ATV

Blog

  • Barcelona synon t’i shkëputet Realit në 14 pikë

    Barcelona synon t’i shkëputet Realit në 14 pikë

    Barcelona do të synojë sonte t’i shkëputet Real Madridi në 14 pikë në tabelë, kur kanë mbetur vetëm edhe shtatë ndeshje deri në fundin e sezonit 2022/23 të La Ligas.

    Barcelona po i afrohet gjithnjë e më shumë titullit në kampionatin spanjoll. Fitorja 1:0 ndaj Atletico Madridit veçse ishte një hap i madh drejt titullit, ndërsa humbja e mbrëmshme e Real Madridit 4:2 nga Girona, nënkuptoi që gjasat që Reali t’i afrohet Barçës në garën për titull janë të pakta, raporton KosovaPress.

    Ndërkaq sot, Barça do të përballet me Rayo Vallecanon me fillim nga ora 22:00, ku synon fitore si mysafire në stadiumin “Campo de Futbol de Vallecas”.

    Takimi i fundit mes dy skuadrave daton në muajin gusht të vitit të kaluar, ku asokohe ndeshja përfundoi pa fitues, me rezultat të barabartë 0:0.

    Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Vallecanon nuk do të paraqiten Comesana dhe Falcao, kurse te Barça mungojnë Alarcon, Busquets, Christensen, Dembele dhe Roberto.

    Formacionet e mundshme të dy skuadrave i gjeni më poshtë.

    Rayo Vallecano (4-2-3-1): Dimitrievski; Balliu, Lejeune, Catena, F. Garcia; Ciss, Valentin; Palazon, Trejo, A. Garcia; Camello

    Barcelona (4-3-3): Ter Stegen; Kounde, Araujo, Alonso, Balde; Gavi, Kessie, De Jong; Raphinha, Lewandowski, Torres

  • ​Kosova inicion aderimin në Komisionin Ndërkombëtar për Personat e Zhdukur

    ​Kosova inicion aderimin në Komisionin Ndërkombëtar për Personat e Zhdukur

    Qeveria e Kosovës ka miratuar të mërkurën Projektligjin për ratifikimin e marrëveshjes për statusin dhe funksionet e Komisionit Ndërkombëtar për Personat e Zhdukur.

    Kjo marrëveshje mundëson nisjen e procedurave për anëtarësimin e Kosovës në Komisionin Ndërkombëtar për Personat e Zhdukur (ICMP), me seli në Hagë.

    Kryeministri, Albin Kurti tha me këtë rast se janë të përkushtuar për zbardhjen e zhdukjeve me dhunë gjatë luftës në Kosovë.

    “Qeveria e Kosovës është e përkushtuar për të zbardhur zhdukjet me dhunë gjatë luftës, ku në shërbim të kësaj po iniciojmë aderimin e Kosovës në ISMP. Kjo nismë shton mundësitë për rritje të bashkëpunimit rajonal e më gjerë në procesin e ndriçimit të fatit dhe vend-ndodhjes së personave të zhdukur me dhunë, po ashtu i shërben rritjes së kapaciteteve të mjekëve ligjore dhe specialistëve të tjerë të fushës së antropologjisë dhe arkeologjike forenzike në institucionet tona”, tha ai, transmeton kp.

    Po ashtu, në mbledhjen e sotme, Qeveria e Kosovës ka ndarë 243 mijë euro për zbatimin e masave të Pakos së Ringjalljes Ekonomike. Këto masa kanë të bëjnë me mbështetjen për punësimin e grave, për mbështetje të mërgatës dhe likuiditet familjar.

    Zëvendëskryeministri i Kosovës, Besnik Bislimi ka dhënë informacione mbi zbatimin e Planit të Veprimit për zbatimin e Agjendës për Reformë Evropiane Era ll gjatë periudhës tetor-dhjetor 2022.

  • Emërohet Bordi i ri i ShSKUK-së

    Emërohet Bordi i ri i ShSKUK-së

    Me propozim të Ministrit të Shëndetësisë, Arben Vitia, Qeveria e Kosovë ka emëruar Bordin e ri të Shërbimit Spitalor Klinik Universitar të Kosovës.

