Ministri i Brendshëm, Xhelal Sveçla, ka reaguar pasi Parlamenti Evropian votoi për liberalizimin e vizave për kosovarët.
Sveçla tha se edhe pse moment gëzimi ka ende shumë punë dhe sfida për të tejkaluar.
“Edhe një fitore e radhës e Republikës së Kosovës, sapo u finalizua procesi i liberalizimit të vizave për qytetarët tanë. Edhe pse moment gëzimi e konfirmim i punës sonë të palodhshme, nuk kemi kohë për të festuar sepse kemi shumë punë dhe sfida për të tejkaluar.Angazhimi ynë jo vetëm se është borxh ndaj të kaluarës por është edhe obligim ndaj të ardhmes së vendit tonë”, shkroi Sveçla.
Kryetari i Aleancës për Ardhmërinë e Kosovës (AAK), Ramush Haradinaj ka reaguar pas votimit për liberalizimin e vizave për Kosovën në Parlamentin Evropian.
Haradinaj ka falënderuar eurodeputetët për marrjen e këtij vendimi meritor.
“Lajm i mrekullueshëm nga Parlamenti Europian, që sot mori vendimin e shumëpritur për liberalizimin e vizave për Kosovën. Falënderim i veçantë për eurodeputetët për marrjen e këtij vendimi meritor dhe për gjithë ata që kontribuan që ky proces të përmbyllet me sukses”, ka shkruar Haradinaj në llogarinë e tij në Facebook.Haradinaj ka thënë se tani është momenti që Kosova të anëtarësohet në Këshillin e Evropës.“Tani është momenti që Kosova po ashtu ta marrë sa më shpejt konfirmimin për anetarësim në Këshillin e Evropës dhe fillimin e Partneritetit për Paqe. Urime Kosovë!”, ka uruar Haradinaj.
Një aksident i rëndë ka ndodhur në fshatin Shkabaj të Obiliqit.
Pamjet e publikuara në media tregojnë dy vetura të cilat janë futur brenda një lokali, ngjitur me një pompë të derivateve të vendosur përgjatë rrugës magjistrale Prishtinë-Mitrovicë.
Policia e Kosovës ka bërë të ditur se tri vetura kanë qenë të përfshira në aksident.
“Sot rreth orës 10:30 kemi pranuar informatën se në rrugën Prishtinë -Mitrovicë, ka ndodhur një aksident trafiku. Në këtë aksident kanë qenë të përfshira tri automjete ( një ka qenë në lëvizje dhe dy të parkuara)”, ka thënë policia.
Si pasojë e aksidentit lëndime trupore kanë pësuar 3 persona.
Parlamenti Europian sot ka miratuar dosjen për liberalizimin e vizave për Kosovën.
Eurodeputeti holandez Thjis Reuten, i cili është raportues për vizat e Kosovës në PE, pas këtij miratimi tha se më në fund e realizuan një premtim të vonuar për Kosovën.
“Parlamenti Europian jep dritën jeshile përfundimtare për udhëtimin pa viza në BE për Kosovën. Krenar që më në fund e realizuam këtë premtim të vonuar të BE-së për qytetarët e Kosovës. Ju jeni pjesë e Europës! Tani mund të hapim kapitullin tjetër duke ndërtuar më tej të ardhmen tonë të përbashkët europiane”.
Kosova ishte e bllokuar prej disa vitesh në Këshill të Evropës. Votimi për Liberalizimin e vizave nga Parlamenti Evropian do të lejojë udhëtimin pa viza për kosovarët në BE deri në 90 ditë, duke filluar nga viti 2024. Kosova është e fundit nga vendet e Ballkanit Perëndimor që ka marrë liberalizimin e vizave.
Pas votimit të sotëm, vendimi që kosovarët të lëvizin lirshëm në vendet e BE-së do të firmoset nga përfaqësuesit e institucioneve të BE-së; Komisioni Evropian, Këshilli Evropian dhe Parlamenti Evropian.
Pas kësaj, mbetet botimi i vendimit në Gazetën Zyrtare të BE-së, me çka edhe caktohet data e hyrjes në fuqi të vendimit./atvlive.tv
Qeveria e Kosovës e quajti moment kyç përfundimin e procesit të liberalizimit të vizave për qytetarët, derisa tha se falë punës së saj, u arrit ky zhbllokim.
