ATV

Blog

  • Në moshën 17 vjeçare e kuptoi se gruaja që e kishte rritur, nuk ishte nëna e saj biologjike

    Në moshën 17 vjeçare e kuptoi se gruaja që e kishte rritur, nuk ishte nëna e saj biologjike

    Në emision STUDIO A në ATV, e ftuar ishte moderatorja Saranda Hoda. Ajo në këtë emision rrëfeu për sfidat që i solli jeta, të cilat u kthyen në forcë për të.

    Saranda tregoi se në moshën 17-vjeçare e kuptoi se gruaja që e kishte rritur, nuk ishte nëna e saj biologjike.

    Ajo ka thënë se edhe sot nuk vazhdon të mbajë kontakte me nënën e saj biologjike, por me familjarët e saj.

    “Jo nuk kam kontakte, po kam kontakte me të afërmit e saj, bile në janar të këtij viti kam qenë në Zvicër dhe jam njoftu me familjarët nga ana e nënës dhe kanë qenë të gjithë mikpritës. Mu duk interesant me i taku njerëzit që deshe apo nuk deshe i ke familje”, rrëfen ajo.

    Bisedën e saj në emisionin STUDIO A në ATV, e gjeni në videon më poshtë:

  • ​Kosova në NATO, Begaj kërkon mbështetjen e Polonisë

    ​Kosova në NATO, Begaj kërkon mbështetjen e Polonisë

    Për herë të parë pas 20 vitesh, një president polak qëndroi për vizitë në Shqipëri. Andrzej Duda u prit me nderimet më të larta shtetërore nga presidenti i Shqipërisë, Bajram Begaj. Ky i fundit, i kërkoi atij mbështetje për anëtarësimin e Kosovës në NATO.

    Gjatë fjalës së tij në konferencën e përbashkët me Duda, kreu i shtetit shqiptar tha se Samiti i ardhshëm i NATO i Vilniusit do të ishte rast i mirë për të mbështetur aspiratat e Kosovës për anëtarësim.

    “Polonia ka qenë ndër vendet e para që e njohu pavarësinë e Kosovës. I kërkova mikut tim Duda ndikimin e tij për një rivlerësim nga autoritetet polake të situatës së përgjithshme gjeopolitike në Evropë dhe në rajonin e Ballkanit Perëndimor, me synim lidhjen sa më shpejt të jetë e mundur të marrëdhënieve diplomatike me Kosovën. Përtej pranisë së lartë ushtarake të Polonisë në kuadër të KFOR në Kosovë, në rrethanat aktuale, ky hap do të ishte i një rëndësie edhe më të madhe gjeopolitike. Kërkova gjithashtu mbështetjen e Polonisë për anëtarësimin e mundshëm të Kosovës në NATO, ku Samiti i ardhshëm i Vilniusit në korrik të këtij viti, është një rast i mirë për të mbështetur aspiratat e Kosovës”, deklaroi Begaj, transmeton KP.

    Në seancën plenare të Parlamentit Evropian dy ditë më parë kancelari gjerman, Olaf Scholz tha se, “është e turpshme që 20 vjet më parë hapëm perspektivën e anëtarësimit të Ballkanit Perëndimor dhe sot nuk e kemi bërë ende”, duke kërkuar hapjen ndaj këtij rajoni.

    Begaj theksoi sot se, deklarata e kancelarit gjerman është lajm shumë i mirë për faktin që pas agresionit rus në Ukrainë, vëmendja e Bashkimit Evropian është e përqendruar në Ballkanin Perëndimor.

    “Kemi disa zhvillime të rëndësishme që lidhen me dhënien e statusit kandidat për Bosnjë Hercegovinën, hapjen e negociatave të Shqipërisë dhe Maqedonisë së Veriut, liberalizimin e vizave me Kosovën, kemi edhe Procesin e Berlinit, i cili këtë vit do të bëhet në Shqipëri, patëm një Samit të BE me Ballkanin Perëndimor në dhjetor të vitit të kaluar. Kjo tregon që Ballkani Perëndimor është në fokus të BE-së. Shpresoj që procesi i zgjerimit të përshpejtohet, të bëhet me ritme të shpejta. Kjo varet edhe nga disa rregulla që ne duhet të punojmë më shumë për t’i realizuar. Për mua deklarata e kancelarit Scholz është e mirëpritur”, tha Begaj.

    Presidenti polak Andrzej Duda tha se kancelari është i ndërgjegjshëm për deklaratat, ndërsa theksoi edhe nevojën që shtetet të mos i bëjnë shantazhe vendeve që synojnë anëtarësimin duke i bllokuar ato.

