ATV

Blog

  • Ambasadorja amerikane në OKB: Kosova dhe Serbia urgjentisht ta zbatojnë marrëveshjen

    Ambasadorja amerikane në OKB: Kosova dhe Serbia urgjentisht ta zbatojnë marrëveshjen

    Ambasadorja e Shteteve të Bashkuara të Amerikës në OKB, Linda Thomas Greenfield, në takime të ndara me krerët e diplomacisë së Kosovës dhe Serbisë, u ka bërë thirrje të dyja vendeve që ta zbatojnë menjëherë marrëveshjen e arritur për normalizim të raporteve.

    Në Nju Jork, më 26 prill, një ditë para seancës së Këshillit të Sigurimit për Kosovën, Greenfield ka biseduar me ministrin e Punëve të Jashtme të Serbisë, Ivica Daçiq. Paraprakisht, më 25 prill, ajo ishte takuar me zëvendëskryeministren e Kosovës dhe ministren e Punëve të Jashtme, Donika Gërvalla-Schwarz.

    Shtetet e Bashkuara të Amerikës do të vazhdojnë të angazhohen në mënyrë aktive për mbështetjen e Kosovës dhe Serbisë në përmbushjen e obligimeve të tyre në arritjen e marrëdhënieve të parashikueshme dhe paqësore, i tha Thomas-Greenfield ministrit serb.

    Ajo theksoi “sa e rëndësishme është që të dyja palët të zbatojnë urgjentisht angazhimet e dala nga marrëveshja historike, ligjërisht e detyrueshme për normalizimin” që arritën, sipas deklaratës nga zëdhënësi i misionit amerikan në OKB, Nate Evans.

    Gjithashtu shtohet se ambasadori amerikan dhe shefi i diplomacisë serbe kanë biseduar edhe për rëndësinë e partneritetit afatgjatë mes SHBA-së dhe Serbisë.

    Siç njofton MPJ-ja e Serbisë, Daçiq, gjatë bisedës me ambasadoren amerikane ka theksuar se Serbia do të mbajë qëndrim konstruktiv sa i përket propozimit evropian dhe zbatimit të planit të veprimit për normalizimin e mëtejshëm të marrëdhënieve me Prishtinën.

    Përsëri, megjithatë, ka vija të kuqe për Serbinë nga të cilat ajo nuk do të heqë dorë. Ai, po ashtu, ka theksuar se për Serbinë puna e UNMIK-ut në kapacitetin e tij të plotë është e një rëndësie të madhe, duke pasur parasysh situatën e ndjeshme në Kosovë.

    Shefi i diplomacisë serbe tha, gjithashtu, se shpreson që vizita e sekretarit amerikan të shtetit, Anthony Blinken, në Serbi të realizohet në periudhën e ardhshme.

    Paraprakisht, më 25 prill, në një bisedë me ministren e Jashtme të Kosovës, Donika Gërvalla-Schwarz, ambasadorja Linda Thomas-Greenfield bëri thirrje për zbatimin urgjent të marrëveshjes ndërmjet Kosovës dhe Serbisë për normalizim, thuhet në deklaratën e zëdhënësit e misionit të SHBA-së në OKB, Nate Evans.

    Është bërë e ditur se ambasadorja amerikane dhe ministrja kosovar kanë biseduar për “partneritetin afatgjatë mes SHBA-së dhe Kosovës”.

    Më 2 maj, në Bruksel, Serbia dhe Kosova duhet të vazhdojnë negociatat për normalizimin e marrëdhënieve, të cilat po i zhvillojnë me ndërmjetësimin e Bashkimit Evropian (BE). Negociatat do të vazhdojnë mes aktivitetesh të intensifikuara diplomatike të partnerëve perëndimorë, në radhë të parë të BE-së dhe SHBA-së.