Ajo tha të martën pas përfundimit të votimit në Parlamentin Evropian se vendimi do të nënshkruhet të mërkurën në Strasbourg nga PE-ja dhe Këshilli i BE-së, ku do të jetë prezent edhe zëvendëskryeministri i parë, Besnik Bislimi.
“Rregullat e reja mbi heqjen e regjimit të vizave për Kosovën do t’i lejojnë qytetarët të udhëtojnë në BE pa viza për një periudhë qëndrimi prej 90 ditësh në çdo periudhë 180 ditore. Kosova i kishte plotësuar të gjitha kushtet për liberalizimin e vizave me kohë, por deri më tani mungonte konsensusi në mesin e vendeve anëtare për avancimin e procesit. Falë punës së Qeverisë sidomos në fushën e sundimit të ligjit, luftës kundër korrupsionit e menaxhimit të migrimit u arrit zhbllokimi i procesit dhe bindja e institucioneve të BE-së dhe vendeve anëtare se Kosova meriton përfundimin e procesit të liberalizimit të vizave dhe se vendi ka bërë progres e arritje të rëndësishme në fushat relevante. Pas një pritjeje të gjatë, ky është një moment kyç i përafrimit të vendit tonë me familjen evropiane”, thuhet në komunikatën drejtuar mediave.
Qeveria theksoi se qytetarët do të mund të lëvizin pa viza në zonën Schengen nga 1 janari i 2024-s.
Parlamenti Evropian në seancën e sotme ka miratuar liberalizimin e vizave për shtetasit e Kosovës të udhëtojnë pa viza në zonën Schengen.
Miratimi u bë pa votim, pasi s’pati asnjë kundërshtim.
Kosova ishte e bllokuar prej disa vitesh në Këshill të Evropës. Votimi për Liberalizimin e vizave nga Parlamenti Evropian do të lejojë udhëtimin pa viza për kosovarët në BE deri në 90 ditë, duke filluar nga viti 2024. Kosova është e fundit nga vendet e Ballkanit Perëndimor që ka marrë liberalizimin e vizave.
Pas votimit të sotëm, vendimi që kosovarët të lëvizin lirshëm në vendet e BE-së do të firmoset nga përfaqësuesit e institucioneve të BE-së; Komisioni Evropian, Këshilli Evropian dhe Parlamenti Evropian.
Pas kësaj, mbetet botimi i vendimit në Gazetën Zyrtare të BE-së, me çka edhe caktohet data e hyrjes në fuqi të vendimit./atvlive.tv
Dy të mitur kanë mbetur të lënduar si pasojë e goditjes nga rryma elektrike në shkollën “Faik Konica” në Prishtinë.
Zëdhënësja e Policisë, Florie Ahmeti bën të ditur se të lënduarit janë dërguar për trajtim mjekësor.
“Rreth orës 10:30 kemi pranuar informatën se në rrugën George Bush në Prishtinë, dy persona (të mitur) janë goditur nga rryma elektrike. Personat janë dërguar për tretman mjekësor, ndërkohë që policia në koordinim me institucionet përkatëse po trajton rastin”, theksoi ajo.
Presidentja e Kosovës, Vjosa Osmani ka thënë se Serbia vazhdon të mbetet kërcënimi më serioz i Kosovës.
Osmani deklaroi se derisa Serbia ka këtë qasje ndaj Kosovës, prania e NATO-s është faktor kyç.
“Serbia vazhdon të mbetet kërcënimi me serioz ndaj Kosovës. Brenda territorit të Kosovës instrumentalizon strukturat kriminale, duke i paguar. Serbia vazhdon të paraqes rrezik për gjitha vendet e rajonit. Në këtë kontekst, derisa të kemi këtë qasje ndaj Kosovës, prania e NATO-s është faktori kyç”, shtoi ajo.
Këto komente e para e vendit, Osmani i bëri në tryezën “15 vite të mbikëqyrjes të sektorit publik të sigurisë”, të organizuar nga Qendra Kosovare për Studime të Sigurisë.
