Analisti i futbollit, Muhamet Dragusha thekson se nëse Drita nënshkruan me trajnerin grek, ashtu siç po spekulohet, do të jetë dështim për ta.
“Nëse Drita do të arrijë marrëveshje me trajnerin grek, do të jetë dështim i madh për ta. Të njëjtin gjë e kemi thënë edhe për Panadic e Ferizajt, pasi një profil i tillë nuk e njeh ligën dhe lojtarët”, tha Dragusha në Ekipi A.
Për më shumë ndiqni emisionin e plotë:
Tifozi i futbollit, Arbër Rama thekson se gjasat e vetme që Gjilani të fitojë Kupën e Kosovës, janë nëse lojtarët e Prishtinës infektohen me COVID-19.
“Nëse tetë lojtarë do të infektoheshin me COVID-19, Gjilani do të kishte më shumë gjasa të fitonte Kupën e Kosovës”, tha Rama në shaka në Ekipi A.
Për më shumë ndiqni emisionin e plotë:
Sipas trajnerit, Tahir Lushtaku, Gjilani është kampioni moral i këtij edicioni, duke marrë parasysh problemet e shumta që tejkaluan këtë sezon.
“Për mua Gjilani është kampion moral i këtij kampionati, shto këtu që është edhe finalist i Kupës, kur i dijmë edhe problemet e shumta që patën në fillim. Një pjesë e madhe e futbollistëve thuajse veç kishin arritur marrëveshje jozyrtare, ku shumë klube kanë ‘peshku’ te Gjilani”, tha Lushtaku në Ekipi A.
Ndryshe, mund të ndiqni emsionin e plotë në linkun e mëposhtëm:
Analisti i futbollit, Muhamet Dragusha mendon se Prishtina e Debatik Currit do të jetë arrë e fortë për Gjilanin.
“Prishtina me meritë shkoi në finale. E kemi parë një Prishtinë të rikthyer ne Debatik Currin, një Prishtinë me lojë më të mirë, më atakuese dhe kjo tregon që Prishtina do të jetë arrë e fortë për Gjilanin”, tha Dragusha në Ekipi A
Për më shumë ndiqni emisionin e plotë:
Analisti i futbollit, Arsim Prepolli mendon se nëse Prishtina apo Gjilani nuk arrijnë garat evropiane, do të jetë sezon i dështuar për to.
“Të dy ekipet, cila dështon dhe nuk kap Evropën, për medimin tep është një sezon i dështuar për to. Të dy ekipet janë ende në garë për vendin e tretë”, tha Prepolli në Ekipi A
Për më shumë mund të ndiqni emisionin e plotë:
Presidenti i Republikës Sërpska, Millorad Dodik, foli më 23 prill në ngjarjen për të shënuar Ditën e Përkujtimit të 700.000 viktimave të krimeve të ustashëve në kampin e përqendrimit të Jasenovacit, ngjarje që u mbajt në Donja Gradina.
Ai foli për këto krime, i krahasojë ato me krimet e luftës së fundit në territorin e Jugosllavisë së atëhershme dhe foli për shkëputjen e Republikës Sërpska dhe bashkimin me Serbinë.
“Ne jemi këtu nga Republika Sërpska sepse i takojmë një kombi dhe një ditë ne do të jemi një shtet. Askush nuk do të na ndalojë që ta bëjmë këtë sepse është e drejta jonë dhe historia jonë. Shekulli i kaluar ishte shekulli i vuajtjes serbe dhe ky shekull do të jetë shekull i bashkimit të serbëve”, tha Dodik, raporton Beta.
“Shteti është fjalë kyçe në lirinë tonë dhe prandaj ne duam që qartazi ta themi se nuk ka iluzione apo kërcënim për këdo kur Republika Sërpska shpreh vullnetin e saj popullor për të formuar shtetin e vet, sepse ne nuk mund të jetojmë në Bosnjë e Hercegovinë, shtet që na shtyp ne dhe kërcënon liritë tona”, tha Dodik para të pranishmëve.