    Këto përpjekje rezultuan në arritjen e Marrëveshjes së Ohrit – për të cilën kryeministri i Kosovës, Albin Kurti, dhe presidenti serb, Aleksandar Vuçiq, ranë dakord për zbatimin e Marrëveshjes për normalizimin e marrëdhënieve ndërmjet Serbisë dhe Kosovës./REL

  • ​Kurti: Serbia jokonstruktive, ndërkombëtarët t’i bëjnë presion

    ​Kurti: Serbia jokonstruktive, ndërkombëtarët t’i bëjnë presion

    Kryeministri Albin Kurti ka deklaruar se ndërmjetësit evropianë duhet të bëjnë trysni mbi Serbinë, meqë shenjat nuk janë të mira për konstruktivitet.

    Pas homazheve në Kompeksin Memorial në Mejë, Kurti ka theksuar se ministri Elbert Krasniqi ka ftuar në takim ekipin menaxhues për hartimin e draft-statutit. Megjithatë, ata nuk janë përgjigjur.

    “Ministri im i Administrimit të Pushtetit Lokal, Elbert Krasniqi i ka ftuar në takim ekipin menaxhues, por ata nuk janë përgjigjur. Pra, është kjo ministri ne kuadër të qeverisë e cila merret për se afërmi me këtë menaxhues për draft-statutin, siç është bërë marrëveshja dikur në Bruksel, e siç është ndryshuar përbërja në qeveri, para se unë të bëhem sërish kryeministër. Por, me datën 2 maj në bazë të tekstit të marrëveshjes se Brukselit, e cila fitoi aneksin e zbatimit në Ohër, çështje urgjente është çështja e të pagjeturve dhe të zhdukurve me dhunë”, ka deklaruar Kurti.

    Ai ka shtuar se shenjat nuk janë të mira për konstruktivitet nga ana e Serbisë, për çka ndërmjetësit evropianë dubrt të bëjnë trysni.

    “Unë kërkoj që teksti i dakorduar tashmë të shndërrohet në marrëveshje. Sa i përket Kosovës dhe meje, gjithçka është e qartë dhe e garantuar, por ndërmjetësit evropianë do të duhej të bëjnë trysni mbi palën tjetër. Shenjat nuk janë të mira për konstruktivitet, kur dimë që pikërisht në Batajnicë në varrezën masive, ku nuk ka asnjë pllakë, asnjë shënim që aty ka pasur dikur varrezë masive, organizohet paradë ushtarake, e ku ftohen edhe kriminelët serbë nga veriu i Kosovës edhe lideri separatist i serbëve të Bosnjës, Dodik. Këto shenja nuk janë të mira, mirëpo me palën tjetër nuk do të mund të merremi ne, sepse ne nuk jemi juridiksion mbi Beogradin, këtë duhet ta bëjë Bashkimi Evropian”, ka shtuar ai. /KP

  • Dramë në Serbi: Aleatët e Vuçiqit po përgatiten ta njohin Kosovën

    Dramë në Serbi: Aleatët e Vuçiqit po përgatiten ta njohin Kosovën

    Pas votimit në Këshillin e Evropës për anëtarësimin e Kosovës në atë institucion ndërkombëtar, për çka abstenoi Greqia, ky shtet mund të ndryshojë qëndrimin e mëparshëm dhe ta njohë pavarësinë e Kosovës, është lajmi kryesor në mediat nën kontrollin e presidentit serb Aleksandar Vuçiq, shkruan Oslobodjenje.

    Këtë indirekt e bën të ditur Georgios Katrougalos, ish-kreu i diplomacisë greke, i cili thotë se qeveria në Athinë papritmas ndryshoi qëndrimin e prerë lidhur me mosnjohjen e Kosovës. Sipas tij, Greqia, pa shpjegime, ka votuar ndryshe në Këshillin e Evropës nga vendet e tjera që janë kundër pavarësisë së Kosovës.

    Kartougalos shton se një vendim i tillë i autoriteteve greke është i keq dhe nuk kontribuon në atë që, siç thotë, duhet të jetë politika shtetërore e atij vendi.