Ajo theksoi se mjedisi i sigurisë në vend varet nga ai global.
“Mjedisi i sigurisë në vendin tonë ndikohet nga mjedisi global. Paqja e qëndrueshme kërkon partner të përkushtuar. Kosova është dhe do të mbetet partnere. Sot jemi dëshmitar që mjedisi global mbetet i pa sigurt….Në cilësinë e komandantes supreme, së bashku me institucionet të vendit, kemi hartuar fillimisht strategjinë e sigurisë”, ka thënë ajo.
Kryetarja e shtetit ka përmendur edhe “Defender Europe” që do të organizohet nga muaji i ardhshëm.
Ish-Drejtori i Odës Ekonomike të Kosovës, dhe njohësi i çështjeve të ekonomisë, Safet Gërxhaliu, në edicionin special “STUDIO E HAPUR” në ATV që i kushtohet votimit të Parlamentit Evropian për liberalizimin e vizave për Kosovë, tha se është shqetësuese që diaspora po shikohet vetëm nga dimensioni financiar.
Ai tha se kontributi i diasporës në ekonominë kosovare është shumë më i madh se që jepen të dhënat statistikore.
“Çdo ditë e më tepër jam duke u bindur se në Kosovë, statistika jep rezultate të sakta të të dhënave të gabuara. Në qoftë se mendohet të ndërtohet ardhmëria me të dhëna të gabuara vërtetë duhet të jetë shqetësuese. Në rënd të dytë, kontributi dhe potenciali i diasporës është shumë më i madh se sa që pranohet në Kosovë. E them këtë në mënyrë të argumentuara. Në qoftë se analizoni, ekzistojnë tri forma të dërgesave nga diaspora, e para është forma direkte përmes institucioneve dhe bankave të ndryshme komerciale, e dyta është ndihma më e madhe që diaspora e bën është gjatë qëndrimit të tyre në Kosovë dhe e treta është në mënyrë periferike. Ajo që me brengosë është që sot vlera e diasporës varet vetëm nga kuti apo dimensioni financiar, mirëpo po e them me përgjegjësi morale dhe profesionale që kontributi i diasporës në Kosovë në këto tri forma është i barabartë me buxhetin e miratuar në parlamentin e Kosovës”, tha Gërxhaliu. /atvlive.tv
Sot pas 10 vite negociata, Parlamenti Evropian pritet të votojë dhe të japë vendimin përfundimtar për liberalizimin e vizave për Kosovën.
Pas këtij vendimi, do të mund të lëvizin qytetarët e Kosovës lirshëm për në vendet e Bashkimit Evropian.
Kryetarja e Komisionit për Integrime Evropiane, njëherësh deputete e LDK-së në Kuvendin e Kosovës, Rrezarta Krasniqi, në një prononcim për ATV-në, tha se procesi i liberalizimit të vizave është dashur të përfundojë qysh në vitet 2015-2016, mirëpo sipas saj, partia që sot është në pushtet ia ka humbur Kosovës këtë momentum.
“Kosova ka humbur një momentum historik në vitet 2015-2016, ku partia e cila sot është në pushtet nuk e ka votuar çështjen e demarkacionit me Malin e Zi, ku ka pasur protesta të dhunshme, ka pasur hedhje të gazit lotsjellës në seanca. Partia në pushtet e ka humbu momentumin për liberalizimin e vizave sepse Kosova ka qenë në paku me Gjeorgjinë dhe Ukrainën lidhur me këtë proces që të përfundojë në vitet 2015-2016”, tha Krasniqi.
Ajo tha se tani është optimiste që sot Parlamenti Evropian do t’i japë fund vonesës së padrejtë për heqjen e vizave për qytetarët e Kosovës.
“Është një proces i stërzgjatur për qytetarët e vendit, mirëpo kanë qenë disa faktorë të cilat kanë ndikuar në këtë proces. Jemi vendi i vetëm në rajon ndaj të cilit është i vonuar ky proces dhe është kërkuar kushte shtesë më shumë se ndaj të gjitha vendeve të tjera në rajon”, tha Krasniqi. /atvlive.tv