Ai vlerësoi se serbët “nuk mund të mbijetojnë në këto zona, nëse Republika Sërpska nuk bëhet e pavarur në vitet në vijim”.
“Ne do ta bëjmë Republikën Sërpska një shtet në paqe, pa konflikte dhe luftëra. Ne nuk mund të jetojmë në Bosnjë e Hercegovinë”, tha Dodik, duke shtuar se nuk ka asgjë kundër boshnjakëve dhe kroatëve.
Dodik po ashtu tha se serbët ishin viktimat më të mëdha të shekullit të kaluar, fillimisht të Luftës së Parë Botërore, por edhe të luftërave që shpërthyen gjatë shpërbërjes së Jugosllavisë.
Ai bëri një sërë akuzash ndaj përfaqësuesve ndërkombëtarë në Bosnje, të cilët ai i quajti “fundërrina”, duke theksuar se ata dëshirojnë të marrin pronat nga serbët në Republikën Sërpska.
Dodik tha se përfaqësuesit ndërkombëtarë dhe diplomatët nga shtetet perëndimore “barazojnë krimin në Srebrenicë me vuajtjet në Jasenovac, sepse nuk janë të njëjta”.
“Ju që jeni nga Amerika dhe Evropa kurrë nuk keni thënë se këtu është kryer gjenocid kundër serbëve, por ju jeni të gatshëm të përdorni gjithçka që keni, nga bombat NATO-s, për të justifikuar veprimet që keni kryer në vitet ’90, duke punuar në shpërbërjen e Jugosllavisë”, tha Dodik.
Lideri i serbëve të Bosnjës përsëriti se në Srebrenicë nuk është kryer gjenocid, por tha se atje ka ndodhur krim për të cilin janë përgjegjës individë.
Dodik u bëri thirrje përfaqësuesve të shteteve perëndimore që të pranojnë qëndrimin se serbët nga Republika Sërpska “nuk mund të jetojnë në Bosnjë e Hercegovinë”, sepse, siç tha ai, “koncepti i shtetësisë në Bosnje është një projekt anti-serb, që synon të eliminojë popullsinë serbe nga këto zona”.
Ai shtoi se komuniteti ndërkombëtar mund të dërgojë sa të dojë njësi ushtarake në Bosnje, por kjo, sipas tij, nuk do t’i ndalojë serbët që të luftojnë për shtetin e ashtuquajtur Republika Sërpska./REL
KB Peja ka shënuar edhe fitoren e tretë ndaj KB Yllit në gjysmëfinale me rezultat 90-100, kështu për t’u kualifikuar në finalen e madhe, ndërsa kampioni në fuqi përfundon rrugëtimin e saj këtu.
Për të ardhur deri këtu, pejanët fituan tri ndeshje, ndërsa vetëm një e fitoi Ylli.
Ndeshja e parë e zhvilluar në Pejë përfundoi me rezultat të ngushtë për Shqiponjat që triumfuan 85:82. Pastaj ndeshja e dytë në Suharekë përfundoi me rezultat më të thellë, me mysafirët që shënuan fitore 86:76.
Për ta bërë këtë seri më interesante, Ylli arriti ta ngushte rezultatin në seri, duke shënuar fitoren e parë në Pejë me rezultat 107:104, duke çuar serinë në 2:1 për Pejën.
Ndeshja vendimtare u zhvillua sot në Suharekë, ku me fitoren eventuale të Yllit ndeshja do të shkonte edhe në një përballje të fundit, por Peja nuk i la asgjë rastësisë.
Mysafirët ishin më të mirë pothuajse gjatë tërë takimit, për të arritur deri te fitorja.
Çereku i pari ishte më i thelli për nga diferenca, pasi Peja shënoi 30 pikë kundrejt 13 të Yllit, pastaj në çerekun e dytë ishte lojë më e barabartë, për të përfunduar në fund pjesa e parë 50:32.