    “Do të ishte jo mirë nëse çdo shtet anëtar do të përdorte një shantazh të tillë ndaj shteteve që kandidojnë për në anëtarësim në BE, që kanë pretendime të ndryshëm dhe që nuk do të plotësohen kriteret, që do të bllokime lidhur me pranimin në BE mendoj se kjo është në kundërshtim me interesat e të gjithë Unionit dhe gjithmonë e kam cekur se pas daljes së Britanisë nga BE, pranimi i vendeve të tjera është shumë i rëndësishëm, një shenjë që tregon se BE është gjallë, atraktive, tërheqëse dhe që i tregon gjithë botës që BE është një organizëm që vepron pa pushim”, deklaroi Duda.

    Presidenti polak deklaroi se, shpreson që së shpejti Shqipëria do të jetë anëtare e BE-së. Gjatë konferencës së përbashkët për shtyp me presidentin Begaj ai tha se kjo vizitë është një sinjal për t’i gjallëruar marrëdhëniet shqiptaro-polake.

  • “45 vjet së bashku”, njihuni me çiftin shqiptar që gjeti sekretin e një martese të lumtur dhe të shëndetshme

    “45 vjet së bashku”, njihuni me çiftin shqiptar që gjeti sekretin e një martese të lumtur dhe të shëndetshme

    Çifti i moshuar shqiptar, Rexhep dhe Suzana Kejçi, tani pensionistë që të dy, në një bisedë për ATV-në, treguan se falë aktivitetit e vazhdueshëm fizik, bëjnë një jetë të shëndetshme.

    Ata çdo ditë të jetës së tyre, si verë dhe dimri nuk e ndalin aktivitetin fizik.

    “Ne kalojmë shumë mirë, kemi 45 vjet martesë. Kemi dy fëmijë të mrekullueshëm, kemi dy nipa dhe një mbesë të mrekullishëm. Unë tash lëvizë jashtë mase, kam një lëvizje dhe shoh një përmirësim në veten time. Edhe zonjën me vete, por më tepër unë lëvizë se unë eci shpejt”, tregon Rexhepi

    Në anën tjetër, bashkëshortja e tij Suzana, rrëfen se për këto 45 vite martesë, kanë kaluar një jetë shumë të mirë bashkëshortore.

    “Kemi kaluar një jetë shumë të mirë bashkëshortore, kemi dy fëmijë të mrekullishëm, tani ata janë rritur, janë bërë të zotë të vetes, kanë familjarë të dy, vajzën dhe djalin që i kanë familjet e veta, ndërsa ne jetojmë vetëm, sepse djalin e kam në Gjermani. Tani kam 7 vjet që kam dal në pension, dhe zotëria im ka vazhduar shumë aktivitetin, po edhe djali është marrë me sport”, rrëfen ajo. /atvlive.tv

    Bisedën e plotë të çiftit të moshuar për ATV-në e gjeni në videon më poshtë.

  • Cili është dallimi mes Asociacionit të Komunave të Kosovës me Asociacionin që po kërkojnë komunat serbe, sipas Sazan Ibrahimit

    Cili është dallimi mes Asociacionit të Komunave të Kosovës me Asociacionin që po kërkojnë komunat serbe, sipas Sazan Ibrahimit

    Drejtori ekzekutiv i Asociacionit të Komunave të Kosovës, Sazan Ibrahimi, në emisionin DIREKT në ATV, tha se draft-dokumenti i dorëzuar nga grupi punues, i cili ka bartuar logon e Republikës së Kosovës, është shtet në shtet.

    Ai tha se këtij draft-dokumenti i mungonte vetëm edhe armata, ndërsa kishte gjithçka tjetër që e bënë të jetë shtet brenda shteti.

    “Unë e kam shikuar pak atë draft-dokument, ajo është shtet në shtet. Përveç që nuk e kishin paraparë që ta kenë edhe armatën, gjithçka tjetër kishin paraparë në të. Me burime, me financa, me vendimmarrje, njëfarë lloj parlamenti për marrjen e vendimeve për komunitetin serb, dhe kjo vjen si rezultat i Marrëveshjes së Ohrit”, tha Ibrahimi.

    Ai thotë se Asociacioni i Komunave të Kosovës është vetëm një OJQ dhe nuk ka kompetenca e as që mund të ketë, ndërsa Asociacioni i komunave me shumicë Serbe, i kalon edhe kompetencat parapara me Kushtetutën e Republikës së Kosovës.