    – Vendi ynë duhet të promovojë gjithmonë paqen dhe stabilitetin në Ballkan, duke mbështetur hapa dhe zgjidhje të pranueshme reciprokisht. Vendimi i qeverisë për të votuar për pranimin e Kosovës në Këshillin e Evropës për t’u diferencuar nga vendet e tjera të Bashkimit Evropian që nuk e njohin Kosovën, si Spanja, Rumania dhe veçanërisht Qiproja që votuan kundër, nuk i kontribuon këtij qëllimi. Ky qëndrim nuk është diskutuar me forcat politike në vendin tonë, ndonëse ndryshon, pa shpjegime, qëndrimin e prerë të Greqisë për statusin e Kosovës. Në të njëjtën kohë, kjo dobëson rolin e ndërmjetësit që duhet të ketë Greqia në rajon”, thekson Kartugalos.

  • ​Trofeu i Ligës së Kampionëve ekspozohet në Stamboll

    ​Trofeu i Ligës së Kampionëve ekspozohet në Stamboll

    Stambolli do të presë sërish finalen e Ligës së Kampionëve pas 18 vitesh. Nga sot në Stamboll ka nisur të ekspozohet trofeu që do t’i jepet ekipit fitues pas ndeshjes finale që do të luhet më 10 qershor.

    Para ndeshjes finale, në Stamboll u soll trofeu më i madh i Evropës në nivel klubesh. Trofeu i Ligës së Kampionëve do të jetë i hapur vizitorët në një qendër tregtare në Stamboll deri nesër në mbrëmje.

    Trofeu, i cili do t’i jepet ekipit fitues në finalen e stadiumit Olimpik Atatürk, peshon 7.5 kilogramë, është 73.5 centimetra i gjatë dhe ngjyrë argjendi. Trofeu i gjigantëve do të ngrihet për herë të 68-të në total dhe për herë të dytë në Stamboll, përcjellë KosovaPress.

    Ndeshjet gjysmëfinale do të nisin në javën e dytë të majit përpara finales që do të organizohet nga Stambolli.

    Real Madridi e pres Manchester Cityn në ndeshjen e parë të gjysmëfinaleve të martën më 9 maj. Ne anën tjetër, Milani, i cili humbi nga Liverpool në finalen e luajtur në stadiumin Olimpik Atatürk në sezonin 2004-2005, do të presë Interin të mërkurën më 10 maj.

    Ndeshjet e dyta të gjysmëfinaleve do të luhen më 16 dhe 17 maj. Për shkak të çifteve, është e sigurt që një skuadër italiane do të arrijë sërish në finale në Stamboll.

  • ​Presidenti kroat pret Begajn: Kosova së shpejti do të njihet nga të gjitha vendet e BE-së

    ​Presidenti kroat pret Begajn: Kosova së shpejti do të njihet nga të gjitha vendet e BE-së

    Presidenti i Shqipërisë, Bajram Begaj deklaroi sot gjatë takimit me presidentin e Kroacisë, Zoran Milanoviq, shprehu mbështetjen e Shqipërisë për dialogun Kosovë-Serbi, duke potencuar se zbatimi pa rezerva dhe i shpejtë i dakordësisë së rënë ne Ohër do t’i hapë rrugën normalizimit të marrëdhënieve dhe më pas një marrëvëshjeje përfundimtare me në qendër njohjen e ndërsjellë.

    Gjatë konferencës së përbashkët më presidentin e Kroacisë, Zoran Milanoviq, ai u shpreh se ka vlerësuar në mënyrë të veçantë mbështetjen e plotë që presidenti Milanoviq në institucionët kroate i kanë dhënë Kosovës, si në kuadër të procesit të njohjeve, ashtu edhe të anëtarësimit të saj në organizata ndërkombëtare dhe rajonalë, por edhe për liberalizimin e vizave.

    Mes tjerash, presidenti Begaj tha vizita e tij në Kroaci është ë rëndësishmë në kuadër të marrëdhënieve midis dy vendeve dhe në kuadër të zhvillimeve rajonale.

