Një person është arrestuar të mërkurën në Gjilan, pasi i njëjti dyshohet se ka therur me thikë një të mitur.
Ngjarja ka ndodhur në kampusin e shkollave të mesme në këtë qytet.
“Rr. Zija Shemsiu –Kampusi i shkollave të mesme, Gjilan 03.05.2023-12:00. Është arrestuar i dyshuari mashkull kosovar i moshës së mitur pasi që, i njëjti pas një mosmarrëveshje ka goditur me një mjet të mprehtë-thikë viktimën mashkull kosovar të moshës së mitur”, thuhet në raportin e Policisë së Kosovës.
Bëhet e ditur se viktima ndihmën e parë e ka pranuar në Spitalin Rajonal të Gjilanit dhe më pas është dërguar në QKUK, në Prishtinë.
Me vendim të prokurorit i dyshuari është dërguar në mbajtje.
Një person është gjetur pa shenja jete mbrëmjen e së mërkurës në Pejë.
Në raportin e Policisë së Kosovës thuhet se në vendin e ngjarjes ka dal ekipi mjekësor, i cili ka konstatuar edhe vdekjen e viktimës.
“Pas marrjes së një informate se një person gjendet i shtrirë në rrugë, njësit policore kanë dalë në vendin e ngjarjes dhe kanë vërejtur se pranë një veture me tabela vendore gjendet personi i shtrirë. Në vendin e ngjarjes ekipi mjekësor ka konstatuar vdekjen e viktimës mashkull kosovar”, thuet në raport.
Bëhet e ditur se me vendim të prokurorit trupi i pa jetë i viktimës është dërguar në IML për obduksion.
Për çështje sigurie ne i vendosim një fjalëkalim apo kod pajisjeve të mençura si p.sh., celularët e mençur, kompjuterëve etj., kjo për shkak që askush përveç nesh të mund të ketë qasje në të.
Se a e praktikojnë këtë qytetarët, ata janë përgjigjur pyetjeve të ATV-së.
“Asnjëherë nuk i kom vendosi password telefonit dhe as nuk do t’i vendosi, se s’kom nevojë me mshef kurrgjë”, tha një qytetar.
“Po telefonin e mbaj me password edhe gruja nuk e din”, deklaroi një qytetar.
“E kom telefonin me password, i lehtë edhe e din ky shoku jem këtu”, u përgjigj një qytetar.
“Po me password e kom e password-i ma i çuditshëm që ia kam vendos është emri i dashnores edhe askush nuk e din”, tha një burrë.
Masakra që 14 vjeçari Kosta Keçmanoviq bëri dje në një shkollë fillore në Beograd, tronditi Serbinë e rajonin.
Keçmanoviq, nxënës i klasës së shtatë fillore, kishte planifikuar qysh më parë masakrën. Ai vrau rojën e shkollës, Dragan Vlahoviq, si dhe tetë bashkëmoshatarë të tij.
Telefoni i tij zbulon shumë sekrete dhe supozohet se Keçmanoviq po kërkonte një mënyrë për të bërë një koktej molotovi.
Forenzika telefonike do të përcaktojë edhe detajet e bisedave dhe kujt i ka shkruar në mëngjesin fatal.
Siç tha shefi i policisë së Beogradit, Veselin Miliq, Keçmanoviq e kishte planifikuar krimin për një muaj.
14 vjeçari kishte përpiluar edhe një listë të fëmijëve që ai kishte planifikuar t’i likuidonte. Ai përpunoi një plan për hyrjen dhe daljen nga shkolla dhe vendosi objektiva prioritare.
Ajo që u ra në sy të gjithëve ishte se një person në këtë listë ishte fshirë, dhe siç dyshohet, arsyeja është afrimi me ndonjë nga nxënësit që ishin në të.
Kujtojmë se 14 vjeçari është arrestuar menjëherë. Po ashtu gjatë ditës u arrestuan edhe dy prindërit e tij.
Kryeministri i Kosovës, Albin Kurti ka shprehur ngushëllime për viktimat dhe familjet e tyre, pas sulmit të armatosur në Beograd të Serbisë.
Kurti po ashtu ka uruar shërim sa më të shpejtë për të lënduarit.
“Dëshiroj të shpreh ngushëllimet e mia më të thella për viktimat e të shtënave në shkollë në Beograd dhe për familjet e tyre. Gjithashtu u uroj shërim sa më të shpejtë të lënduarve në këtë ngjarje tragjike”, ka shkruar ai në Twitter.
Tetë nxënës dhe një roje sigurie u vranë të mërkurën nga të shtënat me armë zjarri në Shkollën Fillore “Vlladisllav Ribnikar” në Beograd. Sipas njoftimit, gjashtë nxënës të tjerë dhe një mësues u plagosën dhe aktualisht ndodhen në trajtim mjekësor.
Në oborrin e shkollës është arrestuar nxënësi i kësaj shkolle, K. K. 14-vjeçar, i cili ka plagosur edhe gjashtë nxënës dhe një mësuese.
Shefi i Policisë së Beogradit, Veselin Miliq ka deklaruar se janë duke u bërë hetime për ndriçimin e rastit.
Sipas njohurive, siç ka treguar Miliq, 14-vjeçari veprën penale e kishte planifikuar që një kohë të gjatë.