    “Asociacioni i Komunave të Kosovës është Organizatë Jo Qeveritare, do me thanë një mekanizëm i cili është strukturuar si OJQ nuk ka kompetenca, as nuk mund të ketë. Edhe në kartën evropiane mbi vetëqeverisjen lokale, nuk është i paraparë që një mekanizëm i ashtuquajtur Asociacion të ketë edhe kompetenca ekzekutive. Për habi, në marrëveshjen e Brukselit të vitit 2013 dhe 2015, shkruan ‘Asociacioni, bashkësia e komunave’, e këta e kishin hjekë fjalën Asociacion, por e kishin lënë vetëm bashkësinë e komunave, dmth edhe fjalën Asociacion e kanë mënjanuar përkundër çështjeve të tjera të cilat i kishin futur në atë dokument. Sipas mendimit tim, nuk besoj që një politikan kosovar mund të nënshkruajë një dokument të tillë, i cili kalon edhe kompetencat parapara me Kushtetutën e Republikës së Kosovës”, tha Ibrahimi. /atvlive.tv

    Emisionin e plotë e gjeni në videon më poshtë:

  • Gdhendja në dru dhe mesazhi i figurave

    Gdhendja në dru dhe mesazhi i figurave

    Ëndrra ndaj profesioni për shumë nga ne fillon qysh në vegjëli, atëherë kur edhe nisim hapat e parë, shprehim edhe dëshirat.

    Një të tillë kishe edhe Islam Idrizi. Me pasion sot ai bënë gdhendjen e drurit duke krijuar figura interesante.

    Ai në një bisedë për ATV-në, tregon se mësimet e para i kishte marrë nga babai i tij, i cili në atë kohë kishte bërë gdhendje të drurit për të punuar kryesisht mjete pune.

    “T’u i pa gjithë ato artizanate, sidomos përqendrimi ose më tepër tek prindi, te baba, i cili ndreqke bishta të sëpatave, sepse mjetet me të cilat ka punuar nuk kanë qenë të mira, dhe unë i kam gjithmonë në mendje kur fliste për atë se si duhet marrë formën se si duhet me u gdhend druri e të gjitha këto, kur punoj me skulptura, i kam parasysh të gjitha ato mësime”, rrëfen ai.

    Islami thotë se në ditët e sotme, modernizimi ka marrë me vete të gjitha këto talente, pasi që sipas tij, duke u munduar që të kopjohen të gjitha ato gjëra që i nxjerr sot koha, talentët e artizanateve kanë harruar edhe veten dhe kanë dalë jashtë profesionit të tyre. /atvlive.tv

    Bisedën e plotë me Islam Idrizin e gjeni ën videon më poshtë.

  • Mbrojtja e Nagip Krasniqit e dorëzon në Gjykatën Supreme kërkesën për lirim nga paraburgimi

    Mbrojtja e Nagip Krasniqit e dorëzon në Gjykatën Supreme kërkesën për lirim nga paraburgimi

    Ekipi mbrojtës i Nagip Krasniqit, drejtor i Korporatës Energjetike të Kosovës (KEK), i cili është pezulluar nga kjo detyrë pas dyshimeve për korrupsion, ka dorëzuar në Gjykatën Supreme kërkesën për lirimin e Krasniqit nga masa e paraburgimit.

    Këtë e ka konfirmuar për “Betimi për Drejtësi”, mbrojtësi i Krasniqit, avokati Tomë Gashi.

    “Ankesa është dorëzu në Gjykatë Superme të Kosovës, faktikisht për Gjykatën Supreme ka të bëjë me mbrojtje të ligjshmërisë edhe tu e pas parasysh që Gjykata e Apelit faktikisht i ka heq dy prej rrethanave për të cilat është caktu masa e paraburgimit dhe ka mbetur vetëm një arsye për të cilën nuk i është ndërpre paraburgimi, e që sipas Gjykatës së Apelit kjo është mundësia eventuale e ndikimit te dëshmitarët. Ne besojmë që Prokuroria ka pas mundësi që t’i marrë në pyetje këta dëshmitarë deri më tani sepse faktikisht ka kaluar veçse 20 ditë dhe përveç kësaj dëshmitarët kanë dhënë deklarta edhe në Polici, kështu që ne kemi besim të plotë që Gjykata Supreme do t’ia ndërprejë masën e paraburgimit zotit Nagip Krasniqit”, tha avokati Gashi.

    Tutje, avokati Gashi tha se caktimi i masës së paraburgimit duhet të ndërpritet dhe është e caktuar pa kurrfarë baze juridike dhe se e njëjta mund të zëvendësohet me një masë më të butë nga Supremja.