    “Në kuadër të bashkëpunimit rajonal, vlerësova rolin e Kroacisë dhe të Slovenisë në procesin e Bërdo Brionit si platforma e vetme që i ka bërë bashkë në mënyrë të vazhdueshmë, që i ka dhënë zë të gjithë krerëvë të shteteve të rajonit për të avancuar idetë e qëndrimët e tyre në drejtim të Bashkimit Evropian…Nënvizuam interesin e përbashkët dhë nevojën e një kordinimi midis nesh që edhe Kosova të bëhet pjesë e kësaj aleance. Lidhur më anëtarësimin e plotë të Kosovës në aleancë jam në një… me presidentin Milanoviq, i cili ka vlerësuar së Kosova është e dyjëzuar as ndaj NATO-s as ndaj Bashkimit Evropian. Shpreha mbështetjen e Shqipërisë për dialogun Kosovë-Serbi, ndërmjëtësuar nga Bashkimi Evropian dhe të mbështetur nga Shtetet e Bashkuara të Amerikës, duke zbatuar së zbatimi pa rezerva dhe i shpejtë i dakordësisë së rënë në Ohër për planin evropian do t’i hapë rrugën normalizimit të marrëdhënieve dhe më pas një marrëvëshje përfundimtare dhe të detyrueshme ligjërimisht, të njohur ndërkombëtarisht me në qendër njohjen e ndërsjellë ndërmjet dy vendeve. Kjo do t’i shërbente rajonit por jo vetëm”, tha ai.

    Ndërsa,presidenti i Kroacisë, Zoran Milanoviq u shpreh se është realitet që Kosova është pjesë e Evropës dhe se në të ardhme jo të largët do të njihet nga të gjitha vendet e BE-së.

    Ai tha se interes i tyre është normalizmi i marrëdhënieve Kosovë-Serbi.

    “Kosova është një realitet, numri më i madh i vendeve të Bashkimit Evropian dhe të NATO-s e kanë pranuar, disa vende nuk e kanë pranuar, po t’i pyesësh se pse nuk e kanë pranuar nuk do të dinë ta arsyetojnë mendimin e tyre…Kroacia e ka pranuar Kosovën, në mes të vendeve të para, ky është një realitet. Do të bëjmë që mundemi dhe asnjëherë me synimin e provokimit të Serbisë, por me synimin që t’i ndihmojmë sado që të jetë e mundur dhe kjo është ë vështirë, por duam që t’i bindim së ky është realitet…Realiteti është i tillë që Kosova është pjesë e Evropës, në një të ardhme jo të largët do të njihet edhe nga edhe të gjitha vendet e Bashkimit Evropian dhe që tani Serbia këtu gjendet në pozitë skizofrenike, duke mos dhënë aluzione klinike, por ndodhet në një pozitë politike skizofrënikë…Nuk dua të vendos së cfarë është interes i Serbisë, por e di çfarë është interes i jonë, jam i sigurt eshtë interesi i Shqipërisë e kjo është normalizimi i raporteve, avancimi i dialogut dhe pastaj të shohim se si do të mbarojë e tëra kjo gjë me njërëzit nga Serbia, por edhe Republika Srbska të mos krijojë shumë keqkuptime…”, tha ai.

    Presidenti Begaj tha se me presidentin kroat ka zhvilluar një bisëdë të veçantë e miqësore, më fokus forcimin ë mëtejshëm të bashkëpunimit dypalësh, agjenda e intergrimit evropian të Shqipërisë si dhe zhvillimet rajonale.

    “Dokumenti i partneritetit strategjik i firmosur midis dy vende i ka dhënë një dinamikë të re marrëdhënieve midis dy vendeve Marrëdhëniet tona festuan vitin që shkoi 30-vjetorin dhe vlerësova se në këto tri dekada kemi krijuar një kapital, i cili është mjaft i mirë, i bashkëpunimit politik, diplomatik dhe ekonomik. Ndamë bindjen së pavarësisht nivelit të shkëlqyer të marrëdhënieve politike dypalëshë dhe prirjes dhë trendit të rritjes së marrëdhënieve ekonomikë, tregtare, ende mbetet shumë për të bërë në drëjtim të bashkëpunimit ekonomik midis të dy vendeve.”, tha Begaj.