Pjesa e dytë filloi më mirë për vendasit, që arritën ta afronin rezultatin deri në dy pikë, por që çereku i katërt në fund tregoi për fitues Pejën me rezultat 90-100.
Më i dalluari në këtë takim ishte Arian Qallaku, i cili nga banka rezervë shënoi 22 pikë dhe pati gjashtë rebounds, ndërsa u ndihmua edhe nga Brad Waldow me 17 pikë e Alban Veseli me 16 pikë, në anën tjetër te Ylli, Gzim Morina me 20 pikë dhe Bashir Ahmed me 21 pikë ishin më të mirët, por pikët e tyre ishin të pamjaftueshme për ta përmbysur rezultatin.
Ylli kështu eliminohet nga Play-Offi i Superligës së Kosovës në gjysmëfinale, ndërsa Peja rrugëton drejt finales, ku e pret fituesin nga ndeshja tjetër KB Prishtina – KB Trepça, me kryeqytetasit që udhëheqin serinë 2:1 me fitore.
Ambasada e Shteteve të Bashkuara të Amerikës, është deklaruar rreth zgjedhjeve në katër komunat veriore të Kosovës.
Në komunikatën e ambasadës thuhet se, SHBA’të theksojnë se, zgjedhjet janë në përputhje me kërkesat kushtetuese dhe ligjore të Kosovës.
Po ashtu, në komunikatë thuhet edhe se, SHBA’të mbështesin një demokraci të larmishme, gjithëpërfshirëse, multietnike në Kosovë dhe zgjedhjet që e mbështesin atë, ku shprehet keqardhje që jo të gjitha partitë e shfrytëzuan të drejtën e tyre demokratike për të marrë pjesë në zgjedhjet e sotme.
‘‘Ne mbështesim një demokraci të larmishme, gjithëpërfshirëse, multietnike në Kosovë dhe zgjedhjet që e mbështesin atë. Na vjen keq që jo të gjitha partitë e shfrytëzuan të drejtën e tyre demokratike për të marrë pjesë në zgjedhjet e sotme. Pjesëmarrja në zgjedhje ndihmon për t’u siguruar që udhëheqësit janë përfaqësues të popullatave të cilave u shërbejnë. Votimi është një liri kritike e shoqërive demokratike’’, thuhet ndër tjerash në komunikatë.
Komunikata e plotë:
Deklarata e Ambasadës Amerikane për Zgjedhjet Komunale, 23 Prill 2023
Shtetet e Bashkuara theksojnë se katër zgjedhje për kryetar komune dhe dy zgjedhje për asamble komunale u mbajtën në komunat e Kosovës Leposaviq, Mitrovicë Veriore, Zveçan/Zveqan dhe Zubin Potok më 23 prill 2023, në përputhje me kërkesat kushtetuese dhe ligjore të Kosovës.
Ne mbështesim një demokraci të larmishme, gjithëpërfshirëse, multietnike në Kosovë dhe zgjedhjet që e mbështesin atë. Na vjen keq që jo të gjitha partitë e shfrytëzuan të drejtën e tyre demokratike për të marrë pjesë në zgjedhjet e sotme. Pjesëmarrja në zgjedhje ndihmon për t’u siguruar që udhëheqësit janë përfaqësues të popullatave të cilave u shërbejnë. Votimi është një liri kritike e shoqërive demokratike.
Ne i njohim përpjekjet e zyrtarëve zgjedhorë kosovarë për t’i vënë vendet e votimit në dispozicion të qytetarëve që dëshirojnë të ushtrojnë të drejtën e tyre të votës, duke minimizuar pikat e mundshme të tensionit. Gjithashtu shprehim mirënjohjen tonë për profesionalizmin e Policisë së Kosovës, Misionit të BE-së për Sundimin e Ligjit (EULEX) dhe KFOR-it në sigurimin e një mjedisi të sigurt për zgjedhjet.