    “Masa, përveç që duhet m’u ndërpre sepse s’ka kurrfarë baze juridike, për një masë kaq drastike zoti Krasniqi është marrë në pyetje edhe më herët për këtë rast dhe disa rrethana tregojnë që ai as që a pas arsye e as që ka dashtë, as që duhet me ndiku në dëshmitarë, dëshmitë e dëshmitarëve janë faktikisht të dhëna dhe me siguri që nëse Gjykata Superme mendon ndryshe atëhere mund t’ia zëvëndësojë masën me një masë tjetër, e që mund të jetë për shembull mos m’i kontaku dëshmtiarët në çfarëdo rrethane, gjë që përdorë edhe në të tilla raste dhe jo me këtë masë më të rëndë penale”, theksoi Gashi.

    Gjithashtu, ai tha se po presin si ekip mbrojtës i Krasniqit, që Supremja të vendosë sa më shpejtë lidhur me këtë kërkesë.

    “Duhet me prit që sa më shpejtë që është e mundshme Gjykata Supreme me ia ndërpre masën e paraburgimit sepse kjo masë është krejtësisht e pakuptimt, e paligjshme dhe krejtësisht e panevojshme”, tha në fund avokati Gashi.

  • Ish-kazerma që sot është kthyer në një vend atraktiv

    Ish-kazerma që sot është kthyer në një vend atraktiv

    Një prej restoranteve në periferi të Tiranës ka vendosur që prej mjeteve luftarake në kohën e komunizmit në Shqipëri, ta shndërrojë në një atraktivitet turistik për vizitorët.

    Bëhet fjalë për kazermën e Cerenit, e cila tani është një resort agroturistik i ngritur mbi një repart të braktisur ushtarak në zonën e Surrelit në Tiranë.

    Ekipi i ATV-së ishte në këtë vend turistik për të bërë një reportazh, të cilin mund ta shikoni në videon më poshtë.

  • Edoni, një histori suksesi në Gjermani

    Edoni, një histori suksesi në Gjermani

    Edon Murtezi, ka shkuar në Gjermani në moshën 12-vjeçare. Ai tani është një storie suksesi pasi ka përfunduar shkollimin, ndërsa tani udhëheqë një kompani në fushën e sigurimeve në Bayern.

    Në një lidhje të drejtpërdrejt në emisionin ALARM në ATV, ai tregoi foli për rrugëtimin e tij, që nga koha kur kishte shkuar në Gjermani me familje e deri të sukseset të cilat po i shijon ditët e sotme atje.

    Edoni tregon se në Gjermani kishin shkuar në kohën e luftës, pasi ishin depërtuar në Maqedoni.

    “Ka filluar krejt prej luftës në Kosovë. Kam përjetuar luftën si shumica e shqiptarëve në Kosovë, në fund të vitit 1999, kemi kalu përmes Maqedonisë këtu në Gjermani dhe prej atëherë kemi jetu këtu, e kemi kry shkollën, jemi mundu me aq sa kemi mundur me arrite”, tregon ai.

    Edoni thotë se në katër vitet e para në Gjermani u përballën me shumë vështirësi, ku nuk kishin të drejtë punësimi apo edhe udhëtimi për në vendlindje, ndërsa pas kësaj periudhe, iu ishin hapur mundësitë dhe kishte kryer shkollimin për kontabilitet fillimisht, ndërsa më vonë ka bërë specializim edhe në sigurime.

    “Shkollën e kam kryer për kontabilitet, kam udhëheqë një dyqan ushqimore, por pasi erdhën në jetë tre fëmijët e mi të parë, atëherë vendosja me e marrë një drejtim tjetër, kam pasur mbështetjen edhe të familjes, kështu që i hyra prapë shkollës dhe mbarova specializimin për sigurime, investime dhe financa”, tregon ai.

    Ai tani jeton në Gjermani me familje, ku është i martuar dhe ka katër fëmijë. Pavarësisht këtij suksesi, Edoni është shumë i lidhur me vendlindjen dhe ka plane që një ditë edhe të kthehet në Kosovë. /atvlive.tv

  • Ministrat e Financave të G7-ës zotohen për mbështetje për Ukrainën

    Ministrat e Financave të G7-ës zotohen për mbështetje për Ukrainën

    Udhëheqësit financiarë të Grupit të Shtatë ekonomive të përparuara (G7) po diskutojnë mënyrat për të mbështetur Ukrainën dhe për t’i bërë presion Rusisë për t’i dhënë fund luftës, teksa u mblodhën për një samit në Japoni të enjten.