    Ai tha se e ka siguruar presidetin kroat se investimet dhe projektet kroate në Shqipëri janë të mirëpritura. Begaj u shpreh se ka vlërësuar së Kroacia mund të shërbëjë si shembull shumë i mirë për Shqipërinë lidhur më integrimin evropian.

    Ndërsa, presidenti kroat, Zoran Milanoviq u shpreh se Shqipëria do të duhej që para shumë kohësh të ishte në fazë shumë më të avancuar të integrimit në Bashkimit Evropian.

    “Miqësia e Kroacisë dhë Shqipërisë, tanimë është një fakt shumë mirë i ndërtuar dhe jeta dhe raportet, në të cilat jëtojmë do na sjellin te faktet që duam të ndihmojmë Shqipërinë, jo atë që quhet rruga drejt Bashkimit Evropian, pasi kjo nuk do të thotë asgjë në vete. Është një rrugë sikurse çdo rrugë tjetër në jetë, por këtu kemi një synim konkret, Shqipëria sipas meje do të duhej që para shumë kohësh të ishte një fazë shumë më të avancuar të integrimit në Bashkimit Evropian. Nuk ka patur asnjë, lë të themi sfidë apo arsye politikë të sigurisë apo ekonomike që Shqipëria të ishte pothuajsë në fund të negociatave të anëtarësimit. Dhe kjo nuk është kështu, por besoj që kjo ka patur të bëjë edhe me paragjykime, jo vetëm të Shqipërisë, por edhe të vendevë të tjera, edhpse të gjitha argumentet racionale flasin në favor të faktit se vendet siç janë Shqipëria dhe Maqedonia e Veriut do të duhej të ishin në Bashkim Evropian. Pra, do të duhej të ishin ose në Bashkim Evropian ose pranë anëtarësimit në Bashkim Evropian.”, u shpreh ai./KosovaPress

  • Serbia e zemëruar me Greqinë për Kosovën, Bërnabiç anulon vizitën në Athinë

    Serbia e zemëruar me Greqinë për Kosovën, Bërnabiç anulon vizitën në Athinë

    Kryeministrja e Serbisë Ana Bërnabiq ka anuluar pjesëmarrjen e saj në forumin ekonomik të Delphit në Greqi për shkak të qëndrimit të Athinës për anëtarësimin e Kosovës në Këshillin e Evropës.

    Lajmi u konfirmua nga mediat greke sipas të cilave ky zhvillim vjen menjëherë pas shqyrtimit të kërkesës së Kosovës për anëtarësim në Këshillin e Evropës dhe përkrahjes së saj nga 33 prej 46 anëtarëve si dhe pesë abstenimeve midis të cilëve ishte edhe Greqia, raportoi Top News.

    Mësohet se menjëherë pas votimit ministria e Jashtme në Beograd ka njoftuar Athinën se Bërnabiq nuk do të marrë pjesë në forum, ndërsa pala greke duke kuptuar arsyen nuk ka kërkuar shpjegime. Madje në programin e kryeministres serbe ishte edhe një takim më homologun e saj Mitsotakis, takim që edhe ky është anuluar.

    Mediat greke nga ana tjetër theksojnë se qeveria Mitsotakis është duke rrezikuar marrëdhëniet diplomatike me Serbinë.

    Ministri i Jashtëm i Serbisë, Ivica Daçiq, duke folur për televizionin shtetëror serb RTS, ka deklaruar se është i zhgënjyer nga homologu i tij grek dhe qëndrimi i Greqisë në votimin për kërkesën e Kosovës për anëtarësim në Këshillin e Evropës.

    “Greqia më befasoi. Ministrin nga Greqia e ka nderuar në shtëpinë e tij vetë presidenti i Serbisë, Aleksandar Vuçiq”, ka thënë Daçiq, duke iu referuar vizitës së fundit të Dendias në Beograd dhe darkës që ka pasur me presidentin serb.