Ne do të vazhdojmë të angazhohemi me të gjitha palët relevante për hapat e ardhshëm.
Ne gjithashtu ritheksojmë rëndësinë dhe përkushtimin tonë për zbatimin e plotë të marrëveshjes së Ohrit.
Kryetari i PSD-së, Dardan Molliqaj, ka komentuar mbajtjen e zgjedhjeve në katër komunat veriore duke shtuar se nuk zgjidhet problemi i veriut të Kosovës në këtë mënyrë, por vetëm politikisht.
Molliqaj thotë se në një status në Facebook se për kryeministrin Kurti më e rëndësishme është mbajtja e zgjedhjeve në veri se sa rendi e ligji atje.
“Sot, Kurti deshi të tregojë që edhe në veri ai mund të mbajë zgjedhje. Për të më e rëndësishme është të arsyetoje pushtetin e vet sesa të trajtojë veriun më shumë sesa çështje sigurie dhe e mungesës së rendit e ligjit. Çështja e veriut është çështje politike. Prandaj duhet të trajtohet politikisht. Deri tani, veprimet e pushtetit kanë qenë të gabuara e shpesh herë të rrezikshme”, tha ai.
Tutje Molliqaj komentoi edhe formimin e Asociacionit të komunave me shumicë serbe.
“Në fund, zgjedhjet e sotme janë argument i ri i Vuçiqit për të ushtruar presion rreth krijimit të Asociacionit”, shtoi ai.
Komisioni Qendror i Zgjedhjeve ka publikuar rezultatet preliminare për zgjedhjet e jashtëzakonshme në katër komunat veriore. Nga rezultatet preliminare, Lëvizja Vetëvendosje dhe Partia Demokratike e Kosovës kanë fituar nga dy komuna.
VV-ja do të udhëheqë në Mitrovicën e Veriut. Kandidati i saj, Erden Atiq ka fituar 519 vota apo 66.5 për qind.
Pas tij është renditur kandidati i PDK-së, Taulant Kelmendi, që mori 186 vota apo 23.8 për qind dhe Betim Osmani nga Iniciativa Qytetare Mitrovica mori 75 vota apo 9.6 për qind.
Në Leposaviq, Lulzim Hetemi i VV-së mori shumicën e votave. Hetemi numëroi 100 vota apo 73.5 për qind, ndërsa Albulena Behluli-Hetemi e PDK-së pati 34 vota apo 25 për qind. Aleksandar Jabllanoviq, edhe pse u tërhoq nga gara, mori dy vota.
Ndërkohë, PDK-ja do të udhëheqë me Zubin-Potokun. Kandidati i saj, Izmir Zeqiri, fitoi ngushtë ndaj kandidatit të VV-së, Flatron Hasani. Zeqiri mori 196 vota apo 52.1 për qind, kurse Hasani pati 180 vota apo 47.9 për qind.
PDK-ja do ta ketë kryetarin e komunës edhe në Zveçan. Ilir Peci mori 114 vota apo 60 për qind, ndërsa Fetah Peci i VV-së mori 71 vota apo 37.4 për qind. Sllagjana Pantoviq mori pesë vota apo 2.6 për qind.
Vetëm 3.47 për qind e 45 mijë e 95 qytetarëve me të drejtë vote në katër komunat e veriut të Kosovës kanë shfrytëzuar të drejtën e tyre për votë të dielën në zgjedhjet e jashtëzakonshme në Leposaviq, Zubin-Potok, Zveçan e Mitrovicë të Veriut. Sipas të dhënave zyrtare të Komisionit Qendror të Zgjedhjeve në Mitrovicën e Veriut votuan 837 qytetarë apo 4.62 për qind e qytetarëve me të drejtë vote. Në Leposaviq votuan 141 votues apo 1.06 për qind, në Zubin-Potok 385 votues apo 5.78 për qind dhe në Zveçan 204 qytetarë apo 2.92 për qind e qytetarëve me të drejtë vote.