Josip Broz Tito njihet për prishjen e marrëveshjes së Bujanit, ku ishte paraparë bashkimi i tokave shqiptare të mbetura në ish-Jugosllavi pas çlirimit nga pushtimi nazist dhe për shumë vepra gjenocidiale pas Luftës së Dytë Botërore.
Dhjetëra mijëra shqiptarë u ekzekutuan, duke u zëvendësuar me një diktaturë të rëndë për shqiptarët. U ekzekutuan dhe u burgosën udhëheqësit e Lidhjes së dytë të Prizrenit.
U vranë, u burgosën dhe u masakruan me mijëra shqiptarë gjatë periudhës së diktatorit Tito dhe politikës gjenocidiale serbe për t’i fituar të drejtat tona.
U riaktivizua marrëveshja jugosllavo-turke e pasluftës së dytë botërore, ku më shumë së gjysma e shqiptarëve në ish-Jugosllavi u detyruan me dhunë të shpërngulen në Turqi, periudhë e cila zgjati nga viti 1938 e vazhdoi në vitin 1953, deri në fund të viteve 70-a.
Paraprakisht ishte një marrëveshje në mes ish-Jugosllavisë dhe Turqisë e njohur si “Konventa jugosllavo-turke e vitit 1938”, e cila parashihte dëbimin e shqiptarëve për në Anadoll.
U ndalua përdorimi i flamurit kombëtar shqiptar nga paslufta e dytë botërore deri më 1968, ku me protesta masive, Tito u detyrua të lejojë përdorimin.
U copëtuan tokat shqiptare në ish-Jugosllavi, ku gjysma e Maqedonisë u krijua nga tokat shqiptare të mbetura jashtë Shqipërisë së sotme londineze, më 1914-të.
Presheva, Medvegja, Bujanovci, Pazari i ri (Novi Pazari) dhe shumë qytete tjera mbetën ndër Serbi.
Qytete të shumta mbetën ndër Mal të Zi. U krijua Kosova e tanishme sipas planeve dhe dëshirave të politikes jugosllave.
Pas Luftës së Dytë Botërore, Tito qeverisi vendin për 35 vjet deri në vdekjen e tij.
Vdiq më 4 maj 1980 në Lubjanë.
Pas vdekjes së diktatorit Tito, shqiptarët në ish-Jugosllavi vazhduan përpjekjet për krijimin e Republikës së Kosovës dhe të drejtave e shqiptarëve në tokat e tyre të mbetur nën republikat e tjera.
Trepça ka fituar betejën e parë të serisë finale të “Play-off”-it. Mitrovicasit mundën Pejën me rezultat 94:86 (24:19, 23:29, 18:21, 29:17), duke kaluar në epërsi prej 1:0, kurse sfida e radhës zhvillohet në Pejë.
Në palestrën “Minatori” në Mitrovicë mbretëroi një atmosferë e zjarrtë nga tifozët e pranishëm aty që e stërmbushën sallën, teksa në parket u zhvilluar një dyluftim i ashpër mes dy ekipeve nga fillimi deri në fund të ndeshjes, raporton KosovaPress.
Ballafaqimi i dytë mes këtyre dy skuadrave do të zhvillohet të dielën, ndërsa kampion shpallet skuadra që arrin tri fitore.
Presidenti ukrainas Volodymyr Zelensky mbërriti në Holandë të mërkurën vonë për një udhëtim të paparalajmëruar më parë.
Ai arriti në aeroportin e Amsterdamit me një aeroplan të qeverisë holandeze që vinte nga Helsinki dhe më pas u drejtua në një autokolonë drejt Hagës nën shoqërimin e policisë.
Ligjvënësit holandezë konfirmuan në Twitter se një takim me presidentin ukrainas ishte planifikuar në Hagë të enjten.
Mediat holandeze raportuan se ai do të takohet gjithashtu me kryeministrin e Holandës, Mark Rutte, dhe do të mbajë një fjalim në Hagë.
Raportohet se është planifikuar gjithashtu një vizitë në Gjykatën Penale Ndërkombëtare.
Gjykata e mbështetur nga OKB-ja ka nisur hetimet për krimet e mundshme të luftës të kryera nga Rusia dhe në mars lëshoi një urdhër arrest ndërkombëtar për presidentin rus, Vladimir Putin.
Vizita e presidentit ukrainas, Zelensky, nuk u njoftua paraprakisht dhe shënon vizitën e parë të liderit ukrainas në Holandë.
Më parë, ai ishte takuar me liderët nordikë në një samit në Finlandë, në të cilin ata premtuan mbështetjen e tyre për liderin ukrainas për aq kohë sa të ishte e nevojshme.
Holanda deri tani i ka ofruar Ukrainës ndihmë ushtarake prej rreth 1.2 miliardë euro duke ndihmuar Ukrainën që të mbrohet kundër pushtimit të plotë të Rusisë.
Rusia nisi pushtimin e Ukrainës në muajin shkurt të vitit të kaluar./REL/
Sot Komisioni Qendror i Zgjedhjeve do të mbajë mbledhje nga ora 10:30.
Në rend të ditës është edhe certifikimi i rezultateve, për zgjedhjet e parakohshme për kuvendin Komunal në Leposaviq.
Kujtojmë se më 23 prill janë mbajtur zgjedhjet për kuvende komunale në Leposaviq dhe Zveçan dhe zgjedhjet për kryetarë të Mitrovicës së Veriut, Leposaviqit, Zubin Potokut e Zveçanit.