    Anëtarët e rinj të këtij Bordi drejtues janë Dren Boshnjaku, përfaqësues nga QKUK, Tetore Olloni nga Qendra Stomatologjike, Rrezarta Bajrami nga IKSHPK, Besim Demolli nga Spitali i Përgjithshëm i Ferizajt, Vjosa Kadrolli nga Shërbimi i Kujdesit Parësor, Naim Bardiqi si përfaqësues nga Ministria e Shëndetësisë dhe një ekspert i menaxhimit shëndetësor që zgjidhet përmes konkursit publik.

    Ministri i Shëndetësisë, Arben Vitia tha se Bordi drejtues si ShSKUK-së ka për detyrë të sigurojë mbarëvajtjen e gjithmbarshme të punëve të këtij institucioni shëndetësor.

    “ Bordi drejtues është organi më i lartë i ShSKUK-së dhe përbehet nga 7 anëtarë. Bordi drejtues ka për detyrë të siguroj mbarëvajtjen e gjithmbarshme të punëve të ShSKUK-së përfshirë aktivitetet shëndetësore, arsimore, kërkimore-shkencore si dhe aktivitetet e ndërlidhura financiare dhe administrative të njësive të tij organizative dhe funksionale me qëllim të orientimit të përgjithshëm të punëve të ShSKUK-së si dhe reagimit optimal të nevojave shëndetësore të qytetarëve dhe banorëve të Kosovës”, theksoi ai. 

  • KRU-Prishtina fillon shkyçjen nga rrjeti i ujësjellësit të konsumatorëve borxhlinj dhe atyre që kanë bërë kyçje ilegale

    KRU-Prishtina fillon shkyçjen nga rrjeti i ujësjellësit të konsumatorëve borxhlinj dhe atyre që kanë bërë kyçje ilegale

    Ka disa muaj që kompania e ujësjellësit KRU-Prishtina ka bërë thirrje që të kryhen pagesat, në të kundërtën ka paralajmëruar shkyçje për të gjithë konsumatorët borxhlinj dhe ata që kanë bërë kyçje ilegale.

    Me qenë se kjo nuk u mor parasysh, KRU-Prishtina sot ka filluar aksionin në lagjen e Bledit në rrugën “Sami Frasheri” për shkyçjen e konsumatorëve për kyçje ilegale.

    Aksioni i shkyçjes është duke u zhvilluar tani, ku planifikohet të bëhet shkyçja për tërë ndërtesën në këtë lagje, e cila siç mëson ATV, kishte bërë kyçje ilegale pesë vite më parë.

    ATV ka siguruar pamje nga vendi i ngjarjes ku po zhvillohet ky aksion nga KRU-Prishtina i shkyçjes për kyçje ilegale, ndërsa shkyçjet për borxhlinjtë do të vazhdojnë gjatë ditës së sotme. /atvlive.tv

  • Shala: Edhe ushtruesi i detyrës së kryeshefit në KEK është i dyshuar për vepra penale në KEK

    Shala: Edhe ushtruesi i detyrës së kryeshefit në KEK është i dyshuar për vepra penale në KEK

    Deputeti i Partisë Demokratike të Kosovës, Ferat Shala ka akuzuar sot Bordin e KEK-ut dhe Qeverinë e Kosovës se kanë bërë shkelje duke caktuar Përparim Kabashin si ushtrues detyre i kryeshefit në KEK.

    Në debatin parlamentar në Kuvend, lidhur me zhvillimet në Korporatën Energjetike të Kosovës (KEK) dhe përgjegjësinë e institucioneve qendrore në sektorin energjetik, Shala ka thënë se derisa Qeveria e Kosovës dhe Bordi i KEK-ut nuk distancohen nga ish kryeshefi i arrestuar Nagip Krasniqi janë po aq përgjegjës sa ai.

    “Konsiderojmë të papranueshëm faktin se Bordi i KEK-ut ka reaguar me vonesë në pezullimin e zotëri Krasniqi, i cili tashmë është i arrestuar. Rrjedhimisht, çfarëdo mosveprimi apo mosdistancimi nga zotëri Krasniqi, bordi dhe qeveria janë po aq përgjegjës për një rast të tillë, ku drejtori i KEK-ut është arrestuar për shkak të dyshimeve se ka kryer veprat keqpërdorim i pozitës dhe autoritetit zyrtarë, ushtrim ndikimin dhe konflikt i interesit. Po ashtu, bordi dje bëri shkeljen e radhës duke vendosur ushtrues detyre të kryeshefit të KEK-ut Përparim Kabashin i cili gjithashtu rezulton të jetë i dyshuar për vepra penale në KEK”, ka thënë ai.