  • Nis Edicioni i 15-të i Panairit të Edukimit, stendi i Kolegjit AAB ndër më të vizituarit

    Nis Edicioni i 15-të i Panairit të Edukimit, stendi i Kolegjit AAB ndër më të vizituarit

    Kolegji AAB, institucioni më i madh jopublik i arsimit të lartë në Kosovë, po merr pjesë në Edicionin e 15-të të Panairit Vjetor të Edukimit që po mbahet në Pallatin e Rinisë dhe Sporteve në Prishtinë. Në këtë panair po marrin pjesë me dhjetëra institucione të arsimit të lartë nga vendi, rajoni e më gjerë.

    Përveç prezantimit të programeve dhe mundësive të studimit, Kolegji AAB tërhoqi vëmendjen e shumë pjesëmarrësve me formatin e tij inovativ të realitetit virtual dhe roletën me oferta të shumta deri në 15% zbritje për të gjithë të interesuarit. Ky qasje e bëri stendin e Kolegjit AAB ndër më të vizituarin qysh në orët e para të mëngjesit kur u bë hapja e panairit.

    Panairi, që do të jetë i hapur edhe nesër, u ofron nxënësve një mundësi unike për të mësuar më shumë rreth zhvillimeve më të fundit në sektorin e arsimit. Me pjesëmarrjen e Kolegjit AAB, vizitorët e kanë mundësinë të njihen më shumë me programet si dhe mundësitë e studimit që ofron ky institucion për vitin akademik 2023/2024.

  • ​“Eskadronët e vdekjes” roman që dokumenton krimet serbe në Kosovë

    ​“Eskadronët e vdekjes” roman që dokumenton krimet serbe në Kosovë

    Lidhja e Shkrimtarëve e Kosovës (LShK) ka promovuar romanin “Eskadronët e vdekjes”, të autorit Bardhyl Mahmuti.

    Ky libër u vlerësua i nevojshëm në Kosovë, ku përmes rrëfimeve sjell fakte të dokumentuara në lidhje me gjenocidin serb gjatë luftës së fundit në Kosovë.

    Kryetari i LShK-së, Shyqyri Galica, tha se këto romane i kanë munguar Kosovës për të dokumentuar krimet serbe në Kosovë.

    Ai tha se në libër ka rrëfime të ngjarjeve makabre të ndodhura në Kosovë gjatë luftës.

    Ndërkaq, autori i librit, Bardhyl Mahmuti, tha se qëllimi i këtij romani është ndriçimi i të vërtetës për gjenocidin serb në Kosovë.

  • BE: Të zbatohen të gjitha nenet e Marrëveshjes së Ohrit, palët nuk mund të vendosin parakushte

    BE: Të zbatohen të gjitha nenet e Marrëveshjes së Ohrit, palët nuk mund të vendosin parakushte

    Bashkimi Evropian ka vazhduar me mesazhet e qarta se Kosova dhe Serbia duhet të zbatojnë të gjitha nenet e Marrëveshjes së arritur në Ohër të Maqedonisë së Veriut më 18 mars.

    Zëdhënësja e BE-së, Zoi Muletier, ka folur për votën e Serbisë kundër Kosovës në Këshillin e Evropës.

    “Vëmë re se Komiteti i Ministrave të Këshillit të Evropës votoi dje pro dërgimit të aplikacionit të Kosovës për anëtarësim në Asamblenë e saj Parlamentare (APKE). Këtë e vendosin anëtarët e Këshillit të Evropës. Në Dialogun Beograd-Prishtinë, BE-ja pret që të gjitha nenet e Marrëveshjes të zbatohen në mënyrë të përshtatshme, në mirëbesim dhe në mënyrë të pavarur nga njëri-tjetri – për të cilën palët ranë dakord në aneksin e zbatimit në Ohër”, ka thënë Muletier.

    Sipas saj, secila palë duhet të japë diçka për të marrë diçka në këmbim.