    Ministri i Financave i Ukrainës, Serhiy Marchenko, ishte pjesëmarrës në këtë takim përmes një video-lidhjeje në sesionin e parë të bisedimeve të G7-ës në qytetin bregdetar Niigata.

    Sekretarja e Thesarit e SHBA-së, Janet Yellen tha se vendet e G7-ës “do të qëndrojnë me Ukrainën për aq kohë sa duhet” për t’i dhënë fund luftës.

    Udhëheqësit do të shqyrtojnë mënyra për të parandaluar Rusinë dhe vendet e tjera që të anashkalojnë sanksionet kundër Moskës për pushtimin e saj, u tha gazetarëve ministri japonez i financave Shunichi Suzuki.

    Lufta dhe pasojat e saj në ekonominë globale, krizat e borxhit në vendet në zhvillim dhe ngërçi në Uashington mbi borxhin kombëtar janë në krye të agjendës së tre ditëve të bisedimeve nga ministrat e Financave dhe guvernatorët e bankave qendrore të vendeve të G7-ës.

    Një gamë e gjerë temash, që nga ndryshmet klimatike e deri te lehtësimi i borxhit, pritet të shqyrtohen në këtë takim.

    Duke folur përpara se të fillonin takimet me dyer të mbyllura, Yellen tha se një nga prioritetet e saj ishte të theksonte rëndësinë e zgjidhjes së krizës.

    Presidenti i SHBA Joe Biden tha të mërkurën se ai dhe udhëheqësit e Kongresit patën një takim “produktiv” të martën në përpjekje për të rritur kufirin e borxhit të vendit. Biden tha se është “absolutisht i sigurt” se vendi mund të shmangte një falimentim. Yellen tha gjithashtu se ka “shumë shpresë” se problemi mund të zgjidhet me kohë.

    Yellen gjatë këtij samiti do të përpiqet të qetësojë homologët e saj për dështimet e fundit të bankave në SHBA që kanë ngritur shqetësimet mbi rreziqet për sistemin financiar global.

    Ajo tha se investimet “historike” të Biden në modernizimin e infrastrukturës amerikane ishin një hap drejt përmirësimit të qëndrueshmërisë së një ekonomie, e cila u luhat shumë gjatë pandemisë së COVID-19.

    Edhe ekonomitë e tjera të G7-ës po luftojnë me inflacion, duke i detyruar bankat e tyre qendrore të rrisin normat e interesit.

    Udhëheqësit financiarë të G7-ës u takuan vetëm një muaj më parë, në Uashington gjatë takimit vjetor të Bankës Botërore dhe Fondit Monetar Ndërkombëtar (FMN). Atje, ata përsëritën angazhimin e tyre për të ndihmuar ekonomitë të përballen me ndikimin e luftës në Ukrainë, për të ndihmuar vendet me borxhe të mëdha të zgjidhin cenueshmërinë e tyre financiare, të forcojnë sistemet globale shëndetësore dhe të ndihmojnë në trajtimin e ndryshimeve klimatike.

    G7 përbëhet nga Kanadaja, Franca, Gjermania, Italia, Japonia, Mbretëria e Bashkuar dhe Shtetet e Bashkuara. Të ftuar të tjerë në takimet në Niigata përfshijnë Bashkimin Evropian, FMN-n dhe Bankën Botërore, si dhe ministrat e financave të Brazilit, Indisë, Indonezisë, Koresë së Jugut dhe Singaporit./REL/

  • Nënshkruhet marrëveshja për ndërtimin e pesë shkollave të reja në Prishtinë

    Nënshkruhet marrëveshja për ndërtimin e pesë shkollave të reja në Prishtinë

    Është nënshkruar marrëveshja për ndërtimin e pesë shkollave të reja në kryeqytet, ka njoftuar drejtoresha e Arsimit në Prishtinë, Besianë Musmurati.

    Ajo ka bërë të ditur se shkollat e reja do të ndërtohen në lagjet, “Arbëria”, “Mati 1”, “Kalabria”, “Qendër” dhe “Veternik”.

    “Modelin e partneritetit publiko-privat të filluar më herët për ndërtimin e shkollave, po e zgjerojmë edhe për 5 shkolla të reja. Nënshkruam marrëveshjen e re me IFC, dhe shkollat e reja do të jenë model sa i përket cilësisë dhe standardeve të ndërtimit”, ka shkruar Musmurati në Facebook.