    Javën e kaluar është arrestuar kryeshefi i KEK-ut Nagip Krasniqi. Ai dyshohet për keqpërdorim të pozitës dhe autoritetit zyrtar, po ashtu për ushtrim të ndikimit dhe konflikt të interesit.

    Dje, pas disa ditëve të arrestimit të Krrasniqit, Bordi i KEK-ut e ka pezulluar atë nga puna, derisa ka emëruar Përparim Kabashin ushtrues detyre të kryeshefit të KEK-ut.

  • Dj PM tregon se si nuk i ndali lotët kur ëndrra e fëmijërisë iu bë realitet

    Dj PM tregon se si nuk i ndali lotët kur ëndrra e fëmijërisë iu bë realitet

    Artisti dhe Dj shumë i dashur për publikun Pajtim Krasniqi, apo siç njihet me emrin e tij të skenës Dj PM, në emisionin “LIBERO” rrëfeu për jetën e tij profesionale dhe personale.

    Dj PM tregoi se ishte adhurues i madh i futbollit që nga fëmijëria, e sidomos i ekipit të “Milanos” dhe që e kishte dëshirë gjithmonë të shkonte në stadium ta shikonte performancën e tyre.

    ‘’…Gjithmonë kam thënë se a mundem me mbërri ndonjëherë të shkoj dhe me punë faleminderit Zotit, arrita që të shkojë në Itali me e pa ekipin e zemrës direkt dhe ka qenë një ndër eksperiencat më të mira që kam përjetuar”, tha ai.

    Ndërkaq ai ndau dhe faktin që ishte mjaft i emocionuar dhe qau në stadium.

    “Po më vjen marre më thonë, po kam qajtë, në atë lojë ka humb, por e kam shijuar pjesën e tifozëve, ajo pjesë më ka interesuar më shumë”, shtoi Dj PM.

    Mes tjerash, ai pret që ekipi i tij i zemrës të shkoj drejt finales së UEFA Champions League.

    Për të shikuar emisionin e plotë, klikoni në linkun më poshtë:

  • Dj PM paralajmëron ndarjen nga Sarah nëse nuk vjen për të jetuar në Kosovë

    Dj PM paralajmëron ndarjen nga Sarah nëse nuk vjen për të jetuar në Kosovë

    Të hënën në ‘’LIBERO” në një intervistë të veçantë ishte i ftuar artisti Pajtim Krasniqi apo siç njihet me emrin e tij skenik Dj PM.

    Dj PM është një ndër Dj më të preferuar të jetës së natës në kryeqytet dhe mbarë shqiptarinë. Ai ishte pjesë e Big Brother Vip Albania vitin e kaluar, ku krijoi një lidhje dashurie me Sarah Berisha, blogere nga Shqipëria.

    Kur u pyet në “LIBERO” se “nëse Sarah nuk do pranonte të jetonte në Kosovë, çfarë do të bëje?, përgjigja e tij ishte befasuese.

    “Më ke zënë ngushtë, unë shpesh herë i them Sarahës…a shkojmë të jetojmë jashtë vendit, nëse është mundësia, kjo kuptohet pas disa viteve, por sa i përket kësaj duhet të gjejmë një gjuhë të përbashkët, dashuria triumfon në fund”, tha ai.

    Mes tjerash, Pajtimi përmendi dhe në një lloj mënyre traditën shqiptare ku  gruaja duhet të jetoj tek bashkëshorti.

    Por, në fund ai tha se nuk mund të linte punën dhe të jetonte në Tiranë, por as nuk do t’i bënte presion Sarahs që të vinte në Kosovë.

    Për ta shikuar emisionin e plotë, klikoni në linkun e mëposhtëm: 

     

  • “Nëna vdiq se nuk e përballoi vdekjen e babait”, historia e 26 vjeçares nga Arabia

    “Nëna vdiq se nuk e përballoi vdekjen e babait”, historia e 26 vjeçares nga Arabia

    Infermierja e njohur nga Arabia, por që jeton në Kosovë Nura Alkhazali ishte  e ftuar të premten në “LIBERO”, në një rrëfim të veçantë, e të cilën jeta e ka përballur me sfida të ndryshme.