    “BE-ja si Lehtësues i Dialogut të Beogradit në Prishtinë është plotësisht i vetëdijshëm për ndjeshmëritë dhe kompleksitetet politike që lidhen me procesin e zbatimit, dhe për këtë arsye ne u kemi paraqitur një propozim palëve për një qasje hap pas hapi në fazën e zbatimit të t’i ndihmojë ata të zbatojnë detyrimet e tyre. Ajo ndjek një logjikë të thjeshtë që secila palë duhet të bëjë diçka për të marrë diçka. Kjo është e vetmja mënyrë realiste për t’i bërë gjërat dhe ofron një ekuilibër dhe garanci”, ka thënë ajo për RTV21.

    Muletier ka thënë se Marrëveshjes së Ohrit mes Kosovës dhe Serbisë, nuk mund t’i vihen parakushte për zbatim.

    “Kryenegociatorët nuk mundën të arrinin një marrëveshje më 4 prill në Bruksel dhe diskutimet vazhdojnë. Prandaj, liderët pritet të diskutojnë këtë çështje në takimin e nivelit të lartë më 2 maj. Ndërkohë që diskutimet vazhdojnë, asnjëra palë nuk duhet të vendosë ndonjë parakusht pasi nuk mund të funksionojë kështu zbatimi i Marrëveshjes dhe gjithashtu bie ndesh me atë që është rënë dakord”.

  • Rrjeti aktivist i Nismës së të Rinjve për të drejtat e njeriut kujton viktimat në Luginën e Rekës në Kosovë

    Rrjeti aktivist i Nismës së të Rinjve për të drejtat e njeriut kujton viktimat në Luginën e Rekës në Kosovë

    Me aksionin e shënimit të distancës ndërmjet shtatë qyteteve të Serbisë dhe Batajnicës, aktivistët i Nismës së të rinjve për të Drejtat e Njeriut në Serbi (YIHR Serbia) kujtojnë sot civilët e vrarë në operacionin Reka më 27 dhe 28 prill 1999. Aksioni u krye në Nish, Vranjë, Çaçak, Kragujevc, Novi Pazar, Novi Sad dhe Beograd.

    YIHR Serbia, së bashku me Aksionin Civil në Pançevë dhe Komitetin për të Drejtat e Njeriut në Nish, kujton se eshtrat e qindra civilëve të vrarë në atë operacion u gjetën në një varr masiv në poligonin e Qitjes së Qendrës së Trajnimit të Speciales Anti- Njësia Terroriste (SAJ) në vendbanimin e 13 majit në Batajnicë dhe edhe një herë u bën thirrje autoriteteve që të krijojnë një qendër përkujtimore në vendin ku u gjetën eshtrat e gjithsej 744 viktimave të vrarë në Kosovë ndërmjet viteve 2001 dhe 2003.

    YIHR Serbia, duke iu bashkuar iniciativës së Fondit për të Drejtën Humanitare (HHL) për të krijuar një qendër përkujtimore në Batajnicë, në shkurt 2018 ftoi listat zgjedhore në zgjedhjet lokale për këshilltarë në Kuvendin e Qytetit të Beogradit për të deklaruar nëse do të ndërtonin një qendër përkujtimore pas zgjedhjet në Batajnicë, që do të shprehte respekt për viktimat. Nga 24 listat për të cilat është dërguar ftesa, vetëm pesë janë përgjigjur dhe katër lista kanë mbështetur ngritjen e qendrës përkujtimore. Nga gazetat që e përkrahën këtë iniciativë, sot në Kuvendin e Qytetit të Beogradit është vetëm Lëvizja e Qytetarëve të Lirë.

