat e reklamave nga sektori privat dhe po ashtu ndonjëherë mbështeten nga autoritetet lokale apo partitë politike.

“Përveç kësaj, përmes pronarëve të tyre, redaksitë e mediave private janë të ekspozuar nga ndërhyrja nga grupe të fuqishme politike apo biznesore. Mediat në gjuhën serbe përballen me një sfidë shtesë, atë të tregut të vogël në të cilin organizatat mediale varen nga financimi nga Serbia fqinje, ndërkaq mediat e pavarura nuk do të mund të mbijetonin pa financim ndërkombëtar”.

Pas publikimit të raportit, këshilltarja ligjore në Qendrën Evropiane për Liri të Shtypit dhe Medias, Flutura Kusari, vlerësoi se përparimi i shënuar “është meritë 100 për qind e sistemit gjyqësor”.

Në këtë drejtim, ajo përmendi shfuqizimin e Ligjit të KPM-së, që sipas saj konfirmoi se “eksperimenti i Qeverisë për të draftuar dhe miratuar ligje pa përfshirjen e sektorit të mediave, pa konsultim dhe me nxitim, në procedura të përshpejtuara pak para vitit të ri, duke shpërfillur opinionin ligjor të Këshillit të Evropës dhe Bashkimit Evropian ka qenë i rrezikshëm dhe e ka dëmtuar vendin tonë jashtëzakonisht shumë në rangim botëror”.

Kusari tha se shpreson që Lëvizja Vetëvendosje “të reflektojë” dhe kurdo që të hartohet sërish ligji të përmirësojë gabimet në ligj, që sipas saj, “e kanë shkatërruar reputacionin e vendit tonë në nivel global”.

Ajo tha po ashtu se ky raport konfirmon se sistemi gjyqësor në Kosovë është “mbrojtësi më i madh i lirisë së shprehjes dhe lirisë së mediave në pesë vjetët e fundit”.

Si është gjendja e lirisë së medias në Ballkanin Perëndimor?

Pavarësisht përparimit të shënuar, nga vendet e Ballkanit Perëndimor, Kosova nuk qëndron më së miri sa i përket lirisë së shtypit.

Mali i Zi renditet në vendin e 41-të (nga 37 sa ishte vitin e kaluar) në Indeksin Botëror të Lirisë së Shtypit të Reporterëve pa Kufij.

Maqedonia e Veriut sivjet u radhit në vendin e 45-të (ka shënuar rënie pasi vitin e kaluar ishte në vendin e 42-të), Shqipëria është vetë një pozitë më lart se Kosova, pra në vendin e 83-të (vitin e kaluar ishte në vendin e 80-të), Bosnjë dhe Hercegovina në vendin e 90-të (vitin e kaluar ishte në pozitën e 86-të) dhe Serbia më së keqi, duke u radhitur e 104-ta (vitin e kaluar ishte në vendin e 96-të).

“Edhe pse Shqipëria [që ka shënuar rënie prej tre pozitash], Bosnjë e Hercegovina [minus katër pozita] dhe Serbia [që ka rënë për tetë vende] aspirojnë të bëhen pjesë e Bashkimit Evropian, që të tri shtetet janë armiqësore ndaj gazetarisë dhe të cenueshme ndaj propagandës”, thuhet në raportin e Reporterëve pa Kufij.

Sipas raportit, rajoni i Evropës Lindore dhe Azisë Qendrore vazhdon të jetë në vendin e parafundit në radhitje në indeksin e këtij viti, ndërkaq zona e BE-së dhe Ballkanit është në vendin e parë pavarësisht rënies së kushteve në gazetari.

Sipas Reporterëve pa Kufij, ky rajon gjithnjë e më shumë i ngjan një eksperimenti të gjerë, ku vlerat përmbysen dhe legjislacioni përdoret për t’iu shërbyer atyre që janë në pushtet, në dëm të së drejtës për informim.

Në indeksin e organizatës, në vendin e parë sa i përket lirisë së shtypit është Norvegjia, ndërsa në vendin e 180-të është Eritrea./REL

Sot parashikohet të depërtojnë masa të ftohta polare, të cilat do të kushtëzojnë mot të vranët dhe herë pas here reshje shiu, ndërsa në zonat malore priten reshje bore. Fjolla bore ose shqotë mund të paraqiten edhe në disa zona të ulëta të Rrafshit të Kosovës.

Era do të fryjë nga veriu, e cila herë pas here pritet të jetë e fuqishme, me shpejtësi prej 15-45 km/h.

Temperaturat do të pësojnë ulje drastike, me minimale që do të lëvizin prej 2 deri në 8°C, ndërsa ato maksimale prej 4 deri në 8°C./Meteo Kosova