    Nura ka lindur në Arabi, pasi që babai i saj ishte me origjinë arabe dhe nëna nga Prishtina.

    Mirëpo, pas divorcit të prindërve infermierja, u detyrua që të rikthehej në Prishtinë bashkë me nënën, motrat dhe vëllezërit e saj që t’ia fillojnë nga e para.

    “… Ka qenë një ditë që ne kemi vendosë të shkojmë në Arabi, pas shumë viteve që u divorcuan prindërit. Nëna vendosi që të shkoj në dasmën e vëllait, se vëllai është martuar me një vajzë Arabe dhe kjo ka qenë dita më e lumtur ndonjëherë në jetë që ne si fëmijë e kemi përjetuar. Ku e kemi shijuar festën me prezencën e dy prindërve së bashku me nënën dhe babain… Ka qenë momenti i paharruar ku ata kanë vallëzuar së bashku dhe unë e di që kjo natë kurrë nuk do të harrohet…”, shprehet Nura.

    Ndërkohë, ajo përmendi rastin kur prindërit e saj kanë ndërruar jetë, ku nëna e saj vdiq dy javë pas babait se nuk e përballoi dot vdekjen e tij.

    “…Babi kishte sëmundjen e kancerit, ai për gjashtë muaj ndërroi jetë. Pas një kohe nëna e ndjente veten që diçka është duke ndodhur në shtëpi edhe pse nëna ishte gjithashtu me sëmundjen e kancerit. Por, në fund ia ndjeu zemra që babi ka ndërruar jetë dhe tha që ‘po më duket erdh me më marrë”, tha ajo.

    Ndërsa, ajo përmendi edhe raste të tjera kur ishte ndjerë e bullizuar në shkollë si fëmijë, në Prishtinë.

    “ … Unë prej nxënësve në shkollë kam qenë e bullizuar, për shkak të ngjyrës së trupi që e kam pasur më të zezë dhe prejardhjen që e kam nga Arabia”, theksoi Nura Alkhazali.

    Kujtojmë, se sipas një studimi që është bërë në shkurt të këtij viti nga ‘Pyper’, thuhet se prej të gjitha institucioneve arsimore, pjesëmarrësit konsiderojnë se dukuria e bullizmit më së shumti është e pranishme në shkollat e mesme (58.31%) dhe shkollat fillore (31.94%) si dhe në një përqindje më të vogël në universitet/kolegj (4.37%).

    Për ta shikuar emisionin e plotë, klikoni në linkun e mëposhtëm:

  • Turneu ndërkombëtar “Çesme”, Sadiku bokson sot në çerekfinale

    Turneu ndërkombëtar “Çesme”, Sadiku bokson sot në çerekfinale

    Boksierja jonë, Donjeta Sadiku do të boksojë sot në çerekfinale të turneut ndërkombëtar të boksit “Çesme”.

    Turneu ndërkombëtar i boksit “Çesme” po zhvillohet nga data 22 prill e deri më datën 30 të këtij muaji, raporton KosovaPress.

    Në kuadër të kategorisë deri në 60 kilogramë, Sadiku do të boksojë kundër boksieres japoneze, Ayaka Taguchi.

  • Gjermania ndal tre avionë luftarakë rusë mbi Baltik

    Gjermania ndal tre avionë luftarakë rusë mbi Baltik

    Forcat ajrore gjermane kanë njoftuar të mërkurën se kanë ndaluar tre avionë ushtarakë të Rusisë mbi detin Baltik, transmeton KosovaPress.

    Kjo pasi sipas tyre, avionët nuk kishin lëshuar pajisjet që tregojnë të dhëna për fluturimin e tyre.

    “Gjermania dhe Britania dërguan avionët e tyre për të identifikuar dy avionët luftarakë të llojit Sukhoi Su-27 dhe një Ilyushin Il-20”, tha ushtria gjermane përmes një postimi në Twitter.

    Autoritetet ushtarake gjermane publikuan fotografi të avionëve rusë.