    “Herët në mëngjes më 27 prill 1999, forcat e përbashkëta të Ushtrisë Jugosllave dhe Ministrisë së Punëve të Brendshme filluan një operacion të gjerë të quajtur Reka në zonën e komunës së Gjakovës në luginën e lumenjve Carragojs, Erenik dhe Trava. . Pjesëtarë të Batalionit të 2-të të Brigadës 549 të Motorizuar, të Brigadës së 52-të të Blinduar, të Batalionit të 52-të të Policisë Ushtarake, të Brigadës së 63-të të Parashutave, të Detashmentit Territorial Ushtarak të 113-të dhe të Brigadës së 125-të të Motorizuar të Ushtrisë Speciale të Operacionit të Jugosllavisë, rreth 4 pjesëtarë të Policisë së Ushtrisë Speciale të Policisë Jugosllave. dhe SUP Đakovica, si dhe pjesëtarë të formacioneve paraushtarake. Operacioni përfundoi një ditë më vonë, më 28 prill, rreth orës 18:00”, thuhej në njoftim.

    “Gjatë operacionit, pjesëtarët e forcave serbe hynë në fshatrat e luginës së Rekës dhe dëbuan popullsinë shqiptare në drejtim të Shqipërisë. Dhjetra civilë u vranë gjatë dëbimit. Përgjatë rrugës për në Gjakovë, disa mijëra civilë të dëbuar nga fshatrat me traktorë lëvizën në një kolonë të gjatë në drejtim të Shqipërisë. Në fshatin Mejë, efektivët e policisë ndaluan civilët në postblloqe ku veçuan burrat nga kolona, ​​ndërsa gratë, fëmijët dhe të moshuarit u urdhëruan të vazhdonin rrugën drejt Shqipërisë. Në fshatin Mejë janë veçuar 274 burra, ndër të cilët 36 të mitur, të cilët më pas janë vrarë nga pjesëtarët e UJ-së dhe MPB-së në vende të panjohura.”

    Gjatë operacionit Reka, pjesëtarët e forcave serbe vranë të paktën 350 civilë, shqiptarë të Kosovës dhe disa mijëra banorë të fshatrave në luginën e Rekës u deportuan në Shqipëri. Eshtrat e 309 civilëve, përfshirë 252 të vrarë në Mejë, u gjetën në vitin 2001 në një varr masiv në Qendrën e Trajnimit SAJ në vendbanimin “13. maj” në Batajnicë.

    Pothuajse e gjithë udhëheqja ushtarake dhe policore e RFJ-së ishte dënuar para TPNJ-së për krimet e kryera në Operacionin Reka. Pavarësisht kësaj, oficerët dhe njësitë që morën pjesë në këtë operacion janë dekoruar dhe shpërblyer disa herë deri më sot. Në mesin e oficerëve të dënuar para TPNJ-së për krimet e kryera në Operacionin Reka është edhe Vladimir Lazarevic, ish-komandanti i Korpusit të Prishtinës të UJ-së. Më 2 shkurt të këtij viti, presidenti Aleksandar Vuçiq, president i Serbisë dhe kryetar i SNS-së, në një fjalim në një seancë të posaçme të Asamblesë Kombëtare, e quajti Lazarevicin “hero të madh serb”.

    Në aktgjykimet e TPNJ-së, Momir Stojanoviq ishte caktuar si një nga organizatorët e operacionit ushtarako-policor të Rekës. Në korrik 2019, Prokuroria për Krime Lufte në Serbi lëshoi ​​një urdhër për pezullimin e hetimeve kundër Stojanoviqit si dhe tre personave të tjerë për krime lufte në afërsi të Gjakovës në prill 1999. Për shkak të aktiviteteve të tij politike kundër koalicionit qeverisës, që nga viti 2016, Stojanoviq ka qenë intervistues i shpeshtë i gazetës Danas si dhe i televizionit N1 dhe Nova S dhe nuk është marrë në pyetje nga e njëjta media deri më tani për akuzat e përgjegjësisë për krimet e luftës në operacionin Reka.

    Vlastimir Gjorgjeviq, shef i Departamentit të Sigurisë Publike të Ministrisë së Punëve të Brendshme të Serbisë, ishte përgjegjës para TPNJ-së për operacionin e zhvendosjes dhe varrosjes së trupave të shqiptarëve të Kosovës në varreza masive sekrete. Deri më sot, askush në Serbi nuk është mbajtur përgjegjës për krimet e luftës në kuadër të operacionit Reka, si dhe për operacionin për fshehjen e trupave.